Recep Tayyip Erdoğan ,Rusia dhe Serbia !!!

Marrëdhëniet mes Turqisë dhe Rusisë vijojnë të jenë të tensionuara për shkak të rrëzimit të avionit luftarak rus nga forcat turke. Presidenti rus Vladimir Putin dhe ai turk Rexhep Taip Erdogan edhe të enjten shkëmbyen deklarata në distancë.

Presidenti Putin ka kërkuar që Ankaraja zyrtare të kërkojë falje për rrëzimin e avionit luftarak rus “Su­24”. Sipas Putin, duket se Turqia kërkon t’i çojë marrëdhëniet mes dy vendeve në një pikë të vdekur. Presidenti rus theksoi sërish se e konsideron rrëzimin e avionit një thikë pas shpine nga një shtet të cilin Moska e konsideronte aleat në luftën ndaj terrorizmit.

“Deri tani nuk kemi dëgjuar të kërkohet falje, dhe as të propozohet dëmshpërblimi apo ndëshkimi i përgjegjësve” tha zoti Putin.


Nga ana e tij, presidenti turk Erdogan iu përgjigj deklaratave të Putin, duke theksuar se rrëzimi i avionit ishte një reagim automatik, ndaj dhunimit të hapësirës ajrore të shtetit. Presidenti turk tha se ndihet i trishtuar kur sheh reagimin e Rusisë dhe siguroi se impenjimi i Turqisë në luftën ndaj ISIS është i padiskutueshëm. Presidenti Erdogan siguroi se Ankaraja ble gaz dhe naftë vetëm nga burime të njohura, dhe sipas tij, Rusia duhet të tregojë provat, kur thotë se Turqia financon grupet e xhihadistëve.

Presidenti i Turqisë, Recep Tayyip Erdoğan dhe homologu i tij rus, Vladimir Putin,  një vit më parë kanë biseduar për herë të parë me telefon qëkur Turqia rrëzoi një avion rus, në fund të vitit të kaluar. Edhe Kremlini, edhe zyra e Erdoganit kanë thënë se dy presidentët kanë rënë dakord që të rifillojnë bashkëpunim dhe janë shprehur të gatshëm për t’u takuar. Zyra e presidentit turk po ashtu ka thënë se Erdogan dhe Putin janë zotuar se do të luftojnë kundër terrorizmit. Në nëntor të vitit 2015, forcat turke kanë rrëzuar një avion rus, i cili fluturonte përgjatë kufirit Turqi-Siri. Piloti rus ka humbur jetën. Biseda midis Putin dhe Erdoganit është realizuar pasi Erdogan, këtë javë, ka shprehur keqardhje për incidentin.

Pasi shprehu keqardhje për rrëzimin e avionit rus, duke treguar kështu se ishte ai që po tërhiqej në sherrin me Moskën, Rexhep Tajip Erdgoan përcolli bindjen se Ankaraja do t’i normalizojë shumë shpejt marrëdhëniet me Rusinë. “Pas pajtimit me letrën që i dërgova Rusisë për t’i dhënë një tjetër dimension marrëdhënieve tona, besoj se gjërat do të ecin në drejtimin e duhur. Në letër, shpreha keqardhje për incidentin e njëkohësisht risolla në vëmendje mundësitë e mëdha të bashkëpunimit që mund të kemi ne rajonin e Lindjes së Mesme. Besoj se marrëdhëniet dypalëshe do t’i rikthehen me shpejtësi normalitetit duke i dhënë fund kështu një situate ekzistuese, që nuk është në interesin e asnjërës palë”, u shpreh Erdogan. Ishte zëdhënësi i shefit të Kremlinit, Dmitry Peskov ai që pohoi për gazetarët në Moskë, se kreu i shtetit turk kishte shprehur keqardhje për incidentin e muajit nëntor e i kishte përcjellë ngushëllimet më të thella familjes se pilotit të vdekur rus.


Presidenti rus Vladimir Putin theksoi vullnetin rus për të rikthyer dialogun dhe marrëdhëniet dypalëshe duke pritur të martën në Shën Petërburg homologun e tij turk Rexhep Taip Erdogan, pas nëntë muajsh krizë diplomatike. “Vizita juaj, që zhvillohet pavarësisht situatës politike të brendshme shumë të komplikuar në Turqi, tregon se ne të gjithë kërkojmë të rivendosim dialog dhe marrëdhënie, në interes të popujve rus dhe turk”, deklaroi Putin, pas një shtrëngimit të duarve mes dy krerëve.
Marrëdhëniet mes Moskës dhe Ankarasë ishin përkeqësuar ndjeshëm pas shkatërrimit në nëntor të një bombarduesi rus nga dy avionë turq mbi kufirin turko-sirian.

Rusia është e gatshme të bashkëpunojë me Evropën” keshtu deklaroi presidenti rus Vladimir Putin, i cili duket se po kërkon të përmirësojë marrëdhëniet diplomatike mes Kremlinit dhe shteteve të kontinentit të vjetër, të cilat pësuan krisje pas konfliktit të Ukrainës. Sipas mendimit tim, interesi i shteteve të Evropës është të kenë bashkëpunim politik dhe ekonomik me Rusinë. Ne jemi të gatshëm të bashkëpunojmë. Nuk presim që shtetet evropiane të ndryshojnë kursin e tyre euro-atlantik. Megjithatë, mendoj se duhet të jenë më të pavarura në vendim-marrje, dhe jo të veprojnë vetëm në bazë të urdhrave që vijnë nga përtej oqeanit, tha ai”.Putin theksoi qëndrimin e tij persa i përket krizës së Sirisë, duke thënë se bashkëpunimi me presidentin Assad është mjaft produktiv. Kreu i Kremlinit bëri thirrje për më shumë bashkëpunim në luftën kundër-terrorizmit, duke u shprehur se ekstremizmi është armik i përbashkë.

