Blendi Fevziu, Eni Vasili,Alban Lulushi gjatë gjithë emisionit, bëjnë më dhjetra herë vetëm një pyetje: " Çdo të ndodh të dielën?".

Këshilltarja politike e ministrit në Ministrinë e Punëve të Brendshme  të Republikës së Kosovës 

 z.Myzejene Selmani,në facebook shkruan: 

"Unë dua që Shqipëria sot të jetë e qetë për hirë të brezave të tashëm dhe të ardhshëm.Duajeni edhe ju shqiptarë shumë mos tju mallkojnë të rinjët fëmija dhe historia."

Editorial nga Flori Bruqi 

Njëqindvjeçari i fundit  i zuri  shqiptarët në fazën fisnore dhe që një shekull nuk po arrijmë dot të bëhemi komb shtetformues. 

Fiset në vend që të shkrihen në komb, ato po degradojnë në klane apo banda dhe liderët politikë në vend që të jenë prijës të popullit, po kthehen në prijës të klaneve apo bandave! 

Prandaj, si në Shqipëri, si në Kosovë nuk ka gjë më të lehtë se ta shkatërrosh shtetin, sepse në asnjërin vend nuk ka shtet të mirëfilltë. 

Dhe armiqtë më potencialë të shtetit janë liderët politikë me bandat e tyre.

Kështu thotë mes tjerash studiuesi i mirënjohur shqiptar Prof.Dr.Sali Sali Bytyqi nga Prishtina, i cili edhe këtë e thotë shtruar  : "Vëllezërit tanë në atë Shqipëri të cunguar, fizikisht e shpirtërisht, anarkinë e konsiderojnë demokraci dhe sikur janë pajtuar t'ia vënë flakën edhe asaj gjysmë Shqipërie!",shkruan Bytyqi në facebook.

 

Bota virtuale e kryeministrit Edi Rama nuk janë vetëm takimet nëpër lagjet e Tiranës, të kuruara estetikisht në kafene nga Lali Eri. Shqipëria tjetër, ajo e vërteta, është pak larg kryeqytetit, duke përfunsuar në çdo bashki që drejtohet nga përfaqësues të opozitës, PD, LSI dhe PDIU dhe jo vetëm në to, por edhe në qytete ku pushteti lokal drejtohet nga PS.

Janë dy polici që përplasen mes tyre dhe këta të mbështetur nga qytetarë. Të gjithë miq e të gjithë armiq. Bashkitë që drejtohen nga opozita i kanë kërkuar KZAZ-ve që të lirojnë ambientet ku administrohen materialet zgjedhore, pasi nuk e njohin procesin, pas anulimit të datës së zgjedhjeve nga presidenti.

Nga ana tjetër qeveria, e bërë gardh me Policinë e Shtetit hakërrehet ndaj këtij vendimi duke u përlasur fort fizikisht me protestues të opozitës dhe policë bashkiak. Kaosi nisi që mbrëmjen e shkuar në Shkodër, kur protestues të opozitës sulmuan KZAZ-në, duke i vënë flakën edhe dy klasave ku ndodheshin materiale zgjedhore.

Ky është frustrimi i madh popullor që u ndez gjakrat edhe nga qëndrimet indiferente, përbuzëse dhe arrogance të theksuar të qeverisë. Deri më tani kemi dy palë, protestues opozitarë dhe polici të shtetit, më datë 30 qershor 2019 , nëse qeveria nuk tërhiqet nga zgjedhjet do jenë të paktën tre palë.

Votues të Rilindjes, opozitarë që protestojnë dhe punonjës policie. Kjo do jetë katastrofa kur të yshtur nga politika, veçanrisht ajo qeveritare, votuesit e saj mund të shkojnë në kacafytje me fqinjin, me bashkëqytetarin e tij apo me policin e thjesht rrogtar dhe hallemadh, duke u bërë martirë të një pushteti absurd.

Sot kryeministri i sheh këto pamje përlasjesh që po shoqërohen me shumë të lënduar në disa qytetet të vendit, por qëndron indiferent gati në urrejtje, për të mbajtur pushtetin e tij, tashmë të faktuar që e siguroi me vota të vjedhura.

 Nuk i mjaftuan as 16 audiopëgjimet ku shfaqet ai vetë, ish-ministri Gjiknuri, deputetë të PS-së, drejtues lokal të Dibrës që bëjnë haptas llogaritë për blerje vote.

 Shkrimtari ,poeti dhe publicisti i mirënjohur nga Durrësi Akademik Prof.Nikolla Spathari ,thotë se nuk do të ndodhë asgjë me 30 qershor 2019 në Shqipëri:

"ÇDO TË NDODH TË DIELËN!?"

Nuk di a e keni vën re, se në emiosionet televizive, këto ditë, moderatorët Blendi Fevziu, Eni Vasili etj,. gjatë gjithë emisionit, bëjnë më dhjetra herë vetëm një pyetje: 

" Çdo të ndodh të dielën?". Sikur duan me çdo kusht që të ndodh diçka. 

Asgjë nuk do të ndodh. Si njeri nga publicistët më të vjetër, ju lutëm mos i hidhni bënzinë zjarrit me pyetje të tilla Detyra juaj është fisnike e jo nxitëse për përleshje.”,thotë Profesori durrsak Nikolla Spathari.

Astrologu Jorgo Pulla ka bërë parashikimin se si do të jenë zhvillimet politike në vend këtë qershor të nxehtë. Ai thotë se më 27 qershor një ndryshim do të ndodhë tek Rama, ndërsa shprehet optimist për një tryezë dialogu.

“Shqipëria jonë e dashur ka kaluar dete e oqeane, nuk mbytet dot në përrenj. Kryeministri Rama i perket shenjës së gaforres, në 10 ditëshin e dytë të shenjës së gaforres, do të thoni sa është i favorizuar në ndikime. Ndikime ka sa të duash dhe pozicionime të planetëve që i japin mundësi, por ka një zhvillim të brendshëm i padukshëm për momentin dhe kjo do të duket më 27 qershor. Do duket një ndryshim që do të ketë lidhje me çështjet që do të ndodhin lidhur me politikanët tanë. Do jetë një marrëveshje në favor të popullit, të njerëzve, të Shqipërisë. Kombinimet janë perfekte. Kemi dhe problematika, por kur je i vëmendshëm dhe me këmbë në tokë, gjërat duken. Të gjithë politikanët do të ulen në një sofër e do gjendet një zgjidhje.

