Aleksandër Vuçiq e pranoi edhe zyrtarisht/ Pse po hesht bashkësia ndërkombëtare për Milan Radojçiqin?

Sipas analistit politik, Nexhat Haziri, deklarata e presidentit serb, Aleksandër Vuçiqi, se prapa maskave në veri qëndron Milan Radojçiq, tregon edhe zyrtarisht se Vuçiq qëndron prapa kriminelit Radojçiq, i cili është edhe në listën e zezë të Shteteve të Bashkuara të Amerikës.

“Deklarata e presidentit serb Vuçiq se prapa maskave në Mitrovicën e veriut ka qenë vet Milan Radojçiqi, tregon apo thënë më ndryshe është pranim zyrtar nga ana e Serbisë se ajo qëndron prapa incidenteve në veri të Kosovës edhe me financim por edhe me struktura paralele të cilat i drejton”, thotë Haziri, sipas të cilit, kjo deklaratë e Vuçiqit duhej të nxiste reagimin e bashkësisë ndërkombëtare.

“Natyrisht se kjo deklaratë do të duhej të nxiste reagime nga Ëashingtoni dhe Brukseli, por që edhe qeveria e jonë të mos heshte ndaj kësaj deklarate dhe të kërkonte që bashkësia ndërkombëtare t'i trajtonte seriozisht deklaratën dhe jo vetëm të presidentit serb Vuçiq por edhe të gjitha veprimeve që i bënë Serbia në këtë pjesë të vendit tonë”, shprehet Haziri për “Bota sot

Nexhat Haziri

“Dhe kjo nuk po bëhet nga qeveria e Kosovës edhe për shkak të raporteve jo të mira me faktorin ndërkombëtar në veçanti me atë amerikan”, shton Haziri.

Për fund, ai thotë se deklarata e Vuçiqit, tregon edhe njëherë së situata në veri nuk po shkon drejt përmirësimit.

“Ndërsa nëse Brukseli dhe Ëashingtoni vazhdojnë të heshtin përballë veprimeve të Serbisë ndaj Kosovës, në veçanti në pjesën veriore, të cilat i pranoi edhe zyrtarisht presidenti serb Vuçiq, atëherë nuk do të mund të flasim për një shtensionim të situatës atje dhe normalizim të raporteve mes dy shteteve, por do të kemi thellim të krizës dhe tensionim permanentë të situatës politike dhe të sigurisë”, përfundon për “Bota sot” analisti Nexhat Haziri.

DOSJET E PISTA TE UDB-se

 

https://www.xhafershatri.info/udhepershkrime/

21 Dhjetor, 2021

Shkruan:
Xhafer Shatri

1.

Prej perfundimit te Luftes, ne Kosove flitet vazhdimisht per lustrimin, pra per publikimin e dosjeve te sherbimeve sekrete te Jugosllavise, alias Serbise, te pakten 5 sosh, prej te cilave Kosova nuk e ka asnje (dosje) te vetme. Mund te kete aty ketu ndonje dokument qe e ka shmange ndonje person qe ka punuar ne keto sherbime, por kjo perfundon ketu. Te kerkosh hapjen e dosjeve qe nuk i ke, eshte e njejta gje sikur te llogaritesh ne fondet e Union des Banques Suisses, pa e pasur aty as nje qindarke ne xhirollogari. Per njerezit qe marrin vesh ne keto gjera eshte e qarte se dosjet e sherbimeve sekrete per shqiptaret kryesisht ndodhen ne Beograd.

Dhe, kur i analizon seriozisht paraLuften, Luften dhe pasLuften ne Kosove e sheh se ka shume gjera, veprime e mosveprime qe lidhen drejtperdrejt me dosjet e sherbimeve sekrete, sepse nuk ka shpjegim tjeter per sabotime jo te paketa, per perçarje zinxhir dhe konfrontime brendashqiptare me rreziqe serioze dhe, jo rastesisht, ne udhekryqe e momente vendimtare.

Ne keso rastesh shantazhi me dosjet, por edhe parate, kane luajtur nje rol rendesor ne demtimin e interesave tona strategjike.