Kush është  Recep Tayyip Erdoğan ? 

 Recep Tayyip Erdoğan  është lindur më 26 shkurt 1954 në Stamboll është politikan turk, kryetari i Partisë së Drejtësisë dhe Zhvillimit dhe presidenti i Turqisë.

Erdoani ishte futbollist gjysmë-profesionist dhe ka luajtur për Klubin Sportiv “Kasımpaşa”, në vitet 1969–1982.

Pas Grushtetit më 12 Shtator 1981, Erdogani u bë pjesë e Partisë Refah.
Në vitin 1994 Erdogani ishte kandidat për Kryetar Komune të Stambollit, ku në këto zgjedhje, u zgjodh Kryetar Komune të Stambollit.

Gjatë kohës së qeverisjes së tij si Kryetar Komune të Stambollit, ai luftoi për asgjësimin e kontrabandave në Stamboll.

Në vitin 1998, ai u shkarkua nga detyra dhe u dënua me 10 muaj burgim, pasi ai recitoi një poemë fetare në Sirt.

Duke braktisur politikën e hapur islame, Erdogani në vitin 2001 themeloi Partinë e Drejtësisë dhe Zhvillimit, me të cilën arriti që në zgjedhjet e përgjithshme të mbajtura pothuajse pas një viti, të fitoj afro dy të tretat e vendeve në parlamentin turk.

Ndërsa gjatë viteve 2003 -2014 ka shërbyer si kryeministër i Turqisë.

Me të ardhur në pushtet, Erdogan ka shprehur haptas Politikën e Turqisë për Bashkimin Evropian. Ka nënshkruar disa marrëveshje me Bashkimin Evropian, dhe ka bëre ndryshime ligjore në favor të bashkëjetesës sociale dhe kulturave. Insistimet e Turqisë për të anëtarësuar në BE, bëri një përshtypje të re që Turqia u orientua kah Perëndimi.

Marrëdhëniet e Qeverisë së Erdoganit me Izraelin ishin të tensionuara, mbasi Izraeli vazhdonte një politikë kundër Palestinezëve. Në Panelin e Davosit të mbajtur në vitin 2009, Shimon Peres, President i Izraelit duke u drejtuar Erdoganit tha “Çfarë do të bënit ju, në qoftë se çdo natë ne Stamboll do të bëhej sulm me raketa”.

Presidenti turk Erdogan viziton Serbinë me një delegacion të madh investitorësh. Ai troket në një portë të hapur. Ankaraja do të zgjerojë influencën politike në korridorin e pasëm të BE-së, Ballkan.

Xhaketa blu të errët dhe me kuadrate, duket se kjo veshje u solli fat dy burrave të fuqishëm të shtetit në prill. Me këtë veshje Aleksandar Vuçiç mori votën në zgjedhjet presidenciale në Serbi, të cilat në fakt ai i fitoi qysh në raundin e parë. Me të njëjtën veshje u shfaq edhe homologu i tij Taip Erdogan në qendrën e votimit, kur ia doli të aplikojë sistemin presidencial përmes referendumit. Është një copë simbolike e veshjes, që i bën dy të fuqishmit të duken modernë. Komuniteti serb i Twitter-it madje ka gjetur edhe një nofkë për këtë: xhaketa e diktatorëve.

Por Erdoganin dhe Vuçiçin i bashkon më shumë se sa vetëm stili. Ndonëse për shkak të madhësisë së vendeve të tyre ata luajnë në kategori të ndryshme, që të dy preferojnë pushtetin absolut si dhe nënçmimin e opozitës dhe të medieve kritike. Ata preferojnë të inskenohen si shpëtimtarë, që pa u lodhur punojnë për popullin për vende pune dhe zhvillim.

Pikërisht kjo synohet edhe të martën, kur Erdogan i shoqëruar nga delegacioni i tij me investitorë i përbërë nga 150 bosë të ekonomisë viziton Beogradin. Nuk është e pazakontë për Erdoganin të udhëtojë i shoqëruar nga delegacion investitorësh. Por për qeverinë serbe ky është një event, me të cilin ajo synon të fitojë pikë në popull. Mesazhi është: paratë po vijnë me thasë.

…e të gjithë janë të kënaqur

Arsyeja ekonomike e qeverisë turke harmonizohet lehtë me atë serbe, thonë ekonomistët. Fjala magjike në Ankara është eksport. Vetëm nëse rritet edhe më tej eksporti, mund të arrihet rritja e premtuar çdo vit me 5,5 përqind. Ballkani Perëndimor ofron mjaft forca të lira pune për investitorët turq si dhe lehtësi për aksesin në tregun e BE-së. “Praktikisht tani procesi i bisedimeve të anëtarësimit BE-Turqi është i vdekur. Ndaj është një avantazh deçiziv, nëse ndërmarrjet turke prodhojnë në vende, që janë më pranë BE-së e madje edhe brenda unionit”, mendon ekonomisti nga Stambolli dhe analisti politik Atilla Yeşilada.

