MULLIRI
Bota është një mulli gjigant,
Në bark bluan miliona dëshira,
Një dashuri me hov brilant
Dhe sa hidhësira…
Kështu përditë bluhet jeta,
Në miell kujtimesh gatuan,
Sa të vërteta dhe gënjeshtra
Dhe ky mulli sterrndriçon e bluan…
KUR SHUHET NJË YLL
Ç`mister ka kur një yll shuhet
Ec kupto dritën e tij,
Mos në dashurinë për tokën shkruhet
Etja gjer në pafundësi?
Fluroriteti i shpirtit peng
Tenton të ngjitë shpirtrat tanë atje,
Dhe ai digjet dhe na tremb,
Për shuarjen,
Vallë do ndizet më?…
HUMB E PO HUMB TRADITA…
Satirë
Humb e po humb tradita
Meratë e kullotave në Labëri,
mbillen hashash e kanabis sativa
duke i lënë pa blegtori…
Do fluturojmë shatë pash thellë
kohën kur piqej keci ftunjak,
veç në dorë do mbajmë një hell,
lëpjeta e rrodhe për darkë.
Më dhimbset vendi im me çmim cinik
Një pjesë të fajit kam këtu,
Nëse e dua një dackë pa frikë
Qeveritë duan dru e hu…
S`merrem me botën as me njeri
As të fajësoj tjetër s`dua,
Dhe kur s`vendosim drejtësi,
Vetingu të fillojë me mua…
Liria e fjalës eh,ç`liri fjalë
Me fjalë vë rregull ,anarshi,
Si kular i vihet të vobegtit për qafe,
Dhe e lavdëron për guximin e tij…
