Bunkeri, vendstrehim për Enverin në rast lufte

Në një vend të largët e të fshehtë diku rreth 20 kilometër në veri të qytetit të Çorovodës, në jug të malit të Tomorrit, në një lartësi rreth 2000 metër mbi nivelin e detit, gjendet një objekt ushtarak që i ka kushtuar Shqipërisë së kohës së komunizmit miliona dollarë.

Ishte një vendstrehim nëntokësor i destinuar për Enver Hoxhën, kreun më të lartë të udhëheqjes komuniste të kohës, që do të shfrytëzohej në rast lufte.

Një ekip i televizionit tonë u ngjit në këtë mal duke fiksuar në kamera pamje të rralla.

Boris Ljubomir Tadiç porosit serbët e rebeluar të mos konfrontohen me KFOR-in

Përfaqësuesit serbë të katër komunave veriore janë mbledhur për mbi tri orë në Zubin Potok për të sjellë konkludime në lidhje me kërkesën e KFOR-it për heqjen e menjëhershme të barrikadave në veri.

Mediat serbe raportojnë se në takim është kërkuar nga kryetarët ilegalë të komunave veriore që në bisedimet me përfaqësuesit e KFOR-it të gjejnë zgjidhjen për furnizimin e trupave të KFOR-it në veri të Kosovës.

​​Përfaqësuesit e serbëve të veriut kanë kërkuar që bisedimet mes Beogradit dhe Prishtinës të mbahen nën ombrellën e Këshillit të Sigurimit, në përputhje me rezolutën 12 44 duke thënë se nuk pranojnë që në veri të zbatohen marrëveshjet e arritura në dialogun që zhvillohet në Bruksel.

Po ashtu është kërkuar që hetimet për ngjarjet në Jarinë të bëhen nën mandatin e Këshillit të Sigurimit të OKB-së.

Njëri nga përfaqësuesit e serbëve të Zubnin Potokut, Stevan Bozhoviq, ka thënë se miratimi i këtyre pikave nuk nënkupton edhe heqjen e barrikadave, por vetëm mundësimin e furnizimit të ushtarëve të KFOR-it në veri.

KFOR-i ka shtyrë të paktën dy herë afatet për heqjen e barrikadave, ndërsa konvoji i nisur dje për të furnizuar ushtarët në veri përmes rrugëve tokësore ka hasur në rezistencën e banorëve në barrikada.

Zyrtarët e KFOR-it nuk deklarohen në lidhje me veprimet e sotme, duke lënë të kuptohet se presin rezultatet e takimit të përfaqësuesve serbë.

Ndërkohë, një deklaratë para takimit përfaqësuesi i serbëve të Mitrovicës, Radenko Nedelkoviq ka bërë të qartë se në verpimet e tyre kanë mbështetjen e Beogradit.

“Udhëheqja shtetërore e Serbisë është me popullin në Kosovë dhe ne jemi në kontakt me Beogradin përmes ministrit për Kosovën, Goran Bogdanoviqit. Ata na japin mbështetje në luftën tonë paqësore”, ka thënë Nedelkoviq.

Në anën tjetër, zëdhënësi i Policisë së Kosovës për rajonin e Mitrovicës, Besim Hoti, thotë se gjendja në veri mbetet e pandryshueshme.

“Sa i përket barrikadave deri më tani nuk kemi pasur ndonjë veprim apo aksion për largimin e tyre. Në to kemi prani të personave të përkatësisë serbe në urën kryesore, në Shkollën Teknike, në Zupç dhe në Rudare”, tha Hoti.

E diela ishte përcaktuar fillimisht si afat për largimin e barrikadave nga ana e paqeruajtësve dhe po atë ditë, në komunikatën e KFOR-it thuhej se “përfaqësuesit e komunave të Leposaviqit, Mitrovicës veriore, Zubin Potokut dhe Zveçanit kanë kërkuar më shumë kohë dhe komandanti i KFOR-it ka vendosur t’u ofrojë një ditë shtesë”.

