Eshref Ymeri: Letër për Rexhep Shahun nga Amerika!

I dashur Rexhep,

Mendoj se shqetësimi juaj e ka burimin në përmbajtjen e materialit të mëposhtëm, i cili ka për autor një qytetar turk me prejardhje shqiptare, i cili dikur nisi një biznes në Tiranë.

Eshrefi

Aq shumë i rrit kjo tokë tradhëtarët e saj,

sa rrënjët e tyre kalojnë kufinjtë

 January 27, 2017

Shkruan: Ahmet Dursun

Shumë tradhëtar kanë lindur në tokat shqiptare, dhe sot ende vazhdojnë të mbijnë keto fara te këqija, nga lindja ne perëndim, e nga jugu ne veri,gjithandej… Aq shumë i rrit kjo tokë tradhëtaret e saj, sa rrënjët e tyre kalojnë kufinjte, dhe ushqehen me plehun e zotërëve të tyre të vërtetë. Aq shumë i rrit kjo tokë tradhëtaret, aq të llojshme, aq të përsosur bëhen, sa i kanë zili edhe shkencëtarët që luajnë me gjenetikën e bimëve… Gjaku i shitur prishet, ndërsa ai që derdhet rron sa malet!

Jo të jesh i plakur në trojet shqiptare, por, si në rastin tim, mjaft të kesh dëgjuar në tregimet e gjyshes për bëmat e serbëve, e di që nuk mund të negociohet për asnjë grimcë toke me ta! “Mirëmengjes” tradhëtar! “Mirëmengjes” rrënjë te mallkuara! Jo në shqip, në gjuhën e tasit mbrapa pragut ma ktheni, ku të jeni e ku ta keni: Mirëmengjes! (Citohet sipas faqes së internetit “Kosova Post”. 27 janar 2017).

2017-02-01 11:19 GMT-08:00 Flori Bruqi <floribruqi@yahoo.com>:

Rexhep Shahu

Z. Kryeminister, merr mandate sa të duash veç mos e shit vendin                          

Unë dëshiroj që rrena 1 miliardëshe të jetë rrena e radhës, e përsosur, e përkryer dhe të mashtrohen të gjithë sërish prej kryeministrit, të mashtrohen maskarej e jo maskarej dhe të dalin tufa - tufa bashkë me atë si kryemashtrues udhëve të vendit për ta mashtruar këtë popull, këtë popull që ka shumë dëshirë të mashtrohet, që ka shumë dëshirë të fitojë pa punuar, që ëndërron të jetë milioner dhe e beson ëndrrën e vet sikur është milioner, popull që kur mashtrohet i duket se ndjen kënaqsi seksuale. 300 mijë vende pune që nuk krijohen nga kjo qeveri për 300 vjet popullit i bëhet se janë krijuar sepse aq shumë ka rrejt kryeministri dhe aq shumë e ka përmendë shifrën 300 mijë sa na është bërë e vërtetë. 

Por nuk janë 300 mijë të papunë në atdhe pasi forcat e punës kjo qeveri i ka dëbuar prej atdheut. 

Sepse ndryshe, 300 mijë të rinj të papunë 300 herë e shtijnë në varr cilëndo qeveri.

Unë dëshiroj që të votohet rrena 1 milionëshe, të mashtrohet populli, ta votojë kryeministrin edhe një mandat edhe një tjetër edhe një tjetër derisa ai të jetë gjallë, bile edhe të mos vdesë vetëm që të na rrijë si kryeministër përherë vetëm se është përfekt si mashtrues dhe nevojën për të qenë kryeministër e ka si nevojën për ajër.

Unë dëshiroj që rrena 1 miliardshe të besohet dhe të votohet me mbi 80 perqind të votave ky kryeministër. 

Më mirë të votohet pa na shitur, pa na lënë peng si vend askund. 

Të na zhysë në borxhe 1 miliardshe, 2 a 3 miliardshme, 10 miliardshe pse jo. 

Ne mundet të na japë si vend të gjithin, të na shesë, të na japë me qera, të na falë diku, të na lërë peng diku apo me koncension. 

Mundet të organizojë shteti legalisht tregtinë e drogës, tregtinë e ligë të vajzave. 

Ne pranojmë, durojmë, duam, nuk kundërshtojmë se këtu nuk ka kundërshtarë, të gjithë janë me sytë lutës drejt kryeministrit, ai ka në dorë ekzistencën tonë, gjalljen dhe vdekjen tonë, lulet dhe ferrat, zogjtë e drurët, ujrat e diellin, të gjitha i ka ai në dorë.

Kryeministri aktual erdhi në pushtet duke bashkuar maskarejtë e gjithë vendit për të dëbuar nga pushteti malokun Sali Berisha, i cili i terheq rrufetë por në fakt nuk qeverisi me malokë. 

Erdhi në pushtet me premtime marramendëse. 

Populli mashtrues që ka dëshirë të mashtrohet dhe mashtrimin e ka mënyrë jetese, u lumturua dhe edhe tani lumturohet. 

Popullit i duket se kryeministri nxjerr sallam popullor nga bytha dhe lekë për popullin nga goj

Tani kryeministri kë duhet të bëjë bashkë për të qëndruar në pushtet edhe një mandat apo edhe pesë mandate. 

Duhet të shalojë maskarejtë dhe të përsosë rrenat e reja poshtruese. 

Populli knaqet kur e rrejnë, populli ynë ka shumë qejf të rrehet dhe pastaj bën sikur zemërohet e thotë duke qeshur më gënjeu maskarai, dhe ia shkel syrin maskarait. 

Populli ynë e adhuron mashtruesin, gënjeshtarin, të poshtrin, e zgjedh edhe për dhëndër një të tillë sepse populli ynë të tillët i quan të zotë, janë të zotët, janë të shkathët dhe u ngre kult maskarejve. 

Popullit tonë njerzit e urte e të ndërshëm nuk i hyjnë në sy.

Atyere që ia kalarojnë nënën, atyre që ia shesin shërbimin shtetëror, atij që i japing rryshfete, atyre populli u thotë u thotë baba, bos, njësh, yll, flori, zog kurvet, bir kurvet me përkëdheli.

Kryeministri i ka gjetë këto dhe qeveris me këto, po sajon rrenën e re 1 miliardshe për ta marrë mandatin e radhës,

Unë propozoj që të mos e sforcojmë kryeministrin, të mos e detyrojmë të na fusë shtetin në borxhe, le t'ia japim mandatin e dytë e të tretë e sa të doje ai, vetëm vendin të mos e fusë në borxhe, të mos e lërë peng.

Partia Demokratike duhet të daklarohet qarte, thjeshtë, shkurt për sa po them. 

Dhe kjo që po them nuk ka nevojë për spërdredhje para kamerave nga cicëruesit, por ka nevojë veç të thuhet: z. Rama, mos na fut në borxh, mos na ler peng askund, pa merr mandate sa të duash e rri kryeministër sa të duash.

Sent from Yahoo Mail for iPhone

Murat Geci : Letër nga Tirana

OLTJONA SELAMAJ, NË LIBRIN “KUR FLASIN ZEMRAT…”

Nga: Prof.Murat Gecaj,publicist e studiues

Siç është bërë e ditur dhe më parë, ka dalë nga shtypi dhe është në qarkullim libri im, “Kur flasin zemrat…”(Tiranë, 2016).  Në këtë botim të ri flitet për afër 65 poete e shkrimtare, artiste e veprimtare të njohura (shoqëruar me mjaft fotografi): nga Shqipëria, Kosova e trojet tjera amtare. Gjithshtu ato janë nga ngulimet e shqiptarëve, si në shtete të ndryshme të Evropës, por dhe në Amerikë e Kanada.Librin në fjalë e pason ai i mëparshmi, “Për ju, krijuese” (Tiranë, 2015), ku është shkruar për 91 shqiptare të tilla.