Nëse flasim për z.Edi Rama dhe z. Lulzim Basha në kombinimin e tyre: Binjakët kanë komunikimin, kurse Rama si gaforre nuk ka kthim pas, vetëm në një gabim që bëjnë dhe e verifikojnë vetë gabimin. Kurse binjaket kanë komunikimin, por kur prishet ky ekuilibër, ndryshon gjithë struktura e tyre, por kjo nuk do të thotë se kanë ndryshuar dhe do të bëhet nami, përkundrazi gjuha e përbashkët është zgjidhja e tyre dhe ky është një favorizim shumë i madh që do të ndodhë tani. Është diçka e tretë, që s’ka lidhje me këto shenja, që do të ndikojë në pozicionimin dhe ndikimin pozitiv të çështjeve që janë hapur tani. Nëse flasim për këtë javë dhe javën tjetër është pak e tensionuar situata, por në data të caktuara ndodhin fenomene të rëndësishme për jetën e qytetarëve tanë të dashur.

Ministri i Brendshëm, Sandër Lleshaj thotë se policia ka informacione që mund të ketë tentativa për të shkaktuar probleme më 30 qershor 2019 , megjithatë ai mohon që vendi rrezikon të shkojë në një përplasje civile. Ai thotë se problemet që mund ketë janë ato të rendit publik.

“Ne nuk jemi të vendosur, ne jemi të detyruar për të shkuar në zgjedhje, ne jemi të detyruar prej Kushtetutës. Kush mund të ishte alternative… Jo. Nuk rrezikon të ketë përplasje civile, sepse nuk ka një konflikt civil në Shqipëri. Probleme mund të ketë më datë 30 Qershor. Probleme të nivelit të rendit publik, probleme të kriminalitetit, por jo probleme të konfliktit civil.

Kemi dhe informacione që mund të ketë tentativa për të shkaktuar probleme në nivelin kriminal të çështjes, por jo në nivelin civil. Do të jenë grupe të caktuara kriminale. Çdo ditë kemi probleme kriminale në Shqipëri, grupe kriminale ose individë që zhvillojnë veprimtari kriminale ka shumë” – tha Lleshaj në një intervistë në “Opinion”.

****

Nga Përmeti, i pari i qeverisë  zt.Edi Rama , i siguroi qytetarët se më 30 qershor 2019 askush nuk do guxojë t’i ndalojë ata të votojnë. 
E sa për ato që  Edi Rama i quajti, skenarë frike, të shpërndara nga opozita se do të ndodhë një tjetër ’97, kryeministri vijoi me batuta. 

Sipas tij nëse katërshja, aty ku ai përmendi emrat e Presidentit Ilir Meta, Kryedemokratit Lulzim Basha, liderit historik të PD-së Sali Berisha dhe kryetares së LSI-së Monika Kryemadhi, nuk do të pinin kafe turke deri më 30 qershor asgjë nuk do të ndodhte.



“Këtë herë nuk ka më karamele për Lulin, pavarësisht se këta thonë do bëhet ’97-ta e dytë, do bëhet qameti… Po pse ça ka ndodhur këtu?

 Ku është populli këtu që ka dalë në rrugë se ju morën paratë? Po këto janë skenarë veç për të mbjellë frikën, ju siguroj që nëse s’ka filxhan deri më 30 qershor 2019  dhe nëse katërshja, Liri, Monika Saliu dhe Luli ndalojnë pirjen e kafes turke deri më 30 qershor, asgjë s’ka për të ndodhur”, shtoi Rama.

Kryeministri tha ndër të tjera se pavarësisht protestave të opozitës, qeveria nuk rrëzohet.

“Protestat të vazhdojnë, mund të kthehen edhe vetë në molotov, por qeverinë nuk e rrëzojnë dot. Mund ta kishin djegur Parlamentin…por Parlamenti nuk janë muret”,- tha ai.

Sipas kryeministrit është e pamundur të imagjinosh të shkosh në burg se iu del në krahë e bën rrëmujë për opozitën.


Kërcënojnë fizikisht popullin e përbetohen se nuk do ta lejojnë popullin të shkojë në zgjedhje. 

Këtë gjë e shohim për herë të parë në historinë e botës, ashtu sikurse për herë të parë pas vitit 1922 në Itali, rishfaqët fenomeni i djegies së mandateve. 

Në vend të ishin zëri i kritikës, ata i dogjën mandatet dhe thanë do bëhemi popull, u futën mes turmave dhe nxitën çakërdisjen mes atyre me budallenjve dhe të sinqertëve, i hodhën t’i binin me kokë murit të ligjit, këta që pranuan të bëhen mish për top mbeten në burg, ai që ishte në krye të tyre doli.

 Doli në gjykatë dhe tha s’kam lidhje me turmën, vajta t’i qetësoja”,- ironizoi më tej Rama ish-deputetin e PD-së, Bardh Spahinë.

Ndër të tjera ai tha: “A shkohet në burg për Monika Kryemadhin? Si mund të shkohet të lësh familjen, të lësh fëmijët se në filxhan i ka dalë asaj që s’do ketë zgjedhje? 

A mund të bëhet burg për Ilir Metën? Për të mbrojtur dekretin antidekret, qesharak dhe skandaloz të Ilir Metës? 

Zgjedhjet nuk janë të mijat, janë tonat, janë të popullit. Nuk i caktova unë, as Meta, por Kushtetuta ia cakton atë detyrë. 


Këta duan të na kthejnë përmbys gjithë sistemin, duan të na bindin që nëse një pakicë nuk i do zgjedhjet ato nuk mund të bëhen”.

****

Në një intervistë për Radion Evropa e Lirë, Lulzim Basha thotë se nuk ka dalje nga kriza politike në Shqipëri “pa u ndëshkuar personat që kanë kapur shtetin me krim të organizuar dhe korrupsion” dhe se ky është kushti i panegociueshëm i opozitës.

“Kriza politike ka tre dimensione, kapjen e gjithë pushteteve në një dorë, ajo që njihet si autokraci. Publikimet më të fundit të Bild dëshmojnë se kemi shkrirjen e krimit partisë në pushtet dhe institucionet në një. Zgjidhja nuk mund të kalojë me marrëveshje dhe thjesht me pazar mes palëve. S’mund të ketë zgjidhje pa drejtësi, pa i dhënë fund pandëshkueshmërisë së politikanëve që bashkë me kriminelë kanë vjedhur zgjedhjet e kanë ngritur një qeveri ilegjitime”,- shprehet Basha.

Basha ripërsëriti se zgjedhje më 30 qershor nuk mund dhe nuk do të ketë me një parti të vetme dhe se ftesa e kryeministrit Edi Rama për dialog të brendshëm politik është vetëm “hedhje hi syve” të qytetarëve.

