Greta Hoxha, spikerja e zjarrt për 28 Nëntor ka vendosur një veshje që të kujton Shpalljen e Pavarësisë

Gazetarja shqiptare: Gjoksi im i vogël i ka çmendur të gjithë!
Zjarr Tv tërhoqi shumë vëmendjen mediatike pasi bëri një revolucion në prezantimin e lajmeve duke nxjerrë spikere topless.

Një prej gazetareve të këtij kanali u përmend në shumë media botërore, por ajo për arsye që nuk dihen u largua nga kanali.

Por gazetaret e mbetura në këtë kanal vijojnë “t’i nxjerrin gjoksin” punës.

Një prej tyre, Greta Hoxha, ka folur lidhur me daljet topless për Bluetooth.

“Nuk shoh asgjë të keqe daljen topless në prezantimin e lajmeve. Përderisa femrat vënë foto me bikini si profil në FB, çtë keqe ka nëse del topless në Tv”, thotë ajo.

Ajo më tej flet për gjoksin e saj dhe si është komentuar.

“Kurrë nuk kam kërkuar pretekste për faktin që e kam gjoksin e vogël. Kur u ndanë këto na ranë, madje nuk ma ka thënë askush që duket keq, pasi ka një rrumbullakësi perfekte. Preferencat e gjoksit mbeten relative. Një gjoks i bukur vlerësohet nga ndjeshmëria dhe jo nga madhësia. Mjafton që linjat të jenë në proporcion me trupin dhe asgjë të mos stonojë. Pavarësisht madhësive”, thotë ajo.

Greta Hoxha, spikerja e zjarrt për 28 Nëntor ka vendosur një veshje që të kujton Shpalljen e Pavarësisë, por nuk ka harruar edhe detajin tjetër të rëndësishëm atë të lënies së dekoltesë së hapur, sa për edicionin e lajmeve, s’besojmë se e ka njeri mendjen aty…

Arrestohet Albin Kurti

Albin Kurti: Opozita kurrë nuk do ta lejojë “Zajednicën” në Kosovë



Ish-lideri i Lëvizjes Vetëvendosje, Albin Kurit ia ka drejtuar protestuesve duke thënë se opozita e bashkuar është garanci që kurrë nuk do ta lejojë “Zajednicën” në Kosovë.

Kurti tha se sot na përgjithmonë na bashkon 28 Nëntori i Ismail Qemailit e i Adem Jasharit.

“Bashkimi kombëtar nuk duhet ta pengojë Evropën dhe nuk mund të thuhet se bashkohemi në Evropë sepse atje bashkohen shtete të ndryshme me kultura të ndryshme, por nuk e bënë bashkimin e shqiptarëve. Kjo qeveri po ia ofron Serbisë Zajednicën dhe po i ofrohen 9000 hektar tokë Malit të Zi. Me këtë forcohet Serbia por opozita e bashkuar është garanci që kurrë nuk do ta lejojë “Zajednicën”, ka thënë ai.

Ai po flet lidhur me Bashkimin Kombëtar të shqiptarëve. Kurti thotë se 28 nëntori mund të festohet vetëm duke protestuar sot në Prishtinë. Sepse në vend se të bashkohet Mitrovica po ndahet Kosova.

Nëse pavarësia e Kosovës nuk është për pavarësinë e Shqipërisë, ajo është për bashkim të komunave serbe.

Kurti: Nuk mund të ecim më këtë flamur lara – lara përpara

Ish kryetari i Lëvizjes Vetëvendosje, deputeti Albin Kurti, ka rrezikuar shumë, duke mbajtur një fjalim në skenën e ndërtuar për tubimin e Opozitës.

Lëvizja Vetëvendosje përmes një postimi në Facebook ka njoftuar se Policia e Kosovës ka arrestuar dhjetëra aktivistë të kësaj Lëvizje.

“Policia ka arrestuar dhunshëm dhjetëra aktivistë në zyrat e Lëvizjes VETEVENDOSJE!. Kjo polici e cila është vënë në mbrojtje të 'Zajednices' vazhdon t'i mbaje të bllokuara zyrat tona. Rezistenca e aktivistëve në rrugë po vazhdon dhe 'Zajednica' nuk do të kaloje”, shkruhet në njoftimin e Lëvizjes Vetëvendosje.

Ai përderisa aktualisht gjendet në kërkim të Policisë pas fletë-arrestit të ngritur nga gjykata, nuk ka hezituar që t’u drejtohet qytetarëve.

Në fjalimin e tij, Kurti ka folur për bashkimin kombëtar, duke thënë se festa e flamurit ka një simbolikë për këtë çështje.

