Lidhja Qytetare Shqiptaro Amerikane i bën thirrje Trumpit të lirojë ambasadorin Grenell nga detyrat në dialogun Kosovë-Serbi

Bordi i Lidhjes Shqiptaro Amerikane përmes një letre dërguar presidentit të Shteteve të Bashkuara të Amerikës, Donald Trump, i ka bërë thirrje që ta lirojë nga detyra, të dërguarin special të SHBA-ve për dialogun Kosovë-Serbi, Richard Grenell.

Në këtë letër numërohen disa arsye, sipas të cilave, Grenell nuk është personi i duhur për këtë post, ndër të cilat është edhe rënia e Qeverisë Kurti, e cila sipas tyre ka ndodhur si rezultat i “një lëvizjeje të paprecedentë të orkestruar nga disa anëtarë të elitës politike të Kosovës të përkushtuar për avancimin e interesave të tyre personale, në koordinim me të Dërguarin Special të Presidentit Trump për Negociatat e Paqes Serbi-Kosovë, Ambasadorin Richard Grenell”.


Sipas tyre “qasja e administratës së presidentit amerikan Donald  Trump ndaj konfliktit Kosovë-Serbi në thelb është e gabuar dhe prandaj është e destinuar të dështojë”.

Grenell, sipas tyre ka keqpërdorur rëndë procesin duke e ndjekur një zgjidhje të lehtë dhe të shpejtë, siç thonë ata duke i lehtësuar takimet e Presidentit të Serbisë,Aleksandër  Vuçiq dhe atij të Kosovës, Hashim Thaçi.

Ata po ashtu thonë se Grenell i ka dhënë një përkrahje të madhe liderit të Lidhjes Demokratike të Kosovës, Isa Mustafa për të rrëzuar Qeverinë Kurti, teksa shtojnë se është e qartë po ashtu se Grenell haptas ka marrë anën e Serbisë dhe se do t’i përmbushë kërkesat e Serbisë në dialogun me Kosovën.

“Ambasadori Grenell ka marrë haptas anën e Serbisë duke u përpjekur të akomodojë kërkesat e tyre shkatërruese. Ai nuk ka bërë asnjë presion ndaj Serbisë që të ndalojë fushatën e vet ndaj vendeve që e kanë njohur pavarësinë e Kosovës që ta çnjohin atë dhe të ndalojë marrjen e armëve nga Rusia. Njëkohësisht, Grenell ka bërë presion të madh mbi viktimën, Kosovën – duke e kërcënuar me ngrirjen e programeve të zhvillimit ekonomik të qeverisë së SHBA të Korporatës së Sfidës së Mijëvjeçarit në Kosovë dhe tërheqjen e trupave amerikane nëse Kosova nuk i heq tarifat për mallrat serbe pa parakushte”, thuhet në këtë letër.

Në fund të letrës ata deklarojnë se nuk mbështesin parti të veçanta politike, por politikanët që punojnë, dhe siç thonë ata populli ka votuar për ndryshim.

“Ne nuk mbështesim ndonjë parti të veçantë politike në Kosovë, Shqipëri, apo trojet e tjera shqiptare. Por ne i mbështesim ata politikanë që punojnë shumë për interesat kombëtare dhe njerëzit që ata përfaqësojnë. E njëjta gjë vlen edhe për qeverinë amerikane: Ne mbështesim ata liderë politikë që janë punëtorë, përfaqësues të ndërgjegjshëm dhe efektiv të popullit, dhe ne i hedhim poshtë ata që janë të shqetësuar vetëm për interesat e tyre personale dhe vazhdimin e pushtetit të tyre. Ne qëndrojmë me vendosmëri dhe krenari për çështjen kombëtare shqiptare dhe shpresojmë të avancojmë një të ardhme të suksesshme demokratike dhe ekonomike të Kosovës”, thuhet në letër.

Letra e plotë:

LIDHJA QYTETARE BËN THIRRJE PRESIDENTIT TRUMP QË TA LIROJË AMBASADORIN GRENELL NGA DETYRAT E TIJA SI I DËRGUARI SPECIAL PËR DIALOGUN KOSOVË-SERBI

Deklarata Publike nga Lidhja Qytetare Shqiptaro Amerikane

Prill 2020

Ne, anëtarët e Bordit të Lidhjes Qytetare Shqiptaro Amerikane, jemi shumë të shqetësuar për situatën e rrezikshme në Republikën e Kosovës pas rënies së qeverisë së Kryeministrit Albin Kurti të zgjedhur në mënyrë demokratike.

Rënia ishte si rezultat i një lëvizjeje të paprecedentë të orkestruar nga disa anëtarë të elitës politike të Kosovës të përkushtuar për avancimin e interesave të tyre personale, në koordinim me të Dërguarin Special të Presidentit Trump për Negociatat e Paqes Serbi-Kosovë, Ambasadorin Richard Grenell.

Lidhja Qytetare gjithmonë ka lobuar te qeveria e SHBA që në koordinim me Bashkimin Evropian të angazhohet plotësisht në gjetjen e një zgjidhjeje të drejtë dhe të qëndrueshme të konfliktit Kosovë-Serbi. Për keqardhjen tonë, Ambasadori Grenell ka keqpërdorë rëndë procesin duke e ndjekur një zgjidhje të lehtë dhe të shpejtë.

– Ai lehtësoi takimet midis Presidentit të Serbisë Aleksander Vuçiqit dhe Presidentit të Kosovës Hashim Thaçit. Vuçiqi është një shovinist me urrejtje të thellë ndaj popullit shqiptar. Gjatë kohës së luftës ai ishte Ministër i Informacionit i Millosheviqit dhe personi i favorizuar i ultra nacionalistit serb Vojisllav Sheshelit, i cili u dënua për krime kundër njerëzimit në Hagë. Ai kontrollon plotësisht institucionet e Serbisë dhe mban lidhje të ngushta me Moskën. Thaçi është një politikan të cilin nuk e don shumica e popullit të Kosovës dhe konsiderohet si një nga lojtarët kryesorë përgjegjës për shumicën e dështimeve të vendit gjatë njëzet viteve të fundit.

-Edhe pse Ambasadori Grenell e mohon atë, gjerësisht ka qenë e raportuar se këto negociata pas dyerve të mbyllura kanë qenë të përqendruara në ndryshimin e kufijve midis Kosovës dhe Serbisë për të krijuar shtete etnikisht të pastra, në kundërshtim me politikat e vendosura nga Amerika dhe Evropa që kufijtë janë të fiksuara dhe zgjidhjet politike duhet të gjenden brenda tyre. Ndryshimet e kufijve gjithmonë kanë sjellë gjakderdhje në Ballkan.

-Ambasadori Grenell ka marrë haptas anën e Serbisë duke u përpjekur të akomodojë kërkesat e tyre shkatërruese. Ai nuk ka bërë asnjë presion ndaj Serbisë që të ndalojë fushatën e vet ndaj vendeve që e kanë njohur pavarësinë e Kosovës që ta çnjohin atë dhe të ndalojë marrjen e armëve nga Rusia.

Njëkohësisht, Grenell ka bërë presion të madh mbi viktimën, Kosovën – duke e kërcënuar me ngrirjen e programeve të zhvillimit ekonomik të qeverisë së SHBA të Korporatës së Sfidës së Mijëvjeçarit në Kosovë dhe tërheqjen e trupave amerikane nëse Kosova nuk i heq tarifat për mallrat serbe pa parakushte.