“Vendimi ynë pa dyshim i paprecedentë, u zbulua të ishte vendim i vërtetë sepse gjithë bota e ka parë që Parlamenti shqiptar, qeveria shqiptare nuk janë produkt i votës së lirë por të shkrirjes në një të partisë në pushtet me elementë të krimit të organizuar.

Ftesa për dialog që bëhen për sy e faqe nuk janë ftesa por bëhen sa për sy e faqe për t’u hedhur hi syve shqiptarëve. Në krizën aktuale është e qartë se shkaktari kryesor është zt.Rama që për pushtetin e tij ka lidhur pakt me krimin. Në Shqipëri, zgjedhjet janë vjedhur në të gjithë territorin, nga Durrësi në Dibër, nga Shkodra në Lezhë, në Vlorë dhe kudo rrjetet kriminale kanë bashkëpunuar me PS-në për vjedhur zgjedhjet.

Së dyti, vjedhja e zgjedhjeve është bërë me të gjitha metodat, me blerjen e votave, me mbledhjen e kartave të identitetit, me ndalimin e votuesve të opozitës për të shkuar për të votuar, me frikësimin e tyre, me frikësimin e administratës publike, me përdorimin e policisë së shtetit.



Pra janë përdorur të gjitha metodat për të vjedhur dhe manipuluar zgjedhjet. Së treti është përfshirë e gjithë kupola shtetërore nga kryeministri tek polici apo mësuesi i thjeshtë që kërcënoheshin me bukën e gojës nëse nuk shërbenin si kamikazë politikë për të vjedhur apo për të blerë vota për partinë në pushtet.

Së treti, në këtë ndërmarrje janë mobilizuar të gjithë kriminelët e Shqipërisë, nga bosët e krimit të organizuar, nga Ymer Lala, Bajrët, Shullazët me shokë deri tek kriminelët më të rëndomtë janë bërë njësh me Partinë Socialiste për blerjen e votës.

Radiografia që i bëri Bild blerjes së votës në Shqipëri, nuk është thjesht një shtet i kapur në krim, por një shtet i shtrirë në krim. Asgjë nuk do ta zgjidhë këtë krizë pa u ndëshkuar hajdutët e votave qofshin kriminelë të rrugë apo politikanë të bërë njësh me krimin. Ky është një kusht i panegociueshëm, jo thjesht për opozitën. Nëse nuk arrijmë këtë, nga kjo krizë do të shkojmë në një krizë akoma më të thellë.

30 qershori nuk është një datë zgjedhjesh, votime ka edhe në Korenë e Veriut. Për liri dhe demokraci flet edhe Maduro i Venezuelës, procese farse mban edhe Berdimuhamedov i Turkmenistanit, po këto nuk janë standarde perëndimore. Nuk mund të ketë zgjedhje pa opozitën, nuk mund të ketë zgjedhje pa kandidat.” – shprehet Basha.

 

Partia Demokratike, ka denoncuar me 28 qershor 2019 me anë të ish-deputetes, Albana Vokshi, presionin dhe kërcënimet që Rilindasit po u bëjnë mjekëve dhe infermierëve për të marrë pjesë në zgjedhjet e 30 qershorit.

Vokshi deklaroi gjatë konferencës për mediat, se mjekët dhe infermierët janë nën shantazh të vazhdueshëm nga Rilndasit, të cilët po i kërcënojnë me vendin e punës nëse nuk marrin pjesë në zgjedhjet e 30 qershorit 2019.

Prishtinë,29 qershor 2019.

Kush po e shkatërron Shqipërinë ?!

Nga Flori Bruqi 

Në një artikull të publicistit të njohur shqiptar Xun Çetta, me titull " Shqipëria po kallet flakë, Kosovës po i shkon tymi! Ku jemi ore, hej?!", në mes tjerash thuhet :

Xun Çetta 

Këto video këtu, dhe shumë Video tjera bashkë më çfarë po shohim në ekran, nuk janë pamje të viteve 89-90-ta në Shqiperi por janë të këtyre ditëve të sotme, më sakt kjo video e parë është në Klos ku janë djegur materialet zgjedhore dhe pas situatës së tensionuar, protestues të opozitës kanë nxjerr jashtë KZAZ 17 më gjitha materialet zgjedhore, duke iu vënë flakën atyre !!!.


Unë nuk dua e as nuk mund ta di krejt sakt se kush ka të drejtë e kush jo por, kurr nuk thëm se këto sjellje janë për Shqipërinë sot.

VIDEO-I-:

https://www.facebook.com/tepaekspozuarit/videos/314893649427670/

Edhe në Tropojë, fillimisht nisën përplasjet atje,më pas qytetarë kanë hequr materialet zgjedhore në KZAZ-në nr.9 duke i thyer xhamat dhe dyert e objektit dhe më pas krejt në fund, kanë zhdukur gjitha materialet zgjedhore !!! Tani ndalëm dhe pyes vehtën : A bash kështu e meritoj Shqipëria e shekullt tonë të Ri 21 i cili do duhej të jetë shekulli i mbrëvajtjeve tona si komb ?.Zoti e bëftë mirë se njerëzit normal nuk din ti japin rrugë kësaj pune !. Diplomacitë e huaja po thojn : Zoti i ruajt këta nga vetvetja se ne e askush tjetër nuk u kemi hak as hile. Po thojn kështu më arsye edhe pse ka hile ndaj popullit tonë pse jo, por amë, po deshmojm se nuk e meritojm krejt çfarë na takon.

VIDEO-II-:

https://www.facebook.com/SaliBerisha/videos/442614879624195/

Kosova, sikur po e sheh tymin i cili po ngritët edhe këndej lartë e më lartë dhe filloj të marr masa qoftë më shkarkime të niveleve më të larta, qoftë edhe më pergaditje të zjarrëfiksëve, ( lexo të masave të sigurisë).

Mos të harrojm faktin tjetër se, shkarkimi i milionerve të krimit, nuk ndëshkon krimin, kapitali tyre tashme i verifikuar si sukses i krimit, aj në vendin e varfër si Kosova bëhet mbret pa pergjegjësi… Shkarkimet pastaj mund të dalin si qadra e krimit nese kapitali mbetet e pa prekur në një anë si dhe, nese nuk ndalët lidhja e agjentit të shkarkuar për spiunim. Presidenti Thaçi shkarkon agjentin e BIA-s serbe Branislav Nikoliq por, shtrohet pyetja, a do i dalët të ndalët detyra tij ?,thotë në mes tjerash publicisti nga Kosova Xun Çetta.

