Frashër Demaj(1973-)

Frashër Demaj është i lindur me 08.7.1973 në Radavc të Pejës. Shkollën fillore e ka kryer në vendlindje, ndërsa të mesmen në gjimnazin “11 Maji” tani “Bedri Pejani” në Pejë. 

Në vitin akademik 1991-1992 është regjistruar në Universitetin e Prishtinës, në Fakultetin Filozofik, dega e Historisë. 

Në këtë fakultet ka diplomuar më 22 shkurt 1996 me temën “Kriza Lindore dhe Çështja Shqiptare 1875-1881”.

Në vitin akademik 1997-98 në Fakultetin Filozofik të Universitetit të Prishtinës fillon studimet pasdiplomike në periudhën Koha e re, shek. XIX-XX dhe ka magjistruar më 25.3.2005, me temën: 

“Qëndrimi i Italisë ndaj Çështjes shqiptare 1875-1881”. Temën e doktoraturës me titull: “Britania e Madhe dhe çështja shqiptare 1875-1913” e ka mbrojtur 15.7.2009 në Fakultetin Histori-Filologji në Universitetin e Tiranës.

Punojë në disa shkolla fillore dhe të mesme : “Iliria” në Prishtinë –1996 “Ismail Qemali” në Prishtinë në vitin shkollor 1997-1998; “Elena Gjika” nga viti 1998; në Gjimnazin Flologjik “Eqrem Çabej” në Prishtinë 1999-2000. 

Paralelisht ka punuar edhe në shkollën fillore “Elena Gjika” në Prishtinë deri në vitin 2003.

Nga qershori i vitit 1999-2002 ka punuar si anëtar i redaksisë-gazetar i revistës “Kosovarja” në Prishtinë, poashtu një periudhë të shkurtër (vitin 2000) ka punuar në redaksinë e revistës “Rrezja” në Prishtinë. 

Në vitin 1999 ka punuar në cilësinë e gazetarit - në të përditshmen “Fakti” të Shkupit. Në vitin 2001 ka qenë drejtor i revistës për komunikacion “Tempulli”.Etj.

Gjatë kohës së punës si gazetar ka botuar një numër të konsiderueshëm të artikujve me permbajtje historike, politike, kulturore, sociale etj

Nga korriku i vitit 2003 punon në Institutin e Historisë në fillim si asistent dhe më pas si hulumtues i pavarur dhe si bashkëpuntor shkencor për të vazhduar pastaj deri në korrik 2015 si Bashkëpuntor i Lartë Shkencor-Profesor i asocuar (inordinar).
Nga korriku 2015 është zgjedhur në gradën Këshilltar Shkencor-Profesor i rregullt (ordinar)

2010-2013 Frashër Demaj ka punuar në kolegjin JURIDICA në Prishtinë. Ka ligjeruar lëndët: Historia e Shtetit dhe së Drejtës, Komunikimi Nderkulturor dhe Metodat e Hulumtimit shkencor.

2010-2018 në Kolegjin FAMA në cilësinë e profesorit të lëndëve Histori e Shtetit dhe së Drejtës (2010-2013), Metodat e hulumtimit në shkenca politike dhe administratë publike, Metodat e Kërkimit Shkencor në studimet master (Juridik-Civil, Juridik-Penal, Shkencat e Sigurisë, Administratë Publike dhe Marëdhënie Nderkombëtare me Diplomaci), Shkathtësitë e Lidershipit, Teoria e Marrëdhënieve Ndërkombëtare, ne master në drejtimin Marrëdhënie Nderkombëtare me Diplomaci.

Frashër Demaj ka ligjeruar (visiting profesor) në Universitetin e Barit Aldo Moro në Itali, në studimet master në programin Studimet e Paqës, Liritë dhe të drejtat e Njeriut.

Frashër Demaj ka marrë ftesë (visiting profesor) në Northern Illionis University (NIU) në Çikago të SHBA-ve.
Gjatë viteve 2014-2018 ishte rektor i kolegjit FAMA në Prishtinë.

Frashër Demaj në dhjetor të vitit 2016 është zgjedhur Anëtar korrespondent i Akademisë së Shkencave dhe Arteve të Kosovës (ASHAK).

Frashër Demaj merret me Historinë e Diplomacisë (shek. XIX dhe fillim shekulli XX) por është marrë dhe merret edhe me problemet e arsimit dhe me historinë e zhvillimeve politike e diplomatike të fundit të shekullit XX.

Është Rektor i kolegjit FAMA 2014-2018 si dhe an՗tar i Akademisë së Shkencave dhe Arteve në Kosovë.

Ka botuar një numër të konsiderueshëm te punimeve shkencore, profesionale në revista shkencore e publikime në Kosovë dhe jashtë si dhe në gazeta e revista të ndryshme, si dhe ka botuar në bashkautorësi disa ekste shkollore nga Historia për klasën 5, 6,7,8,9,10,11 .

Ai ka punuar në cilësinë e anëtarit të grupit të ekspertëve për hartimin e kurrikulave dhe planprogrameve të historisë për shkollën e fillore, të mesme të ulët dhe të mesme të lartë në klasat:

• 6 dhe 10 (2003)
• 7 dhe 11 (2003-2004)
• 8 dhe 12 (2004-2005)
• 5, 8 dhe 13 (2005-2006)

Frashër Demaj në cilësinë e profesorit-mentor ka udhëhequr deri më tani 53 studentë në studimet master në Marrëdhënie Nderkombëtare me Diplomaci si dhe ka qenë në komisionin e mbrojtjes së doktoraturave nga fusha e historisë dhe marrëdhënieve nderkombëtare në Universitetin e Tiranës dhe Akademinë e Studimeve Albanologjike në Tiranë.


Frashër Demaj ka botuar dhjetëra punime profesionale në  revista shkencore , gazeta të perditshme dhe periodike si dhe ka dhënë dhjetra intervista profesionale  nga lëmia e historisë nacionale si dhe emisione dokumentare në televizionet nacionale dhe të huaja .

Monografi si  dhe botime tjera të veçanta:

• Afrim Xhuraj, Jeta dhe vepra, Instituti i Historisë-Prishtinë, Prishtinë 2009.
• Britania e Madhe dhe çështja shqiptare 1875-1913, Instituti i Historisë-Prishtinë, Prishtinë 2011.
• Perandoria Osmane, botues CDRSEE, Selanik, 2012 (autor i disa njësive)
• Kombet dhe shtetet në Evropën Juglindore, botues CDRSEE, Selanik, 2012 (autor i disa njësive)
• Luftërat Ballkanike, botues CDRSEE, Selanik, 2012 (autor i disa njësive)
• Lufta e Dytë Botërore, botues CDRSEE, Selanik, 2012 (autor i disa njësive).
• Monumentet kulturore të periudhës osmane, botues Instituti Goethe, Athinë 2012. (autor i disa njesive).
• E Drejta e Bashkimit Europian, historia, institucionet, legjislacioni dhe politikat, Prishtinë 2015. (bashkautorësi)
• Il Diritto Europeo e le politiche di integrazione, Edizioni Giussepe Laterza, Bari 2015. (bashkautorësi)
• Mulla Zekë Berdynaj- Jeta dhe Vepra, Prishtinë 2016.
• Великобритания и албанския въпрос 1875-1913, Sofije 2016.

