Aktori Neritan Liçaj ka reaguar përmes një statusi për katrahurën e krijuar një administratë.

Sipas tij e keqja e madhe e shtetit shqiptar është punësimi i militantëve, që janë të mbrojtur politikisht dhe nuk dijnë të bëjnë punën.


“Problemi i shtetit shqiptar për mendimin tim, ështe, se vazhdojmë me shtete partish, ose e quajtur ndryshe PARTI-SHTET, si në kohën e diktaturës. Ke militantë dhe njerëz të mbrojtur politikisht që bëjnë si agallarë dhe nuk zbatojne ligjet në poste drejtuese që kanë. Dhe pastaj liderat e tyre që i kanë vendosur vetë, bërtasin”Pse nuk funksjonon shteti?”! E thjeshtë s’janë specialistë dhe janë të mbrojtur nga ai që bertet. Atëherë përse bërtisni zotëri të pushtetit kur këtë katrahurë jeni ju që e keni gatuar?!Mos lani duart si Ponc Pilati. Merrni njerëz të denjë dhe të aftë dhe jo militantë që jo vetëm abuzojn, por dhe nuk dinë të bëjnë punën. Fare e thjeshtë”, shkruan Liçaj