Xhemal Gjunkshi

PD: PS dhe Qeveria po shpërndajnë armë te militantët e tyre. Rrezik konfrontimi

Ish-deputeti i Partisë Demokratike në Dibër, Xhemal Gjunkshi ka bërë një deklaratë të fortë nga selia e PD këtë të mërkurë. Ai deklaroi se në Dibër, Rilindja dhe qeveria po shpërndajnë armë për militantët. “Kemi të dhëna që policia e shtetit në Dibër, ka shpërndarë armatim si pistoleta dhe automatikë. Kjo është në shkelje të plotë të ligjit elektoral. Po ju informojmë që në të gjithë Dibrën po lëvizin e qarkullojnë persona me rekorde kriminale dhe me dosje te zeza”,- deklaroi gjeneral Gjunkshi.

Deklarata denoncuese është një shenjë alarmi për datën 30 qershor, aq më tepër në Dibër, qarku ku u faktua bashkëpunimi i qeverisë me krimin për vjedhjen e votave.

Ai tha se drejtuesit e policisë në Dibër po i bëjnë presion qytetarëve për votat, duke theksuar se ministri i brendshëm Lleshaj ka gënjyer publikisht kur tha se ka shkarkuar drejtuesit e policisë në Dibër, pasi, sipas Gjunkshit, ata janë akoma në detyrë.

Ish-deputeti paraqiti një listë të detajuar me targa të falsifikuara të automjeteve të ushtrisë që janë vënë në funksion të fushatës elektorale, një tjetër shkelje e rëndë ligjore.

Deklarata e plotë e ish-deputetit:

Të nderuar qytetare te Dibrës dhe gjithë Shqipërisë! Jemi këtu përpara jush për të denoncuar makinerinë e lëvizshme të krimit, e drejtuar nga qeveria Rama. Të gjithë jemi të njohur me megaskandalet e dosjes 184.

Është e paprecedent që Ministrja e Mbrojtjes së Republikës së Shqipërisë (e një vendi anëtare të NATO-s), Olta Xhaçka, shfrytëzon makinerinë shtetërore, në funksion te organizatave socialiste. Mjetet të cilat janë në përdorim të MM, u janë tjetërsuar targat me qëllim për t’iu shmangur opinionit publik.

Ajo lëviz me Helikopter te tipit EC-145, të cilin po e përdor si taksi private, vajtje ardhje Tiranë-Dibër. Toyota Land Cruiser me targ AA 927 YB, targë e cila i korrespondon një mjeti tjetër. Volksëagen Phaeton në përdorim të shtabit të përgjithshëm i është vëndosur targa TR 7821 R, kjo targë aktualisht I korrespondon një mjeti tip FIAT.

Mjeti Towareg me targë TR 5457 T, I korrespondon një mjeti tjetër në Forcat e Armatosura.

Mjeti Land Rover me targë AA 950 FX I korespondon një mjeti tip Audi.

Gjatë fushatës së saj elektorale, Ministrja e Mbrojtjes është shoqëruar nga një numër i madh efektivësh të forcave speciale dhe nga stafi saj i ngushtë që punojnë në MM.

Sot Ministrja e Mbrojtjes ka organizuar takim me të gjithë ata të cilët janë autorët e inkriminuar në dosjen 184, jo vetëm që nuk kemi një distancim por ka një bashkëpunim të forte te shtetit me strukturat e faktuara te organizates kriminale.

Shumë shpejt publiku do të ketë në dispozicion me fakte dosjen Dibra 2.

Aktualisht ju bëjmë me dije se: Kryeministri Rama, si dhe ushtari i tij Lleshaj, jo vetëm që nuk kanë larguar nga policia e shtetit dhe vënë para përgjegjësisë Ligjore autorët e kësaj dosje, por ata vazhdojnë të drejtojnë dhe janë aktiv në përgatitjen e vjedhjes së votave.

Ministri Lleshaj mashtroi përpara opinionit publik që drejtuesit e policisë të përfshirë në dosjen 184 janë larguar.

Ky është një mashtrim shumë i madh. Ata jo vetëm që nuk janë larguar por vazhdojnë të jenë të graduar.

Më konkretisht:

Komisar Robert Aga i përfshirë në dosjen 184, sot ka shoqëruar materialet zgjedhore që kanë ardhur në qarkun Dibër. Drejtuesit e policisë së shtetit në shkelje të hapur të ligjit, në këmbim të votave po u bëjnë presion qytetarëve mbi dokumentacionin e qarkullimit të mjeteve, ndërtimet pa leje etj.

Kemi të dhëna që policia e shtetit në Dibër, ka shpërndarë armatim si: Pistoleta dhe automatikë. Kjo është në shkelje të plotë të ligjit elektoral.

Po ju informojmë qe ne te gjithë Dibrën po lëvizin e qarkullojnë persona me rekorde kriminale dhe me dosje te zeza. Në këto kushte Partia Demokratike në emër të qytetarëve për te siguruar qetësinë dhe rendin publik në qytetin e Peshkopisë dhe në të gjithë Dibrën, kërkon që të merren masa urgjente për parandalimin në kohë të çdo ngjarje me pasoja të padëshirueshme.

Nga drejtuesit e pushtetit vendor në Dibër si: OSHE, DAR, institucionet e Shëndetësisë, Posta, Tatimet etj, po ushtrojnë të njëjtin presion mbi qytetarët, në këmbim të votës dhe pjesëmarrjes masive në votime, mbledhjen, dhe blerjen e kartave te identitetit.

Bekim Krashi i cili dëgjohej teksa komunikonte me ministrin Damian Gjiknuri në vitin 2016 aktualisht, mban postin e drejtuesit të OSHE në Dibër.

Punonjësi i OSHE-se me inicialet E.K, se bashku me punonjësin e postës me inicalet A.S në këmbim të votave kanë kërcënuar me jete qytetarët, duke u hequr ose duke mos ua dhënë ndihmën ekonomike dhe duke mos u shpërndarë pensionet.

Të nderuar qytetarë!

Me datë 30 qershor 2019 të bashkohemi të gjithë sëbashku për të mbrojtur demokracinë dhe kushtetutën.

Edi Rama dhe Erdogan 

Çfarë mësimesh duhet të nxjerrë Edi Rama nga humbja e Erdogan?

Për kryeministrin Edi Rama figura e Presidentit Erdogan ka qënë “frymëzuese që në fillesat e tij si kryetar bashkie i Stambollit” (intervista e tij në Anadolu Agency për fitoren e zgjedhjeve referendare në Turqi).

