Prishtina Press(Stafi)

Stafi

Logo nga: Adem Ramadani www.prishtinapress.info

Prishtina Press është gazeta e parë e Kosovës themeluar me rastin e shpalljes së pavarësisë me 17 Shkurt 2008.Nga 2008 – 2010 gazeta u publikua fillimisht si mujore dhe më pas javore duke shtypur dhe shpërndarë mbi 3000 kopje në Prishtinë. Sot Prishtina Press vazhdon si publikim ditor online në Anglisht dhe Shqip.

Qëllimi i gazetës është për t’i dhënë hapësirë shkrimeve të paanshme qofshin ato të autorëve vendas apo të atyre nga mërgata shqiptare dhe jo vetëm shqiptare. Gazeta është zgjeruar në New York, Hollywood, Londër dhe shtete të tjera. Kjo gazetë bashkon inteligjencën shqiptare dhe ka synim promovimin e talenteve shqiptare dhe zhvillimin e kulturës, traditës dhe vlerat kombëtare.

Gazeta Prishtina Press është gazetë zyrtare e Kosovës, e regjistruar në Prishtinë. Historikisht gazeta u publikua nga nevoja për të dhënë informata dhe për të lidhur institucionet shtetërore me ato shoqërore nëpërmjet lajmeve dhe ngjarjeve më të fundit vendore dhe botërore.

STAFI

 

CEO/Editor

New York, USA

Email: contact@prishtinapress.info

 

Egzon Bunjaku

Egzon Bunjaku – Vushtrri, Kosovë

Web Programues & Dizajner

Egzon Bunjaku ka lindur më 20.06.1989 në qytetin e Vushtrrisë, Kosovë. Shkollën e mesme e mbaroi në “Lutfi-Musiqi” në vitin 2009. Punoi si vetëmotivues web developer gjatë viteve 2008-2010. Ka punuar web faqe te shumta Shqiptare dhe Ndërkombetare. Pëlqen Fotografinë, Kinematografinë dhe Udhëtimin.

Egzon Bunjaku posedon njohuri cilësore dhe praktike në web ndërtim, dizajnim dhe programim. Jeton në Prishtinë, Kosovë ku vazhdon studimet. Ka ekperiencë pune në kompani të njohura në Kosovë. Ka kontribuar në MosFli.TV dhe Dizajn Plus. Për Gazetën Prishtina Press merret me mirëmbajtjen e faqes, dizajnimin dhe organizimin profesional të webfaqes.

 

Gazetari Ilir Berisha

Ilir Berisha – Prishtinë, Kosovë

Gazetar – Politikë & Kulturë

Gazetar me 20 vjet pervojë dhe ish antar i Lidhjes së Gazetareve të Pavarur Zviceran. Fillet e para në gazetari i ka filluar në vitin 1990 në Zvicer, ku ka bashkëpunuar me gazeta Zvicerane dhe shqiptare, si “DRS”, “Bota Sot” dhe për radio e televizione për çështjen e ndërkomtarizimit të Kosovës. Për Europën Juglindore ka pasur lidhje gazetarie me korrespondenten Iren Meier e cila raportonte nga Praga për DRS-në. Gjithashtu ka punuar dhe për Gazetën Tagblat von Sent Galen në bashkëpunim me gazetarin Johanes Vollmer, që ka qenë zë i fortë për çështjen Shqiptare.

Ishte pjestar i UÇK-së prej krijimit të saj në aspektin propogandistik prej vitit 1990. Prej 1990-ës ka qenë antar i Komitetit të Kosovës për Informimin e Opinionit Botëror, nën udhëheqjen e Xhafer Shatrit. Ishte pjestar i Ushtrisë Çlirimtare të Kosovës, pjesëmarrës në Betejen e Kosharës, dhe ka kontribuar në aspektin e gazetarisë për shumë gazeta. Për Gazetën Prishtina Press shkruan për fushën e politikës dhe kulturës.

Glenn Holland

Glenn Holland – Mexico City

Analist – Kronika “Pulsi Meksikan”

Glenn është rritur në North Carolina, Sh.B.A., dhe ka kaluar 14 vjet në qytetin me popullatë 21 milion – Mexico City, duke studiuar, dhënë mësim dhe shkruar. Ka mbaruar fakultetin për Historia e Amerikës Latine tek Universiteti i North Carolina të Chapel Hill dhe kreu masterin për Studime Humanistike tek Universiteti Tecnológico de Monterrey në Mexico City. I intereson të lexojë dhe mësojë për historinë dhe kulturën botërore. Si hobi ka basketbollin, notimin në Oqeanin Paqësor, ngjitja në vullkane të shuara, gatimi dhe shijimi i ushqimeve të ndryshme si dhe vallëzimi.

Arqile Gjata

Arqile Gjata – Athinë, Greqi

Shkrimtar – Kulturë & Letërsi

Arqile V Gjata ka lindur më 24.6.1942 në qytetin e Vlorës, Shqipëri. Në vitet 1972-75 vazhdoj Institutin e lartë tre vjeçar në Shkodër për Gjuhë-Letërsi Shqipe.

Që nga viti 1995 jeton dhe punon në Athinë familjarisht. Bashkëpunon ngushtë me shtypin shqiptar në Athinë ku ka botuar shumë artikuj problemor për emigracionin, reportazhe, skica, poezi, tregime dhe mendime estetike.

Arqile Gjata është bashkautor në disa Antologji dhe Revista Letrare ku ka prezantuar cikle poetike, tregime dhe esse. Për gazetën Prishtina Press shërbet si kontribues në sektorin e kulturës dhe letërsisë.

Ka publikuar disa libra: “Arvanitas me shumë emër” (2000); “Kur trazohet jeta”(2005); “Kurorë me ngjyra” (2006); “Qyteti që kërkon muzikë” (2007); “Gratë e poetëve” (2009); “Një ese për jetën” (2010); “Jeta më vjen si poezi” (2010).

Aleko Likaj

Aleko Likaj – Francë

Shkrimtar – Letërsi & Politikë WEB

Aleko Likaj është lindur në Tiranë më 1949. Ka ndjekur studimet për Gjuhë – Letërsi shqipe. Gjithashtu, është Antar i Lidhjes së Shkrimtarëve dhe Artistëvre të Shqipërisë, që prej vitit 1978. Është dhe fitues në letërsi i disa çmimeve lokale e kombëtare. Për shumë vite ka punuar mësues në zonën e Dumresë dhe të Cërrikut, pastaj gazetar. Në vitet e demokracisë, për tetë vjet ka qenë në gazetën “Koha Jonë”. Boton herë pas here tregime për të rritur në shtypin letrar të kohës. Që nga viti 2001 jeton me familjen në Francë. Ka shkruar edhe pjesë teatrale për fëmijë e teatrin e kukullave, skenare. Për Gazetën Prishtina Press është kontribues i letërsisë dhe në fushën e politikës me analiza.

Është autor i 12 librave me tregime, romane, novela e përralla për fëmije: Guximi, Trimi i vogël i Skënderbeut, Nata e fundit e Ballaban Pashës, E fshehta e asaj dite, Thesari në fund te detit, Amant bariu, Vrasja e refugjatit, Porta hapet në mesnatë, Princi që çmendi perandorin, Bardi i Shpend Ujmirit, Goni nuk do të luaj më.