Grenell ka këmbëngulur se do të arrihet një marrëveshje pasi Kosova dhe Serbia të rifillojnë dialogun, duke harruar që të gjithë e dinë se një marrëveshje midis aktorëve shumë të këqij — Vuçiqit dhe Thaçit — u negociua në verën e vitit 2018 në bisedimet e drejtuara nga shefja e atëhershme e politikës së jashtme të Bashkimit Evropian Federica Mogherini. Është mahnitëse të shohësh që Vuçiqi, Thaçi dhe Grenell e konsiderojnë popullin shqiptar të Kosovës si shumë të dobët dhe tepër naiv që të kuptojë se çfarë nënkupton “korrigjimi i kufijve”, “rregullimi” ose “demarkacioni”: ndarja e Kosovës dhe krijimi të Serbisë së Madhe. Pa dyshim, ndarja do të trimëronte si Serbinë ashtu edhe Rusinë dhe aspiratat e tyre hegjemone për dominim në Evropën Juglindore dhe hyrjen në detin Adriatik.

-Roli i Ambasadorit Grenell ishte i qartë duke e armatosur fort liderin e Lidhjes Demokratike të Kosovës (LDK) Isa Mustafa që të ndahet nga Vetëvendosja (LVV) me qëllim që të rrëzojë qeverinë e koalicionit LVV-LDK të shpresës dhe të ndryshimit, të udhëhequr nga dy politikanë më të mbështetur publikisht — Kryeministrit Albin Kurti dhe Kryetares së Kuvendit Vjosa Osmani, anëtare e LDK-së. Përveç Hashim Thaçit, Grenell ftoi Skender Hysenin, ish-Ministrin e Punëve të Jashtme dhe përfaqësuesin e gardës së vjetër të partisë së koalicionit të ri të LDK-së, për të dhënë udhëzime se si ta përfundojë këtë qëllim disa ditë para propozimit të votimit të mosbesimit më 25 Mars. Procesi i prishjes dhe destabilizimit të qeverisë së zgjedhur në mënyrë demokratike është në kundërshtim me vlerat amerikane, kundër vullnetit të popullit të Kosovës dhe kundër interesave strategjikë të Shteteve të Bashkuara. Ishte gjithashtu e turpshme sepse kjo ka ndodhur në një kohë kur Kosova, Amerika dhe e gjithë bota po luftojnë për të shpëtuar jetët derisa koronavirusi po përhapet. Shumica e përfaqësuesve evropianë kanë shprehur kundërshtimin e tyre ndaj ndërhyrjes politike të administratës Trump në Kosovë. Nëse Thaçi dhe bashkëpunëtorët e tij të inkurajuar nga Ambasadori Grenell përpiqen të marrin qeverinë pa zgjedhje të reja ose në kundërshtim me ndonjë dispozitë kushtetuese, trazirat dhe destabilizimi në Kosovë do të pasojnë dhe ka gjasa që Presidenti Trump do të fajësohet.

-Bazuar në shumë raporte, emërimi i Ambasadorit Grenell nga Presidenti Trump gjithashtu ka armiqësuar udhëheqësit e politikës së jashtme evropiane me Grenell me punën prapa skenave dhe me mos përfshirjen e aleatëve kryesorë evropianë në negociatat Kosovë-Serbi. Bashkimi Evropian është kundër çdo shkëmbimi territorial për arsye shumë të mira. Trazirat pasuese do të kenë ndikim të qëndrueshëm politik në Ballkan dhe potencialisht do të çojnë në paqëndrueshmëri në Evropë për dekada në vazhdim. Siç deklaruan Kurt Bassuener dhe Bodo Weber nga Këshilli i Politikës për Demokratizimin think tank me qendër në Berlin më 2 prill, një shkëmbim territorial, që do të thotë “ndarje e Kosovës”, nënkupton “një ndërprerje të papritur të politikës amerikane në Ballkan prej dy dekadave, duke hapur një çarje transatlantike të paparë sa i përket sigurisë evropiane që nga vitet 1992-1995 të luftës në Bosnje. “

Ne besojmë se qasja e administratës Trump ndaj konfliktit Kosovë-Serbi në thelb është e gabuar dhe prandaj është e destinuar të dështojë. Meqenëse Ambasadori Grenell ka humbur besueshmërinë e një ndërmjetësuesi të paanshëm, Lidhja Qytetare i bën thirrje Presidentit Trump që të largojë Ambasadorin Grenell nga detyrat e tij si i Dërguari Special për dialogun Kosovë-Serbi. Duke e ngarkuar një ekspert me njohuri mbi Ballkanin, Shtetet e Bashkuara mund dhe duhet të jenë në gjendje që të marrin rolin drejtues në zgjidhjen e konfliktit serbo-shqiptar një herë e përgjithmonë, natyrisht në bashkëpunim me Bashkimin Evropian për arritjen e marrëveshjes dhe zbatimin e saj. Lidhja Qytetare gjithashtu ka shqetësime serioze se i Dërguari i emëruar i Evropës për bisedimet Kosovë-Serbi, Mirosllav Lajçak, është zgjedhja e gabuar për këtë pozicion të rëndësishëm për shkak të lidhjeve të tij me Serbinë gjatë rolit të tij si përfaqësues special i Bashkimit Evropian në Bosnje-Hercegovinë midis viteve 2007 dhe 2009 dhe pasi është i ardhur nga Sllovakia, një nga pesë vendet anëtare të BE-së që ende nuk e ka njohur pavarësinë e Kosovës.

Një zgjidhje e përhershme e problemit Kosovë-Serbi është e vështirë, por është e mundur. Është thelbësore një njohje e ndërsjellë e kufijve ekzistues me garanci për mbrojtjen e të drejtës së barabartë politike dhe njerëzore për pakicat në Kosovë dhe Serbi. Por kjo mund të ndodhë vetëm kur Amerika dhe Bashkimi Evropian gjithashtu mbështesin një marrëveshje përfundimtare, gjithëpërfshirëse për normalizimin e marrëdhënieve ndërmjet Kosovës dhe Serbisë që fillon me pranimin se Serbia ka bllokuar çdo marrëveshje të propozuar që prej fillimit të “bisedimeve teknike” midis Beogradit dhe Prishtinës në vitin 2011. Siç deklaroi Shirley Cloyes DioGuardi në dëshminë e saj para Nën-komisionit të Dhomës për Evropën në vitin 2013, paqja dhe stabiliteti i qëndrueshëm “do të ndodhin vetëm kur Serbia të njehë sovranitetin e Kosovës dhe pranon Kosovën në institucionet ndërkombëtare, kur i jep të drejta të barabarta civile dhe njerëzore shqiptarëve në Luginën e Preshevës (në një nivel me të drejtat që aktualisht serbët në Kosovë i gëzojnë), heq dorë nga strukturat e saja paralele në veri të Kosovës dhe përqendrohet në zhvillimin ekonomik dhe politik të Serbisë. Sapo të ndodhë kjo, qeveria e Kosovës do të duhet të përqendrohet në vendosjen e një demokracie të vërtetë dhe sundimit të ligjit – diçka që ajo nuk ka arritur të bëjë sa duhet për shkak të mungesës së sovranitetit dhe korrupsionit prej shumë zyrtarëve të qeverisë së saj. “

Shpresa jonë është që ata politikanë që tashmë e kanë dëmtuar në mënyrë drastike Kosovën, të kuptojnë se kanë shkuar shumë larg. Pretendimi i tyre se ata janë pro-amerikan është qesharak, pasi gjithçka që ata kanë bërë në Kosovë për gati 20 vjet ka qenë antiamerikane dhe antishqiptare.