• Elementet Shtetërore të Lidhjes Shqiptare të Prizrenit, “KOSOVA” 22/23, Prishtinë, 2003.
• Emigrimet dhe vendbanimet e arbëreshëve në Itali, “KOSOVA” 24/25, Prishtinë, 2003.
• Misioni politiko-diplomatik i Abdyl Frashërit dhe Mehmet Vrionit në Evropë, “KOSOVA” 28, Prishtinë 2006.
• Djathtizmi në Kosovë 1945-1990, E djathta shqiptare në mbrojtje të Shqipërisë Etnike, Prizren – Shkodër, 2006.
• Veprimtaria atdhetare e Azem (Miftar) dhe Ukë e Sejdi (Smajl) Demajt, E djathta shqiptare në mbrojtje të Shqipërisë etnike, Prizren – Klinë 2006
• Krimet serbo-malazeze në Fierzë (Novosellë) të Pejës më 1945, E Djathta shqiptare në mbrojtje të Shqipërisë etnike. Prishtinë 2006.
• Roli i shtetit shqiptar në mbrojtjen e çështjes së Kosovës 1990-1999, botuar në përmbledhjen e punimeve: “Pavarësia e Shqipërisë dhe sfidat e shtetit shqiptar gjatë shekullit XX, Tiranë 2008.
• Qëndrimi i mbretit Nikolla i Malit të Zi ndaj çështjes shqiptare sipas gazetës “La Nazione Alabanese”, “KOSOVA” 29-30, Prishtinë 2008.
• Pjesëmarrja e abreshëve-shqiptarëve në luftë për bashkimin e Italisë, “VJETARI” i Arkivit të Kosovës, nr. 39/40, Prishtinë 2008.
• Kontributi i Profesor Ali Hadrit në fushën e arsimit, botuar në “Ali Hadri, Jeta dhe Vepra”, Prishtinë, 2009.
• Lëvizjet kulturo-arsimore të arbëreshëve të Italisë gjatë shek XIX, “VJETARI” i Arkivit të Kosovës nr. 40/41, Prishtinë 2009.
• Roli i Britanisë së Madhe në luftën e Krimesë dhe situata në Shqipëri, “KOSOVA” 31/32, Prishtinë 2009.
• Nënë Tereza Nobeliste, “Jeta dhe Vepra e Nënë Terezës”, Prishtinë 2010.
• Qëndrimi i Britanisë së Madhe ndaj Kryengritjes së vitit 1910, “KOSOVA” 33/34. Prishtinë, 2010/2011.
• Qëndrimi i konsujve anglez në Prizren dhe Shkodër ndaj Lidhjes Shqiptare të Prizrenit, botuar në; “Lidhja Shqiptare e Prizrenit 1878-1881”, Prishtinë 2011.
• Sfidat e nderkombëtarizimit dhe roli i NATO-s në çlirimin e Kosovës, Revista Shkencore “Juridica” 1, Prishtinë, 2011.
• Kufiri verilindor i Shqipërisë sipas diplomacisë britanike, botuar në “100 vjet Pavarësi”, Tiranë 2013.
• Alternativat e diplomacisë së Fuqive të Mëdha për kufirin shqiptaro-malazez ne Konferencën e Ambasadoreve ne Londër, KOSOVA 37/38, Prishtinë 2013.
• Konteksti diplomatik i çështjës shqiptare në Konferencën e Ambasadorëve në Londër, Revista Shkencore “Juridica” 2/3, Prishtinë, 2011.
• Qëndrimi i diplomacisë së Fuqive të Mëdha lidhur me kërkesën e Serbisë për dalje në Detin Adriatik, në “Pavarësia e Shqipërisë dhe Kosova 100 vjet pas”.
• Qëndrimi i Fuqive të Mëdha ndaj Kryengritjes së vitit 1911, botuar në permbledhjen “100 vjet nga kryengritja e malësisë 1911-2011, Tuz, 2012.
• ОСТАНА страхотно правомощия КОНФЕРЕНЦИЯ ПО албанския въпрос в Лондон 1912-1913, Istoriecki Pregled, Bullgarska Akademia Naukite, Bulgarian Historical Review, 2013, 5-6.
• Dhuna dhe terrori ndaj shqiptareve ne krahinen e Hotit 1875-1924 botuar në Hoti në rrjedhat e shekujve Detroit, Michigan, 2015.
• Diplomacia e Fuqive te Medha gjate Luftes së Parë Botërore, botuar në Lufta e Parë Boterore dhe ceshtja shqiptare 1914-1918, Prishtinë 2015.
• Mеждународната дипломация и ролята на нато за освобождението на Kосово, botuar në Geopolitike, Sofje 2015.
• Veprimtaria e Isa Boletinit sipas burimeve britanike, 1910 – 1912, botuar në permbledhjen “Isa Boletini në Lëvizjen Kombëtare Shqiptare. Prishtinë 2015”.
• Diplomacia e Fuqive të Mëdha gjatë Luftës së Parë Botërore, Studime Shoqërore 2, ASHAK, Prishtinë 2015.
• Porti i Shën Gjinit sipas dokumenteve diplomatike të Britanisë së Madhe (1912-1913), Studime Shoqërore ASHAK, Prishtinë 2016

Etj.

Intervistë e Din Mehmetit dhënë gazetares Migena Arllati ,10 vjet më pare

 

Bardi i poezisë Din Mehmeti - 80 vjet jetë

 POETI NUK SHTJERRET DERI MINUTЁN E FUNDIT TЁ JETЁS

“Plejada e poetëve të vjetër të letërsisë shqipe ngadalë po shuhet, disa nga poetët vdiqën, ne të tjerët jemi në moshë të thyer, por poezia mbetet, ajo jeton tek të tjerët”, shprehet Din Mehmeti në intervistën e tij të fundit

MIGENA ARLLATI

Me plot tetëdhjetë vjet jetë mbi shpinë, poeti Din Mehmeti thotë se vitet nuk e shtrydhin poetin, se poeti edhe shtjerret por deri minutën e fundit ai e ka kokën plot ide por jo edhe mundësi për t’i realizuar ato.

I ardhur në Gjakovë nga Gjocaj i Junikut që në vitin 1945, Mehmeti botoi poezinë e parë në vitin 1949, kur ishte njëzet vjeç. Ishte poezia ‘Të resë sonë’, e botuar në numrin dy të revistës ‘Jeta e Re’, por nga rruga e poezisë ai nuk do të ndahej gjatë gjithë jetës.

Pas studimeve për albanologji në Beograd, kthehet në Kosovë, fillimisht si gazetar. Në vitin 1961 boton përmbledhjen e parë “Në krahët e shkrepave”, pas së cilës erdhën varg edhe 17 vepra të tjera, të cilat rregjistruan sfidat e jetës së tij, pikëpamjet për botën dhe njerëzit për një kohë të caktuar.

Ai ka marrë vlerësime dhe kritika nga Mekuli, Qosja, Raifi, Qapriçi, Kraja, Arapi si dhe disa kritikë të huaj të cilët e cilësojnë si poet të ndjenjave dhe mendimeve të thella, që ka shprehur qëndresën e popullit shqiptar nëpër kohëra. Halil Haxhosaj ka përmbledhur në një libër thëniet e të tjerëve për poetin Mehmeti, si dhe krijimet kushtuar atij nga rreth 50 poetë të njohur shqiptar. Poezitë e tij janë të përkthyera në një libër të veçantë në frëngjisht, por gjithashtu është i përfaqësuar në të gjitha Antologjitë e poezisë shqipe në gjuhë të shumta evropiane si anglisht, italisht, gjermanisht, polonisht, arabisht, serbisht etj.