Agim Gashi – Drenica

Agim Gashi (Drenica) – Francë

Shkrimtar – Kulturë & Letërsi

Agim Gashi u lind me 28.04.1959 në Kryshec të Drenicës. Shkollën fillore e kreu në Polac, kurse gjimnazin në Skënderaj. Ka ndjekur studimet në Fakultetin Filologjik të Prishtinës, në degën Letërsi dhe Gjuhë Shqipe. Gjatë vitit 1980/81 ka punuar në arsim, kurse prej vitit 1986 punësohët në Organizatës Punuese Kosovatrans në Mitrovicë, njësia në Skënderaj.

Ardhja e masave të dhunshme serbe e gjen në këtë organizatë punuese ne krye të Sindikatës se pavarur, ku ishte kryetar i saj. Kjo bëri që në mbarim te vitit 1990 në mënyrë të dhunshme të largohët nga puna. Në gusht te vitit 1991 emigron jasht atdheut. Fillimisht në Gjermani e më vonë në Francë, ku edhe sot jeton dhe vepron. Në vitin 2005 ka punar mësues në Montbiliard të Francës ne shkollën shqipe me mësim plotësues, më fëmijët e bashatdhetarëve tanë. Me krijime letrare ka filluar te mirrët që në bangat e shkollës se mesme. Ka bashkëpunuar me te gjitha revistat dhe gazetat e asaj kohe, si me: “Zëri i Rinisë”,”Pionieri”,”Gazeta e pionierëve”,”Bujku”,”Rilindjën për fëmijë”, “Thumbi” e tje. Që nga viti 1985 bëhet bashkëpunëtor i jashtëm i “Zërit të Rinisë” dhe që nga ky vit mbante edhe rubrikën e përhershme në faqët e humorit “Fotografia që flet”. Shkruan poezi për të rritur e fëmijë dhe humor. Në letrat shqipe është prezent qe tri dekada. Për gazetën Prishtina Press është kontribues i fushës së letërsisë dhe kulturës shqiptare.

Në vitin 2009 ka botuar përmbledjën me vjersha për fëmijë më një titull shumë simpatik “Gjysh të kam shoqe”e cila u pritë shumë mirë nga kritika dhe lexuesit. Ka në dorëshkrim edhe një përmbledhje tjetër me aforizma dhe vargje satirike dhe një me poezi për të rritur, qe do të sheh dritën se shpejti.

Kujtim Stojku

Kujtim Stojku – Tiranë

Shkrimtar – Kulturë & Letërsi

Kujtim Stojku, ka lindur në Dibër me 12.2.1964. Pas mbarimit të shkollës në vendlindje ka mbaruar gjimnazin.

Ka studiuar në Institutin e Kulturës Italiane pranë fakultetit të gjuhëve të huaja dega Italisht me 1995. Më pas ka ndjekur studimet në Nations University për degën master në Sh.B.A.

Ka filluar të shkruaj poezi që në moshen 13 vjecare. Ka botuar artikuj të ndryshëm në Tirane nga viti 1990 në gazeta te ndryshme.

Aktualisht banon në Tiranë. Për gazetën Prishtina Press është kontribues në letërsisë dhe kulturë.

 

Brahim Avdyli

Brahim (Ibish) Avdyli – Zvicër

Shkrimtar – Politikë WEB

Është i lindur me 05.09.1960 dhe i rritur në Morinë të Malësisë së Gjakovës, një vend me tradita kulturore dhe kombëtare. I takon plejadës së krijuesve të fundviteve shatëdhjetë dhe të fillimviteve tetëdhjetë të shekullit të kaluar (XX).

Që në vitet e hershme të rinisë u dha pas dy prirjeve: pas artit të fjalës dhe pas lëvizjes konspirative për lirinë dhe bashkimin e popullit shqiptar. Ndër të parët u vu në krah të luftës çlirimtare të popullit shqiptar të Kosovës dhe të Ushtrisë Çlirimtare të Kosovës (UÇK). Shtëpia e tij ka qenë bazë e UÇK.

Në mes viteve 1990-1995 ka botuar revistën periodike gjithëshqiptare në Zvicër„Qëndresa“, në të cilën ka qenë Kryeredaktor i saj. Ka kryer shkollën fillore„Ganimete Terbeshi“ në Morinë dhe në Ponoshec, sikurse gjimnazin „Hajdar Dushi“ në Ponoshec dhe në Gjakovë me rezultat të shkëlqyeshëm. Fakultetin Filologjik e ka kryer në Universitetin e Prishtinës në Prishtinë, Drejtimi i Letërsisë dhe i Gjuhës Shqipe me notën mesatare 8,11 dhe është Profesor i Letërsisë. Pas Universitetit ka kryer kursin pasuni-versitar në Akademinë Diplomatike Shqiptare në Maradhëniet Ndërkombë-tare dhe Diplomaci dhe ka filluar studimet pasuniversitare në Universitetin e Strugës, Fakultetin e Shkencave Politike, Drejtimi poashtu i Maradhënieve Ndërkombëtare dhe Diplomaci që i përfundoi dhe mbrojti temën e magji-straturës në lëminë e mërgatës shqiptare të Zvicrës.

Ai është poet i njohur shqiptar, shkrimtar e publicist. Ka kryer një varg kursesh të tjera profesionale të Gastronomisë, Informatikës dhe të përkthi-mit të gjuhës gjermane. Është anëtar i Lidhjes së Shkrimtarëve të Kosovës, anëtar i Lidhjes së Autorëve të Zvicrës (AdS) dhe i Shoqatës së Shkrimtarëve Botëror Shqiptar.

Vullnet Mato

Vullnet Mato – Tiranë

Shkrimtar – Kulturë & Letërsi WEB

Poet dhe prozator, lindi në Sarandë në vitin 1937. Mësimet e para i mori në qytetin e lindjes. Pasi i burgosën babanë për agjitacion dhe propagandë u la disa vite pa punë. U detyrua të largohet nga Saranda në moshë të re dhe punoi kinomekanik në kinematë e sharrave Hotolisht e Stravaj e më pas në qytetin e Librazhdit. Aty mbaroi me korrespondencë Liceun Artistik të Tiranës për pikturë dhe studimet e larta në Fakultetit Histori-Filologji të Universitetit të Tiranës në degën gjuhë-letërsi shqipe. Punoi drejtor në shtëpinë e kulturës dhe në muzeun e këtij qyteti. U pranua anëtar i Lidhjes së Shkrimtarëve dhe Artistëve të Shqipërisë në vitin 1970. Bëri disa skenarë filmash dokumentarë dhe kronika të TVSH. Mori pjesë në festivalet kombëtare të Radiotelevizionit shqiptar ku fitoi disa çmime për tekstet. Dy tregime të tij u botuan në frëngjisht. Disa cikle me poezi të tij u inskenuan të recituara nga aktorë të Tetarit Popullor. Me ndërrimin e sistemit u emërua shef në drejtorinë arsimore dhe u zgjodh kryetar i degës së Lidhjes së Shkrimtarëve dhe Artistëve të Librazhdit.

