Presidenti i Serbisë, Aleksandar Vuçiç – Serbia duhet të pranojë se e ka humbur Kosovën. –

 Shkruan Flori Bruqi

Aleksandar Vuçiç

“Situata në Serbi ka ndryshuar për keq”- Vuçiç: Deklaratat e Putinit për Kosovën rrisin presionin mbi Beogradin

6 Maji 2022

Ai tha se situata në Serbi “ka ndryshuar për të keq”, pas deklaratave të presidentit të Rusisë, Vladimir Putin.

Ky i fundit, më 26 prill, e ka krahasuar Kosovën me dy rajonet separatiste në Ukrainë, Donjeckun dhe Luhanskun, të njohura bashkërisht si Donbas.

Rusia, ashtu si edhe Serbia, nuk e njeh pavarësinë e Kosovës.

Duke iu drejtuar kombit, pasditen e së premtes, Vuçiç tha se “i gjithë Perëndimi do t’i kërkojë Serbisë që të shkojë shpejt kah njohja e pavarësisë së Kosovës, në mënyrë që t’i thotë Putinit se Kosova nuk mund të krahasohet me atë që po ndodh në territorin e Ukrainës”.

Sipas tij, “një numër i vogël vendesh thonë se janë në favor të normalizimit të marrëdhënieve mes Beogradit dhe Prishtinës” dhe se “një numër në rritje kërkon njohje reciproke”.

Vuçiç tha se Serbia “po paguan çmim të lartë” edhe për faktin se nuk i ka vendosur sanksione Rusisë, për shkak të pushtimit të Ukrainës.

Serbia mbetet i vetmi vend në Ballkanin Perëndimor që nuk e ka sanksionuar shtetin rus, me gjithë thirrjet e Bashkimit Evropian dhe të Shteteve të Bashkuara.

Fjalimi i Vuçiçit pason qëndrimin e tij në Berlin më 4 maj.

Vuçiç dhe kryeministri i Kosovës, Albin Kurti, janë pritur në takime të ndara nga kancelari gjerman, Olaf Scholz.

Ky i fundit ka porositur se njohja e Kosovës nga Serbia duhet të jetë pjesë e marrëveshjes për normalizimin e marrëdhënieve midis dy vendeve.

Kurti, pas takimit, ka thënë se “njohja reciproke duhet të jetë në qendër dhe jo në fund të procesit të negociatave me Serbinë”.

Vuçiç, në anën tjetër, ka thënë se Serbia “do të bëjë të pamundurën për të arritur një zgjidhje kompromisi”.

Dialogu për normalizimin e marrëdhënieve mes Kosovës dhe Serbisë, me ndërmjetësim të Bashkimit Evropian, ka nisur në vitin 2011.

Palët kanë arritur dhjetëra marrëveshje, por shumica e tyre nuk kanë gjetur zbatim në terren

• Presidenti i Serbisë, Aleksandar Vuçiç gjatë diskutimeve dyditore të raportit në Kuvendin e Serbisë ka bërë me dije se “Serbia duhet ta pranojë se e ka humbur kontrollin mbi Kosovën dhe se duhet të gjejë kompromis me Prishtinën për të normalizuar raportet”.

Kuvendi i Serbisë  miratoi raportin për Kosovën të përpiluar nga zyra për Kosovën në Qeverinë e Serbisë. Raporti u miratua me 145 vota pro, katër kundër ndërsa 13 deputetë nuk kanë votuar.

Deputetët kanë diskutuar mbi raportin me 82 faqe, në të cilin paraqiten të dhënat mbi dialogun ndërmjet Beogradit dhe Prishtinës dhe rezultatet më të rëndësishme të zyrës për Kosovën.

Në raport thuhet se dialogu në çdo drejtim ka punuar për interesant e serbëve dhe gjatë periudhës së bisedimeve është arritur të ruhet qetësia në Kosovë dhe jashtë saj.

Bisedimet ndërmjet Kosovës dhe Serbisë për normalizimin e raporteve kanë filluar në vitin 2011. Palët kanë akuzuar njëra tjetrën për moszbatim të marrëveshjeve të arritura në kuadër të këtij dialogu.

Pala serbe është tërhequr nga dialogu për normalizimin e marrëdhënieve me Kosovën, që kur kjo e fundit, në nëntor të vitit të kaluar, u ka vënë taksë 100% mallrave të importuara nga Serbia.

Vuçiç ka thënë se nuk do t’i rikthehet procesit, për sa kohë që kjo taksë mbetet në fuqi, por kryeministri i Kosovës, Ramush Haradinaj, ka këmbëngulur se ajo nuk do të hiqet derisa Serbia të njohë Kosovën.