M. Arllati: Si ju duket letërsia shqiptare sot? A ka ardhur ajo duke u rritur apo në zvetnitje e sipër?

Din Mehmeti: Unë mendoj se poezia shqipe është ende gjallë, ende është vitale, komunikuese me popullin për të cilin shkuhet por edhe për botën. Kam përshtypjen se poezia e Agollit, Arapit, Spahiut, Mekulit, Shkrelit, Podrimes etj, e asaj plejade të vjetër në Shqipëri dhe në Kosovë, përbën një kult të poezisë shqiptare. Kjo plejadë poetësh, pa u ndikuar nga njëri-tjetri, kanë sjellë vlera të patjetërsueshme të poezisë, që nuk i kemi pasur më përpara. Tashmë shohim një stil të ri modern. Një shikim i ri shihet në poezi, me një filozofi dhe mesazh që e ka bërë poezinë shqipe moderne, të dinjitetshme, dhe të përballueshme me vlerat poetike të botës. Nuk është modeste ta them, por në këtë plejadë hyj edhe unë. Tashmë kjo plejadë po shuhet, disa nga poetët vdiqën, ne të tjerët jemi në moshë të thyer, por poezia mbetet. Ajo jeton tek të tjerët. Sot kemi poetë të tjerë të kohës, të cilët po bëjnë përpjekje të mos e përsërisin atë të shkruarën por të sjellin një figuracion e një stil të ri, me pikëpamje të reja më bashkëkohore të shoqërisë sonë, një poezi disi më individualiste, më personale, që karakterizohet me ambicien e poetëve për të shpehur ndjenjta e veta. Pra është një plejadë e re që po rritet por kam përshtypjen se mes tyre ka shumë jopoetë, se po punohet pa kriter, nuk ka redakturë, nuk ka kritikë të dinjitetshme por klanore, nuk dihet se cila është vlera. Shohim se jovlera rri mbi vlerën dhe krijohet një konfuzion sepse ka shumë njerëz që duan të bëhen poetë me zor, duke paguar poetë të tjerë ose kritikë që t’ia bëjnë punimet. Letërsia ‘nuk do gogla’, do mendime, ndjenja të forta. Por koha është ajo që i përtyp antivlerat, i seleksionin vlerat dhe ndal vetëm ato që i duhen.

M. Arllati: A mundet një poet i mirë të jetë edhe prozator i mirë?

Din Mehmeti: Unë kam shkruar disa tregime dhe një dramë, por poeti i mirë them se mund të jetë edhe prozator i mirë. Poeti i mirë është gjithashtu kritiku më i mirë i letërsisë, më i mirë se kritiku i letërsisë sepse ai i din labirintet e vjershës, si realizohet forma, përmbajtja. Kritikët dijnë të jenë edhe demagogë por poeti i mirë nuk është demagog. Por poeti nuk mund ta përshkruajë vjershën e vet, poeti mundet gjithçka të thotë por vjershën e vet nuk mundet ta analizojë. Poeti vjershën e vet mund vetëm ta lexojë, pra ai bëhet lexues i saj, por në momentin që vjersha përfundohet, ajo pavarësohet nga autori dhe merr jetë nëpërmjet mendimeve të lexuesve. Kjo ngase poezia e letërsia, si art i gjuhës, pavarësisht mendimeve të të tjerëve, mbetet dhuratë ndaj të tjerëve.

M. Arllati: Sapo u botua kompleti i veprave tuaja në pesë vëllime. A ju erdhi mirë për këtë?

Din Mehmeti: 

U gëzova shumë që pata fatin ta shoh të botuar kompletin e veprave të mia. Kjo inisiativë ka rrjedhë prej lexuesve dhe prej disa miqve të mi kritikë. Sipas tyre, poezia ime supozohet se është poezia më e lexuar në Kosovë, e recituar shumë prej nxënësve të shkollave të mesme, se ende e kërkon lexuesi, ende është e bukur nga ana figurative. Botimin e mbështeti Ministria e Kulturës dhe Drejtoria e kulturës në Gjakovë. Zakonisht kompletet botohen pas vdekjes së autorit ndërsa për mua ishte paksa e veçantë sepse kjo mrekulli ndodhi ndërsa jam gjallë.

M. Arllati: Sivjet ishte tetëdhjetë vjetori i jetës suaj. A keni ende për t’i dhënë poezisë?

Din Mehmeti: Poezia është dhimbje, është gjendje, ajo lind nga pakënaqësitë e poetit ndaj vetes apo ndaj botës. Unë tani shkruaj më rrallë sepse kam telashe shëndetësore, si dhe aspak përkrahje nga institucionet. Poezia ime tani është meditative, nuk jam më ai euforiku por i qetë, flas më pak por meditoj shumë. Kënaqem kur i shoh shënimet e mia në fletore, të cilat më bëjnë që të bluaj mendime. Poezitë që kam shkruar vite më parë, sot më duken gati si të huaja. Ato tani komunikojnë me të tjerët, nëse poezia ime i kënaq të tjerët më bën nder mua. Një gjë e di me siguri, se jeta nuk më ka shkuar kot, nuk kam lejuar që jeta ime të jetë pa asnjë fryt, por kam mbjellë diçka dhe ajo që kam mbjell tani e ka qit tufën. Këtyre ditëve po mundohem t’i realizoj disa ide, disa mendime të mëhershme t’i kthej në poezi. Po pres të gjej formën e tyre, sepse po s’iu gjet forma, përmbajtja s’mund të japë rezultat. Forma është shkëlqimi i përmbajtjes, ose transmetimi i saj. Besoj se vitin e ardhshëm do ta botoj edhe një libër me poezi, krejt janë të natyrës meditative.

M. Arllati: Si jeton sot një emër i madh i letërsisë kosovare si Din Mehmeti?

Din Mehmeti: Jetoj me një shumë simbolike financiare që e marr nga pensioni, do të thosha në mënyrë të mjerë. Më ndihmojnë ndonjëherë disa miq e njerëz që e duan poezinë time, e kështu megjithatë vazhdoj të qëndroj në këmbë. Ndonjëherë mendoj të bëj ndonjë marri me vetveten, diçka të palogjikshme, që t’i tregoj këtij spektrit tonë politik se është e padrejtë që sot të lihen në gjendje të mjerë plejada e njerëzve që e kanë krijuar Kosovën, shkollat e larta, bazat themelore të kulkturës, arsimit e shkencës. Ne nuk e meritojmë këtë ‘dhuratë’ të politikës kosovare, pa pasur as të ardhme financiare ekzistenciale. Ndaj politika kosovare le të kënaqet me lukset e veta, me ato limuzina dhe rroga katër shifrore, ndërsa ne mbetemi me 80 euro që përafërsisht as për barna nuk mjaftojnë. Politikës sonë i mundon kultura. Politika pa kulturë është si një gyp i thatë, në të cilin nuk shkon ujë. Politika jonë është një demagogji e tmerrshme ndaj duhet të urtësohet dhe të shohë se sa të mjerë na ka lënë.

Gjakovë, 20 dhjetor 2009

Isuf Grajçevci (1948-)

Isuf Grajçevci është i lindur me 12 korrik 1948 , në fshatin Hade të Kastriotit , Kosovë. Shkollën fillore e ka kryer në vendlindje, ndërsa shkollimin e mesëm dhe superior i ka mbaruar në Prishtinë.

Poeti Grajçevci ka filluar të merret me shkrime qysh si nxënës i shkollës fillore, kurse punimet e tij herë pas here janë botuar në shtypin e përditshëm dhe periodik.

Atëbotë ka punuar si korrektor në Gazetën Zyrtare të ish Jugosllavisë, në Redaksinë e gjuhës shqipe dhe në Enciklopedinë e ish Jugosllavisë – në Redaksinë e gjuhës shqipe në Prishtinë. Gjatë gjithë kohës së veprimtarisë së tij intelektuale ka bërë përkthime të shumta të materialeve të ndryshme, qofshin ato zyrtare apo edhe artistike.

Poeti Grajçevci në vitin 1994 u detyrua të emigrojë në Shtetet e Bashkuara të Amerikës. Atje punoi dhe kontribuoi për çështjen kombëtare shqiptare. Me fillimin e luftës, ai me shumë bashkatdhetarë ndihmoi luftën në Kosovë, duke u organizuar bashkë me patriotët e tjerë në shumë drejtime dhe duke e radhitur edhe djalin e tij në Batalionin “Atlantiku”, të cilët erdhën në Kosovë për t’iu dalë në ndihmë vëllezërve të tyre në luftë kundër armikut shumëshekullor. Një kohë punoi përkthyes i gjuhës angleze në UN. 

Ndër të tjera poeti ka botuar edhe këto përmbledhje me poezi: “Hapat e tu në mote”, “Gjurmë mërgimtari” dhe “Larg teje”.

