Shqiptarët që janë bërë të njohur në botë

Shqiptarët që janë bërë të njohur në botë nga Kadareja deri te Kledi Kadiu.

Ata ia kanë dalë të fitojnë një emër në Shqipëri. Më pas ia kanë dalë që nëpërmjet këtij emri të përcjellin vlerat e kombit tonë në mbarë botën. Në të gjitha kohërat ka pasur shumë shqiptarë që kanë shërbyer si ambasadorë të kulturës dhe vlerave shqiptare në botë. Dhe në këtë kohë, ja cilët janë shqiptarët fama e të cilëve shkoi përtej kufijve të vendit tonë.

1. Ismail Kadare – shkrimtar
Shkrimtari me famë tashmë botërore dhe fitues i çmimit “Man Booker Prize”

2. Inva Mula – soprano
Sopranoja me famë ndërkombëtare, e cila përfaqëson denjësisht vendin tonë në skenat botërore

3. Ana Oxa – këngëtare, Itali
Këngëtarja e njohur italiane ka pranuar se babai i saj ka mbërritur në Itali nga Shqipëria dhe pikërisht nga Kruja

4. Sandra Bullock, aktore SHBA
Është bërë e ditur se babai i Sandra Bullock është me origjinë shqiptare (Ngelet në nivelin e  një “Urban Legend” prejardhja e saj…)

5. James Belushi – aktor, SHBA
Aktori i famshëm amerikan, James Belushi, dhe vëllai i të ndjerit John Belushi, është me origjinë shqiptare

6. Eda Zari – këngërare, Gjermani
Lindur në Tiranë, Eda Zari jeton prej vitesh në Gjermani, ku është një këngëtare, producente dhe kompozitore mjaft e famshme. Ajo është gjithashtu ambasadore e kulturës së Shqipërisë

7. Ferid Murati
Nobelisti me baba shqiptar dhe nënë amerikane, Ferid Murati, fitoi çmimin “Nobel” në mjekësi në vitin 1998

8. Angjelin Prelocaj
Balet maestro i Parisit, Angjelin Prelocaj është fitues i një sërë çmimesh ndërkombëtare
Me prinder te lindur ne Vermosh te Kelmendit-Malesi e Madhe

9. Eliza Dushku – aktore, SHBA
Aktorja e cila luajti përkrah Robert de Niros dhe Leonardo Di Caprio-s në filmin “Historia e një djali”, është me origjinë shqiptare

10. Agim Kaba – aktor, SHBA
Shumë pak e dinë se djaloshi simpatik që ka luajtur në telenovelën “Ndërsa bota rrotullohet”, është me origjinë shqiptare

11. Stan Dragoti – regjisor, SHBA

Regjisori dhe producenti hollivudian e bëri të ditur para disa vjetësh kur mbërriti në Shqipëri prejardhjen e tij shqiptare

12. Richard Lukaj – ekonomist, Wall Street, SHBA
I lindur në Itali nga prindër shqiptarë, Lukaj cilësohet si “magjistari” i Wall Street, duke mbetur një nga menaxherët më të rinj të një rangu aq të lartë

13. Joseph DioGuardi – ish-kongresmen, SHBA
Ish-kongresmeni amerikan, Joseph DioGuardi, i lindur në Bronks, Nju-Jork, njëkohësisht dhe lider i Ligës Civile Shqiptaro- Amerikane. Ai është me origjinë shqiptare dhe që prej vitit 1989 ka bërë 15 udhëtime në Ballkan

14. Emina Cunmulaj – modele, SHBA
Supermodelja me origjinë shqiptare, Emina Cunmulaj, është shpallur ylli i ri i revistës së famshme te fotomodeleve “Elite” dhe “Vogue” në SHBA

15. Donald Lambro – gazetar, SHBA
Ai është një gazetar amerikan me famë botërore dhe mbi të gjitha me origjinë shqiptare

16. Tie (Tahir) Domi – lojtar hokeji, Kanada
Ka lindur në Ontario, Kanada më 1 nëntor 1969 nga prindër shqiptarë. Është një lojtar hokeji mjaft i famshëm në Kanada

17. James Biberi – aktor, SHBA
Aktor në Shtetet e Bashkuara të Amerikës, ndërkohë që prindërit e tij janë shqiptarë

18. Tania Doko – këngëtare, Australi
Ajo e ushtron aktivitetin e saj në Australi, por tashmë dihet se ajo është një këngëtare e suksesshme me rrënjë shqiptare

19. Mirela Tafaj – soprano, Kanada
Si shumë të tjerë, edhe Mirela Tafaj është një soprano shqiptare, e cila ka bërë emër edhe jashtë kufijve të Shqipërisë

20. Elona Bojaxhi – aktore, modele, SHBA
Elona Bojaxhi është modele dhe aktore me origjinë nga Berati. Ajo është zbuluar nga një regjisor, duke filluar më pas karrierën aktoriale

21. Laureta Meci – aktore, SHBA
Laureta Meci, e lindur në Kuçovë, ka përfunduar shkollën prestigjioze të aktrimit “Stella Adler” në Nju-Jork dhe po avancon me karrierën e saj

22. Ilir Shaqiri – balerin, Itali
Balerin i famshëm shqiptar në Itali, u bë i njohur nga programi televiziv “Amici”

23. Kledi Kadiu – balerin, Itali
Balerin shqiptar me famë të madhe në Itali, pas pjesëmarrjes dhe suksesit të tij në programin televiziv “Amici”

24. Leon Cino – balerin, Itali
Si shumë balerinë të tjerë shqiptarë, edhe Leon Cino u bë i njohur shumë shpejt në Itali

25. Klajdi Selimi – balerin, Itali
Sërish një balerin shqiptar që u bë shumë shpejt protagonist i programit “Amici”

26. Marina Malota – aktore SHBA
Ajo vjen nga një familje me prejardhje shqiptare dhe ka luajtur në shumë filma si “Til There was You”, “The Thin Red Line” etj., ndërkohë që edhe vëllai dhe motra e saj merren me aktrim

27. Tedi Papavrami – violinist, Francë
I lindur në Tiranë, ai studio në konservatorin kombëtar “Superieur de Musique” në Paris.
Ai ka interpretuar në shumë skena të botës

28. Erald Dervishi – kampion botëror shahu
I lindur në Durrës, ai është një nga kampionët më të rinj në historinë botërore të Shahut

29. Mirsa Adami – pianiste
E lindur në Tiranë, Mirsa Adami fitoi në 1990-ën çmimin e parë në një konkurs për të rinjtë në Itali dhe një vit më vonë interpretoi në Roterdam, Holandë. Ajo luan si soliste në dhomën e muzikës dhe është shumë e suksesshme

30. Saimir Pirgu – tenor
Pavarësisht se në moshë të re, Saimir Pirgu u bë shumë shpejt i njohur si tenor, duke fituar një sërë çmimesh në Itali

31. Nate Dushku – aktor, SHBA
Ai është vëllai i Eliza Dushkut dhe njësoj si ajo rrjedh nga e njëjta familje me origjinë shqiptare dhe është njëkohësisht aktor

32. Hila Popaj – ish-aktor, SHBA (Chinatown)
Ata që kanë parë seritë e filmit “Ninja” duhet ta kenë parë pa e ditur se ai është shqiptar.
Ai gjithashtu ka luajtur edhe në “Chinatown”

33. Liria Begeja – regjisore, Francë
Liria Begeja është regjisorja e njohur franko-shqiptare

34. Elsa Lila – këngëtare, Itali
Pasi korri mjaft sukses me çmimet e saj të para në Festivalin Kombëtar Shqiptar, ajo u bë e njohur edhe në Itali, ku mori pjesë në festivalin e Sanremos

35. Astrit Zejnati – balerin, Arizona, SHBA
Pasi ka studiuar në Shkollën e Baletit në Tiranë, Astrit Zejnati ka arritur të jetë balet maestro në Arizona

36. Miriam Cani – këngëtare, Gjermani
Vajza e grupit “Preluders”, Miriam Cani, tashmë e njohur në Gjermani dhe në vende të tjera evropiane, është nga Elbasani

37. Stefi Gjine – teniste, Kanada
Ajo është shumë e re, por një teniste me një të ardhme që premton shumë, me 124 trofe deri tani