Ai ka thënë se vetëm me flamurin kombëtar, Republika e Kosovës mund të ecë përpara. Duke shtuar se me flamurin e Kosovës lara – lara nuk mund të ecim përpara.

Vetëvendosje: Njësitet speciale na kanë rrethuar

 Gazetarja jonë njofton se në mesin e shumë të arrestuarve është edhe Fitore Pacolli dhe asambleisti Ylli Hoxha.

Policia në këto momente arrestoi edhe ish-liderin e Lëvizjes Vetëvendosje Albin Kurti

Aktualisht policia po e mban afër ndërtesës me duar lidhur.

Paraprakisht policia kishte arrestuar të gjithë personat që gjendeshin në zyrat e Lëvizjes.

Njesia speciale futet brenda Vetëvendosjes

Njësitet speciale të Policisë së Kosovës kanë filluar të depërtojnë brenda selisë së Lëvizjes Vetëvendosje.

Në anën tjetër, protestuesit janë duke rezistuar vazhdimisht, duke sulmuar herë pas herë policinë.

Policia ka thyer xhamin në hyrjen e ndërtesës së Lëvizjes Vetëvendosje, ndërsa po përdor edhe prej lotsjellës për të zmbrapsur aktivistët e VV-së.

Protestuesit futen brenda objektit për të ruajtur Albin Kurtin, ndërsa para hyrjes ndodhet Policia e Kosovës që nuk po e lejon afrimin e turmës së njerëzve.

Kurti vazhdon të mbetet brenda, ndërsa i rrethuar me policë dhe aktivist.

Policia i është afruar hyrjes së Vetëvendosjes derisa ka larguar aktivistët.

Këta të fundit u kanë hedhur sprej syve policisë.

Përleshje e vogël mes aktivistëve dhe Policisë

Aktivistët e Lëvizjes Vetëvendosje janë përplasur me policinë e cila me një numër të madh ka rrethuar këtë seli.

Aktivistët u kanë thënë policëve që ta lirojnë rrugën për të kaluar ndërsa policët nuk janë lëkundur nga kordonet e tyre.

Aktivistët kanë brohoritur “Marre, Marre”. Ata kohë pas kohe po gjuajnë me gurë dhe me ngjyrë në drejtim të policëve.

Policia rrethon Vetëvendosjen, kërkon arrestimin e Albin Kurtit
Lëvizja Vetëvendosje përmes Facebook-ut ka njoftuar se Njësitet Speciale të Policisë së Kosovës kanë rrethuar zyrat e Lëvizjes.

Policia është vënë në kërkim të deputetëve të Vetëvendosjes ndaj të cilëve janë lëshuar fletarreste për veprimet e tyre në Kuvendin e Kosovës.

Albin Kurti, një ndër deputetët e Vetëvendosjes ndaj të cilit është lëshuar arrest, ndodhet brenda selisë së Lëvizjes Vetëvendosje.

“Njësitet speciale të Policisë së Kosovës kanë rrethuar zyrën e Lëvizjes VETËVENDOSJE!. Qindra policë kanë bllokuar çdo rrugë pranë zyrave tona. Ftojmë aktivistët që të mblidhen tek zyra e VETËVENDOSJE!-s”, ka njoftuar Vetëvendosje.

-

Po vazhdojnë të shtohen forcat e policisë. Tashmë është bërë rrethimi i hekurtë për rreth gjithë selisë së Vetëvendosjes.


Policia e Kosovës konfirmon se kanë informatë se deputeti Albin Kurti ndodhet në objektin e Vetëvendosjes te Qafa.

Njësi speciale të Policisë së Kosovës kanë bllokuar hyrje daljet që lidhin me selinë e Vetëvendosjes. Rruga e UÇK-së për momentin është e mbushur me njësite speciale të policisë, të cilët si duket do të mund të intervenojnë me arrestimin Albin Kurtit.

Deputeti Albin kurti, pas përfundimit të marshit protestues, ka mbërritur në selinë e Vetëvendosjes.


 Ndërkohë reporterët tanë njoftoj për numër të madh të forcave të cilat i janë afruar selisë së VV-së. Nuk ka informacione nëse do të intervenohet nga ana e policisë për ta arrestuar Kurtin.

Policia ne ndjekje te Albin Kurtit

Policia e Kosovës ka rrethuar Lëvizjen Vetëvendosje duke kërkuar arrestimin e deputetit Albin Kurtit.

Rreth Vetëvendosjes janë mbledhur edhe shumë qytetarë të tjerë.

