SI E “PROPOZOI” GLAUK KONJUFCA VJOSA OSMANIN PËR PRESIDENTE DHE NDEZI “FLAKËN” BRENDA LDK-SË

Kur kanë mbetur më pak se dy ditë nga seanca konstituive, nënkryetari i Lëvizjes Vetëvendosje, Glauk Konjufca tha se për partinë e tij Vjosa Osmani do të ishte e pranueshme për postin e presidentit të Kosovës.

Konjfuca u shpreh se për Vetëvendosjen nuk ka kurrfarë problemi nëse Vjosa Osmani propozohet si emër nga radhët e LDK-së për presidente të Kosovës.

“Mendoj që përderisa jemi në opsionin A dhe ky opsion është presidenti jashtë bisedave, unë mendoj se është kot të flasim për emra.

 Nëse shkojmë në opsionin B të zgjidhjes dhe hyn edhe presidenti atëherë Lëvizja Vetëvendosje mendoj se nuk ka kurrfarë problemi me emrin e Vjosa Osmanit si presidente e Republikës së Kosovës në kuptimin e asaj çka ajo besoj se do të performonte”, tha ai në Dukagjin.

Kjo deklaratë nxiti reagime në LDK. Nënkryetari i kësaj partie, Agim Veliu në një prononcim për Insajderin, deklaroi se Lëvizja Vetëvendosja nuk ka të drejtë në asnjë moment që ta përcaktojë se kush do të jetë president i vendit nga radhët e LDK-së.


Veliu deklaratën e Konjufcës e quajti të pamençur dhe ndërhyrje në politikat e brendshme të LDK-së.

Kujtojmë se VV e LDK ende nuk kanë arritur një marrëveshje për bashkëqeverisje. Pengesë është bërë pozita e presidentit të vendit, që LDK po e dëshiron, por këtë po e kundërshton partia e Kurtit.

Gruaja e ish-ushtarit të UÇK-së rrëfen dhunimin seksual që e pësoi gjatë luftës

TV “Abc News” ka siguruar dëshminë tronditëse të një gruaje të dhunuar seksualisht, nga forcat serbe gjatë pushtimit të Kosovës në vitin 1999.

Gruaja dëshmon se janë përdhunuar për pesë ditë me radhë, pasi janë kapur robër nga forcat serbe në Kosovë.

Më tronditës është fakti se, gruaja tregon se janë dhunuar seksualisht nga serbët, në sy të burrave dhe fëmijëve, që ishin të pranishëm aty, ndërkohë që thekson se disa prej kriminelëve që i dhunuan, ishin persona që jetonin në të njëjtin fshat me ta.


“Jemi dhunuar për pesë ditë. Aty kishte gra, fëmijë pleq dhe na dhunonin edhe në sy të fëmijëve. Ata që ishin nga zona jonë mbanin maska në fytyrë“, tregon gruaja në intervistën për emisionin “Ballkan” .

Intervista e plotë:

Viktima e dhunimit: Ka qenë 27 mars 1999, kur na mori policia serbe. Na kanë mbajtur si robër për 5 ditë. Aty ka qenë një numër i madh grash, burrash pleq e fëmijë. Aty serbët nuk kanë kursyer asgjë. Kanë kryer çdo lloj dhune mbi ne. Na kanë dhunuar në sy të fëmijëve, në sy të prindërve. Nuk kursyen asnjë, as vajzat e reja, as gratë dhe as të moshuarat. Na dhunuan e na plaçkitën, na morën gjithçka.


Abc News: A ju kanë dhunuar seksualisht?

Viktima e dhunimit: Po…

Abc News:: Policët serbë?


Viktima e dhunimit: Po policët serbë dhe ata që kanë qenë më të njohur kanë patur maska në fytyrë. Ne i kemi njohur se kanë qenë të rrethit tonë aty, të rritur në Kosovë, ata kanë qenë me maska.

Abc News: Kjo ka ndodhur vazhdimisht gjatë gjithë atyre 5 ditëve?

Viktima e dhunimit: Po, ka ndodhur vazhdimisht.

Abc News: Ka ndodhur edhe në sy të fëmijëve?

Viktima e dhunimit: Po ka ndodhur edhe në sy të fëmijëve, në sy të prindërve por edhe në sy të burrave të grave.

Abc News: Pastaj ju kanë liruar?

Viktima e dhunimit: Pastaj na kanë liruar, por sepse tha dikush që të liroheshim. Ne në fakt na kishin marrë për të na ekzekutuar të gjithëve. I ndanë burrat prej grave. Aty u zhdukën 60 burra dhe nuk dihet asgjë për fatin e tyre, ndërsa ne na dëbuan në Shqipëri. Në fakt ishim duke menduar se po na çonin në varreza masive sepse nuk i kemi njohur ato rrugë, por kur kemi parë flamurin shqiptar, aty kemi kuptuar se po shkonim në Shqipëri.

Abc News: Pastaj kaluat kufirin?

Viktima e dhunimit: Po pastaj kaluam kufirin ndërsa gjatë gjithë rrugës u keqtrajtuam.

Abc News: A ke folur me dikë nga familja për këtë që ju ka ndodhur?

Viktima e dhunimit: PO , kam folur me burrin.

Abc News: Të ka mbështetur?


Viktima e dhunimit: Po më mbështeti.

Abc News: Burri nuk ka qenë me ty kur ju morën serbët?

Viktima e dhunimit: JO nuk ishte me mua. Ai ishte ushtar, e dinte se çfarë kishte ndodhur aty pasi kishte 3 vëllezërit dhe babain e tij aty.

Abc News: Besoj se ju shihni lajme, e shihni çfarë thotë Vuçiq edhe në Beograd? Po e mohojnë që kanë ndodhur krime lufte në Kosovë. Po mohojnë Reçakun dhe të tjerat.

