Aurela Hoxha edhe udhëtimet i bën seksi

Stilistja e njohur Aurela Hoxha siç duket po bën udhëtimin e saj të radhës për të nisur projektet e modës.

Aurela e cila gjatë kësaj vere ka treguar here pas here për fansat e saj pushimet ekzotike në plazh, me pozat provokative duke treguar trupin e saj seksi.

Kësaj here ajo ka postuar një foto në Instagram ku duket me valixhe udhëtimi në dorë që me këtë rast ka treguar format trupore perfekte.

Halili Matoshi - Faik Fazliut: “Rroftë shoku Tito”!!!

SHKRIMI I PLOTE MUND TE LEXOHET:

 http://koha.net/?id=31&o=252

Analisti Halil Matoshi, përmes një teksti autorial të botuar sot në Koha Ditore, i është përgjigjur Faik Fazliut, ish kryetarit të veteranëve të UÇK-së, aktualisht drejtor i zyrës për veteranët pranë kryeministrisë.

Fazliu ditë më parë kishte reaguar ndaj një shkrimi tjetër të Matoshit të botuar po në Koha Ditore, duke e quajtur “Titist, pijanec, spiun... etj”.

“Kur ju shoh ju Muharrem Xhemajla e Faik Fazlia, po edhe shefin tuaj HTH, se qysh dukeni, e sidomos kur ju dëgjoj - se çka flisni e si flisni - e kur e di se çka ju merrni vesh në shtet e demokraci liberale, më vjen ta dua Titon dhe fanfarat e tij, shumë ‘Cool’, edhe pse - për dëshpërimin tuaj - kur unë isha nxënës ai vdiq”, ka shkruar Matoshi.

Sipas tij, empatia ose antipatia për një njeri ose lider varet shumë nga ajo që themi ose bëjmë.

“Ju i keni bërë këtij vendi shumë keq! Aq sa mua më vjen keq për ju! Dhe më e keqja është se ju nuk po e pranoni që keni bërë keq, por po mësyni ta shkatërroni krejt idenë 100-vjeçare të lirisë së Kosovës, sepse ju besoni në mbrapshtitë tuaja – mendoni se e keni mirë dhe kjo është fatkeqësia vetë!!!”, shkruan ndër tjerash ai.

Asnjë implikim negativ (por as pozitiv me e vënë dorën në zemër) nuk e ka dhe nuk mund ta ketë i ashtuquajturi shoku Tito (me të cilin ju tash e 30 vjet na drejtoheni neve – qytetarëve të Kosovës) në ndërtimin e një shteti normal e të mirëqenë demokratik të Kosovës. Nga ju që jeni në pushtet varet dështimi apo progresi i këtij shteti, jo nga kufomat politike, qoftë ai Enveri Juaj apo Tito “ynë”. Shikojeni emisionin në televizionin tuaj, për 50 diktatorët, dhe do të shihni se sa i lezetshëm si liberal dukej “Titoja ynë” sipas pozicionit në ranglistë, e sa i neveritshëm ishte Enveri juaj... Implikime negative në shtetin kosovar mund të kenë vetëm zhvatësit, të korruptuarit, vrasësit me pagesë dhe kriminelët tjerë të të gjitha profileve.

Prandaj Ju, z. Kryeministër HTH, dhe mëkëmbësi Juaj, Faik Fazliu, për UÇK-në “e shkretë” (në duart e kujt ka mbetur, e që ka mbetur nën mëshirën Tuaj!!!), lëreni rehat “shokun Tito”, njeriun e vdekur më 1980, kur unë kam qenë në vitin e tretë të shkollës së mesme dhe mësohuni të jetoni me lirinë, diversitetin dhe njerëzit që kurrë në jetë s’kanë për të menduar si ju – stalinçe!!! Kurrë!

Mësoni më këtë rregull se shkuat poshtë! Kasta politike që e përfaqësoni ju, që aktualisht jeni ngjitur në pushtet e që thirreni në vlerat e UÇK-së, ka probleme serioze me të gjithë ata që mendojnë ndryshe, ose kanë një mendim të vetin çfarëdo qoftë - hej njerëz në dekadën e dytë të shekullit 21 – sepse sipas mendësisë suaj, të vërtetën përfundimtare e ka të drejtën ta thotë vetëm HTH ose Kadria, ose dikush i UÇK-së, ose – ose edhe shpura politike e HTH si dikur Muharrem Xhemajli e tash Faik Fazliu. Të tjerët janë “titistë”, “tradhtarë”, “spiuj”, “pijaneca”, “legena”, “pshurrana”..., ka shkruar nder tjerash Matoshit.

Shkruan Prof.Dr.Rasim Bebo: … Shqiptarët e Maqedonisë protestojnë …

Shkruan Prof.Dr.Rasim Bebo

MAQEDONI – SHQIPËRI

Qeveria tradhtare e Tiranës dhe e Kosovës, ishin të parat që njohën shtetin artificial të Maqedonisë, ekzistencën e kombit dhe të shtetit maqedon. Kjo duhet kuptuar drejtë, për këtë dredhi dhe grabitje të emrit, se do të ketë pasoja të mëdha. Vetë ekzistenca e Maqedonisë sllavo- serbo- bullgare e shikon si hala në sy kombin maqedono – shqiptar, që për mijëra vjet kanë ruajtur dhe ruajnë autoktoninë e kombit maqedon. Ka intelektualë që shkruajnë me patriotizëm dhe atdhedashuri, sidomos në këto dy dekadat e fundit, kur drejtuesit e Tiranës, Prishtinës dhe Maqedonisë kanë shkarë dhe vazhdojnë të shkasin në favor të boshtit më reaksionarë, që është sot, serbo-ruso-grek dhe u fluturojnë disa shprehje duke marrë hov emri “maqedon” i sllavizuar dhe ne shqiptarët na quajnë ardhacakë.