Strukturat paralele kërkuan kthimin e ushtrisë dhe policisë serbe në veri

Në takimin e katër komunave veriore të mbajtur të mërkurën në Zubin Potok, deputetët njëzëri kanë obliguar kryetarët e komunave që në bisedime me përfaqësuesit e KFOR-it të gjejnë një zgjidhje të përbashkët rreth furnizimit të ushtarëve në veri të Kosovës.

Brenda këtij takimi kanë bërë të ditur se deputetët kanë shprehur mospajtimin e tyre që gjendja reale në terren të ndryshojë dhunshëm, si dhe kanë kërkuar që gjendja në veri të Kosovës të kthehet siç ishte para 25 korrikut.

”Ata kërkuan kthimin e një pjese të ushtrisë dhe policisë serbe në veri të Kosovës, kthimin e UMNIK-ut në vend të EULEX-it, pastaj që bisedimet mes Prishtinës dhe Beogradit të udhëhiqen nën mbikëqyrjen e Këshillit të Sigurimit të KB-së, ndërkohë që marrëveshjet e arritura deri tani të mos imlementohen, sepse dëmtojnë interesat serbe”, kanë thënë burimet, duke shtuar se deputetët e pranishëm kanë insistuar po ashtu që veriu i Kosovës të mbetet në kuadër të Serbisë.

Tadiq porosit serbët e rebeluar të mos konfrontohen me KFOR-in

Përfaqësuesit e serbëve të veriut duhet të marrin një vendim të arsyeshëm në raport me KFOR-in. Ky është moment historik për qëndrimin e serbëve në këto hapësira, ka thënë para takimit të mërkurën i ashtuquajturi kryeshef i qarkut të Mitrovicës, Radenko Nedelkoviq.

Sipas tij, serbët lokalë kanë porosinë nga kreu i shtetit të Serbisë Boirs Tadiq që të mos konfrontohen me forcat ndërkombëtare në Kosovë, KFOR.

“Mendoj se ky është momenti historik për serbët e këtushëm dhe për mbijetesën e tyre në këto hapësira. Sot në këtë takim duhet të jemi shumë të shkathët dhe të mençur, të vendosur e të guximshëm në mënyrë që të marrim një vendim racional”, ka thënë Radenkoviq, duke shtuar se në asnjë mënyrë serbët nuk guxojnë të shkaktojnë konflikt me institucionet ndërkombëtare.

KFOR-i pret vendimin e serbëve për barrikadat

Këshilltarët e katër komuna ilegale sot në takimin e tyre në Zveçan duhet të vendosin a do t’i heqin barrikadat nga rrugët në veri të Kosovës. KFOR ka tërhequr vërejtjen se është i vendosur që sot të ndërmarrë aksion për heqjen e barrikadave nëse serbët nuk marrin vetë vendim për largimin e tyre.

Mbledhja e “këshilltarëve” është planifikuar të fillojë para mesdite dhe në të marrin pjesë edhe zyrtarë nga Beogradi.

Kryetari ilegal i komunës së Leposaviqit Branko Niniq ka thënë për B92 se sot me siguri do të arrihet marrëveshja për heqjen e barrikadave.

Sipas paralajmërimeve të sekretarit në të ashtuquajturën Ministri për Kosovën Oliver Ivanoviq, sot do të arrihet marrëveshja ndërmjet serbëve dhe përfaqësuesve të KFOR-it e cila ka tri elemente.

Marrëveshja, sipas tij, përfshin pikat se KFOR-i nuk do të transportojë doganierët e Kosovës, se nuk do të lejojë shkuarjen e njësiteve të armatosura të Kosovës në veri dhe se nuk do të ndihmojë EULEX-in në për të sjellë përfaqësuesit e institucioneve të Kosovës në veri.

