FSK ka përmbyllur garën ndërkombëtare “Ushtari më i mirë 2023”

 

Ceremonia e përmbylljes së garës ndërkombëtare tradicionale “Ushtari më i mirë 2023” u mbajt të premten në kazermën e FSK-së `Skënderbeu` në Ferizaj.

Në një njoftim për media nga Forca e Sigurisë së Kosovës (FSK), thuhet se gara “Ushtari më i mirë 2023” është realizuar nga data 24-28.2023, me pjesëmarrjen e ekipeve partnere, FSK-së dhe vendeve të rajonit.

“Sot në ceremoninë përmbyllëse janë shpallur rezultatet e kësaj gare ku me këtë rast, OR3 Armend Neziri është shpallur ushtari më i mirë 2023 nga FSK-ja për vitin 2023 dhe pas tij u radhitën OR2 Sead Veseli dhe OR2 Arsim Jashari. Ndërsa, nënoficeri nga Kroacia OR4 Marijan Jelic, u shpall ushtari më i mirë ndërkombëtar, i përcjellë nga OR4 Marin Volarevic dhe OR4 Eugen Zoric gjithashtu nga Kroacia”, thuhet në njoftim.

Tutje vazhdon njoftimi se në ceremoninë përmbyllëse morën pjesë Komandanti i Komandës së Doktrinës dhe Stërvitjes gjeneral brigade Jeton Dreshaj, Komandanti i Gardës Kombëtare të Ioëas, gjeneral brigade Stephan Osborn, zëvendës komandanti i Gardës Kombëtare të FSK-së, Kolonel Skender Hoxha, oficer e nënoficerë të FSK-së, dhe të partnerëve ndërkombëtarë dhe të regjionit.

Në falën e tij gjeneral Dreshaj të pranishmit  i përshëndeti në emër të Komandantit të FSK-së, gjenerallejtënant Bashkim Jashari duke falënderuar secilin nga pjesëmarrësit në garën e ushtarit më të mirë 2023.

Me këtë rast gjeneral Dreshaj theksoi rëndësinë e garës dhe bashkëpunimit rajonal, aktivitetet e përbashkëta, konkurrenca në garën e ushtarit më të mirë, do të na forcoi dhe përgatit për integrimet në NATO.

“Sot dhe të ardhmen situata e sigurisë po bëhet më komplekse, prandaj  e vetmja rrugë për të u përballur me këtë është të trajnohemi, ushtrojmë , edukohemi dhe të kuptojmë më mirë njëri tjetrin”, tha Dreshaj.

Kjo garë është organizuar nga Rreshter majorët e Komandave të FSK-së, me këtë rast Rreshter majori i FSK-së Bedri Zuka, theksoi se kanë pasur një javë  të gjatë dhe me shumë aktivitetet , dhe se sot u shpallën rezultatet e kësaj gare, me kënaqësi ishim së bashku, njohëm njëri tjetrin dhe shpresoj se do shihemi në gara tjera për të treguar shkathtësitë dhe përgatitjet e Forcës tonë.

Në garën “Ushtari më i mirë 2023” morën pjesë garues nga Kosova, Shqipëria, Kroacia, Sllovenia, Maqedonia e Veriut, Kanadaja, Jordania dhe Shtetet e Bashkuara të Amerikës(SHBA).

Pjesëmarrësit garuan në disiplinat si: testi fizik, njohuri të përgjithshme, gjuajtje me armë të gjata dhe të brezit, navigim tokësor, kalimi i poligonit të besueshmërisë, hedhja e granatës, ndihma e parë, vëzhgimi i terrenit dhe marshimi.

Pjesëmarrja e garuesve nga ushtritë e vendeve partnere dhe të rajonit në këtë garë  dëshmon shkallën e lartë të bashkëpunimit me vendet partnere, që FSK e ka  krijuar me disiplinë, përkushtim dhe profesionalizëm.