Edhe pse Grajçevci në shumicën e kohës jeton dhe vepron në SHBA, ai me vargjet e tij artistike është i lidhur ngushtë me atdheun e tij.

Në vitin 2016, Grajçevci u nderua me Çmimin e Karrierës nga Shoqata e Shkrimtarëve “Fahri Fazliu” nga Komuna e Kastriotit.

Jeton e vepron në SHBA, ku është anëtar i Akademisë së Shkencave Shqiptaro-Amerikane  si dhe anëtar i Shoqatës së Shkrimtarëve Shqiptaro-Amerikanë. Ai çdo vit është i pranishëm edhe në Prishtinë. 

Sejdi (Bajram) BERISHA(1947-)

Sejdi (Bajram) BERISHA u lind me 10 qershor 1947. 

Që në shkollën fillore, filloi të shkruajë poezi, të cilat, së pari i botohen te gazeta “Flaka e Vëllazërimit” të Shkupit e pastaj, te “Pionieri” dhe te “Rilindja për fëmijë”. 

Nga këtu zë fill edhe zhvillimi i talentit të tij edhe si shkrimtar edhe si gazetar.

Si nxënës i gjimnazit të Pejës bashkëpunon me gazetën studentore “Bota e Re”, kurse që nga viti 1970 bëhet bashkëpunëtor mjaft produktiv i gazetës “Flaka e Vëllazërimit”.

Në vitin 1972, punësohet në Radiotelevizionin e Prishtinës, përkatësisht në Radio-Prishtina si korrespondent nga Peja, prej nga raporton dhe informon opinionin e gjerë për ngjarjet dhe aktivitetet e gjithëmbarshme nga ky rajon: Peja, Deçani, Klina dhe nga Istogu. Në këtë detyrë ai ishte gjithnjë deri në korrik të vitit 1990, kur policia serbe me dhunë i dëbon nga vendet e tyre të punës të gjithë punëtorët shqiptarë të RTP-së (Radiotelevizionit të Prishtinës).

Gjatë punës në Radio-Prishtina ka arritur titullin e Redaktorit të Kategorisë së Parë. Ka raportuar nga manifestimet kulturore, siç ishte Festivali i Teatrove të Jugosllavisë, Festivali Republikan i Teatrove të Kosovës, Serbisë dhe të Vojvodinës dhe Festivali i Teatrove Amatore të Kosovës, të cilat për çdo vit mbaheshin në Trebinje të Bosnjës dhe Hercegovinës, në Kulla të Vojvodinës dhe në Ferizaj të Kosovës. Për punë cilësore dhe profesionale, disa herë është shpërblyer dhe ka marrë mirënjohje. Në ndërkohë, pesë vite ka qenë edhe gazetar-korrespondent i Televizionit të Prishtinës, kurse pas vitit 1980, edhe gazetar i “Rilindjes”.

S. Berisha, në nëntor të vitit 1982 nxori numrin e parë të gazetës “Peja” dhe ishte themelues i Radio-Pejës (1981). Në vitin 1982 ishte drejtor i këtij institucioni me rëndësi të veçantë informative dhe shoqërore, por duke mos u pajtuar me koncepcionet e udhëheqjes së atëhershme të Kuvendit Komunal të Pejës, nën patronazhin e të cilit ishte edhe Radio-Peja, e që një koncepcion i tillë nuk lejonte hapësirë për punë kreative, cilësore dhe profesionale, tërhiqet nga kjo detyrë dhe sërish kalon me punë në Radio-Prishtina.

Sejdi BERISHA është njëri prej punëtorëve më të mirëfilltë të kulturës në Pejë dhe më gjerë. Është anëtar i Lidhjes së Shkrimtarëve të Kosovës dhe i Lidhjes së Gazetarëve të Kosovës.
S. Berisha, deri me tash ka botuar dyzetë e një vepra:

”Kombinati i lëkurë-këpucëve në Pejë”(monografi, 1984);”Tronditje” (poezi, 1991);”Çmendia në rreth” (prozë, 1993);”Feniksi” (poezi, 1993);”Simfoni pritjeje” (poezi, 1995);”Zejtarët e Pejës” (monografi, 1995);”Gabim stinësh” (poezi, 1996):“Në cep koha” (poezi, 1997);”Vrasësi i gjumit” (roman, 1999);”Heraldika” (poezi, 2000);”Lumturia e dhembjes (eseistikë, 2002);”Freskia e pluhurit” (poezi, 2002);”Piramida e ironisë” (eseistikë, 2004);”Plagë në pikturë” (poezi, 2005);”Fjala e gjakut” (tri poema kushtuar Prekazit, Gllogjanit dhe Koshares-2006);”Shpërputhje kohe’ (ese, shkrime kritiko-letrare,vështrime jete, 2006);”Kaq shumë vetmi’ (poezi të zgjedhura-2007);”Dashuro një minutë” (poezi dashurie-2007);”Homazhe tek mendja” (eseje-2008);”E bukura e rrugëtimit” (këndvështrime letrare-2008);”Fjalë e pathënë (poezi-2009);”Zejtarët e Pejës” (monografi-Botimi i Dytë - 2010);”Kërkoj dhembjen time” (poezi-2011);”Mallkimi i heshtjes” (Shkrime refleksive-2011);”Teatri i Pejës” (monografi-2012);”Vargje të këputura” (poezi-2012);”Përtej shkrimit” (Shkrime të plasura,baladë shkrimesh, kujtime, mendime, vlerësime dhe biseda për njeriun, dhe të tjerët për mua) (2013);”Gjethet e hirta të zemërimit” (poezi-2014);”Në lumë bie shi” (poezi-2015);”Konflikti me vetveten” (Ese & shkrime të tjera-2016);”Gërshetimi krijues dhe urat letrare”(Analiza dhe këndvështrime letrare-2016);”Kthim në shtëpinë që nuk ekziston” (Poezi të përkthyera në gjuhën greke-2016-Επιστροφη στο σπιτι που δεν υπαρχει (Ποιήματα);”Varrtarët kush do t’i varrosë” (poezi-2017); “Zejtarët e Pejës”, roli dhe kontributi i tyre në zhvillimin ekonomik dhe kulturor (Monografi) - Botimi i Tretë(2017);”Peizazh i jetës sime” (poezi-2018);”Njeriu ‘pa’ vendlindje” (Thjeshtë, dhembja dhe lumturia e jetës bashkë), libër autobiografik(2019); ”Ofelia* nuk kthehet më...”-Poemë, baladë apo gjerdan ironie- (Poezi-2019); ”Valsi i kuq” (dramë-1976); “Vdekja e bardhë” (monodramë-1985);”Misteria” (monodramë-1987); dhe, “Obelisku pa adresë” (dramë-2005).

Sejdi BERISHA jeton dhe vepron në Pejë. Që nga viti 2002, disa herë ka qenë anëtar i Bordit të Teatrit Profesionist “Istref Begolli” të Pejës, po ashtu, ka qenë anëtar i Këshillit Artistik të Galerisë së Arteve të Qytetit në Pejë dhe për një kohë të shkurtër edhe Kryetar i Bordit të Qendrës për Mirëqenien e Gruas (QMG-së) në Pejë.


Në Manifestimin kulturor “Kultura pejane ndër vite”, që u organizua më 24 nëntor 2011-30 nëntor 2011, u nderua me Çmimin “Krijues i dalluar i vitit”. Ndërsa, në Poetekën Mbarëkombëtare “Ndue Bytyçi” që u mbajt në Tiranë me 26 gusht 2012, u nderua me Çmimin e Dytë për poezinë më të mirë.

Në Takimet e Para Letrare Tradicionale Kombëtare “Ora e Tahir Deskut” në Klinë, më 08 shtator 2009, u nderua me Çmimin e Parë për poezinë më të mirë të lexuar në këtë manifestim letrar kombëtar.