Prof. Dr. Vehbi Xhemaili, Thotë: “Siç dihet, në vitin 1913, në këto troje nuk ka pasur shtet të Maqedonisë, por vetëm territore të Shqipërisë “Lindore”. Dhe me tej. “Kryengritja e vitit 1913, për shkak të përmasave të një fronti të gjerë kishte përfshirë Shqipërinë “Verilindore” me Kosovë deri në shkup”, … Me fjalët shqipëri “Lindore”, “Verilindore” dhe “Iliriada” i kanë zënë vendin emrit “Maqedoni”, emër i vjetër, tremijëvjeçar. A është kjo normale? Ndërsa fshatrat e Strugës zbulojnë pllakatën përkujtimore pas 100 vjetëve të “Kryengritjes Maqedono – shqiptare kundër okupatorit sërb”. Të kuptojmë në këtë rast, “maqedonët” janë sllavët e maqedonisë dhe këta u bashkuan me shqiptarët, gjoja luftuan kundra sërbëve. Sa gënjeshtër e hapur! A ka ndodhur ndonjëherë që sllavo maqedonët të luftojnë kundra sllavo-sërbëve?



 Kjo është politika sllave që gjen shtrirje te injoranta e shqiptarëve. (gaz. “Dielli” Tetor 2013 f. 33). Z. Kim Mehmeti shkruan: “… Shqiptarët e Maqedonisë protestojnë …”. Po të shprehesh për “shqiptarët e Maqedonisë”, atëherë mund të thuash: sllavët e Maqedonisë, bullgarët e Maqedonisë, ose turqit e Maqedonisë etj., shqiptarët nuk janë të Maqedonisë, por janë vetë maqedonasit. Ndërsa Isuf Bajrami shkruan: “… Kjo ndodh vetëm në vendet me orientim sllavo-ortodoks; Serbi, Mal i Zi, Maqedoni, Greqi, në këto vende ballkanike që njihen për egërsinë dhe barbarinë e tyre”. Profesori e la të pa cilësuar emrin “Maqedoni”. Duhej theksuar: “Sllavët maqedonas”. Pra Shqiptarët nuk janë të Maqedonisë por janë vetë “maqedonët” vetë vetia e tyre. Ne nuk duhet të largojmë emrin maqedon, duke e zëvendësuar me emrin e Shqipërisë Lindore, ose “Iliriada” dhe të themi “Shqiptarët e Maqedonisë”. Kështu sllavo- maqedonëve u rritet prestigji duke e quajtur veten maqedon dhe ne na quajnë “ardhacakë”. E. Jacques, Shkruan: “… Pellazgët ishin zotër të gadishullit të Ballkanit, me qendra të fuqishme në Mikenë, Spartë dhe Athinë. (Flasim pas 1400 vjetëve të ardhjes së ardhacakëve semito-egjiptianët, të quajtur “grekë” pas vitit 1830. (Nga R. Angeli “Enigma”, f. 182).


Studimi na çon te qytetërimi i njohur i Mikenës. Popullsia që u vendos në Maqedoni, Epir dhe Iliri, ishte pikërisht nga kjo kryeqendër pellazge. Pellazgët mendohet të kenë ardhur në pjesën e poshtme të Ballkanit, në vitet 1900 para Krishtit. Maqedonia është shpallur mbretëri nga viti 815 p.e.s. Herodoti e quajti themeluesin e saj Perdika, nga Argosi, pellazg. (f. (97). Dy autorë, që janë marrë me pellazgjishten, si Myzafer Korkuti dhe Seit Mancaku, këta janë kthyer në ajatollahë, thotë Doktor M. Arefi dhe e anashkalojnë emrin Pellazg duke folur për Ilirët dhe paraIlirët. Ndërsa Prof. dr. Lutfulla Peza shkruan: “veprat që lidhin gjuhën e lashtë pellazge me gjuhën shqipe (nuk janë pakë) as analizohen, as kundërshtohen dhe as pranohen”.




 Emil Lafe. “Gazeta Shqiptare”, 20-7-2014). Ne jemi autoktonë me popullsi, me tokë, me gjuhë, me flamur, me histori dhe me doke e zakone, ashtu siç është ruajtur vendi dhe gjuha për gjatë tri perandorive 2000 vjeçare edhe sot pas 100 vjetëve të pavarësisë. Jemi pasardhës të pellazgeve të tre shteteve Epir, Iliri dhe Maqedoni.


Në vitin 1991 u hodhën dy firma tradhtare nga Ramiz Alia, e para në favor të grekut e dyta në favor të sllavo-serbëve. Në të parën iu hap dera kolonelit të asfalisë greke që zuri kolltukun e kryepeshkopit dhe njëkohësisht të guvernatorit në Shqipëri. Ndërsa firma e dytë tregon se qeveria shqiptare njohu ekzistencën e kombit dhe të shtetit “maqedon”. Pas “shkëputjes së saj nga ish Jugosllavia titiste. Qeveria e Shqipërisë dhe e Kosovës tradhtuan kombin maqedon duke aprovuar emrin Maqedon të sllavo-serbeve ardhacakë në shek VII. Pra, ishin të parët që e njohën këtë qeveri serbo-sllave me emrin e grabitur “Maqedoni”. Është folur dhe shkruar shumë për veprimtarinë e komisarit Janullatos, që dëshiron ta ktheje shtetin tonë në një shtet Helen, po kështu dhe Maqedoninë në një shtet sllavo-serbo- bullgarë. Por e ka gabim, se sa më shumë grekët e shtojnë urrejtjen dhe revanin kundra shqiptarëve, aq më tepër i afrohen greminës së tyre.



