NË CILIN VARG MBETEM FLAKË DIELLI(Në përjetim të lirisë,atdhetarit-Ismet Avdi Qorraj)

Agim DESKU

NË CILIN VARG MBETEM FLAKË DIELLI

(Në përjetim të lirisë,atdhetarit-Ismet Avdi Qorraj)

Se do më çmëndë kjo krismë djallësh

Nuk di të zë kohën që më ikën si marramendje

Tokës i vie erë mëkatësh si dje dhe sot.

Askush nuk më flet sikur jam vet i vërbër

Më denojnë kujtimet që kurr nuk i harrova

Dhe sa herë flas me zotin tim kam ledhatime

Engjëjsh.

Këtu dëgjoj këngë trupi të dhembjeve mijëvjeqare

Shfletoj historinë dhe askush nuk di udhën e bashkimit

Dje më vranë mëkatin që e shava botën e flliqur

Së ma ndyti shpirtin dhe emrit mi bëri gjyq Hage.

Nuk kam menduar kurr të jem e vetmja fytyrë engjëlli

Bota deshti të çmendet nga bukuria e shqipve të gjakut tim.

Ah,edhe djajët kanë fillue kacafytjen dhemb për dhemb me mua

Çfarë faj kam pse linda njeri në dheun tim pellazg

Pse vargu im ngritet dhe mbetet flakë dielli për liri.

Sonte jam me fat se më thyhen gotat copë e grimë

Dhe mëkatët e jetës nuk rrijnë asnjë ditë me mua

Ku të marr edhe një buzëqeshje hëne

Të ngritëm dhe të ngriti dolli për  varg ylli.

Sontë lidha bast të të shkruaj vetëm një varg poeti

Të kujtoj Purgatorin ,eh,besa edhe Ferrin e Dantes

Dhe në hyjni vet u shndërrova bashkë me vargun tim

Të dytë u bëmë për ty flakë dielli.

Më.21.03.2015

Një shqipe mbi Deçan(Balada-Kujtim për dëshmorin Ismet Qorraj)

Nga Rajmonda Maleçka

Një shqipe mbi Deçan

Balada-Kujtim për dëshmorin Ismet Qorraj

Vrapon dritë e shekujve e ndalet në sytë e djaloshit,

Dritë nëpër gjëmime, dhimbje, lindje e deka që pa,

Në parzmën e ballit ku ndrin krenari e besë e burrit,

Dritën e ndritshme të shekujve djaloshit Ismet Qorraj ia dha.

Vrapojnë luftëtarët e shekujve e ndalin në dashurinë e djalit,

Luftëtarë që zbrapsën ushtri, hasëm e tundën Perandori,

S’e ndalon ardhacak a diktaturë atdhedashurinë në zemër me e ndry,

Se Njizetë e një shekujt shqiptarë mbi shpinë i ka ai.

E andrra e lirisë u bë fytyrë e bukur djaloshare,

21 vjeçare në jetë të jetëve fytyra e djalit, trojeve do të mbesë,

Do të shkojnë e vijnë brezat, e malet do të thinjën nga motet,

Ismet Qorraj në rini të tij të ardhmen do të presë.

Nëpër odat e Deçanit gjithmonë do të kuvendojnë burrëria,

Djelmëria e lirisë do ta ndrijë fytyrën e tyre në çdo mot,

Ismet Qorraj bukur i ka lidhë kohët e trimave në 21 vite jetë,

Është bërë istikam, asnjë pushtues nuk e mposht dot.

Nëpër çdo stinë bëhet diell lirie rinia e djaloshit,

Thinjë në flokët e nanave, dhimbë tek motrat e Deçanit,

Si gurët e zgjedhur për kullën po mblidhen kangët, kujtimet,

N’fjalë e besë burrërie me ia pa jetën luftëtarit.

Sa t’jetë jeta yll i mëngjeseve në dritaret e Deçanit,

Sa t’jetë liria n’karvanin e trimërisë ai prijatarë,

Sa t’ketë shqipe në bjeshkët e Kosovës e shqiptarisë,

Ismet Qorraj n’rreze drite petkat e shtatit i ka varë…

Është e bukur rini e përjetshme, pa rudhë në ballë e flokë thinjë,

Vetëm nënëmadhja liri këto djem e vajza mund t’i lindë,

Siç don atdheu forcë e vrullë djaloshare me u mbajtë në këmbë,

Dhe karvanet e historisë me luftëtarë, në udhë don rininë.