38. William Gregory – astronaut, SHBA
William Gregory është një astronaut amerikan, paraardhësit e të cilit kanë emigruar nga Shqipëria në fillim të këtij shekulli

39. Aurela Gaçe – këngëtare, SHBA
Këngëtare shqipëtare që tashmë po korr sukses edhe në SHBA

40. Igli Tare – futbollist, Itali
Futbollisti shqiptar, i cili është mjaft i suksesshëm gjithashtu në Itali

41. Ambeta Toromani – balerinë, Itali
Si shumë balerinë të tjerë shqiptarë edhe Ambeta Toromani u bë shumë shpejt e njohur në Itali

42. Oni Pustina – model, Itali
I shfaqur në reklama të ndryshme, Oni Pustina është modeli i famshëm shqiptar që luan rolin e postierit në emisionin “Ce posta per te”

43. Valbona Çoba – modele, aktore, SHBA
Ajo u bë e njohur fillimisht në Shqipëri, më pas në Greqi si një modele e famshme, ndërsa tani është modele dhe aktore në SHBA

44. Aris Golemi – balet maestro, koreograf
I diplomuar në Shkollën e Baletit në Tiranë, ai ka performuar live me këngëtarin e muzikës kauntri, Dwight Yoakam, dhe gjithashtu ka qenë koreograf i disa pjesëve të grupit N’SYNC

45. Masiela Lusha
E lindur në Shqipëri, Masiela Lusha po vazhdon karrierën e saj prej aktoreje në SHBA. Ajo është shfaqur në shumë filma dhe spote publicitare

46. Kristina O’Donnelly
E lindur në Romë, Kristina O’Donnelly është e bija e një shqiptari të Maqedonisë. Ajo është shkrimtare mjaft e famshme

47. Mariela Cingo
Mariela është një pianiste e re shqiptare me banim në Londër, ku ka fituar shumë çmime për interpretimet e saj

48. Laura Mersini Houghton
Ajo është kozmologe dhe është shqiptare, si dhe një nga femrat e pakta në botë që merren me këtë shkencë

49. Ardian Harri

Ai është një profesor shqiptar në Universitetin e Shtetit të Misisipit në departamentin e ekonomisë bujqësore

50. Luan Krasniqi, boksier
Ai është tashmë një boksier më famë, i cili ka mbajtur deri vonë titullin Kampion i Evropës

E padyshim edhe NENE TEREZA!

Nene Tereza

DANIEL GÀZULLI UJËVARA - tregim –

Ajo nuk ka emen. Asht thjeshtë një thyeqafje ujë prej një shkambi në ngjyrë blu në të gjelbër. U ndala aty jo për t’u freskue, po diçka nuk shkonte në makinë e u tremba mos më ndodhte ndonjë difekt ma i madh. Prandaj edhe u ndala. Prisja mos kalonte ndonjeni që merrte vesht diçka ma shumë se unë e më ndihmonte
Nësa prisja, mendova se nuk do të ishte keq me u freskue pak. Nuk kishte ardhë ende vera, ishte fillim maji, po vapë bante. Kishte dit që të nxehtit po bahej pak i bezdisshëm.
U ndal një makinë e vjetër, një tip fuoristrade nga ato që i kishim trashëgue para vitit ’90. Zbritën dy burra. Ai ma i riu kishte qenë në timon. Tjetri ishte pasagjer dhe i moshuem. As ua vuni veshin fjalëve të mia, pse, si dukej, nuk merrte vesht as ai nga makinat mesa unë.
Ai ma i riu, shoferi po them, shikoi orën dhe tundi kryet. E kishte kuptue qysh nga zhurma e makinës se do të kishte punë. Çoi skafandren dhe se ç’po merrej me një filter.
Ai tjetri se ç’më dukej si i tronditun. Kushedi ç’hall kishte. Ndoshta ishte i zemruem që po i vonoja. Nuk ishte as i vemendshëm kur fliste me mue. Shikonte diku aty ma nalt, ngultë mbi ujëvarë.
- A dëshiron të freskohesh pak? – se si i thash ashtu kot.
- Kush?! Unë?! – foli i tronditun dhe m’u duk se bani një hap mbrapa – Jo jo, falemnderës …. Jo jo …
Se si më pushtonte edhe mue ajo tronditja e tij. Pse u tremb? Përse iu largue ashtu ujëvarës, sa i thash “a po freskohesh pak?”, e mbuluen djersët. U afrue tek makina dhe dukej se mezi priste që të mbaronte punë shoferi.
Mandej, paritë, m’u afrue krejt pranë dhe filloi të më fliste me zanin që i dridhej, tue më shikue drejt në sy, po tingullin e zanit e kishte sikur fliste me vete.
- Kishim zanë vend nja 200 meter prej këtu, - filloi ai të fliste ndërsa picvrronte sytë pa shikue askund. - Ka qenë krejt e pyllëzueme atëherë. Ishte koha me hangër një kafshatë bukë. Duhej të zbrisja e të mbushja ujë, ja, aty. E kisha radhën unë. Po nuk kisha pasë mundësi me riparue ende një tollumbë që më ishte shqepë e i thash Jakut nëse mund të zbriste ai.
Jaku ishte një shuplakë ma i naltë se unë, kryet në tavan, si i thonë. Kishte dalë në mal dy javë mbas martesës e tash e shoqja priste një fëmijë. Kishte dalë në mal kur vranë ata të ndjekjes dy binjakë në Zekolaj, do ta kesh dëgjue, se nga këto anë je edhe ti, të njoh.
- Po, - i thash – nga këto anë jam.
- Zbriti Jaku, mbushi me ujë gjashtë mataret. Të fundit mbushi të veten, një matare ndrysh prej të tjerave, krejt e zezë. Para se me u kthye, piu ujë në matare të vet. E kishte çue kryet shumë e po pinte me etje me sy mbyllë, se e vriste dielli. Krisën pushkët. Jaku ra aty, në ujëvarë. Kryet bash ku asht ai pellgu i vogël. U ba batare e madhe. Na ishim tre vetë, e tash që u vra Jaku kishim mbetë dy. Kursa ata ishin jo ma pak se njëzet. Na u detyruem me iu ngjitë malit, s’kishim si me u ba ballë.
Ka një jetë që mendoi: a thue e vranë plumbat, apo u mbyt kur i ra kryet në pellg të ujët e nuk shkoi kush me e nxjerrë? ..
Mbas dy javësh lindi Driti. Besoj e njeh. Ai që shkruen në gazeta.
Shoferi kishte mbarue punë. U drejtue për kah ujëvara të lante duert.
- Jo! … Jo! .. – briti ai tjetri. – Jo! Aty ka gjak! .. – dhe u drodh i gjithi sikur e kishte kapë epilepsia.
Shoferi nxori një shami prej xhepit, fshiu duert sa mundi, dhe pa folë një fjalë u drejtue për në makinë. Mbas tij u nis edhe i moshuemi.
Si kishte hypë në makinë, m’u drejtue sërishmi mue me sy të skuqun:
- As ti! Mos u laj! … Aty ka gjak! … Gjaku u Jkaut ……
Shoferi, pa shikue as atë e as mue, nisi makinën dhe mbas pak u zhduk në kthesë.
Shikoja ujëvaren. Jo, ika edhe unë shpejt e shpejt në makinë. M’u duk se vërtetë atje rridhte ende gjak.
Sa gjak kishte derdhë Jaku në atë pellg të vogël poshtë Ujëvarës, që skuqte ende mbas kaq vitesh?

Qeveria e Kosovës e tërbuar ndaj fjalës së lirë !

Nga Asllan Dibrani

Qeveria e Kosovës nuk po pajtohet me disfatën e turpshme pran popullit të Kosovës,dje në Universiteti AAB-Riinvest “Kryeministër"Thaqi me klikën e vet u mundua tu qes hi syve populli të Kosovës, me një stil te rrejshëm dhe bajat ! Thaqi mundet me i mashtrua vetëm  njerëzit  qe akoma janë të privilegjuar përmes qeverise,   nga djersa e popullit , ku e qoj ekonominë në një kolaps  shkatërrues  , ne një qorrsokak  te pa krye, me çka pretendon qe vetëm me një burim përfitues nga firmat dhe "Emigracioni Shqiptar" në Evropë tu vilen paret   përmes shërbëtorëve të vet në pikat doganore të Kosovës me plaçkitje, vjedhje,dhe keqtrajtim me një tatim marramendës  ku si pasojë në tremujorin e fundit  falimentuan mbi 2500 firma kosovare.