 Çështja shqiptare është ndërkombëtarizuar dhe lista për Shqipërinë Natyrale, shumë shpejt do të kërkojë në Gjykatën Ndërkombëtare të Drejtësisë në Hagë, shqyrtimi i ligjshmërisë së Konferencës së Londrës 1913, në mënyrë koloniale copëtoi në pesë pjesë kombin shqiptar. Shteti sllavo-maqedon po tërbohet si Milosheviçi, që i vuri zjarrin Kosovës, dhe këta po vrasin fëmijët e tyre për të akuzuar dhe dënuar shqiptarët. Ky është thjeshtë një montim politik, tej shëmtirës që arrijnë të bëhen si qeni i tërbuar që ha kokën e vet. Po kështu greku, Çamërinë e quan “inekzistecë” dhe Shqipërinë e Jugut po e kthen në një varr, gati për t’i vënë dërrasën përsipër, duke kërkuar zmadhimin e territorit për minoritetin grek.




Se ortodoksit shqiptar ai i konsideron grekë dhe tenton të kaloj kufirin nga rrjedhja e Vjosës, në atë të Shkumbinit e më tej, për “Megaliidenë”. Mësoni ju, fqinjët Veri dhe Jugë: Ne Shqiptarët kemi kaluar tri Perandori dymijëvjeçare dhe ja ku jemi, me gjuhën, me tokën, me flamurin, me historinë, me doket dhe zakonet shqiptare. Shumë po tërbohen sllavo-grekë për të kapërdirë këtë kockë të fortë, por u bë ajo se serbët nuk mendonin që Kosova me luftën e UÇK-se dhe me forcat e NATOS do të merrte pavarësinë. Kështu pas Kosovës i vjen radha Çamërisë, do të deklarohen, miq se lidhen interesat në favorin tonë, që të ndihmojnë UÇÇ dhe Greqia të kthehet te kufiri i vitit 1830, në jugë të Epirit, të Thesalisë dhe në veri të Eubesë. (shiko hartën, Enciklopedia Amerikane, volumi 13, f. 377). Pak histori për ardhacakët sllavë: Rreth 30 vjet më parë, erdhi në Tiranë profesori maqedon, Hristo Andonov Poljanski, i cili mbajti në Universitetin e Tiranës në Fakultetin e Historisë, një ligjëratë mbi marrëdhëniet shqiptaro-maqedone. Ai e nisi ligjëratën afërsisht me këto fjalë: Marrëdhëniet maqedone-shqiptare kanë rrënjë të lashta në histori. Ato fillojnë, tha ai, që në kohën e Aleksandrit të Madh...



I nderuari profesor i Shkupit kujtoi se me këtë lashtësi që ai na atribuoi ne, shqiptarët e Shqipërisë së sotme duhej të krenoheshim, sepse duke na trajtuar si fqinjë të lashtë, nuk ishim ardhacakë, por banorë të viseve tona, të paktën që në kohën e Aleksandërit të Madh. Në të vërtetë, gjithë auditori u step, kur e dëgjoi këtë profesor të nxirrte nga goja xhevahirin e padëgjuar se maqedonët e sotshëm ishin stërnipër të Lekës së Madh. Ca më tepër, auditori u çudit, kur profesor Poljanski, tha se Heroi Kombëtar i shqiptarëve, Skënderbeu, nuk ishte shqiptar, por maqedon, sidomos kur shtoi se në ushtrinë që ai udhëhoqi në luftë kundër Perandorisë Osmane, bënin pjesë kryesisht luftëtarë maqedonë dhe pak shqiptarë. Ne e përmbajtëm veten, por e pyetëm: Profesor, për cilët maqedonë flisni, sepse për ne, historianët, në kohën e Aleksandërit të Madh, ju bridhnit ende stepave të Rusisë, kurse në viset e Aleksandërit të Madh ju keni ardhur dhjetë shekuj më vonë...


Ai u përgjigj afërsisht në këtë mënyrë: Kam respekt, tha, për kulturën tuaj dhe për dijenitë tuaja. Por ju, ende nuk e keni mësuar historinë e vërtetë. Ne, tha ai, maqedonët, me të vërtetë kemi ardhur shekuj më vonë, por përderisa u vendosëm në trojet e maqedonëve të lashtë, ne jemi pasardhësit e tyre, jo vetëm pasardhësit e tyre kulturorë, por edhe gjenetikë.


 Ne kemi të drejtë të krenohemi me Aleksandërin e Madh dhe të përdorim flamurin e tij... Të pranojmë, për një çast, i thamë, se nuk e dimë mirë historinë, prandaj u pyesim të na sqaroni, çfarë do të thoshit ju, nëse turqit osmanë, të cilët u vendosën në viset e Perandorisë Bizantine dhe patën të njëjtin kryeqytet, Stambollin, do ta quanin veten e tyre pasardhës gjenetikë të bizantinëve dhe shtetin e tyre, do ta emërtonin në bazë të kriterit tuaj, jo Perandori Osmane, por Perandori Bizantine?...




 Ai u step dhe deri sot nuk kemi marrë ende përgjigje.


