I riu nga Tirana “Doktor i Shkencave”, merr medalje ari në Estoni por refuzon çdo ofertë për një arsye madhore

Kjo është historia e një tjetër shqiptari të susksesshëm në botë. Klodian Vasil Dhoska nga Tirana, ka përfunduar studimet shkencore me Medalje Ari DOKTOR i Shkencave në Inxhinieri Mekanike tek Universiteti Teknologjik i Talinit në Estoni.

Klodiani ka refuzuar oferta pune në vendet e Gjermanisë dhe të Estonisë për një arsye më madhore për të. Ai do të kthehet në Shqipëri, për t’i shërbyer atdheut të tij. Por pyetja që shtrohet është: A ofron një vend pune të denjë Shqipëria për Klodianin?

Megjithatë le të njihemi me të dhe suksesin e tij në Estoni përmes këtij profili të përgatitur nga gazetarja Fatime Kulli:

Janë botuar mbi 30 tema shkencore të publikuara në libra e revista shkencore ndërkombëtare, nga ku Klodian Dhoska disponon studime me vlera shkencore botërore, të firmosura nga akademikë e shkencëtarë botërorë që nga USA, Gjermania, Finlanda, Çekia, Italia e tjerë.

Me punën e tij këmbëngulëse, edukimin pedagogjik e shkencor u përgatit ky kërkues shkencor i ardhshëm i Evropës dhe i Shqipërisë.

Kujtojmë thëniet e politikanëve shqiptarë në emisionet televizive si dhe të disa artikujve gazetareske se: I mirëpresim studentët tanë shqiptarë që kanë dalë me rezultate të shkëlqyera, aq më tepër, Ekselent absolut me Medalje ARI. Këta student na kanë nderuar anë e kënd botës nëpër Universitetet Europiane, Amerikane e tjerë. Këta studentë janë e ardhmja e kombit që do të merren me formimin shkencor të studenteve në universitete të ndryshme të Shqipërisë. Që prej shumë kohësh nuk po shohim tema dhe shpikje shkencore të aprovuara nga akademia botërore për studentët shqiptarë këto 25 vitet e fundit.

Klodian DHOSKA, është një ndër ata studentë që kërkon koha sot, duke plotësuar kriteret e duhura “EKSELENT”, me Medalje Ari,rast i rrallë në shkencën e bukur dhe të vështirë të inxhinierisë mekanike të specialitetit “Mekatronike”, them i rrallë, jo vetëm në Shqipëri, por i cilësuar nga Rektori i Universitetit Teknologjik i Talinit, Prof. Jaak Aaviksoo “Më i miri student i doktoraturës.” Fakulteti i Inxhinierisë Mekanike duke vlerësuar sa e sa punë shkencore e dërgoi për punë studimore shkencore në Institutin Kombëtar të Metrologjisë Gjermane P.T.B. që të bëjë punime shkencore për dy vjet e disa muaj, i cili pati arritje dhe shpikje për “Studimin e nxjerrjes së modelit matematik mbi metodat e matjeve këndore tek objektet që kanë forma gjeometrike të komplikuara, si dhe për metodën e saktësisë së lartë të përdorur për karakterizimin e detektorëve, të cilët rrisin saktësinë e imazhit të tij.”



Janë botuar mbi 30 tema shkencore të publikuara në libra e revista shkencore ndërkombëtare, nga ku vetë Klodiani disponon studime me vlera shkencore botërore, të firmosura nga akademikë e shkencëtarë botërorë që nga USA, Gjermania, Finlanda, Çekia, Italia e tjerë.

Klodiani i dashuruar mbas punës shkencore si ekselent që është, për kryerjen e doktoraturës nga katër vjet punë studimore e shkencore, e kreu për tre vjet e gjysmë, duke u diplomuar DOKTOR në fushën e inxhinierisë mekanike, në specialitetin e mekatronikës.

Rektorati dhe Fakulteti i Inxhinierisë Mekanike të Universitetit Teknologjik të Talinit, për rezultatet e arritura në punën shkencore, e përzgjodhi Klodianin pedagog gjatë viteve 2012 – 2016, për dhënien e leksioneve studentëve të masterit të këtij universiteti, duke dhënë kontributin e tij në përgatitjen e inxhinierëve apo pedagogëve të ardhshëm.

Me punën e tij këmbëngulëse, edukimin pedagogjik e shkencor u përgatit ky kërkues shkencor i ardhshëm i Evropës dhe i Shqipërisë.

Duke e vlerësuar prezencën e talentit shqiptar, rezultatet dhe formimin e tij shkencor, prirjet dhe të ardhmen e tij në fushën e shkencës, Klodi pati oferta nga Instituti Metrologjisë Gjermane dhe Universiteti Teknologjik i Talinit, për t’u punësuar si Pedagog dhe për të dhënë kontributin e tij shkencor pranë këtij instituti dhe universiteti, por Klodiani me zemër Shqiptari zgjodhi vendlindjen e tij, Shqipërinë, për të vënë në shërbim të popullit dhe të Atdheut punën e tij shkencore, mundin dhe djersën e tij për t’i shërbyer popullit dhe Atdheut, për të kontribuar me dijet e tij nëpërmjet leksioneve shkencore për studentët shqiptarë dhe për shkencën që evoluon çdo ditë në botë.

