Gjenerali shqiptaro-amerikan i tregon Kurtit çka do të ndodhë, nëse e nënshkruan Asociacionin: Mos e bëni këtë tradhti!

 

Foto ilustrim

Gjenerali shqiptaro-amerikan Muharrem Maralusha, i ka kërkuar kryeministrit Albin Kurti, që të mos e nënshkruajë marrëveshjen për krijimin e Asocicacionit të Komunave me shumicë serbe.Maralusha ka thënë se historia kurrë nuk do t’ia falë Kurtit, nëse e nënshkruan krijimin e “Zajednicës”.

“Nëse Albini e jep aprovimin për krijimin e “Zajednicës” dhe e nënshkruan, historia kurrë nuk do t’ia falë.

Jo Zajednicës, jo dialogut me Serbinë. Nëse e bën këtë tradhti, Albini duhet ta lë amanet që të varroset afër Esat Pashë Toptanit”, ka thënë Maralusha përmes një postimi në Facebook.

Në një reagim tjetër, gjenerali i ka kërkuar Qeverisë së Kurtit, që të mos e pranojë as planin franko-gjerman.

“Shtati i shtatmadhësisë i ushtrisë serbe, është duke i përcjell me mikroskop zhvillimet ushtarake/operacionale në Ukrainë, duke menduar se një disfatë ruse është shumë e lidhur me fatin e ardhshëm të Serbisë.

Çdo disfatë ruse, është një disfatë serbe. Poashtu, i rekomandoj Qeverisë së Kosovës, që të mos ngutet sa i përket dialogut me Serbinë dhe pranimin e planit franko-gjerman “lëre ata le të shkojnë në ferr””, ka shkruar Muharrem Maralusha.