Shefit të Misionit të OSBE-së në Kosovë Edward Joseph, thërret për qetësi dhe bashkëpunim

Ushtruesi i detyrës së Shefit të Misionit të OSBE-së në Kosovë Edward Joseph, shprehu sot keqardhje për humbjen e jetës dhe të lëndimeve që ndodhën menjëherë pas operacionit të bërë nga njësitë speciale të policisë së Kosovës.

“OSBE i bashkëngjitet apelit të partnerëve të vet nga komuniteti ndërkombëtar për qetësi dhe shmangie nga hapat që mund ta bëjnë situatën më të paqëndrueshme”, tha Joseph.

"Dialogu mes të gjitha palëve përkatëse ka rëndësi kyçe për të zgjidhur çështjet e hapura”, shtoi ai.

Joseph theksoi se Misioni po ashtu u bënë thirrje gjithë liderëve që t’i shmangen retorikës nxitëse dhe të bashkëpunojnë ngushtë me KFOR-in dhe EULEX-in të cilët janë duke ndihmuar në uljen e tensioneve.

Këshilli i Sigurimit të OKB-së, nesër diskuton gjendjen në Veri të Kosovës

Këshilli i Sigurimit ka pranuar kërkesën e Serbisë për një takim urgjent mbi tensionet në veri pas marrjes nën kontroll të pikave kufitare nga ana e Policisë së Kosovës, raporton agjencia e lajmeve, Reuters.

Serbia i ka dërguar një letër KS të OKB-së, duke kërkuar që të mbahet një takim i hapur të enjten për të diskutuar situatën e fundit.

Diplomatë, që nuk kanë dashur t’iu përmendet emri, i kanë thënë Reuters-it, se aleatja e Serbisë, Rusia, e ka mbështetur kërkesën, ndërsa SHBA dhe Britania kanë thënë se kjo çështje mund të presë derisa të mbahet takimi i rregullt për Kosovën në muajin e ardhshëm.

Megjithatë, sipas kësaj agjencie, Këshilli ka arritur një kompromis dhe ka rënë dakord që të mbahet takimi të enjten, por ai të jetë me dyer të mbyllura dhe jo i hapur për publikun.

Kryetari i LDK-së ,Prof.dr.Isa Mustafa kërkon përkrahje nga ndërkombëtarët në zbatimin e ligjit

Aksioni i Policisë së Kosovës për të marrë nën kontroll pikat kufitarë 1 dhe 31 në veri të vendit, është përshëndetur edhe nga kryetari i Lidhjes Demokratike të Kosovës, Isa Mustafa, i cili ka thënë se më në fund po zbatohet ligji në gjithë territorin e Kosovës, derisa ka shprehur keqardhje për policin e Njësisë Speciale, i cili humbi jetën gjatë këtij aksioni.

Kryetari i Lidhjes Demokratike ka përkrahur masat, të cilat janë ndërmarrë në vënien e rendit dhe zbatimin e kushtetutës në territorin e Republikës së Kosovës, pasi që sipas tij kjo do të jap kontribut të zbatohet vendimi i Qeverisë për vendosjen e masave të reciprocitetit.

“Ne e përgëzojmë Policinë e Kosovës për aksionet dhe masat, të cilat i kanë marrë. Po ashtu edhe shprehim hidhërimin dhe po ashtu dhimbjen tonë për anëtarin e forcave speciale, i cili e ka humbur jetën gjatë këtij aktiviteti. Ne shpresojmë se kjo do të japë kontribut që ta zbatojmë ligjin në tërë territorin e Republikës së Kosovës dhe të zbatohet po ashtu vendimi i Qeverisë që ka të bëjë me reciprocitetin”, ka thënë Mustafa, siç transmeton Kosovapress.

Ai ka kërkuar përkrahje nga bashkësia ndërkombëtare që masa e cila është ndërmarrë nga institucionet e Kosovës të zbatohet në tërësi, pasi që ndihmon në zbatimin e ligjit, gjë të cilën edhe po e kërkojnë ndërkombëtarët.

“Shpresojmë dhe mendojmë se duhet të kemi një përkrahje të faktorit ndërkombëtar dhe të shteteve nga Bashkimi Evropian dhe Shteteve të Bashkuara të Amerikës, dhe të institucioneve, në mënyrë që kjo masë, e cila është marrë tash të zbatohet, sepse është fjala për zbatimin e ligjit, është fjala për zbatimin e asaj çfarë komuniteti ndërkombëtar kërkon nga ne, sepse të gjithë nga ne kërkojnë zbatim të ligjit, prandaj edhe këtë ne e shohim si zbatim të ligjit, sepse ligji është në interes të të gjithë qytetarëve, pa marrë parasysh përkatësinë e tyre etnike”, ka theksuar ai.

Aksioni i Njësisë Speciale të Policisë së Kosovës për marrjen nën kontroll të pikave kufitare 1 dhe 31, ka ardhur pas marrjes së masave të reciprocitetit ndaj Serbisë, ndërsa gjatë zbatimit të këtij aksioni mbeti i vrarë polici i Njësisë Speciale të PK-së, Enver Zymberi, i cili u godit me armë zjarri nga Serbët e revoltuar në veri të vendit.

Për shkak të vdekjes në detyrë të policit të njësisë speciale, komuna e Prishtinës ka anuluar koncertin, i cili ishte para parë të mbahej sot në mbrëmje në kryeqytet.