Të adoptosh emrin e lashtë të Maqedonisë si emër kombëtar të republikës së krijuar në shekullin XX dhe të adoptosh për këtë republikë të re flamurin e Aleksandërit të Maqedonisë, ne si historianë që përpiqemi të përvetësojnë standardet e metodologjisë moderne të historiografisë, nuk mund të rrimë pa vënë në dukje se këtu kemi të bëjmë me një ndryshim të rremë, fals të identitetit kombëtar.(Menandri, Historici Graeci Minores, edidit Ludovicus Dindofias, fr.25-26).


Këta janë uzurpatorët greko-sllave të vitit 1991, qe ne i lejuam dhe i ngritëm lart... Kim Mehmeti thotë: “…reagime ndaj keqqeverisjes por edhe “banditeve” politikë të partive shqiptare”.

Rasim Bebo, Addison Çikago, gusht 2014.

Sali Berisha: Rama mbylli dyert e universiteteve për 11 mijë maturantë

Mbyllen dyert e universiteteve per 11 mije maturante dhe rriten me 33% tarifat per studentet!!


Ish kryeministri i Shqipërisë, Sali Berisha, ka reaguar lidhur me vendimin e Qeverisë se Edvin Kristaq Rama për mbylljen e disa universiteteve në vend. Sali Berisha i dënon abuzimet që janë bërë në universitete dhe inkurajon luftën ndaj tyre, por njëkohësisht e dënon këtë vendim të qeverisë pasi la pa shkollë 7 mijë e 500 studentë.

Ish kryeministri Sali Berisha përmes një postimi në profilin e tij Facebook bën me dije se është në favor të qëndrimeve të rrepta ligjore dhe ndëshkimit ndaj çdo abuzimi në fushën earsimit të lartë. Por sipas tij, të godasësh në një ditë të vetme 31 institucione të arsimit të lartë, dëshmon se po vepron kryekëput në menyrë korruptive.



 “Pas krijimit të firmave të ndërtimit, Rama - Meta krijojnë dhe universitet e tyre private! Të dashur miq, këto ditë në kuadrin e pseudo reformës në arsimin e lartë, me një komision tërësisht anonim, mbi bazën e një raporti të këtij komisioni të hartuar në mungesë absolute të transparencës, Edvin Kristaq Rama mbylli me një të rënë të lapsit 29 shkolla të larta dhe dy universitete private, në të cilat studionin mbi 7500 studentë dhe ishin bërë në infrastrukturë mbi 200 milionë dollarë investime, pa llogaritur këtu dhjetëra milion dollarë të familjeve të studentëve.


 Dua të sqaroj që në fillim se jam në favor të qëndrimeve të rrepta ligjore dhe ndëshkimit ndaj çdo abuzimi në fushën e arsimit të lartë, sikundër jam i sigurt se abuzime të papranueshme ka pasur, ka dhe do ketë si në universitetet private ashtu dhe në ato shtetërore dhe ato duhet ndëshkuar. Them do ketë sepse mjerisht raste abuzimi me diploma dhe doktorata njoftohen edhe në vendet me të zhvilluara. Për Shqipërinë, zbatimi i ligjit në fushën e arsimit duhet të jetë parësore.


Por të godasësh në një ditë të vetme 31 institucione të arsimit të lartë, shumë të ndryshme nga njeri-tjetri, disa prej të cilave ndër më seriozet, duke mos paraqitur publikisht asnjë fakt për shkelje ligji nga ana e tyre, dëshmon qartë se po vepron kryekëput në mënyrë korruptive dhe vetëm korruptive, njëlloj si me liçensat e hidrocentraleve që i heq për t'i dhënë me rryshfet nga e para. Në praktikën botërore, rruga e vlerësimit të performancës së universiteteve dhe heqjes se liçensave edhe rating-u nga kompani të pavarura. Shqipëria 3 vjet më parë realizoi rating-un e parë.


Rama premtoi se do ta bënte atë që vitin e parë, por babëzia e detyroi të zëvendësojë rating-un me kleringun, fund e krye korruptiv. Rama - Meta dhe qeveritarët e tyre, njëlloj siç kanë krijuar kompanitë e ndërtimit për punët publike apo siç bllokuan lojërat e fatit për t'ua dhënë familjarëve dhe sojit të vet, po krijojnë tani universitetet e veta private.



 E them këtë jo vetëm bazuar në ato që rëndom po flitet për punën e komisionit por para se gjithash bazuar në: - Së pari, vendimin e Ramës për të ulur kuotat për 11 mijë vetë në universitetet publike. Theksoj këtu se 8 vite në pushtet universitetet private kanë bërë presion për uljen e kuotave në universitetet publike natyrisht në interes të tyre.


 Por, ndonëse kanë pasur mbështetjen e pakursyer të qeverisë, me heqjen e TVSH, miratimin e ligjit "tokë për shkollë" etj, kjo kërkesë nuk është pranuar asnjëherë.




 Së dyti, mbyllja në një ditë të 31 shkollave të arsimit të lartë, nxjerrja në rrugë e 7800 studentëve është hapje e hapësirës për simotrat ku qeveritarët kanë vendosur aksionet e tyre dhe liçensimin dora dorës të universiteteve të tyre.



 - Së treti, vetë zëdhënësja e Ramës për arsimin Nikolla deklaroi publikisht se Ministria do rregulloj në universitetet publike dhe private studentët që ju mbyllen shkollat.




