Protesters fight police, set fire to Kosovo government headquarters(Si e komentojnë mediat e huaja protestën e sotme në Prishtinë)?

Nga Flori Bruqi

Në lidhje me protestat e sotme ka reaguar edhe Qeveria e Kosovës. Nëpërmjet një komunikate për media, Qeveria e dënon dhunën siq e quajnë ata nga drejtuesit e partive opozitare.

http://www.bbc.com/news/world-europe-35271907

Komunikata e Qeverisë së Kosovës

Qeveria e Republikës së Kosovës dënon aktet e tmerrshme të dhunës të udhëhequra nga drejtuesit kryesorë të Lëvizjes Vetëvendosje, Aleancës për Ardhmërinë e Kosovës dhe Nismës për Kosovën, sot në Prishtinë.

Duke respektuar të drejtën për protestë të ligjshme dhe paqësore, Qeveria e Republikës së Kosovës e konsideron sulm të drejtpërdrejtë mbi rendin kushtetues të Republikës së Kosovës, djegien e një pjese të objektit të Qeverisë, goditjen dhe hedhjen e koktejit të molotovit mbi zyrtarët policorë dhe aktet e tjera të shumta të dhunës ndaj qytetarëve, pronës publike dhe private.

Qeveria e Kosovës vlerëson se dhuna e shfaqur në këtë protestë, është e organizuar nga humbësit e dëshpëruar të të gjitha zgjedhjeve në Kosovë, të cilët ambiciet e tyre politike, po përpiqen t’i realizojnë me djegie të institucioneve legjit ime dhe përmes zhytjes së vendit në krim dhe anarki.

Qeveria e Kosovës dënon, po ashtu, djegiet dhe rrënimet e kryera në Prishtinë, të prira dhe të nxitura nga kryetari i kryeqytetit dhe drejtuesit tjerë politikë të emëruar së fundi në Komunën e Prishtinës, si dhe thekson se distancimi “sa për sy e faqe” nga dhuna ndaj institucioneve kushtetuese, si largon ata nga përgjegjësia.

Qeveria e Republikës së Kosovës shpreh mirënjohje të thellë për qytetarët e Kosovës, që me gjithë propagandën dhe manipulimet e sponsoruara nga burime të dyshimta, nuk iu bashkëngjitën kësaj proteste, ku nuk u pa asnjë flamur dhe simbol i shtetit të Kosovës, pasi që qytetarët e dinin se në këtë protestë do të kishte elementë kriminalë.

Qeveria e Kosovës konsideron se kjo protestë kishte për synim rrëzimin me dhunë të Qeverisë dhe lënien e vendit në duar të të inkriminuarve që sot ia vunë zjarrin objektit dhe policisë, ka po a shtu për qëllim prishjen e partneritetit me Shtetet e Bashkuara të Amerikës dhe Bashkimin Evropian, parandalimin e liberalizimit të vizave dhe proceseve tjera eurointegruese, si dhe stopimin e zhvillimit ekonomik të vendit.

Qeveria e Republikës së Kosovës nuk do të lëshojë pe për shkak të presioneve kriminale, por me besimin e qytetarëve dhe me përkrahjen e vendeve mike perëndimore, do të punojë me përkushtim të plotë për zhvillim të mëtejshëm ekonomik të vendit, integrime euroatlantike, si dhe fuqizimin e gjithanshëm të partneritetit dhe miqësisë me SHBA-të dhe BE-në, procese që nuk mund të zbehen nga dhuna e skajshme që po manifestohet nga grupe parapolitike dhe kriminale të veshura me petk politik.

Qeveria e Kosovës vlerëson punën e organeve për zbatimin e ligjit, që në përputhje të kompetencat dhe detyrat e tyre si dhe aktet ligjore, po mbrojnë institucionet, qytetarët dhe pronën publike e private nga dhuna, si dhe kà «rkon nga organet e zbatimit të ligjit, që konform ligjeve dhe Kushtetutës së Kosovës, të marrin masat për zbardhjen e plotë të zhvillimeve të sotme, ku u lënduan disa pjesëtarë të Policisë, gazetarë dhe qytetarë të rastit.

Ndërsa të gjitha mediat me renome botërore i kanë kushtuar një artikull protestës së sotme në Prishtinë, që nga prestigjiozja gjermane Die Zeit, austriake, Standard.at, zviceranja NZZ, deri tek ato britanike.

“Qeveria sot do të bjerë,” është titulli i gazetës gjermane tageschau. “Mijëra protestues shqiptarë të Kosovës gjuajtën gurë dhe koktej molotov kundër ndërtesës qeveritare. Policia reagoi me gazlotsjellës ndaj demonstruesve të cilët kërkojnë dorëheqje të menjëhershme të qeverisë”.

“Shumë xhama të ndërtesës qeveritare u thyen nga protestuesit, ndërsa u pa edhe një zjarr i madh aty pranë,” shkruan gazeta kulturore gjermane Die Zeit.