Është fitues i Çmimit “Din Mehmeti”, në Mitingun e 50-të Jubilar të Poezisë në Gjakovë, për librin me poezi, “Gjethet e hirta të zemërimit”, si libri më i mirë i botuar ndërmjet dy mitingjeve(09 maj 2014).

Është i prezantuar në Antologjinë e autorëve të cilët u kanë kushtuar vargje nënave dhe femrave të botuar në Londër, pastaj në Antologjinë Ars Poetika, Botues MEDAUR.

S. BERISHA, është përfshirë edhe në Fjalorin Enciklopedik të Kosovës, të cilin e botoi Akademia e Shkencave dhe e Arteve e Kosovës në vitin 2018. 

Ai është i prezantuar edhe në Antologjinë e Bibliotekës së Prizrenit, “Nga gjerdani kombëtar”, e cila është botuar me rastin e 70-vjetorit të kësaj biblioteke, e cila është më e vjetra në Kosovë, e në të cilën antologji janë prezantuar shtatëdhjetë krijues të përzgjedhur nga të gjitha trojet shqiptare dhe diaspora.

Kurse, poezia e tij e botuar në këtë Antologji, është shpallur poezia më e mirë e botuar në këtë vepër. Po ashtu, me krijimet e veta është i përfshirë edhe në Antologjinë “Antologji e Poezisë Moderne Shqipe”-2014 dhe në librin “Krijuesit e zgjedhur kombëtarë” etj.
Është fitues i Çmimit “Vendi i Parë” për poezinë më të mirë të lexuar në Takimet e VI-ta Letrare Tradicionale Kombëtare “Ora e Tahir Deskut” në Klinë (09 shtator 2014).

Ndërsa, në po këto takime, në shtator të viti 2016, libri i tij me poezi “Në lumë bie shi” u shpall libri më i mirë i botuar ndërmjet dy takimeve. Kurse, Lidhja Ndërkombëtare e Poetëve, Shkrimtarëve dhe Artistëve “PEGASI”-ALBANIA, shkrimtarin dhe publicistin Sejdi BERISHA, e shpalli “Poet i vitit 2016” (Për Kosovë).
Kurse, Gazeta e Alpeve “Tropoja” e ka nderuar me “Çmimi i Karrierës”, për kontributet e tij plot arritje e vlera me botimet publicistike e letrare në Gazetën e Alpeve “Tropoja” dhe në masmedie të Kosovës, Diasporës e Kombit Shqiptar (Vendimi nr. 121, 26 prill 2019).

Është një prej hartuesve të Antologjisë të Poetëve të Malësisë së Gjakovës (2014).

Ndërsa, në Takimet ndërkombëtare “Trirema e Poezisë Joniane” në Sarandë, nga Kryetari i Bashkisë së këtij qyteti me vlera të larta shpirtërore, kulturore, historike dhe turistike, u nderua me bustin e DEA-Hyjnesha në Fron e Butrintit (Sarandë, 27 shtator 2014). Kurse, në Festivalin Ndërkombëtar të Monologut “Art pa kufij” që u mbajt në Sarandë (08-10 maj 2015), monologu nga monodrama “Obelisku pa adresë”, të cilin e interpretoi aktori, Ismet Krasniqi Lala, u nderua me Çmimin e Parë të festivalit. Është fitues edhe i shumë çmimeve të tjera letrare dhe publicistike e kulturore në Kosovë dhe Shqipëri.

Shefki Sejdiu(1936-)

Shefki Sejdiu u lind më 8.6.1936 në Albonë (ish-Pakashticë), Komuna e Besianës (ish-Podujevës), Kosovë. Shkollën fillore e ka kryer në vendlindje, Progjimnazin në Besianë, Shkollën Normale në Prishtinë (1956), Filologjinë romane në Shkup (1962) dhe studimet pasuniversitare –Linguistikën e përgjithshme me përqëndrim të vaçantë në linguistikë romane, në Zagreb (1975), ku edhe u doktorua me temën “Formalna i semantičkapodudaranja u denominacionimpostupcima u fitonimijiromanskihjezika s albanskom i hervatsko-serpskomfitonimijom”.(1985) Përkimet formale dhe semantike në proceset emërtuese në fitoniminë e gjuhëve romane me fitoniminë shqipe dhe kroato-serbe.
Ishte mësues në rrethinën e Kumanovës (1956-1957), mësimdhënës i frëngjishtes dhe i latinishtes në Gjimnazin e Podujevës (1961- 1967) dhe në Gjimnazin e Prishtinës (1967-1972). Prej vitit 1972 është ligjërues, docent (1985) dhe profesor ordinar (1991) i Historisë së gjuhës frënge me frëngjishte të vjetër dhe i latinishtes pranë Degës së Gjuhës dhe Letërsisë Frënge të Fakultetit (Filozofik) Filologjik të Universitetit të Prishtinës.

Ka mbajtur ligjërata si profesor i ftuar në disa institucione shkencore: në Universitetin e Sofjes (1987) dhe në atë të VelikoTërnovo-s të Bullgarisë (1987), në Universitetin e Zagrebit (1990), në Qerthullin linguistik të Zagrebit (1990) dhe në Universitetin e Elbasanit (2000). Me qëllim hulumtimi dhe thellimi të njohurive teorike qëndroi disa herë për specializim në shumë institucione shkencore të Ballkanit dhe të Evropës:në Universitetin e Grenoble-it (1985); në Universitetin e Parisit (ÉcoledesHautesEtudes, Sorbonne III, IV) ku gjatë dy viteve universitare (1971/72 dhe 1974/75), ka përcjellë ligjëratat dhe ka ndjekur mësimet nga Gjuhësia e përgjithëshme (dhe aksiologjia) te AndréMartinet, nga Indoevropistika (hetitishtja dhe italikishtja) te M. Bader dhe MichelLejeune, nga Linguistika romane (frëngjishtja e vjetër) te L. Wagner dhe nga semantika dhe linguistika logjike te BernardPottier; në Institutin e Linguistikës dhe në Universitetin e Lisbonës (Portugali) hulumtoi dhe studioi çështje të gjuhësisë iberoromane (1978/1979).

 Njohuri nga ballkanistika mori në Universitetin e Zagrebit, në Institucionet e Bukureshtit (1970, 1973, 1978, 1979, 1982) në atë të Sofjes (1987) dhe në Londër (1995) ku bëri hulumtime në fushë të antropolinguistikës dhe të etimologjisë.

Profesor ShefkiSejdiu, në komunikimin shkencor përdor (me gojë dhe me shkrim) përveç gjuhës amtare edhe kroatishten dhe frengjishten, kurse literaturën profesionale dhe shkencore e shfrytëzon edhe në latinishte, italishte, portugeze, spanjolle, rumane (dhe katalone, sardie, retoromanie), por edhe në anglishte, rusishte, bullgarishte, sllovenishte dhe polonishte.

Profesor ShefkiSejdiu përktheu dhe përshtati tekste të gjuhës frenge për shkollat fillore dhe të mesme dhe recensoi tekste të latinishtes për shkolla të mesme dhe fakultete; është autor edhe i pesëveprave të domenit të onomasiologjisë. 

Fitonimia shqipe e Kosovës –lënda, ndarja, etimologjia, Instituti Albanologjik i Prishtinës, Prishtinë, 1972; Fjalorth etnobotanik i shqipes, Prishtinë 1984; Çështje të onomasiologjisë fitonimike romane dhe ballkanike, Prishtinë, 1989; Sisteme, struktura, raporte (etnolinguistikë), Prishtinë, 2002; Sprova etimologjike, Prishtinë, 2002; (Iliro-arbroro) shqiptarët dhe gjuha e tyre në Universin globalist, Prishtinë, 2017; Studime dhe diskutime, Prishtinë, 2019.

Mori pjesë me kumtesa dhe ligjërata në dhjetëra tubime shkencore të mbajtura në Kosovë dhe jashtë saj (Prishtinë, Tiranë, Zagreb, Sofje, Zarë, Elbasan, V. Tërnovë, DonjiMilanovac).