Viktima e dhunimit: Vuçiq e ka të lehtë ta thotë i ulur në karrige. Ato gjëra nuk i mohon dot askush. Masakrat i kanë parë të gjithë, OSBE, e të tjerë, si duan ti mohojnë?

Abc News: Nëse ju që e keni vuajtur vetë dhunën seksuale gjatë luftës, nëse do e kishit Vuçiqin përballë çfarë do t’i thoshit?

Viktima e dhunimit: Nëse do e kisha përballë… nuk e di …për të folur diçka jo por mbase do i prisja kokën me brisk.. Edhe pse s’ka qenë personalisht ai vetë por duke e parë që bën gjithë këto manipulime, duke i mohuar të drejtat tona….Ne kemi qenë në vendin tonë, nuk kemi shkuar në Serbi, të shkelim të drejtat e tyre. Ajo që është bërë në Kosovë në asnjë luftë nuk bëhet.

Abc News: Si ka vazhduar jeta juaj pas kësaj?

Viktima e dhunimit: Shumë keq, pas dhunës seksuale mbeta shtatzënë dhe abortova, e abortova në mënyrë private jo te mjekët. Rrezikova jetën me këtë por falë zotit burri më ka mbështetur. Pastaj gjeta një organizatë dhe prej 2002 falë tyre, jam krejt tjetër njeri. Me gjithë rrethanat, thashetheme të njerëzve, të rrethit të afërt.. s’di çfarë të them, shumë e vështirë ka qenë. Po tani jam shumë mirë megjithëse më ka mbetur një lloj traume, sa herë përmendet, sa herë shohim lajmet, që nuk po bëhet asgjë, që kriminelët akoma janë të lirë…ndihemi keq.

Abc News: Ju i keni njohur një pjesë të atyre që ju dhunuan?

Viktima e dhunimit: Po, po i kemi njohur. Shumë njerëz i kanë njohur. Burrat kanë dhënë edhe dëshmi në Hagë, s’kanë marrë parasysh asgjë. Aty kanë qenë edhe burra të zhdukur…

Abc News: Nuk janë gjetur?

Viktima e dhunimit: JO, asnjë nuk është gjetur. Aty flitet edhe për një vajzë që është zhdukur. Ka patur edhe vende të tjera, është gjetur varri masiv afër shkollës aty me vajza. Asgjë nuk është bërë. Kemi bërë denoncime në Eulex dhe prapë se prapë Eulex dëshmitë tona i ka çuar në Serbi. Ne kemi pritur që Eulex të na mbështesë ndërsa ata mbështesin serbët. Këta kanë ardhur tek ne, me rrogat majme dhe përkrahin Serbinë.

ABC News: Krimet e luftës dhe dhunimet në veçanti, bëhen që ta mposhtin njeriun, megjithatë ju e keni vazhduar jetën, e keni gjetur forcën që ta vazhdosh jetën. Keni një familje shumë të bukur që të do dhe të respekton, pavarësisht nga çfarë ka ndodhur, të kanë mbështetur me të gjitha.

Viktima e dhunimit: Po më kanë mbështetur me të gjitha por kam vuajtur me shëndetin. Jam me diabet, me tension por të gjitha i tejkaloj për familjen, kam nipër e mbesa tani që ma mbushin plotë shtëpinë.

Abc News: D.m.th. ata nuk fituan mbi ty…

Viktima e dhunimit: JO, mua jo por shumica e grave shqiptare nuk kanë mundur të fitojnë. Ato akte u bënë për të mposhtur moralin e shqiptarëve e përballë kësaj më përpara do vdekjen. Tani jemi gjallë, mundemi të dëshmojmë. Urojmë të vijë koha që të kapën ata kriminelë, ata janë të lirë, fshihen në Malin e Zi, kanë bërë biznese.

Abc News: A keni një mesazh për gra dhe vajza që kanë përjetuar përvojën tuaj të dhimbshme?

Viktima e dhunimit: Po kam shumë mesazhe, të mos ngurojnë të flasin. Ne jemi shqiptare, jemi nëna, jemi motra bija të dikujt. Edhe familjarët duhet ti përkrahin, nëse nuk kanë mundur ti mbrojnë, atëherë duhet të thonë shyqyr që kanë shpëtuar gjallë. Ka qenë një dobësi shumë e madhe atë kohë, ka patur burra që i kanë lënë gratë dhe u kanë marrë fëmijët, ky ka qenë krim edhe më i madh. Si mund tja marrësh fëmijët një nëne dhe e hedh në rrugë?! Këta burra i kam dënuar. Ata nuk e dinë se në atë vend nuk mundesh të mbrohesh. Si ja merr fëmijët dhe e hedh në rrugë, ata e dinë se këto gra për ata fëmijë mbijetuan për ti mbrojtur. Këta lloj nuk janë burra, janë të dobët. Ka patur edhe vajza që kanë qenë të fejuara dhe kur janë dhunuar nga serbët, janë braktisur nga të fejuarit e tyre, këta lloj janë burreca dhe jo burra!

URIME KOSOVË : SË BASHKU PARTITË POLITIKE (LVV DHE LDK) DUHET TA UDHËHEQIN SHTETIN , ATË E KËRKOJ POPULLI I CILI DËSHIRON NDRYSHIME RRËNJËSORE

NGA FLORI BRUQI

Presidenti i Kosovës, Hashim Thaçi, ka uruar të gjithë deputetët e Legjislaturës së Shtatë për konstituimin e Kuvendit të Republikës së Kosovës.

Hashim Thaçi 

Ai në një postim në Facebook ka bërë thirrje se të gjithë të zgjedhurit e popullit duhet t’i lënë anash interesat politike dhe të punojnë për krijimin sa më të shpejtë të institucioneve të Republikës së Kosovës.

