Kërcënimet e Sindikatës së Arsimit për grevë, nëse Kuvendi nuk e voton ligjin për njohjen e statusit të punëtorëve të arsimit shqip të viteve 90-99, sollën rezultate.
Deputetët e Kuvendit e kanë votuar me 71 vota këtë projektligj, por gjatë gjithë debatit shumica e partive u munduan të marrin meritat për të.
LDK-ja tha se ishte kjo parti që dha kontribut që arsimi shqip të mbijetonte atëkohë, por të tjerët ia mohonin atë.
Të tjerë deputetë e konsideronin si të padrejtë që secila kategori të shpërblehet veç e veç për punën para dhe gjatë luftës.
U tha se të gjithë mësimdhënësit e asaj periudhe janë paguar e ka fakte për këtë.
Për replikë ndaj Milaim Zekës, fjalën e kërkoi deputeti i LDK-së Arben Gashi, por kryesuesi Xhavit Haliti refuzoi t’ia japë të drejtën për të folur, me ç’rast nisi edhe përplasja mes tyre, me fjalë banale.
I shqetësuar me këtë projektligj është paraqitur ministri i Financave, Bedri Hamza.
Megjithëkëtë, ky projektligj mori dritën jeshile në lexim të parë, duke u mbështetur nga 71 vota për, 1 kundër e dy abstenime.
