Flori Bruqi:Mungesë e barnave esenciale në Kosovë ...

Ministri i Shëndetësisë, Prof.Dr.sci.Ferid Agani pas konsultimeve të bëra me Auditorin e Brendshëm të Ministrisë së Shëndetësisë, Komisionin Rregullativ të Prokurimit Publik, Organin Shqyrtues të Prokurimit Publik, ka kërkuar nga Ushtruesi i Detyrës së Sekretarit të Përgjithshëm dhe Departamenti i Prokurimit të Ministrisë së Shëndetësisë që të ndërpresin aktivitetin e prokurimit përkitazi me kontratën “Furnizim me citostatikë: nr. 206/12/044/111, konkretisht për Lot 36 të këtij tenderi, që ka të bëjë me produktin medicinal Palonosetron (preparat kundër vjelljeve pas hemoterapisë ose pas anestezionit të përgjithshëm) në sasi prej 16 000 copa, në vlerë të përgjithshme prej 1 247 840 euro.

Ministri Agani ka konstatuar se në bazë të dokumentacionit të shqyrtuar lidhur me “deklaratën e nevojave dhe disponueshmërisë së mjeteve” përkitazi me këtë tender, vlera e kontratës për këtë produkt medicinal shumëfish tejkalon në aspektin përpjestimor vlerën prej 4 000 000 eurove të parapara për blerjen e 44 llojeve të citostatikëve të përcaktuar në fillim të procedurës së tenderimit dhe rrjedhimisht, ka konstatuar se është e palejueshme që gati një e treta e mjeteve financiare të parapara për prokurimin e 44 llojeve të citostatikëve të zotohet për blerjen e një preparati, që nuk është citostatik, por preparat ndihmës, pavarësisht faktit se bëhet fjalë për një kontratë kornizë, e cila nuk e obligon Ministrinë që të blejë në tërësi sasinë e parashikuar.

Ministri, gjithashtu, ka konstatuar edhe faktin se titulli i dosjes së tenderit nuk përmban specifikimet e detyrueshme teknike në mesin e të cilave duhet të përshkruhet edhe saktë produkti i cili duhet të blihet nga autoriteti kontraktues, që arsyetojnë blerjen e këtij produkti medicinal.



Mbështetur në këto fakte, Ministri Agani konkludon se kontrata e ofruar për nënshkrim nuk vërteton se është në pajtim të plotë me ligjin, ashtu siç kërkohet në nenin 26, paragrafi 2 të Ligjit për Prokurim Publik, dhe se për këtë arsye, nuk do ta nënshkruajë këtë kontratë.

Ndryshe, më 23 nëntor të vitit 2013, KDI kishte dal me një raport ku ishte bërë e ditur se Ministria e Shëndetësisë ka hequr nga Lista e Barërave Esenciale, përkatësisht nga Lista e Citostatikëve, llojin e barit Ondansetron dhe Granisetron, që ishin në përdorim në dy vitet e fundit duke zëvendësuar ato me Palonosetron që nuk është përdorur më parë. 



Sipas KDI-së, këto ndryshime në Listën Esenciale, përveç që kishin qenë të panevojshme, njëkohësisht kishin rënduar buxhetin e shtetit për 1.2 milionë euro. Prandaj edhe kishte kërkuar nga ministri i Shëndetësisë Ferdi Agani, që mos ta nënshkruajë një tender të tillë.

Qendra Klinike Universitare e Kosovës po vazhdon të përballet me mungesë të theksuar të barnave nga lista esenciale. Sipas zyrtarëve të saj, prej vitit 2000 e këndej asnjëherë nuk është arritur që lista esenciale me barna të përmbushet tërësisht, si pasojë e buxhetit të limituar me të cilin disponon Ministria e Shëndetësisë.

Shpend Fazliu, zyrtar për informim në QKUK, tha  kohë më parë për Radion Evropa e Lirë se aktualisht lista esenciale me barna nëpër klinika është e përmbushur rreth 52 për qind.

“Buxheti aktual për barna nuk mjafton që të përmbushet lista esenciale dhe të gjitha kërkesat e klinikave e reparteve, si dhe procedurat e prokurimit nuk përshtaten me specifikat e shëndetësisë dhe marrin shumë kohë, derisa vonon furnizimi me barna dhe material shpenzues”.

....“Gjithsesi ka prioritetet sa i përket furnizimit. Me barnat që janë shumë të domosdoshme dhe emergjente, gjithherë kemi qenë më mirë të furnizuar, dhe kjo është arsyeja pse Qendra Emergjente, sallat e operacionit dhe mjekimi intensiv çdo herë furnizohen me prioritet”, ka tha Fazliu.

Ndërkaq, Mehmet Maxhuni, ushtrues detyre i drejtorit në Klinikën Kirurgjike, ka bërë të ditur se ka mungesë të theksuar në klinikën që ai udhëheq, sidomos në sallat operative, ku, sipas tij, çdo herë duhet improvizuar për të bërë zgjidhje.

“Fatkeqësisht, nuk qëndrojmë mirë, as me barna, as me furnizime. Përqindje nuk mund të them se nuk e di sa, por nuk është realizuar asnjëherë përqindja që është e paraparë me listën esenciale. Pacientët nuk kanë pësuar asnjëherë, por na shkoi jeta me improvizime. Pacientët vetë po i blejnë barnat, nuk do të duhej, por ata i blejnë”, deklaroi Maxhuni.