1 Në fakt zoti Rama e admiron liderin turk për mënyrën autokratike që ai qeveris, pavarësisht se është i kujdesshëm të mos e shprehë hapur. Deri më 23 qershor 2019  kur partia e presidentit Erdogan humbi zgjedhjet në Stamboll, ai donte të ishte si modeli i tij, i një lideri me pushtet të pakufizuar dhe me një projekt të madh për vendin e tij.


Pavarësisht diferencave në staturë, ku njëri ishte lider ndërsa tjetri drejtues populist kulti, ai u përpoq të imitonte çdo gjë. Mori doktrinën e politikës së jashtme nga Turqia, rrezikoi aleancat strategjike me perëndimin duke pranuar presionet e tyre, drejtoi të vetmet investime të huaja vetëm me Turqinë, kapi
mediat dhe vuri nën kontroll shtypin ashtu si miku i tij. Ai nuk kishte mundësi dhe kapacitete të rindërtonte një perandori si Presidenti Erdogan, por nisi aventurën për Shqipërinë e bashkuar, i frymëzuar nga Vucic që e përdorte si një lider global, në funksion të projektit të këtij të fundit.

Zoti Rama dështoi të ngrinte një sistem efektiv ekonomik si miku i tij, por u zhyt në skemat e fuqizimit të pushtetit personal. Loja gjeopolitike e fortë me fuqitë e mëdha ishte për presidentin Erdogan një lojë në funksion të rritjes së rolit të Turqisë si fuqi rajonale, ndërsa zoti Rama u bë pre’ e skemave të dyshimta rajonale që prodhonin destabilitet por që i mundësonin pushtet të pakufizuar. Ai kërkonte mbështetje personale pushteti dhe mori për Shqipërinë një xhami monumentale.

Ai dashuronte marrëzisht modelin e fuqisë po ju ofrua vasalitetit osmanlli.

Humbja e Stambollit është fillimi i ngritjes së opozitës dhe rikthimit në republikën e themeluar të Ataturk-ut. Burgosjet, dhuna, heqjet nga puna nuk mundën të mposhtnin qëndresën qytetare. Shqipëria është në një krizë të thellë institucionale. Korrupsioni, lidhja e krimit me politikën, shpërdorimet e fondeve publike kanë ngritur ndërgjegjen qytetare për ti thënë ndal një regjimi autokrat. Humbja e Z. Erdogan është një mësim që edhe vendet lindore mund të ngrihen në nmbrojtje të demokracisë dhe shtetit të së drejtës. Por edhe ciklet e demokracisë afrohen dhe largohen dhe janë në funksion të cilësive të liderëve autoritarë.

Ndërsa Erdogan, një shtetar me eksperiencë, e pranoi humbjen, nuk manipulon zgjedhjet dhe ruan fasadën e një demokracie të asfiksuar në funksion të lojës së tij gjeopolitike, i ngjashmi i tij i shkon deri në fund marrëzisë së tij të shtetit një-partiak. Ndoshta shumë shpejt, i lodhur nga demokracia dhe i mos-kuptuar nga ‘derrat dhe delet e tij’, lideri global do të afrohet me modelin e tij, por kësaj radhe si një vasal i mundur dhe i mërzitur me popullin e tij.

Kejdi Mehmetaj

Perandoria ka vend për të gjithë.

Por një mesazh për kryeministrin  Edi Rama ka edhe ish deputetja e LSI, Kejdi Mehmetaj.


“Ky Fieri që ti e varfërove, e kriminalizove dhe e le shkret pa njerëz, është Fieri që do të dërgojë mbrapsht në skutat e betonizuara që fshihesh”, shkruan nënkryetarja e LSI në reagimin e saj.

Postimi i Kejdi Mehmetaj:

Hajde o Rama Gangsteri,

Këtu e ke Fierin dhe fierakët! Çfarë të tha falli sot që të ka pushtuar frika dhe e ke mbuluar Fierin e socialistëve të vjetër me qindra polica që i ke kthyer në badyguard personal.

Ky Fieri që ti e varfërove, e kriminalizove dhe e le shkret pa njerëz, është Fieri që do të dërgojë mbrapsht në skutat e betonizuara që fshihesh.

Lëri punonjësit e shkretë të administratës rehat. Lër rehat dhe kompanitë e autobuzave që t’i sjellin me detyrim ata punonjës nëpër takime.

Hiqi policat dhe pastaj, po je trim sa hiqesh, hajde matu me Fierin!

Mathew Palmer rrëzon Kolegjin

 Të bëhen zgjedhjet pastaj vendos Kushtetuesja

Zëvendësndihmës Sekretari Amerikan i Shtetit, Mathew Palmer, në një intervistë për “Zërin e Amerikës”, lidhur me situatën politike në Shqipëri, është shprehur se, pavarësisht "gëzimit" të mazhorancës për vendimin e para pak ditëve të Kolegjit Zgjedhor, fjalën e fundit duhet ta thotë Gjykata Kushtetuese.

Zyrtari i lartë amerikan dha qëndrimin e amerikanëve për zgjedhjet vendore të 30 qershorit, që kanë ndarë politikën shqiptare, duke deklaruar se pas zhvillimit më 30 qershor  2019 fatin e zgjedhjeve ta vendosë Gjykata Kushtetuese pas ngritjes dhe funksionimit normal të saj.




Cili e "sundon" Shqipërinë : Ilir Meta dhe Edi Rama 

Dorëheqje apo shpërndarje të parlamentit?!

Ilir  Meta i dërgon Edi  Ramës, 2 mesazhe të forta

Këto ditë, ndërkohë që Edi Rama po ecën me shpejtësi në parlament në rrugën e shkarkimit si president të Ilir Metës, në publik po qarkullojnë edhe opsionet se si do të kundërpërgjigjet ky i fundit.

I pari, se do të japë dorëheqjen duke e lënë kështu, Edi Ramën, krejtësisht zbuluar me të gjitha institucione e shtetin në dorë të tij dhe i dyti, të shpërndajë parlamentin duke e cilësuar të paligjshëm, pasi nuk plotëson kushtetutshmërinë e 140 deputetëve.

Mbështetës të opozitës dhe qytetarë u mblodhën në Fier, duke pritur me protesta kryeministrin Edi Rama.

'O Rama gangsteri', ish deputetja sfidon kryeministrin: Hiq policët dhe hajde matu...

Më pankarta në duar dhe me thirrjet "Rama ik" mbështetësit e opozitës kërkuan largimin e kryeministrit Edi Rama dhe jo zgjedhje monopartiake.

Këshilli Europës tërhiqet

Drejt mosnjohjes së 30 Qershorit 2019 .

 Situate kaotike

Në një njoftim të publikuar pak momente më parë Këshilli i Europoës ka anulluar delegacionin që ishte programuar për zgjedhje në Shqipëri.