Ndërmjet shkrimeve, për krijimtarinë e këtyre mikeve krijuese, kam patur  kënaqësinë që të botoj  edhe atë me titullin, “Oltjona Selamaj përuron dy libra poetikë, në “Art Galery”-Tiranë, në faqet 104-107. Në të, flitet se kjo autore, në shtator 2015, paraqiti përpara lexuesve të interesuar kryeqytetas përmbledhjen me poezi, “Panorama e shpirtit”.Ai ka 105  faqe dhe përmban 95 poezi të bukura, të ndara në katër cikle: “Pakëz qiell, nga ky qiell”, “Magneti i syve”, “Jam engëll i dërguar” dhe “E veçanta ime”.

Hyrjen e librit e ka shkuar  Kristaq F.Shabani. Ndërsa edhe vetë Olta, aty ka pak radhë. Ndër të tjera, ajo shkruan, me sinqeritet: “Në adoleshencë,  shpërthimi i ndjenjave poetike ishte një llavë e pandalshme vullkani emocional, ku gjeja qetësi e paqe, në kërkim të botës dhe vetëvetes…Poezia ishte mikja ime më e sinqertë, pasqyra e çdo ndjenje të brendshme, e cila, me fjalët e saj,  herë të ëmbla e herë të ashpra, më bënte të kuptoja më mirë ndjesitë e mia për botën e njerëzit, natyrën e problematikat sociale…”.

Libri tjetër me poezi, në gjuhën italiane, i cili u përurua po atë ditë, e ka titullin “Angelina luce”(“Drita engjëllore”).

Po, Oltjona  nuk e ka ndërprerë me kaq krijimtarinë e saj poetike. Megjithëse në emigracion, pra më banim në Rimini të Italisë, ajo gjen fymëzimin të shkruaj prsëri poezi të bukura. Ndër to, janë edhe ato kushtuar  vendlindjes, mallin e pashuar për njerëzit e saj më të dashur e të respektuar, për Shqipërinë, të cilën e mban prherë në mendje dhe në zemër.

...Me këtë rast,  i urojmë nga zemra autores Oltjona Selamaj: Shëndet të mirë, arritje në çdo fushë të jetës dhe krijimtari të pandërprerë poetike,  sasiore dhe sa më cilësore! Shpresojmë dhe besojmë që ajo, përsëri, do të kthehet ndërmjet lexuesve të kryeqqytetit tonë, për të përuruar libra të saj.

Tiranë, 1 shkurt 2017

.

Rexhep Shahu : Letër na Tirana

Rexhep Shahu

Z. Kryeminister, merr mandate sa të duash veç mos e shit vendin                        

Unë dëshiroj që rrena 1 miliardëshe të jetë rrena e radhës, e përsosur, e përkryer dhe të mashtrohen të gjithë sërish prej kryeministrit, të mashtrohen maskarej e jo maskarej dhe të dalin tufa - tufa bashkë me atë si kryemashtrues udhëve të vendit për ta mashtruar këtë popull, këtë popull që ka shumë dëshirë të mashtrohet, që ka shumë dëshirë të fitojë pa punuar, që ëndërron të jetë milioner dhe e beson ëndrrën e vet sikur është milioner, popull që kur mashtrohet i duket se ndjen kënaqsi seksuale. 300 mijë vende pune që nuk krijohen nga kjo qeveri për 300 vjet popullit i bëhet se janë krijuar sepse aq shumë ka rrejt kryeministri dhe aq shumë e ka përmendë shifrën 300 mijë sa na është bërë e vërtetë.

Por nuk janë 300 mijë të papunë në atdhe pasi forcat e punës kjo qeveri i ka dëbuar prej atdheut.

Sepse ndryshe, 300 mijë të rinj të papunë 300 herë e shtijnë në varr cilëndo qeveri.

Unë dëshiroj që të votohet rrena 1 milionëshe, të mashtrohet populli, ta votojë kryeministrin edhe një mandat edhe një tjetër edhe një tjetër derisa ai të jetë gjallë, bile edhe të mos vdesë vetëm që të na rrijë si kryeministër përherë vetëm se është përfekt si mashtrues dhe nevojën për të qenë kryeministër e ka si nevojën për ajër.

Unë dëshiroj që rrena 1 miliardshe të besohet dhe të votohet me mbi 80 perqind të votave ky kryeministër.

Më mirë të votohet pa na shitur, pa na lënë peng si vend askund.

Të na zhysë në borxhe 1 miliardshe, 2 a 3 miliardshme, 10 miliardshe pse jo.

Ne mundet të na japë si vend të gjithin, të na shesë, të na japë me qera, të na falë diku, të na lërë peng diku apo me koncension.

Mundet të organizojë shteti legalisht tregtinë e drogës, tregtinë e ligë të vajzave.

Ne pranojmë, durojmë, duam, nuk kundërshtojmë se këtu nuk ka kundërshtarë, të gjithë janë me sytë lutës drejt kryeministrit, ai ka në dorë ekzistencën tonë, gjalljen dhe vdekjen tonë, lulet dhe ferrat, zogjtë e drurët, ujrat e diellin, të gjitha i ka ai në dorë.

Kryeministri aktual erdhi në pushtet duke bashkuar maskarejtë e gjithë vendit për të dëbuar nga pushteti malokun Sali Berisha, i cili i terheq rrufetë por në fakt nuk qeverisi me malokë.

Erdhi në pushtet me premtime marramendëse.

Populli mashtrues që ka dëshirë të mashtrohet dhe mashtrimin e ka mënyrë jetese, u lumturua dhe edhe tani lumturohet.

Popullit i duket se kryeministri nxjerr sallam popullor nga bytha dhe lekë për popullin nga goj

Tani kryeministri kë duhet të bëjë bashkë për të qëndruar në pushtet edhe një mandat apo edhe pesë mandate.

Duhet të shalojë maskarejtë dhe të përsosë rrenat e reja poshtruese.

Populli knaqet kur e rrejnë, populli ynë ka shumë qejf të rrehet dhe pastaj bën sikur zemërohet e thotë duke qeshur më gënjeu maskarai, dhe ia shkel syrin maskarait.

Populli ynë e adhuron mashtruesin, gënjeshtarin, të poshtrin, e zgjedh edhe për dhëndër një të tillë sepse populli ynë të tillët i quan të zotë, janë të zotët, janë të shkathët dhe u ngre kult maskarejve.

Popullit tonë njerzit e urte e të ndërshëm nuk i hyjnë në sy.

Atyere që ia kalarojnë nënën, atyre që ia shesin shërbimin shtetëror, atij që i japing rryshfete, atyre populli u thotë u thotë baba, bos, njësh, yll, flori, zog kurvet, bir kurvet me përkëdheli.

Kryeministri i ka gjetë këto dhe qeveris me këto, po sajon rrenën e re 1 miliardshe për ta marrë mandatin e radhës,

Unë propozoj që të mos e sforcojmë kryeministrin, të mos e detyrojmë të na fusë shtetin në borxhe, le t'ia japim mandatin e dytë e të tretë e sa të doje ai, vetëm vendin të mos e fusë në borxhe, të mos e lërë peng.

Partia Demokratike duhet të daklarohet qarte, thjeshtë, shkurt për sa po them.

Dhe kjo që po them nuk ka nevojë për spërdredhje para kamerave nga cicëruesit, por ka nevojë veç të thuhet: z. Rama, mos na fut në borxh, mos na ler peng askund, pa merr mandate sa të duash e rri kryeministër sa të duash.

Cikël Poetik nga Adem Zaplluzha

Adem Zaplluzha u lind në Prizren, më 01.02. 1943. Shkollën fillore dhe të mesme i kreu në vendlindje, ndërsa Akademinë Pedagogjike në Prishtinë.

Një kohë punoi si mësues nëpër fshatrat Studençan të Therandës (ish Suharekës) dhe Hoça e qytetit, afër Prizrenit.