Vuçiç në të kundërt i var shpresat tek paratë dhe vendet e reja të punës – ai është madje i gatshëm për këtë, që t’u paguajë investitorëve rreth 10.000 Euro subvencion për çdo vend pune. Sundimtari i vetëm serb vazhdimisht deklaron, se do të jetë numri 1 europian për zhvillimin ekonomik. Por deri tani shifrat janë asgjësuese për të. Në tre vitet e fundit me një rritje 1,6 përqind vendi ishte i fundit në rajon (Mali i Zi me 7,7%, Kosova me 9,1% dhe Maqedonia me 10,2%). Paga mesatare me më pak se 400€ në muaj është ndër më të ulëtat në Europë.

Megjithatë paratë turke kryesisht do të derdhen në të ashtuquajturën industri me vlerë të pakët shtesë, pra atje ku ka nevojë më shumë për forca të thjeshta pune e jo për inovacion, thotë Yeşilada. Qysh tani më shumë se 1.000 punëtorë në Serbi prodhojnë pantallona Jeans të lira për firmat turke, dhe sipas qeverisë serbe kjo shifër do të rritet në 3.000. Përveç kësaj në opinionin serb përfliten edhe interesat turke ndaj industrisë së drurit dhe të qumështit. Kjo do të ishte me avantazh për të dyja palët: “Në të tilla degë në vendet e Ballkanit mund të arrihet menjëherë hopi ekonomik dhe njëkohësisht kjo shërben si bazë për ekonominë turke të eksportit”, thotë Yeşilada për DW.

Ëndrra neo-osmane

“Invazioni i biznesit: turqit sërish pushtojnë Serbinë”, kështu e titullonte gazeta bulevardeske Blic vitin e kaluar një artikull të saj duke aluduar për sundimin pesëqindvjeçar të Perandorisë Osmane në Serbi. Por kjo hiperbolë kuptohet që aktualisht kishte konotacion pozitiv. Biljana Stepanoviç do të preferonte të ishte më realiste, sepse deri tani investimet turke në rajon kanë qenë të moderuara, thotë kryeredaktorja e revistës ekonomike të Beogradit “Nova ekonomija”.

Eksporti drejt gjashtë vendeve të Ballkanit Perëndimor, që ndodhen në sallonin e pritjes të BE-së për anëtarësim (Serbia, Shqipëria, Bosnjë-Hercegovina, Kosova, Maqedonia, Mali i Zi) me gjithsej 20 milionë banorë, ka një volum vjetor nën dy miliardë Dollarë amerikanë. Më shumë produkte prodhuesit turq i shesin në Azerbajxhan apo Izrael, të dy vende këto me më pak se 10 milionë banorë. Ndaj thekson Stepanoviç, duhet pritur një herë, të shihet, se sa seriozisht e kanë turqit.

Shumë vëzhgues megjithatë hamendësojnë, se Turqia nuk synon vetëm ekonominë në Ballkan. Qysh tani, kryesisht në vendet me shumicë myslimane si në Bosnje-Hercegovinë apo Shqipëri financohen xhami, shkolla e organizata humanitare. “Ne kemi të bëjmë edhe me neo-osmanizmin. Turqit jetojnë me iluzionin, se ish-kolonitë po i presin ata me krahë hapur”, thotë Atilla Yeşilada. Në fakt, nuk është kështu, megjithatë turqit kanë arsye të forta që të jenë të interesuar edhe politikisht për këtë rajon. Nga njëra anë duhet stabilitet në këtë pjesë të fqinjësisë, nga ana tjetër edhe pse “qeveria e AKP-së beson – gjë që për mua është gabim – se për një periudhë afatmesme BE-ja do të jetë më shumë rivale se sa partnere”, thotë Atilla Yeşilada.




Flori Bruqi

Edvin Kristaq Rama shton truprojet për Romana Vlahutin. Kush po e kërcënon ambasadoren?

Me anë të një vendimi të mbajtur “sekret” për opinionin publik, qeveria shqiptare ka miratuar së fundmi një shtim të numrit të punonjësve të Gardës së Republikës të ngarkuar për ruajtjen e sigurisë fizike të ambasadores së BE-së, Romana Vlahutin.

“BalkanWeb” ka mundur të sigurojë ekskluzivisht vendimin e qeverisë në bazë të të cilit mësohet se “qëllimi i këtij projektvendimi bëhet në kuadër të marrjes së masave të shërbimit për ruajtjen dhe mbrojtjen e Ambasadorit të Bashkimit Europian në Shqipëri dhe rezidencës së Tij, ku kërkohet domosdoshmërisht ndryshim në menaxhimin e forcave, ndryshim në mënyrën dhe planifikimin e kryerjes së shërbimeve, si dhe shtesë në limitin e përgjithshëm të punonjësve të Gardës së Republikës me 10 punonjës, përkatësisht 2 punonjës niveli i mesëm, oficer dhe 8 punonjës niveli ulët, nënoficer”, – thuhet në relacionin e projektligjit.

Pavarësisht shpjegimit zyrtar që qeveria i bën vendimit, është ende e paqartë se pse ai është miratuar pikërisht tani.

Pikëpyetje ka gjithashtu edhe për arsyen e një shtese kaq të madh të numrit të punonjësve të Gardës të ngarkuar për ruajtjen fizike të ambasadores së BE-së.

Ja kush është Romana Vlahutin, të dhënat dhe eksperienca e diplomates kroate

Një vjetë më parë që politika gumëzhinte për çështjen e ministrit Saimir Tahiri, seç ka një tërheqje të faktorit ndërkombëtar.