'EULEX-i ose për krejt Kosovën, ose për askund'

Qëllimi i Qeverisë së Kosovës ka qenë që pikat kufitare 1 dhe 31 në veri të vendit të vihen nën kontroll të plotë dhe kjo është arritur, ka thënë zëvendëskryeministri i Kosovës Hajredin Kuçi në një konferencë për media të mërkurën pas mbledhjes së Qeverisë, me ç’rast edhe EULEX-it i ka bërë të qartë se ose duhet të jetë mision për tërë territorin e Kosovës, ose nuk duhet të ekzistojë fare.

Kuçi ka theksuar se është shumë e vështira vendosja e rendit dhe ligjit në veri dhe mbajtja e dy pikave doganore, por ka thënë se institucionet e vendit janë të vendosura në këtë drejtim.

“Qëllimi ynë ka qenë dhe mbetet që atje të ketë kontroll të plotë me policinë kufitare dhe me doganierët dhe garancat që janë dhënë nga Njësia Speciale kanë qenë t’u ofrohet atyre siguri më e madhe. Këtë e kemi kërkuar edhe nga KFOR-i, kërkojmë edhe EULEX-i t’i bashkohet këtij misioni dhe nuk është qëllimi ynë për ndonjë gjendje të jashtëzakonshme atje. Ne e dimë që është proces i vështirë, por gjithsesi jemi të vendosur për kryerjen e detyrave kushtetuese dhe ligjore”, ka thënë Kuçi.

Kërkesa kryesore e Qeverisë së Kosovës, për misionin e EULEX-it, sipas Kuçit, është që ky mision ta kryejë mandatin e vend për rend dhe ligj, ngase mund të jetë indiferent në raport me statusin e Kosovës, por jo në raport me vendosjen e rendit dhe ligjit.

“Konstatimi im është ky, EULEX-i është i nevojshëm ose për krejt Kosovën, ose për askund”, është shprehur shkurt Kuçi.

Duke folur për veprimin e djeshëm në veri, Kuçi ka vlerësuar lart punën e shenjtë të Njësisë Speciale për vendosjen e rendit dhe ligjit në këtë pjesë, duke kryer mandatin e plotë ligjor dhe kushtetues.

Për vendosjen e rendit dhe ligjit, Kuçi ka thënë se është kërkuar ndihmë edhe nga KFOR-i dhe se puna është duke u kryer si duhet në dy pikat doganore 1 dhe 31.

“Ne kemi kërkuar që KFOR-i të kryej detyrat e veta, të ndihmojë në vendosjen e rendit dhe ligjit, dhe të garantojë sigurinë, sipas kompetencave që i ka. Dua të them që mandati është duke u kryer i rregullt në pikën doganore 1 dhe 31, kështu do të vazhdojë, dhe sipas nevojës do të ketë masa shtesë ose jo”, ka theksuar Kuçi.

Sa i përket partneritetit me ndërkombëtarët, Kuçi ka thënë se ka shtete dhe institucione që dallojnë me institucionet e Kosovës në dinamikën e veprimit për vendosjen e rendit dhe ligjit, andaj ai i ka ftuar që t’i bashkohen dinamikës së Qeverisë së Kosovës për kryerjen e detyrave që kanë me mandatin që kanë marrë edhe nga institucionet e Kosovës, por edhe nga organet vendimmarrëse. /

Kriminelet serb djegin pikën kufitare në Jarinje të Kosovës

Pika kufitare e Jarinjes duke u djegur me 19 shkurt 2008 (Foto: Reuters)

Pika kufitare në Jarinje vazhdon të digjet, ndërkohë që rreth orës 20:00 pjesëtarët amerikanë të KFOR-it kanë bllokuar rrugën në drejtim të Mitrovicës. 

Ata kanë bllokuar rrugën me automjete të rënda ushtarake, saktësisht në afërsi të Leshakut, ndërkohë që nuk lejojnë të kalojnë askënd në këtë drejtim.

Burime të Kosovapress-it bëjnë të ditur se edhe në pikën kufitare në Bërnjak ka pasur tentim për djegie, por që një gjë e tillë është pamundësuar nga pjesëtarët e KFOR-it francez.

KFOR-i gjerman thyen barrikadat serbe, niset drejt Jarinjes së Kosovës

Dhjetëra automjete të blinduara të KFOR-it gjerman, të cilat për disa orë ishin të stacionuara të vendi i quajtur “Kërrshi i Dudës” në vëri të Mitrovicës, i kanë thyer barrikadat e vëna nga grupet ekstremiste serbe dhe janë nisur në drejtim të pikës kufitare Jarinje, për t’u shkuar në ndihmë pjesëtarëve tjerë të KFOR-it për të vënë rendin dhe ligjin në këtë pikë kufitare.

Pika kufitare në Jarinje është duke u djegur. Një grup i serbëve të armatosur nga veriu i Mitrovicës, rreth orës 19.00 është afruar pranë kufirit në Jarinje dhe ka larguar të gjithë njerëzit e pranishëm aty dhe përnjëherë ia kanë vë flakën pikës kufitare. Pastaj kanë hyrë me ekskavator duke i rrënuar të gjitha objektet që gjenden në këtë pikë.

Ata kanë qenë të maskuar me kapela dhe syze, ndërkohë që janë vërsulur në disa pjesëtarë të KFOR-it, duke shtënë me armë zjarri në ta, të shtënave u janë kundërpërgjigjur edhe ushtarët e KFOR-it. Ta shtënat me armë janë duke u dëgjuar akoma. Nuk dihet për të vrarë apo të plagosur.