Ndërkohë punësohet si përkthyes në Korporatën Energjetike të Kosovës. Me shkrime filloi të merret kryesisht me poezi që nga mosha e fëmijërisë.

Rrugën letrare e nisi me vjershën e parë për fëmijë të cilën e botoi në revistën “Pionieri”, më 1957. Si i punësuar në Korporatën Energjetike të Kosovës bashkë me shokët e punës dhe pendës themeloi grupin letrar “Lulëkuqet e Kosovës”.

Në Kuadër të punës së këtij grupi letrar qe botuar përmbledhja “Ngjyra e kohës”, në të cilën u përfshi një numër i konsideruar i poezive të tij.

Krahas krijimeve të publikuara në revistat për fëmijë, botoi edhe një serë shkrimesh nëpër gazetat e kohës që dilnin në Prishtinë dhe Shkup.

Është anëtar i Lidhjes së shkrimtarëve të Kosovës, prezent në disa antologji dhe në librin Kosova letrare të poeteshës Monica Mureshan.

 Është prezantuar në Leksikonin e Shkrimtarëve Shqiptarë 1501-1990, nga Hasan Hasani, në Leksikonin Shkrimtarët Shqiptarë për fëmijë 1872 – 1995 nga Odhise K. Grillo, si dhe në librin Portrete Shkrimtarësh nga Demir Behluli, Prishtinë, 2002

Në maj të vitit 2013 Klubi i Artistëve dhe i shkrimtarëve të Durrësit ia ndau çmimin e karrierës për kontributin e dhënë në letrat shqipe.

Jeton dhe krijon në Prishtinë ndërsa aktivitetin letrar e zhvillon në kuadrin e Klubit letrar “Fahri Fazliu”, në Kastriot.

Disa nga veprat letrare :