Në Vetëvendosje ndodhen edhe deputetët tjerë të Vetëvendosjes të cilët e kanë përcjell Kurtin deri tek selia


*******

Policia e Kosovës duke u bazuar në autorizimet dhe detyrat ligjore, duke pas parasysh edhe rëndësinë e krijimit të një ambienti të qetë dhe të sigurt për të gjithë qytetarët, veçanërisht në realizimin e aktiviteteve festive për nder të 28 Nëntorit, ka ndërmarrë veprimet e saja ligjore dhe profesionale që të gjithë qytetarët të ndihen të sigurt dhe të lirë në realizimin e këtyre të drejtave themelore, thuhet në njoftimin e Policisë së Kosovës.

Qëllimi i angazhimeve dhe planifikimeve policore ka qenë përmbushja dhe realizimi i objektivave të parapara si:

*Siguria e përgjithshme në Republikën e Kosovës, mbajtja e rendit, qetësisë dhe sigurisë publike dhe zbatueshmëria e ligjit.
*Qytetarët tanë të kenë mundësi çdo aktivitet festiv ta realizojnë të qetë dhe të sigurt.
*Ndërmarrja e masave ligjore ndaj veprimeve të mundshme kundërligjore dhe luftimi i të gjitha dukurive negative dhe akteve kriminale që mund të shkaktojnë jostabilitet, që në çfarëdo mase do të rrezikonte qetësinë publike apo cenojnë të drejtën e qytetarëve për të festuar lirshëm etj.

Policia e Kosovës si institucion i zbatimit të ligjit ka ndërmarrë të gjitha veprimet konform Kushtetutës së Kosovës, ligjeve në fuqi dhe planit të hartuar, për të garantuar rendin dhe qetësinë publike, për mbarëvajtjen e aktiviteteve festive dhe krijimin e mundësisë së lëvizjes së lirë të të gjithë qytetarëve.

Zbatimi i ligjit, garantimi i rendit dhe qetësisë publike, lëvizja e lirë dhe mbarëvajtja e qetë e kësaj dite festive ka qenë prioritet i PK-së, duke përfshirë edhe sigurinë ndaj personave fizikë, juridikë si dhe parandalimit të dëmtimit të pronës shoqërore dhe atyre private.

Policia e Kosovës ka poseduar informacione lidhur me pjesëmarrjen e personit të kërkuar me Fletë Arrest të lëshuar nga Gjykata Themelore në Prishtinë (Albin Kurti), mirëpo bazuar në vlerësimet e situatës, dhe me qëllim të mos eskalimit të situatës gjatë manifestimit nuk ka ndërmarrë veprime për ndalimin e tij, por që këto veprime do të ndërmerren nga Policia ashtu siç parashihet me Fletë Arrest.

Policia e Kosovës bazuar në planifikimet e saja ka pasur të angazhuar zyrtar policor të mjaftueshëm për ruajtjen e rendit dhe sigurisë publike, mbarëvajtjen e qetë të manifestimit e cila ka filluar rreth orës 14:00, dhe falë edhe pjekurisë dhe kulturës së lartë të qytetarëve, manifestimi ka përfunduar rreth orës 14:50 në mënyrë të qetë pa incidente,-thuhet në fund të komunikatës.


*****

Kryetari i Prishtinës, Shpend Ahmeti reagon ndaj një shkrimi të publikuar gjatë ditës së sotme nga një portal vendor duke e quajtur si një portal të pushtetit.

Portali në fjalë kishte raportuar për takimin e opozitës, duke e titulluar tekstin “Shpend Ahmeti merr pjesë në takimin për shkatërrimin e mëtutjeshëm të Prishtinës”, gjë që ka ngjallur reagimin e kryetarit Ahemti.

Postimi i plotë i z. Shpend Ahmeti në facebook:

Sot në njërin prej portaleve të pushtetit duke raportuar për takimin e opozitës titulli shkruante “Shpend Ahmeti merr pjesë në takimin për shkatërrimin e mëtutjeshëm të Prishtinës”.

Këtij titulli lakmi do ti kishte edhe Gebelsi, shefi i propagandes së Hitlerit.

Prishtina është duke u ringjallur nga shkatërrimi 14 vjeçar. Në ato vite në Prishtinë janë lejuar 46 MIJË (46,000) ndërtime pa leje, e që sot na shkaktojnë probleme me planifikim, rrymë, ujë kanalizim etj.

Ata që i kanë lejuar sot janë në qeveri, prandaj po ndodhë edhe shkatërrimi i Kosovës me marrëveshje të dëmshme.