****

Akademik Prof.Dr.Jahja Koka nuk e quan befasi përzgjedhjen e Glauk Konjufcës kryeparlamentar të Kosovës 

Jahja Koka, deputet i Lëvizjes Vetëvendosje, që udhëhoqi seancën konstituive të Kuvendit të Kosovës si deputeti më i moshuar i Legjislaturës VII, ka thënë se nuk është befasi përzgjedhja e Glauk Konjufcës të VV-së kryeparlamentar.

VV e LDK ishin në negociata qe disa javë dhe vazhdimisht është përfolur se në marrëveshje është paraparë që LDK-ja të merrte postin e kryeparlamentarit. Pasi deri sot nuk është arritur marrëveshja, kryetari i LDK-së, Isa Mustafa, deklaroi se nëse VV-ja nuk pranon kushtet e LDK-së për bashkëqeverisje, kjo parti është e gatshme “t’ua lë të gjitha pozitat VV-së”. Përfshirë votat e LDK-së, Konjufca i Vetëvendosjes mori 75 votat dhe sot u zgjodh kryeparlamentar i ri i Kosovës.

Akademik prof.dr.Jahja Koka ka thënë se pret që këto dy parti të udhëheqin bashkë shtetin, “ashtu siç kërkoi populli për ndryshim”.

“Qytetarët kanë votuar për ndryshimin. Ndryshimi që sipas mendimit tim do të jetë epokal në 20 vjetët e lirisë së Kosovës. Lëvizja Vetëvendosje dhe Lidhja Demokratike e Kosovës së bashku do të udhëheqin parlamentin dhe qeverinë dhe besoj se në mënyrë të mençur, patriotike, me duar të pastra do të realizojnë atë që s’është bërë deri tani. Populli i ka zgjedhur për ndryshim, populli bën ndryshimin dhe populli ka treguar pjekuri të jashtëzakonshme demokratike. Ka zgjedhur ndryshimin. Ndryshimi i shumë pritur besoj se do të arrihet. Nuk e di pse befasi (zgjedhja e Konjufcës). Unë kreva detyrën time. Kryetari i ri u zgjodh me shumicë votash. Isha udhëheqës dhe si i atillë s’përfaqësoja Lëvizjen Vetëvendosje edhe pse vij nga kjo parti. Kërkoja rrjedhjen e procedurave. U propozua dhe u zgjodh në mënyrë shumë të suksesshme”, ka deklaruar më tej ai.

****

14:32

Deputetët nisin të mblidhen në Kuvend

I pari që ka mbërritur në Kuvendin e Kosovës është kryetari i Vetëvendosjes Albin Kurti, pretendenti për kryeministër të Kosovës.

Pas tij, në Kuvend kanë mbërritur edhe Jahja Koka, deputeti më i vjetër dhe Fjolla Ujkani deputetja më e re, të dy nga Vetëvendosja.

Seanca konstituive pritet të nisë në orën 15:00.

Në seancën e sotme konstituive deputetët e rinj do të betohen, ndërsa parashihet edhe zgjedhja e kryetarit dhe nënkryetarëve të Kuvendit të Kosovës. Kryetarin e propozon partia fituese që në këtë rast është Lëvizja Vetëvendosje.

14:50

Nisin të nënshkruhen deputetët e rinj

Në seancën konstituive kanë nisur të nënshkruhen deputetët e rinj.

Të parët, janë parë duke u nënshkruar ata të Lidhjes Demokratike të Kosovës. Deputetët e LDK-së, ishin të parët që u futën në Kuvend.

Në Kuvendin e Kosovës, ku pritet të nisë pas pak seanca konstituive, janë edhe dy deputetët e komuniteteve jo shumicë, Etem Arifi e Veton Berisha.

15:03

Ramush Haradinaj: VV-ja është përgjegjëse për ta konstituuar Kuvendin

Në Kuvendin e Kosovës kanë arritur edhe deputetët nga Aleanca për Ardhmërinë e Kosovës.

Ramush Haradinaj 

Para mediave ka folur kryetari i AAK-së Ramush Haradinaj, kryeministër i dorëhequr. Ai rikonfirmoi se nuk do të jetë deputet, por i pranishëm është vetën për t'i shoqëruar kolegët e tij.

Ai tha se Vetëvendosja sot duhet ta konstituojë Kuvendin.

Ai tha se gjithçka sot është në përgjegjësinë e VV-së.

Në parlament kanë mbërritur dhe janë nënshkruar edhe deputetët e Partisë Demokratike.

15:13

Nis seanca konstituive

Ka nisur zyrtarisht seanca konstituive e Kuvendit të Kosovës.

Seancën po e drejton deputeti më i vjetër në këtë legjislaturë, Jahja Koka nga Vetëvendosja, e gjithashtu nga Fjolla Ujkani deputetja më e re, po ashtu nga kjo parti.

Fjolla Ujkani

Në seancë, secila parti ka nisur të propozojë anëtarët e komisionit verifikues.

Sipas prof.Jahja Kokës, në sallë janë të pranishëm 111 deputetë, të mjaftueshëm për të proceduar vendimet.

15:32

Kuvendi shkon në pauzë

Pasi është formuar komisioni verifikues i përbërë nga anëtarët e të gjitha partive, Kuvendi shkoi në pauzë 15 minutëshe.

Kuvendi shkoi në pauzë derisa të bëhet verifikimi i anëtarëve.

Ata kthehen pas 15 minutash për ta dhënë vlerësimin.

16:01

Betohen deputetët e Legjislaturës VII të Kuvendit të Kosovës

Janë betuar 111 deputetë të Legjislaturës VII të Kuvendit të Kosovës.

Me përfundimin e betimit të Kuvendit është përmbyllur pika e dytë e rendit të ditës të Seancës Konstituive.