Mundësitë që Kosova të bëhet anëtare e Këshillit të Evropës deri në fund të këtij viti, janë mjaft të mëdha.

Kosova në masë të madhe i ka të plotësuara kriteret për anëtarësim, prandaj një gjë e tillë edhe mund të ndodhë pa vonesa të mëdha. Pas dorëzimit të aplikacionit për anëtarësim në Këshillin e Evropës, në maj të vitit të kaluar, Kosova të hënën e 24 prillit bëri një hap të rëndësishëm në drejtim të anëtarësimit në këtë organizatë evropiane. Komiteti i Ministrave i Këshillit të Evropës mori vendim që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës, pasi pro votuan 33 nga 46 vendet anëtare. Marrë parasysh këtë votim dhe rrethanat e krijuara pas përjashtimit të Rusisë nga Këshilli i Evropës, anëtarësimi i Kosovës në këtë organizatë është i mundur, vlerësojnë analistë politikë e njohës të integrimeve. Në një prononcim për Radio Kosovën, politologia, Arta Tahiri thotë se deri në fund të vitit, Kosova do të anëtarësohet në Këshillin e Evropës. “Kosova pothuajse në masën më të madhe i ka të plotësuara kriteret që kërkohen për të qenë pjesë e kësaj organizate. Këshilli i Evropës është organizatë që mbron të drejtat dhe liritë e njeriut. Institucionet tona në vazhdimësi po dëshmojnë një respektim të jashtëzakonshëm të të drejtave të njeriut dhe komuniteteve. Prandaj, anëtarësimin e Kosovës e shoh si një mundësi të jashtëzakonshme dhe të mundur brenda vitit 2023”, tha ajo. Përveç dritës jeshile që Komiteti i Ministrave i Këshillit të Evropës tashmë ka dhënë për anëtarësimin e Kosovës, sipas analistit politik Artan Muhaxhiri, edhe zhvillimet e fundit në procesin e dialogut me Serbinë, do të ndikojnë në anëtarësimin e Kosovës në Këshillin e Evropës. “Me vetë faktin se kemi pasur përparim të madh në dialog, atëherë rrjedhimisht janë hapur edhe dyert për pranimin e Kosovës në këtë institucion evropian. Unë mendoj se deri në fund të vitit, shteti ynë do të jetë pjesë e Këshillit të Evropës. E them këtë pasi edhe përkrahja për ne është maksimale. Por, gjithsesi një rol të madh e luan edhe mungesa e Rusisë”, tha Muhaxhiri. Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë. Aktualisht i ka 46 anëtarë. 7 prej tyre votuan kundër aplikimit të Kosovës për anëtarësim. Në mesin e shteteve që votoi kundër ishte edhe Serbia, e cila me këtë veprim shkeli marrëveshjen e 27 shkurtit të arritur në kuadër të dialogut në Bruksel, ku mes tjerash thuhet se Serbia nuk do ta kundërshtojë anëtarësimin e Kosovës në asnjë organizata ndërkombëtare.

Ministri i Mbrojtës, Armend Mehaj ka bërë të ditur se Kosova do të jetë nikoqire e ushtrimit më të madh ndërkombëtar ushtarak "Defender Europe `23", që do të realizohet nga data 21 maj deri më 2 qershor 2023.

 

Ministri i Mbrojtës, Armend Kadri Mehaj ka bërë të ditur se Kosova do të jetë nikoqire e ushtrimit më të madh ndërkombëtar ushtarak "Defender Europe `23", që do të realizohet nga data 21 maj deri më 2 qershor 2023.

Forca e Sigurisë së Kosovës ka thënë Mehaj se është Forcë e gatshme për të kontribuar në çdo mision të NATO-s

U nënshkrua Marrëveshja Teknike në Fushën e Mjekësisë Ushtarake në mes të Ministrisë së Mbrojtjes së Republikës së Kosovës dhe Ministrisë së Mbrojtjes së Republikës së Italisë. Marrëveshja u nënshkrua në Romë të Italisë me autorizim të ministrit Armend Mehaj dhe zëvendëskomandantit të FSK-së, gjeneralmajor Enver Cikaqi.