Sherr i debatit u bë  studenti  Frashër Krasniqi 

 Prandaj sherr i debatit u bë  studenti  Frashër Krasniqi  gjatë prezantimi të planit ekonomik të Kosovës 2011-2014 nga "Kryeministri" Hashim Thaçi të mërkurën në kolegjin “AAB-Riinvest” e ka vënë në siklet kryeministrin, kur është pyetur nga studenti  aktivist i Vetëvendosjes nëse “Kjo qeveri u ka hipur skijave"  gjatë kohës së hartimit të këtij plani .

Qeveria e Kosovës e tërbuar ndaj fjalës së lirë !

Aktivisti i “Vetëvendosjes” Frashër Krasniqi, më pastaj ka shpërndarë pamflete dhe në të shkruar “KJO QEVERI I KA HYPUR SKIJAVE!". Më pastaj aktivisti i “Vetëvendosje” është nxjerr jashtë sallës, ku edhe është grushtuar dhe rrahur nga autoritetet qeveritare .Nga kjo rrjedh se nuk ka ma prestigj dhe imunitet kjo qeveri fantazmë, me krim të organizuar  në kurrizin e popullit.

Ky argumentim i Lëvizjes VETËVENDOSJE! u përcoll me shpalosjen e parullës “Kjo Qeveri i ka hipur skijave” dhe shpërndarjen e fletushkave me argumentet e Lëvizjes VETËVENDOSJE! tek të pranishmit, të cilët tërë aktivitetin e miratuan me duartrokitje.

http://kosovapress.com/ks/beta/?cid=1,2,126173

Nuk rrahet fjala e lirë!

Nuk rrahet fjala e lirë e studentit të vetëvendosjes , nuk torturohet ma truri i shtresës se lart te universiteteve në Kosovë .Nuk fshihet ma  lufta e drejt e ushtarakeve qe e çliruan vendin  e sot u merren vlerat e tyre nga matrapaz  pseudoushtarak. Nuk rrahet ma fjala e lirë qe të shprehet, për revoltën  e masës se popullit qe janë ne buzë gremine, nga skamja si pasoje e qeverisjes se keqe. Nuk fshihet ma dhe nuk rrahet  revolta ndaj një "Qeverie Kukull" qe e detyroj popullin kosovar të kërkoj azil politik  në Serbi që deri dje na preu ,na vrau  e na torturoj ,edhe kjo është pasojë e qeverisë aktuale qe ja ka pru thikën në fyt popullit. Nuk fshihet ma fjala e lirë qe të thuhet se  dështoj regjistrimi i popullatës me përjashtimin e "Diasporës  Shqiptare". Nuk mund te fshihet dhe te rrahet  fjala e lirë kur thotë populli se qeveria aktuale na e shiti edhe pasurinë e trashëguar nga baballarët,  duke përfshire ,fabrikat dhe organizatat qe me mijëra punëtore dhe familje të Kosovës janë ushqyer, citojmë edhe të thënat  e popullit kudo qe dëgjohet  "Qeveritaret hajdut" na i shiten edhe gurët e Kosovës ...etj

Tregim nga Sevdije Rexhepi

ME RASTIN E PËRFUNDIMIT TË MISIONIT NË NJË ZONË LUFTE (IRAK - IRAQ)

TREGIM:

DHOMA E VOGËL ME ËNDRRA TË MËDHA

Nga Sevdije REXHEPI*:

Endet nata futë e zezë nëpër boshtin e saj… Zgjas dorën duke prekur ngadalë si një e verbër gjësendet afër, deri sa gjej llambën e vogël pranë shtratit për të ndriçuar atë që si nëpër kllapi dëgjohej dhe vazhdonte pa pushim.
Përplasje e rrapëllima të forta e të përsëritshme bënë që gjithçka të lëvizte, edhe dhoma e vogël ku rrisim ëndrrat e mëdha, ku lutemi e mallemi tash sa kohë. Hapa sytë si nga një gjumë borëbardhe por edhe më tutje dëgjoja oshtimën e jashtëzakonshme në këtë ditë të sapo nisur, që në fillim më ngjanin në sulm të papritur.
E kthjellur tashmë e kuptova se nuk isha në ëndërr dhe se sulmi ishte diçka veç e supozuar, natyrisht kjo është e para gjë që të bie ndërmend në këtë hapësirë dhe këto rrethana.
Por ishte koha për të lënë nënkresën ku ruaja ëndrrat, ku lutesha për to dhe për një të nesërme më shumë për mua dhe të tjerët si unë, për më pak brenga për të dashurit tanë. Disi u ndjeva e mbështjell nga kjo furtunë që më ktheu pa dashje në fillimin tonë. Shpejtësia e saj më ngjau në shpejtësinë e kohës e cila është e vetmja që nuk plaket, mbetet gjithmonë e re. Zhytet nëpër oqeane e nuk fundoset, i afrohet diellit e nuk verbohet, qëndron në majat me borë e nuk ngrihet. Do të jetë jetëgjatë për aq sa të ketë të nesërme se jeton dhe përqafon të renë, gjithnjë e dashuruar në ditët që do vijnë. Ajo është e vetmja që nuk kthen kokën prapa, por kokat tona kthehen kah Ajo për të kujtuar rrugën e gjatë që kemi ecur, ëndrrat që kemi kapur, gjërat që kanë ikur… ato që kemi bërë dhe që kemi mundur t’i bëjmë më mirë. Nganjëherë ndihesh ndryshe kur shikon pas dhe sheh se ke përfituar shumë nga po kjo Kohë, e shpesh të vjen keq se mbase ke mundur të bësh më shumë.
Koha nuk mërzitet për ditët që ka gllabëruar, mu ashtu siç nuk mërzitej Kronosi kur gllabëronte fëmijët e tij. E nesërmja është e saj por edhe e jona njëkohësisht. Jemi Ne që kthehemi në retrospektivë dhe me sy prapa shpine shikojmë me xhelozi kohën e ikur.
Kjo Kohë bëri që disa nga ne të luftojmë për ëndrrat dhe nevojën për jetësimin e tyre, por edhe për të sfiduar atë që në ekranet televizive dukej si një ankth, diku në një pjesë tjetër të botës ku tokë e qiell digjej nga diell e luftë. Shumë sosh erdhën nga nevoja për të mbijetuar varfërinë. Edhe pse e vështirë, nuk ishte diçka e pamundur, por duke mos e ditur në fakt se çfarë ka e sotmja dhe çfarë na sillte e nesërmja, morëm këtë rrugë për t’u ballafaquar me të panjohurën. U bëmë pjesë e shtrëngatave të jetës dhe pluhurit, e besa edhe të luftës, jo që nuk kishim kaluar nëpër të. U kalitëm me diçka që s’ishim mësuar. I arnuam ditët me shpresën që jetonte në ne, shuam etjen e kureshtjen me ujë Tigri e Eufrati, vrulli i të cilave na mori furishëm për të na rikujtuar këtë thesar që e njeh bota me emrin Mesopotami. Ishim pjesë e sfidës që e zgjodhëm vetë por që përfituam në mënyrat më të ndryshme të mundshme.
Këmba na shkeli në këtë tokë me një të kaluar ndër më interesantet dhe vetë ndjenja e të qenit këtu bëri që të udhëtojmë nëpër itineraret e atyre që shkruan kaptinë pas kaptine këtë histori të papërseritshme të civilizimit.
A do e kishim zhbërë këtë pjesë të jetës sonë, këtu mes lumenjsh dhe luftërash po të ishte e mundur? Mbase kurrë!!! Se po ta zhbënim, do të tretej edhe ndjenja që është rritur e ka jetuar në ne gjatë tërë qëndrimit dhe punës tonë në një vend si ky, ajo ndjenjë që rrinë zgjuar bashkë me yjet duke bredhur nëpër kohën që mbetet një relikt, pastaj ndjenja e frikës që na ka bërë përherë e më të fortë, miqësitë e krijuara, kulturat e shumta të gërshetuara në një vend, eksperienca e përfituar… mbi të gjitha rëndësia e gjërave të imta që kanë po aq shumë vlerë sa edhe vetë jeta, se janë po ato imtësira që zbukurojnë jetën të cilën shpesh e vëmë në lojë por që mu kjo lojë na bën lojtarë më të mirë dhe më të fortë për sfidat tjera që do na presin.
Jetuam në dy kontinente njëkohësisht… Këtu ku frymoi civilizimi, ku u mëkatua për dashurinë, ku u ngritën kopshte për hir të saj, ku u zbatua ligj i njëjtë për të pasur e të varfër, këtu ku u ngritën e ranë shumë perandori, ku u kryqëzuan Lindje e Perëndim dhe Atje ku Ne belbëzuam së pari, ku u rritëm dhe edukuam, ku flitet gjuha e ëmbël shqipe, atje ku vdiset për atdheun, ku të dashurit tanë i lamë në ankth, atje ku Shqiponja ka folenë.
Kjo Shqiponjë edhe pse me mijëra kilometra larg na erdhi për të mos na lënë asnjëherë të vetëm. Festuam ditëlindjet tua Kosovë e Shqipëri e gjithmonë i veshëm festat me Flamur. Ajo përherë mblodhi zogjtë rreth vetes, na mbuloi me krahët e saj për të na mbrojtur. Na fali nga forca e krenaria e saj për të mbijetuar më lehtë këtë sfidë dhe po kjo ngrohtësi e saj prej nëne gjithmonë reflektoi veçantinë tonë mes popujsh të tjerë.
Pas tërë këtyre viteve që shpeshherë kanë ngjarë në një ëndërr pa fund, fërkojmë sytë për t’u zgjuar nga një gjumë si ky… ishim ne që donim ëndrra të vazhdojë… Po Koha ecën në ritmin e saj shekullor duke na kujtuar se ajo fluturon me flatra shqiponje.
Nga e tërë kjo zhytje mëngjesore nëpër kthesat e lakesat e poemës sonë të thurur diku larg, m’u kujtua thënia e famshme e Cezarit: “Veni, vidi, vici" (erdha, pashë, fitova). Sa e çuditshme mendova në heshtje, mbase i shkon për shtat kësaj kohe që kaluam në Babiloni, edhe pse kjo e jona i ngjan po aq një beteje nëse jo si ajo Cezariane.
Po kthehemi në origjinë më të fortë se sa kur erdhëm, të patundur mu si trungje palmash. Të qenit këtu përkundër rrezikut të luftës do të mbetet njëra ndër faqet më të shtrenjta të ditarit jetësor. Prandaj Ne po nisemi Atje bashkë me kujtimet… për një kohë që tashmë mëveshur nga dashuria po ia kthejmë shpinën…