Burime të Kosovapress-it nga vendi i ngjarjes njoftojnë, se në momentin kur grupi i armatosur serbë kishte ardhur në pikën kufitare Jarinje për t’i vënë flakën, pjesëtarët e EULEX-it rumun dhe polak nuk kanë intervenuar, por janë larguar nga vendi i ngjarjes pa tentuar për t’i parandaluar.

Serbët djegin pikën kufitare në Jarinje

Serbët i kanë vënë zjarrin pikës kufitare në Jarinje. Një grup i serbëve të armatosur nga veriu i Mitrovicës, rreth ores 19 i është afruar pranë kufirit në Jarinje dhe ka larguar të gjithë njerëzit e pranishëm aty dhe përnjëherë ia kanë vë flakën pikës kufitare, raporton KosovaPress.

Pastaj kanë hyrë me ekskavator duke i rrënuar të gjitha objektet që gjenden në këtë pikë.

Ata kanë qenë të maskuar me kapela dhe syze, ndërkohë që janë vërsulur në disa pjesëtarë të KFOR-it, duke shtënë me armë zjarri në ta, të shtënave u janë kundërpërgjigjur edhe ushtarët e KFOR-it. Ta shtënat me armë janë duke u dëgjuar akoma. Nuk dihet për të vrarë apo të plagosur.

Burime të Kosovapress-it nga vendi i ngjarjes njoftojnë, se në momentin kur grupi i armatosur serbë kishte ardhur në pikën kufitare Jarinje për t’i vënë flakën, pjesëtarët e EULEX-it rumun dhe polak nuk kanë intervenuar, por janë larguar nga vendi i ngjarjes pa tentuar për t’i parandaluar.

Kjo është hera e dytë që kjo pikë kufitare digjet nga serbët. Herën e parë është djegur së bashku më piken tjetër kufitare në Bërnjak, pas shpalljes së pavarësisë së Kosovës.


******

Vdes polici i Kosovës, heroi Enver Zymberi ,duke mbrojtur sovranitetitin e shtetit

Nga Flori Bruqi 

Heroi i kufirit  të Republikës së Kosovës 




 Polici i plagosur i Njësisë Speciale të Kosovës, Enver Zymberi nga fshati Dubovc i Vushtrisë, në orët e vona të së martës ka ndërruar jetë në Klinikën Intensive në Qendrën Klinike Universitare të Kosovës. Gjendja e tij shëndetësore ishte e rëndë që nga momenti kur ai u qëllua në kokë me snajper. Ai ishte qëlluar gjatë rrugës për në pikën kufitare 31 në Bërnjak, nga serbët e revoltuar. Zymberi fillimisht ishte dërguar në spitalin e jugut në Mitrovicë, e pastaj me helikopter të KFOR-it ishte bartur në QKU.

 KMDLNJ në Mitrovicë ka sqaruar se Enver  Zymberi është plagosur rreth orës 15:00, në afërsi të pikës nr. 31 në Bërnjakë, derisa pjesëtarët e Njësisë Speciale  të  Policisë së Kosovës (RSU)po shkonin me automjete drejt kësaj pjese të kufirit.

Sipas KMDLNJ-së, ata janë sulmuar nga të dyja anët e rrugës nga bandat kriminele serbe të armatosura.

 Në një konferencë për gazetarë, Drejtori i QKU-së Dr.Lulzim Emini  dhe ata  të Policisë kanë bërë të ditur se Enver Zymberi ka ndërruar jetë me dt.26.7.2011  rreth orës 22.

Lëndimet e shkaktuara në kokë  nga predha që e ka goditur kanë qenë fatale për të.

Kryeministri i Republikës së Kosovës Hashim Thaçi i ka dërguar një telegram ngushëllimi familjes Zymberi.
 ”Sakrifica e Enverit në mbrojtje të kufijve të atdheut, të shtetit të Kosovës, do të mbetet përherë në kujtesën dhe zemrën e qytetarëve të Kosovës, duke identifikuar njëkohësisht përkushtimin e tij për mbrojtjen e lirisë dhe paqes në vendin tonë”, thuhet në telegramin e Thaçit dërguar të martën vonë në mbrëmje.

Sypatremburi -Zemër çeliku ,Enver Zymberi vdes në krye të detyrës-duke i mbrojtur kufijtë e Kosovës 

Miq, të afërm dhe familjare janë mbledhur në fshatin Dubovc të komunës së Vushtrrisë për t’i dhënë lamtumiren e fundit dhe për të shprehur ngushëllimet për ndarjen e parakohshme nga jeta të policit të ri 31 vjeçar Enver Zymberi, i cili la pas tre fëmijë të vegjël dhe gruan shtatzënë, e cila pret të lind një vajzë që nuk do ta njohë babanë e saj. Në familjen Zymberi lajmi i ka tronditur të gjithë.

Sipas familjarëve, babai i Enverit, posa mori vesh lajmin për vdekjen e djalit më të madh, pësoi një gjendje shoku.
Ndërsa nëna, Sevdija, e cila mbeti tani me dy djem të tjerë të rinj, mundohet t’i përmbajë lotët, pasi sikurse thotë ajo, Enveri ra për lirinë e Kosovës ,duke e mbrojturin kufirin .

 I ndjeri ka qenë pjesëtar i Policisë së Kosovës që nga viti 2000 dhe i përkiste gjeneratës së 10 të Policisë së Kosovës.