 

Ky u fundit në cilësinë e udhëheqësit të delegacionit, kolonel Xhevdet Tahiraj komandant i Regjimentit të Mjekësisë në FSK si dhe Edona Abazi-Zylfijaj, zyrtare për bashkëpunim bilateral si dhe desk-oficer për Itali, janë pritur nga gjenerallejtënant Vito Ferrara, shef në Inspektoratin Gjeneral të Mjekësisë Ushtarake, admirali C. A. Egidio Fracasso, shef i departamentit për Politika Mjekësore, kolonel Luigi Principe shef i degës për Marrëdhënie Ndërkombëtare në fushën e Mjekësisë dhe nënkoloneli Giuseppe Barone, dega e mjekësisë për marrëdhënie ndërkombëtare.

“Nënshkrimi i kësaj marrëveshje ka për qellim zgjerimin e bashkëpunimi bilateral mes dy ushtrive në fushën e shërbimeve ushtarake mjekësore dhe se do të jetë çelës i hapjes së dyerve në dimensione të ndryshme mjekësore ushtarake”, thuhet në njoftimin e Ministrisë kosovare të Mbrojtjes.

Gjate kësaj ceremonie, krahas agjendës nga pala italiane delegacioni kosovar ka vizituar edhe Institutin e Mjekësisë Ajrore Ushtarake.

Në këtë Institut, gjeneral Cikaqi u mirëprit nga gjeneralbrigade Fabio Morgagni drejtor i Institutit për Shërbime Mjekësore të Aviacionit, njofton MM.

Përveç takimit, stafi i këtij instituti gjeneral Morgagnin kishin përgatit një prezantim të përgjithshëm te të gjitha kapaciteteve që ofrojnë përmes vizitave në laboratorët dhe hapësirat e ndryshme brenda objektit të këtij instituti.

Gjeneral Cikaqi dhe delegacioni kosovar falënderuan palën italiane për zgjerimin e bashkëpunimit bilateral në të gjitha fushat, me theks të veçantë për hapjen e mundësive në Fushën e Mjekësisë Ushtarake.

TË FUNDIT

Kurti takoi Papandreoun, diskutojnë rreth bashkëpunimit Kosovë - Greqi

Kosova deri në fund të vitit pritet të bëhet anëtare e Këshillit të Evropës

Kosova e Italia nënshkruajnë marrëveshje në fushën e mjekësisë ushtarake

Qeveria e Kosovës miraton Kornizën Afatmesme të Shpenzimeve 2024-2026

VIDEO

Mirëmëngjesi Kosovë - Teuta Sahatqija - Women Tech Kosova 28.04.2023

Lajme 09:00 28.04.2023

Mirëmëngjesi Kosovë - Parashikimi i motit & Ngjarjet e ditës

Mirëmëngjesi Kosovë - Elez Osmani - drejtor i Institutit për Kërkime Zhvillimore në Ulqin 28.04.2023

Skizofrenia në Fondin Monetar Ndërkombëtar (FMN)

Shkruan : Professor Jayati  Ghosh

Skizofrenia në FMN Siç theksojnë Isabel Ortiz dhe Matthew Cummins, një valë e re masash shtrënguese po ndërtohet ndërsa qeveritë zvogëlojnë shpenzimet publike.