Unë si kryetar kryeqyteti nuk e dua shkatërrimin as të Prishtinës e as të ndonjë qyteti tjetër në Kosovë. Përkundrazi luftoj me gjithë qenien time që ta ndërtoj shtetin tim. Por luftoj me gjithë qenien time edhe kundër zhvatjes dhe shkatërrimit që ju ka bërë me vite të tëra.

Asnjë forcë e asnjë kërcënim nuk do të na e mbyllë gojën kur ka padrejtësi. Pasojat e vendimeve politike për gjyqësinë e policinë do ti bartim për vite të tëra.

Pronën publike e kanë shkatërruar me vite të tëra pushteti, sepse në çdo rrugë, në çdo pllakë të shtruar e në çdo punë publike mungon nga një 10 përqindsh e më shumë që i ka shkuar politikanëve në xhepat e tyre, që tash e quajnë pronë private.

Prandaj, lene propagandën gebelsiane, se një medium që e ka përkrah pushtetin në Prishtinë në kohën e shkatërrimit, kur të përmendet Prishtina duhet me u skuq nga turpi e marrja. Mos nxitni edhe më shumë situatën me propaganda.

Edhe sot mendoj se zgjidhja është shumë e lehtë. Nuk do të jetësohen marrëveshjet e dëmshme me arrestimet e deputetëve e me polici, posaqërisht kur po rrezikohet gati gjysma e vendit. As që po them që mund të fitohen zgjedhjet me protesta. Sepse në fakt nuk jemi duke folur për pushtetin fare. Reagimi ndaj arrestimit të deputetit dje nuk po bëhet për vota.

Është koha e fundit, që shqiptarët të çlirohen nga kompleksi ndaj Serbisë. Më shumë po i frigohemi qëndrimit të opozitës se sa qëndrimit të Serbisë. Pendrekun e gazin opozitës, e duart e hapura e dashurinë Serbisë.

Lëvizja Vetëvendosje përmes Facebook-ut ka njoftuar se Njësitet Speciale të Policisë së Kosovës kanë rrethuar zyrat e Lëvizjes.

Policia është vënë në kërkim të deputetëve të Vetëvendosjes ndaj të cilëve janë lëshuar fletarreste për veprimet e tyre në Kuvendin e Kosovës.

Albin Kurti, një ndër deputetët e Vetëvendosjes ndaj të cilit është lëshuar arrest, ndodhet brenda selisë së Lëvizjes Vetëvendosje.

“Njësitet speciale të Policisë së Kosovës kanë rrethuar zyrën e Lëvizjes VETËVENDOSJE!. Qindra policë kanë bllokuar çdo rrugë pranë zyrave tona. Ftojmë aktivistët që të mblidhen tek zyra e VETËVENDOSJE!-s”, ka njoftuar Vetëvendosje

“Google” ndryshon logon

Ashtu siç bën për data të rëndësishme e ngjarje të mëdha në botë, motori i kërkimit “Google”, ka respektuar këtë herë 103-vjetorin e Pavarësisë së Shqipërisë, duke ndryshuar logon e saj.

Në vend të logos së saj të përhershme, “Google” ka vendosur në faqen e parë flamurin shqiptar, ndërsa nëse klikon në të do të shfaqen lajme në lidhje me përvjetorin e Pavarësisë së Shqipërisë.


Një gjë e tillë nga motori më i madh i kërkimit në internet është bërë edhe në 100-vjetorin e Pavarësisë së Shqipërisë, por edhe në këtë rast logoja me flamurin shqiptar shfaqej vetëm në IP-të shqiptare.


****

Shpallja e Pavarësisë së Shqipërisë në vitin 1912 dhe krijimi i qeverisë së Vlorës ishte një fitore e përbashkët e të gjithë popullit shqiptar që kishin luftuar pandërprerë me shekuj, kundër sunduesve të ndryshëm.



Kryengritjet e vazhdueshme dhe heroike të popullit shqiptarë që i paraprinë Pavarësisë së Shqipërisë, kundër sundimtarëve shekullorë të Perandorisë Osmane, dhe kundër politikës së fqinjëve tanë , mbartë me vete vullnetin e pamohueshëm të popullit shqiptarë dhe të periudhave historike kombëtare siç ishin Epoka e lavdishme e Skënderbeut, Lidhja Shqiptare e Prizrenit, Lidhja e Pejës, Kongresi i Manastirit,e sidomos kryengritjet e vazhdueshme antiosmane të viteve 1910 dhe 1911 të cilat pasuan me kryengritjen e përgjithshme të vitit 1912 e cila kryengritje përfshiu mbarë hapësirën e shtresës së popullit shqiptar, për liri dhe pavarësi kombëtare.