Zyrtarë në MSH thonë se buxheti i ndarë për barna nuk mund t’i përmbushë gjitha nevojat që i ka QKUK-ja.

Lidhur me këtë, Faik Hoti, drejtor i Departamentit për informim në MSH, dha më shumë hollësi:

“Ajo që Ministria e Shëndetësisë bën, është se siguron barna, material shpenzues dhe citostatikë me prioritet, sidomos për kategoritë më të rrezikuara, pastaj për ato shërbime që duhet të jenë në funksion gjatë tërë kohës, si Shërbimi i emergjencës, Mjekimi intensiv, Klinika e pediatrisë, dhe Gjinekologjia”.

Por, sipas Hotit, planifikimi joadekuat nga klinikat brenda QKUK-së shpeshherë  reflektojnë në mosfurnizim adekuat me barna nëpër klinika.

“Ndodh që në fillim të vitit bëhet kërkesë për lloje të caktuara të barnave, dhe derisa MSH-ja i furnizon, ato sjellin kërkesa tjera që janë në shpërputhje me kërkesat paraprake. Kjo e vë në telash MSH-në, sepse buxheti i kufizuar nuk lejon që të bëhen kalkulime të këtilla dhe të bëhen ndryshime në kalkulim apo listë esenciale”, sqaroi Hoti.

QKUK në Prishtinë  vazhdon të përballet me mungesë të theksuar të barnave nga lista esenciale.

Sipas zyrtarëve brenda këtij institucioni, që prej pas luftës së fundit në Kosovë e këtej, asnjëherë nuk është arritur që lista esenciale me barna të përmbushet tërësisht.



Kjo si pasojë e buxhetit të limituar që Ministria e Shëndetësisë e ka të ndarë për furnizim me barna dhe material shpenzues.

E, qytetarëve-pacientë të QKUK-së, u duhet t’i blejnë vetë shumë nga barnat dhe materiali i nevojshëm, që, sipas tyre, kushton shumë shtrenjtë.

Por, ky nuk është problemi i vetëm, me të cilin qytetarët apo pacientët përballen.

Problem tjetër paraqet edhe përdorimi i barnave. Për të mësuar përdorimin, dozimin apo edhe efektet anësore të një ilaçi, në disa raste pacientët janë të detyruar të kërkojnë ndihmën e ndonjë familjari që njeh gjuhën, e cila përdoret në udhëzimin e atij ilaçi.


Kjo si pasojë e asaj se në tregun farmaceutik në Kosovë ende ka barna, të cilat nuk përmbajnë udhëzimin në gjuhën shqipe, kurse shpjegimi nga ana e farmacistit që shet barin e caktuar, nuk u jepet qytetarëve blerës.

Mungesa e barnave të listës esenciale dhe materialeve shpenzuese, ende mbetet problem që kërkon zgjidhje. Ekspertë shëndetësorë nga radhët e opozitës, thonë se derisa nuk ka decentralizim të klinikave, furnizimi do të jetë i tillë, ku e tërë barra u bie pacientëve.

Lista e Barnave Esenciale gjendja aktuale në 

në stoqe

www.msh-ks.org/.../436_...

Mungesa e barnave të listës esenciale, materialeve shpenzuese dhe të tjerave, nuk është diçka e re në QKUK, thonë mjekët. Drejtori i kirurgjisë në QKUK, Mehmet Maxhuni, thotë se mungesa e barnave dhe materialeve shpenzuese, është problem jo vetëm për personelin mjekësor, por edhe për pacientët.

“Si nuk është e vështire ku në mes të natës duhet t’i qesim jashtë në mes të natës më ble penj. Klinika ime asnjëherë nuk ka qenë e furnizuar 100% dihet ajo”, thotë Maxhuni.

Për familjaret e pacientëve është kuptueshme mungesa e ndonjë medikamenti, por jo edhe mjeteve elementare për pacient:

“Është dashtë me ble gjithcka para operacionit, me infuzione e me krejt, këtu asnjë send nuk po ekzistojke”.

Ndërsa, zëdhënësi i Ministrisë së Shëndetësisë, Faik Hoti, mungesën e barnave e arsyeton nënshkrimin e kontratave të reja.

“Ka pasur telashe këto ditë me furnizimin me penj për shkak se ka qenë në proces nënshkrimi i kontratave me operatorët të cilët e bëjnë furnizimin me penj, e gjithashtu ka pas pak vështirësi rreth alokimit të buxhetit”, thotë Hoti.

Ndërsa, sipas dr. Luan Jahës, ekspertë shëndetësor nga AAK, problemi qëndron të Ministria e Shëndetësisë.

“Problemi është që me furnizimin e barnave dhe pajisjeve të QKUK-së dhe spitaleve regjionale po merret Ministria e Shëndetësisë. Sipas neve, zgjidhja është decentralizimi i plotë i këtij funksioni, duhet furnizimi me barna të jetë i klinikave, bile jo as e Qendrës Klinike, por drejtpërdrejtë e klinikave”, theksoi Jaha.