 Me botën që po përballet me një ndërthurje të krizave ekonomike dhe politike, rikthimi i masave shtrënguese mund të ketë pasoja të rënda, dhe jo vetëm për aktivitetin ekonomik. Mund të rrezikojë gjithashtu shëndetin global në një kohë kur kërcënimet e ardhshme të shëndetit publik janë gjithnjë e më të mundshme, përveçqë pengojnë aftësinë tonë për të trajtuar ndryshimet klimatike Ka kaluar shumë kohë, por duket se Fondi Monetar Ndërkombëtar më në fund ka përvetësuar disa të vërteta të vështira për reduktimin e borxhit sovran. Kryesorja midis tyre është se ekonomitë në rritje e kanë më të lehtë të paguajnë. Si i tillë, konsolidimi fiskal – strategjia e favorizuar e organizatës – i minon përpjekjet për të reduktuar raportet e borxhit kundruall GDP-së ngase e pengon rritjen ekonomike. Për të qenë të sigurt, kjo nuk është një pasqyrë e re. John Maynard Keynes e theksoi këtë gati një shekull më parë dhe shumëkush e ka përsëritur që atëherë. Sigurisht që kjo ishte e njohur për negociatorët që e hartuan Marrëveshjen e Borxhit të Londrës të vitit 1953, e cila e uli në mënyrë dramatike barrën e borxhit publik të Gjermanisë Perëndimore. Marrëveshja midis Gjermanisë dhe 20 kreditorëve të saj të jashtëm siguroi kushte të favorshme për shlyerje të borxheve të lidhura me eksportet e ardhshme të vendit, duke krijuar kushtet për bumin e saj ekonomik të pasluftës. Megjithatë, më mirë vonë se kurrë. Perspektiva e fundit ekonomike botërore e FMN-së paraqet rezultatet e hetimit të saj për programe të ndryshme të reduktimit të borxhit të ndërmarra nga 33 ekonomi të tregjeve në zhvillim dhe 21 ekonomi të zhvilluara ndërmjet viteve 1980 dhe 2019. “Mesatarisht,” theksojnë autorët, “konsolidimet nuk çojnë në një efekt statistikisht domethënës në raportin e borxhit.” Në vend të kësaj, ata zbulojnë se rritja më e lartë e GDP-së – “sikur nga goditjet pozitive të kërkesës dhe ofertës së bashku” – është “një forcë e rëndësishme” përgjegjëse për afërsisht një të tretën e reduktimit të borxhit të vëzhguar gjatë asaj periudhe. Madje, analiza pranon se zgjerimi fiskal përmirësoi raportet e borxhit në disa raste, kryesisht për shkak të efektit pozitiv në rritjen e GDP-së. Konsolidimi fiskal, theksojnë autorët, ka më shumë gjasa të reduktojë borxhin në një ekonomi në rritje, në kushte të favorshme financiare. Por, duke pasur parasysh se kushte të tilla mund të mos ekzistojnë gjithmonë dhe për shkak se ulja tenton të pengojë rritjen e GDP-së, masat shtrënguese rrallëherë kanë çuar në rezultate pozitive në vendet me probleme borxhi. Siç vë në dukje raporti i FMN-së, “transferet e paparashikuara” në ndërmarrjet shtetërore dhe nënçmimet e papritura të kursit të këmbimit mund të dëmtojnë përpjekjet për reduktimin e borxhit. Ajo që raporti nuk përmend, megjithatë, është se këto zhvillime janë shpesh një pasojë e paqëllimshme e programeve të vetë FMN-së, të cilat tentojnë t'u kërkojnë vendeve me borxhe të kalojnë në kurset e këmbimit të përcaktuara nga tregu, të rrisin normat e interesit dhe të ulin subvencionet shtetërore, duke nxitur kështu rritur kostot e biznesit. Në të kundërt, raporti zbulon se përpjekjet për ristrukturimin e borxhit kanë qenë më të suksesshme kur ato ndihmuan vendet të rivendosnin rritjen dhe të shmangnin rënien ekonomike. Ndërsa kjo nuk do të jetë një tronditje për këdo që ka ndjekur trajektoret e rritjes gjatë gjysmëshekullit të kaluar, ndikimi i FMN-së mbi politikat makroekonomike të vendeve