Vitet e fundit jeton e punon në Tiranë. Romani i tij “Lakmia” U nderua me çmim në konkursin e Ndërmarrjes Botuese “Gjon Buzuku” të Kosovës. Është autor i vëllimeve poetike: “Tinguj malesh” (1969), “Krahët e erës” (1972), “Ninullat e hekurit” (1984), “Dritaret e prillit” (1994), vëllimit me poema “Katër plagë të Shqipërisë” (1999) poemës “Nënëmadhe Fterra” (2007), “Poezi të zgjedhura” (2010). Ka botuar vëllimet me tregime “E fshehta tronditëse” (1999) “Klithmat e mishit të bardhë” (2006). Romanet: “Ujësinor” (1976), “Era e kësaj kohe” (1984), “Lakmia” (2000), “Maturantët” (2002), “Damkosja e engjëjve” (2004),”Vajza e Kyçur”(2007) “Marrëzia e madhe” (2008), “Matura e paharruar” (2009).

Murat Gecaj

Prof. as. Dr. Murat Gecaj – Tiranë

Profesor/Shkrimtar – Kulturë & Letërsi

Ka lindur në fshatin Bujan, të Malësisë së Gjakovës (Tropojë), më 29 mars 1940, në një familje me tradita atdhetare. Pasi kreu studimet e larta me vlerësimin “shumë mirë”, për gjuhë-letërsi shqipe në Universitetin e Tiranës, në vitet 1963-1965 punoi redaktor në gazetën javore të fëmijëve “Pionieri”. Ka studiuar e botuar dhe vazhdon punimet e tij për historinë e arsimit dhe të mendimit pedagogjik shqiptar, veçanërisht nga Kosova. Në vitin 1992, mbrojti disertacionin në këtë fushë dhe mori gradën “Doktor i shkencave pedagogjike”. Në vijim të punës së bërë, në vitin 1996 iu dha titulli shkencor “Profesor i asociuar”. Në 2011, është përfshirë në Institutin e Integrimit të Kulturës Shqiptare, me qendër në Tiranë, me detyrën përgjegjës i sektorit të shtypit e i marrëdhënjeve me publikun.

Për një periudhë afër 55-vjeçare, është autor i mjaft shkrimeve e studimeve, në gazeta e revista shqiptare. Ka mbajtur një kumtesë në Kongresin e Drejtshkrimit të Gjuhës Shqipe (Tiranë, 1972). Eshtë autor i disa zërave për arsimin e shtypin, në “Fjalorin Enciklopedik Shqiptar” (Tiranë, 1985) dhe ribotimi (Tiranë, 2010); bashkautor i veprës “Historia e Arsimit dhe e Mendimit Pedagogjik Shqiptar” (Tiranë, 2002), si dhe bashkautor në botime të tjera: arsimore, historike, folklorike etj.

Një vit pas luftës në Kosovë, e vizitoi këtë për herë të parë. Përshtypjet e tij i botoi në librin “Si e pashë unë Kosovën” (Tiranë, 2000), i cili mori vlerësimin “Mirënjohje e Kombit”. Në vazhdim, publikoi librat: “Nëpër udhët e shkollës shqipe”(Tiranë, 2001; ribotuar më 2008), “Pishtarë të parë të Normales së Shkupit”(Kumanovë, 2002) e “Filologë që nuk harrohen”(Tiranë, 2002) dhe “Salih Myftar Kolgeci-monografi” (Tiranë, 2006; librin jetëshkrimor ”Ëndrrat ’e grisura’ të jetës sime”(Tiranë, 2010),”Bedri Dedja: Në kujtesën tonë”-përmbledhje kujtimesh(Tiranë, 2010) dhe ”Rrahin zemrat arbërore” (Tiranë, 2011).

Faik Krasniqi

Faik Krasniqi – Prishtinë, Kosovë

Publicist/Poet/Politikolog – Kulturë & Politikë

Faik Krasniqi ka lindur më 21.10.1978 në Prishtinë.Me profesion është publicist, poet dhe politikolog. Ka mbaruar shkollimin fillor, të mesëm dhe të lartë në Gjermani. Gjatë qëndrimit në mërgim, në Suedi dhe në Gjermani, ka qenë publicist për disa gazeta suedeze dhe gjermane, si; ”Zweibrucker Zeitung”, ”Pfalzischer Merkur” dhe” Rheinische Post” etj, etj. Për gazetat shqipe prej vitit 1997-2000 ka qenë publicist pranë gazetës së përditshme ”Bota Sot”, si dhe për gazetat” 24 Orë”, ” Dita” etj. Një kohë ka qenë botues dhe kryeredaktor i gazetës elektronike”TAKENEWS.INFO”. Momentalisht është publicist dhe redaktor pranë gazetës elektronike”Nacional Albania”, si dhe publicist pranë gazetave ditore në shqip ”Infopress” (Kosovë), ” Tribuna Shqiptare” (Kosovë), dhe kohë pas kohe edhe në gazetat tjera në shqip, gazeta”Sot” (Shqipëri), gazeta”55”, ”Koha e Re” (Maqedoni), ”Lajmpress”(Maqedoni), ”Kosova Sot” (Kosovë), ”Bota Sot” (Kosovë), si dhe kontribues në shumë gazeta elektronike.Është publicist, poet dhe shkrimtar i njohur në të gjitha viset shqiptare por edhe jashtë saj.

Në gusht të 2010 në shtëpinë botuese ”ADA” në Tiranë ka botuar librin romantik me poezi ”Ëndrrat për ty”, si dhe të njëjtin libër e ka botuar në dhjetor të 2010 në anglisht në SHBA me titullin ”THE DREAMS FOR YOU”. Për Gazetën Prishtina Press shkruan për fushën e politikës dhe kulturës.

Cenë H. Pushkolli

Cenë Pushkolli – Prishtinë, Kosovë

Gazetar – Aktualitete

Cenë Hamit Pushkolli, ( 1950, Prishtinë) si fillorist nën mësimdhënien e patriotit e atdhetarit të madh të kauzës gjithëkombëtare shqiptare dhe
poetit të shquar prof. Behram Hoti, është “indoktrinuar” me atdhedashuri. Ka mbaruar gazetarinë pran Institutit të gazetarisë dega: gazetaria konsultative-diplomatike në Beograd. Shkrimet e para i ka të botuara në “Zëri të Rinisë”, në “Rilindje”, “Bujku”, “Shkëndija” “Kosovare”, me fjalë të tjera në shtypin e atëhershëm të Kosovës.

Pas dëbimit nga puna 1991 ai bashkë me disa shokë themelojnë shoqatën “Bashkimi”, aty angazhohet në cilësi të kryeredaktorit të edicionit të librit “Ittifak si edhe i revistës “Bashkimi Paqësor. Pas lufte rreth një vit ka qenë kryeredaktor i gazetës së përditshme “Pavarësia News”, pasi kjo gazetë nuk ka pasur “jetëgjatësi” është punësuar në gazetën e përditshme “Tema R”, në cilësi të zv/kryeredaktorit, mjerisht edhe kjo gazetë nuk ka pasur “jetëgjatësi”.

Aktualisht është kryeredaktor i gazetës javore informative ”OPINION PLUS”, në Prishtinë. Shkruan tema nga aktualiteti, por më së shumë shkruan në fushën e politikës, posaçërisht shkrime me karakter kombëtar, disa nga këto shkrime të z. Cenë Pushkollit gjenden nëpër web faqe të ndryshme të internetit.