Tashmë, është vështirë të besohet më në premtimet e zyrtarëve të Ministrisë së Shëndetësisë, se në të ardhmen do të ketë përmirësim me furnizim të barnave dhe materialeve shpenzuese, thonë pacientët....

Dhe krejt në fund Barnat nga lista esenciale, të dedikuara falas për pacientët, po kontrabandohen. Kështu konstaton Inspektorati farmaceutik, i cili ka arritur të kapë sasi të konsiderueshme të barnave nga kjo listë në institucionet private shëndetësore, e madje edhe në barnatore.

”Kemi ardhur në këmbë nga “Bergen Belzeni”, por nuk e dimë se si?!”

Mbijetesa e hebrejve në Kosovë

Gjatë luftës së Dytë Botërore në Kosovë janë strehuar dhe mbrojtur rreth 500 familje hebreje. Në Kosovë aktualisht jetojnë vetëm 56 prej tyre.

Njëra nga tri motrat e familjes hebraike Bahar, të cilat pas mbijetesës së Holokaustit në kampin nazist “Bergen Belzen” në Gjermani, ishte paraardhësja e familjes Demiri, në Prizren. 8 dekada pas, i biri i saj Votim Demiri, sot 70 vjeç, sjell rrëfimin njërin ndër miliona rrëfimet hebraike, njëtragjedi më vete:

“Pas kapitullimit të Italisë në 1943, gjermanët u kthyen sërish me njerëzit kuisling në Kosovë, të cilët i kishin listat e përgatitura të hebrejve. Ata i mblodhën dhe i deportuan në kampin “Bergen Belsen”, në të cilin gjetën vdekjen 92 hebrej dhe mbijetun vetëm tri vajza në moshën katër deri në dymbëdhjetë vjeç, njëra prej të cilave nëna ime.

Dhe kur i pyes sot se si e keni gjet Prizrenin, ato thonë: ”Kemi ardhur në këmbë nga “Bergen Belzeni”, por nuk e dimë se si?!” , rrëfen Demiri, duke shtuar se ndër burimet më të përpikta të të dhënavë për paraardhësit e tij janë ato nga autoritetet gjermane.

Hebrejtë të mbrojtur nga Besa Shqiptare

Besa Shqiptare, sipas Kanunit, një fjalë e dhënë dhe e mbajtur për mbështetje, besnikëri dhe mbrojtje të pakompromis deri në vetëmohim dhe flijim jete ishte atëbotë streha më e sigurtë e hebrejve të kërcënuar në çdo hap ga shfarosja prej Gjermanisë naziste të Hitlerit.

”Ndërsa, ekzistojnë të dhënat se i vetmi popull brenda, të cilit ëshë rritur numri i hebrejve në kohën e Holokaustit, janë shqiptarët.

Dhe thënia se ‘Shtëpia e shqitparëve i dedikohet Zotit dhe mysafirit’ nuk është vetëm parrullë, por e vërteta të cilën hebrejtë e kanë prekur nga afër”, mendon Demiri, i cili përmend emra të dhjetra familjeve shqiptare, që kanë strehuar hebrej. Por në Kosovë nuk asnjë trashëgimi të prekshme të hebrejve, përveç asaj shpritërore, kjo sepse ata nuk patën mundësi të shpëtojnë tjetër veç jetës së tyre.

Mirëpo, në një qytet multietnik, multikulturor dhe multifetar siç është Prizreni, të 56 familjet e mbetura hebreje kanë të imishëruara brenda vetes të gjitha aspektet e kësaj jete. Kryefamiljarja Suzana thotë se: ”Në familje unë flas turiqsht, bashkëshorti më flet serbisht, ndërsa fëmijët mësojnë në shkolla shqipe.

Kremtojmë të gjitha festat e secilit komunitet. Këtu kemi xhamitë, teqetë, kisha, manastire dhe që nga stërgjyshi e deri më sot të gjithë jetojmë së bashku e në harmoni me popujt e tjerë.“

Aktualisht në Kosovë jetojnë 56 familje hebreje

Shteti i Izraelit u themelua në vitin 1948 nga hebrej të shpërndarë anekënd globit. Si shumë bashkëkombas të tjerë u kthyen në Izrael edhe dy tezet e Votim Demirit, që i mbijetuan Holokaustit, por ëma e tij mbeti në Prizren.

“Nëna ime qëndroi sepse ajo e gjeti veten këtu, na kishte ne ishte e respektuar në shoqëri, në të cilën u integrua për mrekulli. Qëkur ishte maturante ajo iu bashkangjit partizanëve dhe luftoi kundër fashistëve”, thotë Demiri.

Ai shton se ata i ruajnë rregullisht kontaktet me familjarët e larguar nga Kosova.

Sipas Votim Demirit, kryetar i Bashkësisë Hebreje në Kosovë, prania e hebrejve në këto hapësira daton që nga shekulli i 15-të. Hebrjtë përgjatë viteve ndërtuan një jetë të organizuar me shkollë për fëmijë, komunë dhe sinagoga. Aktualisht në Kosovë jetojnë 56 familje hebreje, të cilat janë të përqëndruara në Prizren, ndërsa hebraizmi është përfshirë si pjesë e besimeve tradicionale në Kosovë.