Presidenti i Serbisë, Alkesandër Vuçiç ka bërë një deklaratë të fortë ditën e sotme, teksa tha se i është kërkuar “të dorëzojë Kosovën, në këmbim të një dhurate të vogël”.

Duke folur në 20 vjetorin e BIA-s serbe, Vuçiç u shpreh se kjo kërkesë i ishte bërë nga zyrtarë të Bashkimit Europian.

“Nëse refuzoni, atëherë jeni në telashe”, e arktikuloi kërkesën perëndimore ndaj Serbisë rreth Kosovës presidenti serb, i cili shtoi se vendet perëndimore “nuk po më kërcënojnë si Alesandar Vuçiç por tërë shtetin dhe mbijetesën e tij”.

“Është hera e parë që po e them publikisht” , vazhdoi ai, duke elaboruar, siç thotë ai, presionin e madh ndaj Serbisë.

“Asgjë nuk u mjafton. Thonë problemi janë refugjatët. S’ka problem, do t’ua heqim regjimin pa viza. Do t’i zgjidhim këta probleme, por s’do të mjaftojë, s’do të jetë as lajm. Le të vendosim sanksione sepse u pengon se ka një vend tjetër që qëndron dhe dëshiron të ketë mendim të pavarur dhe nuk ka kërcënuar askënd në tokën e tij. Ne nuk kemi sulmuar askënd, por u ndëshkuam ashpër, më keq se Iraku dhe Afganistan”, vazhdoi ai.

Prishtinë,31.10.2024.

Media ruse: – Serbia nuk do të rimarrë kurrë kontrollin mbi Kosovën

 

Serbia nuk do të jetë kurrë në gjendje që ta rimarrë kontrollin mbi Kosovën dhe tashmë lufta për të është e humbur. Kështu shkruan media ruse Vzglyad, duke shtuar se lideri serb i Bosnjës e Hercegovinës po e kërkon një precedent për ta ndarë Republika Srpskan.

“Kosova është Serbi’ në miqësinë ruso-serbe është si një fjalëkalim dhe i tillë do të mbetet. Por si ne ashtu edhe shumica e serbëve e kuptojmë mirë se Beogradi nuk do ta kthejë kontrollin e Kosovës. Gjashtë milionë serbë nuk do të mund të kontrollojnë dy milionë shqiptarë nëse janë të gatshëm të rezistojnë, pavarësisht pozicionit të Shteteve të Bashkuara. Kjo luftë tashmë është e humbur”, shkruan kjo media.

Kjo deklaratë vjen pasi presidenti rus Vladimir Putin nënshkroi aneksimin e rajoneve Doneskut, Luhanskut, Zaporozhye dhe Kherson në lindje të Ukrainës. Sipas portalit, ndryshe nga presidenti serb Aleksandar Vuçiç, i cili paralajmëroi mosnjohjen e këtyre rajoneve, Dodik do të veproj në mënyrë të kundërt.

“Vuçiç paralajmëroi paraprakisht mosnjohjen e rajoneve DPR, LPR, Zaporozhye dhe Kherson, duke iu referuar mosgatishmërisë për të konfirmuar një precedent të ngjashëm me atë në Kosovë. Dodik veproi në mënyrë të kundërt, për faktin se i duhet precedenti i kundërt dhe ndarjen e Republika Srpskas nga Bosnja e Hercegovinës”, thekson ky portal.

Putin të premten e kaluar ka nënshkruar dokumente për aneksimin katër rajoneve ukrainase në Federatën Ruse. Ky vendim duhet të konfirmohet nga Gjykata Kushtetuese e Rusisë dhe të dy dhomat e Dumës, pas së cilës do të bëhet përfundimtar.

Megjithëse zyrtarët rusë pretendojnë se vendimet e aneksimit përfaqësojnë vetëm vullnetin e popullit të shprehur në referendume, shumë vende në botë, si dhe organizata të tilla si Kombet e Bashkuara, kanë theksuar se referendumet dhe vendimet e aneksimit janë të paligjshme nga pikëpamja ndërkombëtare.

Deklarata e fortë e Presidentit serb Vuçiç: – Mbi 85 % e serbëve janë me Rusinë e Putin “çfarëdo të ndodhë”!

 

Deklarata e fortë e Presidentit serb Vuçiç: – Mbi 85 % e serbëve janë me Rusinë e Putin “çfarëdo të ndodhë”!

23 Shkurt 2022

Në kulmin e sanksioneve ndërkombëtare, sidomos nga SHBA, ndaj Rusisë pas pushtimit të disa rajoneve separatiste të Ukrainës, ka reaguar Presidenti serb Vuçiç.