16:03

Glauk Konjofca propozohet për kryetar të Kuvendit

Glauk Konjufca i Lëvizjes Vetëvendosje është propozuar për kryetar të Kuvendit të Kosovës.

Albin Kurti

Propozimin e tij e ka bërë kryetari i Lëvizjes Vetëvendosje Albin Kurti.

Të pranishëm në sallë janë 111 deputetë.

16:07

Konjufca votohet për kryetar të Kuvendit me 75 vota për

Me 75 vota për, 27 kundër e 6 abstenim Glauk Konjufca është zgjedhur kryetar i Kuvendit të Kosovës.

Glauk Konjufca 

Lidhja Demokratike e Kosovës e ka votuar  Glauk Kojufcën për kryetar.

16:20

Zgjidhen edhe dy nënkryetarë të Kuvendit nga radhët e komuniteteve

Slavko Simiq dhe Fikrim Damka janë zgjedhur nënkryetarë të Kuvendit të Kosovës nga radhët e komuniteteve.

Zgjedhja e tyre është bërë me 92 vota për, 2 kundër dhe 2 abstenime.

Pas Glauk Konjufcës kryetar, zgjidhen nënkryetarët e Kuvendit

16:14

Arbërie Nagavci, Kujtim Shala e Memli Krasniqi kanë marrë 104 vota për t’u zgjedhur nënkryetarë të Kuvendit.

16:41

Kadri Veseli

Kadri Veseli mban konferencë për media pas konstituimit të Kuvendit

Partia Demokratike e Kosovës ka njoftuar se do të mbajë një konferencë për media pas konstituimit të Kuvendit të Kosovës.

Në një njoftim të PDK-së, bëhet e ditur se kryetari i kësaj partie do të mbajë konferencën për media me fillim në orën 17:00.

Sot në seancën konstituive të Legjislaturës VII është zgjedhur Kryetari i ri i Kuvendit, Glauk Konjufca, dhe nënkryetarët. Partia e Veselit votoi kundër Konjufcës kryeparlamentar.

Kadri Veseli: Mos të krijojmë kriza artificiale politike

17:13

Kreu i PDK-së e ish-kryetari i Kuvendit të Kosovës, Kadri Veseli, është deklruar pas konstitutimit të Kuvendit, duke thënë se është mirë që kjo të hapë rrugë edhe për formimin e qeverisë.

Ai ka thënë se nuk duhet krijuar kriza artificiale.

“Për dy mandate kam qenë kryetar i Kuvendit. Shpresojmë që dita e sotme t’i hap rrugë edhe krijimit të institucioneve të reja, përkatësisht qeverisë së Kosovës”, ka thënë Veseli para gazetarëve.

“Jemi shtet i ri, jemi demokraci e re parlamentare, janë normale rrotacionet politike. Ajo që është kryesore nuk duhet t’i polarizojmë qytetarët në mes veti dhe nuk duhet të krijojmë kriza artificiale të cilat mund ta bëjnë situatën krizë sociale siç është marrja e pagave që nga shkurti, përkatësisht marsi i vitit të ardhshëm”, ka thënë më tej  Kadri Veseli.

Shumë zhurmë për Festivalin e 58 të Këngës në RTSh

La gazetarët pas dere

 Elvana Gjata paska folur pas Festivalit: Nuk ka kupë por ndihem e fituar

Elvana paska folur për “Euronews”, ku edhe ka thënë se pavarësisht që nuk fitoi kupën dhe u rendit në vend të dytë ajo tha se rëndësi për të ka publiku dhe mbështetja e madhe që merr prej tij.


Featured image of article: La gazetarët pas dere/ Elvana Gjata paska folur pas Festivalit: Nuk ka kupë por ndihem e fituarElvana Gjata.

TIRANË- Elvana Gjata një prej këngëtareve më të dashura për publikun shqiptar u fitoi çmimin e dytë në Festivalin e Këngës në RTSH-së, ndërsa çmimin e parë e fitoi Arilena Ara.

Ndërkohë u vu re që Elvana Gjata nuk reagoi pas Festivalit, ku përveç fjalës së Arilenës dhe Sara Bajraktarit që fitoi çmimin e tretë nuk pati asnjë reagim tjetër.

Por siç duket Elvana paska folur për “Euronews”, ku edhe ka thënë se pavarësisht që nuk fitoi kupën dhe u rendit në vend të dytë ajo tha se rëndësi për të ka publiku dhe mbështetja e madhe që merr prej tij.

“Nuk ka kupë, nuk ka festival që mund ta kthejë atë që publiku më ka dhënë këto 15 vjet karrierë. Absolutisht që nuk mund t’ju gënjej se çdo konkurrues dëshiron që të fitojë, por unë ndihem e fituar vërtetë. Ndihem e fituar që ditën që kam nxjerrë këngën. Të gjithë shqiptarët më kanë bërë repost dhe e ndjej që e duan këngën. Nuk gënjej për këtë gjë dhe ata nuk gënjejnë kur ma thonë këtë gjë dhe e ripostojnë.”- u shpreh këngëtarja.


I gjithë festivali në vetvete shkaktoi mjaft debat dhe polemika për shkak të ndarjes së çmimeve, dhe u përfol gjatë pse çmimi shkoi për Arilenën dhe jo për Elvanën.

Tre ditë më parë u finalizua Festivali i 58 i Këngës në RTSh, që fitua nga Arilena Ara me baladën “Shaj”, e cila do të përfaqësojë Shqipërinë në Eurovizion
. Në këtë festival Arilena e mori kupën nga Jonida Maliqi, e cila ishte fituese e të njëjtit çmim, një vit më pare, ndërsa Elvana Gjata me këngën ritmike “Me tana”, zuri vendin e dytë.