Natyrisht qeveria mund të rregulloj në universitete publike, por me sa duket ka arritur një marrëveshje korruptive me universitete private ku Rama - Meta kanë aksione për të dërguar studentët e universiteteve të cilat u mbyllën pa paraqitur as dhe një arsye të vetme ligjore. Ju bëj thirrje të rinjve shqiptarë të ngrihen në protesta të fuqishme kundër klikes Rama - Meta që po shkatërron të ardhmen e tyre.”-

Te dashur miq, Edvin Kristaq Rama, ne nje akt qeveritar negativizmi dhe ligesie ekstreme, uli per vitin akademik qe vjen kuotat e pranimeve dhe rrenoi endrren e bukur universitare te 11 mije te rinjve shqiptar, duke mbyllur keshtu per ta dyert e universitetve publike te vendit.




Ky vendim merret ne nje kohe kur ne te gjitha vendet e BE dhe te rajonit politika e dyerve te hapura te universiteteve publike eshte detyrim ligjor kushtetues.



Ky vendim merret ne nje kohe kur perqindja e te diplomuarve ne universitete, ne popullaten ne teresi, eshte 5 - 6 here me e ultet se sa mesatarja europiane. Ai nuk mjaftohet me kaq, por rrit me 33% tarifat per studimet universitare duke i rritur ato, ne proporcion per vendin me te varfer, ne nivelet me te larta ne kontinentin tone

.


Keshtu, si perbindesh i vertete i endrres me te bukur te te rinjve, endrres universitare, me realizimin e te ciles çdo i ri apo e re synon te hyje ne shtepine e intelektualeve te kombit te tij dhe te ndertoj, bazuar ne mendjen dhe dijet e tij, nje jete me te mire per veten dhe familjen e tij. Edi Rama uli pranimet ne universitetet publike te vendit me 11 mije studente apo 33 %.

Ne te gjitha raportet nderkombetare vleresohej shume fakti qe ne Shqiperi 72% e atyre qe merrnin maturen hynin ne universitet. Me kete akt te pashpirt prej te semuri psiqik, Rama, brenda nje viti e zbret hyrjen ne universitete te maturanteve ne 44%. Ky vendim bie ndesh me Kushtetuten e vendit, karten e saj sociale.

Perveç kesaj, Edvin Kristaq Rama, rrit tarifat per regjistrim dhe studime ne universitetet publike dhe i ben ato nominalisht me te larta se Zvicra, Austria, Gjermania etj, kurse ne proporcion i ben nder me te lartat ne Europe. Theksoj ketu se ne rajon Sllovenia, Bosnja Hercegovina, Greqia, Serbia, dhe ne Europe nje seri vendesh, nuk kane tarifa per pranimet dhe studimet ne universitetet publike.

Edvin Kristaq Rama, njeriu qe kishte premtuar rritjen e buxhetit per arsimin ne 5% te GDP-se, ndermorri ne ligesi dhe pabesi te plote keto vendime aarmiqesore ndaj maturanteve dhe studenteve tane. Ai i mori keto vendime ne pabesi te plote pasi universitetet dhe shkollat jane te mbyllura. Por shtatori po vjen. Ftoj te rinjte dhe te rejat qe me protetstat me te fuqishme t'i japim ne shtator klikes Rama - Meta ndeshkimin e merituar!! 

PA PARALAJMRIM QEVERIA SHQIPTARE DHE AKEP-I BLLOKON FAQET E INTERNETIT DHE E-MAILAT E INSTITUTIT TE EUROPES JUGLINDORE NE TIRANE

Enver Bytyci

Njoftim publik

Prej dje qeveria dhe AKEP ka bllokuar pa asnje paralajmerim faqen e internetit si dhe adresat e E-Mailit te Instiitutit te Studimeve te Europes Juglindore ne Tirane, megjithese kontrata me AKEP ka afat deri ne mars te vitit 2015.


Nderhyrja e shtetit ne veprimtarine e nje instituti studimor e shkencor eshte shenje e qarte e autoritarizmit dhe imponimit te rregullave ne shoqerine tone te ashtuquajtur demokratike. Kjo nderhyrje e paprecedente eshte shkelje e te gjitha te drejtave qytetare ne nje vend qe aspiron anetaresimin ne Bashkimin Europian dhe qe eshte bere pjese e vlerave te Aleances se Atlantikut.



I bejme thirrje ministres se Teknologjise dhe Inovacionit, zonjes Harito, te nderhyje me urgjence dhe te zhbllokoje situaten penguese qe ka krijuar me mbylljen e komunikimit elektronik, pa te cilen nuk mund te zhvillohet asnjelloj aktiviteti studimor, hulumtues e shkencor!


Kerkoj mirekuptimin dhe solidarizimin e opinionit publik qe te denohet ky akt i shemtuar i AKEP, i cili ne kundershtim me ligjet e shtetit demokratik dhe me marreveshjen e nenshkruar me Institutin, njeanshem ka vepruar me arbirtraritet e arrogance per bllokimin e faqes se internetit dhe te e-maileve te Institutit te Studimeve te Europes Juglindore ne Tirane, i cili duhet te komunikoje dhe te ruaje kontaktet se paku me 14 institute homologe ne rajon, ne Europe, Shtetet e Bashkuara te Amerikes e deri ne Kine.


Kerkoj mbeshtetjen e medias dhe te te gjithe organizatave jo qeveritare per te parandaluar perhapjen e se keqes ne te gjithe shoqerine shqiptare. Ajo qe i ndodh komshiut do te trokase edhe ne deren tuaj, te nderuar kolege, miq, botues e veprimtare te shumte ne fusha te ndryshme te veprimtarise shoqerore ne Shqiperi!

Me respekt,

Enver Bytyçi

Drejtor Ekzekutiv i Inst. te Europes Juglindore - Tirane.