Klodiani vjen nga familje intelektuale, babai inxhinier mekanik, ndërsa e ëma mësuese, publiciste e shkrimtare. Klodiani studimet i filloi ne degën e inxhinierisë mekanike në Universitetin Politeknik të Tiranës, ndërsa masterin në Universitetin e Tartuse në Estoni në vitin 2012, si dhe studimin shkencor të doktoraturës e filloi në Universitetin Teknologjik në Tallinit, po në Estoni, dhe me datën 19 Shtator 2016 u realizua në mënyrë ceremoniale dhënia e titullit DOKTOR në fushën e inxhinierisë mekanike në specialitetin e mekatronikës me rezultate të shkëlqyera, Ekselent me Medalje Ari.

Në ceremoninë e dorëzimit të titullit DOKTOR i Shkencave në fushën e mekatronikës, dy prindërit

e Klodiani që ishin prezent në Ceremoninë e dhënies së Medaljes së Arit, u ndjenë mjaft krenarë, kur Rektori Jaak Aaviksoo dhe Dekani i Fakultetit të Inxhinierisë Mekanike, Tauno Otto ia dorëzuan titullin e Doktorit, djalit të tyre, ku përveç pasqyrimit në monitor të emrit të Klodian Dhoska me germa të mëdha i vetmi SHQIPTAR, i cili me përshëndetjen dhe fjalën e tij në podium, krijoi emocione të veçanta, mbasi në këtë universitet morën titullin Doktor edhe studentë nga kombe të tjerë, si: Rusia, Kina, Koreja, Italia, Greqia e të tjerë.

Klodiani me marrjen e gradës shkencore DOKTOR, ka refuzuar ofertat e punësimit të përmendura më sipër, në vendet e Gjermanisë dhe të Estonisë. Ai, punën e tij studimore dhe shkencore do ta verë në shërbim të Atdheut, për përgatitjen e shkencëtarëve të rinj në Universitetin Politeknik të Tiranës dhe për thithjen e projekteve e punëve studimore e Shkencore të Komunitetit Europian, dhe me punën e tij krijuese shkencore do të ngrejë gjithnjë lart emrin e vendlindjes së tij, Shqipërisë së dashur.

Atdheu ynë ka nevojë për punën shkencore të Klodianit dhe kemi besim se do shkojë nga një arritje në tjetrën.

Klodian Dhoska

klodian.dhoska@ttu.ee

01.01.2015–... Physikalisch-Technische Bundesanstalt (PTB), Saksamaa National Metroloogia Instituut, külali teadus (1.00)
01.01.2014–31.12.2015 Physikalisch-Technische Bundesanstalt (PTB), Saksamaa National Metroloogia Instituut, külali teadus (1.00)
2012–17.06.2016 Tallinna Tehnikaülikool, Mehaanikateaduskond, Mehhatroonikainstituut, Kvaliteeditehnika ja metroloogia õppetool, Nooremteadur (0,20)
01.01.2011–31.12.2012 Polütehniline Ülikool Tirana, Mehaanikateaduskond, Department of Energy, Lektor (0.30)
01.01.2010–31.12.2012 Vitrina Ülikooli Tirana, Teaduskonna Ehitus, Mehhatroonikainstituut ja Telekommunikatsioon, Osakonna Juhataja (1.00)


Haridustee

2008–2010 Tartu Ülikool, Loodus- ja tehnoloogiateaduskond,
2006–2007 Tehnikaülikooli Freiberg, Mehaanikateaduskond
2001–2007 Polütehniline Ülikool Tirana, Mehaanikateaduskond


Teadusorganisatsiooniline ja -administratiivne tegevus

2014−... Albaania akrediteerimisdirektoraadi, tehniliste kaasistuja
2011−2014 Albaania akrediteerimisdirektoraadi, tehniliste ekspertide (Mass kalibreerimine, Hindamine määramatuse mõõtmise, sertifitseerimine keskkonnajuhtimissüsteemi)
2007−2008 Albaania akrediteerimisdirektoraadi, spetsialist arendusosakond

Kvalifikatsioon



Klodian Dhoska, doktorikraad, 2016, (juh) Toomas Kübarsepp, Measurement Methods with 3D Coordinate Measuring Machine and Improved Characterization Setup for Detector Performance (Mõõtemeetodid detektori toimimise iseloomustamiseks 3D-koordinaatmõõtemasina ja arendatud mõõteskeemiga), Tallinna Tehnikaülikool, Mehaanikateaduskond, Mehhatroonikainstituut.
Klodian Dhoska, magistrikraad, 2010, (juh) Viktor Vabson; Toomas Kübarsepp; Mart Noorma, Systematic effects in automated mass measurements (Süstemaatilised efektid massi mõõtmisel automaatkomparaatoriga), Tartu Ülikool.


Teaduspreemiad ja tunnustused

2014, Klodian Dhoska, Kõige aktiivne osaleja 14. Rahvusvaheline sümpoosionil "Topical Problems in the Field of Electrical and Power Engineering", Pärnu, Eesti


Teadustöö põhisuunad

VALDKOND: 4. Loodusteadused ja tehnika; 4.10. Füüsika; CERCS ERIALA: P180 Metroloogia, instrumentatsioon

Lõppenud projektid

VA15046 "Researcher Mobility Grant (RMG) EXL01-RMG1 Single-photon sources for quantum technologies (1.12.2015−31.05.2016)", Klodian Dhoska, Tallinna Tehnikaülikool, Tallinna Tehnikaülikool, Mehaanikateaduskond, Mehhatroonikainstituut, Kvaliteeditehnika ja metroloogia õppetool.