Para Luftes nga vetje ne krye te institucioneve eshte sabotuar sistematikisht themelimi i sherbimit sekret. Dhe kjo ka pasur pasoja katastrofike ne perballjet tona me Serbine. Menjehere pas Luftes eshte themeluar nje lloj sherbimi, qe ka vepruar brenda strukturave te TMK-se si G 2 dhe brenda strukturave te PDK-se si SHIK. Keto kishin te njejten udheheqje dhe kryesisht jane marre me lufte politike, me vrasje, me shantazh dhe me kontrabande. Nje strukture te ngjashme e kishte edhe LDK, por nuk ishte as hija e tyre. Keta me shume merreshin me tendere dhe me intriga politike.

Mjerisht, ne keto struktura ka pasur edhe njerez te mire e atdhetare te devotshem qe jane keqperdorur nga kodoshe e kobashe te pandreqshem e te cilet, me kohen, e kapen shtetin per fyti, e plaçkiten dhe e bene çerpaze.

2.

AKI-ne e kane themeluar ata qe udheheqnin me SHIK-un dhe brenda saj kane futur edhe kuadro te thekur te kesaj organizate kriminale. Prandaj Veselinoviqi e Radojçiqi me falangat e tyre arriten ta kthejne Veriun e Kosoves ne Somali, ku ka çdo gje, por ligj jo. Per kete rrokopuje shtetrrenuese nje pergjegjesi te madhe ka edhe shteti shqiptar, qe ishte themelues i SHIK-ut dhe mesues shpirteror i tij.

Per me keq, ne ngjarjet antishqiptare te vitit 2004, Shiku luajti rol teper destruktiv, por pergjegjesi historike ka edhe shteti shqiptar dhe sherbimet e tij. Natyrisht se keto ngjarje i ka projektuar Serbia permes sherbimeve te saj inteligjente, ndersa shqiptaret e zinj ishin vetem argate te zellshem ne rrenimin e vendit dhe njollosjen e kombit tone.

Por nuk eshte çudi, sepse kryekapesi i shtetit, Hashim Thaçi e trajtonte Kosoven jo si shtet por si çiflik te vetin; ai e kishte prandaj bankierin personal, prokurorin personal, gjyqtarin personal, kryeagjentin personal, kryehetuesin personal, kryetarin personal te partise rivale, madje edhe udbashin personal.

Meqe eshte teme shqyrtimi, po permend nje rast tipik:

Ne tetor te vitit 1999, ne hotel Grand, e kam pare me syte e mi udbashin e njohur, Muharrem Dana, duke ndejtur e duke bere llaf e qejf me te dy kreret kryesore te Shikut. Ate dite, por edhe sot une mund t’i numeroj permendesh e pa e lodhur koken fare, se pakut, 50 djem nenash qe Muharrem Dana vetem brenda nje stine ua ka nxjerre mushknite per goje me qellim qe ata t’i pranonin veprat qe nuk i kishin bere. Dhe Muharrem Xhelati e dinte kete fort mire.

3.

Per shkak te dosjeve dhe sidomos te ketij mentaliteti cubash, perballja e Kosoves me sherbimet sekrete serbe, edhe 20 vjet pas Luftes, vazhdon te jete nje lufte e pabarabarte.

Mungesa e orientimeve politike per t’iu kundervene Serbise dhe veglave te saj me sukses e institucionalisht, sidomos ne rrafshin e sigurise, ka krijuar nje boshllek te tille qe sherbimeve sekrete serbe u krijon terren te pershtatshem veprimi.

Natyrisht se kjo pasqyrohet pastaj edhe ne sistemin e vlerave pa te cilin nuk mund te kete mur mbrojtes perballe ndotjeve te vazhdueshme qe mund te vijne edhe prej andej kah nuk e pret.

Ne mungese te ketij muri qe ndryshe quhet ndergjegje morale e vetedije kombetare, mund te perlloqen dhe te behen objekt i shpifjeve dhe propagandes antishqiptare te Serbise edhe personalitete te shquara te Levizjes Kombetare te Kosoves.

Nje shembull konkret qe flet shume: Bozhe Vukushiq dhe Vice Vukojeviq jane dy publiciste te njohur kroate qe kane kontribuar shume ne zbulimin dhe demaskimin e qindra krimeve te UDB-se e te KOS (sherbimi ushtarak i kunderzbulimit). Mirepo ata, ne librin e tyre “Djelovodnik sefova bosansko-hercegovacke Udbe 1970 – 1992” (Regjistri i shefave te UDB-se se Bosnje e Hercegovines 1972 – 1992), ne te cilin publikojne emrat e 6461 bashkepunetoreve te UDB-se ne Bosnje e Hercegovine, ne kundershtim me çdo kriter shkencor e moral, ne kete liste te zeze fusin edhe emrat e dy personaliteteve kyçe te Levizjes Kombetare te Kosoves; Rexhep Malajt dhe Skender Kastratit!

