A është mirë t’i kërcisni gishtërinjtë?! Ja çfarë thonë studiuesit

Kërcitja e gishtërinjve është një zakon që e bën thuajse çdo i rritur apo fëmijë. Por a është mirë që t’i kërcisni gishtërinjtë? Sipas një studimi të kryer, thuhet se JO!

Studimi përfshiu monitorimin e disa personave që kërcishni gishtat dhe panë rezultatet me anë të radiografisë. Rezuktatet treguan se sa herë që kërciteshin gishtërinjtë, zgjerohej vëllimi i hapsirës midis kockave.

Kjo çonte në presion negativ të lëngut sinovial dhë në hapsirën e krijuar rishtazi, prandaj krijohet “zhurma” kur kërcisni gishtërinjtë. Sipas studimit thuhej gjithashtu se kërcitja e gishtërinjve mund të çonte në sëmundjet e kockave dhe në artrit, por kjo gjë nuk është vërtetuar ende.

Pse është e rëndësishme t’u bëni masazh këmbëve përpara se të flini?

Të gjithë jeni dakord se masazhi është një ndër mënyrat më të mira për t’u relaksuar dhe për shëndetin në përgjithësi. Këtë mund ta bëni në shtëpinë tuaj.

Përfitimet që sjell masazhi
Shpejton metabolizmin
Heq dhjamin
Rrit qarkullimin e gjakut
Rigjallëron lëkurën
Masazhi ndihmon në eliminimin e acideve që shkaktojnë ngërçin.

Po ashtu qetëson muskujt dhe stimulon tretjen. Këmbët luajnë një rol të rëndësishëm në sistemin nervor, sepse shputa e këmbës përmban gjëndra djerse dhe nerva periferike.

Këto të fundit lidhen me organe të tjera të trupit, dhe me anë të masazhit në këmbë, stimuloni edhe organe të tjera. Masazhoni këmbët çdo natë për rreth 10­15 minuta dhe do të vini re rezultate fantastike.

Astma, gati askush nuk e eviton

Më tepër se 70 për qind e personave që vuajnë nga astma nuk marrin asnjë masë për të evituar faktorët kryesorë që shkaktojnë simptomat astmatike.

Ky është përfundimi i dalë nga “Environmental Protection Agency” (EPA) në SHBA. Në kuadrin e një studimi në nivel kombëtar mbi ndërgjegjësimin e përgjegjshmërisë së faktorëve ambientalë në simptomat astmatike, EPA ka zbuluar se më pak se 30 për qind e pacientëve astmatikë kërkojnë të shmangin ekspozimin ndaj faktorëve alergjikë.

Ekspozimi ndaj tymit të duhanit, pluhurave dhe ozonit, mund të shkaktojë kriza astme ose një nga faktorët që ndikon në shfaqjen e sëmundjes te fëmijët.

“Sa më shumë arrijmë të shmangim dhe kontrollojmë faktorët që përkeqësojnë simptomat astmatike, aq më tepër do të parandalojmë këtë patologji. Ja përse EPA përpiqet të kontribuojë në inkurajimin e pacientëve astmatikë për të bashkëpunuar me mjekët, për të identifikuar me saktësi faktorët alergjik dhe të mësojnë të ndjekin rekomandimet e tyre për të parandaluar problemin”, shpjegon Steve Johnson, drejtor i EPA.

Ecja e shpejtë shëron depresionin

Rezultatet e studimit të ri të shkencëtarëve portugezë bën të ditur se aktiviteti i përditshëm fizik është disa herë më efikas në luftimin e depresionit nga terapia me ilaçe.

Studimi që grupi i shkencëtarëve nga Portugalia e kanë zbatuar mbi 150 të anketuar ka treguar se aktiviteti mesatar fizik përmirëson gjendjen e pacientëve të cilëve nuk u ndihmojnë antidepresivët.

Pjesëmarrësit në eksperimentin kanë vazhduar me marrjen e terapisë së rregullt, por me këtë rast në mënyrë të domosdoshme kanë stërvitur për çdo ditë. Disa kanë ecur shpejtë nga 30 deri 45 minuta, ndërsa të tjerët kanë bërë ushtrime.

Rezultatet kanë treguar se gjendja e tyre është përmirësuar për 26 për qind në krahasim me periudhën para se të fillojnë me stërvitjen.

Përveç asaj që ndihmon në shërimin e depresionit, shkencëtarët theksojnë se stërvitja, si dhe ecja e shpejtë janë parandalim i shkëlqyeshëm për shëndetin mental.

Kush e shkatërron buzëqeshjen tuaj?

Buzëqeshja juaj është një nga gjërat më të mira që mund të bëni, kështu që natyrisht se doni që atë ta keni të mrekullueshme.

Por edhe në qoftë se ju lani dhëmbët, përdorni fije dentare dhe vizitoni dentistin tuaj dy herë në vit, kjo mund të mos jetë e mjaftueshme.

Më poshtë do të rendisim disa faktorë, kryesisht ushqime, që mund të ndikojnë negativisht në dhëmbët dhe buzëqeshjen tuaj, shkruan living.

Pijet energjike
Studimet kanë gjetur që pH në këto pije mund të çojë në erozion të dhëmbëve, për shkak të sasisë së lartë të përqëndruar të komponentëve acid.

CigarjaNuk ka të bëjë vetëm me ngjyrën e verdhë që cigarja i jep dhëmbëve, por dëmtimi është shumë më i madh, gjë që mund të shkojë deri në kancer në pjesë të ndryshme të trupit, përmendim gojën, mushkritë, etj.

Vera
Konsumimi i rregullt i verës çon në dëmtimin e dhëmbëve, shkaktuar nga aciditeti i verës.