Populli shqiptar më 28 nëntor 1912 arriti të krijoj të drejtën e tij të pamohueshme, për të pasur liri të plotë dhe sovranitet politik në të gjitha trojet e veta etnike, si të gjithë kombet e civilizuar në mbarë hapësirën e botës, kr ijimi i shtetit shqiptar zhvillon një perspektivë të përgjithshme në të gjithë shtresën njerëzore duke ngritur potencialin e zhvillimit ekonomik, shoqëror, kulturor e politik, duke marrë pjesë në mënyrë aktive në proceset përparimtare të civilizimit botëror.

Vendimi historik i pavarësisë kombëtare që buroi nga Kuvendi i Vlorës nën udhëheqjen diplomatit shqiptar Ismail Qemali, arriti të parandaloj programet antishqiptare të cilët ishin përpiluar nga fqinjët tonë shovinist dhe nga diplomacia Franko-Ruse që kishin një mentalitet të vjetër bizantin, për të asimiluar popullin shqiptar nga hapësira e Gadishullit Ballkanik.

28 Nëntori, që nga paslufta festohet edhe në Kosovë. Por kjo datë nuk simbolizon vetëm Pavarësinë e Shqipërisë.

Që nga viti 1997 kjo datë ka hyrë edhe në historinë më të re të Kosovës.


Pikërisht më 28 nëntor të vitit 1997 në fshatin Llaushë të Skënderajt, në varrimin e mësuesit Halit Geci, i cili u vra nga forcat serbe doli publikisht Ushtria Çlirimtare e Kosovës.



28 Nëntori po ashtu është ditëlindja e komandantit legjendar të UÇK-së Adem Jashari.






“Në luftën e Prekazit u vranë 58 shqiptarë, fëmijë, gra, pleq e të rinj dhe kjo qe një humbje e madhe për tërë kombin, e sidomos për Drenicën e Jasharët. 

Llogaria që bëri armiku doli e gabuar, sepse radhët e UÇK-së po shtoheshin në mënyrë marramendëse.

Populli, e sidomos rinia, po bindej gjithnjë e më tepër se nderi e dinjiteti i kombit e Atdheut do të mbrohej me luftë të armatosur e jo me përulje prej zvarraniku. 

Lufta veç kishte filluar. Pushka kishte qenë ajo që gjithherë kishte mbrojtur nderin dhe dinjitetin e kombit. As tani s’mund të pritej diçka tjetër.

 Vrasja e komandantit legjendar, sakrifica kolektive e tre brezave të Jasharëve (Kushtrimi Ademi e Shaban Jashari, nipi, baba dhe gjyshi të rënë me pushkë në dorë), hapi një epokë të re të lavdisë e të madhështisë në historinë tonë të re”.

.... Në këtë periudhë, lufta për liri po hynte në një rrugë pa kthim dhe do të vazhdojë deri në fitore.

“Shqiptarët e fituan jo vetëm lirinë, por në rrugën e shtet ndërtimit e fituan edhe Botën Demokratike. 

Bota shpejt u bind për vendosmërinë e shqiptarëve, për pathyeshmërinë e Ushtrisë Çlirimtare të Kosovës, e cila po njihte vetëm ngritje. 

Adem Jashari u bë legjendë e përjetësisë. Ora e Kosovës kishte ardhur. Vetëm tradhtarë e frikacakë kishin frikë nga liria. 

Liria po vinte për të gjithë. Më të guximshmit në krye me Adem Legjendarin nuk hezituan t’i hapin flatrat si shqiponja për t’i dal zot Atdheut në kohë furtunash të rrezikshme. Lavdi!”

Flori Bruqi

GËZUAR 28 NËNTORIN!

Të dashurit e mi -  Motra dhe vëllëzër   nga zemra: 

                               

                               GËZUAR 28 NËNTORIN!

Sinqerisht Edicioni shqip 

Agjencioni Floripress

Flori Bruqi

Joseph DioGuardi i zhgënjyer me të gjithë liderët politikë të shqiptarëve

Dëshmia e tij në Washington, para disa ditësh, u bë shkas që ai të jetë cak i sulmeve të disa politikanëve nga radhët e pozitës në Kosovë. Ish-kongresmeni amerikan dhe themeluesi i Lidhjes Qytetare Shqiptaro-Amerikane, Joseph DioGuardi e quajti ndërmarrje haraçi partinë e Hashim Thaçit dhe shkaktare e humbjes së shpresës së qytetarëve në Kosovë.