VA621 "New primary standards and traceability for radiometry (1.10.2013−31.12.2015)", Mart Tamre, Tallinna Tehnikaülikool, Tallinna Tehnikaülikool, Mehaanikateaduskond, Mehhatroonikainstituut, Mehhatroonikasüsteemide õppetool, Tallinna Tehnikaülikool, Mehaanikateaduskond, Mehhatroonikainstituut, Kvaliteeditehnika ja metroloogia õppetool.
ETF7127 "Elektropihustusionisatsiooni uurimine (1.01.2007−31.12.2010)", Koit Herodes, Tartu Ülikool, Füüsika-keemiateaduskond, Tartu Ülikool, Loodus- ja tehnoloogiateaduskond, Tartu Ülikooli Keemia Instituut, Tartu Ülikool, Loodus- ja tehnoloogiateaduskond.

Publikatsioon

2.3.2016

Dhoska, K. (2016). Mõõtemeetodid detektori toimimise iseloomustamiseks 3D-koordinaatmõõtemasina ja arendatud mõõteskeemiga. (Doktoritöö, Tallinn University of Technology). TUT Press.

3.1.2016

Dhoska, K; Hofer, H; López, M; Rodiek, B; Kübarsepp, T; Kück, S. (2016). Detection efficiency calibration of Si-SPAD detectors via comparison with a Si-Standard diode. 11th International Conference of DAAAM Baltic, Industrial Engineering, 20-22nd April, Tallinn, Estonia,, 1−6


1.1.2015

Dhoska, K; Kübarsepp, T; Dorri, A; Pramono, A. (2015). Metrological Overview for Coordinate Measuring Machines. Applied Mechanics and Materials, 771, 195−199, www.scientific.net/AMM.771.195.

1.2.2015

Dhoska, K; Hofer, H; López, M; Kübarsepp, T; Kück, S. (2015). Alignment position method for SPAD detector calibration and homogeneity. International Journal of Scientific Reports, 1, 271−274, 10.18203/issn.2454-2156.IntJSciRep20151253.

3.1.2015

Dhoska, K; Hofer, H; López, M; Rodiek, B; Kübarsepp, T; Kück, S. (2015). High accuracy filter transmission measurement for determination of the detection efficiency calibration of Si-SPAD detector. Proceedings of 10th International Conference of DAAAM Baltic Industrial Engineering, 12-13th May 2015, Tallinn, Estonia, 123−127.

3.1.2014

Dhoska, K.; Kübarsepp, T.; Hermaste, A. (2014). Uncertainty evaluation of angle measurements by using 3d coordinate measuring machine. Proceedings of 9th International Conference of DAAAM Baltic Industrial Engineering, 24-26th April 2014, Tallinn, Estonia, 221−225.

3.1.2014

Kübarsepp, T; A. Pokatilov, A; Vabson, V; Dhoska, K; Porrovecchio, G; Götzinger, S; Manninen, A; Kück, S. (2014). High-attenuation tunnel-type detector for calibration of single-photon devices. Proceedings of NEWRAD 2014, The 12th International Conference on New Developments and Applications in Optical Radiometry, Espoo, Finland, 24-27 June 2014, 115−116.

3.1.2014

Dhoska, K; Vabson, V; Hermaste, A; Kübarsepp, T. (2014). Dimensional Accuracy for Multi-element Photodetector. Proceedings of NEWRAD 2014, The 12th International Conference on New Developments and Applications in Optical Radiometry, Espoo, Finland, 24-27 June 2014, 352.

3.2.2013

Dhoska, Klodian; Kübarsepp, Toomas. (2013). Metrological Problem Mapping for Coordinate Measuring Machines. 13th International Symposium “TOPICAL PROBLEMS IN THE FIELD OF ELECTRICAL AND POWER ENGINEERING” and, 312−316.

3.1.2010

Ramaj, Vehbi; Dorri, Altin; Ramaj, Valbone; Dhoska, Klodian; Konjusha, Elmi. (2010). CFD code turbulence models validation for turbulent flows over a wavy surface. Annals of DAAAM for 2010 & Proceedings of the 21st International DAAAM Symposium “Intelligent Manufa, 425−426.

3.1.2009

Ramaj, Vehbi; Ramaj, Valbone; Koleci, Abdyl; Dhoska, Klodian; Konjusha, Elmi. (2009). Welding repair of coal mining excavator spoon an other details in Palaj-Kastriot. Annals of DAAAM for 2009 & Proceedings of the 20th International DAAAM Symposium “Intelligent Manufa, 601−602.

3.4.2006

Duka, E.; Dhoska, K.; Oettel, H.; Dilo, T. (2006). Creep of a solder alloy Sn-Ag-Cu. “IV International Symposium on Materials Technology “Materialet dhe perdorimi i tyre – Materials a, 99−100.

Shuajp Kraja – First Albanian inventor of European patent for anti-cancer vaccine

Flori Bruqi

 

Professor Shuajp Kraja is the Albanian first inventor holding the European patent for the anti-cancer vaccine Bi. Regarded as an invention in the field of medicine, the issuance of this patent by the European Patent Organization (EPO), paves the way for production’s authorized procedures by the European Union.

As part of the pilot study with volunteer patients, several dozen cases were treated and cured with anticancer vaccine BI for a long time over the years. It provides full treatment of various forms of cancers, without recurrence.

Bi vaccine constitutes a treatment much more suited that competes and will replace the heavy “artillery” of chemotherapy and radiotherapy as an intelligent injection (hyper immune T- lymphocytes with new selective information), which will be able to recognize and selectively kill malignant cells among trillions of body cells (normal and malignant), without harming the healthy cells of the body.