Drejtësia e Hagës në peshojë :Trupi gjykues i Tribunalit të Hagës i jep vërejte serioze prokurorit të Rastit Haradinaj dhe të tjerët, Paul Rogers.

Prokurori i Rastit Haradinaj merr vërejtje serioze

Trupi gjykues i Tribunalit të Hagës i jep vërejte serioze prokurorit të Rastit Haradinaj dhe të tjerët, Paul Rogers.
Fjala është për mosdhënie të informatave që kanë mundur të ndikojnë besueshmërinë e njërit nga dëshmitarët e rastit Haradinaj.
Në këtë vendim të tribunalit paraqitet komunikimi i prokurorit Rogers me dëshmitarin 75, gjatë kohës kur dëshmitari po kërkonte azil politik në Amerikë me ndihmën e prokurorit Rogers. Ky dëshmitar i kishte dhënë deklaratë të pavërtetë avokatit të tij.
Në dokumentin e siguruar nga RTK, shihet një letër elektronike që dëshmitari më pas ia kishte dërguar prokurorit të rastit Paul Rogers.
“ Unë i kam thënë avokatit tim se vëllau im ishte vrarë në luftë. Kjo nuk është e vërtetë, por unë e kam bërë këtë për sigurinë e familjes time në Kosovë si dhe për sigurinë time dhe të gruas time. Avokati më ka pyetur pse kam gënjyer, por unë i kam thënë se këtë e kam bërë pasi që janë frikësuar. Rasti im është lënë në harresë, mua më duhet ndihma juaj për sigurinë time dhë të familjes” thuhet në letrën elekronike që dëshmitari 75 i kishte dërguar zyrtës së prokurorit të Hagës me 2 shkurt 2011.
Prokurori Rogers, këtë fakt nuk ua kishte prezantuar mbrojtjes dhe një veprim i tillë ka shtyer trupin gjykues të Tribunalit të Hagës të reagojë. Në këtë vendim gjyqtari Moloto qorton prokurorin Rogers për shkelje të nentin 68 sipas të cilit: “Prokurori duhet t`ia prezantoj mbrojtjes çdo material të siguruar i cili mund të ndikoj në pafajësinë apo të zbusë fajësinë e të akuzuarit”
Gjykata udhëzon zyrën e prokurorit që t''ua qartësoj gjithë stafit që punojnë në këtë rast vendimin e gjykatës.

Serbia humbi kontrollin mbi Kosovën në vitin 1999 kur NATO bombardoi atë për 78 ditë

Një prokuror Special i Bashkimit Evropian (BE) ka mbërritur në Kosovë për të hetuar akuzat se luftëtarët etnikë shqiptarë kanë hequr dhe shitur organet e serbëve të zënë rob gjatë luftës së tyre me Serbinë në vitin 1999. Kështu ka deklaruar të mërkurën për agjencinë Reuters një zëdhënës i misionit ndërkombëtar.

Bashkimi Evropian (BE) ka emëruar John Clint Williamson nga Shtetet e Bashkuara, si prokurori kryesor për të shqyrtuar akuzat se ish-Ushtria Çlirimtare e Kosovës (UÇK), luftëtarë besnikë të kryeministrit të tanishëm Hashim Thaçi, tregtonin organe të marra nga serbët e zënë robër dhe më pas të vrarë.

Pretendimet për këtë rast u shfaqën në vitin 2010, kur Dick Marty, një raportues i Këshillit të Evropës dhe ish prokuror zviceran, nxori dyshimet se të burgosurit e luftës janë dërguar në veri të Shqipërisë dhe disa prej tyre u ishin marrë organet të cilat u ishin shitur.

Qeveria e Kosovës ka mohuar me forcë akuzat e Martyt duke thënë se ishte e gatshme të bashkëpunojë me hetuesit.

"(Williamson) arriti të martën për disa ditë dhe do të ketë takime me zyrtarët e qeverisë, staf të BE-së dhe përfaqësuesit diplomatikë", tha Juri Laas, zëdhënëse e Task Forcës së veçantë që do të merret me hetimet.