Ja njoftimi i plotë:


Në vijim të emailit të mëposhtëm, me të cilin ju ftojmë në një takim me një delegacion të Kongresit të Autoriteteve Rajonale e Lokale të Këshillit të Evropës, po ju informojmë se udhëheqja e Kongresit (Presidenti në konsultim me dy Presidentët e Dhomave, në përputhje me rregullat e Kongresit) ka vendosur të mos dërgojë në Shqipëri një Delegacion Vëzhgues Zgjedhjesh nga Kongresi për shkak të pasigurisë së vazhdueshme në lidhje me organizimin e zgjedhjeve lokale në Shqipëri më 30 qershor dhe për për shkak të rreziqeve të mundshme për sigurinë në disa zona të caktuara.


Ju kërkojmë ndjesë për çdo problem që mund t’ju shkaktojë anulimi në çastet e fundit dhe ju falënderojmë për gatishmërinë për të korresponduar me Kongresin.

Njoftimi ne anglisht

Dear colleagues,

Folloëing the email hereunder, ëhere ëe invite you to a meeting ëith a delegation from the Congress of Local and Regional Authorities of the Council of Europe, please be informed that the leadership of the Congress (the President in consultation ëith the tëo Presidents of the Chambers, in accordance ëith Congress rules) has decided not to deploy a Congress Election Observation Delegation to Albania due to the continued uncertainty concerning the organisation of the local elections in Albania on 30 June and possible security risks in certain deployment areas.

Ëe apologise for any inconvenience the short-term cancelation may have caused and thank you for your readiness to exchange ëith the Congress.

Vendi drejt përplasjes. Mbajini mend këto fytyra me 30 Qershor 2019

Tre gjyqtarë që kanë perdor për një lojë të pisët ish te burgosurin ordiner Idajet Beqiri per tu vetëemeruar “Gjykate Kushtetuese”, me mendjen e tyre kane siguruar vetingun, por kane harruar se 30 Qershori  2019 është përpara.

Dhe çdo përplasje civile siç po paralajmerojnë të gjithë mediat botërore do të kenë kontributor edhe keto tre fytyra. Mbajini mend...

Me Edi Ramën në krye Evropa do të ketë vetëm krim dhe emigracion nga Shqipëria. Me Edi Ramën në krye Evropa do tw ketë vetëm destablitet në Shqipëri dhe në rajon.

Pa të, Shqipëria do të hapë negociatat dhe do t’i sjellë vetëm vlera dhe kontribute pozitive Evropës. Këtë, tashmë, e dinë në ccdo kryeqytet të Evropës

Kllouni që bëri për të qeshur Evropën me veshjen dhe sjelljen e tij, tashmë është lakuriq si njeri i lidhur me krimin.

Dhe në botën demokratike perëndimore ka vetëm një vend për politikanët e lidhur me krimin, burgu”, deklaroi Basha nga selia e PD-së.(Lulzim Basha)

Me 30 qershor Shqipëria do votojë turpin e saj!

Nga Kim Mehmeti 

Shqipëria ishte edhe mbretëri dhe mbeti e braktisur nga Mbreti, që ia vodhi dhe ia morri thuajse të gjitha, duke ia lënë vetëm robërinë, por duke mos mundur t’ia rrëmbejë idealin për liri dhe duke mos mundur ta bëjë të turpërohet nga vetvetja.

Më shumë se katër dekada me radhë, Shqipëria ishte e harruar nga e gjithë bota dhe e jetoi burgun e diktaturës komuniste, por ajo nuk u bë ‘gazi’ i botës, nuk harroi cila ishte dhe nuk kishte pse të turpërohet nga vetvetja.

Dhe sot, tridhjetë vite pas rënies së komunizmit - për dallim nga gjitha vendet tjera postsocialiste të Ballkanit – Shqipëria ende nuk është e aftë të organizojë zgjedhje të lira demokratike. Dhe përfundoi si shtet i përshtatshme vetëm për ‘butakët’ pa bosht kurrizorë që i përkulen piktorit Kryeministër dhe e pabanueshme për ata që posedojnë portret të qartë individual. Me çka asaj ia morën thuajse të gjitha, e bënë të jetë ‘gazi’ i botës, madje duke e bërë të turpërohet nga vetvetja! Dhe ku Kryeministri shkon në fushatë parazgjedhore i shoqëruar nga mijëra policë, ashtu siç nuk i ka ndodhur as ‘babait’ të narkomanisë - Eskobarit!


Pra, sot Shqipëria është shtet që e jeton ‘diktaturën’ shumëpartiake të ‘rilindësve’, të cilin shtet, Piktori me ambicie diktatoriale, e shndërroi në pronë të veten edhe atë, jo duke i kontrolluar të vërtetat publike, por duke i vënë nën kontroll gënjeshtrat për vetveten, duke mos i mbyllur kufijtë dhe duke mos i vrarë në kufi ata që e braktisin shtetin që ai drejton, por përkundrazi: duke i nxitur dhe duke i detyruar të gjithë kundërshtarët e vet politik ta braktisin vendin.

Dhe kështu – njësoj si Enveri që dikur ndërtonte shtet vetëm për të dëgjueshmit e vet – edhe Piktori, ndërton Shqipëri të banueshme vetëm për ata që i përkulen atij. Andaj edhe nuk ka ndonjë dallim mes diktaturës së Enverit që të vriste kur e kaloje kufirin e Shqipërisë, nga diktatura e Piktorit Kryeministër, që të ‘vret’ pse nuk e kalon kufirin e nuk e lejon atë të ndërtojë shtet vetëm për ‘vëllazërinë’ e kriminelëve të vet.

Dhe kështu pra, pas thuajse tri dekadave ‘demokraci’, Shqipëria e sotme thuajse me asgjë nuk dallon nga ajo e diktaturës komuniste, kur ndërtoheshin përmendore kur të donte dhe ku të donte Xhaxhi Enver, nga kjo e sotmja, e cila i ngjan një lëndine pa pronar, ku ‘rilindësit’, ngrenë nga një kullë ku të duan dhe kur të duan. Pra i ngjanë një vendi që e jeton turpin e vet, duke mos mundur të organizojë zgjedhje të lira edhe pas tri dekadave ‘demokraci’, apo duke organizuar zgjedhje ‘demokratike’ me Kryeministrin rilindës, përndryshe piktor i dështuar, që ka veshmbathje ‘firmato’ që kushtojnë sa prona e tërë një fshati shqiptarë?