Hashim Thaçi rizgjedhet Kryetar i PDK-së

Kryetari i porsazgjedhur i PDK-së, ka propozuar Sekretarin e kësaj partie, Jakup Krasniqin dhe Fatmir Limajn për Këshillin Drejtues.

Propozimi i tij është miratuar nga të gjithë delegatët e partisë.

Ky propozim vjen edhe përkundër mos-pjesëmarrjes së dy emrave të propozuar për Këshillin Drejtues në Konventën e VI-të të PDK-së.

Ndërkaq, PDK edhe zyrtarisht është profilizuar si parti e Qendrës së Djathtë, pas votimit unanim nga delegatët e Konventës.
Në votimin për Kryetar të PDK’së kanë marrë pjesë 719 delegatë, nga ta 718 kanë votuar pro kandidaturës së Hashim Thaçit, derisa vetëm 1 delegat ka votuar kundër. 

Në fjalën e tij para delegatëve, Thaçi i ka falënderuar për besimin e dhënë.

“Ju falënderoj për besimin që ma keni dhënë”, ka thënë ai.

“Në këto 13 vite PDK ka kaluar neper sfida dhe ka qenë përballë vendimeve të rënda, por bashkërisht i kemi tejkaluar këto situata. Kjo është vlerë e PDK’së”, ka pohuar Kryetari i PDK’së.

Më pas, ai i ka siguruar ata se partia, nën udhëheqjen e tij, do t’i fitojë zgjedhjet.

“Të nderuar delegatë, ju siguroj se si Kryetar i PDK’së do t’i fitojmë zgjedhjen lokale dhe nacionale”.

Një fjalë të shkurtër ka mbajtur edhe zëvendësi i deritashëm i Thaçit, Hajredin Kuçi.

“Jemi me fat që kemi një Lider që reflekton unitetin e partisë”, tha ai.

Tani delegatët kanë dalë në pauzë, për t’u kthyer më pas për procesin e zgjedhjes së Këshillit Drejtues të PDK’së. 

12:42 Hashim Thaçi është zgjedhur Kryetar i PDK’së, unanimisht, me aklamacion.

Nis Kongresi i PDK’së, zgjidhet Kryesia e Punës

12:14 Kryesia e Punës ka hapur diskutimin për delegatët e PDK’së.

Aktualisht po flet Arsim Bajrami, derisa më herët të pranishmve iu ka drejtuar Rexhep Hoti.

Ai ka thënë se Jakup Krasniqi duhet të jetë i pranishëm në strukturat udhëheqëse të partisë, pavarësisht se refuzoi të jetë pjesë e Kongresit Zgjedhor.

“Nëse nuk përfshihen gjithë figurat kyçe të PDK’së, nuk kemi bërë asgjë”, tha Hoti, i cili në mandatin e kaluar ishte deputet i PDK’së për një kohë të shkurtër.

11:40 

Para pak çastesh ka nisur punimet Kongresi i  6 -të Zgjedhor i Partisë Demokratike të Kosovës.

Hapjen e punimeve e ka bërë Basri Musmurati, i cili ka prezantuar Raportin e Punës së Këshillit dhe Kryesisë së PDK’së.

Më pas është zgjedhur Kryesia e Punës.

Për këtë detyrë janë zgjedhur Enver Hoxhaj, Hajredin Kuçi, Flora Brovina, Vlora Çitaku, Xhavit Haliti, Ganimete Musliu, Arsim Bajrami, Drita Kadriu dhe Ramë Buja.

Në agjendën e Kongresin tash janë miratimi i ndryshimeve statutare, derisa në mesditë pritet të zgjidhet Kryetari i partisë dhe më pas do të votohet për Këshillin Drejtues.

Deri më tash Hashim Thaçi është kandidati i vetëm për postin e të parit të PDK’së.

Ndaj kryeministrit Thaçi ka një simpati të veçantë. Është në koalicion me të qe 12 vjet dhe thotë se ai nuk e ka tradhtuar kurrë. E mirëkupton edhe pse nuk e ka marrë në qeveri. “Nuk është se nuk do, por nuk ka mundësi ta bëjë këtë”. Veç kësaj Haxhi Zylfi Merxha, prijësi i romëve në Kosovë, rrëfen se si njëherë e kishte vartës të tij liderin e LDK-së, Isa Mustafën, pse nuk e do ish-presidentin francez Nichola Sarkozy, liderin e Vetëvendosjes Albin Kurtin dhe pse ia ka marrë inati Adem Demaqit. Po ashtu, ai tregon se si kishte ndikuar që Ibrahim Rugova të merrte votat e duhura për President të Kosovës.

Vitet e gjata si punëtor i tekstilit kanë ndikuar që të duket pedant, edhe me moshën që e ka, gati 79 vjeç.

Në fillim paraqitet më serioz, por kah mesi i bisedës shakatë janë të paevitueshme nga ky politikan i njohur por që vitet e fundit nuk është parë shpesh në media pasi nuk është deputet i legjislaturës së fundit.

Aktualisht është Ambasador i Paqes për Kosovë, Ballkan dhe Evropë dhe kryetar, siç thotë, i përjetshëm i Partisë së Romëve të Bashkuar.

“Si parti e vetme për romët në Kosovë, kemi bërë shumë. I kam 35 studentë që marrin edhe bursa në fakultete. Kam punësuar të rinj nga Fushë Kosova, Prizreni”, thotë Merxha.