Ishte anëtar i Asociacionit të Profesorë Universitarë për të Drejtat e Njeriut me seli në CapTawn (1988) dhe i Asociacionit të Ballkanistikës dhe të Sllavistikës të Rumanisë (1991).

Për ta ndërtuar veprën e tij autori ka hulumtuar dhe studiuar shumë gjatë marrëdhëniet dhe huazimet leksikore romano-ballkanike në fushë të fitonimisë dhe marrëdhëniet e huazimet leksikore romano-sllave e shqiptare në truall të shqipes në veçanti. Ai ka sjellë një sintezë të re të huazimeve fitonomike te shqipes.

Veçantia e këtij studimi është se e nisë hulumtimin dhe studimin e trashëgimisë jo vetëm kombëtare (të burimit indoevropian dhe të formimeve të brendshme të (proto)shqipës, ballkanike dhe të Evropës Juglindore apo Mediterrane. Sipas Sh. Sejdiut, një numër i madh i fitonimeve ka hyrë në (proto)shqipe drejtpërdrejt ose tërthorazi si Komercialwörter, KulturörterdheApothekenwörter, prandaj studimet shqiptare huazimet duhej shikuar nga shumë aspekte: të natyrës, të klimës, të kushteve gjeografike, të raporteve shoqërore-ekonomike etj.

Ka botuar në revistat Gjurmime albanologjike (IAP), Seminari Ndërkombëtar për Gjuhën, Letërsinë dhe Kulturën Shqiptare (Prishtinë), Studime (ASHAK), FoliaOnomasticaCroatica (Zagreb), Onomastika jugoslavica (Zagreb), Filologjia (Prishtinë) etj.
Për kontributin shkencor dhe arsimor tëShefkiSejdiun kanë shkruar profesorët dhe studiuesit: IdrizAjeti, RadosllavKatiçiq, VoijimirVinja, Rexhep Ismajli, Besim Bokshi, Shefkije Islamaj, MehmetHalimi, AugustinKovačec, MensurRaifi, BegzadBaliu etj.

Bedri Zahiti(1950-2018)

 Bedri Zahiti lindi më 10.07.1950 në Kçiq të Madh të Mitrovicës 

- Shkollën fillore e kreu në Skënderaj.

- Shkollën e mesme – gjimnazin e shkencave matematikore në Mitrovicë në vitin 1969

- Fakultetin e Mjekësisë në Prishtinë në mbarim të viti 1974.

- Specializimin e Mjekësisë Interne e kreu më 22.09.1982 në Klinikën  Interne B të Fakultetit të Mjekësisë në Universitetin e Beogradit me çertifikatën nr. 1/1388 me 01.10.1982.

- Subspecializimin ( specializimi i ngushtë )  nga Kardiologjia e kreu në Fakultetin e Mjekësisë në Universitetin e Beogradit me çertifikatën nr. 1/1225 me 20.12.1984.

- Punimin e  magjistraturës me titull: “ Mundësia e vlerësimit elektrokardiografik të madhësisë së infarktit akut të miokoradit “e ka mbrojtur në Fakultetin e Mjekësisë të Universitetit të Prishtinës me çertifikatën nr. 1086. me  02.08.1997.

- Mbrojtjen e punimit  të doktoratës me titull “ Sëmundja e shurdhët iskemike e zemrës – dilemat dhe vështërsitë e verifikimit të saj “ e ka bërë me 27.08.1999 në  Fakultetin e Mjekësisë të Universiteti të Prishtinës me çertifikatën nr. 829, 21.09.1999.

- Gradën në Doktor të Shkencave të Mjekësisë e merr më 29.12.2003, nr.132 në Universitetin e Prishtinës

- Gjatë studimeve në Fakultetin e Mjekësisë për 3 vite ushtroi studentetë e gjeneratave të më vonshme si “demonstrator” nga lënda e mikrobiologjisë të prof. dr. Osman Imami.

- Pas mbarimit të Fakultetit të  Mjekësisë me insistimin e të madhit dekan prof. dr. Musa Haxhiut detyrimisht zgjedhet asistent pranë Instituteve dhe Katedrave në Fakultetin e Mjekësisë në Prishtinë, me Aktvendimin Nr.1-467. Në mungesë të kuadrit nga Tirana dhe Beogradi për një vit mbanë ushtrimet dhe ligjeratatë nga lënda  Higjena dhe me kërkesën e dekanit të atëhershëm prof. dr. Mehmet Begraca mban provimet nga kjo lëndë.

- Pas kryerjes së ushtrisë së atëhershme ishte i interesuar për të specializuar lëndën e Mjekësisë Interne dhe kalon të punojë në Shtëpinë e Shëndetit në Vushtrri, ku i ndahet i njejti specializim dhe më vonë specializimi i ngushtë nga kardiologjia - subspecializimi.

- Me veprimtari të tjera është marrë në rend të parë duke ligjëruar Lëndën e Mjekësisë Interne në shkollën e mesme të Mjekësisë në Mitrovicë për 10 vite. Ndërsa, në Shtëpinë e Shëndetit në Vushtrri punoi si Internist - Kardiolog për shumë vite. Ushtroi dhe kreu detyrenë e drejtorit të kësaj organizate Shëndetësore për 4 mandate deri sa u vuan masat e dhunëshme nga regjimi serbë, udhëhoqi shumë komisione mjeko-shëndetësore në nivel komunal, regjional dhe qëndror të Kosovës.  Është diferencuar disa herë nga politika e atëhershme, është maltretuar nga policia serbe si dhe është marrë në pytje shumë herë nga shërbimi informative serbë, është rrethuar në shtëpi me tankse dhe është kontrolluar nga ushtria dhe policia serbe për shkak të aktivitetit dhe veprimtarisë së tij kombëtare.

- Pas luftesë me shumë mundime ka kaluar në Kliniken Interne në Shërbimin Kardiologjik edhe këte nëpër mjet të krahut të luftës vetëm pse ishte me të gjithë titujtë profesional dhe shkencor si dhe kardiologu i vetëm me çertifikatë-shkollë të kardiologjisë dhe magjistër i kardiologjisë sepse deri atëherë ishin dy apo tre individë të cilët kishin mbrojtur doktorratën pa lëmi të ngushtë dhe studime postdiplomike. Në fillim nuk e angazhuan në procesin mësimor me arsye se nuk punon në Klinikën Interne, e pas pranimit shpallen tri herë konkurs dhe po të njejtitë njerëz u zgjidhnin në komisione recenzuese dhe më vonë ipnin dorëheqje me qëllim të mos pranimit të tij dhe pritnin deri sa të tjerët të doktorronin siç dhe ndodhi.

- Tani qe 10 vite punon si kardiolog në Departmentin e kardiologjisë të Klinikës Interne të QKUK-së dhe gjatë kësaj kohe ka mbajtur ligjerata, kumtesa shkencore, referime si dhe ka përcjellur shumë specializantë të mjekësisë familjare, të internës dhe kardiologjisë duke qenë  njëherit mentor i tyre dhe pytës në shumë kolekfiume. Tani kryen ushtrimet nga lëmia e mjekësisë interne si asistent i angazhuar.

- Është bashkëpunëtor i Alb – Shkencës, në të cilën ka prezentuar disa punime me karakter shkencor nga lëmia e kardiologjisë. Shkruan për revistenë, “Medicus” të Shoqatës së mjekëve, stomatologëve dhe farmacistëve të Maqedonisë. Është anëtar i kryesisë së Shoqatës së kardiologëve të Kosovës dhe njëherit sekretar i të njejtës, po ashtu është anëtar i redakësisë së revistesë “Zemra” të posaformuar nga kjo shoqatë. Për punën e tij ka marrë shumë mirënjohje dhe dekorata nga institucionet relevante të vendit – të të gjitha nivelëve, por edhe pas luftesë është shpallur me “Mirënjohje – punëtor i dalluar 2004”. për kontributin e dhënë në lëminë e Shëndetësisë Kosovare.

