Libri i Rrustem Gecit, “Kanuni poetik“ është libër i prushit të madh, libër i mendimit të thellë artistik dhe ndjeshmërisë së hollë lirike.
“Kanuni poetik”, i Rrustem Gecit, që po i jepet në dorë lexuesit, shprehet poeti dhe eseisti Rexhep Kasumaj, që jeton dhe krijon në Berlin, është një Monografi Poetike e Kosovës, e veçantë dhe unikale, edhe për nga pëmbajtja edhe për nga vëllimi.
Ngrehina e poezisë së Gecit, shkruan Rexha, është kullë tempullore. Hijerëndë dhe e trishtë, e madhërishme dhe e bukur. Si vetë jeta që autori e ka transponuar e lëmuar në laboratorin e tij të fshehtë letrar. Sepse i tillë ngjan të jetë ai: një marrëveshje e koduar me hyjnitë e frymëzimit krijues, e paqasshme për vdektarët!.. Rruga e formimit krijues thotë Rustja, mbetet proces i gjatë, proces që kurrë s´mbaron. Motivet e poezisë së Gecit janë motive të zemrës dhe të shpirtit. Shndërrimi i jetës së jetuar në tekst poetik, është natyrshmëria e të qënit poet. Rrethi tematik i poezisë së Gecit është i gjerë dhe i thellë; Jemi valë të një lumi / të një deti,../ jemi njeriu i njerëzimit / koha ku të gjithë dihatim…!
Fuqia e poezisë së Gecit ngërthen ajrin e kohës, lotin e dhimbjeve tona. Rrustem Geci në çdo varg është artist i fjalës. Poeti Llemadeo në leximin e tij të parë shkruan; Libri “Kanuni poetik” i Rrustem Gecit, me 2 mijë poezi, dhe 26 poema, është libër kolos në letërsinë tonë. Për këtë libër do të flasë koha dhe njerëzit, ata që do të dinë ta çmojnë dhe vlerësojnë. Për mjeshtrin e madh të fjalës, sheshi i poezisë së tij, është letra e bardhë, fusha ku ai bën betejat.
Rrustem Geci u lind në Roganë të Dardanës më 6. O1. 1950. Mësimet e para i bëri në vendlindjen , kurse shkollën e mesme e kreu në Gjilan dhe Dardanë. Rustja u kulturua në Universitetin e Prishtinës. Mandej punoi 15 vjet gazetar në Radio Televizionin e Prishtinës. Ndërsa pas mbylljes së RTP-së nga regjimi fashistoid serbian ai do të mërgonte në Dortmund të Gjermanisë, ku edhe tani jeton. Rrustem Geci kryesisht merret me poezi dhe ese. Nga dhimbja e gjakshme e të jetuarit, shprehet poeti, më nxori poezia, më e dashura e jetës sime. Ky art i fjalës së bukur dhe mendimit krijues, më mban fort në këmbë. Poeti gjerman, Hëlderlin, në një poezi të tij thotë; Njeriu poetikisht banon në këtë botë, ndryshe vuajtjet dhe dhimbjet e kësaj bote nuk do të përballoheshin. Rrustem Geci deri më tash ka shkruar dhe botuar 17 libra, 15 me poezi, dhe 2 monografi.
1.Demonstratat e luleve“
2.Antologjia personale“
3.Jeta në letër“
4.Ajri dhe koha“
5.Mielli dhe uji“
6.Lirikë”
7.Amoeli“
8.Dridhjet e barit“
9.Këngë qipshte“
10.Erdhëna“
11.Një rrënjë ulliri jemi“
12.Shqipëri në çdo shtëpi”
13.Milenium”
14.Rogana”
15.Heroika”
16.Gacat e prushit”, dhe 2 monografi;
17.Pasha këtë tokë”
18.Atdhetarët”.
Rrustem Geci viteve të fundit është prezentuar në 7 antologji të poezisë dhe gazetarisë shqipe. Rrustem Geci është anëtar i Lidhjes së Shkrimtarëve të Kosovës prej vitit 1995. Këtë jetëshkrim për poetin Rrustem Geci e mbyllim me një poezi të tij : Gjak u bënë vargjet / derisa erdhën tek ju / për të dhënë mesazhin / e një mesdite të bukur /. Këto dhe mijëra vargje të tjera, janë bota poetike e Gecit që i shpaloset lexuesit shqiptar e përmbledhur në librin monumental me 23 mijë vargje, “Kanuni poetik” . Rrustem Gecin aktualisht vlerësohet ndër shkrimtarët e shquarit të kohës sonë! Ky libër thotë Rrustem Geci është dhurata ime dhënë letërsisë në njëshekulloresn pavarësi!E, dhuratë më të çmuar nuk mund ti bënte kush kombit të vet në kremten jubilare.
Dashnim H e b i b i – Zyrih
Llemadeo L l e sh i – Tiranë
- See more at: http://www.devolli.net/rrustem-geci-shpalosje.html#sthash.H90dEqbg.dpuf