Shtatzënia
Kujdesi që duhet të tregoni ndaj dhëmbëve në periudhën kur prisni një fëmijë duhet të jetë mjaft i lartë, pasi ndryshimi hormonal mund të shkaktojë mishra të gjakosur, gurëza etj.

Ëmbëlsirat
Që kur kemi qenë të vegjël, gjëja që na kanë ndaluar më shumë dhe me të drejtë, kanë qenë ëmbëlsirat. Ato shkaktojnë prishje të dhëmbëve.
Edhe pijet e nxehta ndikojnë negativisht në shëndetin e dhëmbëve.

Ja arsyet dhe shanset që keni për të pasur fëmijë binjakë

Nuk është e pazakontë kur ju përpiqeni të mbeteni shtatzënë, që t’i bëni vetes pyetje nëse do të keni më shumë fëmijë se sa ju synoni të keni, veçanërisht kur mësoni që lindjet e shumëfishta po shtohen me një përqindje fantastike kohët e fundit. Aktualisht, në SHBA ka 32 çifte binjakë për çdo 1 000 foshnje të lindura. Kjo përbën një rritje prej 65% gjatë 20 viteve të fundit.

Përse është një rritje kaq e madhe në lindjen e binjakëve? Një numër i madh është për hir të terapive riprodhuese por ka edhe faktorë të tjerë në lojë, të paktën kur është fjala për binjakët jo identikë (binjakët identikë janë të rrallë dhe shfaqen në mënyrë të rastësishme, kështu që janë më shumë se sa një befasi emocionuese), shkruan Tirana Observer. Shanset tuaja për të parë binjakë rriten në qoftë se:

Keni binjakë në familjen tuaj. Trashëgimia luan një rol në konceptimin e binjakëve, por vetëm nga ana e nënës. Edhe në qoftë se pema familjare e partnerit tuaj është  e mbushur me dyshe dinamike, kjo nuk i rrit shanset për të pasur binjakë.

Gratë lëkurëzeza kanë pak më shumë shanse se sa të bardhat për të pasur binjakë. Gratë aziatike apo hispanike kanë më pak shanse se gratë e bardha për të pasur binjakë.

Me rritjen e moshës tuaj rritet edhe shansi për të pasur binjakë. Studiuesit kanë gjetur që gratë mbi 35 vjeç prodhojnë më shumë hormone që i stimuloj-në folikulat se sa ato me moshë më të vogël, gjë që mund të shkaktojë që të çlirohet më shumë se sa një vezë në një cikël.

Keni pasur binjakë edhe më parë. Rrufeja mund edhe të godasë dy herë në një vend. Në qoftë se keni pasur më parë binjakë, shanset janë dyfishe që përsëri të keni binjakë.

Ju i jeni nënshtruar një trajtimi për pjellorinë. Rreth 20 deri 25% e grave që marrin ilaçe që stimulojnë vezoret ose që i janë nënshtruar in vitro fertilizimi-t do të kenë binjakë ose edhe më shumë.

Jeni mbi peshë. Studimet e kohëve të fundit kanë treguar që gratë obez-e kanë dyfishin e shanseve për të pasur binjakë se sa ato që nuk janë obeze.

Jeni shtatlartë. Po këto studime kanë treguar se gratë shtatlartë kanë shanse më shumë për të pasur binjakë.

Zika, virusi i trurit mund të vijë në Evropë, sëmundja nis si një grip i lehtë

Virusi «Zika» ka ditë që është duke qarkulluar në media. Ai është një virus që sulmon gratë shtatzëna dhe prek fetusin, duke i deformuar ata. Virusi është paralajmëruar se ka gjasa të vijë në Evropë.

Qendra për Kontroll dhe Parandalim të Katastrofave ka publikuar disa simptoma dhe mënyra të trajtimit të këtij virusi, duke njoftuar se nuk ende një vaksinë, lajmëron se simptomat janë këto:

• Një në pesë persona të prekur nga virusi është i sëmurë me grip

• Sëmundja me grip është e lehtë dhe zgjatë deri në një javë

• Të prekurit kanë skuqje, ethe, shenja në lëkurë, dhembje trupi (plogështi) dhe skuqje të syve që zgjasin disa ditë

• Nuk paraqitet me sëmundje të rëndë, që rehabilitohet në spital kurse sipas po të njëjtës qendër, parandalimi është ky:

• Shmangni udhëtimet në Afrikë

• Ruhuni nga pickimet e mushkonjave, sepse java e parë e virusit në trup është në gjak dhe mund të transportohet nga mushkonjat

• Pini lëngje më shumë

• Mund të përdorni ilaçe si Acetaminophen ose paracetamol

Sipas zyrtarëve shëndetësorë në Angli, bëhet e ditur se 3 udhëtare britanike janë diagnostifikuar me infeksion të virusit Zika.

Kjo u bë e ditur në faqen publike të Shëndetit në Angli, përderisa njoftohet se rastet u zbuluan që nga Janari i vitit 2016, përderisa turistet britanike ishin në vizitë në Amerikën Latine, shkruan CNN.

Ndërkaq në lidhje me këto raste të infeksioneve me virusin Zika, ende nuk kanë dhënë ndonjë informacion të detajuar agjencioni qeveritar i shëndetit publik megjithëse kanë arritur në përfundim që dicka e tillë nuk është dukuri e natyrshme në Mbretërinë e Bashkuar.

Si pasojë e përhapjes së shpejtë të virusit Zika, qeveria e Amerikës Latine,ka marrë menjëherë masa duke rekomanduar femrat të mos mbesinë shtatëzënë të paktën deri në dy vitet e ardhshme