Tiranë, më 23.03.2015

Rajmonda Bujar Maleçka lindi në Tiranë më 11 mars 1970.

Shkollën fillore (1977-1985) si dhe Shkollën e mesme të përgjithshme( 1985-1989), si dhe fakultetin për Gjuhë -Letërsi dhe Gazetari e kreu në Tiranë.Ndërsa Akademinë Diplomatike Shqiptare( kursin Marrëdhënie Ndëkombëtare dhe Diplomaci),kursin Lidership dhe Manaxhim Krizash .

Punojë si -Gazetare në gazetat “Gazeta Shqiptare”, gazeta “Atdheu”, gazeta “Rilindja”, gazeta “Kosova”, gazeta “Koha e Re ”, gazeta “Ora e Shqipnisë” , gazeta “Bulevard”...,ishte Kryeredaktore e gazetës “Kushtrimi” (1998 ),aktiviste e çështjes kombetare, në Shqipëri-Kosovë, Lugina e Preshevës dhe trevat shqiptare nën-Maqedoni. Bashkëpunëtore e mediave shqiptare në të gjithë këtë hapësirë-(1998),luftëtare e UÇK-së(1998).Ajo bashkë me babin z.Bujar Maleçka ishte korrespondente e revistës “Mbrojtje...“ organ i Ministrisë së Mbrojtjes Tiranë.

Pas luftës së Kosvës ishte e angazhuar në TMK (Zona e Dytë) si gazetare dhe më vonë në Bazën e Logjistikës Prishtinë(1999) si dhe redaktore dhe skenariste e asamblit të TMK-së në Prishtinë(1999).
Në periudhën prej 04.04.2005 deri me datën 04.04.2006 ishte e burgosur në Shkup për arsye politike( e dënuar 10 vjet, mbajtur në burg së bashku me babain e saj Bujar Maleçka).

Kontribute intelektuale dhe publiçistike:

1-“Ëndërra lozonjare’, poezi , botuar në vitin 1998
2-“Tungjatjeta Kosovë“, poezi, botuar në vitin 1998
3-“Prelud pavarësie“ , poezi, botuar në vitin 2000
4-”Nëpër ditët e dhimbjes dhe lirisë së Kosovës”, analizë dhe opinion shkencorë për çështje e Kosovës, botuar në vitin 2001
5-”Shqiptarët e kanë Brenda vetes së tyre lirinë”, libër analitik dhe interviste për zhvillimet politike të shqiptarëve nën-Maqedoni, botuar në vitin 200
6--“Tokë arbnore” antologji poetike për të rënët e luftës, botuar në vitin 2004
7-“Ora e Kombit” , monografi , botuar në vitin 2005
8- “Jasharët, kujtesa jonë e përjetëshme”, pelud kujtese për familjen Jashari, botuar në vitin 200
9-Haradinaj dhe Rendi i Ri Botërorë, analizë politiko-historike, botuar në vitin 2007
10-“Hashim Thaçi dhe beteja e fundit”, analizë monografike, botuar në vitin 2008
11.-Hasi mes Luftës dhe Lirisë, libër historik-monografik, botuar në vitin 2010
12.-Mbollën gjak, mbijnë këngë, baladë për 383 dëshmorë të Kombit, botuar në vitin 2013
13-Safet Peci-Boletini dy herë i pavdekshëm, botuar në vitin 2013
14-Redaktore e disa librave historik të shkruar për luftën dhe UÇK-në.