Kur patriotizmi zevëndësohet më materializem primitiv

Nga Skënder Mulliqi

Fjala patriotizëm komentohet në mënyra të ndryshme ne Ballkan.Disa thonë së Patriotizem është një lloj me i bute i nacionalizmit, përkunder termit shovenizem që sipas logjikës interpretohet si ndjenja të tepruara nacionale.Disa e barazojnë patriotizmin me nacionalizëm në kuptimin negativ të fjalës.Nese shtetet sllave më të cilat rrethohemi e keqpërdorën me të madhe fjalën patriotizëm , të shqiptarët ishte krejt e kundërta. Serbo-sllavet në emer të gjoja patriotizmit pushtuan tokat e huaja sistematikisht gjatë historisë. Dhe, kjo nuk ka lidhje me fjalën patriotizëm. Kjo është fashizem i kulluar.Te shqiptarët patriotizmi është dashuria ndaj atdheut dhe kombit, pa i ba keq askujt.Dihet së çfarë dëmi solli nacionalizmi agresiv serb ne hapsirat ballkanike. Ish-Jugosllavia si krijesë artificiale që ishte ka mundur shumë lehtë të shpërbehët pa luftë, sikur mos të ishin serbët të cilët nuk e lejuan një gjë të tillë, sepse janë me kod gjenetik të prishur. Jugosllavia e Titos u shpërbe në menyrë të përgjakshme duke mbetur të vrarë , të masakruar, dhe të zhdukur me mijera myslimanë të Bosnjës dhe shqiptarë të Kosovës.E bëra një hyrje këtu ,sepse shqiptarët pothuaj krejt e qitën në harresë patriotizmin që atyre ua solli lirinë dhe pavarësinë pas shumë vitesh të okupimi klasik nga Serbia. Po thuaj gadi krejt u qitën në harresë së gjatë historisë sonë të dhembshme por edhe krenare për këtë tokë u flijuan me mijera atdhetarë. Për çlirimin e Kosovës u investua teper shume historikisht edhe në luftën e fundit , për tu nepërkëmbur e gjithë kjo aq lehtë.Një fjalë e popullit të cilën e dim të gjithë thotë” me veshtire është te ruhet së sa të fitohët”. Shumë jemi dëshmitar së gjithë ai patriotizem padyshim i madh karshi atdheut dhe kombit po venitet koha- kohës, që në fakt nuk ishte dashur kurrë të ndodhë. Fatkeqësisht po e përjetojmë një kohë kur nese dikujt i fletë për patriotizem , do të tallet me ty ose të klasifikon si të qmendur. A ka diq me tragjike së kjo ? Sigurisht se nuk ka . Të gjitha shtetet me demokraci të zhvilluar i formuan dhe po i mbajne ne këmbe shtetet ne saje të patriotizmit, nese edhe dikujt kjo i duket qesharake .Rasti i fundit kur Gjermania u bë kampion bote në futboll, gjithe ai manifestim i fitorës dhe prezenca e kancelarës, Angela Merkel , nuk ishte gjë tjeter veq një manifestim i madh i shfaqur patriotik edhe përmes futbollit.Për të gjithë neve të cilët e përcollëm këtë ngjarje të madhe sportive nuk mund të themi së nuk ishte ashtu. Mu për ata gjermanet edhe janë kombi dhe shteti me i avansuar ekonomikisht në planet. Ata janë model për të mirë.Ne shqiptarët duhet të mësojmë shumë çka nga miqët tanë gjermanë dhe nga miqët tanë amerikanë të cilët historikisht na dolën në krahë , pa të cilat shtete zor e kemi pasur ta ruajm qenjën tonë kombëtare, kur dihet se në të kater anët jemi të rrethuar me armiqët tanë shekullor, të cilët edhe sot nuk po heqin dorë nga pushtimet e tokave shqiptare.Të gjithë shqiptaret kudo në botë të cilët i kontribuan ne forma të ndryshme çlirimit të vendit, dita ditës gjithnjë po janë më të zhgenjyer me të arriturat e vogla në Kosovë. Të gjithë ata qe ranë në altarinë e lirisë ,ranë vetëm që Kosova te jetë shtet i lirë dhe sovran.Edhe ata atdhetarë të shumtë të gjallë dhe mbarë populli, nuk janë të kenaqur më ata të cilët që 15 vite e drejtuan shtetin. Dihet së vendin për këto vite e udhëhoqën LDK, PDK,AAK me koalicine të ndryshme , por që të tria këto subjekte politike pak treguan së si bëhët shtetndërtimi i vendit. Të gjithë Kosovën e kemi paramenduar me ndryshe. E kemi paramenduar që shumë më shpejt do të zhvillohemi ekonomikisht . E kemi paramenduar që shqiptarët do të duhen ne mes veti si kurrë me parë . Kemi menduar se nuk do të vjen në pyetje tërsia territoriale e Kosovës. Veriu i Mitrovicës më shumicë serbe me ndihmën e Beogradit zyrtar po e sfidojnë gjithnjë e më shumë shtetësinë e Kosovës , me Asociacionin e Komunave Serbe.Të gjithë kemi menduar se tiparët e mira nga tradita që i kishim nuk do të flakën kaq shpejt. Ne, gjithmonë i kemi dalë në ndihmë njeri-tjetrit, e tash e gjithë ajo ka mbetur më shumë si një ënder e mirë .Të gjithë kato që i përmenda më duket mua së janë pjesë e patriotizmit, që po zëvëndësohet me materjalizem primitiv. Tash ka filluar të quhet patriot ai apo ata të cilët kanë ba kapital të madh pa e ditur preardhjën e tij.Patriotizmi nuk matet vëtem më një përiudhë kohore , patriotizmi matet për çdo minut dhe për çdo ditë. Tashmë kur jemi të lirë , ne vend të unitetit aq të nevojshem , e mbollëm farën e përçarjës e cila po na sjell dëme të pariparueshme. Veq shikoni situatën politike në të cilën jemi katandisur sot. Dikush po thotë së e gjithë kjo çka po ndodhë për tu formuar Qeveria e re dhe Parlamenti i ri është demokratke. Unë do të thosha së kjo është një maskaradë e turpshme që po luhet në kurriz të popullit dhe të ardhmes se shtetit .Rrotacioni i pushtetit nuk po kuptohet ,ose me mirë të themi nuk dëshirohet të kuptohet si proces normal . Këtu të ne si duket pluralizmi në kokat e shumëkujt ekziston vetem si nocion apstrakt.Kur shteti më shumë mbetet farsë , atëherë këtë e shfrytëzojnë rrymat ekstreme nga me të ndryshmet, të cilat rryma janë duke na sjellur dëmin më të madh të mundeshem si shtet.Me kujtohet një deklaratë kohë më parë e ambasadorit anglez në Kosoëv, Jan Klif i cili thotë së’ Ekstremizmin fetar në Kosovë po e sjellë gjendja e rëndë sociale dhe ekonomike”. Është shumë e vërtetë së armiqët e të gjitha ngjyrave e shfrytëzojnë mirë këtë , kur shteti nuk intersohet për miërqenje të qytetarve, atëherë të rinjët po mashtrohen edhe për pak groshë.Sikur kjo dikujt po i leverdisë të përfitojë edhe më shumë pa marre para sysh cenimin e interesave vitale shtetërore dhe kombëtare. Shqiptarët gjithmonë u shquan për tolerancën fetare.Ky imazh ka filluar të zvetnohet.Por, kështu e ka puna kur ata që sot po drejtojnë shtetin janë të ‘zënë’ për të përfituar përsonalisht , pa e pasur dert funksionimin e shtetit ligjor, zbutjen enorme të papunësisë,luftimin e krimit të organizuar dhe korrupcionit etj. Patriotizmi nuk matet me sasinë e parave që i ka dikush siq po mendohet, por më punët që bahën për mirëqënjën e të gjithëve.Kjo i bie në ketë kohë krize së atdhetarët janë vetëm biznismenet edhe ata që janë kontraverz dhe njerëzit e fortë të politikës , së ata janë gjoja shpetimtarët tanë, Kjo është vetëm një pargjykim dhe një mashtrim i madh që po i servohet popullit .Vetëm një zhvillim i gjithmbarshem ekonomik mund të sjellë mirëqenje dhe ti heq iluzionet nga koka së ndryshe mund të bëhët mirë.Patriotizem është kur ti dalësh zot pensionistit, bujkut, të hapësh vende te reja të punës për gjeneratën e cila ka mbetur në mëshirën e kohës, patriotizëm është të avansosh arsimin dhe shëndetësinë si shtylla të rëndësishme të shtetit, patriotizëm është të sjellësh invetitorët e huaj duke i punësuar njërëzit e shumë të mira të tjera…