“Serbia është në rrugën e saj evropiane. Serbia ka mbështetur gjithmonë integritetin e Ukrainës, por në anën tjetër, rreth 85 për qind e serbëve, çfarëdo që të ndodhë, do të jenë në anën e Rusisë”, tha presidenti serb Aleksandër Vuçiç.

Të martën ai tha se “do ta dënonte njohjen e pavarësisë së rajoneve separatiste në lindje të Ukrainës nga Rusia, nëse presidenti ukrainas, Volodymyr Zelenskyy, do të dënojë bombardimet e NATO-s ndaj Serbisë në vitin 1999”, duke iu përgjigjur një deklarate të ambasadorit të Ukrainës në Serbi, Oleksandr Alexandrovich, i cili tha se populli ukrainas pret që Serbia të dënojë veprimin rus.

Serbia akuzon NATO-n për “agresion” për shkak të bombardimeve të pranverës së vitit 1999, që u dhanë fund mizorive të forcave serbe në Kosovë. Nëntë vjet pas ndërhyrjes së NATO-s, Kosova shpalli pavarësinë që vazhdon të kundërshtohet nga Serbia.

Pra siç shikohet në çdo moment që i del në shteg Serbia kërkon Kosovën, çka do jetë një luftë e re në Ballkan.

Zëdhënësi Bashkimit Evropian, Peter Stano, i tha programit në gjuhën serbe të Zërit të Amerikës, se vendet që janë në procesin e anëtarësimit pritet të respektojnë vendimet e BE-së.

“Serbia është vend kandidat dhe për këtë pritet të harmonizohet me vendimet e BE-së në fushën e politikës së jashtme dhe të sigurisë”, tha ai shkruan VOA në gjuhën serbe.

Deklarata e presidentit serb për zgjedhjet në Shqipëri, Kryemadhi i kundërpërgjigjet ‘flakë për flakë’ Vuçiç

 

Kryetarja e LSI-së Monika Kryemadhi, në kuadër të fushatës elektorale, ka qenë së bashku me liderin e PD-së Lulzim Basha në Kombinat.

Kryemadhi, në fjalën e saj, ka komentuar edhe deklaratat e bëra sot nga presidenti serb Aleksandar Vuçiç. Kryemadhi theksoi se deklarata e Vuçiç tregonte hallin e madh që ka Rama. Ajo shtoi se Rama sheh armikun te çdokush që kërkon ndryshimin në Shqipëri.

“Jemi të dy bashkë, edhe pse kemi 2 vjet që nuk ndahemi në asnjë moment. Erdhëm këtu sepse këtu fillon shtëpia e shqiptarëve. Fronti opozitar mendon për shqiptarët. Ne jemi fronti shqiptar. Rama po rindërton vetëm xhepat e vet 3D. Jemi një me të gjithë Shqipërinë.

Deklarata e Vuçiç tregon hallin e madh të Ramës. Edi Rama shikon armik te çdokush që dëshiron ndryshimin. Ne do i qëndrojmë rindërtimit deri në fund. Shqiptarët meritojnë Shqipërinë në Europë, nuk votojnë një të mbaruar që i ka ikur koha”, deklaroi Kryemadhi.

Zbulohet “Peshku i Madh” në telefonin e Monika Kryemadhi, Edi Rama i implikuar në aferat e çiftit Meta-Kryemadhi, e pohon…

 

Nga: Rigels Seliman

Kryeministri Edi Rama dyshohet se është implikuar në aferat e çiftit Meta-Kryemadhi. Pak ditë më presidenti i Partisë së Lirisë, Ilir Meta u arrestua me urdhër të Prokurorisë së Posaçme (SPAK), ndërkohë që akuzohet për korrupsion, pastrim të parave dhe mosdeklarim e fshehje të pasurive, akuza këto të njëjta edhe për ish-bashkëshorten e tij, Monika Kryemadhi. Dosja e SPAK për çiftin Kryemadhi-Meta është shumë voluminoze dhe në të ka të përfshirë shumë emra “VIP” si politikanë apo biznesmenë. Për këtë arsye ndaj zonjës Kryemadhi ka pasur akuza të forta nga ish-ministri i Mjedisit, Lefter Koka, i cili ka deklaruar se nuk është ai “Peshku i Madh” dhe se për këtë ka dijeni zonja Kryemadhi.