Autoret sigurisht qe nuk e njohin historine politike te Kosoves, prandaj edhe kane rene pre e manipulimit te UDB-se, e cila faktikisht gjithemone eshte udhehequr prej serbeve. Ne kete rast, ashiqare shihet se kemi te bejme me dokumente te falsifikuara e te arkivuar per qellime diabolike.

Meqe eshte fjala per dy personalitete te shquara qe i kam njohur mire, e ndiej per detyre, per detyre mbi çdo detyre tjeter, qe ta mbroj emrin e tyre te paster si loti dhe vepren e madhe sa bjeshka:

Rexhep Malaj, eshte shpallur me te drejt Hero i Kombit, sepse ishte njeri prej kryearçitekteve te organizimit ilegal dhe nder shqiptaret me te pathyeshem qe i ka linde nana ndonjehere; nderkaq, Skender Kastrati, ishte njeri prej te burgosurve politik me me autoritet, njeri i zoti, i ndershem e me integritet te jashtezakonshem.

Me nje fjale qe te dy jane personalitete krejt te veçante qe, si pak kush tjeter, personifikojne vertebralen dhe trurin e Levizjes Kombetare te Kosoves.

Se fjala eshte per nje falsfikim taman udbash, mund te deshifrohet fare lehte nga nje liber tjeter me teme te ngjashme e me autor Ivan Beshliq “Çuvari Jugoslavije – suradnici UDBe u Bosni i Hercegovini” (“Rojtaret e Jugosllavise, bashkepunetoret e UDB-se ne Bosnje e Hercegovine”, vellimi i III – te.

Ne kete liber, flitet gjeresisht edhe per 21 spiuj te UDB-se, por me kombesi shqiptare e qe kane vepruar ne Bosnje e Hercegovine. Disa prej ketyre spiuneve kane qene te burgosur per delikte te ndryshme, hajni, malverzime etj. Dhe jane vene ne sherbim te UDB-se per te spiunuar te burgosurit politike shqiptare qe vuanin denimet e gjata ne kete ish-Republike jugosllave.

 Ne librin e Ivan Beshliq, faktohet se Rexhep Malaj e Skender Kastrati por edhe te burgosur te tjere politike shqiptare, gjate vuajtjes se denimit ne Ndeshkimoren e Zenices, ishin te “mbeshtjellur” gjithandej me rrjetin e spiuneve ne burg, te cilet raportonin per çdo dite deri ne detaje per sjelljen, fjalet e madje edhe per gjestet me te imeta te qendresetareve shqiptare. Njeri prej tyre e kishte pseudonimin “Çakorri” dhe ishte hajdut i njohur nga Peja. Kete tip e kam njohur edhe une, sepse kam qene me te ne Burgun Hetues te Mitrovices, por kjo eshte nje histori tjeter.

4.

Hysen Terpeza, nje Burre Bese e Atdhetar i qashter, sa here fliste per çeshtje teper serioze, çohej ne kembe dhe perbetohej:

“Pasha gjakun e deshmoreve!”

Me shume te drejte, sepse Heronjte e Kombit pasqyrojne perpjekjet tona per liri, pasqyrojne sakrificat dhe kujtesen tone kolektive, pasqyrojne moralin, vetedijen, ndergjegjen tone…

Cenimi i personalitetit dhe figures se cilitdo prej Heronjve te Kombit eshte perbaltje dhe denigrim i historise tone dhe i çdonjerit prej nesh veç e veç.

Prandaj emri dhe veprat e Heronjve te Kombit, e njerezve qe pasqyrojne vlerat me sublime te nje populli, duhet te mbrohen institucionalisht e vendosmerisht.

Sepse duke mbrojtur imazhin e shenjte te Heronjve te Kombit dhe sakrificat e tyre ne mbrojme shtetin tone, lirine tone, mbrojme fytyren dhe te ardhmen e femijve tane.