Ai thotë se partia që udhëheq nuk është e madhe, por, sipas tij, përpiqet për të ndihmuar. “Sa e kemi jorganin, aq i shtrijmë këmbët”.

Haxhi Zylfi Merxha, ish-deputet i parlamentit të Kosovës, është i lumtur që jeton në Kosovë dhe mendon se Kosova është vendi model ku respektohen të drejtat e pakicave, më mirë se në Evropë e Amerikë.

“Kam qenë tri herë në Amerikë, e kam pa atje qysh shkon jeta, ata janë shumë prapa nesh sa i përket të drejtave të pakicave”, thotë ai.

Jeta e tij, prej kur i përfundoi mandati si deputet ka ndryshuar. Ishte deputet në tri mandate legjislative dhe shpesh ishte kapur nga kamerat televizive duke fjetur në seancë parlamentare.

Tash punon më pak, por si kryetar partie që është, vijnë dhe e informojnë për zhvillimet në politikë.

Ndaj kryeministrit të Kosovës ka një simpati të veçantë, dhe mjaftë besnike. “Thaçin e kam lavdëruar, edhe prapë e lëvdoj sepse Thaçi vërtet e bënë punën e vet. Pse s’ka mundur ta ketë në qeveri edhe një rom nuk them që ai s’na do, por nuk ka mundësi”, thotë Merxha.

“Një herë jam nënshkruar para 12 vjetëve, edhe s’kam mendjen të lëvizë më, edhe këtë vit jam prapë në koalicion me të”, thotë ai.

Ndërsa mendon se Vetëvendosje është një grup që po ia prish imazhin Kosovës. “Në zyrën tonë ka shumë fotografi të Albinit me Adem Demaçin. Ata kanë qenë gjithmonë mysafirët e mi, mirëpo tash nuk më pëlqejnë gjestet që i bënë Albini (protestat)”.

Ndërkohë për Demaçin thotë se prej se është rehatuar nga Qeveria, e cila i kishte dhënë veturë e pagë, më nuk i ka ardhur për vizitë.

Historitë me Sarkozyn, Rugovën dhe Isa Mustafën

Kushti kryesor për pavarësi e shumë vendime të mëdha politike për Kosovën kanë qenë pakicat, thotë Merxha.

Ai përmend shumë takime të mbajtura në Vjenë e vende të tjera të Evropës ku ka qenë pjesëmarrës. “Më kanë pyetur shumë herë nëse kemi të drejta në Kosovë, e unë u thosha që askund në botë nuk ka vende të sigurta sikur ne që i kemi në parlament”.

Nga këto takime, kishte edhe momente të veçanta që ai nuk i harron.

Qeshet me faktin se si një kohë e kishte vartës kreun e tanishëm të Lidhjes Demokratike të Kosovës. “Kur kam qenë në Vjenë, këshilltar imi ka qenë Isa Mustafa, shkoni pyetni kë të doni. Ai akademik, unë me shkollë të lartë (qesh)”.

Ka pasur raste kur është treguar i ngutshëm, por me krenari tregon se si e ka ndërruar situatën.

“Kam qenë në Parlament të Rumanisë, atëherë kur Sarkozy i përzuri 20,000 rumunë dhe atje e qova zërin. Thash kam kujtuar që Hitleri ka vdekur, tash paska ardhur një Hitler i ri e ai është kryetari i Francës”, kujton Merxha.

Të nesërmen e kishte ftuar ambasada e Francës në takim, kujton ai, për fjalët e rënda që i kishte thënë. “Ju drejtova me gisht dhe ju thashë: ‘unë popullin e Francës e dua shumë, mirëpo kryetarin e juaj nuk e dua’. E për këtë që s’e dua Sarkozinë, le të më paditë e të shkojmë në gjyq...edhe ata veç më shikonin”, kujton Haxhia.

Edhe ish-presidenti Ibrahim Rugova ishte në zor për Haxhi Merxhen.

Duke parë që për dy herë me radhë nuk i mori votat e deputetëve të Parlamentit, i kishte dërguar disa njerëz tek Haxhia.

“Erdhën në mes të natës, dhe më morën. Unë ia lashë djalit targat e kerrit, dhe përshkrimin e personave, e i thashë nëse nuk kthehem brenda dy orëve, shko lajmëro në polici zhdukjen time”, tregon ai se si ishte frikësuar për këtë vizitë të papritur.

“E kur mbërrimë në Prishtinë, Rugova na shërbeu me raki e cigare...ai pinte shumë, e unë si Haxhi nuk e kam shti në gojë qe 40 vjet”, rikujton Haxhia.

“Më tha, ‘Haxhi nëse edhe kësaj here nuk zgjidhem, kurrë nuk do të zgjidhem...’”.

“Të nesërmen, ishte mbledhja e radhës e parlamentit, dhe unë u ngrita në këmbë dhe thash votat e minoriteteve i shkojnë Ibrahim Rugovës. Të gjithë aplauduan”, kujton si me krenari këtë veprim.

Kjo kishte ndikuar që Rugova të merrte votat e duhura për tu zgjedhur nga parlamenti në postin e Presidentit të Kosovës, më 2004.