Shpresojmë gjithashtu që liderët e rinj të Kosovës, Albin Kurti, Vjosa Osmani dhe të tjerët si ata e kuptojnë rolin e tyre historik për ta nxjerrë Kosovën nga kjo situatë e tmerrshme. Si qeveri e përkohshme e Kosovës, ata duhet të përqendrohen në luftimin e korrupsionit, zhvillimin ekonomik dhe mirëqenien e qytetarëve të saj, përfshirë pakicat. Ata duhet të ndalojnë çdo bisedim nga kushdo që mund të dëmtojë pavarësinë, integritetin territorial, dhe sovranitetin e Republikës së Kosovës. Shpresojmë gjithashtu që qeveria nuk do ta minojë opozitën dhe në vend të kësaj do t’i ofrojë një vend në tryezë për t’u marrë me Serbinë dhe do të promovojë dhe avancojë trashëgiminë pro-amerikane dhe pro-evropiane.

Në zgjedhjet demokratike të 6 tetorit 2019, populli i Kosovës votoi për ndryshim pozitiv duke i dhënë Vetëvendosjes dhe LDK një mundësi të artë për të zbatuar ndryshimin. Votimi shënoi një pikë kthese në politikën e Kosovës. Ne besojmë se dashuria, respekti dhe admirimi i popullit shqiptar për Amerikën nuk do të humbet, pasi një shekull i duhej për t’u ndërtuar. Sidoqoftë, qëndrimi për të drejtat dhe lirinë e dikujt është gjithmonë gjëja e duhur për të bërë. Një Ambasador Amerikan dhe disa zyrtarë të një administrate nuk përfaqësojnë vlera të qëndrueshme Amerikane. Ata janë të gjithë përkohësisht në fuqi.

Ne duam të sigurojmë popullin e Kosovës që Lidhja Qytetare Shqiptaro Amerikane, e udhëhequr nga Joseph J. DioGuardi dhe Shirley Cloyes DioGuardi, si lobi i vetëm i regjistruar në Uashington, DC, do të vazhdojë të punojë shumë për të promovuar dhe mbrojtur të drejtat e ligjshme të popullit shqiptar, ashtu si ka bërë Lidhja Qytetare për tridhjetë vitet e fundit. Ne kemi arritur të ndryshojmë politikat e shumë administratave amerikane përmes punës sonë me drejtuesit e politikës së jashtme në Kongresin Amerikan, dhe ne do të vazhdojmë ta bëjmë këtë në mënyra të ndryshme dhe madje edhe më të forta para dhe pas përfundimit të pandemisë me koronavirus.

Ne nuk mbështesim ndonjë parti të veçantë politike në Kosovë, Shqipëri, apo trojet e tjera shqiptare. Por ne i mbështesim ata politikanë që punojnë shumë për interesat kombëtare dhe njerëzit që ata përfaqësojnë. E njëjta gjë vlen edhe për qeverinë amerikane: Ne mbështesim ata liderë politikë që janë punëtorë, përfaqësues të ndërgjegjshëm dhe efektiv të popullit, dhe ne i hedhim poshtë ata që janë të shqetësuar vetëm për interesat e tyre personale dhe vazhdimin e pushtetit të tyre. Ne qëndrojmë me vendosmëri dhe krenari për çështjen kombëtare shqiptare dhe shpresojmë të avancojmë një të ardhme të suksesshme demokratike dhe ekonomike të Kosovës.

Me respekt,

Bordi i Drejtorëve të Lidhjes Qytetare Shqiptaro Amerikane

Pro et Contra Liqenit të Ujmanit

Prof.dr.Muhamet Mustafa i reagon  presidentit serb Aleksandër Vuçiqit: 

Shteti serb nuk ka argumente të merr hise në Ujman

Ish-deputeti i Lidhjes Demokratike të Kosovë, Muhamet Mustafa i ka reaguar presidentit të Serbisë, Aleksandar Vuçiq lidhur me pretendimet se për fatin e Liqenit të Ujmanit do të flasin me përfaqësuesit evropian.

Mustafa në këtë reagim thotë se, shteti serb nuk ka asnjë argument që të marr hise në Ujman.


“Shteti Serb nuk ka asnjë argument (kushtetues, financiar, pronësor, politik, historik) që të pretendojë të bëhët hisenik i Ujmanit. Investimi në Ujman ka qenë krejtësisht i denjuar, udhëhequr, financuar dhe menaxhuar nga Qeveria e Kosovës, i financuar nga Buxheti i Kosovës dhe huat duke e përfshirë edhe kredinë nga Banka Botërore , përçaka garncionet burimore i ka dhënë Kuvendi Kosovës, nëpërmjet Bankës Popullore të Kosovës dhe Bankës se Bashkuar të Kosovës, nëpërmjet të të cilave edhe janë kthyer kreditë. Serbia nuk ka investuar asnjë cent nga buxheti i saj në Ujman”, shkruan Mustafa në Facebook.

Po ashtu, profesori universitar argumenton se, shpronësimi i tokave është bërë nga ana e Kosovës.

“Dihet se akumulimi ujor e mbulon një pjesë të vogël edhe të territorin e Serbisë, tek Ribarici. Po edhe tokat e shpronësuara për këtë arrëse janë shpronësuar me para të buxhetit të Kosovës dhe për këtë dokumentacioni duhet të jetë në Kuvendin e Komunës së Mitrovicës”, thotë Mustafa.

Në fund, ai kërkon nga institucionet e Kosovës që reagojnë me këto argumente.

“Mendoj se institucionet tona qeveritare duhet të reagojnë me këto argumente secilën herë që Vuçiq e te tjerë paraqiten me këto pretendime. Sepse pastaj mos te habitemi nëse këto blofe edhe krijojnë ndonjë efekt të pafavorshëm për ne”, përfundon ai.

Pavarësimi i Kosovës në energji nxit reagime në Serbi,presidenti serb Aleksandër  Vuçiqi: 

Nëse dikush mendon se ka ardhur koha që edhe fizikisht ta marr Ujmanin, i lus të mos e bëjnë një gjë të tillë


Pak ditë pasi Kosova e zyrtarizoi pavarësinë energjetike duke u pranuar në organizatën ndërkombëtare, kjo nuk i ka pëlqyer Qeverisë në Serbi e as kryetarit të këtij shteti.

Mediat në Serbi kanë publikuar lajmin se Kosova ka fituar pavarësinë energjetike. Por për këtë ka reaguar vet presidenti i këtij shteti Aleksandar Vuçiq, qeveria e të cilit pretendon se kanë “hise” në liqenin e Ujmanit, duke bërë thirrje që të mos tentohet që edhe fizikisht të vihet nën kontroll nga ana e shtetit të Kosovës kjo pjesë.

Ndryshe ditë më parë ministrja në detyrë e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike (MEPTINIS), Rozeta Hajdari, njoftoi se ka përfunduar procesi i votimit për marrëveshjen e re KOSTT-ENTSO-E, me të cilën sipas saj, Kosova fiton pavarësinë energjetike.

Këtë e kanë përshëndetur të gjithë liderët e partive politike në Kosovë e Shqipëri, por edhe shumë shtete që kanë ndihmuar Kosovën për t’u anëtarësuar si SHBA, Gjermania, e shumë shtete tjera të Bashkimit Evropian.

Më i zëshmi kundër kësaj ka qenë presidenti i Serbisë  Aleksandër Vuçiq, i cili ka deklaruar se do të diskutojë me përfaqësuesit evropianë për këtë.