SJELLJA SKANDALOZE E QEVERISË SË KOSOVËS NË VERI

Shkruan Xhafer Shatri 

Në fund të vitit të kaluar, pa folë për instiotucionet, çdo person i mirinformuar parashihte ashpërsimin e gjendjes në veri të Kosovës. Ky ishte interes i qartë dhe krejt i dukshëm i Serbisë.
Ndërkaq, për habinë e të gjithëve, organet e Kosovës, në vend që të jenë maksimalisht të kujdesshme dhe të mos bien në kurthin e tejdukshëm të Vuçiqit, e bënin të kundërtën. Ia bënin argatin Serbisë.
Menagjimi skandaloz i problemit të targave nga qeveria e Kosovës, prej fillimit, e sidomos në fund, kur u hodh poshtë, e me rrapëllimë, propozimi pajtues amerikan, çonte ujë drejtpërdrejt në mullirin e Vuçiqit.
Arrestimi i ish-funksionarit të policisë së Kosovës mu te Dogana në veri, ishte një akt jo vetëm i pamenduar por edhe krejtësisht joprofesional. Si mund të arrestohet kushdo qoftë, kur ata që arrestojnë nuk mund ta dërgojnë të pandehurin as në burg, por detyrohen ta mbajnë në lokale administrative, në kufi...?
Me këtë akt budallë organet e Kosovës i dhanë Vuçiqit shkasin për t'i vënë në veprim rreth 600 serbë të Kosovës që Serbia i kishte stërvitur paraprakisht në Rashkë, për diversione në Kosovë.
Vazhdimi dihet: barrikadat dhe futja e Kosovës, edhe me fajin e dukshëm të qeverisë së saj, në lajmet alarmuese të medieve botërore.
Siç e kanë pranuar edhe analistë serioz serbë, ushtarët e Vuçiqit nëpër barrikada, dhe jo vetëm ata, ishin të sigurtë se ky ishte grushti më serioz që i jipej integritetit territorial të Kosovës qe pas Luftës e këtej.
Në kulmin e krizës me barrikadat, Xhelal Sveçla, i dërgoi njësitë speciale të policisë 100 km larg veriut, në Hoçë, për të penalizuar një serb për shkak të prodhimit ilegal të verës. Ndërkohë që, në këtë rast, do të mjaftonte një nëpunës i administratës për të marrë informacionet dhe vendimet e nevojshme.
Me këtë veprim të rrezikshëm e të dyshimtë plotësohej mozaiku propandastik i Vuçiqit, i cili teatralisht derdhte lotë krokodili për gjoja rrezikimin kolektiv të serbëve në Kosovë.
Për habinë e çdo njeriu normal, për këto veprime të rrezikshme kundër Kosovës, askush nga institucionet e saj as nuk dha e as nuk kërkoj përgjegjësi.
Më 10 prill 2023, në orat e vona të natës, u përhap lajmi se një serb, shofer taksie, ishte plagosur me armë zjarri në veri. Menjëherë pastaj mediet serbe (jo ato shqiptare!!!), kërkuan sqarime nga policia për këtë rast. Dhe zyrtarët policor deklaruan se policia as nuk ka dijeni dhe as nuk ka dorë në këtë plagosje.
Pas disa orësh, Petar Petkoviq, povereniku i Serbisë për Kosovën, e akuzoi drejtpërdrejt policinë tonë për këtë akt. Organet e Kosovës heshtën si peshku.
Ambasadori amerikan në Prishtinë, si duket i informuar për implikimin e policisë në këtë plagosje, kërkoi me shumë mirësjellje nga organet e Kosovës që ta zbardhin këtë rast. Pra ata kryejnë detyrën e vet!
Çatipëve të Xhelal Sveçlës iu deshën 10 orë të zgjohen nga gjumi dhe ta konstatojnë një të vërtetë që e dinin edhe zogjtë: prapa plagosjes se taksistit serb qëndronte policia e Kosovës!
Përpjekja e Sveçlës për ta akuzuar taksistin e shkretë se nuk qenkësh ndalur, prandaj polici është detyruar ta ndalë me plumba, është një cinizëm i lig që Kosova nuk guxon as ta besojë e aq më pak ta përbijë.
Më sa po shihet në qeverinë e Kosovës janë dy rryma, njëra që po përpiqet seriozisht ta vendosë rendin dhe ligjin në veri dhe një tjetër që po e bën të kundërtën dhe, mjerisht, në emër të organeve të rendit.
 

