Shoku i ngushtë i diplomatit Hahn është ish ambasadori Volfganf Petriç

Kongresmeni amerikan, miku i Kosovës, Eliot Engel, ka reaguar ndaj deklaratës së Komisionerit të BE-së, Johannes Hahn, se liberalizimi i vizave për qytetarët e Kosovës do të shtyhet përsëri.

Përmes një postimi në Twitter, Engel ka thënë se është i zhgënjyer nga deklarata e Komisionerit Hahn.

“Kosova ka bërë gjithçka që BE ka kërkuar. Mohimi i liberalizimit të vizave tani është një tradhti e premtimeve që BE ka bërë”, ka shkruar Engel në Twitter.

Ndryshe, Komisioneri Evropian për Politika të Fqinjësisë dhe Negociata të Zgjerimit, Johannes Hahn, gjatë një konference për shtyp në Prishtinë ka folur edhe rreth liberalizimit të vizave për qytetarët e Kosovës.

Në këtë drejtim ai ka thënë se e kupton padurimin e qytetarëve por edhe të politikanëve.


“Por më besoni se edhe unë jam nganjëherë i padurueshëm sa i përket proceseve vednimmarrëse në Union. Ne kemi bërë më të mirën e mundshme rreth kësaj çështje, dhe tani kërkoj nga ju që të keni durim edhe disa muaj që të marrim edhe pëlqimin e të gjitha shteteve anëtare – këto janë rregullat e lojës në Bashkimin Evropian”, ka thënë tutje Hahn.



Ndërsa në pyetjen nëse një gjë e tillë do të ndodhë para vitit 2020, Hahn ka thënë: “Viti 2020 është datë realiste, ndoshta edhe më herët”.

*****

Shoku i ngushtë i diplomatit Hahn është ish ambasadori Volfganf Petriç


“Ambasadori Wolfgang Petritsch (Volfganf Petriç), nga ekspertët e rrallë që e përkrah ‘korrigjimin e kufijve’ ndërmjet Kosovës dhe Serbisë, punon për zyrë juridike Lansky me seli në Vjenë, që po punon për Qeverinë serbe, ka shkruar  kohë më parë  në Twitter Michael Martens, i cili ka qenë korrespondent shumëvjeçar i gazetës gjermane Frankfurter Allgemeine Zeitung (FAZ) në Beograd”.

“Po kjo firmë juridike ( me emërtimin “Lansky, Ganzger & Partner”, shih www.lansky.at) qe angazhuar nga Federata e Futbollit e Serbisë të parashtrojë ankesë/kundërshtim te Gjykata e Arbitrazhit për Sport me seli në Llozanë në lidhje me vendimin e UEFA-s për pranim të Federatës së Futbollit të Kosovës në këtë organizatë”.

“Siç e dimë, Kosova nuk është anëtare e OKB-së, prandaj Federata e Futbollit e Kosovës nuk mund të jetë anëtarë e UEFA-s“, kishte deklaruar Gabriel Lanksy, partner i kësaj zyreje juridike, në maj të vitit 2016.

Petritsch ka qenë ambasador i Ausrtrisë në Beograd nga viti 1997. Ka qenë emisar special i BE-së për Kosovën nga tetori i vitit 1998 deri në korrik të vitit 1999. Poashtu kryenegociator i BE-së në shkurt dhe mars 1999 në konferencën e Rambujesë për Kosovën.


Flori Bruqi