Sipas presidentit serb, sot në Këshillin e Sigurimit të Kombeve të Bashkuara gjithashtu do të prezantohet raporti i UNMIK-ut sa i përket punës në Kosovë.

“Ne do të merremi me këtë. Do të diskutojë me përfaqësuesit evropianë. Nëse dikush mendon se ka ardhur koha që edhe fizikisht ta merr Valaçin dhe Ujmanin, i lus të mos e bëjnë një gjë të tillë”, ka deklaruarpresidentiserb Aleksandër  Vuçiq, raporton B92.

E për këtë ka reaguar edhe drejtori i të ashtuquajturës Zyra për Kosovën në Qeverinë e Serbisë, Marko Gjuriq, i cili tha se edhe këtë betejë do ta fitojnë, duke aluduar në Ujmanin.


“Ua kujtoj se kjo betejë do të fitohet ashtu siç ka ndodhur me zvogëlimin e numrit të vendeve që e kanë njohur Kosovën”, ka shtuar Gjuriq.

Dogana e Kosovës hapi homazhet për oficerin doganor dhe njëherë zyrtarin e parë shtetëror Kujtim Qafleshi që ndërrojë jetë si pasojë e COVID-19.

Ushtruesi i Detyrës së Drejtorit të Përgjithshëm, Ibrahim Xhaka hapi librin e homazheve.



“Humbja e Kujtimit në moshën 53 vjeçare na lë të mërzitur shumë, por njëkohësisht duhet të na motivojë që të arrijmë lartësitë e tij profesionale, të kemi përkushtimin e tij dhe njëheri të ndërtojmë një doganë profesionale për të cilën Kujtimi punoj aq shumë” theksoj Xhaka.

Gjithashtu sot të gjitha takimet e Doganë filluam me një minutë heshtje në nderim të zyrtari tonë

Kryeministri në detyrë, Albin Kurti sërish ka folur rreth çështjes së formimit të një qeverie të re nga ana e LDK-së.

Kryeministri në detyrë, Albin Kurti ka thënë se për një çështje që është përgjigjur tashmë nuk mund të thotë diçka të re.

Ai ka thënë se Avdullah Hoti do të jetë kryeministër i cili ia mbanë anën presidentit Hashim Thaçi.

“Presidenti po dëshiron të ketë një kryeministër të dobët i cili ia mbanë anën në intencën për të shpallur gjendje të jashtëzakonshme. Presidenti është zbrapsur nga kjo qeveri me të drejtë, tash dëshiron një kryeministër tjetër i cili nuk do të jetë kryeministër në mënyrë që ky ta plotësoj dëshirën e vet për të qenë më shumë se president sepse qartazi është i pakënaqur me kompetencat që ka”, ka thënë Kurti.

Albin Kurti ka ftuar presidentin Hashim  Thaçin që të del në zgjedhje dhe të kandidojë për kryeministër nëse nuk është i kënaqur me kompetencat që ka si president.

“Presidenti le të jep dorëheqje dhe të del në zgjedhje, e pastaj bëjmë disa debate. Nëse don më shumë kompetenca të garojë për kryeministër e jo ta keqpërdor ulësen e presidentit për shkak të etjeve të tij për pushtet”, ka thënë Kurti, duke shtuar se këto lojëra duhet të marrin fund.

Kryeministri në detyrë ka shtuar se ende nuk kanë një letër me nënshkrim nga ana e presidentit për ofertën që ia ka bërë partisë së dytë për krijimin e Qeverisë.

Ai shtoi se presidenti po vazhdon të shkelë Kushtetutën.


“Që bëhet fjalë për shkelje nuk ka dyshim. Letrën e parë pas mocionit ndaj Qeverisë,presidenti më ka dërguar letër më 2 prill 2020, me 22 prill 2020 më ka dërguar letër tjetër ku thotë se po refuzojmë të nominojmë kandidatin për formim të Qeverisë. Ku shkruan në Kushtetutë që duhet të pritet subjekti i parë 20 ditë, totalisht arbitrar. Ai duhet ta respektojë Kushtetutën ai nuk e shkruan Kushtetutën, kjo është njëra ndër shkeljet aq të shumta e të panumërta të tij”, u shpreh  Albin Kurti.

FLORIPRESS : BOTA, KORONAVIRUSI

Nga Flori Bruqi 

Mbi 750 mijë të shëruar nga COVID-19 në të gjithë botën

Sipas faqes së internetit "Worldometer" 750.864 persona në botë janë shëruar nga koronavirusi


Numri i personave të shëruar nga koronavirusi i ri (COVID-19) në të gjithë botën ka tejkaluar shifrën 750 mijë.

Sipas faqes së internetit "Worldometer", e cila përpilon të dhënat në lidhje me rastet dhe vdekjet e shënuara nga COVID-19, thuhet se 750.864 persona në botë janë shëruar nga koronavirusi.

Gjermania me 106.800, Spanja me 89.250, SHBA-ja me 85.922, Kina me 77.257, Irani me 64.843, Italia me 57.576, Franca me 42.088, Brazili me 26.573 dhe Zvicra me 20.600 janë vendet me numrin më të madh të rasteve të shëruara në botë.

Ndërsa në Turqi deri më tani janë shëruar 18.491 persona.

Në të gjithë botën, numri i rasteve me COVID-19 ka shkuar në 2.732.702 ndërsa 191.150 e kanë humbur jetën pas infektimit me sëmundjen. Ndërkohë, aktualisht ka mbi 1.7 milionë raste aktive që presin të shërohen.




Konfirmohen edhe 39 raste me coronavirus, shkon në 669 numri i të infektuarve në Kosovë


Instituti Kombëtar i Shëndetësisë Publike në Kosovë, ka njoftuar se  janë konfirmuar edhe 39 raste pozitive me coronavirus, duke çuar kështu në 669 numrin e personave të infektuar.

IKSHPK po ashtu ka njoftuar se sot janë shëruar edhe 21 persona.


Në njoftim thuhet se rastet pozitive janë raste kontakti, 26 raste nga komuna e Pejës (sipas vendbanimit: (15) raste Katund i ri dhe (11) raste Pejë), (9) raste me vendbanim në Prizren, (2) raste me vendbanim në Mitrovicën e Veriut dhe me nga (1) rast vendbanimet: Kërninë-Istog dhe Zveçan.

Gjithashtu, IKSHPK ka njoftuar se  ka ndërruar jetë edhe një person si pasojë e COVID-19.

Njoftimi i plotë i IKSHPK-së:

NJËZET E NJË TË SHËRUAR DHE TRIDHJETË E NËNTË RASTE ME COVID-19!

Sot më 23 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 255 mostra të marra nga Klinika Infektive, gjurmimi i kontakteve të rasteve në terren si dhe nga karantina në Qendrën studentore.

Me SARS-CoV-2, janë diagnostikuar gjithsej tridhjetë e nëntë (39) raste.


Rastet pozitive janë raste kontakti, njëzet e gjashtë (26) raste nga komuna e Pejës (sipas vendbanimit: pesëmbëdhjetë (15) raste Katund i ri dhe njëmbëdhjetë (11) raste Pejë), nëntë (9) raste me vendbanim në Prizren, dy (2) raste me vendbanim në Mitrovicën e Veriut dhe me nga një (1) rast vendbanimet: Kërninë-Istog dhe Zveçan.
Numri i madh i rasteve të konfirmuara sot në Pejë janë si pasojë e pjesëmarrjes në një ceremonial mortor më 6 prill 2020, përkundër masave të ndalimit të grumbullimit në masë të qytetarëve. Si pasojë e këtij veprimi deri më tani janë diagnostikuar 36 raste pozitive me COVID-19.