Asnjë nga trupi diplomatik i akredituar në vendin tonë nuk po thotë asgjë. Ambasadori Lu dhe ambasadorja Vlahutin, të cilët nuk kanë ngurruar të flasin edhe me emra konkretë, nuk kanë thënë asgjë.

Ndërkohë, zonja Vlahutin ka bërë një gjë shumë më të mirë këto ditë, sesa të përfshihej në rrëmujën tonë politike. Sipas fotove që na sjell paparaci, ajo ka shpenzuar disa orë me familjen e saj në një qendër komerciale. Kjo është mbase hera e parë që ne shohim ambasadoren me një veshje sportive, e cila për hir të së vërtetës i shkon shumë.

Gjithashtu, kjo është hera e parë që ne njohim vajzën dhe bashkëshortin e saj. Për vetë natyrën problematike, me të cilën shoqërohen ngjarjet në Shqipëri, të huajt që ngarkohen me punë këtu, na bëhen shumë shpejt si persona me të cilët jetojmë prej kohësh dhe ndajmë përditshmërinë.

Ata shpesh duken si zgjatime të institucion-eve tona, por shpesh edhe si imponuese të vullnetit të Perëndimit. Prandaj dhe janë shumë të rëndësishëm për ne dhe i shohim si një dritë shprese sa herë hapin gojën.

****

Agjencioni Floripress

2016-08-07

Ja kush është Romana Vlahutin, të dhënat dhe eksperienca e diplomates kroate

Romana Vlahutin, e cila pritet që së shpejti të zyrtarizohet si ambasadorja më e re e Bashkimit Evropian në Tiranë, duke zëvendësuar kështu Ettore Sequin, ka një eksperiencë të gjerë në fushën e politikës rajonale dhe evropiane.

Romana Vlahutin ka mbaruar studimet dhe ka marrë diplomën “Bachelor” në Fakultetin e Shkencave Humane dhe Sociale në Universitetin e Zagrebit, ndërsa studimet Master në Shkollën e Qeverisë “J.F.Kennedy” në Universitetitn e Harvardit në SHBA, ku është specializuar në fushën e menaxhimit të konfliktit dhe të sigurisë kombëtare.

Pas mbarimit të studimeve në fillimet e saj ka punuar si gazetare dhe redaktore në Radion 101, ndërsa në vitet 1991-1992 ka punuar si gazetare për mediat ndërkombëtare BBC e CNN në zyrën e yrën e Gazetarëve të Jashtme të Ministrisë së Informacionit në Kroaci.

Më pas ajo ka marrë pjesë në punët e Komisionit Bassiouni të OKB-së, ndërsa në vitet 1994-1997 ka qenë analiste në Ekipin e Strategjisë të Tribunalit Penal Ndërkombëtar për ish-Jugosllavinë si dhe studiuese në Këshillin për Marrëdhëniet me Jashtë, në zyrën e Washington.

Vlahutin ka punuar në një studim mbi zgjerimin e NATO-s në Evropën Juglindore në Institutin RAND. Nga viti 2000 e tutje, ajo ka shërbyer në Ministrinë e Punëve të Jashtme të Kroacisë si diplomate në Departamentin Politik të ambasadës kroate në Uashington, shefe e Politikës, Analizës dhe Planifikimit në Ministrinë e Punëve të Jashtme, si dhe shefe e Departamentit Politik dhe zëvendësambasadore kroate në Beograd.

Nga viti 2006-2007 ajo ka qenë drejtor e politikës së misionit të OSBE-së në Kosovë. Ajo ka shkruar një numër esesh dhe letrave në kulturën dhe artin, si dhe dokumente të ekspertëve mbi marrëdhëniet ndërkombëtare.

Po ashtu ajo mori pjesë në mënyrë aktive në dhjetëra konferenca ndërkombëtare marrëdhënieve organizuar nga institutet e mëdha dhe grupe ekspertësh. Ajo është lektore në një numër programesh të lidershipit politik në shkollat për politikanët e rinj. Aktualisht ajo është Këshilltare e Punëve të Jashtme e Presidentit të Kroacisë.

Gafa e Mogherinit. Romana Vlahutin del zbuluar në krah të Edi Ramës

Vendimi i fundit i ish Komisionerit për Zgjerimin, Stefan Fyle përpara se të largohej nga zyra e tij në Bruksel, ka qenë plotësimi i dëshirës së kryeministrit shqiptar Edi Rama për një emërim të fundit. Sipas zërave, kërkesa e Edi Ramës ishte që Fyle të emëronte si ambasadore të BE-së në Tiranë, një diplomate kroate të quajtur Romana Vlahutin. Siç e konfirmon edhe historia, Fyle ia plotësoi kërkesën Ramës dhe sot flokëkuqja kroate është ura kryesore lidhëse diplomatike në Tiranë mes Shqipërisë dhe Brukselit.

Në rastin më të mirë, analiza e angazhimit të saj si diplomate në Tiranë e nxjerr aktivitetin e Romana Vlahutin si anemik, ndërsa në rastin më keq dhe ashtu siç është në të vërtetë, ajo rezulton të jetë e para diplomate ngushtësisht e lidhur me interesa e një njeriu. Nuk është çështja se Romana Vlahutin qëndron në krahun e kryeministrit dhe kritikon rolin e opozits, problem është se ambasadroja e BE-së në Tiranë zbaton urdhërat e Edi Ramës për t’iu kundërvënë opozitës.

Në këtë rast “viktimat” janë shumë ndërsa i fituari është vetëm një njeri dhe intersi i tij personal politik.