Në kongresin e fundit të kardiologëve të Europes në Stockholm i është ndarë diplama FELLOË of the European Society of Cardiology (FESC).

Ishte  profesor i lëndës së mjekësisë interne në lëmin e kardiologjisë si dhe  drejtor  i Klinikës së kardiologjisë në QKUK.

Ishte shef  kardiologjise II per nje kohe te gjate dhe Drejtori i pare i klinikes se Kardiologjise.Në dy vite te fundit ka percjellur si mentor dhe antar i komisionit 4 studenta ne Bachelor te cilat jane mbrojtur me sukses.

Me datën 29 qershor 2018 u varros në fshatin Begaj të Vushtrisë me nderime mjeku dhe humanisti Bedri Zahiti.

Veprat shkencore: 

1).Bedri F Zahiti

   “Fenomeni i Agut të mengjesit tek  dy të sëmurë në Shtëpinë e Shëndetit    në Vushtrri”. (Takimet Tradicionale të punëtorëve shëndetësorë të   Kosovës , maj , 1988,Brezovicë).

2).Bedri F Zahiti , Xh. Shkodra, S. Zahiti etj.

    “Sëmundja lumbo ishialgjike se shkaktar I apsentizmit tek punëtorët e  Komunes së Vushtrrisë”. (Takimet Tradicionale të punëtorëve shëndetësorë të Kosovës , maj , 1988,Brezovicë).

3).B. Zahiti, S. Zahiti etj.

    “Vështrimi I gjendjes së tuberkolozit në Komunen e Vushtrrisë”.    

    (Takimet Tradicionale të punëtorëve shëndetësorë të Kosovës , maj , 1988,Brezovicë).

4).B.Zahiti,S.Hyseni,.S.Zahiti,XH.Shkodra etj. “Rëndësia dhe organizimi I Shërbimit të patronazhes polivalente në Sh.

    Sh. në Vushtrri , në zbulimin e sëmundjeve masovike kronike”.

    (Takimet Tradicionale të punëtorëve shëndetësorë të Kosovës , maj ,     1988,Brezovicë).

5).G.Dragusha,A.Fusha,O.Halo,R.Manaj,B.Zahiti etj.

    “Ndikimi medikamentoz ne zgjatjen e systoles elektrike te ethet

     reumatike”.   (Banja e Kllokotit,1986) 

   

6).O.Halo,A.Fusha,G.Dragusha,B.Zahiti etj.

     “Perikarditi reomatik-analiza elektrokardiografike”

  (Besianë,1987)

7).M.Ristiqi,G.Dragusha,B.Zahiti etj. “Projekti per ethet reumatike”.

8).Xh.Nurboja,B.Zahiti etj.

     “Rëndesia rentgenografike e mushkërive në reumatologji”

     (B.Kllokoti,1989)

9).M.Ristiqi,R.Izahiri,S.Regjepi,B.Zahiti etj.

     “Bymorali në nus-reaksionet gastrike ne terrapin e artritit reumatoid    (B.Kllokotit,1989)

    

    PUNIMET PAS DOKTORRATES:

1. B. Zahiti,Y.Elezi, G.Dragusha.etj. Hipertensioni arterial në shtatëzënsi.Simpoziumi i dytë i shoqatës së Internistëve të Kosovës 12,13 Shtator 2003      Prishtinë

 2. B. Zahiti,Y.Elezi, L.Prenkpalaj, Shfaqja spontane e epizodeve iskemike të miokardit me theks të veqant gjatë gjumit tek një i sëmurë gjatë dializës    monitoruese me holter.Simpoziumi I dytë I Shoqatës së Internistëvë të kosovës  12,13 Shtator  2003,Prishtinë.

 3. B. Zahiti,G.Dragusha, A.Bakalli, F.Shatri, D.Gorani, A.Lahu. Rëndësia e vlerësimit ekokardiografik të funksionit të ventrikulit të majtë te  të sëmurët më regurgitim mitral.Simpoziumi ndërkombëtar :Risitë në Kardiologjin jo invasive.Shkup  30 Shtator  2005.

 4. Zahiti, B. Dragusha. G, Shatri. F, Manaj. R, Hajdini. S, Asymptomatic Ischemia of the Myocardium Deparment of Cardiology, Internal Clinic, UCCK –  Prishtina. International Symposium of  Cardilolgy,8-9 Tetor  2005 Prishtinë.

5. B. Zahiti,G.Dragusha,A.Bakalli,S.Gjoka,A.Lahu.Ndryshimet ekokardiografike të ventrikulit të majtë te të sëmurët më hypertension arterial gjate mjekimit me Amlodipinë.Simpoziumi I       Kardiologjise mbi Hipertensionin arterial.Dhjetor  2005 Prishtinë(E pranuar per botim në rëvisten”Internisti”.

 6. B. Zahiti.Terapia trombolitike në mjekimin e Infarktit akut të miokardit-temë e pranuar per botim në revisten “Internisti”

 7. B. Zahiti, G.Dragusha etj.Metodat profilaktike jo medikamentoze në mjekimin e hipertensionit arterial.Simpoziumi i Kardiologjise mbi Hipertensionin arterial,Dhjetor  2005,Prishtinë.

 8. B. Zahiti, G.Dragusha, etj.Rëndësia e Ergo-testit në zbulimin e Hipertensionit arterial latent.Shoqata e Internistëvë-Simpoziumi i tretë, Prill  2006, Banja e Kllokotit.

 9. S. Zekaj,Z. Kabashi, A. Haziri, B. Zahiti etj. Incidence of liver tumors diagnosed ëith ultrasound at our department from June 2000 to June 2002.The second International Scintific  symposium,

diagnostic ultrasound in medicine.Prizren  2003.

10. H. Berisha,U.Gashi, B.Zahiti. Korelacioni në mes të CK,CKMBdhe madhësisë se infarktit te miokardit.Simpoziumi  parë ndërkombëtar i Shoqates së Biokimistëve klinikë të Kosovës,16-18 tetor  

11. T Bekteshi, B.Sejdiu, L.Prekpalaj, B.Zahiti. Mjekimi i  të sëmurëvë me insuficiencë kronike të zemres me beta-bllokues selektiv.Praxis medica Prishtinë 2002.

      2003.

12. Bedri Zahiti, Gani Dragusha, Aurora Bakalli, Daut Gorani, Faik Shatri, Ali Lahu.

     Importance of Echocardiografice Evaluation of the left Ventricular Function Patients Ëith Mitral Regurgition.

     Service of Cardiology Internal Clinic, UCCK, Prishtinë. Medicus 2006, supl. (1) VI (2) : 90-91 Nr. 2 Tetor, 2006. Strugë 27.10.2006

13. Case Report

       Giant Left Atrial Myxoma in an Elderly

       Patient: Natural History Over a 7 – Year Period

       Gani Bajraktari, MD,Merita Emini, MD, Venera Berisha, MD,

       Fitnete Gashi, MD, Artan Beqiri, MD, Bedri Zahiti, MD,

       Hamza Selmani, MD,Faik Shatri, MD, Rexhep Manaj, MD,                                                                                                                                                                                                                                         

       Second  Division of Cardiology, Internal Medicine Clinic,

       University Clinical Centre of Kosovo, Received 21 December 2005;

       accepted 26 june 2006.

14.  P03  ROLI KLINIK I AMLODIPINËS SI MONOTERAPI NË VLERAT E TENSIONIT ARTERIAL DHE NË 

       FUNKSIONIN E VM- NË FAZËN E SISTOLËS SË VM.

       Bedri Zahiti

       Shërbimi kardiologjisë, Klinka Interne, Qendra Klinike Universitare e Kosovës.

       - Kongresi i Parë i Shoqatës së Kardiologëve të Kosovës ( Libri i abstrakteve ), 26-28 Shtator 2008 Prishtinë.