“Puthje”, poezi, “Rilindja”, Prishtinë, 1974
“Ecjet e viteve të mëdha”, poezi, “Jeta e Re”, Prishtinë 1995
“Çamarrokët e Thepores”, poezi për fëmijë, “Shkëndija”,Prishtinë 1996
“Muret”, poezi, “Jeta e Re”, Prishtinë, 1997
“Morfologjia e dhembjes”, poezi, “Faik Konica”, Prishtinë, 2000
“Ai vjen nesër”, poezi, Qendra e Kulturës, Klubi letrar“Fahri Fazliu”, Kastriot, 2007
“Letër nga mërgimi”, poezi, Klubi letrar “Fahri Fazliu”Kastriot , 2007
“Letër nga mërgimi 2 “ poezi, “Qendra e Kulturës”, Klubi letrar, “Fahri Fazliu”, Kastriot 2007
“Udhëndarja”, poezi, “Qendra e Kulturës”, Klubi letrar, “Fahri Fazliu”, Kastriot, 2008
“Thirrje e gjakut”, poezi,”Qendra e Kulturës”, Klubi letrar, “Fahri Fazliu”Kastriot 2008
“Asgjë sikur molla”, poezi, “Qendra e Kulturës”, Klubi letrar “Fahri Fazliu”, Kastriot, 2009
“Vesa në lotin tim”, poezi, “Qendra e Kulturës”, Klubi letrar “Fahri Fazliu”, 2009,
“Puthja e gozhduar”, poezi, “Qendra e Kulturës”, Klubi letrar, “Fahri Fazliu”, Kastriot, 2009
“Kashelasha në vargje”, poezi për fëmijë,” Qendra e kulturës, Kastriot, 2009
“Pema e bekuar”, E përkthyer, Rumani, 2010
“Bajraktarët e vatanit”, poezi satirike, Klubi letrar, ”Fahri Fazliu” Kastriot, 2010
“Hijet e ndryshkura”, poezi,”Qendra e kulturës”, Kastriot, 2010
”Stuhi në Kutulishte”, poezi,”Qendra e kulturës”, Kastriot, 2010
“Posa ikte nata”, poezi, “Qendra e kulturës “, Kastriot, 2010
“Loja e myshqeve”, poezi,”Qendra e kulturës”, Kastriot, 2010
”Lumëbardhi dhe gjëma”, poezi,”Qendra e kulturës”,Kastriot, 2010
“Metafora e heshtjes”, poezi, “Qendra e kulturës”,Kastriot, 2010
”Hyji në Prekaz”, poezi,”Qendra e Kulturës”, Kastriot, 2010
”Sinorët e hinores”, poezi, Shoqata e Shkrimtarëve-Kastriot 2010
”Don Kishoti dhe Rosinanti”, poezi, Shoqata e Shkrimtarëve, Kastriot, 2010
”Zjarri i dashurisë”, poezi, Shoqata e Shkrimtarëve-Kastriot, 2010
”Kur likenet vallëzojnë”, poezi, Shoqata e shkrimtarëve-Kastriot, 2010
“Ditari në vargje”, poezi, Shoqata e Shkrimtarëve-Kastriot, 2010
“Tingujt që nuk përfundojnë”, poezi, Shoqata e shkrimtarëve –Kastriot, 2010
“Shtegu i mallit”, poezi, Shoqata e shkrimtarëve-Kastriot, 2010
”Korniza e thyer”’,Poezi, Shoqata e shkrimtarëve, -Kastriot, 2010
“Zgjimi i gjëmës”,Poezi, Shoqata e Shkrimtareve-Kastriot, 2010
“Vallja mistike”, Poezi, Shoqata e Shkrimtarëve- Kastriot, 2010
”Merre kodin”, Poezi për fëmijë, Shoqata e shkrimtarëve Kastriot, 2011
“Letër atdheut” poezi, Shoqata e Shkrimtarëve-Kastriot, 2011
“Tejdukshmëria e shiut”, Poezi, Shoqata e Shkrimtarëve- Kastriot, 2011
“Përtej teje”,poezi, Shoqata e Shkrimtarëve-Kastriot, 2011
“Sa afër e sa larg”, poezi, Shoqata e shkrimtarëve-Kastriot, 2011
“Vallja e zanoreve”, Poezi, Shoqata e Shkrimtarëve- Kastriot, 2011
“Ikja e eshtrave”, Poezi për të rritur, Shoqata e Shkrimtarëve- Kastriot, 2011
”Kalorësit e mjegullave”, Poezi, Shoqata e shkrimtarëve-Kastriot, 2012
“Hingëllimat e shiut”, Poezi, Shoqata e Shkrimtarëve- Kastriot 2012
“Kur pemët i ndërrojnë këmishët”. Poezi, Shoqata e Shkrimtarëve- Kastriot, 2012
“Mirëmëngjes Imzot”, Poezi, Shoqata e shkrimtarëve – Kastriot, 2012
“Kafshimi i mikut”, Poezi satirike, Shoqata e Shkrimtarëve- Kastriot, 2012
“Atje tej maleve”, Poezi, Shoqata e shkrimtarëve, Kastriot-2012
“Heshtja që del në shesh,” Poezi, Shoqata e Shkrimtarëve, Kastriot -2012
“Portat e shpresës”, Poezi, Shoqata e shkrimtarëve, Kastriot-2012
“Në dhomën time gjysmë të errët”, Poezi, Shoqata e Shkrimtarëve- Kastriot, 2012
“Kinse Lojë Shahu”, Poezi, Shoqata e Shkrimtarëve- Kastriot, 2012
“Për çdo dekadë nga një baladë “, Poezi, Shoqata e Shkrimtarëve – Kastriot, 2012
“Fusha e mëllenjave”, Poezi, Shoqata e shkrimtarëve- Kastriot, 2012
“E kujt është kjo vetmi”, Poezi, Shoqate e Shkrimtarëve- Kastriot, 2012
“Mos pyet për adresën e lumit”, Poezi, Shoqata e Shkrimtarëve – Kastriot, 2012
“Stoli në parkun vjetër” Poezi, Shoqata e Shkrimtarëve- Kastriot, 2012
“Urori i stralltë”, poezi, Shoqata e shkrimtarëve –Kastriot, 2012
“Po të mos ishte fjala”, Poezi, Shoqata e shkrimtarëve- Kastriot, 2012
“Thyerja e urave”, poezi, Shoqata e shkrimtarëve –Kastriot, 2012
“Trokëllimat në gjumin e dallgëve”, Poezi, Shoqata e Shkrimtarëve- Kastriot, 2012
“Në flokët e dëborës”, poezi, Shoqata e Shkrimtarëve –Kastriot, 2012
“Një grusht nostalgji”, Poezi, Shoqata e Shkrimtarëve-Kastriot, 2012
“Kur filluan të flasin njerëzit”, poezi, Shoqata e shkrimtarëve- Kastriot, 2012
“Kur stinët kapërcejnë fshehurazi”, poezi, Shoqata e Shkrimtarëve – Kastriot, 2012
“ Lisi në rrënjët e veta”, Poezi, Shoqata e Shkrimtarëve –Kastriot 2012
“Eca ecëm dhe do ecim”, Poezi, Shoqata e Shkrimtarëve – Kastriot, 2012
“Fëmijët e erës”, Poezi, Shoqata e shkrimtarëve-Kastriot 2012
“Çast në fund të stinës”, Poezi, Shoqata e Shkrimtarëve- Kastriot-2012
“Si të flas me drurët”, Poezi, Shoqata e Shkrimtarëve-Kastriot, 2012
“Më pëlqejnë mendimet e tua”, Poezi, Shoqata e Shkrimtarëve- Kastriot, 2012
”Andej dhe këndej kohës”, poezi, Shoqata e Shkrimtarëve- Kastriot, 2012
“Zëri i heshtjes”, poezi, Shoqata e Shkrimtarëve- Kastriot, 2012
“Kush i lexoi letrat prej erës”, poezi, Shoqata e Shkrimtarëve-Kastriot, 2012
“Fluturimi i korbave në netët pa hënë”, prozë poetike, Shoqata e Shkrimtarëve –Kastriot, 2012
“Koha e ime dhe koha e jote”, Poezi, Shoqata e Shkrimtarëve-Kastriot, 2012
”Diku te një baladë”, Poezi, Shoqate e Shkrimtarëve –Kastriot, 2012
“Sonte çdo gjë po i përngjan lotëve”,Poezi, Shoqata e Shkrimtarëve –Kastriot, 2012
“Ky def prej hëne”, Poezi, Shoqata e Shkrimtarëve-Kastriot, 2012
“Pyesni zogjtë në ikje ”,Poezi, Shtëpia botuese “Fahri Fazliu”- Kastriot 2013
“Fërfërimë gjethesh”, Poezi, Shtëpia botuese “Fahri Fazliu”, Kastriot- 2013
“Refrene yjesh”, Poezi, Shtëpia botuese “Fahri Fazliu”- Kastriot, 2013
“Te delta e mjellmave”, Poezi, Shtëpia botuese “Fahri Fazliu”, Kastriot- 2013
“Rinjohja”, Poezi, Shoqata e Shkrimtarëve “Fahri Fazliu”- Kastriot, 2013
“Diku në fund të një fillimi”, Poezi, Shoqata e Shkrimtarëve, “Fahri Fazliu”- Kastriot, 2013
“Makthi i hijes”, Poezi, Shoqata e Shkrimtarëve-“ Fahri Fazliu”Kastriot, 2013
“Një zog prej uji”, Poezi, Shoqata e Shkrimtarëve “Fahri Fazliu”- Kastriot
"Druri i pikëlluar", Poezi,Shoqata e Shkrimtarëve “Fahri Fazliu”- Kastriot, 2014
"Asnjë fjalë nuk frymon", Poezi,Shoqata e Shkrimtarëve “Fahri Fazliu”- Kastriot, 2014
"Lëreni zërin tim", Poezi,Shoqata e Shkrimtarëve “Fahri Fazliu”- Kastriot, 2014
"Mbi flokët e ullukëve", Poezi,Shoqata e Shkrimtarëve “Fahri Fazliu”- Kastriot, 2014
"Sytë e gurtë të erës", Poezi,Shoqata e Shkrimtarëve “Fahri Fazliu”- Kastriot, 2014
"Zjarri i mallit tim", Poezi,Shoqata e Shkrimtarëve “Fahri Fazliu”- Kastriot, 2014
"Dëneste bashkë me erën", Poezi,Shoqata e Shkrimtarëve “Fahri Fazliu”- Kastriot, 2014
"Atdheu i paçmuar", Poezi,Shoqata e Shkrimtarëve “Fahri Fazliu”- Kastriot, 2014
"Nëpër gjymtyrët e mjegullave", Poezi,Shoqata e Shkrimtarëve “Fahri Fazliu”- Kastriot, 2014
"Kur era teshtin", Poezi,Shoqata e Shkrimtarëve “Fahri Fazliu”- Kastriot, 2014
"Ndjekësit e enigmave", Poezi,Shoqata e Shkrimtarëve “Fahri Fazliu”- Kastriot, 2014
"Një grusht dashuri", Poezi,Shoqata e Shkrimtarëve “Fahri Fazliu”- Kastriot, 2014
"Kur dehen perënditë", Poezi,Shoqata e Shkrimtarëve “Fahri Fazliu”- Kastriot, 2014
"Daullet e një nate", Poezi,Shoqata e Shkrimtarëve “Fahri Fazliu”- Kastriot, 2014
"Stina asnjanëse", Poezi, Shoqata e Shkrimtarëve “Fahri Fazliu”- Kastriot, 2014
"Shi në qytetin tim", Poezi, Shoqata e Shkrimtarëve “Fahri Fazliu”- Kastriot, 2014
"Psalm i harruar", Poezi, Shoqata e Shkrimtarëve “Fahri Fazliu”- Kastriot, 2014
"Krakëllimat e natës", Poezi, Shoqata e Shkrimtarëve “Fahri Fazliu”- Kastriot, 2014
"Menatë vijnë lejlekët", Poezi, Shoqata e Shkrimtarëve “Fahri Fazliu”- Kastriot, 2014
"Fjetëm njëqind shekuj", Poezi, Shoqata e Shkrimtarëve “Fahri Fazliu”- Kastriot, 2014
"Loti i gotës së dehur", Poezi, Shoqata e Shkrimtarëve “Fahri Fazliu”- Kastriot, 2014
"Për kë po bie moj kambanë", Poezi, Shoqata e Shkrimtarëve “Fahri Fazliu”- Kastriot, 2014
"Si trenat e verbër", Poezi, Shoqata e Shkrimtarëve “Fahri Fazliu”- Kastriot, 2014
"Mbi shpirtin e erës pagane", Shoqata e Shkrimtarëve “Fahri Fazliu”- Kastriot, 2014
”Ajo nuk erdhi sonte” Poezi, Shtëpia Botuese “TREND”- Prishtinë, 2015
“Një hënë e zhveshur”,Poezi, Shtëpia Botuese “TREND”– Prishtinë, 2015
“Nëpër plasaritjet e mureve”,Poezi, Shtëpia Botuese “TREND”– Prishtinë, 2015
“Mes telave gjembor ”,Poezi, Shtëpia Botuese “TREND” – Prishtinë, 2015
“Të vizatosh një zog në mur”,Poezi, Shtëpia Botuese “TREND” – Prishtinë, 2015
”Nuk flenë as kuajt e dehur” Poezi, Shtëpia Botuese “TREND” – Prishtinë, 2015
”Fluturojnë zogjtë e verbër ” Poezi, Shtëpia Botuese “TREND” – Prishtinë, 2015
“Një shi prej bryme” , Poezi, Shtëpia Botuese “TREND” – Prishtinë, 2015
“Në prehrin e pemëve” Poezi,Shtëpia Botuese “TREND” – Prishtinë, 2015
“Zëri i largët i shiut ” , Poezi Shtëpia Botuese “TREND” – Prishtinë, 2015
“Yjet e ngrira të kujtesës ” , Poezi, Shtëpia Botuese “TREND” – Prishtinë, 2015
“Thirrmat e hijeve” , Poezi, Shtëpia Botuese”TREND” – Prishtinë, 2015
“Dritaret e verbëta ” , Poezi, Shtëpia Botuese”TREND” – Prishtinë, 2015
“Përtej portave të mbyllura” , Poezi, Shtëpia Botuese “TREND”, Prishtinë, 2015
“Malli i etjes” Poezi, Shtëpia Botuese “TREND”, Prishtinë, 2016
“Kur qajnë pemët ”, Poezi, Shtëpia Botuese “TREND”, Prishtinë, 2016
“Të dielave në qytetin tim ”, Poezi, Shtëpia Botuese “TREND”, Prishtinë, 2016
“ Nëpër brigjet e kujtesës” Poezi, Shtëpia Botuese “TREND”, Prishtinë, 2016
“Rrugës qante një stërqok”, Poezi, Shtëpia Botuese “TREND”, Prishtinë, 2016
“Kali im prej bore” , Poezi, Shtëpia Botuese “TREND”, Prishtinë, 2016
“Përballë hijes së mollës ”, Poezi, Shtëpia Botuese “TREND “, Prishtinë, 2016
“Jehu i zërave”, Poezi, Shtëpia Botuese “TREND”, Prishtinë, 2016
“Në kujtesën e pemëve ”, Poezi, Shtëpia Botuese “TREND “, Prishtinë, 2016
“Më mirë një gjysmë ëndrre ”, Poezi, Shtëpia Botuese “TREND “, Prishtinë, 2016
“Një dry prej dylli ” Poezi, Shtëpia Botuese “TREND”, Prishtinë, 2016.
“ Në anën tjetër të mendjes”, Poezi, Shtëpia Botuese “TREND”, Prishtinë, 2016
“Sa shumë ethe pat dimri sivjet”, Poezi, Shtëpia Botuese “TREND”, Prishtinë, 2016
“Enigmat e kashelashave ”, Poezi, Shtëpia Botuese “TREND”, Prishtinë, 2016
“Nuk i them unë dot kësaj liri” , Poezi, Shtëpia Botuese “TREND”, Prishtinë, 2016
“Fluturat prej letre ”, Poezi, Shtëpia Botuese “TREND”, Prishtinë, 2016
“Fluturimi i gjinkallës”, Poezi, Shtëpia Botuese “TREND”, Prishtinë, 2016
“Kumritë prej deltine”, Poezi, Shtëpia Botuese “TREND”, Prishtinë. 2016