“Drafti legjislativ që është aktualisht përpara Parlamentit reflekton rekomandimet e Komisionit të Venecias dhe është në përputhje të plotë me standardet europiane. Është thelbësore gjithashtu, që ky draft të miratohet nga një shumicë prej 2/3­tash të parlamentarëve shqiptarë”, ka deklaruar sot shefja e diplomacisë europiane Federica Mogherini. Në pamje të parë kjo duket një deklaratë normale politike që vjen nga Brukseli për ti kërkuar “mistrecëve” të Tiranës së bëjnë Reformën në Drejtësi.

Por në një analizë të vogël të fjalëve dhe termave të përdorur, kjo deklaratë është një gafë politike e shefes së diplomacisë së BE-së në prag të takimit Rama-Basha. Ne duam dhe e besojmë fort se kjo deklaratë e zonjës Mogherini nuk është një paaftësi e saj për të interpretuar drejt dhe për të tejçuar mesazhin politik, por ne besojmë dhe e sigurtë është se znj. Mogherini është e keqinformuar ose që të jemi politikisht korrekt e dezinformuar qëllimisht.

Burimi i këtij keqinformimi nuk është i vështirë të identifikohet!…

Ajo që keq dhe dezinformon shefen politikës së jashtme të BE-së, është e njëjta zonjë e cila ditën e parë që vuri këmbë si ambasadore e BE-së në Tiranë, kritikoi opozitën për qëndrimet e veta ndaj qeverisë.

Burimi i keqinformimit të znj. Mogherini është e njëjta zonjë që para zgjedhjeve lokale të vitit të kaluar i ftonte të rinjtë të lexonin në Google-in për cilësitë e kandidatëve të tyre, duke tentuar të tallej me deklaratat e opozitës që çirrej kundër kandidimit të Elvis Rroshit e Artur Bushit.

Burimi që keqinformon znj Mogherini, është e njëjta zonjë që sipas mediave të majta po të doni akuzohet se: “Në këto rrethana nuk duhet e marrë si e vërtetë hyjnore gjithcka që thotë ose bën një ambasador në Tiranë, ca më tepër ajo çupa nga Kroacia, ardhja e të cilës në Shqipëri është shoqëruar me shtimin e madh të firmave nga Zagrebi që marrin pjesë në tenderat publikë.”

E pra burimi i keqinformimit të znj. Mogherini është e njëjta zonjë e cila një vitë parë parë i sugjeronte mazhorancës që ta miratonte Reformën në Drejtësi me votat e saj dhe pa një marrëveshje me opozitën.

E njëjta zonjtë flokqëkuqe e cila dikur përfundoi edhe në mediat kroate për një “histori rozë”, duket se është autorja e keqinformimit dhe dezinformimit me dashje të shefes së diplomacisë së BE-së Mogherini. Është pikërisht ajo që në urdhërin e rradhës së marrë nga një sms në segmentin Surrel- Pallati 24-katësh (ku ndodhen zyrat e BE-së), rrezikon seriozisht ta shëndrrojë takimin e kërkuar nga Rama me Bashën, në një show.

Edi Rama me kompaninë e tij të drogmeneve dëshiron kokën e Heroit të demokracisë

Ish-kryeministri Sali Berisha ka bërë një deklaratë të fortë mbrëmjen e kësaj të enjte, teksa ishte i ftuar në ABCNews.

I ftuar për të folur për aktualitetin politik, Berisha është ndalur tek një histori që ai ka pasur me ambasadoren e BE-së në vendin tonë, Romana Vlahutin.

Nuk flitet më për ngelje “hatri” mes Berishës dhe Vlahutin, pasi kjo dihet, por as më pas dhe as më shumë sesa kërkesën e kësaj të fundit për të arrestuar ish-kryeministrin.

Berisha është shprehur sa ka qenë ish-kryeprokurori Adriatik Llalla, i cili ka raportuar tek Bujar Nishani, President në atë kohë, se ambasadorja e BE-së i kishte kërkuar arrestimin e tij.

Ish-kryeministri Sali Berisha rrëfeu se kur e ka marrë vesh këtë gjë, nuk e ka pasur, por duket parë sjelljet e ambasadores kohët e fundit, është bindur se ajo mund ta ketë kërkuar një gjë të tillë, transmeton Express.

“Zoti Llalla i ka thënë Presidentit të Republikës, Bujar Nishani se zonja ka ardhur në zyrë dhe ka kërkuar arrestimin e Sali Berishës. Unë në fakt e kisha marrë vesh këtë fillimisht nga ambasadorë të huaj, por as nuk e kisha vlerësuar, as se kisha vu fare. Kur para se t’ia thoshte Adriatiku presidentit Nishani, të paktën një vit më përpara, i thotë njërit se ajo, me fjalë zhvlerësuese për të, por unë nuk e kisha vlerësuar. Tani a e besoj unë atë? 100 përqind“, tha Berisha.

Por, lideri historik i PD-së ka shkuar me tej, duke treguar edhe një ngjarje tjetër me ambasadoren Vlahutin.

Bëhet fjalë për një takim para disa muajsh që ambasadorët e BE në vendin tonë do të zhvillonin tek zyrat e saj, që ndodhen në të njëjtin pallat që ka zyrën edhe ish-kryeministri, Berisha.

Sipas Berishës, ajo u ka kërkuar ambasadorëve që të fiknin telefonat, pasi mund të përgjoheshin nga ai.