Irak ,22 Shkurt 2011.


*Sevdije Rexhepi, përfundoi me sukses misionin e saj në një zonë lufte, kurse pas pushime që i kaloi në New York, ajo momentalisht gjendet në Zvicër, për t’iu kthyer pas pak jetës në Kosovë. Me këtë rast i urojmë autores kthim dhe risocializim të suksesshëm në ambientin kosovar. (sh.d.)

Feston Kosova e gëzon Shqipëria

Mimoza Enver Dajci, mbesë e familjes së Boletinëve

"Mire jam unë, kur asht mirë Shqypnia" ka thënë heroi ynë, Isa Boletini. Edhe unë, duke u nisur nga kjo thënie e lavdishme, uroj kët Pervjetor të madh të Pavarësisë se Kosovës, e të gjithë se bashku të përpiqemi për Shqipërinë Etnike.
Disa gjenerata nga familja ime, si dhe shumë familje të tjera shqiptare, që kanë dhënë jetën për Kosovën e demokracinë në Shqipëri, apo edhe si im atë, ish i burgosur politik, të cilin ne sallën e gjyqit prokuri e thirri: "Çohu ti armik i popullit, e na fol, që je edhe për Shqipërinë etnike...". Ashtu edhe unë nuk do të qëndroj duar kryq, por do të punoj për bashkimin e trojeve Shqiptare, e për të drejtat e shqiptarëve kudo ndodhen.
Lavdi heronjve që dhanë jetën për Pavarësinë e Kosoves, Adem Jasharit e të gjithë bijve e bijave të tjerë të kombit tonë. I pa harruar qoftë kujtimi i tyre!

Me fatëkeqësinë  e saj historike Kosova e ka  vështirë të ndahet. Qarqet sllavo-serbe mundohen me të gjitha mënyrat ta pengojnë atë të ec me këmbët e veta. Një shtet që ka nevojë t’i japësh dorën për t’u ngritur në këmbë, e jo ta shtysh për në greminë.
Këto qarqe po nxisin tani së fundi edhe  Dik Marty-n për akuzat e tij të pamatura dhe fallso, por jo pak edhe shqiptarë me zemër serbe, që mundohen ta pengojnë  Pavarësinë e fituar me gjak dhe shumë sakrifica.
Gjaku i derdhur nga bijët eddhe bijat e  këtij vendi të shumëvuajtur, nuk do të lejoj kurrë që të pengohet ky proces i pakthyeshëm. Nuk mund të mbash kurrë nën robëri një popull dymilionësh, siç deshi dhe siç po përpiqet ta mbajë me pa të drejtë Serbia Kosovën.
Duke i uruar tre vjetorin e Pavarësisë Kosovës, gjëj rastin t’u bëjë thirrje  dy opozitave, si asaj të Shqipërisë ashtu edhe të Kosovës, që të bashkëpunojnë në parlament për të mirën e kombit, se fati që na ka trokitur, sillet shumë rrallë në historinë e një vendi.

Rita Saliu, poete dhe publiciste e njohur. Prej vitesh punon për publikimin e vrasjeve, torturave dhe të humburve nga regjimi fashist i Serbisë. E njohur edhe në veprimtarinë humanitare të saj.

Uroj që ky përvjetor te jetë një raport besimi, bashkëpunimi kombëtar, i mbështetur ne një qëndrushmëri dhe përgjegjësi të lartë etike, atdhedashëse, egzistenciale e morale, që 100 vjetori i pavarsisë të na gjejë të bashkuar, së paku me një dëshire dhe një mendim për çështjen kombëtare.
Ne themelet e tua Kosovë, po të gjurmosh më thell në shekuj janë njolla gjaku të pashlyeshme. Të jemi të kujdesshëm dhe të përgjegjshëm në mbrojtjen e megjës-kufirit. Ti perkulemi Kosovës, gjakut të njom, qe dhimbjet tona të jenë të fundit e turmës.
Dëshiroj dritë nga rezatimi qiellor se malli ma ka mare gojen Kosovë. Me frymën e fundit shtetësi, bardhësi.

Me fat Kosovë! 

  Te ura për në Çameri

Takova mretëreshën Teutë 
tek priste delegatët e Pavarësisë
derisa Bilal Xhaferi i dhuronte lule
 
Me Konstandinin me Doruntinën 
te Ura e Shenjtë hidhte valle Rozafa
te Molla e Kuqe priste Nëna Terezë
 
Në Kuvendin në Kala te Rozafës 
Naimi, Fishta, Samiu, Mjeda, Dara,  
Skiroi, Noli, Çabeji, Ymeri, Poradeci,
Rugova,
shkruanin ALFABETIN E Lirisë

Në gjithë boten mblodha lule
në majat e Bjeshkëve te Nemuna
te Molla e Kuqe rruges Egnacia
arrita në Anadoll

kalova oqeanet deri në Amerikë   
u ktheva prapë, prapë shkova në Nish
në Kalabri e Sicili
dhe ktheva për në Çamëri
ku me thanë Zara ka mbetur jetime
 

Vazhdova të ecja drejt nënës
që më priste buzë detit
për të më kthyer në Dardani
aty ku është ngulitur rrënja


       
  MEMORIALI I JASHARËVE
 
  
   Zëri i kambanave ushtonte në Prekaz
   Ta degjonte bota memece
   Një flamur, një valle,
   një shqiponjë, një vatër
 
   dhe gjaku në ballë
   dhe plagët në gjoks
   Dielli e retë
   Dëshmitarë të lirisë 
 
   pranvera do të çelë lulet
   në krenarinë e kujtimit 
    Memoriali i Jasharëve 
   Si Sfinks u bën roje varreve!