Etj.

MBRËMË NUK BISEDONTE ME ASKËND

Sonte degët e kësaj peme

Po i ngjajnë natyrës së vdekur

Qenkan ulur

Mbi këtë tryezë të rrumbullakët

Dhe bëjnë kinse lexojnë poezi.

Mani i moçëm i shkund gjethet

Nga degët e thata

Shkunden

Edhe stinët një nga një

Vetëm dimri paska mbetur

Një peng i madh mes gjetheve.

Përroi që asnjëherë nuk di

Se si duket heshtja e ujit

Mbrëmë nuk bisedonte

Me askënd

Edhe vetë ishte shndërruar në heshtje.

Nga kopshti i fqinjëve dëgjohej kollitja

E gjetheve të sëmura

Hëna qëndronte e varur

Si një zog pikëllimi

Mbi degët e njoma të natës lozonjare

Me lot mallëngjimi qante era.

KËNDEJ MUND TË SHKONI

Na i treguan udhët

Thanë: këndej mund të shkoni

Ne mbetëm të shtanguar

Si qirinj të ndezur

Midis dy udhëve.

Njëra na qonte në vdekje

Kurse tjetra

Drejtë rrugës së lirisë

E cila ishte e gjatë

Dhe e largët por e kapërcyeshme.

Kur deshën të na vrasin

Për herë të dytë

Ose të tretë

Me gjoksin e erës

I ndalëm plumbat vrastarë.

Na thanë se kinse kjo tokë

Është djepi i tyre

U përgjigjëm

Ka qenë

Është

Dhe do të jetë varri i juaj.

2

Ushtarët e verbër

Kishin shikime të plumbta

Akulli i acartë

U pikonte nga verbëria.

Ishin aq të verbër në mendje

Sa që kurrë nuk e dalluan

Zogun e lirisë

Nëpër hapësirat blu të Kosovës.

DEL NGA RAPSODITË

Çdo menatë

Atje përtej brigjeve të harresës

Zgjohet kujtesa

Nëpër një dhembje të pashëruar

Dizgjinët e erës

Kalërojnë mbi shpirtrat e mjegullave

Një nënë disa vjet me radhë

Nuk i ndal piskamat e gjëmave

Diku te retë e kristalta

Një copë mjegulle ëndërron shiun

Ëndërron vrapin e kalorësit

Të vetmuar

Në drejtim të universit të humbur

Ne ecim kah e panjohura

Zëri i kambanës i ndez qirinjtë

Një kërrabë e vjetër

Del nga rapsoditë e kohërave

Dhe me një arkivol të kaltër

Udhëton si një somnambul

Në një drejtim të panjohur

DIMRAT ME TËRBIM

Asnjëherë nuk kuptova

Se cili ishte ai vit kur derdhej shiu

Nga shtambat e urrejtjes

Vendi im

Qante si një fëmijë jetim

Qanin edhe zogjtë nëpër çati

Një fat i shkruar

Ose i pashkruar nëpër libra

Shfletohej si një histori e trishtuar

Gishtat e holla të mjegullave

Sa herë që i hapnin

Po aq herë edhe i mbyllnin plagët

E stinëve

Që shkelnin mbi lule të vrara

Dimrat me tërbim

Shfryheshin nga një dhembje

Ose heshtnin

Nën një copë guri të murrmë

Dhe pritnin shpirtin

E një tufani

Të zgjohej më në fund

Nga ëndrrat e zgalemave

BINTE NJË TJETËR LLOJ SHIU

Ecte

Ose ne të gjithë ecnim

Mbi një vig të paramenduar

Askund nuk ndaleshin hijet

Në imagjinatën tonë të etur

Binte një tjetër lloj shiu

Mbi flokët e stinës

Ngjizej po ashtu një tjetër lloj shtreze

Në lotin e gurit

Mali qante si kërthi

Fatin e një fatkeqësie

Qanin edhe degët kur thyheshin

Për qerpikët e erës

Me dënesje burrash qanin lisat

Kur erdhën lejlekët

Mbi çatitë e kafshuara prej korbave

Filluan të mbijnë disa lloje barojash

E dimri thahej në vetminë e shtrojerës

Binte një shi që s’i përngjante

Asgjëje të lëngtë

Sytë e gurtë të erës po ashtu qanin

Me një dënesje të paparë deri sot.