Për këtë reagoi zëvendësi i Thaçit në Ministrinë e Punëve të Jashtme, Petrit Selimi. Ky i fundit u kundërpërgjigj duke thënë se deklaratat e DioGuardit janë si ato të Vucicit, Gjuricit e Jeremicit.
Gjatë një interviste ekskluzive për gazetën Zëri, ish-kongresisti amerikan, i cili thotë me mburrje që ka gjak shqiptari, DioGuardi, pranon se është i zhgënjyer me të gjithë liderët politikë të shqiptarëve në Ballkan.

Pavarësisht se lobimin për zgjidhjen e çështjes së shqiptarëve e bën pa kurrfarë interesi financiar, DioGuardi thotë se një angazhim i tillë nuk vlerësohet nga politikanët si Hashim Thaçi.
Gjatë kësaj interviste ai mes tjerash flet edhe për themelimin e Gjykatës Speciale, i kundërpërgjigjet akuzave ndaj tij të Petrit Selimit, etj.

"Unë flas me shqiptarët të cilët vijnë në Washington dhe më tregojnë se sa keq është në Kosovë, ku ka 60% papunësi. Kjo është çmenduri. Nëse nuk keni një punë në Qeveri, atëherë nuk ka punë, as në bujqësi nuk ka asgjë. Kosova nuk po eksporton asgjë, përderisa Thaçi po kontrollon gjithçka. Ai ka njerëz këtu në Washington që e përkrahin, pasi që ata bëjnë para së bashku", ka thënë DioGuardi.

Nga Arben LLALLA : Janullatos mesoi taktikat ushtarake qe duhet te perdorte ne Shqiperi

Ju rikujtoj shqiptarëve se në krye të Kishës Autoqefale të Shqipërisë nuk është një njeri që predikon lutjet për dashurin e njeriut për njeriun, për paqen e njerzimit, por oficeri me gradën Major, Tasos Gjerasimo Janullatos, i njohur si Anasas Janullatos.

Ai më 1952-1954, shkojë ushtar në shkollën për oficerë rezervë në Siru, DEA, duke u bërë më tej edhe udhëheqës-komandant i grupit.

Gjatë periudhës së vazhdimit të shkollës Anastas Janullatosi ishte shok gjenerate me deputetin dhe ish-ministrin e jashtëm të Greqisë, Petro Moliviatin të partisë Demokracia e Re të Miçotaqis. Janullatosi dhe Moliviatis kanë qenë studentë me rezultate dhe inteligjentë të lartë në këtë shkollë.

Gjatë një interviste në vitin 2011, Anastas Janullatosi ka deklaruar se në shkollë ka mësuar taktikat ushtarake për tu zbatuar në terrenin e Shqipërisë. Në këtë foto është edhe Janullatosi, kjo është bërë në 1953.

Karriera e njeriut që luftoi kundër turqve dhe malazezëve deri në vdekje

Isa Boletini lindi në kullën e Boletinëve, afër Mitrovicës, më 15 janar 1864. Vitet e rinisë i kaloi në vendlindje. Në prill të 1881 mori pjesë në betejën e Shlivovës, ku u ndeshën trupat e Lidhjes Shqiptare të Prizrenit me ushtrinë osmane.

Në 1902 u emërua komandant i “rojeve arnaute” të Sulltan Abdyl Hamitit I. Gjatë qëndrimit të tij në Stamboll mori titullin “bej”. Në 1908-n, në fillim ishte në krahun e xhonturqve, megjithatë shpejt kjo lidhje u prish. Në nëntor 1908, Porta e Lartë dërgoi një ushtri prej 7 mijë ushtarësh për të nënshtruar Kosovën. Komandën e qëndresës antiosmane e mori në dorë Isa Boletini. Gjatë tërheqjes, osmanët i dogjën kullën në shenjë hakmarrjeje. Gjatë vitit 1909, Isa Boletini udhëhoqi kryengritjet e kosovarëve në Prishtinë, Prizren e gjetiu. Ishte një ndër udhëheqësit më kryesorë të kryengritjes së pranverës 1910. Nën drejtimin e tij, shqiptarët bllokuan për dy ditë në betejën e përgjakshme të Carralevës ushtritë osmane që po depërtonin në Kosovë.