15.  FIBRINOLIZA E DOMOSDOSHME NË FAZËN E HERËSHME TË MJEKIMIT TË IAM-SË

       Dr. Bedri Zahiti, Dr. Daut Gorani, Dr. Sami Gjoka

       Shërbimi kardiologjisë, Klinka Interne, Qendra Klinike Universitare e Kosovës.

-Kongresi i Parë i Shoqatës së Kardiologëve të Kosovës ( Libri i abstrakteve ), 26-28 Shtator 2008 Prishtinë.

16.  SINDROMA ELLIS-VAN CREVELD

       D.Gorani, B.Zahiti, etj

       Shërbimi kardiologjisë, Klinka Interne, Qendra Klinike Universitare e Kosovës.

       - Kongresi i Parë i Shoqatës së Kardiologëve të Kosovës ( Libri i abstrakteve ), 26-28 Shtator 2008 Prishtinë.

17.  Homodynamic evalution and the confirmation of ischemic heart disease ëith Holter monitoring of EKG, ëith emphasis on the 

       premature changes ( aberrations ) on QRS complexes   

       Bedri Zahiti, PhD, MD. Daut Gorani, MD.

       Published by Albanian American Academy of Sciences.  Nr. 8  Neë York ● 2008.

 Etj.

Salih Sh. Krasniqi(1956-)

Dr. Salih Sh. Krasniqi Dr. Sc. kirurg-laparoskopist, është lindur me 02.06.1956 në Tuxhec KK (Kamenicë) Dardanë – Ko­sovë. Shkollën fillore, të mesmen dhe Fakultetin e Mjekësisë ka mba­ruar në Prishtinë. Specializimin nga kirurgjia ka mbaruar në Zagreb 1991. Studimet pasuniversitare ka mbaruar në Zagreb 1988-1989, ndërsa te­mën e magjistraturës e ka mbrojtur në Prishtinë në Fakultetin e Mjekësisë më 2002 me titull “Korrelacioni ndërmjet të dhënave klinike, radiologjike, endoskopike, histopatologjike dhe të tretmanit kirurgjik te kanceri i lukthit”. Doktoraturën e ka mbrojtur në Universitetin e Mje­kësisë në Tiranë,2013, në Fakultetin e Shkencave Mjekësore Teknike, me titull “Eksperienca jonë në trajtimin e kalkulozës biliare me laparoskopi dhe roli i laparoskopisë në trajtimin e rasteve të avancuara” me mentorProf. Asc Dr. Arben I. Beqiri.

Është nënshkrues dhe shpërndarës i Apelit të 215 intelektualëve të Kosovës. Është pjesëmarrës dhe bashkëkoordinator i 7 (shtatë) Spitaleve Ushtarake në tri luftërat në trojet Shqiptare: Kosovë, Preshevë, Bujanoc, Medvegjë dhe në Maqedoni- Likovë 1998-2001.

Ka qenë asistent i autorizuar i lëndës së kirurgjisë 1996-2011 në Klinikën e Kirurgjisë në Fakultetin e Mjekësisë në Prishtinë.Ka qenë mësimdhënës i kirurgjisë në Universitetin Shtetëror të Tetovës në FSHMN në vitin 2008-2010, mësimdhënës i kirurgjisë në Universitetin Kristal- Fakulteti i infermierisë dega në Kukës. Që nga Janari i vitit 2014 është pedagog i lëndës së Kirurgjisë në Universitetin e Mjekësisë në Tiranë Fakulteti i Shkencave Mjekësore Teknike dega në Kukës.

Ka qenë Këshilltar Komunal i KK Prishtinës 2009-2013.

Ka qenë Drejtor mjekësor në QKUK 2008-2011.

Nga viti 2016 është mësimdhënës në fakultetin e Infermierisë në UBT dhe nga Shtator 2017 është zgjedhur Dekan i Fakultetit të Infermierisë pranë Universitetit të UBT-ës deri në Mars 2019.

Është autor dhe bashkautor autor i këtyrelibrave:

1. Bashkautor i librit “Kujdesi Shëndetësor” për klasën e 4 të shkollave të mesme, shtëpia botuese Libri Shkollor 1999,

2. Bashkëpunëtor i librit “Urgjenca Mjekësore” botuar nga Enti i Teksteve Dhe i Mjeteve Mësimore të Kosovës, më 2002

3. Bashkautor i librit “Ndihma e Parë” (Prishtinë, 2010) .Është autor i dy monografive.

4. Autor i monografisë“Korrelacioni ndërmjet të dhënave klinike, radiologjike, endoskopike, histopatologjike dhe të tretmanit kirurgjik te kanceri i lukthit”, 2013 dhe monografia e dytë e Dr. Salih Sh. Krasniqit është

5. Autor i monografisë “Përvoja në trajtimin e kalkulozës biliare me la­pa­roskopi dhe roli i laparoskopisë në trajtimin e rasteve të avan­cu­ara”.2013.

6. Bashkautor i librit “Kirurgjia Laparoskopike” Dr. Salih Sh. Kra­sniqit dhe Dr. Arben Beqiri (nga Tirana), 2015

Libri i shtatëi autorit dr. Salih Sh. Krasniqi,

7. “KRIMET DHE KEQTRAJTIMET E PACIENTËVE DHE PER­SONELIT MJEKËSORE NË QENDRËN KLINIKE UNI­VER­SITARE TË KOSOVËS NGA FORCAT POLICORE DHE USHTA­RAKE TË SERBISË GJATË LUFTËS NË KOSOVË 1998-1999” Prill 2018 Prishtinë

Librin me bashkautor Salih Sh. Krasniqi, Petrit Bara, Gani Shabani, Fadil Beka:

8.“Diagnoza diferenciale e infarktit akut të miokardit (IAM) me emergjencat abdominale dhe torakale”, Dhjetor 2018 Prishtinë.

Dr. Salih Sh. Krasniqi ka të botuara mbi 30 punime shkencore dhe profesionale në vend dhe jashtë vendit.

TITLE	CITED BY	YEAR
	Simultaneous laparoscopic cholecystectomy and removal of an intrauterine device translocated to the right subdiaphragmal region: a case report S Krasniqi, E Ahmeti, SA Hoxha, H Ymeri, I Shaqiri, NB Kastrati-Spahija, ... Cases journal 2 (1), 6198	5	2009
	Evaluation of Road Accidents in Pristina in the Period B Lenjani, S Krasniqi, N Baftiu, I Bunjaku, A Jakupi JLS 7 (1), 92-95	2	2013
	Monitoring and treatment of acute gastrointestinal bleeding B Lenjani, S Zeka, S Krasniqi, I Bunjaku, A Jakupi, B Elshani, A Xhafa medical archives 66 (3), 162	2	2012
	Frequency of road accidents in prishtina in the period 2007–2010 B Lenjani, S Krasniqi, N Gashi, I Bunjaku, T Zaimi Journal of Acute Disease 1 (2), 107-109	2	2012
	Cranial Injuries with Screwdriver–UCCK B Elshani¹, S Krasniqi¹ Conference Book of Proceedings, 22		2018
	A tumor greater than 7 cm in “Nephron sparing surgery” I Haxhiu, X Çuni, E Haxhiu, R Kasumaj, R Haxhiu, S Krasniqi, B Elshani, ...		2018
	Simultaneous Laparoscopic Treatment of Gallblader and Left Kidney Cysts S Krasniqi, B Elshani, I Shaqiri, I Haxhiu, D.S Krasniqi, R Gjyliqi, ...		2018
	Herniated Lumbar Disc and Nursing Care B Elshani, S Krasniqi, R Gjyliqi International Journal of Business and Technology 6 (2), 1-8		2018
	Road accidents in Prishtina in the period 2005-2008. B Lenjani, S Krasniqi, H Dervishi, A Hamiti, H Gani, N Kodra, A Tahiri, ... Lijecnickivjesnik 131, 63-65

Punon në QKUK në Qendrën Laparoskopike në Prishtinë ku ka kryer mbi 4000 operacione laparoskopike.