"Ne jemi ende në fazën e hetimit paraprak dhe se është shumë herët për të vënë ndonjë afat kohor për shkak se këto akuza të rënda u referohen ngjarjeve që kanë ndodhur më shumë se dhjetë vjet më parë", tha Laas.

Serbia humbi kontrollin mbi Kosovën në vitin 1999 kur NATO bombardoi atë për 78 ditë për të ndaluar vrasjen dhe dëbimin e civilëve etnikë shqiptarë nga forcat serbe në një luftë dy-vjeçare kundër kryengritësve shqiptarë.

Kosova shpalli pavarësinë në vitin 2008 dhe deri më tani më shumë se 80 vende, përfshirë Shtetet e Bashkuara dhe shumica e vendeve të Bashkimit Evropian, e kanë njohur atë. Beogradi e mbështetur nga Rusia, refuzon ta njohë sovranitetin e saj.

'Falja e Gjakut', çmim special në Festivalin e New York-ut

Për rrëfimin e shkëlqyer që e bën këtë eksperiencë specifike kulturore të ndihet thellësisht personale

Filmi shqiptaro-amerikan Falja e Gjakut nderohet me Çmim special të jurisë në festivalin ndërkombëtar të filmit në Hamptons të New York-ut.

Juria nderoi filmin për rrëfimin e shkëlqyer që e bën këtë eksperiencë specifike kulturore të ndihet thellësisht personale. Festivali në Hamptons u krijua 19 vjet me parë për të vlerësuar punën e kinemasë autore.

Festivali i prezanton për herë të parë audiencës së brigjeve lindore të Amerikës një spektër unik filmash ndërkombëtarë që sjellin vizione të reja dhe eksperienca diverse globale.

Në këtë festival kanë pasur premierën lindore të Amerikës shumë filma fitues të Çmimit Oskar si Fjalimi i Mbretit apo Mjelma e Zeze.

"Jam i lumtur per çmimn dhe se pari dua të falenderoj ata njerëz që na besuan e ndanë me eksperiencat e tyre jetësore", tha regjizori i filmit Falja Joshua Marston.

Skenaristi i filmit, Andamion Murataj u shpreh "..i nderuar", që filmi u prezantua në një mënyrë të tillë në East Coast vend që ka "ngulimin më të madh të Shqiptarëve në Amerikë por dhe të
shumë kombeve të tjerë me të cilët ndajmë të njëjtat eksperienca. Nuk e fsheh dot lumturinë që pas suksesit të filmit në Europe pritemi
në të njëjten mënyrë dhe në Amerikë".

Libri është i pari i këtij lloji për publiçistin vlonjat Agim Muçaj

Publiçisti vlonjat Agim Muçaj prezantohet përpara lexuesit me librin e tij “Ura e djallit”, një përmbledhje shkrimesh publiçistike, i pari botim i këtij lloji për publicistin vlonjat, ku përmes gjuhës së sarkazmës dhe humorit, ai trajton problemet me të cilat përballet sot shoqëria shqiptare.

Si protagonist dhe kritik i këtyre dukurive, Muçaj nuk qëndron në rolin e soditësit dhe të konstatuesit të tyre, por është aktiv dhe thumbues. Grotesku i tij, i ndërthurrur me një përshkrim të saktë të anëve negative, evidenton njëkohësisht edhe vlerat e krijuara në shoqërinë e sotme, të cilat janë e ardhmja e saj.

Libri, është mirëpritur nga lexuesit vlonjatë, ndërkohë që studiues të ndryshëm në qytetin bregdetar vlerësojnë cilësinë e gjykimit dhe pasqyrimit të problematikës aktuale në të.