Fillimisht Enveri ka shërbyer në stacionin policor në Vushtrri për t’ju bashkangjitur më pas Njësitit Special Operativ të policisë në drejtorinë rajonale të Mitrovicës.


Presidentja e Kosovës, Atifete Jahjaga i dha titullin “Hero i Kosovës”, Enver Zymberit, me motivacionin “për trimërinë dhe përkushtimin e treguar deri në flijim për vendosjen e sundimit të ligjit në tërë territorin e Republikës së Kosovës”.

Varrimi i policit Enver Zymberi do të bëhet me të gjitha ceremonitë dhe nderimet që janë të parapara për Heroin e Kosovës.

         Polici Enver Zymberi shpallet Hero i Kosovës

Presidentja e Kosovës, Atifete Jahjaga, ka marrë vendim që Enver Zymberi, polic i njësisë speciale të Policisë së Kosovës, i vrarë në detyrë, të dekorohet me Urdhrin “Hero i Kosovës”, me motivacion “trimërinë dhe përkushtimin e treguar deri në flijim për vendosjen e sundimit të ligjit në tërë territorin e Republikës së Kosovës”.

Vendimi u mor në bazë të Kushtetutës së Republikës së Kosovës, neni 84, pika 28, si dhe në bazë të Rregullores për Dekoratat, Urdhrat dhe Titujt e Nderit të Kosovës.
Enver Zymberi ka ndërruar jetë si pasojë e plagëve të marra, në një sulm të armatosur kundër Policisë së Kosovës në veri.

Varrimi i tij do të bëhet me të gjitha ceremonitë dhe nderimet që janë të parapara për Heroin e Kosovës, thuhet në komunikatën e presidencës.
Sipas së njëjtës, presidentja Jahjaga do t’ia dorëzojë medaljen familjes Zymberi në një ceremoni të veçantë.

Vdes polici i Kosovës Enver Zymberi, duke mbrojtur sovranitetitin e shtetit të Kosovës 


Pjesëtari i Policisë së Kosovës, Enver Zymberi nga Dubovci i Vushtrrisë ka ndërruar jetë. Policia e Kosovës ka konfirmuar se pjesëtari i njësisë speciale ka ndërruar jetë si pasojë e plagëve të marra në një pritë në veri të Mitrovicës. Kryeministri i Kosovës, Hashim Thaçi i ka dërguar një telegram ngushëllimi familjes së policit të Kosovës, Enver Zymberi, që ndërroi jetë sonte, si rezultat i plagëve të marra nga sulmi i turmave të dhunshme që tentuan të bllokonin vënien e ligjshmërisë dhe kushtetutshmërisë në pikat kufitare në veri të Kosovës, por që nuk ia arritën.


“Me dhimbje të madhe morëm lajmin që polici i shtetit të Kosovës, Enver Zymberi, edhe përkundër përkushtimit të madh të ekipeve mjekësore, ndërroi jetë sonte, pas plagëve të marra nga sulmi i turmave të dhunshme që tentuan të bllokonin vënien e ligjshmërisë dhe kushtetutshmërisë në pikat kufitare në veri të Kosovës, por që nuk ia arritën”, thuhet në telegram. Thaçi ka thënë se vdekja e Enver Zymberit është një humbje e madhe jo vetëm për Policinë e Kosovës, por për mbarë popullin dhe institucionet e vendit.


“Falë Enverit dhe policëve të kalibrit të tij të lartë, institucionet e Kosovës arritën të vënë ligjshmërinë dhe kushtetutshmërinë në pikat kufitare në veri të vendit. Në emër të Qeverisë së Republikës së Kosovës dhe në emrin tim, ju lutem pranoni ngushëllimet më të sinqerta”, përfundon telegrami i ngushëllimit.

Ndërkohë, mediat lokale serbe kanë njoftuar se të plagosur ka edhe nga serbët lokalë, të cilët kanë sulmuar pjesëtarët e Njësisë Speciale. Sipas këtyre mediave, në Zubin Potok dyshohet se janë plagosur tre serbë, por nuk ka informacione për gjendjen e tyre shëndetësore.

Bravo Hashim Thaqi!

QEVERIA E KOSOVËS KA PËRKRAHJEN E POPULLIT !!!

 


Mëngjesi i së martës e ka zbardhur kryeministrin e Kosovës, Hashim Thaçi në veri të Kosovës, ku autoritetet e rendit kanë marrë nën kontroll pikën 31 dhe 1. Diku pak para orës 08:00 të mëngjesit, kryeministri Thaçi ka pirë kafen e mëngjesit në Leposaviq, një qytezë e vogël veriore e Kosovës që është nën administrimin e strukturave paralele serbe të dirigjuara nga Serbia. Së bashku me kryeministrin Thaçi ishte edhe ministri i Punëve të Brendshme të Kosovës, Bajram Rexhepi. Mbrëmë vonë forca të shumta të Njësisë Speciale të Kosovës janë nisur me urgjencë për në veri të Kosovës, me urdhër të kryeministrit Thaçi. Aksioni i kryeministrit Thaçi ka për qëllim respektimin e reciprocitetit me Serbinë, vendim i marrë para pak ditësh.


