Gazetari i Top Channel, Marin Mema është nderuar me çmimin “Hasan Prishtina” nga shoqata per kthimin e shqiptarëve të shpërngulur nga trojet e tyre.

1.
Marin Mema ka ndjekur gjurmët e historisë shqiptare, duke informuar opinionin për gjenocidin dhe përpjekjet për tkurrjen e trojeve shqiptare.

Kështu u tha sonte një ceremoni me rastin e ndarjes së çmimit “Hasan Prishtina” për gazetarin Marin Mema, organizuar nga Shoqata për Kthimin e Shqiptarëve të Shpërngulur nga Trojet e Veta me seli në Prishtinë.

Jahja Lluka, kryetar i Shoqatës për Kthimin e Shqiptarëve të Shpërngulur nga Trojet e Veta, pasi foli rreth historikut të formimit të kësaj shoqate në Pejë më 1990, e cila më pas u zgjerua edhe në trojet tjera shqiptare, tha se çmimi “Hasan Prishtina” ka në bazën e tij dhimbjen e popullit tonë dhe krenarinë e luftën për liri.

“Sot është një ditë e veçantë, sepse çmimi “Hasan Prishtina” po ndahet në vigjilje të festës sonë kombëtare Ditës së Flamurit dhe Marinin e përgëzoj për gjithë punën që ka bërë në të gjitha trojet shqiptare. Ai i ndoqi gjurmët e historisë, por e informoi opinionin për gjenocidin dhe përpjekjet që tokat shqiptare po tkurren vazhdimisht”, ka thënë Lluka.


Kryeministri i Kosovës, Ramush Haradinaj, ka thënë se në historinë e Kosovës ka rrugëtime të vështira dhe është një numër i madh i atdhetarëve shqiptarë që jetën e tyre e kanë përmbyllur me flijim për atdhe.

Haradinaj theksoi se Marin Mema është njëri prej të rinjve shqiptarë që nuk kanë përtuar të gjurmojnë historinë e shqiptarëve andaj edhe ndarja e çmimit “Hasan Prishtina” është një nderi i veçantë që i bëhet atij.

“Marini nuk është nga ata që ka burra, që ka përmbyll karrierën e tij jetësore, por është prej atyre të rinjve shqiptarë që s’ka përtuar të ndalin të gjurmojnë shqiptarin në atdhe dhe më gjerë. Përmes nderimit për Marin Mema nderojmë secilin që punon që shqiptari të dalë në dritë, ajo e sotmja, ajo në atdheun tonë dhe kudo që janë. Duke qenë kështu uroj që shqiptarët në trojet tona të forcohemi, në Shqipëri, Kosovë, Maqedoni, Maqedoni, Luginë të Presehvës, kudo që jemi dhe uroj që në trojet tona të bashkohemi me vëllezërit tanë shqiptarë në të gjitha kohërat”, ka thënë Haradinaj.

Për më tepër, kreu i ekzekutivit ka falënderuar kryetarin e Shoqatës për Kthimin e Shqiptarëve të Shpërngulur nga Trojet e Veta, Jahja Llukën, të cilin e ka quajtur arkitekt për angazhimin e tij për sensibilizimin e shqiptarëve për bashkimin e tyre në atdhe.

Ndarjen e çmimit “Hasan Prishtina” për gazetarin Marian Mema e ka bërë kreu i Shoqatës për Kthimin e Shqiptarëve të Shpërngulur nga Trojet e Veta Jahja Lluka.

Marin Mema, si gazetar i Televizionit “Top-Channel”, me emisionin e tij ”Gjurmë shqiptare” ka realizuar me sukses tema shumë të rëndësishme për historinë e shqiptarëve në trojet e tyre shekullore.

Ai ka thënë se është krenar se pavarësisht historisë së padrejtë ndaj shqiptarëve, kemi arritur të ruajmë gjuhën dhe historinë tonë.



“Për mua ky çmim ka një rëndësi të dyfishtë, e para pasi mban emrin e njërit nga figurat më të mëdha të kombit shqiptar Hasan Prishtina dhe e dyta, sepse është një detyrim për të ardhmen, për të ecur përpara dhe për të sjellë sa më shumë të vërteta historike, të cilat nuk janë thirrje për hakmarrje, por janë një thirrje për të mos harruar, për të kujtuar mijëra shqiptarë nga veriu në jug, që nuk mund të rikthehen në tokat e tyre”, ka thënë Mema.

Ndërsa, pinjolli i Hasan Prishtinës, Mehmet Prishtina, tha se ndarja e këtij çmimi për gazetarin Marin Mema bëhet pasi ai solli të dokumentuar gjurmët në trojet e Shqipërisë së vjetër.



“Nderimi që i bën Shoqata për kthimin e shqiptarëve në trojet e veta gazetarit Marian Mema është vetëm një vazhdimësi e denjë e kësaj shoqate që me dekret të presidentit është nderuar edhe me urdhrin Nderi i kombit. Të nderosh Marinin do të thotë të nderojmë veten, të shkuarën tonë, gjurmët tonë. Marini doli përtej guximit të politikanëve dhe jo vetëm që foli por edhe na solli të dokumentuar gjurmët shqiptare kudo në trojet e Shqipërisë së vjetër”, ka thënë Prishtina.