Bujar Plloshtani

Bujar Plloshtani – Shkup, Maqedoni

Poet/Publicist – Analizë Kritike

Bujar Plloshtani u lind më 18 dhjetor 1983.Në vitin 2002 nisi studimet për Drejtësi në Universitetin e Europës Juglindore. Nëntor-Dhjetor 2005, publikon librin e parë me poezi “Heshtja e poetit”. Dhjetor 2005, si anëtar i Lidhjes se Shkrimtarëve Shqiptarë të Maqedonisë viziton “Goethe Haus” , “Goethe Museum” & “Ekspozitën Friedrich Schiller” në Frankfurt/Main.

Shtator 2006, merr pjesë në Festivalin e poezisë “Portiku poetik”, Dibër. Qershor 2007, merr pjesë në Festivalin e poezisë “Netët korçare të poezisë”, Korçë.Qershor 2009, merr pjesë në Festivalin e poezisë “Poezia Jonike”, Sarandë. Tetor 2007, themelon Shoqatën e artistëve “Pushkin” dhe zgjedhet kryetar i saj. Nëntor 2007, Shtëpia botuese “Asdreni” i publikon librin poetik “Nga regjia e shpirtit”.

Nëntor 2007, merr pjesë në Netët poetike “Takime nën Rrap”, të organizuar në Shkup. I jepet çmimi “Për vepër erotike” botuar brenda dy takimeve. Janar 2008, fiton Çmimin e dytë për punimin më të mirë shkencor në nivel republikan. Drejton dhe organizon Festivalin e poezisë “Poezia, art i fjalës”, Tetovë. Tetor 2008, boton librin me poezi të zgjedhura nga autorë të botës “Perla e poezisë botërore”. Shtator 2009, boton librin me letra filozofike “Traktati mbi arsyen e mendimit”. Gusht 2010, merr pjesë në Festivalin ndërkombëtar të poezisë “Mbrëmjet strugane të poezisë”. Tetor 2010, boton librin me poezi filozofike “Mbi arsyen e fjalës”.

Pilo Zyba

Pilo Zyba – Athinë, Greqi

Publicist, Shkrimtar – Kulturë & Letërsi

Poet, prozator, fabulist, publicist, kritik, gazetar dhe përkthyes. Antar i lidhjes së shkrimtarëve të Shqipërisë që nga viti 1982. Në vitin 1990 emigron në Greqi ku jeton edhe sot, në shtepinë e poetit të madh grek, Janis Ricos. Pjesmarrës në Anthologjinë e parë në emigracion “Balada e largësive” Athinë 1995.

Bashkëpuntor i të gjitha gazetave që dalin në Athinë dhe Shqipëri, bashkëpuntor special i kolegjiumit të revistës letraro-artistike “Pegasi” që boton zoti Griigor Jovani. Shkrimtar në prefesion të lirë në shtetin grek. Drejtor i (Shtëpisë së redaktimeve dhe krijimeve letrare “ELENA” ). Krijimtaria e tij eshte botuar ne Anglisht, Frengjisht, Greqisht, Rumanisht.

Botimet: (Për fëmijë): Cicërimë në degë të shpirtit, Këngët e burimit tim, Alo…babi, Pyetjet e vogëlushit, Vijnë zogjtë nga mërgimi, Ku ta gjëj gjyshin, Aventurat e Elonës, Rruga drejt lirisë v. I, II, Aventurat e Gabrielës, Ekzili i ëndërrave, etj. (Për të rritur): Kam mall, Vizitë te miqtë e mi të vjetër, Gomari dhe patat, Këmborët, Nga ditari i një të çmënduri, Rruga për te ju, Karjera e Miço Qullit, etj.

Raimonda Moisiu

Raimonda Korça – Connecticut, USA

Poete/Publiciste – Kulturë & Letërsi

Raimonda Moisiu (SADE) ka lindur më 20 shkurt, 1957 dhe është rritur në Korçës. Babai i saj, një patriot i lindur e i devotshëm, trashëgoi te e bija patriotizmin, krenarinë e origjinës, të qenit shqiptar dhe ndjenjën e humanizmit. Nëna e Raimondës, një nga mësonjëset e para në vitet ’60, edukoi te vajza e vet ndjenjën e të studiuarit. Ka mbaruar arsimin e herëshëm me rezultate të shkëlqyera, ku më pas merr një të drejtë studimi në gjuhët e huaja, dega anglisht. Pas mbarimit të studimeve, punon mësuese e gjuhës angleze, në qytetin e Korçës dhe rrethinat e saj.

Aderon në Partinë Demokratike Amerikane që prej vitit 2005. Organizon aktivitete me taban kombëtar, letraro-artistik, në komunitetin shqiptar në Hartford. Është një figurë e respektuar dhe e admiruar, ku rrezaton intelektualitet, rrezatim kombëtar, mençuri dhe urtësi në komunitet. Për kontributin e saj të çmuar në komunitet, u nderua me Official Citation, me motivacionin si “Gruaja e vitit në komunitet”, nga Bashkia e kryeqytetit të Connecticut, Hartford, personalisht nga Kryebashkiaku demokrat amerikan, Eddie Perez.

Pese poezi lirike dhe me ton qytetar të poeteshës korcare Raimonda Moisiu, u perzgjodhën në Festivalin Ndërkombetar të Poezisë 2009, e quajtur Netët Poetike te Strugës, si një ndër më të arrirat dhe e kohës, duke hyrë në antollogjinë boterore: “Who’s Who” me titull “Poezi nga pesë continentet.

Botimet letrare: Jeta mes dy dashurive”, “Dashuria nuk ka emër”, “Sikur s’më ke puthur kurrë”,“Lulëkuqja e Egër”, “Duke kërkuar Ardianën”, “Gërhitja e gjeneralëve”, “Pafajsia e Evës”, -”Gjëmimi i
moshave”, “Maska e intelektit”, “Letrat shqipe këtej & përtej Atlantikut”.

Keze Kozeta Zylo

Keze Kozeta Zylo – New York

Shkrimtare – Aktuale & Letërsi

Pasi diplomohet në Universitetin e Elbasanit “Aleksander Xhuvani” për Gjuhë dhe Letërsi (1979), punoi si mësuese e Letërsisë Shqipe dhe botërore në disa gjimnaze të Tiranës, ndërkohë kryen dhe studimet pasuniversitare në Universitetin e Tiranës. E spikatur që në vitet 80-të për prirjet dhe qëndrimet e saj jokonformiste, K. Zylo u përfshi energjikisht në proceset demokratike që çuan në rënien e komunizmit. Mori pjesë aktive në krijimin e Partisë Demokristiane të Shqipërisë dhe që nga themelimi ishte në kryesinë e Partisë Demokristiane të Shqipërisë.

Në vitet 1994-1995, u zgjodh Sekretare e Përgjithshme e Partisë Demokristiane të Shqipërisë si dhe drejtonte gazeten “Ora e Shqipërise” . Në shkurt të vitit 1997, me shpërthimin e trazirave social-politike në Shqipëri, emigron në ShBA (New York), ku integrohet në shoqërinë e atjeshme, vazhdon kualifikimet në kolegj, emërohet Këshilltare e studentëve në Bramson ORT College (2000-2004). Punoi si pedagoge disa vite në “Globe Institute of Technology” në Manhattan, dhe tani është e punësuar nga Bordi i Edukimit të New Yorkut.

Shquhet ndër veprimtaret më aktive në komunitetin shqiptaro-amerikan. Është zgjedhur sekretare për shtypin dhe informacionin në Shoqatën e Shkrimtarëve Shqiptaro-Amerikanë në USA, 2007-2010.

