Ministri serb i punës, Aleksandar Vulin : Po e paditi Shqipëria Serbinë për gjenocid, përkeqësohen marrëdhëniet

Ministri serb i Punës, Aleksandar Vulin, ka thënë se marrëdhëniet në mes Serbisë dhe Shqipërisë do të përkeqësohen ndjeshëm nëse Tirana pranon ta padisë Beogradin për gjenocid në vend të Prishtinës, siç është spekuluar nga gazeta Sputnik të martën.

Pasi e përditshmja ruse Sputnik të hënën shkruante se Shqipëria mund ta padisë Serbinë për gjenocid në vend të Kosovës ngase ajo nuk është anëtare e Kombeve të Bashkuara, Vulin ka thënë se marrja e këtij roli nga Shqipëria, s’do të ishte gjë e ndershme.