Rita Saliu,Rhode Island, USA

Zef Pergega,  poet dhe publicist, autorë i disa librave

Gjate gjithë etapave të historisë nanat kosovare i kanë përkundur djepat e bores me lulet e prillit, të ushqyera hyjnueshëm në gjakun e martireve. Për besë në Kosovë burrat e kombit po rriten vonë. Pavarësia e Kosovës është realizimi i kryëndërres së paimagjinueshme të shekullit të ri. Literatura e fjalës shqipe, që kohën e vuri në levizje me poezitë e Vaso Pashes, Lasgush Poradecit dhe poetëve kosovar, për t’u ndez në "Lahuten e Malësisë" të Gjergj Fishtes, u kthyen në këngë - hymn për shqiptarin e kosovarin, për t’u zgjidh nga vargonjtë e robërisë turke dhe më pas serbe. Më në fund Europa e kuptoj gabimin e rëndë që kishte bërë ndaj shqiptarit dhe tokave të tij. Amerika, si gjithmonë në anën tonë të së drejtës dhe lirisë së popujve qëndron si arkitrau i fortë në themel të pavarësisë dhe krijimin e shtetit te Kosoves. Liria është gjithmonë produkt i marterizimit të një populli. Një kontribut ka dhënë edhe diaspora shqiptare e Amerikes, i cila për 47 vjet ka bërë 100 demostrata para institucioneve të shtetit Amerikan dhe OKB-se dhe greva urie, sidomos nga malësorët me institucionet e kultit me Fondacionin "Vendlindja Thërret" me shtypin e mergatës, si gazetat "Dielli" dhe “Illyria" me revistat "Kuvendi" e "Albdreams" me Televizionin e Shqiptarëve të Amerikës dhe atë te Komunitetit, me radion "Zeri i Atdheut" etj. Monomentale janë fjalët e presidentit te Amerikes, Bill Clinton se ne e fituam luftën, ndërsa ju fitoni paqen, monomenti i të cilit krenarisht i jep madhështi Prishtines Këto fjalë janë për çdo kosovar dhe për çdo parti politike neni i parë i kushtetutes, për të ngrtitur shtetin e së drejtës, për të gjithe qytetarët e saj, për të administruar e shijuar vlerat e lirisë.

Luigj Gjokaj, aktivist ( ish kryetar i Fondacionit “ Vendlindja thërret” )

*******

Mbas shumë gjaku të derdhur nëpër shekuj, së fundi Kosova ia arriti kësaj dite të merituar. Por, amaneti i Adem Jasharit dhe atyre që dhanë jetën për liri e pavarësi, për një bashkim kombëtar, ende nuk është realizuar.
Shpresojmë se ky shekull është i yni, dhe tani është koha, që të rikorigjohet historia që u bë në dëm të kombit tonë. Shqiptarët duhet të bashkohen në një shtet, sepse  kanë një gjuhë, nje flamur dhe një atëdhe të përbashkët.
Të gjitha këto do të vinë me angazhimin tonë dhe me ndihmen e miqëve tonë të Sh.B.A-se.  Kam qën dhe jam krenar që në jetën time jam munduar që të ve edhe unë një gurë në themelet e kësaj Pavarësie, pra edhe një herit urime dhe e gezofsh këtë  përvjetor, o Kosova jonë Dardane!

Gjekë Alia, aktivist i njohur në komunitetin shqiptar të Amerikës

Nëpërmjet Revistës “Kuvendi”
Një urim vjen prej Kelmendi
Popullit të dashur kosovar
Shpirt e zemër gjak shqiptar!

I uroj sot Dardanisë
Dit’n e bukur t’Pavarësisë
17 Shkurt dymijë e tetë
N’zemrat tona je për jetë!

Dekada e parë e shekullit të ri
Faqe e ndritur në histori
Shkruar me shkronja prej florinit
Prej nipave e mbesave te  Boletinit!

N’mbrojtje i erdh’ trollit t’ Kosovës
Mendja e ndritur e Rugovës
Shpata e mprehtë e Kopiliqit
Pena e artë e Mark Krasniqit
Furia e çetave të Azemit
Lidhja e madhe e Prizrenit
Feston Kosova e gëzon Shqipëria
Përjetë rroftë Pavarësia!
 

Mark Sallaku, aktivist  ish kryetar i PD për rerethin e Lezhës

  

 

Eshtë një kënaqësi e madhe që nëpërmjet Revistës “Kuvendi” na jepet mundësia të shprehim urimet tona me rastin e 3 vjetorit të Pavarësisë së Kosoves. 
Kjo është ngjarja më e rëndësishme pas 28 Nentorit për kombin shqiptar. Pas shumë shekujsh e okupuar, pas shumë shekujsh lufte, pas shumë shekujsh vuetje e sakrifica, pas shumë gjaku te derdhur, erdhi kjo ditë e madhe dhe shumë e pritur për popullin e Kosoves. Kjo ngjarje, në rradhë të parë, na bën të përulemi me respektin më të madh për ata bijë e bija të Kosoves që në shekuj dhanë gjënë më të shtrenjtë, jetën e tyre, për këtë liri. Ju qoftë e lehtë lendina mbi varr dhe e madhe lavdia e mirënjohja për vepren e tyre të lavdishme.
Eshtë momenti që ne si bashkëkombas të Kosoves të shprehim edhe një herë mirënjohjen dhe respektin më të madh për fuqitë Perëndimore, e në veçanti SH.B.A.-në, këtë mik të madh të kombit tonë, për kontributin që dhanë për Pavarësinë e Kosoves.
Në këtë përvjetor dua të uroj gjithë popullin vëlla kosovar me urimet më të mira, dhe Kosova ta gezojnë lirinë e merituar. Urojmë që Kosova të bëhët një vend i begatë, i zhvilluar e modern, perëndimor, ashtu siç deshiruan, që nga Hasan Prishtina, Isa Boletini, Ibrahim Rugova, Familja Jashari, e të gjithë ata burra të mëdhenj, që nuk jetojnë sot, dhe nuk e patën mundësinë ta shohin Kosoven e lirë. Ju urojmë klasës politike kosovare, që të punojnë së bashku për të ndertuar një Kosovë moderne, demokratike, e integruar ku çdo shtetas i Kosoves të ketë hapësiren dhe liritë si shtetas të një bote të qytetëruar.
Të punojnë se bashku për ndërtimin e një shteti model në Ballkan, ku në simbioze, të jetë bashkëjetesa ndëretnike, ndërfetare, për t’u treguar atyre armiqëve të kombit tonë që nuk e duan këtë pavarësi, që Kosova e meriton lirinë, meriton zhvillimin, meriton prosperitetin, dhe populli Shqiptar është një popull me kulturë dhe orientim perëndimor dhe jo oriental.
Duke punuar në këtë rrugë, do të jetë kontributi më i mirë që do jepet çeshtjes kombëtare, pasi një ditë në të ardhmen jo shumë të largët, flamuri Shqiptar do valëvitet edhe në Çamëri , edhe në Tetovë, edhe në Shkup, edhe në Ulqin, dhe trojet tona një ditë do bashkohen.
Rroftë Kosova, rroftë Shqipëria Etnike!

Paul Shkreli, biznesmen i njohur në komunitetin shqiptar të Amerikës

Çdo shqiptar ka dhanë mundësitë e tij për ta pa një ditë Kosovën të lirë. Askujt s’ia ka marrë mendja, se brezi ynë do ta përjetoi lirinë e Kosovës, por ja që erdhi!
Shqiptarët, kudo që ishin në botë, iu përgjigjen thirrjes së atëdhut të tyre, për të luftuar e dhanë jetën, kundër armikut shekullor, që donte t’i mbante përjetësisht nën sundimin e tij.
Kurrë nuk mund ta mbash një popull nën sundim, kur nuk të lidh asgjë me të!
Rroftë Pavarësia e Kosovës dhe gjithë shqiptarët! 

