Borrell: Josep Borell : Presim angazhime serioze dhe gatishmëri për ta çuar përpara normalizimin e marrëdhënieve

Shefi i politikës së jashtme të Bashkimit Evropian, Josep Borrell, bashkë me përfaqësuesin special të BE-së për dialogun Kosovë-Serbi, Miroslav Lajçak kanë informuar ministrat e punëve të jashtme të Bashkimit Evropian, për rezultatet dhe hapat e radhës në dialogun Kosovë-Serbi.

Pas takimit, Borrell gjatë konferencës për media, tha se i informova ministrat rreth propozimit për normalizimin e marrëdhënieve. Avancimi i këtij propozimi do të sillte përfitime të konsiderueshme për të dyja palët, dhe mendoj se është e vetmja mënyrë për të thyer ciklin vicioz të krizës në terren dhe për të reduktuar rrezikun për përshkallëzim të mëtejshëm.

Borrell: I informova ministrat për misionin e përfaqësuesit tonë special

“I informova ministrat për misionin e përfaqësuesit tonë special. Javën e kaluar, të dërguar në emrin tim, së bashku me zëvendës-ndihmës sekretarin amerikan Escobar dhe këshilltarët për politikë të jashtme të liderëve të Francës, Gjermanisë dhe Italisë, të gjithë udhëtuan në Kosovë dhe Serbi për të vazhduar diskutimet mbi propozimin për normalizimin e marrëdhënieve. Theksojmë se avancimi i këtij propozimi do të sillte përfitime të konsiderueshme për të dyja palët, dhe mendoj se është e vetmja mënyrë për të thyer ciklin vicioz të krizës në terren dhe për të reduktuar rrezikun për përshkallëzim të mëtejshëm. Ne presim angazhime serioze dhe gatishmëri për t'u angazhuar në mënyrë konstruktive.