Anëtari i Kryesisë së PDK-së, Ramë Buja, ka dhënë dorëheqje.

Kjo është hera e dytë qëZ.RAMË BUJA  jep dorëheqje nga kryesia e PDK-së. Të njëjtin veprim e kishte ndërmarrë edhe para pesë vitesh, kur Kryetar i PDK-së ishte Kadri Veseli.

Dorëheqjen e Bujës nga Kryesia e PDK-së e ka konfirmuar për Express edhe zëdhënësi Faton Abdullahu.

“Po, kryetari e ka pranuar dorëheqjen e z. Buja. Ka biseduar me të dhe e ka falënderuar për punën dhe angazhimin e deritashëm në Kryesi”, tha Abdullahu.

Ramë Buja ka lindur më 05.12.1958 në Bujan (Lipjan).

Libra të botuar

• "Konferenca e Rambujesë" (Aspekti politik, juridik dhe ndërkombëtar), (Studim, temë e magjistraturës), shtator, 2006
• "Çështja e Kosovës dhe shkatërrimi i Jugosllavisë" (Studim, tezë doktorate ), janar 2007

Arsimimi:

• Doktor i Shkencave Politike (Universiteti i Prishtinës, shkurt 2006);

• Magjistër i Shkencave Juridike (Universiteti i Prishtinës, mars 2004);

• Ekonomist i diplomuar (Universiteti i Prishtinës, korrik 1993);

• Profesor i Letërsisë dhe Gjuhës Shqipe (Universiteti i Prishtinës, shkurt,1990);

• Shkolla e Mesme Teknike, (Lipjan, qershor, 1977).

• Trajnime të ndryshme intensive në Slloveni, Rumani dhe SHBA.