dhe numri në rritje i qeverive që kanë nevojë për ristrukturim të borxhit, e bën ndryshimin e mendjes së Fondit shumë. rrjedhimore. Për dekada, programet e FMN-së kanë supozuar se shkurtimi i shpenzimeve publike ishte mënyra e vetme për t'u marrë me shqetësimin e borxhit. Tani, Fondi duket se po pranon gabimet e tij të së kaluarës. Por është e paqartë nëse kjo pritje (megjithëse e vonuar) do të shtrihet përtej departamentit të kërkimit të FMN-së dhe se si mund të ndikojë në aktivitetet e huadhënies së Fondit. Indikacionet e hershme nuk janë premtuese. Udhëheqja e FMN-së ka bërë thirrje në mënyrë të përsëritur për ristrukturim më të shpejtë dhe më efektiv të borxhit sovran dhe, për meritën e saj, së fundmi ka ngritur një tryezë të rrumbullakët kreditorët publikë dhe privatë për të përshpejtuar procesin. Por përgjigja deri më tani ka qenë e ngadaltë, e rëndë, joadekuate dhe kryesisht joefektive. Vendet që kanë kërkuar ndihmë sipas Kornizës së Përbashkët të G20-ës për adresimin e shqetësimit të borxhit në botën në zhvillim janë përballur me vonesa të tepruara, grindje gjeopolitike dhe kreditorë të papërgjegjshëm. Më keq, stafi i FMN-së duket se nuk është në dijeni të raportit të tij të fundit ose ka zgjedhur ta injorojë atë. Programet e fundit të financimit të Fondit përfshijnë kushte të vështira që me shumë gjasa do të kenë efekte jashtëzakonisht të dëmshme mbi popullsinë dhe ekonomitë e vendeve në zhvillim. Për shembull, marrëveshja e fundit midis FMN-së dhe Sri Lankës thekson konsolidimin fiskal, duke i kërkuar qeverisë të arrijë një suficit buxhetor brenda dy viteve. Ajo gjithashtu kushtëzon financimin e tij me rritjen e tarifave të energjisë, kurset fleksibël të këmbimit që ka të ngjarë të çojnë në zhvlerësim të monedhës dhe norma më të larta interesi. Programi (në mënyrë joreale) projekton të ardhura më të larta pa vendosur taksa mbi pasurinë ose duke kufizuar flukset e paligjshme financiare. E gjithë kjo do të reduktojë kërkesën në një vend që tashmë po tërhiqet nga inflacioni prej 53.6%, duke bërë që ekonomia të tkurret më tej. Një fokus i ngjashëm në bilancin fiskal është i dukshëm në programet e tjera të propozuara të FMN-së në Ganë dhe Zambi. FMN-ja nuk është vetëm në këtë. Siç theksojnë Isabel Ortiz dhe Matthew Cummins, një valë e re masash shtrënguese po ndërtohet ndërsa qeveritë zvogëlojnë shpenzimet publike. Me botën që po përballet me një ndërthurje të krizave ekonomike dhe politike, rikthimi i masave shtrënguese mund të ketë pasoja të rënda, dhe jo vetëm për aktivitetin ekonomik. Mund të rrezikojë gjithashtu shëndetin global në një kohë kur kërcënimet e ardhshme të shëndetit publik janë gjithnjë e më të mundshme, përveç që pengojnë aftësinë tonë për të trajtuar ndryshimet klimatike. Kjo nuk është thjesht e panevojshme - është e dëmshme me dashje. Kur disa “zgjidhje” janë treguar se dështojnë, ose e përkeqësojnë problemin, ato duhet të braktisen. Ndonëse është pa dyshim një hap në drejtimin e duhur që studiuesit e FMN-së më në fund kanë pranuar të dukshmen, nuk mjafton. Pas dekadash shkaktimi të mjerimit të shmangshëm, është koha që FMN-ja t’i vendosë paratë e saj atje ku ka gojën e saj. (Jayati Ghosh, profesoreshë e Ekonomisë në Universitetin e Masaçusets Amherst, është anëtare e Bordit Këshillimor të Nivelit të Lartë të Sekretarit të Përgjithshëm të OKB-së për Multilateralizmin Efektiv. Komenti është shkruar për rrjetin botëror të gazetarisë, “Project Syndicate”.