Tomori, vendi i orakullit të Dodonës

Vendndodhja e tempullit të lashtë të Dodonës është një argument që shpesh i ka çuar studiuesit në debate.

Në vitet tridhjetë, Perikli Ikonomi, me librin "Tomori dhe Dodona pellazgjike", përpiqej të tregonte se vendndodhja e tij është në Shqipëri.

Legjenda thotë se shumë kohë më parë, nga Egjipti u nisën dy zogj. Njëri prej tyre ndaloi në Libi, ku u ndërtua tempulli i Ammon Zeusit dhe tjetri ndali në Dodonë. Aty u ndërtua tempulli tjetër, ku ndodhej orakulli më i famshëm i antikitetit, ai i Dodonës, pasardhës i të cilit do të ishte orakulli i Delfit.

E nëse tempulli i Ammon Zeusit dihet që është në Libi, çështja e vendndodhjes së tempullit të Dodonës është më e komplikuar. Një pjesë e mirë e studiuesve mbrojnë tezën se tempulli i lashtë i Dodonës ndodhet në tokat e sotme greke, në këmbët e malit të Tammaros, rreth 18 km larg Janinës.

Ka edhe një tjetër grup më të vogël, pjesë e të cilit është studiuesi Perikli Ikonomi (1982-1977), që nuk mendon kështu. Në vitin 1934, ky studiues nis të shkruajë "Tomori dhe Dodona pellazgjike", një studim nëpërmjet të cilit përpiqet të vërtetojë se tempulli i Dodonës është në malin e Tomorit.

Për herë të parë ai e botoi me shpenzimet e veta këtë libër më 1936-ën, në një numër të vogël kopjesh. Një prej tyre e kishin familjarët dhe tjetrën Muzeu Historik Kombëtar. Pas gati 8 vitesh, studimi u ribotua.

Për të vërtetuar tezën e tij për vendndodhjen e tempullit të Dodonës u mbështet në disa burime: etimologjinë e fjalës Tomor, vendndodhjen e përshkruar nga autorë të antikitetit dhe ndërtimit gjeografik të ngjashëm të këtyre dy vendeve, si dhe gojëdhënave të banorëve përreth malit të Tomorit.

Që në faqen e parë të librit tregon arsyen se përse po merr përsipër një punë të tillë, kur thotë se po e shtron këtë çështje për të treguar vendndodhjen e vërtetë të tempullit origjinal të Dodonës.