Bi vaccine is applied for treating various forms of cancer and also for immunization against cancer occurrence in healthy people, but likely to develop cancer.

The patent for this invention is known in many countries and international institutions like the European Office, Germany, Switzerland, France, UK, Ireland, Albania, Kosovo and Croatia.

Professor Kraja has also obtained a second patent for the drug “Shukrain 55” on the European level, also registered at the Patent and Trademark Registration, this time in Germany.

The medicine has a wide spectrum and is also proven effective against pathogenic viruses hazardous to human health, such as HIV AIDS, viral hepatitis, influenza, preventing its outbreak.



In the spring of 2015, recognition of this drug as medicinal patented innovation was confirmed and was given the right to industrial production.

Introduction of this drug in the international market is regarded as a necessity, based on its curative and healing effects against a variety of viral bacterial diseases.

It is considered as a very necessary patented innovation for global pharmaceuticals, particularly where WHO raises alarm about antibiotic resistance and their protracted absence in the market.

Prof. Shuajp Kraja is born in the city of Shkodra in 1936. Specialized in molecular biology, he has a rich academic and scientific career, beyond the Albanian borders.

Article of Dr.Shuajp Kraja on International Innovation

http://skymastergroup.com/sites/default/files/Article%20of%20Dr.Shuajp%20Kraja%20on%20International%20Innovation.pdf

http://skymastergroup.com/en/media-marketing/article-drshuajp-kraja-international-innovation

Shuajp Kraja: Unë kam vaksinën kundër kancerit

Nga Anxhela Ferra

Shuajp Kraja është shkencëtari i parë shqiptar, shpikja e të cilit ka marrë patentën europiane. Dhe është pikërisht, krijimi i vaksinës kundër kancerit, me të cilën emri i profesorit nga Shkodra, është bërë i njohur në shumë shtete.

Në 16 Qershor të këtij viti, profesori ka marrë patentën nga Rrjeti Europian i Patentimit.

Sot, profesori shkodran numëron më shumë se 12 shtete të cilat i kanë dhënë pashaportën për vaksinën anti-kancer.

Një një intervistë ekskluzive për dritare.net, Profesor Kraja tregon për jetën e vet dhe rëndësinë e vaksinës anti-kancer.

Është njeri modest, nuk i pëlqen të flasë shumë për veten, pasi vlerësimi që ka marrë dhe nga ndërkombëtarët është përgjigjia më e mirë.

“Të flasë puna ime dhe jo unë. Kam mbaruar studimet në fushën e biologjisë molekulare në Tiranë, tregon Kraja.

Kur ishte vetëm 23 vjeç, ka krijuar vaksinën kundër turbekulozit.

“Isha ende në shkollë kur mamaja ime u sëmur nga turbekulozi, isha i vendosur që ta shëroja nënën time. Dhe ia arrita qëllimit, pasi ime më jo vetëm që u shërua por jetoi deri në moshën 90 vjeçare. Më pas, ndoqa vizionin për të krijuar vaksinën kundër kancerit, dhe pse për këtë të fundit e kam pasur si qëllim edhe kur isha student.”

Duke sfiduar mentalitetetin e viteve 1960-70 , Kraja ka shkaktuar shumë polemika si biolog. Dhe pikërisht prej tyre, burgoset në burgun e Spaçit.

“Kam pasur shumë vështirësi politike, pasi idetë e mija kanë qenë gjithmonë inovative. Por pasi dola nga burgu, jam kthyer në Shkodër ku kam hapur laboratorin tim, të cilin e ndava në 7 sektorë, aty përfshiva edhe sektorin e biologjisë molekulare-gjenetike. Kanë ardhur shumë shkencëtarë të huaj që e kanë vlerësuar, por në atë kohë nuk njihej si laboratori i imi. Pasi nuk mund të thuhej e besohej që një ish-i burgosur i Spaçit kishte formuar një laborator të atyre parametrave. Kjo ishte një periudhë latente e imja, pasi në çdo gjë që krijoja quhesha i burgosur politik e nuk më jepeshin meritat, por unë përsëri punoja në mënyrë korrekte.”

Patenta europiane, vaksina kundër kancerit

Kraja është kryetar i Këshilit Shkencor dhe drejtor i Institutit Internacional të Bioteknologjisë.

“Dua që këtë të fundit ta furnizoj me apartura moderne në mënyrë që të vazhdoj me zhvillimin dhe prodhimin e vaksinës kundër kancerit. Por çmimet e larta të mjeteve të nevojshme dhe mospasja e fondeve të nevojshme më ka privuar.”

Babai i tre fëmijëve, refuzon të bëjë prodhimin e vaksinës kundër kancerit në vende të tjera, dhe thotë që gjithmonë do të përpiqet për të zhvilluar vendin e vet.

“Jashtë vendit kam bërë vetëm projekte shkencore, por krijimin e vaksinës e kam finalizuar të gjithin në Shqipëri. Dhe prandaj nuk dua që ta prodhoj në shtete të tjera.

Shkencërisht ka mbaruar, tani pritet vetëm për ta prodhuar. Por ky është problemi pasi këtu mungojnë mjetet, nuk ka aparatura. Është turp që të mos investohet në diçka që jo vetëm që do të ndihmojë njerëzit të shërohen, por do t’i sjellë fitime shumë të mëdha vendit.”

Ja çfarë bën Vaksina anti-kancer

Vaksina mjekon format e ndryshme të kancerit te personat e prekur, por gjithashtu parandalon shfaqjen e kancerit edhe në persona të shëndoshë.