Më datë 23 prill 2020, nga Klinika Infektive është raportuar një (1) rast i vdekjes, i gjinisë mashkull me moshë 53 vjeç me vendbanim në Prizren dhe i konfirmuar me COVID-19 me datë 10.04.2020. Pacienti është hospitalizuar në Klinikën Infektive me datë 13.04.20 në gjendje të rënduar dhe në përkujdesje Intensive. Te i sëmuri gjatë ecurisë së sëmundjes janë zhvilluar ndërlikime si pasojë e COVID-19.

Sot më 23 prill 2020, janë shëruar edhe njëzet e një (21) pacientë, bazuar në rekomandimet e OBSH-së ku dy mostra rezultojnë negative me së paku një ditë distancë kohore. Numri i përgjithshëm i të shëruarve deri më sot është gjithsej njëqind e pesëdhjetë e nëntë (159) raste.

Nga data 08 shkurt deri më 23 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 5.627 mostra të dyshimta në virusin SARS-CoV-2 dhe prej tyre pozitive rezultojnë gjithsej gjashtëqind e gjashtëdhjetë e nëntë (669) raste, ndërsa gjithsej nëntëmbëdhjetë (19) raste kanë ndërruar jetë dhe të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.
Në nivel global, nga data 31 dhjetor 2019 deri më 23 prill 2020 sipas Worldometers, janë raportuar gjithsej 2.699.462 raste të COVID-19 dhe 188.930 raste të vdekjes.

Vërejtje nga Floripress: 

Theksojmë që Komuna e Deçanit nuk e ka asnjë rast më coronavirus.Pacijentja e konfirmuar nga Lëbusha tash e 20 vjet nuk jeton në Komunën e Deçanit ,por në Komunën e Gjakovës, por e njajta nuk e ka ndrruar vendbanimin në letërnjoftim.

Shqipëri, rritet në 678 numri i rasteve me COVID-19

Ministria e Shëndetësisë dhe Mbrojtjes Sociale, ka njoftuar se gjatë 24 orëve të fundit janë testuar 259 persona të dyshuar me COVID-19, ku nga rezultatet e testimeve janë konfirmuar 15 raste pozitive

Me konfirmimin e 15 rasteve të reja, në Shqipëri numri i rasteve me koronavirusin e ri (COVID-19) është rritur gjithsej në 678, përfshirë edhe 27 personat që kanë ndërruar jetë.

Ministria e Shëndetësisë dhe Mbrojtjes Sociale, ka njoftuar se gjatë 24 orëve të fundit janë testuar 259 persona të dyshuar me COVID-19, ku nga rezultatet e testimeve janë konfirmuar 15 raste pozitive.

“Deri në këto momente janë testuar 6,768 raste të dyshuara dhe prej tyre janë të konfirmuar pozitivë me COVID-19, 678 raste, rreth 10 për qind e totalit të rasteve të testuara. Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 394 ose 58.1 për qind e totalit të të prekurve”, thuhet në njoftimin e ministrisë.

Sipas ministrisë, aktualisht në Shqipëri 257 të prekur janë persona aktivë me COVID-19.

Në Shqipëri për shkak të COVID-19 është shpallur gjendja e fatkeqësisë natyrore, ndërsa vazhdojnë masat e shumta si mbyllja e institucioneve arsimore, ndalimi i hyrjeve me vendet fqinje për udhëtarët, pezullimi i fluturimeve me disa vende, pezullimi i transportit urban dhe i qarkullimit të automjeteve private dhe kufizimi i lëvizjes së qytetarëve.





Serbi, 7.276 persona të infektuar me COVID-19

Sekretari krahinor Zoran Gojkoviç në konferencën qendrore për gazetarë tha se në Serbi gjithsej janë testuar 51.324 persona dhe se koronavirusi është konfirmuar tek gjithsej 7.276 persona, ndërsa 3.477 persona janë në spital, prej tyre 96 janë në respirator.

Ai tha se 139 persona në Serbi kanë vdekur nga koronavirusi, ndërsa 1.063 persona janë shëruar. Gojkoviç shtoi se në Serbi që nga fillimi i pandemisë janë infektuar 622 punonjës shëndetësorë.

Covid 19 në Maqedoni 

Ministria e Shëndetësisë e Maqedonisë së Veriut informoi se sot Instituti i Shëndetit Publik ka regjistruar 29 pacientë të shëruar nga koronavirusi i ri (COVID-19), me çka numri i përgjithshëm i të shëruarve në vend është rritur në 301.
Në 24 orët e fundit në vend nuk është regjistruar asnjë rast i ri i vdekjes, ndërsa deri më tani nga COVID-19 kanë humbur jetën 56 persona.

Nga ministria informojnë se gjatë 24 orëve të fundit janë regjistruar 41 raste të reja me COVID-19, me çka numri i pacientëve të diagnostifikuar arrin në 1.300.

Gjatë 24 orëve të kaluara janë bërë 649 teste ndërsa deri më tani në vend janë kryer gjithsej 13.649 teste për COVID-19.

Sipas masave më të reja qeveritare për të kufizuar lëvizjen e qytetarëve në Maqedoninë e Veriut, ora policore çdo ditë pune, nga e hëna deri të premten, do të jetë nga ora 19:00 deri në 05:00 të mëngjesit.

Gjatë fundjavës, ora policore do të fillojë në orën 15:00 të së shtunës dhe do të zgjasë deri të hënën në orën 05:00.

Besimtarët  shqiptar ( të fesë islame  etj)  në Maqedoninë e Veriut po hyjnë në "heshtje" në muajin e Ramazanit për shkak të masave të ndërmarra kundër pandemisë së koronavirusit të ri (COVID-19)

Besimtarët përfunduan përgatitjet e tyre duke blerë gjërat esenciale për iftar dhe syfyr, kryesisht në kryeqytetin Shkup si dhe në mbarë vendin, ndërsa nuk do të mund të falen namazet ditore si dhe ato të teravive nëpër xhamitë për shkak të COVID-19.

Një banor i kryeqytetit, Selaettin Idriz, i cili kishte dalë në Bit Pazarin e njohur të Shkupit, për të blerë disa gjëra për Ramazan, në prononcimin për AA tha se që 50 vite është esnaf në Çarshinë e Vjetër të Shkupit.

"Ramazani do të kalojë pak me pikëllim. Xhamitë e Shkupit fatkeqësisht janë mbyllur", tha ai.

Një ensaf tjetër, i cili që 20 vite punon në Bit Pazar, Nazim Murati, tha se sot për shkak të Ramazanit ka pasur lëvizje në pazar.

"Inshallah me të mira vjen, e kalon me të mira. Inshallah edhe korona hiqet, lirohemi prej kësaj situate", u shpreh Murati.

Banori tjetër i Shkupit, Abdulkadir Kurtish tha se për shkak të COVID-19 të moshuarit nuk kanë mundësi të shkojnë shpesh në pazar.

"Ramazani është shumë i mirë, por edhe xhamitë të ishin hapur do ishte më mirë", tha ai.

Ndërkohë, nga xhamia e Murat Pashës, ka filluar para namazit të drekës leximi i mukabeles (leximi i Kur'anit), e cila me anë altoparlantit është transmetuar edhe jashtë xhamisë.