Botimet:Monumenti i Lotit (2005); Pranverë pa Mimoza (2006), Mjellmat po të vijne (2008), Nje fjongo dielli nga New Yorku (2010), Refleksione shpirterore (2010).

Myzafer Muharremi

Myzafer Muharremi – Prizren, Kosovë

Aktuale - Politikë

Myzafer Muharremi rrjedh nga një familje e lartë intelektuale dhe patriotike nga trevat e Prizrenit, nga Opoja (Brruti i Madh). Ka lindur në Prizren me 01.01.1950. Fakultetin teknologjik e kreu po në Prizren, ku magjistroi po në të njëjtin fakultet për teknologji industriale në vitin 1980.
Nga viti 1978 – 1991 ai punoi në ” Printaks ” të Prizrenit, kurse me 01.08 .1991, organi i dhunshëm serb e deboi nga puna me pranga sepse ai shkroi një artikull në gazetën e përjavshme kroate me emër ” DANAS ” nr: 444 të datës 20 .08.1990 me titull “Aventura e Rezikshme ” ose (Opasna Avantura ). Myzaferi ishte i pari shqiptar nga Kosova që sulmoi drejtëpërdrejtë kreun jugosllav të asaj kohe.
Babai i tij, Shqefqet Muharremi, sot 90, vjeç, është luftëtar i gjallë i Ballit Kombëtar në Kosovë, i cili plot 37 muaj luftoi në malet e Koritnikut dhe Pashtrikut (1943 – 1945).
Sot, Myzaferi jep mësim në një shkollë speciale për fëmijë me nevoja të veçanta.

Faton Mehmeti

Faton Mehmeti – Ferizaj, Kosovë

Aktuale – Letërsi

Faton Mehmeti ka lindur në Ferizaj me 12.09.1982. Ka mbaruar fakultetin e  filologjisë, dega Letërsi dhe Gjuhë shqipe, dhe vazhdon masterin po në këtë drejtim.

Merret me shkrime të ndryshme: poezi, recensione, vështrime letrare si dhe shkrime (opinione) të ndryshme në gazetat ditore. Hobi ka futbollin, dhe i pëlqen të vizitojë dhe të njohi kultura dhe njerëz të huaj. Punon si mësimdhënës në shkollë fillore, dhe ligjëron lëndën gjuhë dhe letërsi shqipe.

Flori Bruqi

Mr.sci. Flori Bruqi – Prishtinë, Kosovë

Kulturë – Letërsi WEB

Flori Bruqi lindi më 29 qershor 1952 në Isniq të Deçanit ,Republika e Kosovës. Studioi Mjekësinë dhe Diplomoi në Fakultetin e Defektologjisë pranë Universitetit Shtetëror të Beogradit, Republika e Serbisë. Ndërsa studimet pasuniversitare i kreu në Universitetin e Prishtinës, Republika e Kosovës, ku fitoi gradën shkencore magjistër i shkencave fiziologjike, 2005. Bashkëpunoi më shtypin e përditshëm e periodik të vendit dhe të jashtëm që nga viti 1974 e deri me tash (“Bota e re” – Prishtinë, ”Rilindja” – Prishtinë, “Danas” – Zagreb, ”Dello” – Lubjanë, ”Dnevnik” – Lubjanë, “Vecer” – Maribor, ”Le Mond”, ”Corriera della Sera” etj). Është anëtar i Lidhjes së Shkrimtarëve të Kosovës (2000).

Ka shkruar mbi 30 libra, prej tyre shkencore janë dhjetë si dhe një numër të madh punimesh shkencore nga lëmia e mjekësisë dhe defektologjisë. Ka mbi 21 punime në revista të ndryshme shkencore në përiudhën 1974-2011. Është drejtor ekzekutiv i kompanisë “Flomed “nga Prishtina prej vitit 1987 e deri me tash. Kompania “Flomed” që nga themelimi në ish Jugosllavi ka bërë plasimin në treg të barërave dhe produktve tjera medicinale. Kurse tash në Republikën e Kosovës plason produktet dezinfektuese –higjenike të Kompanive faramceutiko-kimike Schülke-Mayr GmbH dhe Borer chemie AG.

Viron Kona

Viron Kona – Tiranë

 Shkrimtar, Publicist & Letërsi & Kulturë

Viron Kona ka lindur më 24 qershor 1950 në qytetin e Vlorës. Është diplomuar në Universitetin e Tiranës, dega Gjuhë – letërsi. Para vitit 1991 ka punuar në administratën e lartë shtetërore; Më pas, si drejtor në shkolla të ndryshme. Pas vitit 2010 e në vazhdim si specialist në Ministrinë e Arsimit dhe Shkencës. Është anëtar i Lidhjes së Shkrimtarëve dhe Artistëve prej vitit 1981; Pas viteve 2000, anëtar i Këshillit Kombëtar të Librit. Ka botuar rreth 30 vëllime me tregime, novela e romane për fëmijë dhe për të rritur. Fitues i 7 çmimeve në gjininë e tregimit dhe novelës; fitues i çmimit UNICEF-AMC, për librin më të mirë për fëmijë 2006 “Eh, more Bubulino!”

Krijimtaria letrare artistike:

Libra: “Etje që shuhej”, “Pëllumbat”, “Mos m`i zbukuroni plagët!”, “Ujkonja”,“Pulëbardhat përbindëshe”, “Bubulinoja çamarrok”, “Dëshira e fshehtë e Bublinos”, “Pyesni Bubulinon”, “Eh, more Bublino!”, “E fshehta e pyllit”, ”Dardi”, ”Dardi në gadishullin e  vetëtimave”,“Të çuditshmit!”, ”Bubulinoja dhe Dardi, në kryeqytetin amantëve të lashtë”,(libri i parë), “Bubulinoja dhe Dardi në kryeqytetin amantëve të lashtë”, (libri i dytë), “Delfini i dy deteve drejt aventurave të reja”, “Drithërimat e yjeve”, “Dëgjoma zemrën, Budapest!”, ”28 djem plus një vajzë”, “Yje mbi Bosfor”, “Një udhëtim i çuditshëm”, “Kontrolli i befasishëm i një inspektori”, ”Të fshehtat e një mrekullie”, “Erlindi dhe papagalli i çuditshëm”,  “Dielli është i imi”, “Bukuri suedeze”,”Shpëtoni papagallin Çate!”,  “Për ju, miqtë  e mi” etj. Ka botuar  edhe disa libra me karakter didaktik, si dhe qindra shkrime në shtypin periodik, në gazeta  revista brenda dhe jashtë vendit.

“Kam kënaqësi që bashkëpunoj me Prishtina Press dhe vlerësoj fisnikërinë dhe devotshmërinë e stafit të saj, si dhe punën mjaft të vlerësueshme  atdhetare, kulturore dhe artistike.” V. K.

Akil Mark Koci

Prof. Dr. sc. Akil Mark Koci

 Arte – Muzikë & Kulturë WEB

Kompozitori, pedagogu, publicisti dhe organizatori i jetës muzikore në Kosovë, tash e pesëdhjetë vjet, AKIL MARK KOCI, është lindur në Prizren më 1 shtator 1936, ku kreu edhe shkollën e mesme të muzikës në degën e teorisë, në vitin 1957. Studimet e larta për teori, i vijoi pranë Akademisë së Muzikës në Sarajevë në vitin 1962, ndërsa ka studiuar kompozimin, në Akademinë e Muzikës në Shkup, në vitet 1973. Në vitet 1979 – 1981 mbaroi studimet pasuniversitare, shkallën e tretë në muzikologji, në Akademinë e Muzikës në Sarajevë. Në janar të vitit 2012,mbrojti dhe fitoi gradën shkencore Doktor në shkenca Etnologji,Folklor dhe Art në Tiranë.