Në këtë ceremoni është shfaqur edhe një përmbledhje dokumentari të ndarjes së çmimit ndër vite “Hasan Prishtina”, si dhe një dokumentar i përmbledhur për veprimtarinë e gazetarit Marian Mema.

Ndryshe, Mema kaloi të gjitha pengesat e vëna nga regjimet e Shkupit, Athinës, Beogradit, duke realizuar dhjetëra dokumentarë mbi historinë shqiptare të Çamërisë, Maqedonisë dhe viseve shqiptare të mbetura nën Serbi.


2

Në ceremoninë e veçantë të organizuar në Prishtinë mori pjesë kryeministri i Kosovës Ramush Haradinaj, i cili e vuri theksin tek domosdoshmëria për bashkimin dhe forcimin e faktorit shqiptar.
“Marini nuk është nga ata burrat ose zonjat në moshë, nuk është nga ata që e ka përmbyll karrierën e tij, ose është në të arriturat maksimale, por është prej atyre të rinjve shqiptar që s’kanë përtuar, që s’janë ndalur, për të gjurmuar shqiptarin, shqiptaren pra atë kush jemi në atdhe e më gjerë. Tani janë shumë këtu që e bëjnë një punë të tillë e përmes nderimit për Marin Memën ne nderojmë secilin”, deklaroj kryeministri i Kosovës.

Sipas organizatorëve ky çmim ka një vlerë të veçantë sepse lidhet me historinë e dhimbshme e shpesh të mbuluar të popullit shqiptar çka është sjellë në formë të plotë përmes dokumentarëve të ciklit “Gjurmë Shqiptare” në Top Channel.



“Çmimi “Hasan Prishtina” nuk është vetëm një çmim që ndahet nga shoqata për kthimin e shqiptarëve te shpërngulur nga trojet e veta. Është një çmim që në bazën e tij ka dhimbjen vuajtjen e popullit tonë”, u shpreh  publicisti i mirënjohur pejan Jahja Lluka.



“Marin Mema doli përtej guximit të politikanëve, përtej guximit të asaj që flitet dhe ai jo vetëm që foli, por na solli të dokumentuar “Gjurmët Shqiptare” kudo në trojet e Shqipërisë së vjetër”, tha Mehmet Prishtina, pasardhës i Hasan Prishtinës.



“Për mua ky çmim ka një rëndësi të dyfishtë, e para sepse mban emrin e një prej figurave më të mëdha të kombit shqiptar Hasan Prishtinës dhe e dyta sepse është një detyrim për të ardhmen, është një detyrim për të ecur përpara dhe për të sjellë sa më shumë të vërteta historike”, tha Marin Mema.
Ky çmim që renditet si më prestigjiozi në Kosovë, është marrë më parë nga gjenerali Klark, sekretarja amerikane e shtetit Ollbrajt, presidenti Klinton, kryeministri Bler, familjet Jashari, Haradinaj e disa figura të tjera që kanë dhënë kontribut për çështjen shqiptare.

3.

“Marin Mema është realizuesi i një sërë dokumentarësh për shqiptarët në Sanxhakun e Serbisë, Gjurmët e historisë për zonat dhe fshatrat e shqiptarëve në Greqi (Çamëri), Maqedoni, Sarajevë, Bosnje, Ulqin, Plavë dhe Guci, Rekë, Dibra e Madhe, nga komunitetet shqiptare në SHBA, Itali, Greqi, Maqedoni, Mal të zi, Serbi, Turqi. Në fokus të dokumentarëve dhe reportazheve kanë qenë këto tema, nëpërmjet të cilave, Mema ka arritur që të ndihmojë në ngritjen e vetëdijes kombëtare shqiptare, në ndalimin e asimilimit dhe ikjes së mëtejme të shqiptarëve nga trojet e robëruara dhe zbardhjen e historisë shpesh të dhimbshme por krenare të shqiptarëve në viset tona. Marin Mema ka arritur gjithashtu që të zbardhë dokumente nga arkiva të ndryshme për heronj e veprimtarë të ndryshëm shqiptarë të kohëve të ndryshme. Motivet e fuqishme kombëtare, humane e fisnike të Memas, karakteri i tij fisnik dhe i pandalshëm përball pengesave nga shtetet fqinje, e bëjnë një prej figurave më të fuqishme në gazetarinë shqiptare sot. Duke u bazuar në të gjitha sa u cekën më lartë, Shoqata për Kthimin e Shqiptarëve të Shpërngulur nga Trojet e Veta, me seli në Prishtinë, Marian Mema, e ngrit në vendin më të lartë të mbrojtjes së historisë dhe vlerave tona kombëtare duke i ndarë çmimin ”HASAN PRISHTINA”, thuhet në arsyetimin e shoqatës.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)