Gjatë Luftës Ballkanike të 1912-s, ishte një ndër kryetarët më në zë të çetave në Kosovë. Në nëntor 1912, u vu menjëherë në mbrojtje të qeverisë së parë shqiptare, asaj të Ismail Qemalit. Ishte anëtar i delegacionit shqiptar që shkoi në Londër për të mbrojtur ekzistencën e Shqipërisë së porsakrijuar. Në 1914 trupat e tij mbrojtën qeverinë e Princ Vidit.

“Baca Isë” është bërë i njohur edhe për ndodhinë që i ngjau në Londër. Teksa delegacioni shqiptar shkonte të takonte Eduard Grejin, ministër i Jashtëm asokohe i Mbretërisë, roja i kërkoi Isait me xhentilesë që të dorëzonte revolverin. Isai u bind pa fjalë. Pas bisedimeve Grej, si një anglez i vërtetë bëri shaka: Nesër gazetat do të shkruajnë se atë që nuk e bëri dot ushtria e pamat osmane, e bëra unë. Isa Boletini u çarmatos vetëm në Londër! Thonë se Isai është përgjigjur: Jo besa, as në Londër! Dhe ka nxjerrë një tjetër revolver që e mbante diku fshehur.

Isa Boletini u vra bashkë me shtatë nga njerëzit e tij në Podgoricë, mbi Urën e Moraçës, më 23 janar 1916.



Si u vra Isa Boletini

Në shtator të vitit 1914, Princi Vilhelm von Vied u detyrua të largohej nga Shqipëria. Isa Boletini me njerëzit e tij, si dhe Bajram Curri, pajtuan me qira dy anije italiane, të cilat i çuan drejt Shëngjinit. Pagesa ishte 150 napolona ar.

Pas kësaj, kosovarët të sfilitur nga ethet malarike dhe nga lufta e gjatë, bëjnë një përpjekje gati titanike për t’u kthyer në vendet e tyre, por u penguan nga trupat malazeze që ndihmoheshin edhe nga Ceno bej Kryeziu. Kosova ndërkohë kishte rënë nën pushtimin serbo-malazez. Për një periudhë të gjatë Boletini dhe njerëzit e tij u endën nëpër malet e Veriut mes Kosovës, Hasit dhe Pukës, duke i shpëtuar pritave që u ngrinin armiqtë. Në fund të 1915-s mbërrin në Shkodër. Ishte bashkë me tre djemtë e tij, dy nipa dhe 100 luftëtarë besnikë. Shkodra e asaj kohe i ngjante një rrëmuje të vërtetë. Këtu përziheshin bashkë ushtarë të huaj, disa malësorë që ishin gënjyer nga Mali i Zi, esadistë, ish-ministra të Vidit, aventurierë lloj-lloj. Në këtë kohë, Isai dergjet i sëmurë në hotel “Parruca”.

Pak ditë më vonë ushtria malazeze shtiu në dorë Shkodrën. Me këtë rast, Knjaz Nikolla fali të gjithë ata persona që kishin luftuar me armë kundër tij, vetëm se krerët duhej të internoheshin në Podgoricë. Aqif Pashë Elbasani, Prenk Bibë Doda, Hilë Mosi e të tjerë pësuan këtë fat. Mes tyre ishte edhe Isa Boletini, me 40 njerëz nga të tijtë, por këta fillimisht i vendosën në Nikshiç e më pas në Danillovgrad. Një përpjekje e francezëve për ta nxjerrë nga Shkodra kishte përfunduar pa rezultat.

Në janar të 1916-s, ushtritë austro-hungareze po depërtonin në territorin malazez. Më 20 janar 1916 malazezët vendosin të transferojnë kosovarët në Podgoricë. Ndërsa austro-hungarezët avanconin, tri ditë më vonë do të ndodhte tragjedia. Më poshtë po citojmë kujtimet e Tafil Boletinit, nip i Isait, i vetmi i shpëtuar nga masakra:

“…Ndërkohë kasneci lajmëronte: Pushtet ma s’ka, gjithkushi nëpër shpija. Ushtria austriake asht hi në qytet. Gjandarmëria po mban qetësinë deri në dorëzim. Ajo detyrë i ishte ngarkue major Savo Llazareviç me dy batalione gjandarë. Ky kriminel i njoftun, po me këta gjandarë që quheshin ‘krillash’ (me krah), ka pasë me tmerrue me masakrime e vrasje, djegie, plaçkitje e me çdo lloj torturash barbare rrethet e Pejës, Gjakovës, Plavës e Gucisë, terror që shumë breza s’kanë me e harrue dhe historia kurrë. Këtë xhelat populli i atyne anëve e njef me emrin Savë Batarja, që e kishte fitue tue ba batare…