Lajmet qLajmet që servir Rama dhe ajo që shohin shqiptarët

 

Nga Hysni Gurra - 

Këtë fushatë partia që qeveris vendin, prej 10 vitesh, lajmin e bën me mbjellje pemësh. Tamam si kryebashkiaku i Tiranës që të gjitha lajmet këto 8 vjet i ka me mbjellje pemësh, por në realitet mbijnë kulla.

Betoni ka mbuluar Tiranën.

Edhe pemët janë për të mbuluar problemin më të madh që ka Shqipëria, betonizimin jo vetëm në kryeqytet, por edhe në bregdet dhe në qytetet kryesore.

Problem tjetër i madh për shqiptarët është përballimi i jetesës. Kostoja e jetesës ka çuar shqiptarët në vitet ‘80-‘90, kequshqehen sepse nuk ia dalin të blejnë mish, djathë, bulmet, madje as qepë.

Veçanërisht vitet e fundit, kush jeton me rrogë, llogarit ditën e rrogës vetëm pak ditë pasi e ka marrë atë.

Çmimet e larta, inflacioni dhe mungesa e konkurrencës po e bëjnë jetën të papërballueshme.

Çfarë lajmesh prodhon Rama dhe qeveria e tij përballë këtij mjerimi?

-Premtime për rritje rrogash. Nuk ka ditë që nuk poston “njoftime” se sa e ka rrogën sot dhe sa do e ketë mot rrogëtari i shkretë, dhe këto “lajme” merren copy- paste nga rrjeti social i kryeministrit dhe shiten si “lajme” në televizonet kombëtare.

Si rrjedhojë e mjerimit, afërsisht 1 milionë shqiptarë kanë ikur nga sytë këmbët, por cili është lajmi që u servir qeveria? “Miliona turistë” po shijojnë pushimet në Shqipëri.

Por ironia nuk ka kufi me këtë qeveri.

Edhe pse janë 10 vite në qeveri, premtojnë sikur të jenë në opozitë.

Zotimi më flagrant u dëgjua dje, kur kryeministri tha se “nuk do të ketë tendera për ata ndërtues që nuk kanë kontrata pune dhe rroga të mira për punonjësit”.

Kush e ka penguar deri më tani të ndërmarrë një masë të tillë???

Premtojnë rritje rrogash, ujë 24 orë, gjelbërim dhe gjithçka, a thua se nuk janë këta që qeverisin prej një dekade?!

Për një gjë u duhet njohur merita: ja kalojnë edhe Nastradinit me nastradinllëqet, sidomos në fushatë elektorale.

Shqiptarët janë në hall se nuk përballojnë dot jetesën, por nuk janë budallenj- Nastradin Rama i merr për budallenj.

Dritan apo Abazoviq?

 

Nga Driton Lajçi - 

Sot Dritan Abazoviqi është një ndër figurat qendrore në Mali të Zi. Ardhja e tij në kreun e Qeverisë së Malit të Zi për shumëkënd ishte befasi për shkak të mbështetjes nga boshnjakët, malazezët, serbët dhe shqiptarët. 

A gaboi me trajtimin favorizues ndaj Kishës Ortodokse Serbe në Mal të Zi? Për këtë partia e Milo Gjukanoviqit kaloi mocionin e votëbesimit në parlamentin malazez ndaj qeverisë së udhëhequr nga mandatari Dritan Abazoviq dhe u caktua data e zgjedhjeve parlamentare. 

Kalkulimet e Gjukanoviqit, se duke goditur Dritan Abazoviqin dhe koalicionin e tij për raportet me Kishën Ortodokse Serbe në Mal të Zi dhe promovimin e orientimit te Milos si properëndimor, nuk “pinë ujë”, madje as te malazezët. Partia e Gjukanoviqit ka lënë gjurmë në Mal të Zi me vendime të guximshme, por këtë herë gaboi me kandidatin për president i cili nuk e kuptoi se koha e tij kishte ikur. 

Mos të presim nga Dritani se ai do të jetë patriot shqiptar që do të ecë sheshit të Podgoricës si Isa Boletini në Vlorë. Ai sot është udhëheqës popullor, karizmatik dhe gëzon simpati nga malazezët, serbët, boshnjakët dhe shqiptarët. Këto raste janë të rralla në Ballkan.