Ndarja e çmimeve ka sjellë mjaft reagime në rrjet, dhe një prej tyre ishte edhe ai i prezantueses Alketa Vejsiu. Kjo e fundit mori përsipër që t’i kërkonte të falur publikisht Elvanës, e cila pas ndarjes së çmimeveu mbyll në dhomëdhe bojkotoi post-partyn.

“Pse  nuk ia dhatë Elvanës por Arilenës”, Rita Petro kritikon Alketa Vejsiun: Nuk ka të drejtë t’iu hedh fajin njerëzve

Alketa në një nga reagimet e saj, mbështeste Elvanën, duke fajësuar jurinë, e për këtë deklaratë, Petro ka thënë se është shumë e pafalshme.

Featured image of article: “Pse  nuk ia dhatë Elvanës por Arilenës”, Rita Petro kritikon Alketa Vejsiun: Nuk ka të drejtë t’iu hedh fajin njerëzve Rita Petro dhe Alketa Vejsiu

 Rita Petro, shkrimtarja e njohur që ishte në jurinë e Festivalit të RTSH-së fundmi ka qenë e ftuar në emisionin “Provokacija” me Mustafa Nanon, ku edhe ka folur për polemikat e shumta të festivali i 58-të i RTSH.

Ishte Arilena Ara ajo që fitoi çmimin e parë në Festivalin e këtij viti, një ndarje çmimesh kjo që surprizoi të gjithë publikun, madje edhe vetë Elvana Gjatën që u renditit në vend të dytë.

Menjëherë pas përfundimit të natës finale të Festivalit, pati kritika dhe sulme kundrejt jurisë që ndau çmimin. Ndërsa shkrimtarja Rita Petro e cila ishte vendimarrëse për këtë trofe, reagoi dhe kritikoi moderatoren e Festivalit, Alketa Vejsiut.

Pasi vetë Alketa në një nga reagimet e saj, mbështeste Elvanën, duke fajësuar jurinë.

Në lidhje me këtë deklaratë, Petro ka thënë se është shumë e pafalshme.

Rita Petro: Një nga organizatoret doli hapur dhe bëri edhe dallimin mes jurisë vendase dhe jurisë së huaj dhe mendoj se kjo ngjalli një pakënaqësi shumë të madhe edhe pse u dhanë votat. Votat shumë mirë se ne nuk i kishim të fshehta, por kjo na ndau në dy pjesë siç jemi zakon në politikë PD-PS. Kështu u nda edhe kjo, njëri majtas dhe tjetri djathtas. Pse ia nuk ia dhatë Elvanës dhe ia dhatë Arilenës.

Mustafa Nano: Unë Alketës nuk i pëlqeva një gjë atje. Alketa është një preznatuese shumë e zonja…

Rita Petro: Po mbajti gjithë atë koncert.


Mustafa Nano: I mban ajo të gjitha llojet e peshave, por në fund fare manifestoi simpatinë e vet për një këngë. Për mua është e pafalshme, pasi ajo më fyen mua që jam në shtëpi.

Rita Petro: Përveç se preznatoi është organizatore sepse e ka emrin bashkë me regjisoren..

Mustafa Nano: Nuk ka të drejtë të shprehë simpatitë e veta për këngën.

Rita Petro: Nuk ka të drejtë një dhe të krijojë tek njerëzit dhe t’u thotë njerëzve që këta e kanë fajin ju merruni me këto. Ajo nuk shkonte fare. Megjithatë punë e saj.

I gjithë festivali në vetvete shkaktoi mjaft debat dhe polemika për shkak të ndarjes së çmimeve, dhe u përfol gjatë pse çmimi shkoi për Arilenën dhe jo për Elvanën.

Tre ditë më parë u finalizua Festivali i 58 i Këngës në RTSh, që fitua nga Arilena Ara me baladën “Shaj”, e cila do të përfaqësojë Shqipërinë në Eurovizion. Në këtë festival Arilena e mori kupën nga Jonida Maliqi, e cila ishte fituese e të njëjtit çmim, një vit më pare, ndërsa Elvana Gjata me këngën ritmike “Me tana”, zuri vendin e dytë.

*****

Nga Petrit Ruka- Poet

Jap e marr ta kuptoj këtë tekst të ndyrë që më doli para dhe nuk ia dal dot. Kjo quhet këngë…dhe qenka trasmetuar në Festival. Me një tekst të tillë dikur nuk të linin të këndoje as në hale.

Shijoheni.

Teksti: Elvana Gjata

Këndon: Elvana Gjata

Kupton: Elvana Gjata

5 milion shqiptarë paguajnë RTSH për ndyrësi të tilla dhe na na na-n e saj…
Tmerr artistik.

Organizatorët e këtij festivali duheshin “arrestuar” në sallë për krim ndaj gjuhës shqipe dhe fyerje të rëndë të dinjitetit te kultures kombëtare shqiptare.

Duhet hartuar me ngut një ligj i posaçëm që këngët në Festivalin e RTSH duhet të vijnë patjetër në standard dhe të kenë poshtë firmën aprovuese të dhjetë poetëve më të mirë të vendit. Unë vetë nuk do ta pranoja këtë tekst edhe sikur të vinte me muzikën e Ennio Morricone-s.

“Ti kam fal ty me tana

Me tana o me tana

Dashni me fal

O kush ka me ma nal?

A ma thua edhe sa

Duhet të pres ty me të pa

Ta di, dua ta di dhe sa

Kohën ndale, ndale

Të shkoj ngadale ndale

O më ngadale ndale

Na na na na na…”

…………………………

Turpi e mbuloftë emrin e atyre regjisorëve, udhëheqësve artistikë, prezantuesve, redaktorëve, kompozitorëve që kanë emrin në titrat e këtij produksioni me tekste të tilla. Një ditë bota do të qesh me të madhe me idiotësinë e tyre. Tallja e brezave që vijnë do t’i shoqërojë edhe aty ku do te jenë, në varr.