Një figurë unike e artit mistik, muzikës, prof. Koci u bë i njohur përmes kompozimeve në zhanrin e të gjitha gjinive, atë të këngës popullore, Zambaku i Prizrenit, argëtuese dhe serioze. Ai është konsideruar si babai i muzikës moderne shqiptare. Fitues i shumë shpërblimeve brenda dhe jashtë vendit, si dhe është shpallur qytetar nderi i qytetit të Prishtinë në vitin 1974.

Veprat e Akil Kocit, autor i të parit balet kosovar (“Sokoli e Mirusha”), janë ekzekutuar në mbi 70 shtete të botës. Ato përshkohen tejembanë nga fryma kombëtare. Në to ndjehet krenaria e të qenit shqiptar e atdhedashuria e pakufishme. Në kohën e regjimit komunist, një vëlla i Akilit, me banim në Shkodër, vuajti shtatë vjet burg politik, ndërsa familja dhe të afërmit e tij u përndoqën e u keqtrajtuan në mënyrë sistematike.

Vokal & Piano: 

* Popullit tim, To my People, 1971. Shfaqja parë: nëntor 1977. Skena mzikore, Prishtinë.
* Elegji, Elegjy, 1971. Shfaqja parë: nëntor 1973. Radio Ljubljana, Slloveni.
* Rekviem, Requiem, 1971. Shfaqja parë: shtator 1974. Radio Ljubljana, Slloveni.
* Nimfa, 1971. Shfaqja parë:e: Skena muzikore, Prishtinë.
* Rekviem, Requiem, 1971. Shfaqja parë: shtator 1974. Radio Ljubljana, Slloveni.
* Trimja Gjakovare, 1974. Shfaqja parë: 1986. Skena muzikore, Prishtinë.

Ymer Halimi

Dr. Sc. Ymer Halimi – Prishtinë, Kosovë

Profesor/Shkrimtar – Politikë & Aktualitet

Dr. Sc. Ymer Halimi ka lindur në Kozhicë të Skenderajt. Ka lindur në trungun e familjes së Hetem Kozhicës që ishte përfaqësues i Drenicës në Lidhjen e Prizrenit. Nga ky trung familjar kanë dhënë jetë tre breza për lirinë e Kosovës ( 1912, 1924, 1945, 1999 ). Ymer Halimi është rritur në familje që ka vuajtur izolimin politik si të përjashtuar nga Lidhja Socialiste për shkak të bindjeve antishtetërore.

Dr. Sc. Ymer Halimi pas përfundimit të Gjimnazit në Vushtrri, shkollimin Universitar e vazhdon në UP – Fakulteti i Shkencave Matematiko Natyrore – Dega Fizikë. Po ashtu ka studiuar edhe Elektroteknikën në Prishtinë. Gjatë studimeve, falë sukseseve të arritura ishte edhe bursist i Universitetit. Studimet pasuniversitare I kreu në Zagreb, në lëmin e Fizikës Mjekësore, ndërsa Doktoraturën në lëmin e Optikës. Në Universitetin e Prishtinës ka filluar të punoj që nga viti 1977. Mes viteve 1992-2000 Ymer Halimi ka qenë anëtarë i Kryesisë së Kryqit të Kuq të Kosovës. Sot ai është profesor i lëndës së Fizikës Mjekësore me Biofizike në Fakultetin e Mjekësisë në Universitetin e Prishtinës.

Dr. Sc. Ymer Halimi ishte pjesëtar i Ushtrisë Çlirimtare të Kosovës, ndërsa në poltikë është kyçur më 2004, dhe ishte deputet në Kuvendin e Kosovës në vitin 2007. Është autor dhe koautor 21 publikimeve shkencore të botuara brenda dhe jashtë vendit.

Veprimtaria botuese profesionale : R .Gashi, Y. Halimi dhe të tjerë; “Teste për provim pranues në Fakultetin e mjekësisë” NB. Rilindja. Prishtinë, 1996; “Zgjedhje problemesh të fizikës,” (1984); “Fizikë mjekësore me Biofizikë,” (1996); “Elektronikë për Fizioterapi,” (2003); “Fizikë për farmaci,” (2003); “Fizikë për farmaci,” (2011); Y. Halimi; me bashkëpunëtor, “Ushtrimet eksperimentale,” (2003).

Vajza e Ukshin Hotit: Thaçi po i shfrytëzon fëmijët e dëshmorëve për interesa të veta

Vajza e Ukshin Hotit, Erleta nuk është ndarë e kënaqur se vëllai i saj radhitur në terrenin e PDK-së. Prezantimi i djalit të Ukshin Hotit në Konventën e PDK-së i duket asaj shfrytëzim nga kjo parti, pikërisht nga vetë kreu Hashim Thaçi.

Këtë e ka thënë publikisht përmes një reagimi.

Më poshtë reagimi i plotë i saj:

REAGIM:

Nuk dyshoj se kryeministri i Kosovës z. Hashim Thaçi do të ndjehej krenar, nëse pas 20 vjetësh partia e ardhshme politike në pushtet do ta shfrytëzonte fëmijën e tij për interesa partiake. E aq me pak nëse larg qoftë, ky kryeministër më nuk do të ishte gjallë. Do të ishte më e drejtë që qeveria e tij të kontribuonte në mënyrë ligjore në familjen e dëshmorit të kombit Ukshin Hoti.

Dua ta theksoj fuqishëm se: Mendimet dhe vizionet politike rreth shtetkrijimit të Kosovës, Ukshin Hoti i ka shfaqur si analist politik e kurrsesi si politikan. As edhe në kohën kur ishte anëtar i LDK-së, përkrahës i luftës apo edhe lider i UNIKOMB-it.

Asnjë pasardhësi apo të afërmi të tij, nuk na takon të flasim në emër të Ukshin Hotit, e aq më pak të bëjmë krahasime dhe ngjashmëri në mes të vizionit të tij si politolog i viteve 70-90, si dhe vizionit të ndonjë politikani të sotëm.

Me respekt,
Fëmija i parë i Ukshin Hotit - Erleta Hoti

Flori Bruqi:Mungesë e barnave esenciale në Kosovë ...

Ministri i Shëndetësisë, Prof.Dr.sci.Ferid Agani pas konsultimeve të bëra me Auditorin e Brendshëm të Ministrisë së Shëndetësisë, Komisionin Rregullativ të Prokurimit Publik, Organin Shqyrtues të Prokurimit Publik, ka kërkuar nga Ushtruesi i Detyrës së Sekretarit të Përgjithshëm dhe Departamenti i Prokurimit të Ministrisë së Shëndetësisë që të ndërpresin aktivitetin e prokurimit përkitazi me kontratën “Furnizim me citostatikë: nr. 206/12/044/111, konkretisht për Lot 36 të këtij tenderi, që ka të bëjë me produktin medicinal Palonosetron (preparat kundër vjelljeve pas hemoterapisë ose pas anestezionit të përgjithshëm) në sasi prej 16 000 copa, në vlerë të përgjithshme prej 1 247 840 euro.