Ndue Ftoni, biznesmen dhe aktivist i njohur në komunitetin shqiptar të Amerikës, sponsor i disa aktiviteteve kulturore në komunitetin shqiptar të Detroitit

Me rastin e tre vjetorit të Pavërësisë së Kosovës, uroj nga zemra që kjo datë të festohet përjetësisht, përherë e më mirë, me arritje çdo vit e  më të mira në të gjitha fushat e zhvillimit të saj!
Kosova, e njohur nga vendet më të fuqishme të botës do të jetë e sigurtë në rrugën e saj të lirisë, duke fituar përherë e më shumë përkrahjen  dhe njohjen edhe të atyre  vendeve, që deri sot nuk e kanë njohur.
Një urim të veçantë për ata që do të kujtohen përjetësisht, të cilët vunë jetën e tyre në themel të Pavarësisë, si dhe të SHBA-së, që ndikuan fuqimisht në ardhjen e kësaj dite historike!

Zef Lleshi, publicist i njohur ne komunitetin shqiptar të Amerikës

Tre vite të pavarësisë së Kosovës janë tre vite të rilindjes së kombit shqiptar, janë tre vite rruge drejt ëndërres së madhe të bashkimit të trojeve etnike shqiptare.
Në pritje të realizimit të kësaj ëndërre deshirojmë dhe urojmë që populli i Kosoves do të dijë të perparojë në rrugën e nisur,duke bërë realitet amanetin e atyre që vunë jetën e tyre në themel të kësaj lirie.
Me këtë rast uroj gjithë popullin e Kosovës Gëzuar 3-vjetorin e Pavarësisë dhe çdo përvjetor qoftë më i lumtur e më i begatë !

Toni Sufaj, kryetar i Shoqatës “ Malësia e Madhe” në Toronto

Në këtë tre vjetor të Pavarësisë së Kosovës , uroj gjithë shqiptarët të festojnë së bashku, pasi Kosova është Shqipëri, kosovarët janë shqiptarë dhe një ditë, herët a vonë, do të kemi të gjithë një shtet dhe, vetëm atëherë Kosova do të jetë e lirë përfundimisht, do të jetë e pavarur dhe më e fortë se kurrë.
Kosova po ecën drejt stabilitetit si shtet, drejt rritjes së ekonomisë, drejt njohjeve të reja, drejt mbështetjës të vendeve më të fuqishmë të globit. E, kjo nuk është pak për një periudhë kaq të shkurtër.
Gjaku që dhanë kosovarët për lirinë e atëdhut të tyre u bëftë dritë në jetë të jetëve!

Gjergj Dedivanaj, pronar i axhensisë së njohur “Worldwide Travel  Connection”,  ish anëtarë i shoqërisë së parë kulturore “Shqiponja” në Detroit

Uroj nga zemra tre vjetorin e Pavarësisë së Kosovës dhe gjithë shqiptarët në trojet e tyre shekullore.
Lumturia e secilit prej tyre është lumturia e të gjithëve së bashku, ndaj i bashkohem kësaj dite të gëzuar, të cilën e kemi pritur prej qindra vjetësh.
Vuajtjet e një populli të martirizuar, si ai i Kosovës e kanë merituar shumë ma përpara të jenë të lirë dhe të pavaruar, pasi historikisht shqiptarët kanë provuar se nuk janë e keqja e askujt. Ata kanë luftuar vetëm për mbrojtjen e tyre dhe të padrejtësive që bota i çoj në vend  me shumë vonesë.
Veç gjakut dhe jetës së kosovarëve të dhënë për liri, është meritë e shtetit ku ne jetojmë, Amerikës, që me forcën dhe autoritetin e saj, me ndikimin në politikën ndërkombëtare, bëri që Kosova të jetë e Pavarur!
Lavdi dëshmorëve të Kosovës dhe Kosovës së Pavarur!

Lulash Palushaj, poet, aktivist i njohur në komunitetin shqiptar të Amerikës







Sado që të flasim për Pavarësinë  e Kosovës është pak, para vuajtjeve të atij populli të martirizuar e përndjekur prej shekujsh. Kurrë historia nuk do ua fal atyre që përdoren ato mjete dhe atë dhunë të paparë ndaj një populli të pafajshëm. Faji i vetëm i tyre ishte pse ishin shqiptar.
Fati na ka trokitur ne derë e ne duhet të dijmë të administrojmë si një pasuri të rrallë, me të shtrenjtën siç është Liria dhe Pavarësia, për të cilat asnjëri prej nesh se ka menduar se do ti përjetoi, siç i ndodhi ky fat brezit tonë.
Gjëj rastin të uroj në këtë tre vjetor, që gjithëmonë festofshim në Liri dhe Pavarësi, por ma së miri do të ishte t’i hedhim sytë ma larg, drejt asaj që e kemi shumë afër, Bashkimit Kombëtar, andrra ma e madhe e  shqiptarëve kudo që janë!

Marash Uci Dushaj

Marash Uci Dushaj, përkrahu dhe ndihmoi vazhdimisht organizatat nacionaliste të krijuara në emigrim, duke qënë edhe në kryesinë e tyre. Mori pjesë në shumë demostrata antikomuniste si dhe kundër Jugosllavisë për Lirinë e Kosovës. Fryma nacionaliste e tij e bëri që të vuaj disa vite burg

Julian Çefa, aktivist i njohur në komunitetin shqiptar të Amerikës

Endërra e popullit heroik kosovar dhe deshira e të gjithe bashkatdhetarëve, si brenda dhe jashtë nënës Shqipëri u realizua me 17 shkurt 2008, kur Kosova fitoi pavarësinë e saj aq të deshiruar.
Kjo ishte fitorja më a madhe e popullit shqiptar, që nga 28 Nandori 1912. Pavarësia e Kosovës u vulos me gjakun e bijve të saj, që nuk kursyen jetën për këtë ditë të shënuar në historinë e kombit tonë.
Me rastin e tre vjetorit të Pavarësisë , Kosovës dhe popullit të saj liridashës u shpreh deshiren ma të sinqertë , duke i uruar Pavarësi të përjetshme, suksese të mëtejshme politike, diplomatike, ekonomike, kulturore shoqnore dhe relacione të ngushta me nënën Shqipëri! 



Merita Bajraktari McCormack, poete, aktiviste e njohur në komunitetin shqiptar të Amerikës








Përshendetje për të gjithë shqiptarët anembanë botës në Përvjetorin e Tretë të Pavarësisë së Kosovës. U gëzofshim për jetë e mot për lirinë dhe pavarësinë e kombit tonë. Në këtë përvjetor përkujtoj me nderim e respekt të gjithë ata që kanë bërë sakrificen sublime për liri e pavarësi. 
Gjithashtu nderoj dhe respektoj vepren e të gjithë patriotëve shqiptarë anembanë globit, që i janë përkushtuar çështjes kombëtare dhe vazhdojnë në atë rrugë.
Falenderoj Shtetet e Bashkuara të Amerikës për mbështetjen e vazhdueshme ndaj kombit tonë dhe shpresoj që Kosova do të vazhdojë të perparojë dhe fuqizohet në të gjtiha drejtimet. Gezuar dhe Zoti e bekoftë popullin tonë!

Merita B.McCormack
Uashington DC


Alfons Grishaj, “Pishtari i Demokracisë”, poet  Editor i Revistes “ Kuvendi 




 



Çeshtja e Kosovës është çeshtje e gjithë shqipëtarve të kudondodhur.Viti i tretë i pavarësisë e gjen Kosoven përballë sfidave të kohës, në politikën e jashtme dhe atë të brendshme, me miqtë e shumtë në botë, por dhe me armiqtë e vjetër e të rinj.




Karektaristikat e popullit martir të Kosoves janë të veçanta, por dhe të përbashkëta me popujt e tjerë, që kanë qënë në pozicionin e saj.Tani, ata popuj janë kombe të vegjël dhe të mëdhenj. Kështu do të kaloi dhe Kosova këtë tranzicion, me pjekuri dhe maturi në bashkimin jo të largët me trungun mëmë, Shqipërinë.
Fjalet e mija për Kosoven janë: Pjesa e dielltë e Kosoves është pjesë e diellit e Shqiperise dhe Europes, reflektimi i vlerave demokratike te shtetit mik Amerikan në supërvleren e lirisë…



Vasel Pjetri Ujkaj





Vasel Ujkaj, aktivist i njohur në komunitetin shqiptar të Amerikës, përkrahës i organizatave nacionaliste të emigrantëve në Amerikë, pjesëmarrës në të gjitha demostratat e organizuara për Lirinë e Kosovës.
Kosovë, e gëzofsh tre vjetorin e Pavarësisë!
Lavdi të gjithë dëshmorëve për lirinë tënde!
Zoti i bekoftë miqtë e Kosovës, me në krye SH.B.A!
Dua të shoh Bashkimin Kombëtar me nanën Shqipni!
Pasardhësit  tanë e festofshin gjithëmonë Pavarësinë!