Në një njoftim nga BFI-ja, thuhet se për çdo ditë gjatë muajit të Ramazanit në xhami do të qëndrojnë imami, muezini, kryetari i Mexhlisit të xhamisë apo njëri nga anëtarët e Mexhlisit, me qëllim për të qenë në "lidhshmëri të përhershme" me besimtarët.

"Gjatë muajit të Ramazanit në çdo kohë të namazit të thirret ezani, ndërkaq pas namazit të drekës të lexohet mukabele, mundësisht ajo të dëgjohet edhe jashtë xhamisë", theksojnë nga BFI.

Ndërkohë xhamitë dhe oborret e tyre u pastruan për shkak të Ramazanit.

KORONAVIRUSI  COVID -19 NË SUEDI 

Suedia kërcënoi se do të mbyllë baret dhe restorantet që nuk ndjekin rekomandimet për distancën në shoqëri të rekomanduar nga autoritetet e shëndetit publik

"Ne shohim raporte shqetësuese për ngrënie të shumta në natyrë dhe turma me njerëz. Më lejoni të jem jashtëzakonisht i qartë. Nuk dua të shoh ndonjë restorant të hapur të mbushur me njerëz në Stokholm ose diku tjetër", tha ministri i Brendshëm suedez, Mikael Damberg në një konferencë për media.

Qeveria suedeze sot u kërkoi 290 komunave të vendit të raportojnë se si dhe sa ndjekin restorantet dhe kafenetë këshillat e Autoritetit të Shëndetit Publik.

"Këto udhëzime duhet të ndiqen, përndryshe ato do të mbyllen", tha Damberg.

Në fillim të kësaj jave, kryeministri suedez Stefan Lofven tha se "nuk është numri i orëve me diell apo temperatura që vendos nëse do të dëgjohen këshillat e autoriteteve apo jo".

"Mos mendoni për asnjë moment që kemi kaluar këtë krizë", tha ai në një konferencë për media.

Suedia është përcaktuar për politika relativisht liberale për të luftuar pandeminë e koronavirusit të ri (COVID-19).

KORONAVIRUSI  COVID -19 , NË TURQI 

Turqia konfirmoi 115 viktima të tjera nga koronavirusi i ri (COVID-19) gjatë 24 orëve të kaluara, duke e çuar numrin e përgjithshëm të vdekjeve në 4.941

Numri i përgjithshëm i rasteve të regjistruara me COVID-19 në Turqi u rrit në 101.790, pasi 3.116 persona kanë rezultuar pozitivë në virusin në 24 orët e fundit, tha Ministria turke e Shëndetësisë në Twitter.

Ndërkaq, me 2.014 të shëruar në 24 orët e fundit, numri i pacientëve që e kanë mposhtur koronavirusin në Turqi shkoi në 18.491.

Gjithsej 40.962 teste janë kryer gjatë 24 orëve të kaluara në vend, me çka numri i përgjithshëm i testeve të kryera deri më tani arrin në 791.906.

"Sot ne jemi në një gjendje më të mirë se dje. Ne arritëm në këtë pikë me një total prej 791.906 testesh, prej të cilëve asnjëri nuk është bërë rastësisht", tha ministri i Shëndetësisë Fahrettin Koca.

Numri i të vdekurve nga koronavirusi i ri (COVID-19) në Izrael është rritur në 193, pasi dy pesona të tjerë vdiqën në 24 orët e fundit.

Ministria izraelite e Shëndetësisë njoftoi se 79 raste të reja të koronavirusit u raportuan në vend, duke e çuar numrin e përgjithshëm të të infektuarve në 14.882.

Në Izrael, të paktën 5.685 pacientë janë shëruar nga koronavirusi.

Qeveria ka ndërmarrë disa masa për të penguar përhapjen e koronavirusit, përfshirë mbylljen e të gjitha institucioneve arsimore dhe ndalimin e grumbullimit të më shumë se dy personave.

Të gjitha biznet, duke përjashtuar supermarketet, farmacitë, stacionet e karburantit dhe bankat, janë mbyllur që nga 15 marsi.

Tel Avivi po ashtu ndaloi hyrjen e shtetasvet të huaj, përveç atyre me rezidencë izraelite.

Pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizata Botërore e Shëdnetësisë (OBSH) shpërthimin e ka shpallur një pandemi globale.

Sipas të dhënave nga Universiteti John Hopkins me qendër në SHBA, numri i të infektuarve nga COVID-19 ka tejkaluar shifrën 2.7 milionë, me mbi 190 mijë të vdekur dhe mbi 740 mijë të shëruar.

Kina mbyll kalimin kufitar me Mianmarin në mes luftës kundër COVID-19

Transmetuesi shtetëror CCTV tha se automjetet, një shkollë dhe ndërtesa të tjera në provincën Yunnan u dëmtuan nga plumbat, zjarri i artilerisë dhe flakët nga një pikë karburanti që shpërtheu në 
Kina mbyll kalimin kufitar me Mianmarin në mes luftës kundër COVID-19



Kina ka mbyllur një vendkalim kufitar me Mianmarin pas luftimeve në atë vend.

Transmetuesi shtetëror CCTV tha se automjetet, një shkollë dhe ndërtesa të tjera në provincën Yunnan u dëmtuan nga plumbat, zjarri i artilerisë dhe flakët nga një pikë karburanti që shpërtheu në Mianmar.

CCTV raportoi se nuk janë regjistruar vdekje apo plagosje në qytetin kinez Jiegao, por se situata brenda Mianmarit ishte e paqartë.

Grupe të ndryshme rebele etnike të bazuara përgjatë kufirit të të dy vendeve po luftojnë ushtrinë e Mianmarit përderisa kërkojnë autonomi nga qeveria qendrore. Luftimet kanë shkaktuar vdekje të rastësishme në Kinë, kanë nxitur krimin ndërkufitar dhe kanë shkaktuar ikjen e përkohshme të refugjatëve në Kinë, ku shumë ndajnë lidhje etnike, gjuhësore dhe familjare.

Kina ka lidhje të gjata me udhëheqësit ushtarakë të Mianmarit, të cilët mbajnë mjaft pushtet pavarësisht reformave të fundit demokratike. Presidenti kinez, Xi Jinping, vizitoi Mianmarin në muajin janar, por në Mianmar vazhdon të mbetet aktive një rrymë e ndjenjës anti-kineze.

Ndikimi kinez, veçanërisht në rajonet veriore si Mandalay si dhe pakënaqësia lokale është ushqyer nga një fluks i popullsisë dhe ndonjëherë nga zbatim me duar të rënda të projekteve të mbështetura ng kinezët që drejtojnë ashpër mbi komunitetet lokale.

Për Kinën, Mianmari po ashtu ofron qasje në një rrugë importi të Oqeanit Indian për naftën dhe gazin e Gjirit Persik, si dhe është një urë drejt Azisë Juglindore dhe më gjerë për Nismën e Lidhjes dhe Rrugës së presidentit Xi për të ndërtuar një infrastrukturë që lidh Kinën me Evropën dhe Afrikën.

Ndërkohë, Kina shërben si një aleat për Mianmarin, duke i dhënë asaj një mbulim diplomatik pasi vendi përballet me një ndëshkim të gjerë për çështjet e të drejtave të njeriut, përfshirë trajtimin me muslimanëve Rohingya.

Rusi, vazhdon të rritet numri i rasteve me COVID-19

Në 24 orët e fundit në Rusi janë regjistruar 5.489 raste të reja të infektimeve dhe 60 raste të reja të vdekjeve


Autoritetet shëndetësore ruse kanë konfirmuar 5.849 raste të reja të koronavirusit të ri (COVID-19), prej të cilëve, 2.697 janë diagnostikuar përmes testimit pasi pacientët nuk kishin simptoma.