Duke u përqëndruar tek problemet e kohës, me të gjitha të mirat dhe vështirësitë e vërejtura, pasioni për publicistikën e ka shtyrë publicistin vlonjat të krijojë në vazhdimësi dhe në të ardhmen Agim Muçaj do të prezantohet edhe me botime të tjera.

Çlirim Hoxha:'Ditari i një murgeshe'

I pritur me interes nga lexuesit shqiptar, Shtëpia Botuese 'TOENA', nxori së fundmi në qarkullim romanin e pestë të shkrimtarit vlonjat Çlirim Hoxha. Romani titullohet 'Ditari i një murgeshe' dhe konsiderohet nga botuesi si një befasi i letërsisë shqiptare të 20 viteve të fundit. Një mëngjes herët, personazhi kryesor i romanit Aleksiada, e vogla vajzë mbetur jetime, troket në derën e manastirit të vjetër, duke mbyllur jetën e saj të re brenda atyre mureve. Por, nuk do të kalonte shumë dhe ajo do të sfidonte betimin dhe do binte në prehrin e dashurisë së vërtetë. Për një moment ky roman më solli ndërmend novelën e prozatorit francez Deni Didero 'Murgeshat', të shkruar prej tij, në 1760. Ky shkrimtar së bashku me iluministët e Shekullit të XVIII ishte personifikimi i traditave nacionale progresiste të kulturës franceze. Me të drejtë Rusoi do të thoshte për Dideroin, 'Kohët që do të vijnë do ta shikojnë këtë mendje universale me një ndjenjë admirimi të pleksur me habi'. Dhe ja përsëri, gati pas tre shekujsh në letërsinë tonë kombëtare shkrimtari vlonjate Çlirim Hoxha nëpërmjet 'Ditarit të Aleksiadës' ngre zërin kundër padrejtësive të kohës, për lartësimin e figurës së gruas të mbushur me nektar amoroz të atdhedashurisë, të nderit, të kulturës sonë e të traditave tona kombëtare. Heroina e romanit të Çlirim Hoxhës, Aleksiada, mbart ngjashmëri me heroinën e Dideroit Suzana Simonen, e përshkruar prej tij me mjeshtëri, me patos njerëzor, antiklerikale, me protesta demaskuese kundër botës së kalbëzyer manastireske, fanatizmit fetar. Ai flet për të drejtat e gruas, në mbrojtje të së cilës iu desh jo mëse një herë të ngrejë zërin e tij emocional e revoltonjës, për lirinë e personalitetit të saj. Ashtu si tek 'Murgesha' e Dideroit edhe tek 'Murgesha' e Çlirim Hoxhës demaskohet bota obskurantiste e manastireve ku tek-tuk mund të hasje ndonjë rreze drite të një shpirti të ngrohtë e fisnik, rastësor në këtë botë të zymtë. Ashtu si Didero i shërbeu Francës progresiste edhe me murgeshën e tij, edhe Çlirim Hoxha me murgeshën e tij, jep në sfond disa linja të personalitetit të gruas shqiptare dhe jo vetëm. Ky libër është si një manifest për shekullin që jetojmë; kundër padrejtësisë ndaj gruas, ndaj shfrytëzimit të fëmijëve nga imoraliteti klerikal që kaq herë Papa Benedikti ka ngritur zërin e vet kundër shërbëtorëve amoral të Perëndisë. Do të doja këtu të citoja disa thënie të Deni Dideroit; 'Republika është shteti i barazisë', apo; 'Ndërgjegja e ligjëvënësve është faktor vendimtar për zhvillimin e shoqërisë', pse jo dhe 'Lirinë personalitetit do t'ia jap prona private, teksa interesi shoqëror do të kufizoj interesin personal...' etj. Deni Didero thoshte; 'Njeriu që pushon së lexuari, pushon së menduari'. I citova këto për t'i bërë jehonë romanit të Çlirim Hoxhës që ngre zërin kundër padrejtësive