Në Lëbushë të Deçanit me nderime të larta varroset Profesor Mr.Sc. Rexhë Sadriaj, edukator i shumë brezave në Komunën e Deçanit

 Nga Flori Bruqi 

Në Lëbushë të Deçanit me nderime të larta varroset Profesor i biologjisë Mr.Sc. Rexhë Sadriaj, edukator i shumë brezave në shkollat e Kosovës

Sot, në varrezat e fshatit Lëbushë të komunës së Deçanit, me nderime të larta është varrosur Mr.Sc.Rexhë Sadriaj, edukator i shumë brezave në shkollat e Prishtinës, Pejës dhe Deçanit.

Në nderim të jetës dhe veprës së tij në Amfiteatrin e Kuvendit Komunal të Deçanit, është organizuar mbledhje komemorative.
Me këtë rast familjarëve, kolegëve, nxënësve dhe miqve të shumtë të tij, me pikëllim e dhembje u është drejtuar z. Bashkim Ramosaj, kryetar i komunës së Deçanit.

Ai ka dhënë se Mr.Sc. Rexhë Sadriaj, profesor shumëvjeçar i lëndës së biologjisë dhe ish-drejtor në vitet më të vështira i Gjimnazit “Vëllezërit Frashëri” të Deçanit, do të kujtohet si njëri nga mësimdhënësit më të përgatitur dhe më të përkushtuar, jo vetëm në Dukagjin, por edhe më gjerë.

Rexhë Sadriaj, pas përfundimit të studimeve me sukses të shkëlqyeshëm në FSHMN, dega Biologji të Universitetit të Kosovës, regjistrohet në shkallën e tretë të studimeve në Zagreb të Kroacisë.
Ai në këtë Universitet specializohet në afatin e paraparë dhe merr gradën shkencore Magjistër i mikrobiologjisë.

Rexha punën prej edukatori dhe pedagogu e kreu me shumë dashuri. Andaj, lajmin mbi vdekjen e tij, të papritur përveç familjarëve dhe farefisit e kanë pritur me dhembje e lot, ish- kolegë e nxënës të shkollave në Deçan, Prishtinë e Pejë.

Prof.Rexhë Sadriaj,biolog 

Familja Sadriaj gjatë ditës së sotme ka pranuar qindra telegrame ngushëllimi nga mbarë Kosova dhe Diaspora.

Telegrame ngushëllimi familjes Sadriaj, i kanë ardhur edhe nga Berati e Tirana, ku Rexha ka pasur miq të shumtë të të vëllait Ymer Sadriaj, i cili pas zullumit të madh serbë herët pati ikur në Shqipëri.

Gjatë do të mbahet mend nga ata që e njohen. Ishte hokatar i rrallë, por edhe i rreptë në qëndrimet e tija. 

Dinte të përshtatej në situata nga me të ndryshmet. Shpesh nuk pajtohej me ata që e kundërshtonin. Me ata që, për më shumë, donin t’ia ulnin vlerën narracionit të tij të argumentuar e shkencor. 

Nuk hezitonte, iu kundërvihej. Dhe kur bënte këtë gjithnjë përdorte forcën e argumentit. Provonte disa herë e kur e kuptonte se fjalët e tija nuk kishin ndikim tërhiqej. Sa herë bënte kështu lëshonte ndonjë shaka sa për të përmbyllur dialogun. Nuk mbante inat.

 Rexha ishte intelektual  i mirëfilltë në Rrafshin e Dukagjinit dhe shpesh nuk kuptohej ose nuk donin ta kuptoninkuazi"patriotët" .

 Edukimin e brezave e kishte preokupim. 

Rexha ishte i ngritur. Intelektual me gradën shkencore magjistër i mikorbiologjisë, fituar në Universitetin e Zagrebit.

 Gjatë do të mbajmë në mend si shok të studimeve në vitet e '70-ta të shekullit të kaluar   autori i këtij përkujtimi dhe Ing Bardh (Haki) Hoxha , shokun e studimeve në Prishtinë ,zotriun tashmë të ndjerë Rexhë Sadriaj .