Komuna e Prishtinës e cila udhëhiqet nga Lidhja Demokratike e Kosovës përmes një deklarate për shtyp ka akuzuar televizionin publik RTK se ka injoruar fatkeqësinë kombëtare të aksidentimit të nxënësve, duke i dhënë përparësi transmetimit të kongresit të Partisë Demokratike (PDK).

Për Komunën e Prishtinës, aksidentimi i autobusit me rreth 60 nxënës dhe arsimtarë të Shkollës së Muzikës ‘Prenk Jakova’ në Prishtinë, që ndodhi të shtunën, paraqet një fatkeqësi kombëtare dhe “të gjithë qytetarët e Prishtinës dhe mbarë Kosovës i kishin sytë kah këta fëmijë dhe luteshin e uronin që nuk kishte ndodhur më e keqja”.

“Në momentin kur të afërmit dhe qytetarët e tjerë të Kosovës pritnin të merrnin lajmin detal në lajmet qendrore të ditës në televizionin e tyre publik RTK, se sa prej fëmijëve janë lënduar, sa rëndë janë lënduar dhe kush janë të lënduarit, RTK vendosi të transmetoj drejtpërdrejt kongresin e partisë në pushtet. Për më tepër, edhe kur emisioni i lajmeve filloi me shumë vonesë, qytetarëve iu servua kongresi i partisë në pushtet. Sipas politikës redaktuese të RTK-së, fatkeqësia kombëtare ku aksidentohet autobusi me 60 fëmijë, nuk merituaka të transmetohet para kongresit të partisë në pushtet”, thuhet në deklaratë.

Komuna e Prishtinës shpreh indinjatën e thellë për këtë politikë redaktuese të RTK-së.

“Komuna e Prishtinës pret që RTK të kryejë misionin e tij si televizion publik në shërbim të qytetarëve dhe publikut, e jo në shërbim të partive politike dhe pushtetit. Qytetarët e Kosovës e njohin RTK si televizion publik, e jo televizion shtetëror që vihet në shërbim të pushtetit”, thuhet në deklaratë.

Komuna e Prishtinës përkujton RTK-në se po shpenzon 8.2 milion euro taksa të qytetarëve të varfër të Kosovës për të qenë në shërbim të tyre.

Komuna e Prishtinës i bën thirrje Kuvendit të Kosovës të mbikëqyrë se si po keqpërdoren këto mjete nga RTK me këtë politikë redaktuese, që është jashtë çdo etike profesionale dhe në kundërshtim me qëllimin e themelimit dhe funksionimit të RTK-së si televizion publik.

“Flaka e Janarit 2013-Gjilan”

Flaka e Janarit është një manifestim letrar që mbahet në Gjilan, në shenjë respekti për atdhetarin dhe shkrimtarin disident Jusuf Gërvallën. Flaka Janarit ka traditë mbi 12 vjeçare. Laureat e shpërblimit Flaka e Janarit janë shumë shkrimtarë.

“Flaka e Janarit” u themelua për t’i bërë homazh të përjetshëm punës së palodhshme, vendosmërisë e vetëmohimit dhe sidomos rënies heroike të Kadri Zekës, Jusuf e Bardhosh Gërvallës, Rexhep Malës e Nuhi Berishës më 1982 dhe 1984, kështu është thënë në Akademinë e Flakës së Janarit.

Kjo akademi është organizuar nën patronatin e kryeministrit të vendit, Hashim Thaçi. Ndonëse ishte e paralajmëruar pjesëmarrja e tij, ai nuk ishte prezent, për shkak të një takimi që kishte me anëtarët e shteteve të Quintit.

Kryetari i Komunës së Gjilanit, Qemajl Mustafa në hapje të akademisë tha se “Flaka e Janarit” u mbajt nën kushte të jashtëzakonshme për disa vite, por ajo pavarësisht vështirësive ajo gjithmonë u mbajt në mënyrë të dinjitetshme.

Mustafa ka thënë se mirënjohja kryesore dhe respekti i pakufishëm u takon atyre që na e mundësuan themelimin, rritën, krijimin dhe shijimin e Flakës së Janarit e që janë heronjtë dhe dëshmorët tanë Kadri Zeka, Jusuf e Bardhosh Gërvalla, Rexhep Mala e Nuhi Berisha dhe të gjithë dëshmorët e hapësirës shqiptare.

I pari i komunës ka thënë se “Flaka e Janarit”, u themeluar edhe për një arsye tjetër, atë të angazhimit për lirinë e vendit.



“Flaka e Janarit u themelua edhe për një arsye tjetër të madhe e që ishte përçuarja e mesazhit kristalt zëshëm dhe qartë te okupatori se rruga dhe angazhimet tona për liri e kishin marrë hovshëm dhe seriozisht shpejtësinë e vet dhe kjo nuk do të ndalej më kurrë deri në realizim”, ka thënë Mustafa.

Ndërkaq, Ismajl Syla këshilltar politik i Hashim Thaçit tha se Flaka e Janarit u ndez para 31 vitesh në Gjermani atje ku vepronin e punonin Kadri Zeka e vëllezërit Gërvalla.

Syla ka folur për dimensionin politik, kulturor e arsimor të Zekës e familjes Gërvalla.