*****

Elvana Gjata “tërbohet”, pasi nuk u shpall fituese e Festivalit në RTSH: Bojkoton post-festivalin (reagon e motra)
Kënga e Elvanës edhe pse nuk fitoi festivalin, “Me tana” është një ndër këngët më të pëlqyera dhe nga më të dëgjuarat.


Elvana Gjata konkuroi në “Festivalin e Këngës” me këngën me “Me tana”. Para disa ditësh ajo ishte pretendente për çmimin e madh, dhe që do të përfaqësonte Shqipërinë në Eurosong. Por, rezultatet mbrëmjen e djeshme treguan të kundërtën, Arilena Ara fitoi çmimin e parë, ndërsa Elvana u rendit e dyta. Kënga e Elvanës edhe pse nuk fitoi festivalin, “Me tana” është një ndër këngët më të pëlqyera dhe nga më të dëgjuarat.

Pasi fituese u shpall Arilena motra e Elvanës, Migena, e cila e ka mbështetur gjithmonë Elvanën ka reaguar, duke thënë se edhe pse nuk fitoi çmimin e madh ajo ka fituar zemrat e publikut prej 15 vjetësh. Ndërkohë që Elvana u mbyll edhe në dhomën e artistëve duke mos pranuar që të dalë e të urojë kolegen Arilena Ara.

“Ti fitove publikun, ti fitove zemrat e njerëzve, siç ke bërë gjithmonë, të paktën për këto 15 vitet e fundit”, shkruan Migena e cila është gjithashtu një artiste e njohur e muzikës klasike dhe operas.

Dje u finalizua Festivali i 58 i Këngës në RTSH, që fitua nga Arilena Ara me baladën “Shaj”, e cila do të përfaqësojë Shqipërinë në Eurovizion. Në këtë festival Arilena e mori kupën nga Jonida Maliqi, e cila ishte fituese e të njëjtit çmim, një vit më parë. Në vendin e dytë u rendit Elvana Gjata, me një këngë ritmike që titullohej “Me tana”.

****

Regjisorja shqiptare Elma Doresi mbështet Elvana Gjatën pas festivalit: Jam e lumtur që nuk fitove, i kurseve vetes kritikat

Reagon regjisorja Elma Doresi ndaj Elvana Gjatës, pasi kjo e fundit nuk mori çmimin e parë në Festivalin e 58 të Këngës në RTSH.

Featured image of article: Regjisorja shqiptare Elma Doresi mbështet Elvana Gjatën pas festivalit: Jam e lumtur që nuk fitove, i kurseve vetes kritikat Elma Doresi dhe Elvana Gjata 

Tiranë- Elma Doresi, regjisorja shqiptare është shprehur se është e lumtur që “Festivalin e 58 të Këngës në RTSH”, nuk e fitoi Elvana Gjata. Në një reagim në rrjetin social Facebook, Doresi shprehet se nëse çmimin e parë do e merrte Elvana Gjata i gjithë rrjeti do të mbushej me shprehjet: “E fitoj nga boli”, “E fitoj se ka bosin”.

Ajo shprehet se Elvana Gjata i kurseu vetes disa statuse dhe komente, ku në to do të shfaqej bullizëm ndaj këngëtares.

“Jo. Ska analiza e kritika të tilla. Por vetëm : bolo, bosi, tallava .Statuse e komente pa fund. Ngatërrohen shijet me mendimet. U sulët të gjithë për në eurovizion dhe se çfarë ishte e denjë për ne të na përfaqësonte por harruat kryesorin : Festivalin tek ne. Jam vërtetë shumë e lumtur që nuk fitove Elvana . I kurseve vehtes disa statuse e komente. Ps : Po na le pa punë neve të rrjeteve sociale tani”, shprehet ajo.

Reagimi:Jam e lumtur që nuk fitoi Elvana. Sepse sot do ishte mbushur rrjeti me keq : E fitoj nga “boli” . Ky bullizëm i shëmtuar.
E fitoj se ka “bosin”.

Të gjithë do të hidheshit më keq se çjeni hedhur.

Tallava. Kjo fjalë që është kthyer në moton e ditës. Nuk lexova një status me analizë të mirëfilltë. Një analizë profesionale. Një analizë pa mllefe. Një analizë bindëse.


Jo. Ska analiza e kritika të tilla. Por vetëm : bolo, bosi, tallava .Statuse e komente pa fund. Ngatërrohen shijet me mendimet. U sulët të gjithë për në eurovizion dhe se çfarë ishte e denjë për ne të na përfaqësonte por harruat kryesorin : Festivalin tek ne. Jam vërtetë shumë e lumtur që nuk fitove Elvana . I kurseve vehtes disa statuse e komente. Ps : Po na le pa punë neve të rrjeteve sociale tani.

*****

‘Çfarë emocioni’, Arilena Ara reagon pas fitores në festival. Ja kë falenderon këngëtarja

Në një reagim në mediat sociale Arilena shkruan se është një emocion shumë i madh pas marrjes së trofeut.

Featured image of article: ‘Çfarë emocioni’, Arilena Ara reagon pas fitores në festival. Ja kë falenderon këngëtarja Arilena .


Tre ditë pas fitores së festivalit të 58-të në RTSH, Arilena Ara, ka vendosur që të thyejë heshtejn. Në një reagim në mediat sociale Arilena shkruan se është një emocion shumë i madh pas marrjes së trofeut.

Më tej ajo ka falenderuar të gjithë pjesëtarët e ekipit të saj që e kanë ndihmuar për këngën dhe perfomancën në festival. Ndërkohë nuk ka thënë asnjë fjalë për organizatorët, këngëtarët pjesëmarrës, por nuk ka falenderuar as jurinë dhe publikun.