Qasja se është Dritan dhe patriot kur nderohet nga komuna e Prishtinës, ndërsa Abazoviq dhe tradhtar kur viziton dhe mirëpritet nga Patrikana e Pejës, është e gabueshme. Këtu duhet ta kemi peshoren në terezi. Mos ta kualifikojm apriori liderin popullor të Malit të Zi, Dritan Abazoviqin, si proserb. 

Prandaj është lajm i mirë që koalicioni i dominuar nga partitë pro serbe në Mal të Zi, tash edhe me presidentin e Malit të Zi, vazhdojnë të mbeten pro njohjes së pavarësisë së Kosovës. Kjo sigurisht se është meritë edhe e Dritan Abazoviqit.

Vizita e Dritanit në Kosovë ishte tregues i vullnetit të tij dhe orientimit miqësor që ka për Kosovën dhe Malin e Zi.
16.04.2023

Testi i drogës, i domosdoshëm për shumë politikanë në Kosovë

Nga Afrim Kasolli - 

Skandali "diplomatik" i Valdrin Sahitit megjithate ka hapur shumë dilema tjera. Ai nuk guxon të mbyllet. Por duhet të hetohet deri në fund. Sepse kemi të bëjmë me një person me shume lidhje politke.

Në ndejat e tij, siç dihet kanë marr pjesë shumë politikanë, sikur se presidentja Osmani, Krytari Krasniqi, nënkryetarja Çitaku,  e  ish ministrja e Puneve të Jashtme Haradinaj. Dhe nëse një "diplomat" që ka guximin të mbart substanca narkotike në aeroporte, kur dihet çfarë kontrrolli i rrept i sigurise ekziston, po kush mund t'a dijë se çka ka ndodhur në ndërkohë në atë ambient? Askush? Po ashtu lokali Zone Club eshte një lokal i familjes së tij. Dhe frekuentohet sidomos nga antarët e klanit politik Bon Vivant.

Madje ka qenë vetë deputetja e PDK-se Eliza Hoxha qe e ka potencuar se kryetari i kësaj partie e pëlqen jetën e natës. Çka nëse nëpër këto vende të sipërcekura kjo kastë politke për ta radikalizuar deri në fund pasionin e tyre hedonist konsumon edhe droga psikodelike që  t'i stimulojnë nevojat e tyre psikoaktive?. 

Sepse kemi të bëjmë me një shtresë që jeton me luksit material dhe mjerimit mendor dhe konceptual politik. Dhe kjo diskrepance, siç ka theksuar edhe Frencis Fukujama, sot është bërë një sfidë për rendin post-historik të post-njerezimit.

Prandaj,  që të mos ketë dilema, që qytetarët e Kosovës të jenë sigurt se disa prej politikanëve të tyre janë konform ligjit, eshtë e domosdoshme që asnjë seancë të mos filloje tash e tutje pa e kryer testin e drogës për disa prej politikanëve të parlamentit.

Shqipëria, republikë demokratike apo diktaturë e korrupsionit?!

