Humb jetën një fëmijë në QKUK, dyshohet se iu dha gabimisht medikamenti

SHSUK tregon se menjëherë pasi fëmija ka marrë trajtim në Spitalin e Gjakovës, ai është nisur për trajtim në QKUK si rast emergjent.

Sipas raportit të Klinikës Infektive, SHSKUK njofton se fëmiu me autoambulancë është sjell në ora 22:50 në Klinikën Infektive, me gjendje shumë të rënduar, me diagnozë sepsis meningococica (infeksion i rëndë që kishte përfshirë krejt sipërfaqen trupore).

“Nga mjekët kujdestar fëmiut menjëherë i ofrohet gjithë kujdesi i nevojshëm mjekësor dhe dërgohet në Repart për reagim të shpejtë, pa humbur kohë me procedura administrative në pranim.Fëmiu vendoset në oksigjeno-terapi, bazuar në protokollet mjekësore.Përkundër masave reanimatore, gjendja e fëmiut vazhdimisht rëndohej edhe me rënie parametrave vital, ku në ora 23:40 përkundër kujdesit të vazhdueshëm, fëmiu vdes”, njofton SHSKUK.

Rastet kur mjekët akuzohen nga familjarët për humbjen e më të dashurve të tyre nuk janë të shpeshta. Megjithatë, ka raste kur ata janë denoncuar nga fmiljarët në Polici dhe janë hetuar, nën dyshimet për mostrajtim të duhur apo edhe dhënies gabimisht të ndonjë medikamenti që ka mundur të çojë në fatalitet.

 E një ngjarje e rëndë ka ndodhur së fundmi në QKUK, ku një fëmijë ka humbur jetën në rrethana të dyshimta.

Sipas raportimeve si shkak i vdekjes së fëmijës ka ardhur pasi atij iu është dhënë gabimisht medikamenti.

Medikamenti i llojit të “shurupit” mësohet se iu është dhënë nga një mjek në Gjakovë.