VAZHDON PO AI REFREN

Ka çaste nuk na kthehet në kujtesë

Fëmijëria pa ëndrra

Si një mollë e vetmuar

Dielli i përskuqur

Piqet në imazhet e horizontit

Ecim përskaj trotuareve

Nuk ndalemi në asnjë shitore

Ecim si kukullat në teatrin tragjik

Të përditshmërisë

Pas shpine i lëmë vitrinat e zhveshura

Lumëbardhi gurgullon në përgjumjen

E një dite pa rrugëdalje

Njerëzit kalojnë

Ecin pa e përfillur erën

Mjegulla e dendur na i shprish flokët

Të nesërmen

Vazhdon po ai refren

I përditshmërisë se numërimit të hapave

Dikush troket nëpër dritaret përdhese

E dikush tjetër

Te portat e yjeve të verdha

KUAJT E MI TË MIRË

Mbi një araba prej ëndrre

Udhëtoj nëpër fëmijërinë time

Më del parasysh

Rrugë e gjatë dhe e lashtë

Vrapi i kalit të zi

Pa frena nuk e ndalte trokun

Deri në Kostandinopojë

Më kujtohen imazhet e erës

Kur e ndaja misërniken

Me arabaxhiun babaxhan

Me një copë djathë dhie

Kapërdinim tërë bukën e çerepit

Nëse na premtonte koha

I pushonim kuajt

Në ndonjë han të vetmuar

Ku gjenim hanxhiun duke na pritur

Me pagurin e mbushur

Me verë të kuqe

Më pastaj sërish na prite

Një udhë e gjatë

Derisa arabaja tundej

Në ëndrrën e plepave

Kuajt e mi të mirë

Gjumin e bënin në ecje e sipër

Duke i numëruar

Gurtë e kuq të kalldrëmeve

NUK MARR DOT FRYMË PA TY

Të lutem o të përgjëroj

Mos shko në këtë çast

Me trenin e çmendur të mëngjesit

As me atë të mbrëmjes së vonshme

Nuk marr dot frymë pa ty

Kjo aromë e pemëve që zbret

Nga kujtesa e degëve

Ishte dikur në ëndrrën e flokëve të tua

Të lutem

Mos shko me trenin e çmendur

Jam pakëz i lodhur

Më dridhen këmbët e fishkura

Si purtekët e metaltë më dridhen

As duart më

Nuk i përngjajnë duarve

Kjo ëndërr e sfilitur po dënes si qilimi

Të lutem mos ik sonte

Nëpër shtegun e binarëve të verbët

Ti e di

Se unë tani jam shumë i lodhur

Nuk mundem t’i ndali

As të reshurat e verdha të stinës

DUART E MIA

Duart e mia

Si duart e pemës së egër

Marrin frymë

Qeshin me udhëtarët e vonuar

Qeshin me njerëzit

Që i kanë humbur kujtimet

Qeshin

Dhe i përqeshin zogjtë

Krahëthyer

Marrin frymë si gjelbërimi

Nën degët e këputura te shelgjeve

Ndërtojnë kala prej ëndrrave

Duart e mia

Si ato të erës asnjanëse

Nëpër skutat e gjelbërimit

I humbin rrugët

Dhe asnjëherë më shpresat

Nuk kthehen të pinë ujë

Në kroin e kujtimeve

Ku vërshojnë ëndrrat e përrenjve

Duart e mia

Nuk i përngjajnë asgjëje

Sepse çdo lëvizje e tyre

E përqafon pafuqinë

Herë janë si aroma e mushmollës

E herë si kundërmimi i ashtit të thyer

Në ndonjë trup të ndërkryer

SEPSE E NESËRMJA

Më thanë te mjegullat ka varre

Edhe përtej mjegullave

Pohojnë se

Lindin njerëzit me nga një sy

Dhe kur kanë kohë

Dynden si shirat në mesin tonë

Atje është ajo e përtejmja

Që i përngjan fjalëve të shthurura

Të vetëtimave

Ku njerëzit me xhelozi

I rruajnë ëndrrat e vjedhura

I rruajnë

Si vashat e vogla kukullat

E drunjta të erës

Nëse i lajmë duart me ngjyrat blu

Te ylberit

Dhe të reshurave ua marrim zemrën

Mund të takohemi me një tjetër kohë

Sepse e nesërmja

Më nuk do të jetë më nesër

Por një hapësirë krejtësisht tjetër

Mes të kaluarës dhe të ardhmes.