 


Ministri i Punëve të Brendshme, Bajram Rexhepi konfirmoi se situata është e qetë falë punës profesionale të Policisë së Kosovës, të cilët kanë pasur për qëllim realizimin e aksionit dhe shtrirjen e sovranitetit pa lënduar asnjë qytetarë.
Ai tha se ky është një hap tejet i rëndësishëm për shtrirjen e sovranitetit, ndërsa bëri të ditur se do të vazhdojnë edhe veprimet tjera për vendosjen e ligjshmërisë. Se cili është bilanci i këtij aksioni, ministri Rexhepi bëri të ditur se në këtë aksion është lënduar një polic me një mjet shpërthyes si dhe ka pasur disa dëmtime të xhamave të veturave. Ai tha se nuk pritet të ketë probleme dhe do të lëshohet rruga për qarkullim.
 


















Pesë policë të plagosur, jo rëndë 

Ministri i Punëve të Brendshme, Bajram Rexhepi, ka bërë të ditur se pesë pjestarë të njësive speciale të policisë së Kosovës, Rosu, janë plagosur gjatë natës, në aksionin për marrjen e pikave kufitare në veri. 

Rexhepi tha se një pjesëtar i policisë u plagos në këmbë, kur makina në Zubin Potok hodhi një mjet shpërthyes, ndërsa katër të tjerë janë lënduar në një fshat në komunën e Zveçanit, Rudare, kur serbët të cilët bllokuan rrugën me gurë goditën veturën e policisë. 

Ai shtoi se oficerët e policisë jashtë rrezikut të jetës. 

Ministri i Kosovës tha se ekziston mundësia e eskalimit të situatës, por policia ka kujdes maksimal dhe se qytetarët serbë në veri të Kosovës duhet të kuptojnë se veprimi nuk është i drejtuar kundër tyre.


Serbët kanë sulmuar me armë zjarri pjesëtarët e njësitit special, derisa ishte duke u rikthyer në veri. Ndërkohë një polic është plagosur rëndë, pasi është qëlluar nga largësia me snajper, kanë bërë të ditur për Express burime nga policia. 

Sulmi ka ndodhur në rrugën Kushtovë - Zubin Potok. 

Polici është sjellë me një plumb në kokë në Qendrën Emergjente në Mitrovicë, i ka konfirmuar gazetës një mjek nga kjo qendër. 

Ai është nisur me urgjencë drejt Qendrën Klinike Universitare të Kosovës në Prishtinë. 

Por në QKUK, deri në orën 15:20 nuk është sjellë asnjë i plagosur.  

 Stefanoviq: Policia gjuajti në protestuesit serbë 
Edhe mediat serbe kanë raportuar se njësitet speciale të Policisë së Kosovës kanë marrë me forcë pikën kufitare në Bërnjak. 

Sipas agjencisë Beta, policët e Kosovës kanë përdorur armë zjarri për t’iu shmangur serbëve, të cilët po përpiqeshin ta bllokonin rrugën. 

Por nuk dihet nëse ka të plagosur. 

Ndërmjetësi serb në bisedimet me Kosovës, Borko Stafanoviq, ka thënë se ka informata se policia shqiptare ka gjuajtur drejt serbëve të cilët po protestonin dhe se KFOR-i ka dërguar një njësit për të parandaluar eskalimin e situatës. 

“Ka pasur të shtëna. Kemi dëgjuar se Policia e Kosovës ka gjuajtur në njerëzit tanë. Është e rëndësishme që të mbetemi të qetë dhe të kemi informatat e duhura”, ka thënë Stefanoviq. 

Serbët të cilët e kanë bllokuar rrugën në Rudare, e cila shpien në pikën kufitare 1, kanë shtënë me armë zjarri ndaj Policisë së Kosovës, ku është dëmtuar një automjet i policisë, ndërsa nuk ka informacione për të lënduar. Forca të mëdha të Policisë së Kosovës, janë nisur nga Vushtrria në drejtim të pikës kufitare Jarinje, për të qetësuar situatën dhe për të mbrojtur pikat kufitare nga serbët e rebeluar. Ndryshe, aksioni policor për marrjen nën kontroll të pikave kufitare në veri të vendit, ka filluar mbrëmë rreth orës 22.00, ndërsa pak kohë para këtij aksioni, kryeministri Thaçi ka shkarkuar nga detyra drejtorin e përgjithshëm të Policisë së Kosovës Reshat Maliqi. Policia e Kosovës mbrëmë ishte vendos në pikën 31, por serbët kishin bllokuar rrugët që qonin në pikën 1, duke e penguar gjatë tërë natës policinë që të vendosët edhe në këtë pikë, e cila është vendosur në këtë pikë kufitare sot në ora 08.00. Aksioni i njësisë speciale së Policisë së Kosovës vjen pas marrjes së masave të reciprocitetit të Kosovës ndaj Serbisë. Pikat kufitare 1 dhe 31 janë djegur nga serbët pas shpalljes së pavarësisë së Kosovës. Këto dy pika llogariten si dy vendet ku zhvillohet kontrabanda më e madhe. Ky është aksioni i parë serioz i autoriteteve të Kosovës për të shtrirë autoritetin në tërë territorin e Kosovës. 