Andaj sot, nuk duhet të flitet për atë se çka do sjellë 30 qershori, por duhet të debatohet për atë si ta shpëtosh Shqipërinë nga diktatura ‘demokratike’, e cila mbështetet mbi varfërinë e popullit, mbi spektaklet me të cilat mbulohet realiteti i mjerueshëm, mbi kontrollimin e gënjeshtrave që publikohen nëpër media, e që duhet t’i fshehin të vërtetat për ‘rilindësit’ e Piktorit.

E sa i përket 30 qershorit, atë ditë Shqipëria do votojë për turpin e saj. Do votojë pra për vetveten të rënë në duart e Piktorit, i cili i ngriti në ‘vlera’ demokratike paturpësinë, papërgjegjësinë dhe përbuzjen ndaj gjithë atyre që e kundërshtojnë e që i thonë: Zotëri, t’i mundë të dalësh me prapanicën cullak ku të duash e kur të duash, por mos na mbajë për budallenj neve që themi se turpi, ndershmëria dhe ndërgjegjshmëria, janë bosht i rëndësishëm mbi të cilat qëndron njerëzorja! Dhe që themi se Piktori e bëri Shqipërinë vend ku thuajse është turp të turpërohesh dhe ku hajduti e bardi, krimineli e i ndershmi, i pafytyri e i ndërgjegjshmi..., stehohen nën të njëjtin kulm të institucioneve shtetërore dhe njësoj pasurohen e majmen nga varfëria shqiptare!

Duhet ‘intifadë’ ndaj një ministri të pashpirt

Nga Ilir Nikolla

Kur dhuna s’ka të sosur dhe policia ka kapërcyer çdo kufi të proporcionalitetit në sjelljen e saj, Sandër Lleshit i duhet mbrojtje e veçantë publike, në mënyrë që të dalë i patrazuar nga ky moment i madh shpërdorimi ku është përfshirë. Dhe alibinë po përpiqet t’ja furnizojë profesor Albert Nikolla, i cili shpalli tre ditë më parë (mbani mend, në vigjilje të dhunës masive të policisë në protestën e së shtunës), se Sandër Lleshi sulmohet se “ka sjellë një kthesë kulturore në drejtimin e Ministrisë së Brendshme” dhe se ndaj tij, janë një orkestër gazetarësh që për motive politike e të pushtetit po luajnë “një intifadë” kundër tij.

Mbrojtja e veçantë ndaj Lleshit s’mund të kërkohet tek profili i tij politik, as tek karriera ushtarake e akademike, prandaj edhe Albert Nikolla ka tentuar të mbrojë veglën e vërtetë të verbër të Edi Ramës, në rrafshin krahinor e religjioz. Për ata që s’e dinë, Intifada është literalisht fjala arabe që shenjon “rizgjimin e ndërgjegjes arabe kundër pushtimit izraelit”, kurse në sensin konkret shenjon lëvizjen e rezistencës që palestinezët dhe popullsitë arabe prej 1987-s po mbajnë në këmbë kundër pranisë izraelite në Lindjen e Mesme. Nuk besoj se Albert Nikolla e gjen krahasimin e sulmeve ndaj Sandër Lleshajt në aspektin e nacionalitetit, se atëhere me Albert Nikollën do të kishte punë gjykata dhe jo opinioni publik.



Duke e marrë të mirëqenë këtë fakt, pra se Sandër Lleshi është shqiptar si ne të tjerët, përdorimi i termit “intifadë” bëhet për t’i ngritur ish-ushtarakut koracën e katolikut dhe të mirditorit.

E në fakt, nuk është hera e parë që përdoret kjo lojë e poshtër. Edhe kur erdhi emërimi në postin e ministrit, këshilltari i kryeministrit Rama, që fati e deshte të ishte njëkohësisht edhe kryetar i Bordit të Aviacionit Civil (një gjeneral edhe me spaleta që ruante civilisht edhe hapësirën tonë ajrore), shpërndau në eter mbrojtjen se sulmet i vinin për motive krahinore e fetare dhe shqiptoi frazën e turpshme “mirditor lind, të behesh s’ke shans”. Tani që ndaj Sandër Lleshit, media po flet për Llesh Kimikun apo për “Ali Komikun e Ramës”, në skenë del “intifada”. Duhet të marrë fund kjo mbrojtje. Sandër Lleshi nuk mund të qendrojë asnjë minutë më në detyrë, meqenëse na u pretendoka se mirditorëve u takojnë kuota, si minorancë religjioze apo krahinore. Asnjëherë në shtetin laik, asnjë zonë etnografike s’ka kërkuar përfaqësim me kuota. Do të ishte e turpshme të mendonim se politikanë të lartë katolikë gjatë këtyre 30 viteve kanë qenë në krye të punëve të shtetit për shkak të përkatësisë së tyre fetare. 

Vetë këta politikanë të lartë duhet të ndihen të fyer kur shohin se si një ushtarak, për karrierën profesionale të të cilit nuk dimë fort bëma, kapet me thonj e me dhëmbë pas postit të ministrit të brendshëm, veç për të zgjatur shërbimin e verbër ndaj shefit në panik, dhe kërkon mbrojtje me kuota si katolik apo mirditor.

Dhe këtë mbrojtje me terminologji ndërkombëtare të mbushur me konflikt fetar e kombësish, Sandër Lleshaj e shoqëron me justifikimin se s’është karrierist e s’e ka dashur postin. Atehere, kur punët janë kështu, “delja e Perëndisë” nuk ndjen aspak dhimbje për gazin helmues që hidhet mbi popullin e vet, e të distancohet, duke mos e mbajtur mbi shpinë këtë sakrilegj? Fakti është se ai nuk ndjeka në fakt dhe shërbimi ndaj shef Ramës është shumë më i rëndësishëm sesa brejtja e ndërgjegjes së një katoliku që thonë se shkon çdo të diel në meshë dhe urdhëron hedhjen e gazit helmues çdo të enjte a të shtunë mbi bashkëkombasit e vet.

Nuk ka pse të kompleksohemi nga sjellja prej minoritari fetar e krahinor e Sandër Lleshit. Asgjë s’e justifikon mungesën e tij të përgjegjshmërisë dhe në fakt, njëfarë grade më të lartë turpërimi e marrin mirditorët (e katolikët) kur shohin se një përfaqësues i tyre sillet në mënyrë kaq të pashpirt. Ministri nuk meriton mbrojtje si minoritar fetar e krahinor, përkundrazi, meriton një “intifadë” më të fortë bash prej këtyre komuniteteve, të cilat më së paku s’po i nderon. Merret me mend se çështjet e pendimit janë çështje të Kishës, por një pendesë publike do na lehtësonte të gjithëve, se do kuptonim se ministri ka shpirt, por ka më të fortë ndjenjën e shërbesës ndaj shefit.