“Se kur ke fiksime dhe komplekse, atëherë nuk di të ndalesh. Çfarë ka bërë kjo zonja që e di nga burimet? U thotë një ditë para disa muajsh ambasadorëve të BE-së, hiqini telefonat se këtu nja katër kate më poshtë është Sali Berisha dhe na regjistron. Tani, që një ambasadore të thotë kështu ka dy arsye. Ose është e sëmurë dhe ka obsesione, sëmuret çdo njeri.

Që t’i thotë mendja asaj se Sali Berisha mund të na përgjojë, ajo duhet të ketë një ‘berishofobi’ 10 herë më të madhe se Edi Rama dhe kjo është një gjë e turpshme. Ose pastaj ajo bën një provokacion aq banal, sa ka pasur prej atyre që edhe kanë qeshur.”, -tha Berisha.

Por, lidhur me pretendimin e ish-prokurorit Adriatik Llalla, se ambasadori Donald Lu, në vitin 2017 I ka kërkuar arrestimin e Ilir Metës, kryetar Kuvendi dhe kryetar i LSI-së, në atë kohë, Berisha shprehet skeptik se një gjë e tillë mund të ketë ndodhur.

Ish-komandanti suprem i Organizatës së Traktatit të Atlantikut Verior (NATO), gjenerali i pensionuar amerikan Wesley K. Clark, ka paralajmëruar se Ballkani Perëndimor është para shpërthimit, përsëri.

Nëpërmjet një shkrimi autorial, të publikuar në The Washington Post, Clark ka porositur Shtetet e Bashkuara të Amerikës dhe Bashkimin Evropian që të veprojnë për ta parandaluar një gjë të tillë.

“Kanë kaluar më shumë se dy dekada që kur kam bashkëpunuar me Richard Holbrooke dhe ekipin tonë për të negociuar ndaljen e luftës në Bosnjë. NATO’ja u mobilizua dhe më pas veproi për të ndalur edhe spastrimin etnik nga serbët në Kosovë”, ka shkruar Clark.

“Sot, tri shtete të Ballkanit Perëndimor (Kroacia, Shqipëria dhe Sllovenia) janë bërë anëtarë të NATO’s. Kroacia dhe Sllovenia janë anëtarësuar në Bashkimin Evropian. Kosova tani është shtet i pavarur. Shumica e amerikanëve dhe evropianëve e kanë skajuar në mendje atë konflikt brutal si problem të zgjidhur”, ka theksuar gjenerali i pensionuar.

“Fatkeqësisht, kjo s’është fare e vërtetë. Konfliktet e vazhdueshme politike për natyrën etno-fetare të këtyre vendeve vazhdimisht rrezikojnë të shndërrohen në kriza kombëtare dhe rajonale, duke e bërë rajonin cak kyç për ndërhyrje nga fuqitë e huaja”, ka shkruar ish-komandanti i NATO’s.

“Një përzierje e dëmshme e qeverisjes së keqe, e ngecjes ekonomike dhe e institucioneve të dobëta demokratike e ka lënë një pakicë të vogël, por të rëndësishme, pre të rekrutimit nga xhihadistët e dhunshëm. E gjithë kjo e lë rajonin të hapur për shfrytëzim nga organizatat terroriste, dhe për ndërhyrje nga të huajt, përfshirë Rusinë, Kinën dhe Turqinë”, ka nënvizuar Clark.

“Për më keq, rajoni po vuan nga neglizhenca e demokracive që kanë qenë vendimtare në ndaljen e luftërave në Jugosllavi. Duke besuar se e ardhmja demokratike e Ballkanit është në BE, Shtetet e Bashkuara në masë të madhe ia kanë dorëzuar Brukselit përgjegjësinë për zhvillimin politik, institucional dhe ekonomik të rajonit. Megjithatë, inercia politike brenda BE’së e ka mbajtur Bosnjës, Serbinë, Malin e Zi, Kosovën, Shqipërinë dhe Maqedoninë duke pritur. Dhe, përderisa Shtetet e Bashkuara dhe Evropa po flenë, fuqitë e tjera po veprojnë”, ka paralajmëruar Clark.

“Kremlini po e rrit vazhdimisht ndikimin e tij. Rusët po punojnë për të nxitur ndjenjat anti-BE dhe anti-NATO. Ata po mbështesin grupet ekstremiste (njëri prej të cilëve po hetohet në Bosnjë për aktivitete të dyshuara paramilitare) dhe po shpërndajnë ndihma ushtarake për to. Kremlini gjithashtu u ka hedhur benzinë flakëve të përçarjeve etnike, nëpërmjet fushatave të keqinformimit, që i shtyjnë në konflikt popullatat ortodokse kundër atyre myslimane, duke nxitur qëllimisht tensionet që i ka dhënë shtysë luftërave jugosllave në vitet ’90 të shekullit të kaluar”, ka shkruar gjenerali i pensionuar amerikan.

“Ndërkohë, Turqia dhe shtetet e Gjirit po investojnë shumë në Ballkanin Perëndimor. Turqia është investitori i tretë më i madh në Bosnjë, dhe udhëheqësi i partisë kryesore myslimane të Bosnjës udhëton rregullisht në Stamboll, për t’u fotografuar me presidentin turk, gjithnjë e më autoritar, Recep Tayyip Erdogan”, vazhdon shkrimi i Clarkut.

“Arabia Saudite dhe fqinjët e saj të Gjirit kanë përqendruar kontributet e tyre në mbështetjen e organizatave fetare, duke ndërtuar xhami të reja dhe duke ofruar udhëzime fetare për imamët lokalë. Interpretimi i rreptë Vahabi i islamit, që shpesh është bazë e trajnimit të tillë, ka fare pak lidhje me traditën e moderuar që është praktikuar në Ballkan me shekuj, dhe që konsiderohet faktor për rritjen e fundamentalizmit në rajon”, ka theksuar Clark.