Para akcionit për të marrë nën kontrollë edhe pikën kufitare 1 në veri të Kosovës, kryeministri i Republikës së Kosovës, Hashim Thaçi, ka zhvilluar një takim me komandantin e KFOR-it. Pas këtij takimi me dy helikopter të KFOR-it forcat e policisë dhe zyrtarët doganorë të Kosovës, janë dërguar në pikën 1 të kufirit, duke kompeletuar kështu operacionin e Qeverisë së Kosovës për marrjen nën kontrollë të pikave doganore pikat 1 dhe 31. Bilanci i këtij operacioni ka qenë 4 policë të lënduar, 1 me armë zjarri të tjerët me gurë dhe gjësende të tjera të forta 

 

                   Fernando Gentilini 


"Operacioni i kryer mbrëmë nga autoritetet e Kosovës nuk ishte i dobishëm. Ai nuk është bërë në konsultim me bashkësinë ndërkombëtare dhe BE-ja nuk e ka miratuar atë", ka thënë Fernando Gentilini, Përfaqësuesit Special i BE-së për Kosovën në lidhje me situatën në veri. "Është thelbësore që situata të qetësohet tani dhe të kthehemi ku kemi qenë. EULEX-i është i gatshëm t’i ndihmojë autoritetet e Kosovës në këtë", ka thënë Gentilini për të shtuar se "dialogu është e vetmja mënyrë që të zgjidhet çështja e vulave të doganave dhe të rivendosë tregti të lirë në të dy drejtimet". "Veprimet unilaterale nga njëra palë apo tjetra nuk mund ta zgjidhin problemin", ka thënë Gentilini. Reagimi i EULEX-it Me anë të një komunikate për media, EULEX-i ka reaguar për veprimet e Policisë së Kosovës. “Është e rëndësishme që situata aktuale të zgjidhet në mënyrë të qetë dhe paqësore. EULEX, po bashkëpunon ngushtë me KFOR-in për ta bërë këtë dhe për ta ruajtur sigurinë. EULEX nuk ka qenë në asnjë formë i përfshirë në aksionin e ndërmarrë nga Njësitë Speciale të Policisë së Kosovës”, thuhet në mes tjerash në komunikatën e EULEX-it. “EULEX-i dhe Bashkimi Evropian në Bruksel e kanë bërë të qartë se çështja e vulave doganore duhet të zgjidhet nëpërmjet dialogut Prishtinë-Beograd. "Veprimet e njëanshme nga cilado palë nuk ndihmojnë aspak. Problemet duhet të zgjidhen në mënyrë paqësore”, thuhet në fund të komunikatës së EULEX-it.

 

                                

        Maja Kocijançiq


Maja Kocijançiq, zëdhënëse e përfaqësueses së lartë të Bashkimit Evropian, Kethrin Eshton, ka thënë se Bashkimi Evropian nuk pajtohet me vendimin e autoriteteve në Kosovë për të ndërmarrë aksionin në veri të vendit.
“Është thelbësore tani që të qetësojmë situatën dhe të kthehemi aty ku ishim”, ka thënë zonja Kocijançiq, duke nënvizuar se misioni evropian për sundimin e ligjit, EULEX, është i gatshëm të ndihmojë autoritetet në Kosovë për ta bërë një gjë të këtillë.
“Duhet të kthehemi aty ku ishim, për të qetësuar situatën dhe për të vazhduar punën rreth dialogut”, ka thënë Kocijançiq, për Radion Evropa e Lirë, duke shprehur bindjen se çështja e vulave dhe tregëtisë duhet të zgjidhet nëpërmjet bisedimeve.
Ajo gjithashtu ka thënë se Bashkimi Evropian ka potencuar se as vendimi për embargon nuk ka qenë i dobishëm dhe se duhet dhënë mundësi dialogut.



Pohimet për kompromis me Serbinë, janë hedhur poshtë nga kryeministri Hashim Thaçi, i cili ka potencuar vendimin se policia e Njësisë Speciale e Kosovës do të vazhdojë të qëndroj në pikat kufitare 1 dhe 31.
Ndërkaq ministri i Brendshëm i Qeverisë së Kosovës, Bajram Rexhepi, i konfirmoi RTK-së se pjesëtarët e Njësisë Speciale të Policisë së Kosovës janë në pikën 1 të kufirit mes Kosovës dhe Serbisë në Bernjak, kurse në pikën 31, në Jarinje,
Ai tha se situata është më e paqartë. Konfirmimi i ministrit Rexhepi pasoi pohimet për tërheqjen e njësisë speciale nga dy pikat e kalimit kufitar me Serbinë.
Më heret, burime të RTK-së brenda KFOR-it, thanë se me ndërmjetësimin e komandantit Erhard Byhler ishte arritur kompromisi sipas të cilit njësitet speciale do të tërhiqen, kurse në në pikat doganore do të vendosen njësitet e rregullta të piolicisë dhe punonjësit doganor.

Branko Niniq, kryetari paralel i Leposaviqit, përkundër apelit që u ka bërë qytetarëve serbë për të dal në protestë dhe për bllokuar rrugët, nuk ka pasur sukses, sepse vetëm 20 persona kanë dal në rrugë dhe situate për gjatë kufirit në Jarinje është e qetë, derisa pjesëtarët e Njësisë Speciale të Policisë së Kosovës po e mbikëqyrin situatën. 
Ndërsa në Bërnjak situate është e tensionuar, ende po vazhdojnë të shtënat mes grupeve të serbëve dhe pjesëtarëve të KFOR-it. 
Kurse në Qendrën Mjekësore Familjare në Mitrovicë është dërguar një polic i plagosur, jeta e të cilit është në rrezik, ka konfirmuar drejtori i kësaj qendre, Agim Peci.