“Ata kishin si synim bashkimin dhe unifikimin e njerëzve. Këta heronj të kohës fuqizuan indin intelektual, andaj me të drejtë do të themi se “Flaka e Janarit” pasqyron pjesën e ardhme të historisë moderne shqiptare” ka theksuar Syla.

Një fjalë rasti mbajti edhe akademiku, Mehmet Halimi, i cili tha se “Flaka e Janarit” e këtillë si është e dizajnuar me dinjitet po pasqyron vlerat tona kombëtare e çlirimtare.

Kjo akademi është organizuar nën patronatin e kryeministrit të vendit, Hashim Thaçi, gjë që ka gëzuar udhëheqësit komunal që është futur kjo nën ombrellën e Qeverisë së Kosovës.

Ky është edicioni i 22-të i “Flakës së Janarit” që nga themelimi i saj më 1991.

Ndryshe, këto aktivitet kanë filluar me 11 janar, ndërsa do të përfundojnë me 26 janar.

********

Rreth 200 poezi dhe 37 tregime kanë mbërritur në adresë zyrtare të Komunës së Gjilanit për konkursin anonim letrar të “Penës së Flakës” e cila mbahet në kuadër të “Flakës së Janarit 2013”, rezultatet e të cilave do të publikohen me rastin e mbajtjes së Orës së madhe letrare, thanë përgjegjës së shtyllës së artit letrar të këtij manifestimi.

Sabit Rrustemi, anëtar i Këshillit të Flakës dhe përgjegjës për artin letrar, tha se në konkursin anonim letrar për poezi dhe tregim të shkurtër, përmes postës me kopje fizike dhe postës elektronike, kanë ardhur rreth 200 poezi dhe 37 tregime, të cilat janë në proces të vlerësimit nga juria profesionale.

“Në këtë konkurs ka prurje të shumta nga të gjitha trevat shqiptare, Kosova, Shqipëria, Maqedonia dhe mërgata të cilët i ka bashkuar ‘Flaka e Janarit’.


Mundësia e dërgimit të punimeve edhe me postë elektronike e ka shtuar interesimin e pjesëmarrësve e me këtë edhe konkurrencën dhe cilësinë”, tha Rrustemi. Duke folur për punimet e pranuara, Rrustemi tha se ka edhe autorë që janë joserioz, pasi kanë konkurruar me shumë punime dhe se nuk kanë respektuar kriteret e konkursit. Shpërblimet e këtij konkursi përfshijnë tri çmime për poezi dhe tri çmime për tregim të shkurtër si dhe çmimi “Pena e Flakës”, që jepet për poezinë më të mirë të lexuar në Orën e madhe letrare.

Në Drejtorinë për Kulturë, Rini e Sport (DRKS) në Gjilan, thonë se çdo gjë është gati për fillimin e manifestimit tradicional “Flaka e Janarit 2013’, që hapet më 11 dhe mbyllet më 25 janar.  Veton Nevzadi, drejtor për Kulturë, ka thënë se manifestimi hapet me homazhe te Varrezat e Dëshmorëve dhe  një pritje për familjet e dëshmorëve, që organizon kreu i komunës. Në mbrëmje ndizet edhe flakadani i Flakës, në ballinën e Tetarit të Qytetit.

Ditën e parë zhvillohet edhe Festivali i muzikës për fëmijë “Xixat e Flakës” si dhe turneu i futbollit “Rexhep Mala e Nuhi Berisha”.  Manifestimi vazhdon më 15 janar, me koncertin e muzikës folklorike “Folk Flaka” për të vazhduar më 17 janar, me akademinë e “Flakës...” dhe  ekspozitën e arteve pamore “Peneli i Flakës”. Nga data 19-23 janar, për pesë net rresht, zhvillohet Festivali i Dramës Shqipe “Talia e Flakës”.  Me 24 janar mbahet “Pena e Flakës”, ku do të bëhet shpallja e rezultateve të konkursit letrar në poezi dhe tregim të shkurtër si dhe organizohet Ora e madhe letrare.  Më 25 janar, me mbrëmjen e muzikës popullore “Fest Flaka”, përmbyllet ky manifestim, i cili pritet të tubojë në Gjilan, si gjithmonë deti tani, qindra artistë e artdashës nga të gjitha trevat shqiptare, për ta shndërruar këtë qytet të Kosovës, në një kryeqendër të kulturës mbarëshqiptare. “Flaka...” është  ndër më të rëndësishmit në trojet shqiptare, që mbahet prej më shumë se njëzet vitesh, në nderim të heronjve, dëshmorëve dhe martirëve të historisë sonë kombëtare. “Flaka...” është bërë tashmë identitet kulturor i Gjilanit, ka thënë Nevzadi.

Vlenë theksuar se në ketë enviniment kulturor nuk janë ftuar shkrimtaret me të afirmuar te trevave shqiptare....

Abdullah Konushevci

Manifestimet letrare

Më pyeti një mik nga Shqipëria se ç’është “Flaka e janarit”? I thashë se më duket që është një manifestim provincial, që organizohet në Gjilan. U detyrova të lexoj pak dhe të mësoj se është manifestim letrar, muzikor e ku di unë çka tjetër. I tregova se kurrë nuk jam ftuar në këtë manifestim, si në shumë manifestime të tjera të tilla dhe se për këtë jam pak edhe krenar. Ka shumë shpirtligësi dhe dashakeqësi tek organizatorët e këtyre manifestimeve, që janë, për fat të keq, jo rrallë disa mediokër letrarë, që gjejnë kënaqësi, prehje të mos përfillin krijuesit e vërtetë.



