I dashur Profesor Flori, Akademik me Emër të Madh në Kulturën Mbarëkombëtare, Autor i më shumë se 60 veprave, të botuara në disa gjini letrare, plus më shumë se 25 mijë analiza në fushën e publicistikës nacionaliste.
Ju falënderoj nga zemra për urimet tuaja me rastin e Ditës së Pavarësisë. Edhe unë ju uroj nga zemra. Por kini parasysh, ore miku im i çmuar. Ajo ishte një pavarësi, e shpalluar për mbarë kombin shqiptar, në mbarë trojet tona etnuike, që nga Preveza e deri në Tivar. Por, për pazotësinë e shqiptarëve, pasojë e përçarjes së tyre tragjike shumëshekullore, ajo pavarësi përfundoi në çerek pavarësi. Nëse Dardania do të bashkohet me atdheun amë, atëherë do të kemi një gjysmë pavarësie. Pavarësinë e plotë do ta gëzojmë vetëm atëherë, nëse do të bashkohen mbarë trojet tona etnike.
Përqafime me mall dhe shumë të fala zonjës dhe gjithë komunitetit Bruqi, i cili nderon mbarë kombin shqiptar me talentet që ka nxjerrë nga gjiri i vet, të cilët kanë bërë dhe po bëjnë emër të madh, duke filluar që nga Dardania e deri në Kanada, ku një artiste e shquar e komunitetit tuaj ka bërë emër të madh dhe ka zenë një vend nderi midis yjeve të kinematografisë botërore.
Keni shumë të fala nga Havaja.
Eshref Ymeri
Kaliforni, 27 Nëntor 2022