Mbi flokët e ullukëve

Kur patëm kohë t’i shprehim

Dobësitë tona

I vramë stinët para se të vinte bora

Dimri ishte një trishtim i ri për ne

Kallkanët e kristaltë vareshin buzë çative

Adem Zaplluzha

Kur acari kalonte lakuriq

Nëpër shëtitoret e qytetit

Vashat i gjuanin në kontejner

Qeskat e najlonit me shiringa të përdorura

Si pjalm bore lëshohej një lloj shtreze

Mbi flokët e ullukëve

Dimri veç kalonte rrugën e tij të gjatë

Kishte disa punë të pakryera me pranverën

Me një pallto të bardhë prej bore

Një dorë e fuqishme

I mbulonte mollët te kajsishtat

Pranvera si një lulebore

Pritet diku në fund të rrugës

Të çeli sërish një lule e re

Në shpirtin e madh të një peme

DIKU NË NJË HAN TË VJETËR

Medet nuk isha në gjendje

Që t’i shalojë kuajt e egër

Nata më rrëmbeu

Trishtueshëm më rrëmbeu

Si nëna foshnjën

Dhe iku me një grusht malli në shpirt

Mëngjesi ishte diku larg

Shumë më larg

Se sa mendimet e mija të këputura

baballarët pritnin në shtigjet e fjalëve

Që sa më parë

Të kthehen mërgimtarët

Ky gur i murrmë në trastën e kujtesës

Mbrëmë i përjetoi

Ofshamat e Drinit të Bardhë

Qante si një fëmijë ky lumë mitik

Nën rrënjët e shelgut të pikëlluar qante dita

Në shtegun e fjalës s’pushonte një tupan

Qante edhe honi i mbushur

Me pikëllim

Diku në një han të vjetër

Si trishtimi i shpirtit të lahutarit

Cijate një lahutë e vjetër

POETI I VËRTET

Fjala e poetit

Peshon më shumë se guri i Sizifit

Ai në heshtje bluan shpirtin e erës

Dhe nga fjalët e tij lindin vetëtimat

Kalorësve të verbër ua dhuron sytë e vet

Dhe si mjegullat hingëllon

Kur takohet me padrejtësinë

Më shumë se çdo gjë

I urren lajkat

Si uragani qesh

Me dyfytyrësinë e njerëzve

Është në gjendje ta pështyj diellin

Nëse nuk i ndriçon

Të gjitha pemët mbi tokë

Gjuan zotin me gur të stralltë të atdheut

Askujt nuk i përkulet për pekule

Shqelmon kurorën e famës

E cila s’ekziston në mendjen e tij

Poeti i vërtet

Edhe kur është në qivur

Ecën vertikalisht

Si rrapet e atdheut të tij

NË NJË DIMËR TË TILLË

Kur binte ajo borë e kuqe

Ne si minjtë vraponim nëpër shtëpi

Magjet ishin të djegura

Si kallamishtet e misrit në vjeshtë

Më shumë luteshim për një kafshatë buke

Se sa për Zotin

I cili na dukej i huaj

Ose as që nuk ekzistonte

Në zorrët tona të zbrazëta

Mbase ishte i ngimë

Sa që kur binte terri i zi i dimrit

I dëgjohej gogësima

Si ulërima e ndonjë bishe të tërbuar

Në një dimër të tillë

E të gjatë

Kishim kohë ta bluanim

Edhe strallin

I urituri nuk pyet se si ta kapërdij kafshatën

Por a mund të gjejë diku

Në grumbujt e mbeturinave

Ndonjë krodhe buke

Që në netët e gjata t’i bëjë ballë dimrit

Më lërë të vdes

Të lutem

Më lërë të vdes sonte

Nuk dua vdekje më të bukur

Se sa kjo kënaqësi

Që shtrihet në krahun e djathtë

Të fluturës së atdheut tim

Dje isha një tjetër specie

Adem Zaplluzha

Që i ngjasoja erës

Në sqepin tim të çarë

Buronte lumi i verdh

Po ai lumë

Që buron në kujtesë

Sërish të lutem

Si asnjëherë më parë

Më lërë të vdes

Si zogu i ngrirë në mermerë

O të përgjëroj

Me zjarrin e shpirtit të kallur

Më lërë të vdes

Të thash

Nuk dua vdekje më të bukur

Se sa kjo lindje

Që i përket atdheut

KUR EGËRSISHT PUTHIM

Asnjëherë pa u ndalur

Kalojmë nën harqet e Urës së Gurit

Prej një ane të kujtesës

Deri te ana tjetër e hapave tona

Ne ecim si drurët

Në disa raste u përngjajmë gurëve

E në disa raste të tjera

Kur dalim nga lëkura e jonë

Nuk i përngjajmë as jetës

E as vetvetes

Udhët i matim me lotin e erës

Kur dita e jonë epike

I përngjan fantazmagorisë

Deri në ekzaltim

Dehemi nga kënaqësia

Sa herë që na teket pa asnjë arsye

Në secilën pikë loti

I përmbysim detet më të tërbuara

Dhe jemi aq larg vetvetes

Sa që fëmijëria e jonë na duket

Se është tërësisht e huaj

Kur egërsisht puthim

Trishtimin e jetës në ikje e sipër

Në gjumin tonë të përdalë

Si akaciet mbijnë

Disa lloje të barojave

Që sapo takohen me ajrin

Shndërrohen

Në larva të krimbave

DUART E TUA

Duart e tua të mjegullta

Më mbajnë gjallë

Sa herë që kam mall për ty

Shtrihem mbi ëndrrën time

Vetëm kështu jetoj

Mbase kjo qenka e vetmja mënyrë

Ku mund të vdes lirisht

Pa kurrfarë hezitimi

Duart e tua prej shiut të trëndafiltë

M’i ledhatojnë iluzionet

Kur më ndjekin dhembjet

Ndjej thirrjen epike të dashurisë

Duart e tua

Ah ato duar që m’i mbajnë gjallë plagët

Sa herë që i drejtoj sytë kah universi

Shikimi im depërton përtej çdo honi

DHE ATA TË TJERËT

Sonte do të ecim përtej çdo mundësie

Edhe nëse nën hapat e erës

Fshihen shpirtrat e akrepave

Ne do të ecim

Nëpër tehun e mprehtë

Të shpatës së gjetur

Do ecim nëpër llavën e vullkanit të përskuqur

Kur të mbërrimë deri te mermeri i kuq

Mes kolonadave të erës

Do i takojmë mbretërit

E të gjitha kohërave

Ata që abdikuan

Për disa shkaqe personale

Dhe ata të tjerët

Që i gjykuan dashnoret për tradhti

Por domosdo duhet të ecim

Nëse ndalemi

Kurrë më

Nuk do të jemi në gjendje

Të njëjtë si para

Ose pas lindjes së diellit

Përgjumja askujt nuk i bënë mirë

Sa herë që fjetëm

Nuk i patëm punët mirë

Gjumi i jonë i përdalë

Hynte nëpër çdo udhë të verbët

Hynte nëpër ato vende

Ku nuk mund të delte asnjëherë

I ngjante rërës së gjallë

Në shkretëtirën e shpirtit kryengritës

MBI SHPATULLAT E RRAPEVE

Atë çast hyjnor

Mbeta pa asnjë fjalë

U stepa para mjegullave

Kur ninëza

E lirikave të erës

Si një mbretëreshë prej uji

Hyri në shpirtin e malit

Lëvizën drurët si gurtë

As gjethet më

Nuk ishin në gjendje

Të heshtin

Nga korijet e lulëzuara

Vinte një fëshfërimë prej ëndrre

Ishte koha

E zgjimit të baladave

Nëpër degët e pemëve

Lulet çelnin

Disa specie zogjsh

Çelnin edhe duart e lisave

Disa lloje prej kashelashave

Mbi shpatullat e rrapeve

Era i krihte

Flokët e brymta të shirave

Përgatiti : Flori Bruqi

Ylli Manjani: Ministrat flinin me dashnoret te resorti i Klement Balilit

http://www.oranews.tv/…/manjani-ne-konference-mbledhjet-e-…/

Ylli Manjani ka komunikuar me mediat për largimin e tij nga detyra ditën e sotme. Ai tha se lajmin e ka marrë vesh nga televizionet, pasi nuk ka pasur asnjë komunikim institucional dhe as njerëzor me Kryeministrin, Edi Rama.

“U njoftova nga mediat për shkarkimin tim. Duhet të komunikojmë përmes medias sepse dhe Whatssup dhe SMS nuk funksionojnë. Kam qenë dhe mbetem profesionist. Ilir Metës i jam mirënjohës për besimin që më dha si ministër. ..Mbledhjet e qeverisë janë antikushtetuese. Ministrat nuk lejohen të flasin në mbledhjen e qeverise. Rama ka harxhuar kohë për ti bërë presion Metës. Ajo që thotë është se unë flas pa lejen e Fugës. Në një sistem demokratik ministrit kërkohet ti mbyllet goja. Shkarkohesh se flet pa lejen e Fugës….”,- tha Manjani.

Ai ka zbardhur dhe motivet e largimit. “Po fole pa lejen e (Endri ) Fugës shkarkohesh. Kryeministri thotë rri urtë, bëj ndonjë tender, ky është mesazhi që i jepet qeverisë 6 muaj para zgjedhjeve”,- tha Manjani.

Manjani hodhi akuza të ashpra ndaj Kryeministrit dhe disa ministrave të PS. Manjani u shpreh se sulmet ndaj tij u shtuan kur foli për kanabisin dhe Klement Balilin. Manjani bëri një deklaratë bombë kur tha se se në kohën që ai denonconte dhe kërkonte zbatimin e ligjit për arrestimin e Klement Balilit, ministrat e Ramës flinin me dashnoret në resortin e tij.

“U shtuan presionet kur bëra deklaratën për kanabisin. E bëra atë deklaratë si qytyetar i shqetësuar. Nuk kisha asnjë paragjykim dhe asnjë prapamendim. Kryeministri u nervozua dhe shtyu dy ministra të reagojnë kundër meje. Të gjithë ata ministra më shkelin syrin por kanë frikë të flasin. Që pas asaj situiate është shtuar presioni jo ndaj meje, por ndaj kryetarit të Kuvendit për largimin tim. Unë e di pse. Nuk është rastësi që bashkohet me emrin tim me dosjen e Klement Balilit. Ndërkohë që në Tiranë lidhej emri im me Klement Balilin, ministrat flinin me dashnoret te Santa Quaranta”- tha ai.

Manjani tha se partnerët ndërkombëtarë i kanë kërkuar Ramës shkarkimin e Saimir Tahirit.

“Kam thënë që të arrestohet Kelment Balili. Ndërkohë që kam thënë këtë, Drejtorët e Policisë hanin dhe pinin te Santa Quaranta. Këtë kam thënë. Kryeministrit i kanë kërkuar shkarkimin e Ministrit të Brendshëm, ja kanë kërkuar partnerët jo unë. Kjo që po ndodh sot është për të larguar vëmendjen ”,- tha Manjani.

Ai shtoi se personi i shkarkuar duhet të ishte shkarkuar sot, pasi “hodhi në bast elektoral interesat e Shqipërisë në zgjedhjet në SHBA”.

Manjani u shpreh se vendi i Ramës ishte një hakmarrje e Kryeministrit. “Kjo është hakmarrje e pastër për qëndrimet e mia nga Rama, sidomos për kanabisin. Ilir Meta është kryetar i LSI, ai do të duhet të marrë vendime në mënyrë më të balancuar. Metës i mbetem mirënjohës në pjesën e mbetur të jetës sime, sepse më ka dhënë mundësinë që unë të tregojë se çfarë mund të bëj në ekzekutiv. Do të jem në detyrë deri në ditën që vjen pasardhësi im, kështu thotë Kushtetuta”,- tha Manjani.

Ylli Manjani ka treguar arsyet se pse është shkarkuar nga Edi Rama prej detyrës që ai mbante atë të Ministrit të Drejtësisë. Sipas Manjanit, arsyeja kyesore e shkarkimit është fakti se ai ka folur në media pa lejen e Endri Fugës.

VIDEO E PLOTE E KONFERENCES SE YLLI MANJANIT:

Kush fitoi me shkarkimin e Ylli Manjanit?