Vaksina do të aplikohet në formën e një gjilpëre inteligjente (timolimfocite hiperimune me informacion selektiv të ri), e cila do mund të dallojë dhe vrasë në mënyrë selektive qelizat malinje, pa i shkaktuar dëmtime qelizave normale të organizmit. Vaksina është testuar nga pacientë shqiptarë dhe të huaj, të cilët kanë konfirmuar efektet shëruese të saj.

Shuajp Kraja ka marrë patentën nga Gjermania, edhe për medikamentin “Shukrain 55”.

Ai ka një rol efektiv ndaj viruseve patogjene të rrezikshme për shëndetin e njeriut si hepatitet virale HIV AIDS dhe gripit, duke parandaluar epideminë e tij.

Medikamenti i provuar nga shumë njerëz të sëmurë ka rezultuar efektiv dhe pa efekte anësore, duke u përdorur në çdo moshë.

Patenta gjermane, për medikamentin ”Shukrain 55”

“Unë kam 61 vite që nuk e kam ndërprerë punën as një ditë, vetëm periudhën që kam qenë në burg, por ato i kam zbritur. Dhe do të vazhdoj çdo ditë, pasi ende kam shumë punë për të bërë. Njeriu duhet të ketë gjithmonë vizion dhe të jetë i vendosur me qëllim që t’ia dalë mbanë. Dhe unë siç ia kam dalë mbanë gjatë viteve më të vështira, do t’ia arrij qëllimit edhe për prodhimin e Vaksinës anti kancer.”

KUSH JANË TERRORISTËT QË DEKORON QEVERIA SOT

Nga Fritz RADOVANI:

30 SHTATOR 1946  -  70 VJETORI

I  NJË  MASAKRES  TIPIKE  KOMUNISTE

DR.AV. MUZAFER PIPA

 (1914 – 1946)

■HAPNI  DOSJEN  DR. AVOKAT  MUZAFER  PIPA !

DHE, SHIKONI KUSH JANË TERRORISTËT QË DEKORON QEVERIA SOT !

■Të gjitha Partitë Komuniste kanë “LEVEN E SKUQUN”: SIGURIMIN E SHTETIT !

■Libohova nëpërmjet avokat Mustafa Pipës i dhuroi qytetit të Shkodres një djalë me emnin e Nderuem Muzafer Pipa, që asht le në Shkoder në 1914. Studjoi në gjimnazin e Fretenve “Illyricum” të Shkodres, dhe perfundoi studimet per jurist në Padova të Italisë.

Okupacioni italian i 1939 u prit keq nga Françeskanët e Shqipnisë, e per pasojë edhe ata që kishin perfundue shkollen e tyne, nuk u pajtuen asnjëherë me veprimin e Italisë.

Në vitin 1943 Dr. Avokat Muzafer Pipa asht drejtor i Revistës “Fryma”, me pikpamje atdhetare dhe perparimtare, ku bashkpunonte me Qemal Draçinin, edhe ky një nga elementët e rij shumë të përgatitun e që, do të lanë mbresa në kulturen shkodrane.

■1945. Gjyqet e zhvillueme në Tiranë kunder intelektualëve dhe të deputetëve, të drejtueme nga Koçi Xoxe dhe Bedri Spahiu, kishin irritue qytetarët Atdhetarë dhe per këte, avokat Muzafer Pipa kishte thanë: “Si asht e mundun zotnij, që një trup gjykues, i cili për kryetar ka një “ish-teneqexhi” - ishte fjala për Koçi Xoxen - e për prokuror një “ish-kafexhi” - për Bedri Spahiun - të mundet sot me gjykue elitën e kulturës shqiptare?

■28 JANAR 1946: Në kinema “Rozafat” të Shkodres ndigjohen brohoritjet e bishave të terbueme “plumbin ballit, plumbin ballit”... dhe, nuk mungojnë as virrmat e disa prej “nënave të dëshmorëve” “tradhtarët në litar”, per Klerikët e Pafajshëm nder bankat e të akuzuemëve me pjestarët e Organizatës së Parë Antikomuniste “Bashkimi Shqiptar”, me trupin gjykues të perbamë nga terroristët: Kryetar: Mustafa Iljazi, Antarë: Namik Qemali e Tonin Miloti dhe prokuror Aranit Çela... Avokati Muzafer Pipa i bani kërkesë trupit gjykues për nevojën e pak etike që kërkonte zhvillimi normal i një procesi gjyqësor. Edhe Aranit Çela nga ana e tij kje i gatshëm buzagaz me cinizëm, ju përgjegjë Muzaferit: “E po, ç’të bësh, ky është populli!..”.

■22 SHKURT 1946: U dha vendimi i Gjykatës Ushtarake në Shkodër, dhe nga Tirana vjen kjo përgjegje:  “Gjykatës Ushtarake Shkodër, nr. 6-55, dt. 26. 02. 1946... Át Gjon Shllaku, Át Gjon Fausti, Át Daniel Dajani, dhe studentët Mark Çuni, Gjergj Bici, Gjelosh Lulashi, Fran Miraka, dhe Qerim Sadiku u dënuen me pushkatim... Dhe, sa të tjerë me dhjetra vite burg e masakrime nder kampet e punës dhe të shfarosjes.

■Dokumenti i urdhnit të pushkatimit nenshkruhet nga Gjen. Kol. Enver Hoxha d.v.