“Rreth 1.000 luftëtarë të huaj (kryesisht nga Kosova dhe Bosnja) kanë luftuar për Shtetin Islamik në Siri dhe në Irak. Ndonëse numri i luftëtarëve të huaj nga Ballkani po vazhdon të bjerë, mjediset në të cilat këta individë janë radikalizuar, dhe dobësia karshi rekrutimit në mesin e segmenteve të popullatës, vazhdon të përbëjë shqetësim. Problemi i riintegrimit të luftëtarëve të huaj, të kthyer në vendet e tyre, përbën një sfidë edhe më të ndërlikuar”, ka vlerësuar ai.

“Edhe Kina gjithashtu po përpiqet të shtrijë ndikimin e saj në rajon. Pekini pritet të ofrojë investimin masiv kapital që nevojitet për të realizuar projekte shumë të nevojshme infrastrukturore në Ballkan. Por, siç kemi parë në Afrikë, investimet e tilla gjithmonë vijnë me diçka në prapavijë”, ka paralajmëruar ai.

“Është e qartë se Shtetet e Bashkuara dhe Evropa duhet të mbeten të angazhuara në Ballkanin Perëndimor – me një theks të veçantë në forcimin e institucioneve demokratike, në mënyrë që qeveritë të mund të adresojnë nevojat e qytetarëve të tyre”, ka shkruar Clark.

“Një zonë e tregtisë së lirë në Ballkanin Perëndimor, e propozuar nga udhëheqësit e rajonit, mund të jetë një hap në drejtimin e duhur.

Por, një iniciativë e tillë nuk duhet të shikohet si zëvendësim i garancive të mundshme që do t’i ofronte NATO’ja dhe BE’ja.

Një udhërrëfyes serioz për anëtarësim në BE do t’i ofronte vendeve të rajonit shtysën e nevojshme për të bërë reforma të nevojshme politike dhe ekonomike, për të rritur bashkëpunimin e tyre, dhe për të adresuar tensionet ndëretnike në rritje”, ka paralajmëruar gjenerali i pensionuar.

“Natyrisht, përpjekjet e tilla duhet të sigurojnë mbështetje popullore për të pasur sukses – një sfidë kjo, në një rajon ku popullata mbetet ndjeshëm e përçarë në qëndrimet karshi institucioneve, siç është NATO’ja”, ka theksuar Clark.

“Megjithatë, sipas një sondazhi të fundit, ndonëse serbët, kroatët dhe myslimanët e Bosnjës janë të përçarë për shumë çështje, ata janë të bashkuar në kundërshtimin e tyre ndaj Shtetit Islamik, dhe në dëshirën e tyre për të adresuar problemet ekonomike.

Anëtarësimi në NATO do të ishte më i lehtë për t’iu shitur serbëve etnikë të rajonit (të cilët priren të jenë pro-rusë dhe anti-NATO), nëse anëtarësimi do të ofrohej si ndihmë në forcimin e stabilitetit rajonal”, ka shkruar ai.

“Ne kemi shumë mjete në dispozicion për të shmangur destabilizimin e afërt të Ballkanit Perëndimor. Le të sigurohemi që të mos e çojmë dëm investimin e jashtëzakonshëm që kemi bërë në këtë rajon të ndjeshëm, dhe të përtërijmë angazhimin tonë për t’i ndihmuar demokracitë e reja që të arrijnë potencialin e tyre të plotë”, përfundon shkrimi i Clarkut.

Ministri i Punëve të jashtme i Serbisë Ivica Daçiq: Ramush Haradinajn s'e njoh, Thaçi është korrekt, me Pacollin s'i të ishim të një nëne

Ministri i Punëve të jashtme i Serbisë Ivica Daçiq, në një intervistë për mediumin serb “blic” ka thënë se gjatë takimeve me ministrin e Jashtëm të Kosovës Behgjet Pacollin flasin sikur të ishin të lindur nga një nënë, ndërsa ka shtuar se shefi i diplomacisë kosovare pas takimeve e akuzon atë se bën diversione ndaj Kosovës.

Ministri i Punëve të jashtme i Serbisë Ivica Daçiq, në një intervistë për mediumin serb “blic” ka thënë se gjatë takimeve me ministrin e Jashtëm të Kosovës Behgjet Pacollin flasin sikur të ishin të lindur nga një nënë, ndërsa ka shtuar se shefi i diplomacisë kosovare pas takimeve e akuzon atë se bën diversione ndaj Kosovës.

Në pyetjen se si duken takimet e tij me Behgjet Pacollin, Daçiq është përgjigjur:

“Sikur të na kishte lindur një nënë. Aq bukur flet kur jemi vetëm unë e ai sa që unë ndihem keq. Porse, sapo të dalë nga takimi, ai ankohet se unë ia prish konceptet. Thotë se ‘sapo bëj diçka unë, Daçiq shkon dhe e tërheq një njohje’. Ai personalisht e kupton këtë. Arsyetohet madje se nuk i shkruan kumtesat me të cilat më sulmon, porse disa shërbime”.

Në pyetjen se a merret vesh më mirë me Hashim Thaçin apo Ramush Haradinajn, Daçiqi u përgjigj: “Haradinajn nuk e njoh. Me Thaçin kam punuar dhe më duhet të them se kemi pasur marrëdhënie korrekte”.