Ai ka shkarkuar Manjanin dhe shkarkimi më shumë vlen simbolikisht. Ai ka treguar forcë dhe Meta është tërhequr përpara forcës së Ramës. Por pa asnjë dyshim që kjo marrëveshje e përkohshme, nuk zgjidh thelbin e konfliktit mes tyre…

Nga Blendi Fevziu

Telenovela nuk mbaroi. Edhe pse ajo shërbeu për t’i dhënë fund një dileme që duket se qarkullon prej kohësh, rreshtimit të forcave politike në koalicionet e ardhshme zgjedhore.

Ashtu siç parashikohej edhe në editorialin e djeshëm të opinion.al, PS dhe LSI e kanë mbyllur me një “kompromis” javën e tensionuar midis tyre.

Ndër tre variantet; 1- Përzënien e LSI nga koalicioni, 2-Ikjen me dëshirë të Metës nga marrëveshja me Ramën, 3- Gjetjes së një kompromisi të përkohshëm, të dyja palët kanë zgjedhur këtë të fundit. Pra rrugën e tretë. Dy partitë e së majtës kanë arritur sërish një marrëveshje.

Një marrëveshje që i fashit përkohësisht tensionet, por nuk jep zgjidhje problemit themelor mes PS dhe LSI. Atij nëse këto dy forca mund të qeverisin bashkë apo janë të destinuara ta kthejnë koalicionin qeveritar në një sherrnajë të përditshme.

Konflikti mes PS dhe LSI ishte tensionuar mjaft javën e fundit duke pasur dy protagonistë, ministrin e Drejtësisë Ylli Manjani dhe atë të Mjedisit Lefter Koka. Të dy ministrat sulmuan ashpër Ministrin e Brendshëm Saimir Tahiri për lidhje të policisë me bandat, kultivimin e hashashit dhe mosarrestimin me qëllim të Kelmend Balilit.

Në fillim të javës vetë Meta e kishte tensionuar situatën duke i kërkuar Presidentit një mbledhje të Këshillit të Sigurisë Kombëtare për çështjen ‘Balili’. Dukej sikur koalicioni po futej në një krizë të re, të përsëritur, por gjithçka ka mbetur aty. Nuk dihet se çfarë ka ndodhur në prapaskenë, por Rama e ka rivendosur autoritetin.

Ai ka shkarkuar Manjanin dhe shkarkimi më shumë vlen simbolikisht. Ai ka treguar forcë dhe Meta është tërhequr përpara forcës së Ramës. Por pa asnjë dyshim që kjo marrëveshje e përkohshme, nuk zgjidh thelbin e konfliktit mes tyre, filozofitë e ndryshme që kanë në mënyrën se si qeveriset vendi.

Ndërkohë, vendimi i sotëm i jep fund dilemës se me kë do dalë LSI në zgjedhje. Një javë më parë Meta deklaroi se nuk do jetë në koalicion parazgjedhor me PD, ndërsa sot, me shkarkimin e Manjanit, indirekt rikonfirmoi renditjen në një koalicion me PS dhe PDIU. Të tjerat nuk kanë asnjë rëndësi për momentin…

Akuzat kryesore të Ylli Manjanit kundër kryeministrit Edvin Kristaq Rama

Ministra që flenë tek hoteli i Klemend Balilit me Dashnoret. Shefa policie që kanë fshehur skedën e Balilit. Një kryeministër që kërcënon gjyqtarët me telefon që merr vendime qeverie pa mbledhur ministrat. Kukkë më parë, asnjë iministër i republikës nuk është larguar nga posti i tij me akuza kaq të rënda s aka artikuluar Ylli Manani në konferencën e tij të fundit për shyp. Ai ka thënë se edhe sikur kjo të jetë dita e tij e fundit në politikë, ai nuk mund të pajtohej me një qeveri të kanabisizuar. Sipas Manjanit që mbahet mend se në politikë nuk e ka pasur problem ka thotë gjithçka dhe të kundërtat e tyre, ai u largua nga qeveria pas deklaratës se ushtria duhet te ndërhyje kundër hashashit. “U shtuan presionet kur bëra deklaratën për kanabisin. E bëra atë deklaratë si qytyetar i shqetësuar. Nuk kisha asnjë paragjykim dhe asnjë prapamendim. Kryeministri u nervozua dhe shtyu dy ministra të reagojnë kundër meje. Të gjithë ata ministra më shkelin syrin por kanë frikë të flasin. Që pas asaj situiate është shtuar presioni jo ndaj meje, por ndaj kryetarit të Kuvendit për largimin tim. Unë e di pse. Nuk është rastësi që bashkohet me emrin tim me dosjen e Klement Balilit. Ndërkohë që në Tiranë lidhej emri im me Klement Balilin, ministrat flinin me dashnoret te Santa Quaranta”- tha ai.

Ai theksoi se për këto akuza faktet i kanë shërbimet e huaja. “Mos m’i kërkoni mua, i kanë shërbimet e huaja të gjitha këto”- tha ai.

Manjani shtoi se ndihet i nderuar që eshte i shkarkuar.

” E dini ju që në 30 dhjetor qeveria ka marrë një vendim pa u mbledhur. Shikoni TIMS, shumica e ministrave ishin jashtë shtetit. Si mund të jetë dakord ministri i drejtësisë me këtë çështje? Këto janë historitë. Këto janë ndarjet parimore”.

Ai tha se shërbimet e huaja i kanë kërkuar në fakt Ramës shkarkimin e ministrit të Brendshëm, Saimir Tahirit dhe jo shkarkimin e tij.

“Në fakt, shërbimet e huaja, që kanë prova për lidhjet e Policisë me krimin, i kanë kërkuar Ramës që të shkarkojë Tahirin. Por ja që më shkarkuan mua”, tha Manjani në konferencën për mediat në orën 13:00.

*****

Akuzat “bombë” të  Ylli Manjanit për Edvin Kristaq Ramën dhe Qeverinë e tij

Ministri i shkarkuar i Drejtësisë, Ylli Manjani ka hedhur akuza të forta ndaj kryeministri Edi Rama në lidhje me qeverinë që ai drejton. Në një konferencë për median, Manjani ka treguar të gjitha ato që ndodhin në qeveri, në mbledhjet e qeverisë së Edi Ramës nuk duhet të flitet.

Ja deklaratat më të forta të Manjanit:

“Kjo qeveri kështu u katandis…merr vendime dhe firmos letra pa u mbledhur”

“Mbledhjet e qeverisë janë jokushtetuese…”

“Kjo qeveri është e kapur…”

“Shërbimet partnere i kanë kërkuar shkarkimin e Ministrit të Brendshëm…”

“Mbledhje Qeverie nuk bëhen…”

“Rama telefonon gjyqtarët për të futur në burg një katundar…”

“Rama më shkarkon se flisja pa leje….”

“Ndërkohë që Dosja Balili asociohej me mua, ministra të qeverisë flinin me dashnoret tek Santa Quaranta…”

“Prokurorët ndiqen nga trupa speciale policie…”

“Balili nuk është arrestuar sepse policët flenë në Santa Quaranta”.

“Llokma e madhe e korrupsionit ndahet në qeveri, në gjykata ndahen bakshishet…”

Klement Balili shkarkon Ylli Manjanin

15 orë më parë kishte shkruar se Ylli Manjani do të shkarkohej nga detyra, për arsyen se kishte denoncuar “Escobarin e Ballkanit”, Klemend Balili.

Bëhet fjalë për ish-kryeministrin Sali Berisha i cili e ka postuar këtë fakt në faqen e tij në Facebook.

Ja çfarë shkruante para 15 orësh, ish-kryeministri Berisha:

Fiton Eskobari!

Të dashur miq, mediat njoftojnë se Rama, në vend te arrstimit te Balilit vendosi shkarkimin e Ministrit të Drejtësisë, Ylli Manjani si një akt hakmarrje për denoncimin që Manjani i bëri publikisht mbrojtjes shumë mujore të Eskobarit nga Rama – Tahiri! sb