Mirënjohje dhe Vlerësime, nga organizata dhe shoqata të ndryshme

1. Nga Shoqata Atdhetare për të rënët e Kombit Shqiptar – Me titull- Mirënjohje e Kombit-Tiranë 2001

2. Nga Lëvizja Kombëtare Shqiptare-Vlerësim për vëprimtarinë aktive, ne kontribut te çështjes kombëtare, 17.10.2003
3. Nga Shoqata e Invalidëve të Luftës të UÇK-së, Prishtinë-,më 20.05.2004
4. Nga Shoqata Kombëtare e Ushtarakëve në Rezervë të Shqipërisë-Dega Tiranë-Çertifikatë –me titullin- NDERI I SHOQATËS, më 14.05.2006.
5. Nga Kosova Fshati Zojzë me rastin e zbulimit të pllakës përkujtimore të dëshmorit Sinan Thaçi- më 29.04.2006 Mirënjohje për kotributin e dhënë gjatë luftës së UÇK-së
6. Nga Shoqata e Veteranëve, Invalidëve dhe familjeve të Dëshmorëve të Ushtrisë Çlirimtare për Preshevë-Metvegjë-Bujanoc- më 25.09.2006
Mirënjohje për kotributin e dhënë gjatë luftës së UÇPMB-së.
7. Nga Besëlidhja Kombëtare Demokratike Shqiptare-Dega në Prizren- Falenderim për kontributin e dhënë në luftën e UÇK-së, më 28.11.2006
8. Organizata e Veteranëve të Luftës së Preshevë-Metvegjë-Bujanoc-më Gusht-2009 Mirënjohje për kotributin e dhënë gjatë luftës së UÇPMB-së
9. Nga Shoqata e Invalidëve të Luftës të UÇK-së, dega Therandë- më 10-06-2011 Mirënjohje për Kontributin e dhënë për invalidët e UÇK-së.
10. Nga Biblokteka e Qytetit të Kukësit më 26-10-2011. Mirënjohje për kontribut të çmuar në pasurimin e fondit të biblotekës të qytetit të Kukësit.
11. Nga Fototeka e Malesise se Tuzit, me dt.17.11 2012, Mirenjohje-me motivacionin “Për kontributin e çmuar në evidentimin e vlerave Historike dhe Etnografike të Malësisë së Madhë të Tuzit”.
12. Bashkia e Peshkopise, më dt.21.11.2012 -Dhenien e Titullit “Nderi i Qytetit” me motivacionin: “Per pjesemarrje ne Luften Çlirimtare ne Kosove e Maqedoni, per perjetesimin e ketyre luftrave ne veprat e saj, publiçistike e poetike”

13.Radio Ilirida-Itali, më 13.02.2014, Mirënjohje, në shenjë të falenderimit
për bashkëpunim të frytshëm korrekt me Radio Iliridën si dhe për kontribut të veçantë në çështjen kombëtare.


14.OVL-të UÇK-së, SHIL-të UÇK-së, SHFD-të UÇK-së-Rahovec, më 14.02.2014, në kuadër të Përvjetorit të gjashtë të Pavarësisë së Kosovës ndan Mirënjohje, për bashkëluftëtaren, publiçisten, poeten-Rajmonda Maleçka, për kontributin dje në luftë dhe sot për ruajtjen dhe kultivimin e vlerave të UÇK-së.

15.Nga bashkëluftëtarët e tri luftrave, në Skënderaj, më 14.02.2014, Mirënjohje, me motivacionin “Shqipëria Etnike”


16.Republika e Kosovës, Komuna e Skënderaj, Drejtoria për Kulturë-Rini dhe Sport, më 14.02.2014, me rastin e 6-vjetorit të Pavarësisë së Kosovës, ndan Mirënjohje, për kontributin e dhënë në pasqyrimin me përkushtim të veprës së dëshmorëve të UÇK-së.

17.Organizata Kombëtare për Dëshmorët e Atdheut-Tropojë, më 17.02.2014, ndan Mirënjohje me motivacionin:-“Si luftëtare e denjë. Për kontributin e dhënë për çlirimin e Kosovës dhe bashkimin e trojeve Shqipëtare”.

18.Republika e Kosovës, Komuna e Vitisë, Drejtoria për Kulturë-Rini dhe Sport, më 22.03.2014, Falenderim, për kontributin dhe paraqitje të suksesshme në krijimtarinë letrare në kuadër të manifestimit tradicional kulturor dhe sportiv “Flakadani i Karadakut” 2014.

19.Nga Veteranët e UÇK-së, të fshatit Kotlinë-Kaçanik, më 24.03.2014, Mirënjohje, për kontributin e dhënë në Ushtrinë Çlirimtare të Kosovës.

20. Këshilli Inicues për themelimin e Komunës së Komoranit, më 22.05.2014, Mirënjohje, për kontributin e dhënë si pjestare e luftës së UÇK-së, për lobimin e shpalljes se Komoranit Komunë si dhe ndihmën e dhënë në furnizimin më libra të biblotekës së Komoranit.

21.Familja e dëshmorit të Kombit-Safet Boletini-Komandant Tigri, Mitrovicë, më 31.05.2014, ndan Mirënjohje-Për kontributin e dhënë.