Shefi i diplomacisë duke folur për anëtarësimin e Kosovës në OKB, ka thënë se Serbia nuk të do lejojë dhe e ka “arsyetuar” kështu:

“Fakti se nuk do të lejojmë anëtarësimin e Kosovës në organizatat ndërkombëtare nuk është çështje inati ose komploti. Është çështje parimi. Duam zgjidhje që do ta përfshinte edhe këtë segment. Për karrigen e Kosovës në OKB nuk do të na pyesë askush. E po të pyetemi, kjo do të thotë se ne duhet ta thërrasim Rusinë e Kinën dhe atyre t’iu themi ‘lëreni të hyjë KB’. Ose të gjitha vendet që i kam bindur ta tërheqin njohjen, t’i thërras e t’iu them ‘njiheni sërish Kosovën’. Kjo është joserioze”, ka thënë ai.

Kryediplomati turk i ashpër me Kosovën: Pse hytë në telashe me ne, s'ju lejojmë t'i strehoni gylenistët

Ministri i Punëve të Jashtme i Turqisë, Mevlüt Çavu?o?lu, ka reaguar ndaj deklaratave të zyrtarëve të Kosovës, duke thënë se shteti turk nuk po përzihet në punët e kosovarëve, por vetëm po kërkon dëbimin e gylenistëve.

Ai ka thënë se Kosova duhet të pastrohet nga njerëzit që tentuan të bëjnë grusht shtet në Turqi.

"Shpresoj që Kosova të pastrohet nga këta të pabesë. Vëllezërit tanë kosovarë të gjejnë paqe, por pa marrë parasysh, qoftë në Kosovë qoftë në ndonjë vend tjetër nuk do të lejojmë strehimin e tradhtarëve ndaj nesh. Kjo nuk është përzierje në punët e brendshme të tyre. Kosova nuk duhet të strehojë në vendin e saj tradhtarët që kanë bërë grusht shteti në Turqi. Kjo është ajo që presim nga miku. Shpresojmë se pas kësaj Kosova ndërmerr hapa të përgjegjshëm dhe bën atë që kërkon miqësia dhe vëllazëria". tha minstri i jashtëm turk, raporton AA.

Reagimi i Çavu?o?lu ka ardhur pas akuzave të Kryeministrit Ramush Haradinajt dhe Kryeparlamentarit Kaadri Veseli se Presidenti i Turqisë po përzihet në punët e Kosovës, duke paralajmëruar fundin e Qeverisë aktuale.

Ky zyrtar turk ka përmendur faktin se Turqia ka ndihmuar Kosovën në shtimin e numrit të njohjeve, duke thënë se në secilin takim lobojnë për kosovarët.

"Presidenti ynë kurdo që ka ndonjë shtet që nuk e ka njohur Kosovën, në bisedën e tij me kryeministrin, presidentin e atij vendi ia kujton këtë. Këtë e bëjmë sepse i besojmë kësaj. Marrëdhëniet me Serbinë janë të shkëlqyera. Pika e vetme në të cilën nuk mund të pajtohemi është Kosova. Me Serbinë i zhvilluam marrëdhëniet duke e marrë Kosovën në kllapa. Me Serbinë duam në çdo aspekt të zhvillojmë marrëdhëniet, ashtu edhe me gjithë. Por pse Kosova? Më së shumti ne investojmë. Jemi në vendin e tretë. Ka dy shkaqe; e para FETO. Kanë infiltruar në pikat më të thella të çdo institucioni. Pse i larguan nga detyra disa? Ja njëri prej atyre që erdhi, rrëfeu: Jemi duke i shkolluar fëmijët e atyre, prandaj. I marrin fëmijët e tyre, i marrin fëmijët e elitës. Ato hyjnë në institucionet shtetërore dhe kontrollojnë brenda. Edhe Kirgistanit i bëjnë kështu. Edhe në shtetet tjera. Në Afrikë bëjnë kështu. Gjithashtu edhe shpenzojnë shumë para", ka shtuar ai.

“A jeni miku i dy pabesëve, ose i Turqisë? Ne gjatë historisë kemi qenë mik dhe vëllezër. Edhe pas kësaj do jemi kështu. Duhet të pastrohen pabesët nga vendi jonë dhe nuk duhet të lejojmë që të marrin peng marrëdhëniet tona".

Ai theksoi se reagimet erdhën pas presionit të "mbështetësve të këtyre të pabesëve".

Gjashtë shtetasit turq u dëbuan nga Kosova me një vendim të Ministrisë së Punëve të Brendshme, e cila kishte revokuar lejet e qëndrimit në Kosovë. Revokimi kishte ndodhur pasi AKI në bashkëpunim me inteligjencën turke kishin konstatuar se të njëjtit persona përbëjnë rrezik kombëtar për Shtetin.

Behgjet Pacolli kishte thënë se operacioni ishte udhëhequr nga Shefi i AKI’së derisa informacione s’kishin pasur as Haradinaj, Veseli e Thaçi. Megjithëkëtë, shumëkush ka drejtuar gishtin se operacionin e ka udhëhequr edhe Presidenti.

Sidoqoftë, operacioni për arrestimin dhe dërgimin e turqve në Turqi ishin zhvilluar gjatë ditës së enjte. Ishin deportuar për në shtetin turk me një procedurë të përshpejtuar.
Pas kësaj, Kryeministri Haradinaj ka lëshuar një shkresë me të cilin ka kërkuar lirimin e pozitave shtetërore të Sefajt dhe Gashit.