Gjithsej 68.622 njerëz në Rusi janë infektuar me COVID-19, që është përhapur në të gjitha 85 rajonet e vendit.

Në 24 orët e fundit në Rusi kanë humbur jetën 60 persona nga COVIDf-19, ndërsa numri i vdekjeve u rrit në 615.

Gjithsej janë shëruar 5.568 persona ndërsa rreth 50 të tjerë po trajtohen në spitale.

Kryeqyteti Moska mbetet zona më e goditur dhe kryetari i saj Sergey Sobyanin tha se qyteti nuk është as në gjysmën e rrugës për të kapërcyer pandeminë.

Pas shfaqjes në Wuhan të Kinës, dhjetorin e kaluar, COVID-19 është përhapur në mbarë botën me Evropën dhe SHBA-të që janë rajonet më të goditura.

Sipas të dhënave të përpiluara nga Universiteti "Johns Hopkins" me qendër në SHBA, rastet në të gjithë botën kanë tejkaluar shifrën 2,71 milionë me më shumë se 190 mijë vdekje dhe mbi 743 mijë të shëruar nga virusi.

Në vendet arabe rritet numri i të vdekurve si pasojë e COVID-19




Si pasojë e koronavirusit në Algjeri kanë vdekur 407 persona, 287 në Egjipt, 83 në Irak, 16 në Somali, 9 në Oman, 8 në Bahrein dhe 7 në Jordani

Në vendet arabe është duke u rritur numri i të vdekurve si pasojë e koronavirusit të ri (COVID-19) ndërsa po rritet edhe numri i rasteve me infektim.

Si pasojë e koronavirusit në 

 407 persona kanë vdekur në Algjeri 

287 persona kanë vdekur në Egjipt, 

83 persona kanë vdekur në Irak, 

16 persona kanë vdekur në Somali, 

9  persona kanë vdekur në Oman,

8 persona kanë vdekur në Bahrein dhe 

7  persona kanë vdekurnë Jordani.

Në Oman pozitiv ndaj koronavirusit janë 1.716 persona,

 në Algjeri pozitiv ndaj koronavirusit janë 3.007 ,

në Irak pozitiv ndaj koronavirusit janë 1.677 ,

në Egjipt pozitiv ndaj koronavirusit janë 3.891  , 

në Somali pozitiv ndaj koronavirusit janë 328 , 

në Jordani pozitiv ndaj koronavirusit janë 435 ,

në Bahrein pozitiv ndaj koronavirusit janë 2.217 dhe

në Tunizi pozitiv ndaj koronavirusit janë 918 .

Ministria e Shëndetësisë së Omanit theksoi se në 24 orët e fundit regjistroi një vdekje, duke e çuar totalin në 9.

Sipas Ministrisë algjeriane të Shëndetësisë, 5 të tjerë kanë vdekur në këtë vend, duke e çuar totalin në 407.

Si pasojë e koronavirusit në Irak kanë vdekur 83 persona, ndërsa në Egjipt me 11 viktimat e fundit numri i të vdekurve është rritur në 287.



Spanjë, me 367 vdekje të reja në 24 orët e fundit rritet në 22.524 numri i vdekjeve nga COVID-19

Koreja e Jugut duke filluar nga java e ardhshme do t'u vendosë shirita elektronikë personave që injorojnë urdhrat e karantinës në shtëpi, duke përdorur teknologjinë e fundit të ndjekjes për të kontrolluar shpërthimin e koronavirusit (COVID-19).

Zëvendësministri i Shëndetësisë, Kim Gang-lip sot deklaroi se ata që refuzojnë të vendosin shiritin elektronik do të dërgohen në strehimore, ku do t'u kërkohet të paguajnë për akomodimin.

Zyrtarët thanë se rreth 46.300 persona aktualisht janë nën karantinë. Numri u rrit ndjeshëm pasi qeveria filloi të zbatojë karantinë 14-ditore për të gjithë pasagjerët që vijnë nga jashtë nga 1 prilli në mes të përkeqësimeve të përhapjes së virusit në Evropë dhe SHBA.

Megjithëse individëve të karantinuar u kërkohet të shkarkojnë një aplikacion ndjekjeje që paralajmëron autoritetet nëse largohen nga shtëpitë e tyre, disa prej tyre janë kapur duke dalë jashtë dhe duke lënë telefonat e tyre brenda.

Shiritat e dorës do të komunikojnë me aplikacionet e telefonit përmes 'Bluetooth' dhe do të alarmojnë autoritetet në rast se njerëzit largohen nga shtëpia ose përpiqen të heqin shiritat elektronikë.

"Mjekësia japoneze përballet me sfida të rënda në luftën kundër COVID-19"

Ekspertët mjekësorë thonë se qendrat e urgjencës në Japoni janë pranë kolapsit nën barrën e COVID-

Mjekësia japoneze e urgjencës ka filluar të shembet mes mungesës së rëndë të mjeteve mbrojtëse dhe kutive të testimit që mund të identifikojnë shpejt pacientët e infektuar me koronavirusin e ri (COVID-19).

Kjo i ka vendosur profesionistët mjekësorë në rrezik nga infeksioni, gjë që ka shkaktuar refuzimin e tyre për të trajtuar pacientët e dyshuar me COVID-19, madje edhe të tjerët që vuajnë nga sulme në zemër dhe lëndime të jashtme, thanë sot përfaqësuesit e mjekësisë akute.

"Numri i kufizuar i qendrave të përparuara dhe emergjencave është i mbingarkuar me pacientët në rritje dhe me rrezikun e infeksioneve nga koronavirusi sepse shumë spitale të tjera gjithnjë e më shumë po largojnë pacientët e dyshuar", tha Takeshi Shimazu, kreu i Shoqatës Japoneze për Mjekësinë Akute dhe Tetsuya Sakamoto, i cili kryeson Shoqatën Japoneze për Mjekësinë e Urgjencës, në një konferencë të përbashkët për media.

"Ne nuk mund të operojmë më në mënyrë normale dhe në këtë kontekst them se kolapsi i mjekësisë urgjente tashmë ka filluar. Unë më shumë jam i shqetësuar për kolapsin e kujdesit shëndetësor për pacientët me sëmundje kritike", tha Shimazu.

Japonia fillimisht dukej se kishte vënë në kontroll shpërthimin duke grumbulluar të infektuarit në vende specifike, por përhapja e virusit ka tejkaluar këtë qasje dhe shumica e rasteve të reja janë të pamundura të kontrollohen.

Ekspertët thonë se është koha për të shtuar testimet për të vlerësuar se sa është përhapur infeksioni. Disa ekspertë thonë se infeksionet në Japoni tashmë janë shumë më tepër sesa numri i rasteve të publikuara nga qeveria.

Japonia ka rreth 12.400 raste dhe më shumë se 300 vdekje, tregojnë shifrat e Ministrisë së Shëndetësisë.

(AGJENCIONI "FLORIPRESS", 24.04.2020)

Një studim i kryer nga Universiteti Huachong i Shkencës dhe Teknologjisë në Wuhan paralajmëroi dy simptoma të reja dhe të buta që mund të jenë një shenjë e coronavirusit.

Një studim i kryer nga Universiteti Huachong i Shkencës dhe Teknologjisë në Wuhan paralajmëroi dy simptoma të reja dhe të buta që mund të jenë një shenjë e coronavirusit SARS-CoV-2.