■Në një nga seancat prokurori Aranit Çela deklaron: “Me qenë se avokat Muzafer Pipa, implikohet në këtë proçes, se ka pasë dijeni dhe se ka kënduar trakte të këtyre organizatave, apo ka qenë pjestar, kërkoj që të përjashtohet si përfaqsues mbrojtjëje i të pandehurit Patër Gjon Shllaku me shokë”. Kerkesa e tij u pranue nga drejtuesit.

Trupi gjykues e përjashton Av. Pipen si përfaqësues i Mbrojtjes së të pandehurve tue emnue avokat Ranko Çerankoviq. Avokat Muzafer Pipa doli nga salla e gjyqit.

■Nuk shkoi gjatë dhe krimineli terrorist Aranit Çela e mbajti fjalën që i pat thanë tue hy në bar “Impero”: "Hë... Muzafer Pipa, e kemi ruajtur një gjysëm leku edhe për ty!"

■SHTATOR 1946: Av. Muzafer Pipa u arrestue, u torturue në mënyren ma barbare tipike komuniste. Kryetari i Deges së Mbrendshme të Shkodres, terroristi Zoji Themeli mori persiper vetë me i ba hetimet, sigurisht ashtu ishte porosia nga nalt.

■LEGJENDA: Kam shkrue: Në mëngjesin e 30 Shtatorit 1946, gjoja Muzaferi vendosi me ikë nga hetuesia... U dëgjuen krisma armësh! Kryetari i Degës Zoji, dergoi Elez Mesin me marrë një pulë, i këputën kokën... dhe shperndanë gjakun e saj tek hetuesia, në çimenton rrethuese të saj... Pra, “Muzaferi u vra nga rojet e hetuesisë tue ikë”...

■30 SHTATOR 1946, Dy nga vrasësit ma barbar Zoji Thëmeli dhe Vaskë Koleci, i kishin lidhë krahët mbrapa Av. Muzafer Pipës, per një karrigë të mberthyeme per dysheme. Skuqën një hekur dhe vendosën me ia kalue në muskujt e dy krahëve mbas shpine... Mbasi hekuri kaloi krahun e djathtë...nga dhimbjet e forta, Trupi i Muzaferit bani lëvizje që katilët nuk mujtën me i kontrollue... Hekuri i skuqun takoi per shtyllen kurrizore dhe Muzaferi, mbylli jetën në mënyrën ma mizore. Me 30 Shtator 1946, u perhap edhe “Legjenda” nga agjentët e Sigurimit shtetit në gjithë Shkodren!..

■Edhe “shokun komandant” e njoftuen “për zbatimin e urdhërit tij dhenë K.Xoxes?”

***

■HAPNI DOSJEN “KLERI KATOLIK SHQIPTAR”! Aty do të gjeni porosinë që i dha Enver Hoxhës ambasadori jugosllav me 20 shkurt 1946: “...Po, po! Po keni endè gjallë Patër Gjon Shllakun, i cili peshon shumë, duhet” - vazhdoi ai “si mbas porosisë që kam prej qeverisë sime, të zhdukni Shllakun dhe të shkatrroni kulm e temel çerdhen e Klerit Katolik në Shkodër, me në krye Françeskanët!”... E pikrisht nga kjo çerdhe kishte dalë: Av. Muzafer Pipa, Prof. Qemal Draçini, Prof. Arshi Pipa, Martiri Osman Kazazi e sa të tjerë Atdhetarë Shqiptarë, që u perfshinë në GJENOCIDIN KOMUNIST në Shqipni.

■Në çdo pllamë të Saj, Shqipnia asht e mbushun me Eshtna të varrosun nder gropa e zallishta pa Emen... Zalli i Kirit, dikur i bardhë si biluri, në darkë vezullon me rrezatime të skuquna që perzihen me lotët e mija e mija Nanave e Motrave që derdhen aty nder kaçuba me vite e vite mbi ato gurë, tue i lmue me Fëtyren e vet të “vrashtë” nga vuejtjet e lodhja që ua mori Shpirtin 50 vjetë, sikur t’ ishin të dënueme nga vetë Dora e Zotit!

Kiri, Drinaza, Drini, Buna e Liqeni... të harlisun edhe sot me tallazet e veta shkapeten per Token Arbnore, tue veshtrue: “Deri kur Shqiptarë, doni me na lanë pa Varre?!”

■Në këte 70 vjetor të kësaj mbytje barbare të Dr. Avokat Muzafer Pipës Shqipnia, që Ai e ka dashtë aq shumë nuk duhet t’a vajtojë... Po, perballë Një Monumenti të Muzaferit, shka janë Shkodranë e Libohovitë, të gjithë bashkë të këndojnë “Hymnin e Flamurit”!

■Shqiptarë, “Per Flamurin e Gjergj Kastriotit Ata dhane jeten!”

            Melbourne, Shtator 2016.

************

Nga Prof. Arshi PIPA: 

Elegjia Vllaznore 

Ma thonte zemra e ngrâta

se jeta t’kishte lânë,

edhe pse miqt’ e shokët

nuk dojshin me ma thânë.

Der’sa mbi krye mandata,

kur s’e pritsha më ra,

dhe mora vesh çka në andërr

prej kohe m’ishte g’jâ.

E pau epileptiku

qi s’njifte mue as ty.

Po kapërcejshim lumin

kur befas ura u thye…

Un rashë… m’u turr vërtiku…

humba! Uluroi nji zâ…

Ti u hodhe, m’kape, m’qite…

por vetë nuk dole mâ!

Ti vuajte, ti rreziqe

durove simbas stinës

nga ishulli i Ventottenes

ndër telat e Prishtinës.