Bekim Kqiku: eshte kohe e pa koke,kur ndytesirat notojne mbi uje!

Rrok Berishaj:... po kam dhimbje per organizatoret, sipas tyre letersia shqipe duhet kufizuar me zona ! Pjesemarrja e poeteve nga trevat shqiptare do ia kishte rrit vlerat ketij manifestimi dhe do kishte nderuar organizatoret. Keshille per organizatoret, mos luani dhe mos injoroni vlerat letrare shqipe....

*****


Shfaqja “14 vjeç dhëndër”, e regjisores Elma Dorezi, u vlerësua me tre çmime në Festivalin Mbarëkombëtar të Teatrove “Flaka e janarit” në Gjilan të Kosovës.

Jo vetëm që u përzgjodh si shfaqja më e mirë e këtij festivali, por regjisorja Elma Dorezi mori çmimin “Realitet i ri teatror”, ndërsa aktori Devis Muka u vlerësua si aktori më i mirë i festivalit për rolin e Gjinos.
Teatri i Metropolit u përfaqësua në këtë festival me komedinë e Çajupit, që nën interpretimin e aktorëve Devis Muka, Marsela Lena, Lorenc Kaja, Erjona Kaçeli, Alban Musa, etj, sjell një komedi që flet përmes groteskut.

Festivali u hap me shfaqjen premierë “Kopshti me lule” i Teatrit të Gjilanit, me regji të Iliriana Arifit. Pjesë e festivalit ishin dhe shfaqjet “Frigoriferi”, e teatrit “Adriana Abdullahu” nga Ferizaj, me regji të Fatmir Hysenit, “Shtëpia në erë”, nga Teatri i Tetovës, nën regjinë e Kushtrim Bekteshit, ndërsa Tetari Kombëtar i Kosovës u prezantua me shfaqjen “Shtëpia në ankand”, me autor e regjisor Fadil Hysaj. Ky është edicioni i 22-të i Festivalit Mbarëkombëtar që mblodhi trupat teatrore nga gjithë trevat shqipfolëse.

Në ndryshim nga filmi, regjisorja Dorëzi ka menduar që shfaqjen “14 vjeç dhëndër” ta mbajë në grotesk, duke bërë një adaptim të tekstit, i bazuar tek Çajupi me të njëjtët personazhe, por duke sjellë skena dhe karaktere të ndryshëm dhe interesant.

Një nga trajtimet e personazheve është ndryshimi i gjinive jo tek aktorët, por në interpretimin e personazheve, që do të thotë, gratë do të sillen si burra dhe burrat si gra, gjë që vihet re kryesisht tek dyshja kryesore, Tanë dhe Vangjel apo dhe tek dyshja Gjino- Marigo.

Flori Bruqi

Situata në Luginën e Preshevës pas heqjes arbitrare të pllakës përkujtimore të dëshmorëve të UÇPMB-së, nga xhandarmëria serbe mbetet edhe më tej e tensionuar.

Baki Rexhepi - Preshevë


Grupi i ashtuquajtur i unitet ndër shqiptarë, që nga mbajtja e protestës gjithëpopullore nuk ka pas ndonjë takim për të shqyrtuar mundësin e tejkalimit të gjendjes në Luginë. Ndërkohë, përkundër paralajmërimeve nuk janë zhvilluar as takime me ndërkombëtarë.

Shaip Kamberi, nënkryetar i Partisë për Veprim Demokratik, grupin e unitetit e quan “ad hoc” mekanizëm, i cili i krijuar në rrethana të jashtëzakonshme nuk mund të jetë efikas, por sipas tij, duhet jetësuar funksionimin e Kuvendit gjithëshqiptarë të Luginës, në mënyrë që krahas deklaratave të koordinohet edhe veprimi.

Kamberi, madje paralajmëron protestë në Bujanoc me qëllim të ngritjes së zërit për padrejtësitë që po i’u shkaktohen shqiptarëve në Luginë.

Përfaqësuesi i Organizatës së Veteranëve të Luftës së UÇPMB-së, Edmond Isufi, problemin kryesor të gjendjes së krijuar në Luginë e sheh pikërisht në mos bashkimin e qëndrimeve të shqiptarëve të këtushëm.

Prandaj, sipas tij, përderisa mungon bashkëpunimi, liderët nuk mund të presin përkrahje nga populli e as nga Organizata e Veteranëve të Luftës e aq më pak, sipas tij nga Kosova, Shqipëria dhe Bashkësia Ndërkombëtare.

Në protestën e organizuar me rastin e kidnapimit të pllakës përkujtimore të dëshmorëve të UÇPMB-së, liderët politik shqiptarë të Luginës, parashtruan disa kërkesa, përmbushja e të cilave do të stabilizonte gjendje në këtë rajon.

Por, mungesa e unitetit e shprehur nga vet liderët e Luginës dëshmon për vazhdimin “status quos”, e cila tash e 13 vite po mbretëron në Luginën e Preshevës.