Ministri Agani ka konstatuar se në bazë të dokumentacionit të shqyrtuar lidhur me “deklaratën e nevojave dhe disponueshmërisë së mjeteve” përkitazi me këtë tender, vlera e kontratës për këtë produkt medicinal shumëfish tejkalon në aspektin përpjestimor vlerën prej 4 000 000 eurove të parapara për blerjen e 44 llojeve të citostatikëve të përcaktuar në fillim të procedurës së tenderimit dhe rrjedhimisht, ka konstatuar se është e palejueshme që gati një e treta e mjeteve financiare të parapara për prokurimin e 44 llojeve të citostatikëve të zotohet për blerjen e një preparati, që nuk është citostatik, por preparat ndihmës, pavarësisht faktit se bëhet fjalë për një kontratë kornizë, e cila nuk e obligon Ministrinë që të blejë në tërësi sasinë e parashikuar.

Ministri, gjithashtu, ka konstatuar edhe faktin se titulli i dosjes së tenderit nuk përmban specifikimet e detyrueshme teknike në mesin e të cilave duhet të përshkruhet edhe saktë produkti i cili duhet të blihet nga autoriteti kontraktues, që arsyetojnë blerjen e këtij produkti medicinal.



Mbështetur në këto fakte, Ministri Agani konkludon se kontrata e ofruar për nënshkrim nuk vërteton se është në pajtim të plotë me ligjin, ashtu siç kërkohet në nenin 26, paragrafi 2 të Ligjit për Prokurim Publik, dhe se për këtë arsye, nuk do ta nënshkruajë këtë kontratë.

Ndryshe, më 23 nëntor të vitit 2013, KDI kishte dal me një raport ku ishte bërë e ditur se Ministria e Shëndetësisë ka hequr nga Lista e Barërave Esenciale, përkatësisht nga Lista e Citostatikëve, llojin e barit Ondansetron dhe Granisetron, që ishin në përdorim në dy vitet e fundit duke zëvendësuar ato me Palonosetron që nuk është përdorur më parë. 



Sipas KDI-së, këto ndryshime në Listën Esenciale, përveç që kishin qenë të panevojshme, njëkohësisht kishin rënduar buxhetin e shtetit për 1.2 milionë euro. Prandaj edhe kishte kërkuar nga ministri i Shëndetësisë Ferdi Agani, që mos ta nënshkruajë një tender të tillë.

Qendra Klinike Universitare e Kosovës po vazhdon të përballet me mungesë të theksuar të barnave nga lista esenciale. Sipas zyrtarëve të saj, prej vitit 2000 e këndej asnjëherë nuk është arritur që lista esenciale me barna të përmbushet tërësisht, si pasojë e buxhetit të limituar me të cilin disponon Ministria e Shëndetësisë.

Shpend Fazliu, zyrtar për informim në QKUK, tha  kohë më parë për Radion Evropa e Lirë se aktualisht lista esenciale me barna nëpër klinika është e përmbushur rreth 52 për qind.

“Buxheti aktual për barna nuk mjafton që të përmbushet lista esenciale dhe të gjitha kërkesat e klinikave e reparteve, si dhe procedurat e prokurimit nuk përshtaten me specifikat e shëndetësisë dhe marrin shumë kohë, derisa vonon furnizimi me barna dhe material shpenzues”.

....“Gjithsesi ka prioritetet sa i përket furnizimit. Me barnat që janë shumë të domosdoshme dhe emergjente, gjithherë kemi qenë më mirë të furnizuar, dhe kjo është arsyeja pse Qendra Emergjente, sallat e operacionit dhe mjekimi intensiv çdo herë furnizohen me prioritet”, ka tha Fazliu.

Ndërkaq, Mehmet Maxhuni, ushtrues detyre i drejtorit në Klinikën Kirurgjike, ka bërë të ditur se ka mungesë të theksuar në klinikën që ai udhëheq, sidomos në sallat operative, ku, sipas tij, çdo herë duhet improvizuar për të bërë zgjidhje.

“Fatkeqësisht, nuk qëndrojmë mirë, as me barna, as me furnizime. Përqindje nuk mund të them se nuk e di sa, por nuk është realizuar asnjëherë përqindja që është e paraparë me listën esenciale. Pacientët nuk kanë pësuar asnjëherë, por na shkoi jeta me improvizime. Pacientët vetë po i blejnë barnat, nuk do të duhej, por ata i blejnë”, deklaroi Maxhuni.

Zyrtarë në MSH thonë se buxheti i ndarë për barna nuk mund t’i përmbushë gjitha nevojat që i ka QKUK-ja.

Lidhur me këtë, Faik Hoti, drejtor i Departamentit për informim në MSH, dha më shumë hollësi:

“Ajo që Ministria e Shëndetësisë bën, është se siguron barna, material shpenzues dhe citostatikë me prioritet, sidomos për kategoritë më të rrezikuara, pastaj për ato shërbime që duhet të jenë në funksion gjatë tërë kohës, si Shërbimi i emergjencës, Mjekimi intensiv, Klinika e pediatrisë, dhe Gjinekologjia”.

Por, sipas Hotit, planifikimi joadekuat nga klinikat brenda QKUK-së shpeshherë  reflektojnë në mosfurnizim adekuat me barna nëpër klinika.

“Ndodh që në fillim të vitit bëhet kërkesë për lloje të caktuara të barnave, dhe derisa MSH-ja i furnizon, ato sjellin kërkesa tjera që janë në shpërputhje me kërkesat paraprake. Kjo e vë në telash MSH-në, sepse buxheti i kufizuar nuk lejon që të bëhen kalkulime të këtilla dhe të bëhen ndryshime në kalkulim apo listë esenciale”, sqaroi Hoti.

QKUK në Prishtinë  vazhdon të përballet me mungesë të theksuar të barnave nga lista esenciale.

Sipas zyrtarëve brenda këtij institucioni, që prej pas luftës së fundit në Kosovë e këtej, asnjëherë nuk është arritur që lista esenciale me barna të përmbushet tërësisht.



Kjo si pasojë e buxhetit të limituar që Ministria e Shëndetësisë e ka të ndarë për furnizim me barna dhe material shpenzues.

E, qytetarëve-pacientë të QKUK-së, u duhet t’i blejnë vetë shumë nga barnat dhe materiali i nevojshëm, që, sipas tyre, kushton shumë shtrenjtë.

Por, ky nuk është problemi i vetëm, me të cilin qytetarët apo pacientët përballen.

Problem tjetër paraqet edhe përdorimi i barnave. Për të mësuar përdorimin, dozimin apo edhe efektet anësore të një ilaçi, në disa raste pacientët janë të detyruar të kërkojnë ndihmën e ndonjë familjari që njeh gjuhën, e cila përdoret në udhëzimin e atij ilaçi.


Kjo si pasojë e asaj se në tregun farmaceutik në Kosovë ende ka barna, të cilat nuk përmbajnë udhëzimin në gjuhën shqipe, kurse shpjegimi nga ana e farmacistit që shet barin e caktuar, nuk u jepet qytetarëve blerës.