“Protesta anti-qeveritare kundër marrëveshjes me Serbinë përfundoi dhunshëm mes forcave policore dhe mbështetësit e opozitës,” shkruan rrjeti televiziv BBC. “Një pjesë e ndërtesës qeveritare ju vu zjarri”. Më pas rrjeti britanik tregon rezymenë e pavarësisë së Kosovës.

Më i gjatë ka qenë reportazha e Reuters duke treguar metodologjinë, deklaratat dhe arrestimet gjatë ditëve të sotme. 

“Shteti më i ri ballkanik është bërë pjesë e protestave të dhunshme, si shkak kundër marrëveshjeve me Serbinë. 14 persona janë plagosur, prej të cilëve 10 policë dhe dy gazetarë, ndërsa dhjetëra protestues u arrestuan,” shkruan Reuters, duke dhënë edhe deklaratën e presidentes Atifete Jahjaga, për thirrjen e qetësimit të situatës.

“Tre partitë opozitare Vetëvendosja, Aleanca për Ardhmërinë e Kosovës dhe Nisma thirrën sot qytetarët e shtetit të Kosovës për të protestuar kundër marrëveshjes me Serbinë që parasheh një art të autonomisë së komunave serbe,” shkruan gazeta e djathtë austriake diepresse. “Ata kërkojnë edhe dorëheqjen e kryeministrit Isa Mustafa”.

BBC: Protestuesit antiqeveritarë në kryeqytetin e Kosovës, Prishtinë u përplasën sot me forcat e policisë gjatë një manifestimi të zhvilluar kundër një marrëveshjeje në lidhje me minoritete serbe. Protestuesit hodhën bomba molotov dhe gurë. Një pjese të ndërtesës së qeverisë iu vu zjarri, por flakët janë shuar menjëherë. Një fushatë bombardimesh nga NATO kundër Serbisë në vitin 1999 detyroi qeverinë të hiqte dorë nga kontrolli mbi Kosovën.

AFP: Opozita kosovare mblodhi sot në Prishtinë mijëra manifestues, të cilët hodhën bomba molotov kundër selisë së qeverisë duke kërkuar braktisjen e një marrëveshjeje të arritur me Serbinë nën drejtimin e Bashkimit Evropian, sipas një gazetari të AFP-së.

Policia ka përdorur gaz lotsjellës dhe ka arritur të shpërndajë manifestuesit. “Të paktën dy policë janë plagosur”, sipas korrespondentit të AFP-së. 

Opozita kosovare vazhdon protestat që prej muajit tetor dhe ka bllokuar punimet në Parlament duke kërkuar braktisjen e marrëveshjes me Serbinë arritur në vitin 2013 nën drejtimin e Bashkimit Evropian. Kjo marrëveshje parashikon normalizimin e marrëdhënieve mes Serbisë dhe Kosovës.

ANSA: Përplasje të dhunshme mes policisë dhe manifestuesve u regjistruan sot në Prishtinë, ku mijëra mbështetës të opozitës dolën sërish në rrugë për të protestuar kundër marrëveshjeve të arritura nga qeveria me Serbinë dhe Malin e Zi. Për të shpërndarë manifestuesit, të cilët hodhën bomba molotov, gurë dhe objekte të tjera kundër selisë së qeverisë, policia përdori gaz lotsjellës.

DPA: Policia e Kosovës përdori gaz lotsjellës gjatë manifestimit të organizuar sot në Prishtinë kundër një marrëveshjeje me Serbinë. Protestuesit hodhën gurë dhe bomba molotov kundër godinës së Parlamentit. Opozita qeveritare e drejtuar nga lëvizja shqiptare kosovare “Vetëvendosja” kërkon të bllokojë marrëveshjen që synon t’i japë më shumë autoritet komunave me shumicë serbe në Kosovë, njoftoi agjencia turke e lajmeve, Anadolu Agency (AA).

http://www.bbc.com/news/world-europe-35271907

ANADOLU: Manifestimi i opozitës së bashkuar, Vetëvendosjes (VV), Aleancës për Ardhmërinë e Kosovës (AAK) dhe Nismës për Kosovën (NISMA) që u zhvillua sot në Prishtinë dhe ku morën pjesë disa dhjetëra mijëra protestues, në përfundim të tij u shndërrua në një demonstratë të dhunshme me hedhje gurësh dhe bombash molotov kundër ndërtesës së Qeverisë.

“Për një shtet Sovran, ishte motoja e shumë protestuesve të sotëm në bulevardet e Prishtinës,” shkruan gazeta më e lexuar zvicerane NZZ. “Protesta kaloi dhunshëm me arrestime dhe plagosje nga të dyja palët.” Më pas gazeta shkruan edhe për 200.000 nënshkrimet e opozitës kundër dy marrëveshjeve.

“Lëvizjet nacionaliste protestuan kundër asociacionit serb,” shkruan media e majtë austriake Der Standard, që kohët e fundit ka shkruar një reportazhë edhe për Albin Kurtin. “Për një shtet të pavarur dhe kundër qeverisë jo kushtetuese, tregon më pas gazeta në lidhje me moton e protestuesve.