22.Nga bshkëluftëtarët Mitrovicë, më 31.05.2014, Mirënjohje- nën Shqiponjë-me siglën –RAJMONDA UÇK.

23. OJQ-PROKULT- “Festivali Kombëtar i Letërsisë për të rinj”, Podujevë-më, 20.08.2014, Mirënjohje- Rajmonda Maleçka-Shkrimtare.


24.Shoqata e Familjeve të dëshmorëve Besianë, më 20.08.2014, Mirënjohje, për kontributin e dhënë veprës së Dëshmorëve të Kombit.


25. OJQ “Common Aim”-Rogovë- më 27.11.2014, Mirënjohje-Si shënjë nderimi për ditën e Flamurit dhe për kontribut të veçantë në pjesmarrjen e koncertit të organizuar për rastin e festës së Flamurit në Rogovë të Hasit

26.Produksioni ARTUNIVERSAL, Prishtinë, më 28.11.2014, Falenderim- për nder të festës së Nëntorit-Për kontributin e dhënë në ruajtjen e vlerave të Luftës të Ushtrisë Çlirimtare të Kosovës dhe dëshmorëve të Kombit në vargje.

27.Shoqëria Kulturore Artistike Komorani, Komoran, më, 26.11.2014, -Mirënjohje - për nder të festës së Nëntorit, për kontributin dhe ruajtjen e vlerave te folklorit.

28.Komuna Fushë-Çidhën, më dt.24.12.2014-Dhënien e Titullit “Nderi i Komunës” me motivacionin: “Për pjesëmarrjen e saj aktive në radhët e UÇK-së, në Kosovë, UÇPMB(Preshevë-Medvegjë-Bujanoc), UÇK(Ushtria Çlirimtare Kombëtare), në Maqedoni për çlirimin e trojeve nga pushtuesi serbo-sllav dhe përjetesimin e ketyre luftrave në veprat e saj, publiçistike e poetike

DO TË ISHA BËRË NUSE NË CARRABREG...

Nga Fera Krasniqi

Kur isha në gjimnaz

një shoqe e klasës

e XI-ta 4

Tha

po të ishte gjallë I.Q  (1)

do të isha bërë nuse në Carrabreg

ja kisha puthë unazën çdo ditë

si Xhulieta-Romeut

ka qenë i bukur si mali

ka qenë i bukur si deti

dasmën e kisha bërë në Prizren

ishim fotografuar tek Shtëpia e Lidhjes

dy djem dhe dy vajza ja kisha rritë

në zemer

dritë i kishin bërë Ilirisë.

1)Ismet Qorraj i vrarë në demostratat e Deçanit para 26 vjetëve

ISMET (AVDI) QORRAJ (1968-1989)

ISMET (AVDI) QORRAJ     (1968-1989),lindi në fshatin Carrabreg të ulët të Deçanit me 21.01.1968 në një familje të varfër, por me traditë atdhetare. Pasi mbaroi shkollen fillore dhe të mesme në Deçan, Ismeti i vazhdoi studimet në shkollen e Lartë Pedagogjike në Gjakovë në degen Gjuhë dhe Letërsi Shqipe. Kontakti i përhershem me popullin dhe dashuria për të lexuar vepra nga letërsia kombëtare kultivuan të Ismeti urrjetjen ndaj diktatrures ushtarako-policore.

Ketë urrejtje e kishte trashëguar edhe nga prindërit. Babai Avdiu mezi i kishte shpetuar masakrës në Tivar me 1945, ndërkaq kishtë mesuar se çetnikët e Savë Batarës kishin masakruar me 1912 tëre fshatin Carrabreg, duke i vare tre veta, nder ta edhe Ose Qorrajn, sepse kishin bërë rezistencë për të mos e ndar kombin e as fenë.

Edhe nga kujtimet e nënës Zade, bijë e familjës se Xhemë Sadrisë nga fshati Malaj i Rugovës, kishtë mesuar se çëtniket e kishin masakruar fshatin dhe tëre familen e Xhemë Sadrisë.

Të gjitha këto ngjarje tragjike të lidhura me tragjedinë që e kishte pllakosur Kosovën nga viti 1981, e ketëj tanimë e kishin bindur Ismetin se, pa liri nuk ka kuptim as jeta.