E pse përbuze vdiqe

terrorin bolshevik,

gjithmonë armik i shtypjes

e Bir’i Atdheut besnik.

Sot qi nga dita e mortit

Ka rrjedhë mâ se nji mot,

tue t’a nderue kujtimin,

o vlla, nuk derdhi lot.

Pse për vdekjen e t’fortit

i fortë duhet me u bâmë.

As i përmendi fajtorët:

nuk kam mâ çka me i nâmë…

Kur ndofta nga mizori

Po përgatitet ura

për mue kët herë e, kânga

e mbramë âsht kjo qi thura,

me gjakun tând Dëshmori

vulosi sot nji bè:

Përbuzi komunizmin

e truhem për Atdhè!..

Rritet numri i vetëvrasjeve, që nga viti 2001 janë evidentuar 855 vetëvrasje

Raportet e Policisë së Kosovës flasin për rritje të ndjeshme të numrit të tentim vetëvrasjeve dhe vetëvrasjeve në Kosovë. Kjo rritje, sipas psikiatërve dhe sociologëve, vjen si pasojë traumave të luftës së fundit, por ka raste edhe për shkak të mungesës së kujdesit shpirtëror në planin individual dhe në atë institucional.

Përderisa në vitin 2001 statistikat flisnin për 74 vetëvrasje dhe 41 tentim vetëvrasje, në vitin 2014 numri vetëvrasjeve arrin 79, ndërsa 246 raste janë regjistruar si tentim vrasje. Ndërsa, prej vitit 2001 deri në vitin 2014, janë evidentuar 855 raste të vetëvrasjeve dhe 2967 vetëvrasje në tentativë. Ky fenomen, sipas Policisë së Kosovës, po merr përmasa të gjera nga viti në vit. Psikologët dhe sociologët sugjerojnë se kjo dukuri nuk ka qenë pjesë e traditës kosovare.

Zëdhënësi i Policisë së Kosovës, Daut Hoxha, për Tribuna Channel ka thënë se Policia është duke i hetuar të gjitha rastet e raportuara të vetëvrasjeve dhe tentim vetëvrasjeve.

Ndërkaq, psikiatri Agim Selimi ka thënë se vetëvrasja si fenomen nuk kursen asnjë shoqëri. Ai thotë se përveç mungesës së përkujdesjes së kosovarëve ndaj aspektit shpirtëror, si një ndër shkaqet kryesore që po ndikon në rritjen e numrit të vetëvrasjeve sipas tij është edhe pasojat e luftës, si dhe kushtet e rënda ekonomike.

Kurse, sociologu Artan Muhaxhiri, lidhur me këtë temë ka thënë se këto akte po rriten si pasojë e mos-trajtimit institucional. Për këtë arsye ai porosit që institucionet përkatëse të merren në mënyrë serioze me këto raste.

Sipas hulumtimeve shkencore, është vërtetuar se të rinjtë deri në moshën 35-vjeçare më së shpeshti bëjnë tentim vetëvrasje, ndërsa të moshuarit nga 50 vjeç e tutje, më shpesh bëjnë vetëvrasje. /Tribuna Channel/

Vetëvrasjet në Kosovë si pasojë e ndryshimeve shoqërore

Një ndër faktorët që ka ndikuar në vetëvrasjet e pasluftës në Kosovë është edhe ndryshimi i rrethanave shoqërore dhe raporteve shoqërore. Kemi një individualizim shumë të theksuar, i cili po ndikon në zbehjen apo shthurjen e raporteve farefisnore apo shoqërore. Ndërsa raportet po ndërtohen vetëm në bazë të interesit reciprok

Dukuria e vetëvrasjeve është bërë shumë e pranishme në shoqërinë tonë sidomos pas përfundimit të luftës. Pas kësaj periudhe shoqëria kosovare u përball me ndryshime të shpejta, të cilat krijuan edhe pasoja të ndryshme. Sipas të dhënave të Policisë së Kosovës, vetëm në gjashtëmujorin e parë të këtij viti kanë ndodhur 32 vetëvrasje dhe 182 tentim-vetëvrasje. Po ashtu gjatë analizimit të rasteve vërehet se meshkujt kanë kryer vetëvrasje tri herë më shumë se sa femrat, kjo për faktin se ata i zgjedhin edhe metodat më shumë vdekjeprurëse siç janë: varja në litar, vetëvrasje me armë zjarri, etj. Po sipas të dhënave të policisë bazuar në grupmosha, vërehet se vetëvrasje kanë kryer personat e grupmoshave prej 21-30 vjeç dhe 41-50 vjeç (moshë kur individi ballafaqohet direkt me jetën), ndërsa numri më i madh i personave të cilët kanë tentuar të vetëvriten i takon grupmoshës prej 21-30 vjeçare.

Faktorët e vetëvrasjeve

Ekzistojnë disa faktorë që i shtyjnë qytetarët e Kosovës të bëjnë vetëvrasje, që të atakojnë veten e tyre. Duke filluar nga aspekti ekonomik, gjendja e rendë ekonomike, sepse shumë njerëz kanë jetë të vështirë dhe zhyten në pesimizëm të thellë duke menduar se nuk kanë një të ardhme, se për ta çdo gjë është e keqe në Kosovë, dhe se nuk ia vlen për të jetuar.
Statistikat tregojnë se kemi një rritje enorme të vetëvrasjeve dhe tentim-vetëvrasjeve pas luftës. Këtu duhet pasur parasysh traumat e qytetarëve të Kosovës të marra nga lufta, ku si pasojë kemi shumë njerëz me sëmundje mentale. Pra, një kategori njerëzish që kryejnë aktin e vetëvrasjes janë njerëz me sëmundje mentale, që nuk mund të kontrollojnë veprimet e tyre.