Studiuesit vëzhguan 214 pacientë me Covid-19 dhe u përqendruan në simptomat fillestare të sëmundjes.


Rezultatet treguan se rreth 36 për qind pësuan një lloj simptomash neurologjike përfshirë dhimbje koke dhe marramendje.

Dhimbje muskulore si dhe tension nervor janë raportuar gjithashtu në disa pacientë.

Në disa raste, këto simptoma janë përshkruar përveç simptomave të frymëmarrjes që përfshijnë kollë dhe ethe, ndërsa në raste të tjera pacientët përjetuan vetëm simptoma neurologjike.

“Disa pacientë pa simptoma karakteristike (ethe, kollë dhe diarre) erdhën në spital vetëm me manifestime neurologjike”, tha drejtuesi i kërkimit Dr. Ling Mao nga Universiteti Huachong i Shkencës dhe Teknologjisë në Wuhan 

“Prandaj, ne duhet t’i kushtojmë vëmendje të veçantë manifestimeve neurologjike për pacientët me COVID-19, veçanërisht ato me infeksione të rënda sepse ato mund të kenë kontribuar në vdekjen e tyre”, shtoi Dr. Ling Mao.

Një numër simptomash të tjera janë raportuar gjithashtu javët e fundit, përfshirë dhimbje testikulare dhe një ndjesi të pazakontë si “ndjesi shpimi gjilpërash ose rrjedhjeje” në lëkurë.

(Studimi u botua në revistën JAMA Neurology)

***

Administrata e qytetit Wuhan në rajonin Hubei, lidhur me numrin e vdekjeve nga COVID-19 të deklaruar më parë si 2.579 i ka shtuar edhe 1.290 vdekje të tjera duke e prditësuar numrin e vdekjeve në gjithsej 3.869

Kina përditëson shifrat, shtohen 1.290 vdekje nga COVID-19 në Wuhan


Është rritur në 3.869 numri i të vdekurve në Wuhan në rajonin Hubei të Kinës si pasojë e koronavirusit të ri (COVID-19), transmeton Anadolu Agency (AA).

Sipas lajmit të agjencisë Xinhua, administrata e qytetit Wuhan në rajonin Hubei, lidhur me numrin e vdekjeve nga COVID-19 të deklaruar më parë si 2.579 i ka shtuar edhe 1.290 vdekje të tjera duke e përditësuar numrin e vdekjeve në gjithsej 3.869.

Ndërkohë numri i rasteve në Wuhan me 325 raste të reja të shtuara ka arritur në 50.333, thuhet në deklaratë. Më tej theksohet se këto të dhëna të ndryshme janë shkaktuar nga fakti se nuk janë regjistruar të sëmurët që kanë vdekur në shtëpi, për shkak të personelit të pamjaftueshëm shëndetësor, raportimit të gabuar si dhe nga mungesa e koordinimit ndërinstitucional.

Në deklaratë thuhet se çdo jetë e humbur në pandemi është dhimbje e një familjeje dhe u shprehen ngushëllime familjeve që kanë pasur humbje jetësh.

Mauro Morandi është banori i vetëm i ishullit të bukur të Mesdheut, në Budelli...

Tash e 30 vite, Mauro Morandi është banori i vetëm i ishullit të bukur të Mesdheut. Një pjesë të madhe të jetës e ka kaluar i vetmuar dhe i zhytur në mendime, e di mirë se si është të jetohet në izolim, që tani po e aplikon bota në luftën kundër coronavirusit.

Morandi, një ish-mësues, kishte mbërritur në ishullin Budelli jo larg Sardenjas krejt rastësisht, kur deshi të notojë nga Italia në Polinezi 31 vite më parë.

Ai ra në dashuri në natyrën e paprekur dhe ujin e kristaltë, kështu vendosi të qëndrojë aty. Edhe sot e kësaj dite është i vetmi banor, tani që ka mbushur 81-vjet me të drejtë e quajnë Robinson Cruzo i Italisë.

Budelli është pjesë e parkut nacional të arkipelagut Madalen, dhe një nga shtatë “motrat” e ishujve që e bëjnë këtë pjesë të Italisë në Sardenja tepër të bukur. “Motrat tjera të arkipelagut janë Madalena, Kaprrera, Santo Stefano, Santa Maria dhe Racoli. Plazhi më i bukur në arkipelag gjendet pikërisht në këtë ishull të cilin Mauro e ka përzgjedhur si shtëpinë e tij.

Çdo natë Morandi flenë në shtëpizën e ndërtuar prej gurit të vjetër, kurse shpesh flet me zogjtë që vazhdimisht e vizitojnë. Pavarësisht të gjithave, ai ka arritur të informohet edhe për atë se çfarë po ndodh nëpër botë për shkak të pandemisë së coronavirusit. E pikërisht kjo e ka bërë ta kuptojë se është në vendin më të sigurtë në botë.

“Jam shumë mirë, nuk jam i frikësuar. Këtu po ndihem shumë i sigurtë. Ishulli ofron mbrojtje të mjaftueshme, askush nuk ndalet, nuk e kam parë as edhe një anije”, ka deklaruar ai për CNN.

Megjithatë është i brengosur për familjarët dhe miqtë për të cilët thotë se nuk e kanë të lehtë. E vetmja gjë që sipas tij ka ndryshuar, është që po i duhet të presë më shumë që t’ia sjellin ushqimin, por edhe ato pak vizita që i kishte nga turistët janë ndalur.


Me krenari e thotë se është vetëm, thith ajër të pastër, mbledh dru, përgatit i vetëm ushqimin por edhe publikon fotografi të bukura në Instagram, pasi që ka një telefon që është e vetmja lidhje me botën e jashtme.

“Nganjëherë mërzitem dhe për këtë e kaloj kohën duke fotografuar natyrën, kam mjaft ndjekës”, ka shtuar Morandi.

E të gjithë ata që sot janë në izolim për shkak të coronavirusit, i ka disa këshilla. Thotë se izolimi disa javor nuk është diçka për të cilin duhet brengosur – përkundrazi, sipas tij është një mënyrë e mirë për ta njohur më mirë veten.

.

Por, edhe pse është në Mesdhe, dimri shpesh është i ashpër – ku temperaturat bien dukshëm shumë.

“Disa muaj më duhet t’i kaloj i mbyllur në shtëpizë, kështu që nuk janë asgjë dy javë izolimi. Lexoj dhe mendoj mjaft shumë. Njerëzit i frikësohen leximit, sepse tani fillojnë të mendojnë për gjëra të ndryshme, e kjo mund të jetë e rrezikshme. Nëse nuk i merrni gjërat nga një kënd tjetër, ekziston mundësia që mos t’iu pëlqej jeta që e bëni”, ka shtuar ai.

E pasi që për 25 vite u përkujdes për Budellin, pastroi plazhin dhe largoi plastikën dhe mbetjet tjera që i lënin turistët, ai pati rastin të “njihet” me çdo gurë e bimë, kështu parku nacional mori vendim që t’ia zgjat qëndrimin në këtë ishull.

E për të qenë të sigurtë se do të mund të vazhdojë jetën në këtë plazh të cilën e njeh më mirë se kushdo tjetër, opinioni publik ka dalë në anën e tij duke mbledhur më shumë se 18 mijë nënshkrime, duke u bërë presion politikanëve lokale që me këtë peticion të hiqet dorë nga ideja e largimit të tij nga ishulli.


“Kurrë nuk do të largohem nga ishulli. Shpresoj që trupin do të ma djegin dhe hirin do ta hedhin në erë”, ka shtuar për fund Morandi.

CNN