Marsi i vitit 1989 ishte shpërthim i revoltës si një vullkan i zjarrtë i cili e kishte burimin në 700-800-900 metra thellësi të minierës se Trepçës ku minatoret vetëm një muaj më parë bënë grevën e urisë për tëtë ditë me radhë dhe ishin të gatshem të sakrifikohen për ta bindur botën se Kosova është e robëruar dhe roberinë s’do ta durojë me.

Me 28 Mars 1989 Serbia po festonte ditën e aprovimit të Kushtëtutës ushtarako- policore me të cilën edhe de jure suprimohej çdo element i Autonomisë së Kosovës, kurse tërë Kosova ishtë bërë barrikadë në përleshje fyta-fyt me xhelatët serbo-çetnikë, për t’ju treguar atyre që endrrën për Përandorinë e Car Dushanit e kanë të kotë.

Për katër orë rresht populli i gozhdoi aradhat e policise deri sa atyre nuk u erdhen përforcime të reja për të hapur zjarr mbi popullin e armatosur vetëm me gur.

Plumbai e armikut e goditën Ismetin për vdekje, por ai nuk kthehej prapa.

Fjalët e tij të fundit drejtuar shokëve ishin: “Përpara shokë, se shqiptari nuk tërhiqët përpara plumbave të armikut! Ja vdekje - Ja Liri! ”.

Në ora 15 e 30 minuta Ismeti i mbyll sytë përgjithmonë.

Rrugët e Deçanit u lanë me gjakun e martirëve të lirise: Agim Kukleci, Salih Hadërgjonaj, Mujë Mehmetaj dhe Ismet Qorraj.

Në varrimin e Ismet Qorrajt, në ndarjen e fundit nga martiri i lirisë, populli u betua me besa-besë, se gjaku i martirëve do të shpaguhet ditën e çlirimit të Kosovës e cila është në prag.

Babai Avdiu, nënë Zadja me të nëntë fëmijë ( 4 djemtë dhe 5 vajzat), bashkë me popullin e mbanin vetën krenar që Ismetin ia falën Kosovës.

Prof.Dr.Begzat Baliu dhe Prof.Bajram Kurti, huazuar nga ”Gjaku i lirisë”,1994)

PRANVERË E PËRHUMBUR

Gentjan Banaj

PRANVERË E PËRHUMBUR

Nga kreshta e një mali, si shqipe drejt lirisë

Gjaku i Kososvës vërshon ndër dej

Pranverës së Ismetit vdekja i del pritë

Tokën amë plagos, si një lot ndë` qiej

Pranverë e përhumbur në logun tënd Deçan

I mbledh gjymtyrët prej dhimbjes gjer në palcë

Gjaku i rinisë vërshon si lumë dalështratit

Nga plumbat pashpirt që rendin turravrap

Nëpër asht të stinës bleron pikëllimi

E shpërthen bimëza të vogla loti

Pranverë e përgjunjur në tokë t` Deçanit

Me sytë drejt qiellit i luten zotit

S`mund të shkelë më livadheve rioshi Ismet

Me hapin prej dreri dhe prushin në sy

Shtatëqind do vajtojnë tash kullat

Shtatëqind vjet Ajkunat do të mbajnë zi

Gaz e vaj do të vijnë e do të ikin stinët

Lugjeve do lodrojnë të tjerë Omerë

Lojë e tyre në kundërmim lirie

Moteve e brezave, t`ju sjellë pranverë

https://www.youtube.com/watch?v=1zkdag40mlw&feature=youtu.be

Ja kush është Janullatosi dhe Vangjel Dule

Prof.Dr.Eshref Ymeri

Përsëri sa për kujtesë shqiptarëve atdhetarë,në mbarë trojet etnike dhe në diasporë

Më 16 gusht të vitit 2014, kur hapa kompjuterin, gjeta të botuar në faqen e internetit materialin e mëposhtëm:

SKANDAL KOMBETAR / Zbardhen përgjimet greqisht të Janullatosit me Vangjel Dulen: “Ne dhe Athina morëm garanci nga Rama”

Përkthimi i bisedës në shqip

Dule: Urime, Hirësi, për titullin qytetar nderi.
Janullatos: Biri im, ka 20 vite që pres më tepër se kaq.
Dule: Evërtetë, Hirësi, porshqiptarëtjanë të pafedhetë paudhë.
Janullatos:Vangjel, obir, atyku është imbushurtrupimemikrobe, aty është më elehtë që trupitë shembet.
Dule: Eshtë katranosur. Na është sosur durimi, Hirësi.
Janullatos:Nukkemiardhurpërtaadhjasur, porpërt’nakatosur.
Dule: Atdheu na thërret, Hirësi.
Janullatos: Misioni jot, bir, është të gatuash çorbën në enën që je futur.
Dule: Këtë mesazh e mora qartë edhe në Athinë.
Janullatos: Delja e shëndoshë qëndron brenda tufës.
Dule: Hirësi, nëse bariu e ndan tufën?!