Kur jemi te vetëvrasjet pas luftës, një faktor që ka ndikuar në vetëvrasje, është ndryshimi i rrethanave shoqërore dhe raporteve shoqërore, sepse kemi një individualizim shumë të theksuar i cili ndikon në zbehjen apo shthurjen e raporteve farefisnore apo shoqërore. Ndërsa raportet po ndërtohen vetëm në bazë të interesit reciprok. Shikuar në aspektin sociologjik raportet shoqërore kanë një rëndësi të madhe në kryerjen e aktit të vetëvrasjes, përkatësisht parandalimin.

Në këtë kontekst duhet përmendur se vetëvrasja është në proporcion të zhdrejtë me inkuadrimin e individit në shoqëri. Ndërsa, dinamizmi i jetës, që ka karakteristikë individualizimin ka për pasojë mungesën e përkrahjes shoqërore. Pra, një njeri nëse është marrë me veprimtari biznesi apo veprimtari tjera dhe kësaj veprimtarie i ka kushtuar një rendësi të madhe, që si rezultat ka pasur zbehjen e raporteve shoqërore, kjo mund të shihet si rrezik, sepse në rast të dështimit të tij, ai nuk do të ketë përkrahje sociale apo emocionale dhe ky person i zhytur në stres me një gjendje të rëndë shpirtërore, pa përkrahjen e shoqërisë nuk do të mundë ta përballojë situatën në të cilën ndodhet dhe e sheh si zgjidhje të vetme vetëvrasjen.

Faktorët e përgjithshëm

Faktorë tjetër (pa hyrë në detaje) që shkaktojnë vetëvrasjet janë humbja e të afërmve, borxhet, konfliktet familjare, presionet e ndryshme, etj. Ndërsa, faktorë të përgjithshëm janë edhe humbja e anëtarëve të familjes në luftë, aksident apo forma tjera, sepse te personat përkatës shkaktohet një gjendje e papërballueshme emocionale dhe këta persona nuk shohin arsye që të jetojnë pa personin që e kanë humbur. Gjithashtu ndikim në kryerjen e aktit të vetëvrasjes ka edhe ndarja nga lidhjet e dashurisë apo shkurorëzimet. Prishja nga këto lidhje te njeri person shkakton gjendje të rendë shpirtërore, të papërballueshme dhe me perceptimin se nuk mund ta vazhdojë jetën i vetëm pa personin përkatës.

Një faktor tjetër që i shtyn njerëzit në Kosovë që të bëjnë vetëvrasje është ndjenja e turpit. Kjo ndodh në situata të ndryshme p.sh. sjelljet “amorale” nga anëtarët e familjes ndikojnë që ai të kalojë në një krizë të madhe shpirtërore dhe ndjen një turp të madh se çka mendojnë të tjerët për atë dhe nuk mund ta paramendojë të inkuadrohet përsëri në atë grup shoqëror që i ka takuar më parë, pra e percepton veten me një vetërespekt shumë të ulët. Personat në situata të tilla e shohin si të pamundur riinkuadrimin në shoqëri dhe zgjedh që t’i japë fund jetës. Ky rrezik i vetëvrasjeve mund të ndodh edhe tek adoleshentët, p.sh. shtatzënia e padëshiruar te vajzat adoleshente apo rrethana tjera që kanë të bëjnë me ndjenjën e turpit.

Probabilitet të madh që bëjnë vetëvrasje janë edhe njerëzit të cilët kanë përdorur drogë, dhe për pasojë kanë çrregullime shëndetësore përkatësisht mentale qoftë nga përdorimi i tepërt apo nga mungesa, dhe njerëzit e tillë zakonisht e përfundojnë jetën në mënyrë tragjike.

Parandalimi i vetëvrasjeve

Siç e cekëm edhe më lart vetëvrasja është në proporcion të zhdrejtë me inkuadrimin e individit në shoqëri. Kjo lë të kuptohet se një ndër mënyrat më të suksesshme për ta parandaluar aktin e vetëvrasjes është inkuadrimi i individit në shoqëri, përkatësisht komunikimi me ata persona, debatimi i problemeve të tyre, gjë që për personat që kanë krizë emocionale apo shpirtërore krijohet ndjenja së ai ka rëndësi për grupin apo rrethin shoqëror, të cilit i takon. Hap tjetër është që të shtohet kujdesi ndaj personave që kanë tentuar të bëjnë vetëvrasje që të bisedojnë më shumë me ata persona apo të shtohet vëmendje dhe kujdesi ndaj personave që kanë ndryshuar shumë në veprimet e tyre si në mosinteresimin e për aktivitetet që janë marrë më parë.

Mundësi tjetër për ta parandaluar vetëvrasjet është që njerëzit që kanë krizë shpirtërore të stimulohen që të lidhen më shumë me religjionin, ku ata njerëz mund të gjenin qetësi shpirtërore dhe në anën tjetër do ta kuptonin së vetëvrasja është e dënueshme dhe nga religjioni. Gjithashtu, institucionet e vendit duhet të marrin masa për ta parandaluar këtë fenomen, të analizojnë faktorët në mënyrë të thuktë sidomos në rajonet ku ky fenomen është më shumë i pranishëm dhe të organizohen debate të ndryshme në mënyrë që të informohet opinioni për pasojat që shkaktojnë vetëvrasjet.