shoqërore të kohës së diktaturës. Lexoni Aleksiadën e Çlirim Hoxhës, ajo të revolton deri në paradoks, të qetëson dhe frymëzon për një jetë të dlirë, të ndershme, të ngre kundër pengesave për të qenë i lirë në mendime e veprime, pse jo ka vlera edhe për aktualitetin që jetojmë, mbarsur me element moral shumë të rëndësishëm. Romani të shkakton kënaqësi estetike të mrekullueshme, gërshetuar këto me pikturimin e arrirë që autori u ka bërë figurave letrare. Në këtë roman me atribut 'epistolario', përmbledhje letrash të ditarit të murgeshës Aleksiada, nëpërmjet heroit pozitiv të murgut Sotir, i cili i drejtohet me dashuri atërore jetimes Aleksiada, transmetohet një nga mesazhet më të ndjeshme. 'Bija ime, - i thotë Aleksiadës murgu Sotir, - kjo botë e ngatërruar me shumë vuajtje dhe ligësira e ka të vështirë të zbulojë të vërtetat. Na takon neve që dimë diçka t'ia përcjellim këto të vërteta brezave që vijnë... Të mos rrimë duarkryq e të shohim se si të tjerët na sfidojnë kaq hapur...T'i tregojmë botës se gjuha që flasim ishte e para gjuhë që Zoti u foli njerëzve të parë...Se kjo tokë, që sot quhet Helladë, dje s?ishte e tillë, por tokë pellazgësh dhe ilirësh të lashtë...Troja, Sparta, Itaka, Athina, Kreta...janë vende ku u mbrujt shpirti pellazg i ilirëve...' Ky mesazh e frymëzon Aleksiadën t'i drejtohet me Apostrofa të fuqishme heroit të Trojës Patroklit. Nga brendësia e shpirtit të saj lind thirrja: Ngrehuni o heronj të Trojës dhe i tregoni gjithë botës, se kjo është fara jonë dhe askush nuk mund të na i mohoj. Për origjinën tonë pellazgo-ilire është shkruar e folur jo vetëm nga historianë shqiptar e të huaj, por edhe nga arvanitasit e Greqisë, pa lënë në haresë disa pseudohistorian të huaj të cilët duan të shtrembërojnë të vërtetat e historisë së racës sonë boreale. Ja, edhe për këtë e ngre zërin autori i romanit 'Ditari i një murgeshe'. Mesazhet që transmeton autori nëpërmjet Aleksiadës janë sinjifikative. Ato të frymëzojnë me atdhedashje, me besnikëri ndaj idealit të dashurisë, me lirizëm shpirtëror e mendimesh, me humanizëm njerëzor, me altruizëm, (kujtojmë sakrificën e familjes arvanitase Kokosi, që strehoi Aleksiadën që u arratis dhe e braktisi manastirin ku kërkoi strehë, por gjeti mbretërinë e mykur manastireske). Autori edhe pse e çoi heroinën e tij, Aleksiadën, në vetëflijim nuk është pesimist, por ai proteston si shqiptar kundër padrejtësive shoqërore. Edhe pse evokon një ngjarje të kohës së kaluar, ky roman me vlera ideo-estetike, tingëllon aktual për sot dhe brezat që do vijnë. Ngjarjet e romanit të mbajnë të gozhduar deri në fund dhe faqe pas faqe lexuesi përjeton emocione të papërsëritshme, ngjarje dhe personazhe që shfaqen vetëm një herë në jetë, por që lënë gjurmët e tyre në ndërgjegjen tonë, duke na dhënë mundësinë e një gjykimi gjakftohtë. Autori ka guxuar të tregoj të patregueshmen, një histori dashurie apo histori tragjike njëkohësisht, duke shkaktuar jo pak hamendje dhe polemika. Romani në formë ditari lexohet me një frymë, duke ndikuar në uljen dhe ngritjen e adrenalinës njerëzore, përmes një gjuhe të rrjedhshme, tërheqëse dhe intriguese.