Vasel Pjetri Ujkaj,






Kujtim Qafa, aktivist i njohur ne komunitetin shqiptar të Amerikës, Kryetar i “ Vatres”
 për Degën e Detroitit


 

Kosova po mundohet ta marrë veten politkisht dhe ekonomikisht, dy nga fushat  ma kryesore të zhvillimt të një vendi, për të cilat ky shtet i sapolindur është prapa vendeve të tjera me histori shtetrore shumë më të vjetër. Veç kësaj, prania e armiqëve shekullor në krah të saj, po bëjnë të pamundurën për të penguar njohjen  e saj nga më shumë vende të botës, për të cilat qe menduar.
Akuzat e kohëve të fundit nga Dik Marty, duhet të qartësohen më çdo kusht dhe të dalin të pafajshëm, sepse Porkuroria e Hagës kërkon fakte. Në qoftë se shqiptarët e akuzuar  kanë faj, do të thotë se ne kemi shumë për të mësuar nga demokracia perëndimore. Imazhi i këtij shteti, që akoma s’është ngritur në këmbët e veta, me këtë akuzë është dëmtuar shumë.
*****
Shpresoj se Kosova e pavarur do të punoi me të gjitha forcat e saj, për të ecur drejt rrugës se vetme të  Bashkimit Kombëtar, se vetëm atëhere ajo do të jetë e lirë dhe e pavarur.


Përgatiti dhe moderoi Flori Bruqi

Befasia e së Përditshmes .

Gjate gjithë etapave të historisë nanat kosovare i kanë përkundur djepat e bores me lulet e prillit, të ushqyera hyjnueshëm në gjakun e martireve. Për besë në Kosovë burrat e kombit po rriten vonë. Pavarësia e Kosovës është realizimi i kryëndërres së paimagjinueshme të shekullit të ri. Literatura e fjalës shqipe, që kohën e vuri në levizje me poezitë e Vaso Pashes, Lasgush Poradecit dhe poetëve kosovar, për t’u ndez në "Lahuten e Malësisë" të Gjergj Fishtes, u kthyen në këngë - hymn për shqiptarin e kosovarin, për t’u zgjidh nga vargonjtë e robërisë turke dhe më pas serbe.
Më në fund Europa e kuptoj gabimin e rëndë që kishte bërë ndaj shqiptarit dhe tokave të tij. Amerika, si gjithmonë në anën tonë të së drejtës dhe lirisë së popujve qëndron si arkitrau i fortë në themel të pavarësisë dhe krijimin e shtetit te Kosoves. Liria është gjithmonë produkt i marterizimit të një populli. Një kontribut ka dhënë edhe diaspora shqiptare e Amerikes, i cila për 47 vjet ka bërë 100 demostrata para institucioneve të shtetit Amerikan dhe OKB-se dhe greva urie, sidomos nga malësorët me institucionet e kultit me Fondacionin "Vendlindja Thërret" me shtypin e mergatës, si gazetat "Dielli" dhe “Illyria" me revistat "Kuvendi" e "Albdreams" me Televizionin e Shqiptarëve të Amerikës dhe atë te Komunitetit, me radion "Zeri i Atdheut" etj.
Monomentale janë fjalët e presidentit te Amerikes, Bill Clinton se ne e fituam luftën, ndërsa ju fitoni paqen, monomenti i të cilit krenarisht i jep madhështi Prishtines Këto fjalë janë për çdo kosovar dhe për çdo parti politike neni i parë i kushtetutes, për të ngrtitur shtetin e së drejtës, për të gjithe qytetarët e saj, për të administruar e shijuar vlerat e lirisë.


****************


Nga Rafael Floqi

Shënime kritike për librin më të ri të Zef Përgegës « Lëreni kohën të flasë »

Një shkëmb i shkulur i vendlindjes që mbart me vete sa fatin e mërgimtarit aq sa dhe mallin e përjetimeve, sa kujtesën e ngjizur si tharm i poezive të veta, aq dhe një tufë figurash të nxjerra si nga nektari i luleve të malit, sa dhimbje aq edhe shqetësim burri që të befason në këtë vëllim të ri me poezi. Vëllimi i tretë të Zef Përgegës « Lëreni kohën të flasë » sjell një qerthull poezish që diku- diku rregëtijnë si zjarre malli, e diku si hire shpresash , ku mes prushit e hirit xixëllojnë aty-këtu mes vargjesh perla autentike metaforash që të befasojnë dhe të rrëmbejnë.

Zef Pergega , është një poet që ka krijuar individualitetin krijues, jo vetëm në poezinë e sotme shqipe që krijohet në mërgim, por përmasat e këtij individualiteti maten me nivelin e poezisë së sotme shqipe. Tashmë poezia e tij ka fituar një vlerë dhe peshë të vertetë artistike. Kjo gjë më dukshëm vërehet, sidomos në krijimet poetike të librit të fundit të këtij autori. Poezia e tij, ka marrë vlerë që duhet respektuar, sepse ka tërhequr vëmendjen e lexuesit, për më tepër të asaj kategorie që leximin e poezisë e bëjnë më kujdesshëm dhe në mënyrë profesionale. Tonaliteti, individualiteti i unit poetic, madje dhe figuracioni eshte i ngjyer, i ngulfatur, në shumatoren e përceptimeve dhe përjetimeve të poezive të tij, me tematikë nga vendlindja, nga raportet me njerëzit e tjerë, dhe vleresimi i kundrimit poetik e bën poezinë e tij shpesh herë mjaft piktografike gjë që reflekton një figuracion e ndienjë shumëplanëshe që e transformon unin e tij poetic, në atë shumatore të krijuesit dhe krijimit artistic, që sa vjen e shpaloset me një sinqeritet krijues në faqet e këtij libri.

Janë këto disa nga arsyet pse themi se Zef Pergega është nga ata poetë që poezinë e ka pasion, dhe atë e krijon jo për të plotësuar ndonjë vakum krijues, por thjesht shkruan për të shprehur ndjenjën dhe përkushtimin e tij letrar. Tash kur përmendim këtë autor, një poet që krijon kujdesshëm i cili si prodhimtar i vlerave letrare duhet respektuar dhe duhet t’ia pranojmë suksesin e gjertanishëm e mjaft prodhimtar.

Zefi pavarësisht trajtimit te gjinive te tjera i ka mbetur besnik krijimit të poezisë duke u dalluar si një krijues që më me përkushtim merret me të. Ai nga libri në libër ka shënuar ngritje, vlera këto të tejdukshme, qoftë në aspektin estetik apo të qasjeve metodike për të sendërtuar vlera që ai i ka synuar. Deri më tani ky poet ka shënuar rritje, duke i dhënë vlerë dhe sharmin e duhur artistic poezisë, që I jep kesaj lloj poetike vlera artistike te qëndrueshme.

Te poezia e Zef Pergeges spikasin tiparet e njëe poezie që ngërthen në vetvete sa modele dhe stilema mirditore të poezise së tij të trevave të Lezhes të kultivuara qysh në kohën e rinisë së hershme dhe të shprehura qysh në librat e parë të tij , me të vetmin ndryshim se melankolia për Atdheun, tani sikur e ka ndryshuar baraspeshën. Tashti kundrimi i fenomeneve bëhet nga larg dhe është bërë obsesion i tij krijues, duke e bërë poezinë më meditative, më të përjetuar dhe shumë më të dhembshme, ngase edhe ato nota lirizmi edhe ato fije gëzimi, sikur i këputen nga një jetë e të qenit larg Atdheut, larg realitetit për të cilin ai jeton dhe krijon. Por të qenit larg vendlindjes i jep atij distancën e duhur nga tabloja poetike për ta bërë poezinë e tij jo vetëm emocionale por edhe racionale.