Ambasadori i Shteteve të Bashkuara në Kosovë, Greg Delawie, përmes një postimi në rrjetin Twitter e ka dënuar dhunën e sotme gjatë protestave në Prishtinë.

“Dhuna politike kërcënon demokracinë dhe gjithë atë që Kosova e ka arritur që nga pavarësia”, ka shkruar ambasadori amerikan.

Një postim poashtu në Twitter, përkitazi me protesten e sotme në Prishtinë, Delawie e ka bërë edhe një ditë më parë duke thënë “se e drejta për protesta paqësore është themel i demokracisë”.

Për ngjarjet e ditës së sotme ka reaguar edhe ish kryediplomati suedez, Carl Bildt.
Ai vlerëson se kjo ishte një ditë shumë e shëmtuar për Kosovën, sot në Prishtinë.

Por, ai thotë se ende shpreson që shpirti evropian do të mbizotëroj në fund të ditës.
Përndryshe, pas një përleshje shumë të ashpër në mes të protestuesve dhe Policisë, protesta ka përfunduar në orët e mbrëmjes, që rezultoi me shkatërrime të shumta nëpër qytet.

Ambasadori britanik në Kosovë, Ruairi O’Connell, nëpërmjet një postimin në llogarinë e tij personale në Facebook, ka thënë se është fatkeqe që një protestë domethënëse të njolloset me akte dhune.

Sipas tij, dhuna gjithmonë shkakton më shumë probleme se sa që zgjidh.

“Shumë qytetarët kanë protestuar sot për të shprehur pikëpamjen e tyre. Kjo është e drejta themelore e demokracisë. Është fatkeqe që një protestë domethënës është njollosur nga dhuna. Dhuna gjithmonë shkakton më shumë probleme sesa zgjidh. Shpresoj që liderët politik do ta dënojnë dhunën dhe do të mundohen t'i zhgjidhen mosmarrëveshjet me dialog”, ka shkruar O’Connell.

A e dinin Haradinaj e Limaj për koktejin e molotovit dhe fishekzjarret?

Ramush Haradinaj dhe Fatmir Limaj në fjalimet e tyre para protestuesve kërkuan qetësi dhe shpërndarje të qetë të protestuesve. Kjo ishte edhe kërkesa e liderëve të AAK-së dhe Nismës për liderin e Lëvizjes Vetëvendosje, Visar Ymeri para demonstratës së sotme.

Mirëpo, duket se Haradinaj dhe Limaj edhe niher mbetën të tradhtuar nga Vetëvendosje, nga Visar Ymeri, pasi që burime të Indeksonline brenda AAK-së dhe Nismës thonë se ata nuk e dinin as për koktejit e molotovit e as për fishekzjarret që do të hedhën në drejtim të policisë.

Indeksonline ka raportuar dje se aktivistët e Vetëvendosjes ishin të pajisur me fishekzjarre të rënda të cilat do t’i hidhnin në drejtim të objektit të Qeverisë së Kosovës.

“As Haradinaj, por besoj se as Limaj nuk e dinin se do të kishte çanta të mbushura me shishe me benzinë apo koktej molotovi. As Haradinaj e as Limaj nuk e kanë ditur se do të hidhen as fishekzjarre siç u panë sot të hidhen në drejtim të Qeverisë dhe policisë”, ka thënë një burime brenda AAK-së.



Në fakt, dhuna që u shpërfaq sot ishte ekskluzivisht nga aktivistët e Lëvizjes Vetëvendosje, pasi që si AAK-ja ashtu edhe Nisma për Kosovën u distancuan nga dhuna. Këtë nuk e bëri Lëvizja Vetëvendosje, bile ishte Visar Ymeri që i priu një grupi të dhunshëm në orët e mbrëmjes.

Një tradhti ndaj Haradinajt sidomos, kishte ndodhur edhe në protestën e 28 nëntorit, kur ish lideri i Vetëvendosje, edhe pse në arrest shtëpiak, u paraqit në skenë dhe tërë fjalimin e orientoi dika tjetër. Kjo bëri që Haradinaj të largohet nga tubimi pa e përfunduar Kurti fjalimin.

Rexhep Selimi, i vetmi që u përpoq t’i ndalojë protestuesit e dhunshëm 

Pas shpërthimit të dhunës së disa protestuesve, të cilët hidhnin gurë dhe gaz lotsjellës në drejtim të objektit të Qeverisë së Kosovës, ishte Rexhep Selimi, deputet i Lëvizjes Vetëvendosje, i cili i vetëm nga kjo parti u përpoq t’i ndalojë ata.

Ai mori edhe një megafon ku kërkonte që mos të ketë gjuajtje të molotovit dhe gurëve në drejtim të ndërtesës së qeverisë.

http://www.reuters.com/article/us-kosovo-fire-idUSKCN0UN0NR20160109

Megjithatë, thirrja e Selimit edhe nuk ndikoi aq, pasi që protestuesit ishin të përgatitur me shishe me benzinë, gurë dhe gjësende tjera të forta.