Mungesa e barnave të listës esenciale dhe materialeve shpenzuese, ende mbetet problem që kërkon zgjidhje. Ekspertë shëndetësorë nga radhët e opozitës, thonë se derisa nuk ka decentralizim të klinikave, furnizimi do të jetë i tillë, ku e tërë barra u bie pacientëve.

Lista e Barnave Esenciale gjendja aktuale në 

në stoqe

www.msh-ks.org/.../436_...

Mungesa e barnave të listës esenciale, materialeve shpenzuese dhe të tjerave, nuk është diçka e re në QKUK, thonë mjekët. Drejtori i kirurgjisë në QKUK, Mehmet Maxhuni, thotë se mungesa e barnave dhe materialeve shpenzuese, është problem jo vetëm për personelin mjekësor, por edhe për pacientët.

“Si nuk është e vështire ku në mes të natës duhet t’i qesim jashtë në mes të natës më ble penj. Klinika ime asnjëherë nuk ka qenë e furnizuar 100% dihet ajo”, thotë Maxhuni.

Për familjaret e pacientëve është kuptueshme mungesa e ndonjë medikamenti, por jo edhe mjeteve elementare për pacient:

“Është dashtë me ble gjithcka para operacionit, me infuzione e me krejt, këtu asnjë send nuk po ekzistojke”.

Ndërsa, zëdhënësi i Ministrisë së Shëndetësisë, Faik Hoti, mungesën e barnave e arsyeton nënshkrimin e kontratave të reja.

“Ka pasur telashe këto ditë me furnizimin me penj për shkak se ka qenë në proces nënshkrimi i kontratave me operatorët të cilët e bëjnë furnizimin me penj, e gjithashtu ka pas pak vështirësi rreth alokimit të buxhetit”, thotë Hoti.

Ndërsa, sipas dr. Luan Jahës, ekspertë shëndetësor nga AAK, problemi qëndron të Ministria e Shëndetësisë.

“Problemi është që me furnizimin e barnave dhe pajisjeve të QKUK-së dhe spitaleve regjionale po merret Ministria e Shëndetësisë. Sipas neve, zgjidhja është decentralizimi i plotë i këtij funksioni, duhet furnizimi me barna të jetë i klinikave, bile jo as e Qendrës Klinike, por drejtpërdrejtë e klinikave”, theksoi Jaha.

Tashmë, është vështirë të besohet më në premtimet e zyrtarëve të Ministrisë së Shëndetësisë, se në të ardhmen do të ketë përmirësim me furnizim të barnave dhe materialeve shpenzuese, thonë pacientët....

Dhe krejt në fund Barnat nga lista esenciale, të dedikuara falas për pacientët, po kontrabandohen. Kështu konstaton Inspektorati farmaceutik, i cili ka arritur të kapë sasi të konsiderueshme të barnave nga kjo listë në institucionet private shëndetësore, e madje edhe në barnatore.

”Kemi ardhur në këmbë nga “Bergen Belzeni”, por nuk e dimë se si?!”

Mbijetesa e hebrejve në Kosovë

Gjatë luftës së Dytë Botërore në Kosovë janë strehuar dhe mbrojtur rreth 500 familje hebreje. Në Kosovë aktualisht jetojnë vetëm 56 prej tyre.

Njëra nga tri motrat e familjes hebraike Bahar, të cilat pas mbijetesës së Holokaustit në kampin nazist “Bergen Belzen” në Gjermani, ishte paraardhësja e familjes Demiri, në Prizren. 8 dekada pas, i biri i saj Votim Demiri, sot 70 vjeç, sjell rrëfimin njërin ndër miliona rrëfimet hebraike, njëtragjedi më vete:

“Pas kapitullimit të Italisë në 1943, gjermanët u kthyen sërish me njerëzit kuisling në Kosovë, të cilët i kishin listat e përgatitura të hebrejve. Ata i mblodhën dhe i deportuan në kampin “Bergen Belsen”, në të cilin gjetën vdekjen 92 hebrej dhe mbijetun vetëm tri vajza në moshën katër deri në dymbëdhjetë vjeç, njëra prej të cilave nëna ime.

Dhe kur i pyes sot se si e keni gjet Prizrenin, ato thonë: ”Kemi ardhur në këmbë nga “Bergen Belzeni”, por nuk e dimë se si?!” , rrëfen Demiri, duke shtuar se ndër burimet më të përpikta të të dhënavë për paraardhësit e tij janë ato nga autoritetet gjermane.

Hebrejtë të mbrojtur nga Besa Shqiptare

Besa Shqiptare, sipas Kanunit, një fjalë e dhënë dhe e mbajtur për mbështetje, besnikëri dhe mbrojtje të pakompromis deri në vetëmohim dhe flijim jete ishte atëbotë streha më e sigurtë e hebrejve të kërcënuar në çdo hap ga shfarosja prej Gjermanisë naziste të Hitlerit.

”Ndërsa, ekzistojnë të dhënat se i vetmi popull brenda, të cilit ëshë rritur numri i hebrejve në kohën e Holokaustit, janë shqiptarët.

Dhe thënia se ‘Shtëpia e shqitparëve i dedikohet Zotit dhe mysafirit’ nuk është vetëm parrullë, por e vërteta të cilën hebrejtë e kanë prekur nga afër”, mendon Demiri, i cili përmend emra të dhjetra familjeve shqiptare, që kanë strehuar hebrej. Por në Kosovë nuk asnjë trashëgimi të prekshme të hebrejve, përveç asaj shpritërore, kjo sepse ata nuk patën mundësi të shpëtojnë tjetër veç jetës së tyre.

Mirëpo, në një qytet multietnik, multikulturor dhe multifetar siç është Prizreni, të 56 familjet e mbetura hebreje kanë të imishëruara brenda vetes të gjitha aspektet e kësaj jete. Kryefamiljarja Suzana thotë se: ”Në familje unë flas turiqsht, bashkëshorti më flet serbisht, ndërsa fëmijët mësojnë në shkolla shqipe.

Kremtojmë të gjitha festat e secilit komunitet. Këtu kemi xhamitë, teqetë, kisha, manastire dhe që nga stërgjyshi e deri më sot të gjithë jetojmë së bashku e në harmoni me popujt e tjerë.“

Aktualisht në Kosovë jetojnë 56 familje hebreje

Shteti i Izraelit u themelua në vitin 1948 nga hebrej të shpërndarë anekënd globit. Si shumë bashkëkombas të tjerë u kthyen në Izrael edhe dy tezet e Votim Demirit, që i mbijetuan Holokaustit, por ëma e tij mbeti në Prizren.

“Nëna ime qëndroi sepse ajo e gjeti veten këtu, na kishte ne ishte e respektuar në shoqëri, në të cilën u integrua për mrekulli. Qëkur ishte maturante ajo iu bashkangjit partizanëve dhe luftoi kundër fashistëve”, thotë Demiri.

Ai shton se ata i ruajnë rregullisht kontaktet me familjarët e larguar nga Kosova.

Sipas Votim Demirit, kryetar i Bashkësisë Hebreje në Kosovë, prania e hebrejve në këto hapësira daton që nga shekulli i 15-të. Hebrjtë përgjatë viteve ndërtuan një jetë të organizuar me shkollë për fëmijë, komunë dhe sinagoga. Aktualisht në Kosovë jetojnë 56 familje hebreje, të cilat janë të përqëndruara në Prizren, ndërsa hebraizmi është përfshirë si pjesë e besimeve tradicionale në Kosovë.