Ikonomi shkruan se ka një grup studiuesish shqiptarë, të cilët i mëshojnë idesë se Dodona e Epirit Jugor (mali Tammaros, në Janinë) është vetëm një kopje e vonshme e origjinalit, i cili duhet të ndodhet në malin Tomor në Toskëri. Për të është i rëndësishëm fakti që të dy malet kanë emra të ngjashëm (Tammaros dhe Tomor). Në këtë pikë ai tjerr prejardhjen e fjalës Tomor.

Ai shkruan se mali i Tomorit, konsiderohet si banesa e Perëndisë së pellazgëve, domethënë e shqiptarëve të vjetër. Veç kësaj, Tomorin e quajnë mal i të-mirit, prandaj priftërinjtë e orakullit të Dodonës quheshin Tomurë, të mirë.

"Në të folurën popullore të shqiptareve, çdo vend i shenjtë quhej dhe vazhdon të quhet më së shumti edhe sot vend i mirë. Pra, në këtë togfjalësh, mbiemri "i mirë" përdoret në kuptimin "i shenjtë", rrjedhimisht, mali i Tomorit do të thotë mali i Zotit", shpjegon ai.

Me tej argumenton se priftërinjtë ose fatthënësit (parashikuesit e ngjarjeve) e Dodonës quheshin Tomuri dhe parashikimet (fatthënat) e tyre quheshin Tomure. "Tomar ose Tmar quhej mali pranë ose mbi të cilin ndodhej tempulli i Dodonës, i njohur ndryshe si faltorja e famshme pellazgëve, shkruan Ikonomi.

Por kjo analizë nuk i mjafton për të vërtetuar tezën e tij, kështu që merr në shqyrtim edhe gjithë dëshmitë e mundshme historike.

Një kapitull më vete u kushtohet përshkrimeve të autorëve të antikitetit si Herodoti, Hesiodit Pliniusi, Pindari, Plutarku, Straboni etj., shënime të cilat e largojnë Dodonën nga Janina dhe e sjellin në veri të Toskërisë.

Një nga shënimet që Ikonomi citon është ai i Stragjiritit: "Në faqen 28 të shënimeve ku bën fjalë për Dodonën, ai e përmend si të pacaktuar vendndodhjen e malit Tomor.

Ai pohon se të tjerë e vendosin këtë mal më lart e më tej nga veriu i malit të Pindit. Gjithashtu, thotë se molosët kanë qenë më të përmendurit e më të famshëm nga haonët, se ata kishin dhe tempullin famëmadh të Dodonës në krahinën e tyre".

Duke përmendur shënimet e këtyre autorëve dhe gjeografëve, të cilat japin detaje të ndryshme për tempullin e Dodonës, Ikonomi arrin të ndërtojë një panoramë të vendndodhjes së këtij tempulli.
Por punën nuk e lë me kaq. Pasi përfundon me përshkimet e këtyre autorëve, në kapitullin e fundit ai jep kallëzime e gojëdhëna për malin e Tomorit dhe rrethinat e tij.
Kështu, njëra prej tyre thotë se në Tomor rrinin tri motrat e Dhodhonit, tek të cilat vinin mbretërit e vjetër për t'i pyetur për fatin e tyre dhe të mbretërisë.

Ndërsa sipas një tjetër gojëdhëne, në kulmin e malit të Tomorit ndodhet e skalitur mbi një shkëmb një plakë që ruan një dhi dhe një kec. Gojëdhënë që sipas Ikonomit mund të ketë lidhje me dhinë Amalthia, që sipas mitologjisë, ushqeu Zeusin kur e ëma e tij, Rea, e fshehu për ta ruajtur nga i ati, Shtuni (Saturni), që hante fëmijët e tij.

Mes Ikonomit dhe malit të Tomorit ekzistonte një lidhje më e veçantë se ajo mes një studiuesi dhe një subjekti.

I lindur në fshatin Vokopolë të Beratit, ai e njihte ndoshta më mirë se çdo studiues tjetër këtë vend dhe legjendat që e rrethonin, shumë prej të cilave lidhen me shenjtërinë e këtij mali.

Dhe jo rastësisht e ka përshirë shenjtërinë në libër. Perikli Ikonomi vinte nga një familje që për 17 breza me radhë kishte nxjerr priftërinj. I fundit prej tyre ishte babai i Perikliut, Papa Pavli.

Por ai nuk do të ndiqte këtë rrugë.
Mësimet e para do t'i merrte në Berat, nga rilindësi Babë Dudë Karbunara (1842-1917). Më pas vazhdoi shkollën e Korfuzit, ku u njoh me Ismail Qemalin, i cili i zgjon ndjenjën e atdhetarisë dhe të çështjes kombëtare.

Më pas studion dhe formohet si specialist i psikologjisë në njërën prej shkollave më të rëndësishme të kohës në Ballkan, në gjimnazin "Zosimea" të Janinës.

Pas kthimit në Shqipëri, më 1916-ën, jep mësim fillimisht në shkollat e Beratit dhe më pas në një sërë shkollash në të gjithë Shqipërinë. Krahas mësimdhënies shkruan dhe boton me shpenzimet e tij librat didaktikë: "Atdheshkronja praktike", 1926; "Atdheshkronja e plotë për të tretën dhe të katërtën klasë të shkollave fillore dhe plotore të Shqipërisë", 1932; "Mineralogjia dhe mësime kimike", 1933.

Ai bëhet kështu një nga themeluesit e parë të arsimit shqiptar, kontribut për të cilin, më 1956-ën u vlerësua me titullin "Mësues i Merituar". Vdes në maj të 1977-ës.