Janullatos: Vangjel, bir, ki besim, ne dhe Athina morëm garanci prej tij (Citohet sipas: “Agjencioni Floripress”. 16 gusht 2014).

Ju, tënderuarbashkatdhetarë, kudoqëjeni, nëtrojetetnikeosenëdiasporë, hapenisotkomjuterindheshkoninëfaqen“Google”. Aty shkruani titullin e këtij materiali: SKANDAL KOMBETAR / Zbardhen përgjimet greqisht të Janullatosit me Vangjel Dulen: “Ne dhe Athina morëm garanci nga Rama”.

Do të shikoni se ky titull është botuar në dy faqe interneti: së pari në faqen e internetit të gazetës “Bota Sot” dhe në faqen e “Facebook”-ut të“Ancient Illyria”.

Pra, të dashur bashkatdhetarë, biseda sekrete e Janullatosit meVangjel Dulen, është bërë publike në internet që më 16 gusht të vitit 2014. Por deri tani, askush nga klasa politike e Tiranës nuk është bërë i gjallë të reagojë.

Asokohe nuk e quajta të arsyeshme të reagoja në internet, sepse mendova se, të paktën, intelektualët që punojnë në mjetet e informimit masiv, me siguri që do ta thonin fjalën e tyre për atë bisedë sekrete.

Po ata heshtën. Por tani, kur Vangjel Dule i zbuloi faqe botës synimet e shovinizmit grekokaragjoz për pajisjen e Janullatosit me shtetësi dhe me pasaportë shqiptare, mendova se është momenti i duhur për të mos heshtur më.

Teksti i bisedës sekrete, në të tria faqet e lartpërmendura të internetit, i përkthyer në gjuhën shqipe, është shoqëruar edhe me tekstin e saj në gjuhën greke. Duhet theksuar me të madhe se ai që e ka regjistruar këtë bisedë dhe që ka bërë të mundur botimin e saj në faqet e internetit, ka kryer një akt të lart atdhetarie.

Normalisht, përpërmbajtjen antishqiptare të kësaj bisede, duhej të kishte reaguar e para opozita shqiptare në Tiranë, në mënyrë që t’i ngrinte sa më lart aksionet e veta në sytë e elektoratit shqiptar. Por opozita shqiptare e Tiranës nuk është bërë e gjallë.

Nga përmbajtja e kësaj bisede të Janullatosit me Vangjel Dulen, dalin disa përfundime mjaft domethënëse:

Së pari, Vangjel Dule është Kali i Trojës në politikën shqiptare dhe në parlamentin shqiptar, të cilit shumica parlamentare i ka besuar edhe postin e zëvendëskryetarit të parlamentit.

Ky përfundim, vetvetiu, të çon drejt pyetjes: deklaratat e Vangjel Dules, në bisedën sekrete me Janullatosin, a duhet të përbëjnë objekt hetimi për Prokurorinë e Përgjithshme?

Së dyti, misioni i Janullatosit në Tiranëështë një mision i pastër politik, sipas objektivave të qarta që i ka caktuar shovinizmi grekokaragjoz, mision që nuk ka të bëjë absolutisht me punët e fesë, të cilën ai e përdor djallëzisht si mbulojë.

Duke kryer njëmision të pastër politik në Shqipëri, Janullatosi ka ndërtuar një shtet shumë më të fuqishëm brenda shtetit zyrtar shqiptar, të cilit i ka zënë frymën dhe s’e lë të kuturisë për ndonjë kundërshtim të mundshëm.

Së treti, populli shqiptar nuk e di se çfarë premtimesh i ka dhënë zoti Rama Janullatosit dhe Athinës, por nga sa deklaron Janullatosi në bisedën sekrete me Vangjel Dulen, del që zoti Rama ka marrë përsipër rolin e Enver Hoxhës, i cili, për gjithçka, vendoste vetë dhe popullin shqiptar e trajtont si një material inert.