Të gjitha kryqet e rrugëve Savo i kishte xanë me patrulla të forta. Me nja 80 gjandarë kishte zanë pusi në të dy anët e urës së Ribnicës jo larg kishës katolike e karshi prefekturës… në ato moment mbërrin axha, po tue qenë ura në bërryl të rrugës nuk shifesh gja deri sa ka hip në urë. Me të hypë axha Isë në urë jepet shenji: Qe ky asht vetë Isa Boletini! Dhe prapa e nxanë urën. Kështu axha me Jonuzin me shokë rrethohen në hallkë. Oficeri komandues me za të naltë komandon: Predajte oruzhje! (Dorëzoni armët!). Axha Isa: Jo besa, kurrë s’ia kam dorëzue as mbretit, as kralit! Nagantin e mbante para dhetçes.

E para pushkë nga malazezët ka qenë e Pero Buriçit nga Vasoviçi. Në flakë të ksaj axha Isa me shokë iu bijnë atyne përqark. Edhe Jonuzi ka pasë dy revolverë, nagant e dhetçe. Krejt i kanë zbrazë, ndonëse të rrëzuem prej plumbave deri sa iu ka ra edhe me bomba dore. Çuni i axhës Isa, Halili, përveç revolverit iu ka ra edhe me bomëbn që ia pat marrë Niko gjandarit…

Mbrenda pak minutave tragjedia mbaroi. U vra Isa vetë i tetë:

1. Isa Boletini, vjeç 51.

2. Halili, i biri, vjeç 24.

3. Seidi, i biri, vjeç 18, student në Vjenë.

4. Jonuzi, nipi, vjeç 26.

5. Halili, nipi, vjeç 24.

6. Hajdar Selim Radisheva, kunat i axhës dhe dhandërr, vjeç 30.

7. Idris Bislimi, nipi i Hajdarit, vjeç 18.

8. Misin Niman Bala nga Isniqi, kushëri, vjeç 26.

Seidi, tue shkue prapa axhës Isa, mbasi e vret gjandarin që e kishte përpara ia kap pushkën e tij dhe vritet tue shti me ata fishekë që i kishte pushka. Misin Nimani, ndonëse nuk ka pasë pushkë, deri sa e kanë rrxue plumbat ka qindrue në kam pranë axhës. Në këtë duel grykë për grykë nga malazezët u vranë 7-8 vetë e 12-13 u plagosën, kryesisht nga ata trima që kishin ba gara se kush i del Isa Boletinit përpara e që kishin sulmue të parët.

Ministrat e Malit të Zi të larguem nga Cetina, të grumbulluem në prefekturë, fillim e mbarim e kanë shijue nga penxherët këtë dramë tragjike, që zhvillohesh trup me trup në krye të urës, bash në sheshin para prefekturës…

Unë në këtë moment ndodhesha në pjacë, në berberhane të Maliq Shkodranit, ku i kisha qethë flokët. Kur krisi pushka u ba nji panik i madh. Populli i grumbulluem rrugave për me pa ushtrinë austriake tue hi në qytet, i alarmuem, u shpërnda pikë e pesë, se kah mujte me ikë.

 Njiheri u dëgjuan zanat e oficerave: Nedajtene oruzhje, napadeshe kaçaçi! (O burra kapni armët, se na ranë kaçakët!). Kaçak iu thonin shqiptarëve. Masa e popullit këtë propagandë që e kishte digjue përpara, me tamam e besoi. Vraponin poshtë e lart si të hutuem, dyqanet mbylleshin, gjandarët në kamiona vrapojshin rrugave, tue shti me mitraloza në ajër, po ashtu edhe patrullat nëpër rruga shtishin kot, tue alarmue popullin, se gjoja na ranë kaçakët e malsorët…

Ndërkohë me vrap u fut në dyqan major Misin Serezi, edhe ai i internuem. Kur më pa mue u nxi edhe më tepër. E pyeta: Zoti major, a patë gja ju, se unë nuk pashë gja se ç’po bahet?

Tha: Jo. E pyeta: Po ça po thonë se na ranë shqiptarët? Atëherë majori mu përgjigj: Ç’thue more, çfarë shqiptarësh! Dhe shtoi turqisht: Isa bej i lë bereber bytyn sizinqilerini vurdiler! (Bashkë me Isa begun të gjithë tuajt u vranë!). Lajm i tmerrshëm e i paharrueshëm për mue sa të jetë jeta. Perëndia mos i baftë kurrkujt kësmet nji lajm kaq të zi. Leshrat e kresë mu ngrehën përpjetë…”.