Kjo s’po ndodh, prandaj opinioni publik është i interesuar të dijë edhe nëse sponsorët publikë të ministrit të brendshëm ndër vite ndaj të njëjtin mendim me Lleshin, për sjelljet e tij të fundit, përdorimin e gazit si armë policimi dhe gjuhën raciste që ai përdor ndaj opozitës që përfaqëson gjysmën e popullsisë. Me shpresë se sponsorët do t’i tërheqin qendrimet e tyre, “intifada” e pretenduar duhet të dëgjohet fuqishëm. Sa më shpejt të zbulojmë ku ministri zbulon shpirtin e ndjen turpërimit, aq më shpejt shpëtojnë edhe komunitetet që ai thotë se përfaqëson nga sikleti që ndjejnë përditë kur shohin “delen e Perëndisë” të shndërrohet në shërbëtor të Xhebrahilit.

Kosova paralajmëron reciprocitet me Shqipërinë e M. e Veriut

Qeveria e Kosovës ka paralajmëruar vendosjen e masave mbrojtëse për produktet e Kosovës në raport me shtetet e tjera të rajonit, të cilat janë anëtare të Marrëveshjes për Tregti të Lirë, të njohur me shkurtesën CEFTA.

Ministri i Tregtisë dhe Industrisë në Qeverinë e Kosovës, Endrit Shala, ka paralajmëruar Shqipërinë dhe Maqedoninë e Veriut, si dy shtete ku prodhuesit kosovarë, thuhet se po përballen me barriera tarifore dhe jotarifore, se do të zbatohen masa mbrojtëse nëse këto barriera nuk hiqen.

Në anën tjetër, përfaqësues të komunitetit të biznesit dhe ekspertë për çështje ekonomike, konsiderojnë se ekzekutivi i vendit këtë problem duhet ta zgjidhë përmes mekanizmit të CEFTA-s.
Edhe pse problemet e prodhuesve kosovarë me këto shtete, theksohet se janë evidente për një kohë të gjatë, ata konsiderojnë se në rast të mosarritjes së ndonjë zgjidhjeje përmes CEFTA-s, vetëm atëherë duhet të vendoset masa e reciprocitetit, por jo edhe taksa doganore, e cila ishte përmendur nga Ekzekutivi.

Berat Rukiqi, kryetar në Odën Ekonomike të Kosovës, duke përmendur barrierat tregtare mes Kosovës dhe këtyre dy shteteve, thotë se në mungesë të mekanizmave të CEFTA-s për t’i zgjidhur problemet me shtetet e tjera anëtare, instrumenti i fundit mbetet reciprociteti tregtar.

“Me Maqedoninë e Veriut problemet kanë qenë me kontrollin e cilësisë së disa produkteve, disa teste, rezultate që shpeshherë nuk pranohen. Rasti i fundit është moslejimi i eksportit të peshkut. Ndërsa, me Shqipërinë, numri i barrierave është shumë i madh, deri tek ajo që është gati e pamundur që kompanitë tona të bëjnë biznes me shtetin e Shqipërisë. Kështu që vendosja e masave reciproke funksionon më mirë, pasi kjo është praktikë në të gjitha vendet tjera”, thotë Rukiqi.

Edhe eksperti i ekonomisë, Naim Gashi, thotë se problemet aktuale të bizneseve të Kosovës me këto shtete, sidomos me Shqipërinë, e vështirësojnë apo e bëjnë gati të pamundur bashkëpunimin tregtar ekonomik në mes dy vendeve.

Ai thotë se Qeveria nuk duhet të marrë vendim për ndonjë taksë të ngjashëm sikurse me rastin e masave ndaj Serbisë dhe Bosnjë e Hercegovinës, të cilave u ka vënë tarifën doganore 100 për qind në të gjitha mallrat që eksportojnë drejt Kosovës.

“Në fakt, nëse kjo situatë vazhdon tutje, unë besoj se Qeveria e Kosovës duhet të vendos masë të reciprocitetit. Nëse një vend nuk e njeh origjinën e mallit, nuk duhet as Kosova t’ia njoh. Nëse një vend nuk i njeh tabelat e Kosovës, nuk duhet as Kosova t’ia njoh atij”.

“Në fakt, ne, nuk duhet ta quajmë atë taksë për arsye se në opinionin publik ndërkombëtar dalim keq si një shtet që përdor masa mbrojtëse ndaj vendeve tjera, përderisa me Kushtetutë jemi të deklaruar si ekonomi e tregut të hapur. Në fakt, çdo veprim që ndërmarrim si shtet, duhet të jetë masë reciprocitet dhe asnjëherë mos të quajmë si taksë, tarifë ose ndonjë barrierë tjetër tarifore”, vlerëson Gashi.

Më herët edhe përfaqësues të prodhueseve në Kosovë kanë pohuar se autoritetet shqiptare po i pengojnë bizneset nga Kosova që të jenë më të pranishme në tregun e Shqipërisë.
Prodhuesve nga Kosova, sipas tyre, po iu paraqiten barriera tarifore dhe jotarifore, si rasti i akcizës së birrës, pastaj procedurat e zhdoganimit në Shqipëri, pagesa e skanerit, noterizimi i analizave, mosmarrja për bazë e çmimit të faturës nga Dogana Shqiptare e shumë pengesa tjera, që sipas tyre, po dëmtojnë konkurrueshmrinë e produkteve të Kosovës në Shqipëri.

Në anën tjetër, ministri i Tregtisë dhe Industrisë, Endrit Shala, ka thënë të mërkurën se ka paralajmëruar vendet tjera anëtare të CEFTA-s,se do t propozojë masa tjera shtesë për të gjitha vendet anëtare që shkelin marrëveshjen e CEFTA-s, pasi siç, ka thënë ai, “detyrë dhe përgjegjësi e Qeverisë është fuqizimi i prodhimit vendor”.

Ndërmjet Kosovës dhe Shqipërisë janë nënshkruar dhjetëra marrëveshje, të cilat kanë për qëllim lehtësimin e marrëdhënieve tregtare dhe ekonomike. Liderët në Kosovë dhe Shqipëri në vazhdimësi janë deklaruar për rritje të bashkëpunimit ekonomik ndërmjet dy vendeve dhe eliminimit të të gjitha barrierave.

Qeveria e Kosovës dhe ajo e Shqipërisë çdo vit i mbajnë edhe mbledhjet e përbashkëta ku premtohet në vazhdimësi për bashkëpunim të ndërsjellë, por që të gjitha këto, sipas përfaqësuesve të bizneseve, mbesin vetëm në letër.