“Çfarë Emocioni.. Falenderoj gjithë superskuadrën time, bashkëpunëtorët e mi që kanë qenë pranë meje gjithmonë, pa kushte. 
Darko Dimitrov OUR MUSIC. I love You❤️ Lindon Berisha per çdo ndjesi timen përsonale të artikuluar në vargje. 

Rezarta Skifteri për artin qëndisur në karakterin tim!

 Make up by Lili motra ime, që udhëton gjithmonë nga ana tjetër e botës vetëm për ti dhënë shkëlqim portretit tim! Ergys Zhabjaku që lexoi “ulërimën” time në ktë këngë dhe e solli në jetë përmes fotografive. 
Faleminderit florent Boshnjaku për frymëzimin dhe profesionalizmin në ktë eksperience të jashtëzakonshme. 

Maestro Mario Deda për dashurinë që dedikove në çdo tingull, notë. Orkestra profesioniste e Rtsh, mirënjohëse! “SHAJ’”, shkruan Arilena.

Me këtë reagim këngëtarja tregon se gjithçka e ka arritur vet dhe fal ekipit të saj dhe në një farë mënyrë kërkon të shuajë zërat që shprehen se fitorja e saj nuk ishte e merituar.


Flori Bruqi

Ju kam ndjekur me keqardhje në rrekjen tuaj, për të më kryqëzuar si “tradhëtar”, “të shitur”, “bërllog”, madje “qen i keq” e bile edhe “djall” ...

Edi Rama 

ATYRE QË U BËNË BAJAT duke sharë e mallkuar pa hesap këtu këto ditë, në emër të Kosovës sipas tyre, dy fjalë po u them:

Më së pari, sinqerisht uroj edhe për ju gëzuar Krishtlindjet e Vitin e Ri!

Ju kam ndjekur me keqardhje në rrekjen tuaj, për të më kryqëzuar si “tradhëtar”, “të shitur”, “bërllog”, madje “qen i keq” e bile edhe “djall” dhe çfarëdo tjetër gjuhës suaj, lëshuar pa fre i ka ardhur për mbarë. Faleminderit!

Tani një pyetje po ju bëj, si “vëllau i Vuqiqit”, juve o “atdhetarë”, që atdheun e dini në këto raste thikë në majë të gjuhës, për të prerë dhe mundësisht për të vrarë:

Si mendoni Ju, “vëllaut tim” serb i pëlqen më shumë që Kosova të vijë në tryezë a të mos vijë?

Ju’a them unë që mos lodheni ta mendoni: Të mos vijë fare!

Sepse duke mos ardhur në tryezë Kosova nuk flet dot, nuk dëgjohet dot, nuk ndikon dot dhe as nuk fiton dot asgjë! Ndërsa piskamat Tuaja ndaj meje, i dëgjoj unë jo ai! Madje askush tjetër, as Shtetet e Bashkuara e as Bashkimi Europian, që e mbështesin pa rezervë atë tryezë dhe e duan Kosovën bashkë me të gjithë në tryezë, nuk i dëgjojnë ato piskama dhe hiç aspak mirë nuk mendojnë për mungesën e Kosovës.

Mua mallkimet e ofendimet Tuaja, sado Ju të hidheni përpjetë, nuk më bëjnë dot as tradhëtar e as Esat Pashë, ashtu sikundër lëvdatat e komplimentat në raste të tjera, nuk më bëjnë hiç asfare, as hero e as Ismail Qemal! Unë nuk isha hero kur shkova në Beograd dhe e thashë mu në Pallatin e Serbisë, shqip, atë që mendoja e që mendoj sot e gjithë ditën për Kosovën. Kosova është shtet sovran dhe Serbia duhet ta njohë si shtet, sepse është edhe në të mirën e saj të çlirohet nga fantazmat e të shkuarës. Pikë!

Kur u nisa atëherë për Beograd nuk latë fjalë të ulët pa më thënë. Kur u ktheva nga Beogradi, nuk latë lëvdatë të tepërt pa më dhënë. Po për mua ishte njësoj, sepse unë isha i njëjti edhe kur shkova edhe kur u ktheva, siç jam edhe sot. E njësoj si atëherë edhe sot, unë bëj atë që kam bindje se është e drejtë për vendin e për kombin tonë. Thjesht si shqiptar jo si hero, as si tradhëtar jo e jo!

Lëvdatat e sharjet e rastit, nga një vesh më hyjnë e nga tjetri më dalin të them të drejtën. Jam mësuar me to dhe e di mirë që koha dhe historia nuk lexojnë gazeta e portale, as nuk ndikohen nga analistë e nga rrjete sociale. Dhe koha e historia do të flasin nesër drejtë, e do t’u japin hakun të drejtëve dhe të shtrembërve të sotëm. Të tjerat janë llafe të sotme që i merr era e nesërme.

Deri dje, pa u hapur ky proces që sharjet, mallkimet e fabrikimet harrojeni se e ndalin, Shqipëria dhe Kosova s’kishin asnjë shans që ta hapnin kufirin mes tyre. Zero! Sot kjo është një mundësi reale pikërisht sepse edhe “vëllau serb”, siç e quani ju Presidentin e Serbisë, kur kujtoni se po më qëlloni për vdekje me gjuhën e bërë thikë, e ka pranuar lirinë e lëvizjes së njerëzve në rajon si një prej qëllimeve madhore të tryezës. Pa kushte! Që do të thotë se kur ne të hapim kufirin mes Shqipërisë e Kosovës, nuk ngrihet dot as ai dhe as kushdoqoftë tjetër, të verë kujën për rrezikun e “Shqipërisë së madhe”.