Poezia e Zeg Pergegës është një kondesat përjetimi. Uni i tij poetik shpreh një njerën anë realitetin në anan tjetër filozofimin për situatën. Realiteti të emigruarit në Amerikë, ai për jetim i parë i jetës të re emigrantëve të rinj të Ameriëks, zor se mund të thuhet më shkurt se sa në këto dy vargje të poezisë « Më përket dhe i përkas », ‘Të ardhurit e ngulin idenë e kthimit, /pa lëshuar çantën e ikjes’. Realiteti i ri, Amerika për autorin që kaloi si shumë prej nesh në kalvarin e emigracionit, është toka e premtuar, është toka e qumështit dhe e mjaltit, ku Perëndia për herë të parë zbriti në këtë tokë/ Në krah Jezusin me zonjën Mari. Tema e kuptimit dhe e nderimit për Amerikën shihet edhe në mjaft poezi të tjera,si : « Marshi i të barabartëve », « Eshtë diçka që duhet të jenë » etj.

Malli për vendlindjen është sa i ndjerë aq dhe dramatik, sa i deklamuar aq dhe i për jetuar, ndaj dhe poeti guflon «Të gjithë dashuritë i mblodha si liqeni plot me kroje / mallin tënd dhe mallin tim për Shqipëri. Malli është tema e mjaft poezive lënda e cilave janë sa përjetime të gjalla, përsiatje e kujtime aq edhe përgjithësime të një filozofije konkrete të ditës që përbën edhe vetë mesazhin e tyre. Babai, nëna, familja,fëmijët janë fytyrat e mallit, si tek poezia « Qelizë e ndarë » ‘ Hallet zgjasin thonjtë / e përfyti na zënë në zyrat e shtetit, aty kujtohemi se në pasaportë i paskemi në listë etërit ‘ .

Një figuracion me veneracion të krishterë, të paparë ndonjëherë në letërsinë shqipe të pas diktaturës, ku të qenit i krishterë katolik për poetin nuk është vetëm çështje konfesioni, por dhe një shqetësim poetik , mjafton këtu të citojmë vargjet nga poezia « Në Mirditë » ‘ Krishtërimi atje rron me pemën, nëntëqind vjecare Uldi, Mali i shenjtë stinët i vesh me xhurdi /plisin në bardhë e zhgunin e Benediktit /Bibla i vallon në sy’, apo poezinë « Lutja e Nanës sime », ‘katolike ajo vatër në prushin e kumteve /trokiste heshtas një puhizë vjollcë, Nana mërmëriste orën e lutjeve’.

Raportet mes feve nevoja e unitetit kombëtar është tema e mjaft poezive, si: « Korpi i njerëzimit », « Një parmendë kemi », Gjakëz,etj., por poeti shkon edhe më tej duke përsiatur mbi kuptimin e krishterë të njerëzimit dhe të botës , si në poezinë «Koha e Gjethes ».

Realiteti i Shqipërisë por edhe realiteti jetës në Amerikë janë tematika kryezore të poezive të Zefit , ndjeshmëria ndaj ngjarjeve të Kosovës e të Shqipërisë përbën grupimin më të madh të poezive , si : « Dikur dhe tani », « Delfinët », « Bjeshka e kuqe », « Reklamë », « Nana përkundi trima » , « Kam me lind, etj ». Por analizës së fakteve nuk i kanë shpëtuar edhe dukuri shoqërore të jetës shqiptare , të politikanëve të përçudnimit të njerëzve dhe të vetë realitetit, si në poezinë : « Reklamë » , ‘kanaçet e shtypura të reklamave shqiptare , të njejtat fytyra me xhaketa të kthyera, të kapura pas një nallaneje’, apo poezi të tilla si « Jetoj », « Hamburger me gjymtyrë », « Hithri dhe Lisi ». Një sarkazmë e lehtë ndihet ndaj dukurive shoqerore të Shqipërisë së pas komunizmit, në disa poezi si ajo e lartpërmenduara që marrin madje edhe formën e fabulës.

Por realiteti i ri që poeti përjeton është i ashpër, nuk ësht ë i lehtë për t’u jetuar , pasi autori nuk e përjeton atë vetëm artistikisht, por edhe fizikisht,si në poezinë “ Letra e njoftimit “ apo “Ndjesi Kapitali” ku shfaqet tek poeti ajo ndjesi dinjiteti që ndjen së pari përçmimit e racizmit të të huajve ndaj çdo shqiptari.

Por le të ndalemi tani tek poezia që i jep edhe titullin vëllimit: « Lëreni kohën të flasë » Në fakt ky është vëllimi i tretë i autorit Zef Përgega që në ndryshim nga dy vëllimet e para « Dheu i Atit » dhe « Kallnuer në Detroit » sjell krahas lirizmit të indit poetik , më tepër pjekuri artistike si në vargëzim , në figuracion apo dhe në imazh.Imazhi poetik buron natyrshëm ai është sa i drejtpërdrejtë aq dhe metaforik .

Vlerat e librit maten edhe më vokabularin shprehës, bagazh ky i ngarkuar me shprehje të traditës mirditore duke hiperbolizuar mendimin artistik me doket dhe zakonet e trevës që i takon, si mjeti më i mirë dhe më i sigurt për t’u kushtuar vëmendje të veçantë mjeteve shprehëse, kulturës shprehëse që duken si një qasje origjinale dhe e mirëfilltë. Zef Përgega edhe në këtë libër, (bile më me ngulm), është përpjekur për të dhënë një figuracion të bollshëm dhe mjaft të pasur, dhe me një gjuhë sa të rrjedhshme, po aq të kuptueshme që e ka spikatur muzikalitetin e vargut dhe të fjalës artistike.

Këto njohje dhe dije janë rezultat i punës dhe përkushtimit ndaj poezisë ose më saktë nga shoshitja e vlerave të traditës popullore, të gjuhës dhe kulturës, të njohjeve të historisë dhe mitologjisë të cilat duke i gërshetuar edhe me njohjet në fushën e poezisë, bën që poezia të marrë një ylberim specifik që e bën atë më të dalluar, tipar ky i poezisë së sotme shqipe që krijohet jo vetëm në mërgim.

Ky vëllim poetik që është libri i tretë me poezi i poetit në një total prej tetë librash të gjinive të tjera, që i jep atij një vend të denjë në poezinë shqipe që prodhohet në diasporë dhe në Shqipëri dhe që është një nder për komunitetin tonë letrar të Michiganit të kemi në gjirin tonë një autor si z. Zef Përgega.


******

Ne kete liber( “Ylberet e Shejzave” nje veshtrim letraro-historik kushtuar arkitraut te prozes moderne shqipe prof Ernest Koliqit dhe akademise se fjales shqipe ne mergim) te shkruar me ndjenje dhe profesionalizem pasqyrohet nga autori veprimtaria letrare, poetike historike, shklkencore, perkthyese, akademike dhe patriotike e disa figurave me te spikatura te diapores shqiptare ne Amerike e Europe qe nepermjet bashkepunimit me “Shejzat” mbajten gjalle frymen e tradites se genit shqiptar ne boten e lire. Pergega u ka bere nje analize letrare dhe poetike krijimtarise se Martin Camajt, Arshi Pipes, Gjon Sinishtes, Zef Oroshit, Vehbi Ismailit, Prek Ndrevashes, Baba Rexhepit, Zef Valentinit, Petro Vucanes, Karl Gurakuqit, Antony Athana etj,

Ata ishin lisi i ushqyer me buken shqipe me dy dege disa toske e disa gege

Pozitivizmi jo ne kuptimin e rrymes filozofike letrare por si nje premise e prirje shpirterore eshte karakteristike e autorit pergega

Lidhja krijuse, shpirterore dhe patriotike e pesonazheve te ketij libri si nje kembane ne katedralen e fjales ne boten e lire, bashkepunimi me revisten me brilante te diaspores “Shejzat” me shoqaten “Vatra” dhe me iunstitucione akademike perendimore si dhe botimi nga ana e tyre te shtypit te lire shqiptar si “Albanika” Jeta katolike” “Buletini katoliK” “Jeta Islame” ”Dielli” dhe “Zei I Bektazhizmit’ paraqiten nga autori ne menyren me dimensionale dhe koncize ku shendrisin ylberet e mesazheve te ketyre korifejeve te letersise shqipe

Per nga vlerat qe mbart krijimtaria e gjithaneshme e ketyre autoreve dhe thesaret e vyera qe na lane si nje shkolle institucionale ne diaspore libri i Pergeges eshte i mirepritur ne cdo familje mergimtare shqiptare