“Babai” i 550 fëmijëve

Një gjykatë holandeze e ndaloi të premten një burrë që të dhuronte më shumë nga sperma e tij pasi ai bëri të mundur lindjen e të paktën 550 fëmijëve në Holandë dhe vende të tjera. 

 Gjykata vuri në dukje se sipas udhëzimeve holandeze, dhuruesit e spermës lejohen të prodhojnë maksimum 25 fëmijë me 12 nëna, dhe se dhuruesi gënjeu prindërit e mundshëm për historinë e tij të dhurimit. Dhuruesi, i identifikuar si Jonathan Jacob Meijer, ofroi spermën për disa klinika holandeze të fertilitetit dhe një klinikë në Danimarkë, si dhe për shumë njerëz të tjerë me të cilët lidhej përmes reklamave dhe forumeve në internet, tha gjykata në vendimin e saj me shkrim.

 “Të gjithë këta prindër tani janë të konfrontuar me faktin se fëmijët në familjen e tyre janë pjesë e një rrjeti gjigant familjar, me qindra gjysmë-vëllezër/motra të cilët ata nuk i kanë zgjedhur”, ka thënë gjykata.

https://www.vice.com/en/article/bvj8w4/jonathan-jacob-meijer-sperm-donor

 Gjykata e urdhëroi që menjëherë të ndalonte dhënien e spermës dhe të paguante 100,000 euro për rast nëse e shkelte vendimin.

Plasë Bomba nga ish Guverneri i Bankës Qendrore dhe Politikani shqiptar Hashim Rexhepi : Njerëzit e SHIK-ut mi kërkuan tre milionë euro për t’u liruar

Ish-guvernatori i Bankës Qendrore të Kosovës, Hashim Rexhepi, ka thënë se në kohën kur po mbahej në arrest, familjes së tij “njerëz të Shërbimit Informativ të Kosovës” ia kishin kërkuar tre milionë euro për t’u liruar. Ai ishte arrestuar me shumë bujë më 2010, dhe u akuzua për disa vepra, përfshirë shpëlarje parash, por më pas doli i pafajshëm në të gjitha.

Rexhepi ka thënë se ndërkohë te familja e tij ka pasur njerëz që kanë shkuar duke i kërkuar mjete për t’u liruar, por se nuk ishte prokurori që kishte iniciuar rastin, Nazim Mustafi, e që më pas ishte arrestuar për “keqpërdorim detyre” nën dyshimin se kishte kërkuar mjete për ta liruar një të akuzuar.

“Te unë s’ka pas rast nga ai, por nga dikush tjetër. Megjithatë, kur ishte e shoqja në vizitë tek unë, i kam thënë as mos prano askënd as mos bisedo për këtë. Ishin njerëzit e SHIK-ut, më kërkonin 3 milionë euro e ne as s’mendonim, madje mezi e kalonim muajin, dhe ua kam ndaluar krejt bisedat në këto tema sepse e dija dhe e dinin që isha i pafajshëm.

close

volume_off

Ashtu janë paraqitur (si njerëz të SHIK-ut). Ia kanë kërkuar tre milionë euro sepse gjoja se do të jetë dënim i rëndë e se me këtë kryejmë punën. Jam ndier shumë keq dhe absolutisht ia kam ndaluar familjes të bisedojnë. Hera e parë që po e them këtë”, ka treguar ai të enjten në “Konfront” të KTV-së.