 

Forcat e policisë speciale të Kosovës janë tërhequr nga pika kufitare Jarinje, përkatësisht porta 1, citohen të kenë thënë zyrtarë të Prishtinës.
Ndërsa sipas zyrtarëve serbë forcat speciale të Policisë së Kosovës janë tërhequr nga pika kufitare Bërnjak apo porta 31.
Jo zyrtarisht thuhet se kjo është arritur pas një marrëveshjeje në mes të kryeministrit të Kosovës, Hashim Thaçi dhe negociatorit serb në bisedime me Kosovën, Borko Stefanoviq, me ndërmjetësimin e komandantit të KFOR-it, Erhard Byler.
Por mes Thaçit dhe Stefanoviqit nuk ka pasur takim. Sipas medieve në bazë të kësaj marrëveshjeje në pikat kufitare do të kthehen policia e rregullt e Kosovës, shumica e të cilëve të nacionalitetit serb.
Ndërkohë pritet që rruga të zhbllokohet nga protestuesit serbë. Edhe mediet serbe njoftojnë se forcat speciale të policisë së Kosovës janë tërhequr diçka para orës 13:00.
Më pas zyrtarë serbë do të shkojnë në pikën kufitare për t'u bindur që përbërja nacionale e policisë është e njëjtë sikur para marrjes nën kontroll të këtyre pikave kufitare. Mediet serbe nuk zënë në gojë doganierët.

 

 

Shefi i delegacionit serb në bisedime, Borko Stefanoviq dhe ministri për Kosovën, Goran Bogdanoviq, kanë qëndruar gjatë paradites në pikat kufitare,që tashmë janë nën kontroll të Policisë së Kosovës. 

Në këto pamje të Tanjugut, dy zyrtarët qeveritarë serbë shihen dukshëm të nervozuar teksa ecin përkrah veturave të shumta të policisë dhe atyre të KFOR-it. 

Po ashtu ata janë takuar edhe me komandantin e KFOR-it, Erhard Buhler, në përpjekje për ta tejkaluar situatën. 

Njësitë speciale të Policisë së Kosovës, që u vendosën gjatë natës në pikat kufitare në veri, në kufi me Serbinë, do të tërhiqen si pjesë e një marrëveshjeje në mes të Kosovës dhe Serbisë, të ndërmjetësuar nga NATO, citon agjencia Associated Press, një zëdhënës të NATO-s.
Aksionet e kryera gjatë natës janë kritikuar nga Bashkimi Evropian, i cili po ndërmjetëson aktualisht bisedimet për normalizimin e raporteve mes dy vendeve.
Njësitët speciale të armatosura lehtë kanë depëruar një natë më parë në zonën e kontrolluar nga serbët dhe kanë marrë kontrollin e një pike kufitare, para se të bllokoheshin nga serbët lokalë, ndërsa ishin rrugës drejt pikës tjetër kufitare, njofton AP.
Qeveria ka thënë se aksioni ka për qëllim rivendosjen e rendit në veri.
Zëdhënësi i NATO-s, Hans Uihter tha se policia e rregullt do të marrë kontrollin në pikat kufitare dhe se numër më i madh i pjesëtarëve shqiptarë të policisë do të vendosen atje krahas pjesëtarëvë serbë të policisë.
Aksioni pason vendimin e autoriteteve të qeverisë për vendosjen e masave të reciprocitetit ndaj Serbisë, duke mos lejuar kështu hyrjen e mallrave serbe, ndalesë kjo që Serbia ka nisur ta zbatojë që nga viti 2008.


 

Kryeparlamentari  Prof. Dr.Jakup Krasniqi dhe shefat e grupeve parlamentare e kanë përshëndet vendimin e Qeverisë për marrjen nën kontroll të dy pikave kufitare të Kosovës në veri, duke thënë se ky ka qenë një obligim kushtetues dhe ligjorë i Qeverisë së Kosovës, për shtrirjen e autoritete të Qeverisë në tërë territorin e Kosovës.
Shefat e grupeve opozitare, kanë thënë se nëse do të merreshin vendime të tilla më herët, pozicioni i Kosovës në bisedime me Serbinë do të ishte më i fortë, mirëpo kjo nuk e zbeh vendimin e djeshëm për marrjen nën kontroll të dy pikave doganore. 
Kryesia në mbledhjes e sotme ka caktuar për rend të ditës dy seanca, për të enjten dhe të premten, ndërkaq është pajtuar që ta fusë në mënyrë urgjente si çështje Ligjin për vlerat e luftës së UÇK-së.





Lidhja Demokratike e Kosovës ka deklaruar se përkrah çdo veprim të institucioneve të Republikës së Kosovës, që ka mbështetje në Kushtetutën e vendit dhe që është në funksion të sundimit të ligjit.
"Lidhja Demokratike e Kosovës shpreh mbështetjen e plotë për Policinë e Kosovës dhe bën thirrje për asistencë edhe të institucioneve gjegjëse ndërkombëtare me qëllim të kthimit të rendit dhe të ligjit në Veri të Kosovës", thuhet në një deklaratë të partisë opozitare, LDK-së.
"Lidhja Demokratike e Kosovës vlerëson se vetëm sundimi i rendit dhe i ligjit në tërë territorin e Republikës së Kosovës krijon kushte për jetë të qetë dhe prosperuese për të gjithë qytetarët, pa marrë parasysh përkatësinë etnike të tyre", thuhet ndër të tjera në deklaratën e LDK-së.