SHKRUAR NGA SKËNDER KAPITI 

 Shqipëria, republikë demokratike apo diktaturë e korrupsionit?! Problemi më i madh dhe shqetësues për Shqipërinë dhe shqiptarët është dhe vazhdon të jetë korrupsioni, i cili është montuar dhe ka kapur gjithë sistemin dhe Republikën aq sa mund të thuhet se pas diktaturës ë komuniste në Shqipëri u ngrit dhe u instalua Diktatura e Korrupsionit. Pas zgjedhjeve të 14 Majit fillon e shembet regjimi i diktaturës së korrupsionit. 14 Maji 2023, beteja e fundit mes “non grata”-ve të tranzicionit, beteja e egër brenda politikës, oligarkëve, mediave dhe korrupsionit të “Trekëndëshit të Bermudës”përballë të cilëve është Partia Demokratike zyrtare. Pavarësisht se kush fitojnë, që tashmë dihet se janë ata të politikës së vjetër në aleancë me mediat dhe me paranë e korrupsionit, pra kushdo që të fitojë qoftë Rilindësit e Ramës apo Foltore-LSI-ja, dihet se kjo do jetë “fitorja” që do shënojë shumë shpejt dhe pashmangshmërisht fundosjen e tyre. Opinioni publik por edhe ai ndërkombëtar e di mirë tashmë të vërtetën dhe atë se çfarë zullumqarësh dhe se çfarë llumi e kanë qeverisur shtetin, demokracinë dhe shoqërinë shqiptare prej mëse 30 vitesh. E ardhmja e shpejtë në pushtet është PD institucionale dhe euroatlantike e cila ka misionin për demokracinë, shtetin ligjor,antikrimin dhe antikorrupsionin; e cila si parti është në një proces të thellë reflektimi, ndërgjegjësimi, organizimi dhe ringritje të madhe, kjo është shpresa për ndryshimin dhe për të ardhmen; është alternativa euroatlantike dhe partner i besueshëm i SHBA-ve. “Non grata” do të thotë person i padëshiruar dhe a nuk janë jo vetëm të padëshiruar por edhe të urryer të gjitha ata politikanë e shtetarë shqiptarë prej të cilëve shqiptarëve u kanë ardhur gjithë këto të këqija gjatë këtij tranzicioni dhe që janë të ekspozuar edhe sot akoma në politikë e pushtet. Termin Republikë të korrupsionit në këtë shkrim e përdor në kuptimin e asaj për ta moderuar realitetin pasi në fakt në Shqipëri ka një regjim të diktaturës së korrupsionit, kjo pasi gjithë politikën dhe institucionet në Shqipëri në këto vite tranzicion i ka vënë në funksionim dhe ka diktuar korrupsioni i lartë shtetëror, ai juridik dhe shoqëror, fuqia e të cilit ka qeverisur e sunduar gjithçka ne Shqipëri. Republikë do të thotë shtet që u shërben të gjithëve,por republika shqiptare është kapur, privatizuar dhe i shërben vetëm korrupsionit. SHBA, shteti tempull i demokracisë për të ndihmuar luftën në shkallë globale kundër korrupsionit ato me vendosmëri ua imponuan deputetëve të parlamentit shqiptar miratimin e Veting-ut në drejtësi, shpallën dhe pritet që të shpallin individë VIP të politikës të vendeve të tjera persona “non grata”. Pra, Departamenti Amerikan i Shtetit ka shpallur "non grata" ish-zyrtarë dhe zyrtarë të lartë, në mbarë botën për shkak të korrupsionit. SHBA nuk ka shpallur persona “non grata” për shkak të korrupsionit vetëm në Shqipëri. Shqiptarët duke qenë se janë shteti më proamerikan në botë për faktin se SHBA-të janë aleati strategjik dhe jetik i shqiptarëve dhe Shqipërisë, dhe prandaj shqiptarët duhet t’u janë mirënjohës SHBA-ve edhe për kontributin e jashtëzakonshëm të tyre në shtetndërtimin modern e ligjor si në ndihmën vendimtare në miratimin e Veting-ut ashtu edhe në shpalljen “non grata” për korrupsion të lartë shtetëror të individëve të ndryshëm pavarësisht se cilës politike e partie politike ata i përkasin, me qëllim për ta rrëzuar e çmontuar regjimin diktatorial të korrupsionit dhe për ta çliruar Republikën që Republika t’i kthehet demokracisë. Të gjithë shqiptarët dhe jo vetëm ata, por edhe ndërkombëtarët e dinë tashmë se çfarë pasojash të rënda i ka shkaktuar Shqipërisë dhe shqiptarëve korrupsioni në këto vite tranzicion. Tani më në fund kjo politikë që e ka mbajtur peng, në moszhvillim e në prapambetje Shqipërinë është ekspozuar dhe konsumuar tërësisht, pasi realisht kjo politika e vjetër që Lulzim Basha e ka quajtur me të drejtë “Trekëndëshi i Bermudës”, kjo politikë ka instaluar në Shqipëri “Diktaturën e Korrupsionit”, diktaturë e cila do konsumohet e degradohet përfundimisht në këtë muaj të fushatës elektorale të zgjedhjeve vendore të 14 Majit 2023 dhe që do të shembet pas kësaj date. Pra, kjo diktaturë korrupsioni pashmangshmërisht do të çmontohet dhe këtë si mision do e kryejë Partia Demokratike, e cila ka mbështetjen e SHBA-ve. Me 14 Maj 2023 është beteja e fundit e korrupsionit të non gratave, dhe non grata është e gjithë politika e vjetër dhe pas 14 Majit do fillojë të bjerë republika e korrupsionit.