Kur të krijohet qeveria e re e Kosovës dhe të ulemi në tryezë për të vijuar bashkëpunimin, tash po e shihni vetë çka sot po ju’a shpjegoj e rishpjegoj më kot, duke marrë mbrapsht ato që hidhni mbi mua kot më kot. Dhe kur Kosova, herët a vonë, të ulet nesër njësoj si Shqipëria në atë tryezë, se s’ka kah shkon tjetër përveçse nga e ardhmja, bashkë me Shqipërinë, tash e shohim kush ka të drejtë, unë apo ju.

Sot e lemë me kaq, se është ditë Krishtlindjesh dhe po e mbyll me një përqafim për të gjithë ju nga unë, që vëllazërisht ju uroj çdo të mirë me këdo ju do zemra, e sa më shumë dritë në shpirt e në mendje secilit prej jush, për veten e për Kosovën dhe krejt kombin tonë natyrisht🤗🇽🇰🇦🇱

Elena Lucrezia Peshkopia është e para grua shqiptare në botë që në vitin 1678 ka arritur të marrë doktoraturën në filozofi.

Gjatë shekullit ku jetoi ajo ishte gruaja më e ditur në Europë. Statuja e Elenës që u gjet në Universitetin e Padovës, një prej universiteteve më të vjetër dhe ndër më të njohurit në Europë, siç shkruan atsh, dëshmon për vlerat e arritjeve të jetës së saj.

Portreti i saj është gjithashtu edhe në dritaren e qelqit rreth 7 metra të lartë në bibliotekën “Frederick Ferris Thomson” në kolegjin Vassar të Nju Jorkut në SHBA ku Elena është portretizuar duke mbrojtur tezat e saj mbi Aristotelin.

Elena Peshkopia lindi në Venecia në 1646, ajo përfundoi shkollën e shqiptarëve “Santa Maria dhe San Gallo” në Venecia (Scuola di Santa Maria e di San Gallo degli Albanesi).

Shkolla ku Elena mësoi është themeluar nga fisnikët e edukuar shqiptarë në 22 tetor 1442 dhe për rreth 200 vite vazhdoi të funksionojë për arsimimin e shqiptarëve deri në fund të shekullit të 18-të. Që prej fillimit, djemtë dhe vajzat e frekuentonin këtë shkollë së bashku, institucioni financohej nga taksat që paguanin shqiptarët.


Në detyrimet përfshiheshin edhe gratë por ato edhe do të mund të përfitonin. Godina e shkollës ishte dizenjuar nga shqiptari Viktor Karpaçi, artist i njohur gjatë periudhës së Rilindjes Europiane, ai mbikëqyri ndërtimin e ndërtesës dhe dekorin e fasadave të shkollës, pikturat e tij janë gjetur në galeritë e Venedikut, Milanos, Parisit (Luvër), Vjenë, Londër.

Prezenca e madhe e shqiptarëve në Republikën e Venecias është lidhur me zhvendosjet e tyre sa më shumë drejt perëndimit si pasojë e pushtimit osman.

Elena, e talentuar edhe në muzikë vazhdoi studimet në filozofi dhe astronomi duke ndjekur edhe programin e doktoraturës në Universitetin e Padovës. Ajo mbrojti teoritë e saj të doktoraturës në 25 qershor 1678 para profesorëve të filozofisë dhe logjikës, mjekësisë dhe teologjisë. Ajo u bë një lektore në matematikë në Universitetin e Padovës ku qëndroi deri në fund të jetës së saj së shkurtër.

Elena Peshkopia ndërroi jetë nga tuberkulozi në 26 korrik të vitit 1684 në moshë shumë të re, vetëm 38 vjeç. Ajo prehet në kishën e Shën Lukës në Padova të Italisë.

Dy europianëve të mëdhnjë që nuk i dihet varri

NGA: GJON KEKA

Europianët e mëdhenjë që u varrosën si të thjeshtë dhe që nuk i dihet varri janë Gjergj Kastrioti dhe W.A.Mozart.

Dy gjenitë e Europës që i dhanë asaj nga vetja e tyre njëri Idenë e Unitet Europian ,ndërsa tjetëri shpirtin europian të Artit Muzikor që i këndohet idesë së një Europë të Bashkuar dhe në paqe.


Europa nuk mund të mendohet pa këta dy gjeni, sot Imazhi i Artit muzikor Europian është Mozarti, ndërsa themelin e civilizimit e ruajti dhe mbrojti Gjergj Kastrioti që sot Europa qëndron në shtratin e vlerave të saj humane ,demokratike dhe në Union. Me këta dy gjenitë identifikohet Europa dhe civilizimi i saj.

Mozart vdiq më 5 dhjetor 1791 në moshën 35 vjeçare, dhe u varros në një varr të thjeshtë.Sot e kësaj ditet nuk specifikohet se ku është vendvarrimi i tij. Ai në fakt vdiq nga ethet në moshë të re, dhe thuhet se ai u helmua ,sikur që dihet kjo ende dhe sot është e pabazuar, por thuhet se ai vetë pak para vdekjes i kishte thënë Konstances këto fjalë: „Sigurisht, ata më helmuan“

Ndërsa Gjergj Kastrioti vdiq më 17 Janar 1468 dhe u varros në një varrë të thjeshtë. Edhe vendvarrimi i tij nuk specifikohet se ku saktësisht, pasi dihet që ai është varros në Katedralen e Shën Nikollës në Lezhë por vendi i varrimit nuk dihet.Edhe Gjergj Kastrioti vdiq nga ethet në moshën 63 vjeçe,edhe për të thuhet se u helmua, por faktet mungojnë deri më sot, edhe pse ajo mund të jetë e vërtetë duke ditur se ai në atë kohë ishte bërë figura me të cilën identifikohej vetë Europa si kontinent , ndoshta e kanë helmuar edhe atë njësoj sikur që thuhet për helmimin e Mozartit të Madh.