Në një komunikatë për media, Lëvizja Vetëvendosje e ka cilësuar si të arsyeshëm dhe të kuptueshëm vendimin për vendosjen nën kontroll të pikave doganore në veri të Kosovës. Në komunikatë mes tjerash thuhet se “ky vendim e pason vendimin paraprak të javës që shkoi për moslejimin e hyrjes së mallrave prej Serbisë dhe qarkullimin e tyre në Kosovë”. “Vendimi për moslejimin e mallrave prej Serbisë në Kosovë, në kuadër të reciprocitetit karshi Serbisë, është praktikisht i pamundur të zbatohet pa i marrë nën kontroll këto dy pika doganore. Prandaj, vendimi i fundit i Qeverisë është i kuptueshëm, i arsyeshëm dhe i drejtë”, thuhet në komunikatë. Po ashtu, ky grup parlamentar opozitar shfaq shpresën se qeveria “nuk ka menduar vetëm hapin e parë”. “Shpresojmë që qeveria ka nisur me zbatimin e një plani, të një strategjie më të gjerë për ta bërë Kosovën sovrane e me integritet territorial. Hapi i këtillë është pozitiv dhe i drejtë, por hapi mbetet veçse një hap. Hapi nuk e bën ecjen. Ecjen e përbëjnë hapat, shumë hapa të bashkërenduar”, thuhet në komunikatën e Vetëvendosjes.

 

Aleanca për Ardhmërinë e Kosovës inkurajon Qeverinë e Kosovës që me vendosmëri të përfundojë operacionin policor në veri të Kosovës. AAK është e bindur se situata e krijuar për vite me radhë në veri të Kosovës është problem i mungesës së sundimit të ligjit dhe meriton trajtim të tillë nga institucionet vendore dhe ndërkombëtare. “Aleanca për Ardhmërinë e Kosovës (AAK) po përcjellë me kujdes zhvillimet e fundit në veri të Kosovës. Duke pasur parasysh nevojën jetike për rivendosjen e kontrollit shtetëror legjitim në atë pjesë të Kosovës dhe posaçërisht në pikat kufitare-doganore 1 dhe 31, vlerësojmë se operacioni i Policisë së Kosovës duhet të rezultojë me krijimin e mundësisë për zbatimin e Kushtetutës dhe ligjeve në veri të vendit”, thuhet në komunikatë. AAK inkurajon Qeverinë e Kosovës që me vendosmëri të përfundojë operacionin policor në veri të Kosovës, në mënyrë që atje të vendoset siguria publike dhe qytetarëve të asaj pjese t’u sigurohet të drejtat e njeriut. “Kujdesi i shtuar dhe profesionalizmi në realizimin e operacionit është tejet i rëndësishëm për ruajtjen e jetës së qytetarëve të Kosovës në atë pjesë dhe oficerëve policorë. Ne çmojmë vullnetin e oficerëve të Njësive Speciale të Policisë për detyrën ndaj vendit, duke qenë të bindur në përgatitjet e larta fizike dhe profesionale të tyre”, theksohet në komunikatë. Në të njëjtën kohë, AAK fton Qeverinë e Kosovës që të koordinojë plotësisht aktivitetet e veta me KFOR-in, si garantues i sigurisë së përgjithshme të vendit. AAK thotë se ka insistuar që nga pjesa e parë e vitit 2008 që autoriteti i shtetit të përdoret për të vendosur rendin dhe ligjin në tërë territorin e Kosovës, si e drejtë e pakontestueshme sovrane e Republikës së Kosovës. “Dëmet e deritashme që i janë shkaktuar shtetit dhe popullit të Kosovës kërkojnë adresim shtetëror, prandaj angazhimi i trupave speciale të Policisë së Kosovës ka qenë i pashmangshëm”, thuhet në komunikatën e AAK-së.



Klubi për Politikë të Jashtme shpreh përkrahjen për ndërhyrjen e Policisë së Kosovës për të vënë nën kontroll dy pikat kufitare në veri të vendit.
KPJ konsideron se ftesa e Përfaqësuesit Special të Bashkimit Evropian për Kosovën, Fernando Gentilini, për kthim prapa në thelb është e papranueshme, sepse nënkupton kthim në paligjësi. 
Me një komunikatë për opinion, KPJ i bën thirrje Bashkimit Evropian të jep një mesazh të fort përkrahës për vendosjen e kontrollit ne pikat kufitare 1 dhe 31, si pjesë e përpjekjes për vendosjen e rendit dhe ligjit në veri të Kosovës.

 


Në një mbledhje urgjente të Komitetit të sigurisë të komunës së Mitrovicës, të thirrur pas situatës së krijuar në veri, ku morën pjesë përfaqësues të strukturave politike dhe ato të sigurisë, u tha se vënia e kontrollit në pikat kufitare në veri është një hap drejt vendosjes së rendit dhe ligjit në këtë pjesë të Kosovës.
Situatën e sigurisë policia rajonale e vlerëson në përgjithësi të menaxhueshme në gjithë veriun e vendit. 
U njoftua se protesta e paralajmëruar për të mërkurën nga banorët shqiptarë në Lagjen e Boshnjakëve është anuluar pas situatës së krijuar. 
Protesta ishte paralajmëruar të mbahej kundër ndërtimeve të banesave shumëkatëshe nga strukturat paralele serbe në këtë lagje. Zyrtarët e policisë së stacionit jugor kërkuan nga autoritetet komunale që aktivitetet e parapara kulturore që të mbahen në afërsi të Urës së Ibrit të anulohen ose të mbahen në ndonjë vend tjetër.

  

Flori Bruqi