Reagim i Lobit Euro-Atlantik Shqiptar reagon pas arrestimit të Haradinajt

Kryesia e Lobit Euro-Atlantik Shqiptar dënon ashpër arrestimin e kryetarit të AAK -së, Ramush Haradinaj dhe lëshon komunikatë për opinionin si me poshtë :

Të nderuar bashkëkombës,qytetarë, politikaj ,biznesmen dhe organizata qeveritare dhe jo qeveritare, faktorë ndërkombëtar shprehim shqetësim të thellë për ndaljen e z. Ramush Haradinajt në Francë,dhe u bëjmë thirrje të solidarizoheni ,përkraheni dhe dënoni veprimet e mëtutjeshme të Serbisë dhe qarqeve të dobëta nga politika ditore dhe qyqare kosovare se:


Akti arrestimit është i padrejtë , fyes dhe i papranueshëm prej autoriteteve franceze.Populli mik francez distancohuni nga barbaria serbe,mos përfillni urdhër-arrestet tendencioze të pabazuara dhe në kundërshtim me të drejtën ndërkombëtare të lëshuara nga Serbia padrejtësisht për qytetarët e Republikës se Kosovës .

-Kërkojmë që zotëri Haradinaj të lëvizë i lirë dhe i papenguar , drejt SSBA-ve, ku edhe ishte i ftuari i vetëm nga Kosova të përfaqësoj Kosovën në inaugurimin e zotit Trumpf si president i ardhshëm i Amerikës.

-Kërkojmë nga Ambasada e Republikës së Kosovës në Francë që te jetë ma e zëshme në këtë proces, në ndërkombëtarizimin e Kosovës dhe dënimin e Serbisë me veprimet e saj kriminale në dëmin e Kosovës!

Zoti Ramush Haradinaj është ish kryeministër i Republikës së Kosovës dhe qytetarë i Republikës së Kosovës, prandaj shprehim kundërshti të plotë me urdhër-arrestin serb, të cilësuar armiqësorë ndaj popullit shqiptar, jo të drejtë dhe të shpifur sepse ai ishte një luftëtar i denjë e jo terrorist.

I bëhet me dije Shtetit fqinjë të Serbisë, të heqin dorë nga politikat hegjemoniste, shfarosëse,poshtëruese ndaj shqiptarëve .
Kërkojmë nga Shteti i Francës dhe shteteve mike të Kosovës, që mos të marrin parasysh urdhër-arreste të tilla, kur dihet se Franca është një prej shteteve që më së shumti e ka mbështetur Kosovën në rrugën drejt lirisë, dhe i njeh shumë mirë rrethanat gjatë dhe pas luftës në Kosovë. Prandaj, kërkesa për ekstradim të refuzohet dhe z. Haradinaj të lirohet menjëherë.

Kërkohet nga Qeveritë e Kosovës dhe Shqipërisë, që të ngrehin zërin në këtë rast në instanca ndërkombëtare dhe të shpallet i pa vlefshëm Interpoli serbe , lidhur më shqiptarët e Kosovës..

Kërkohet nga pjesëtarët e mërgatës, përkrahje të parezervë z. Haradinaj dhe gatishmëri për protesta paqësorë në Francë dhe para Ambasadave të Francës dhe Ambasadave Serbe kudo që gjenden ato.

Duke mbrojtur z.Haradinaj, ne e mbrojmë popullin,shtetin,dinjitetin dhe UCK-në .Përmes këtij akti mbrojmë vlerat e SHBA-ve,popullin mik dhe aleatin historik të popullit shqiptar.

Kryesia e përkohshme e Lobit Euro-Atlantik Shqiptar-Qendrore

Kryesues Skenderbeg Klaiqi-Komisioni informativ i LEUASH-it me qendër në Gjermani