 Se edhe në Vashington, zoti Rama, me kokën e vet, vendosi që armët kimike të Sirisë të çaktivizoheshin në Shqipëri. Por është puna se kur u bë publik vendimi i Ramës, rinia shqiptare u çua peshë më këmbë dhe zotit Rama i dha një mësim të mirë se si nuk duhet vepruar në dëm të interesave kombëtare, pa dijeninë e popullit shqiptar

Së katërti, heshtja e opozitës demokratike dhe e shumicës socialiste për bisedën sekrete të Janullatosit me Vangjel Dulen, vërteton pa mëdyshjen më të vogël se të dyja palët janë solidare dhe kanë kohë që vazhdojnë të ecin në rrugën e tradhtisë kombëtare në qëndrimin ndaj emisarit politik grek Janullatos, si edhe ndaj shovinizmit grekokaragjoz në tërësi.

Mendoj se nga biseda sekrete e Janullatosit me Vngjel Dulen, të botuar prej kohësh në faqet e internetit, duhej të kishin nxjerrë mësimet e duhura mbarë intelektualët shqiptarë, analistët, gazetarët, moderatorët dhe krejt mjetet e informimit masiv.

 Por të gjithë keta, fatkeqësisht, kanë heshtur, duke u rreshtuar përkrah klasës politike, e cila, në raportet e veta me shovinizmin grekokaragjoz, i ka tradhtuar interesat tona kombëtare.

Sigurisht që nga ajo bisedë sekrete e Janullatosit me Vangjel Dulen, askush nuk pret që të nxjerrin mësime ata që kanë tradhtuar Veprën Fanoliane, interesat kombëtare dhe janë vënë tërësisht në shërbim të shovinizmit grekokaragjoz, siprof. dr. Robert Andoni, prof. dr. Aleksandër Sallabanda, Atë Emanuel Lusha, Atë Ilia Mazniku, të cilët, në artikullin e tyre të datës 10 mars, të botuar ne gazetën “Dita”, sulmonin aq paturpësisht zotërinë Bedri Islami dhe prof. Skënder Gjonin.

Charlotte, Karolina e Veriut
22 mars 2015

Kur ty te shane e te vrane Kosove

DETI ZOGU

ZGJOHU   KOSOVE

Kur ty te shane e te vrane Kosove

Me fjale te pista,te ndyra mallkime 

S'e ule koken te vajtoje me lot

Gjete force dhe u bere me trime.

Ne balle te luftes kishe djem e bija 

Per Zot te dolen,dje,sot e gjithmone

Ismet Qorraj,bashke me shoket e tij

Per idealin tend,gjakun e dhuron.

Nuk pyet per plumba,rrebeshe artilerish 

Zinxhiret e prangave ne toke I perplas

Te liron nga vuajtja,ne paqe te qendrosh 

Sepse historia,trimave u shkon pas.

Pra ngrehu Kosove,e vrenjtur mos rri

Dielli I paqes shkelqen ne horizont 

Per kete dite te bukur Decani te dha bij 

Ta gezojme lirine cdo dite e cdo mot.

                 Elbasan,11/03/2015.       

        

Deti Zogu ,u lind ne Gramsh ne nje date te shenuar,01 Maj 1980.Shkollen fillore dhe tetevjecare i kreu ne vendlindje,me pas ne vitet 1994-1998 qendroi ne qytetin e Elbasanit,ku kreu shkollen e mesme ne profilin Teknologji-Ushqimore.Ne kete kohe fillon te shkruaje dhe vargjet e para ne zhanrin e poezise.

Universitetin e perfundoi ne Korce,ne degen Infermieri,me pas punoi per disa vite ne Spitalin e qytetit te Korces.

Aktualisht eshte rikthyer serish ne Elbasan,ku jeton me dy femijet e saj.Poezia eshte njera nga pasionet e shumta,qe ze pothuajse mjaft nga koha e lire.Kjo eshte hera e pare qe ajo merr pjese ne nje konkurs letrar dhe prezantimi I pare zyrtar me publikun.Admiruesit e saj e ndjekin vazhdimisht ne postimet e saj ne Facebook.

Suksese Deti dhe Agjensioni Floripres qe ben te mundur kete event.