Sakaq pas deklaratës së ish-ministrit Koka, edhe ish-kryeministri Sali Berisha i bëri thirrje deputetes Monika Kryemadhi që të bëjë transparenca sa i takon këtyre akuzave. Kështu që e ndodhur përballë një atmosferë të mbushur me tension dhe akuzat e ndërsjellta, Monika Kryemadhi ka hedhur dje një “bombë politike”, duke zbuluar se “Peshku i Madh” ndodhet në telefonin e saj. Ajo hodhi akuza ndaj kryeministrit Edi Ramën, teksa e quajti atë si “Peshkun e Madh” që ka në telefonin e saj dhe paralajmëroi se do t’i bëjë publike mesazhet që ka me të. Ajo hodhi akuza ndaj kryeministrit Edi Ramën, teksa e quajti atë si peshkun e madh që ka në telefonin e saj dhe paralajmëroi se do t’i bëjë publike mesazhet që ka me të. Duke folur nga oborri i Kuvendit të Shqipërisë dje për mediat, Kryemadhi e ka përmendur qartë Ramën si një aktor kyç në këtë skandal, duke e bërë atë pjesë të një loje të rrezikshme ku interesat politike duket se kanë kaluar çdo kufi.

Ndërkohë në një përgjigje ndaj deklaratave të Berishës që e akuzoi nga maja e ballkonit se i kishte dorëzuar 460 mijë euro Edi Ramës, ajo theksoi se ish-kryeministrin e kanë ngatërruar, duke i përmendur ish-ambasadoren e BE-së, Vlahutin që sipas saj, bleu deputetët e opozitës për të votuar reformën në drejtësi. “Merreni Ramën seriozisht kush i ka paguar kurimin e djalit në Amerikë. Doktorin nuk është e vërtetë do t’ia kenë ngatërruar. Mos e ka fjalën për buxhetin e Vlahutin që bleu deputetët e opozitës për të votuar reformën në drejtësi. Peshku i madh është Edi Rama në telefonin tim. E kam telefonin i cloud”, deklaroi Kryemadhi.

Berisha mesazh Kryemadhit

Ndërkaq kujtojmë se nga dritarja e apartamentit të tij ku ndodhet në “arrest shtëpie” kryetari i PD-së Sali Berisha akuzoi javën që shkoi Monika Kryemadhin, se i ka dorëzuar Edi Ramës 460 mijë euro. Berisha pati një thirrje për deputeten e Partisë së Lirisë, që të sqarojë këtë shumë parash.

“Sot personi të cilin e kemi quajtur gjithnjë ‘ladro utile’, hajdut i dobishëm, Lefter Kokës i erdhën dy pare mend. Iu rikthye edhe guximi. Sot, në sallën e gjyqit, ai deklaroi se nuk jam unë autori i djegësve, se ‘peshku i madh’ është në telefonin e zonjës Kryemadhi. Miq, Lefter Koka deklaroi me përgjegjësi para gjyqit se ‘peshku i madh’ është vetëm një dhe e ka emrin Edi Rama.  i bëj thirrje zonjës Kryemadhi, e cila deklaroi se Edi Rama ka urdhëruar Dumanin të fshijë të gjithë komunikimet e saj me Edi Ramën, t’ju bëjë të ditur shqiptarëve, të informojë shqiptarët për ‘peshkun e madh’, të informojë shqiptarët me ç’rast i dorëzove Edi Ramës 460 mijë euro.  Të informojë shqiptarët gjithçka di për këtë kryehajdut të të gjitha kohërave. Unë e kuptoj se çdo deklaratë që bëni, e bllokon mercenar Altin Dumani, që është shndërruar në galloshen e Edi Ramës.

Por, çdo politikan dhe çdo qytetar ka detyrim madhor t’u rrëfejë të vërtetën qytetarëve të tyre. Dhe kur prokuroria është shndërruar në organ kriminal, është shndërruar në organizatë kriminale, atëherë është detyrë që ajo të zëvendësohet me prokurorinë publike, me denoncimin publik, me gjyqin publik ndaj shqiptarëve”, deklaroi ai.  Më tej Berisha i bën thirrje dhe ish-ministrit Koka që të tregojë. “Unë prapë i bëj thirrje Lefter Kokës: Lefter, katër vjet më parë, jo më kot je ftuar nga opozita që të bësh të pandehurin e drejtësisë. Të takon t’i bësh publike, të ngrihesh në lartësinë e guximit njerëzor dhe t’ua përplasësh në fytyrë këtyre hajdutëve që të keqpërdorën, që të kërcënuan, që të mashtruan. E di ti vetë, i di vetë të gjitha këto, mos më bëj t’i them haptas”, nënvizoi Berisha.

Deklarata e ish-ministrit Lefter Koka

Nga ana tjetër bëjmë me dije se teksa ndodhej në seancë gjyqësore në Apelin e GJKKO-së, Lefter Koka deklaroi pak ditë më parë se ai nuk ishte “Peshku i Madh” dhe nëse drejtësia do të zbulojë korrupsionin e vërtetë, mjafton të hapte telefonin e Kryemadhit. Madje Koka u bëri thirrje prokurorëve të hapin telefonin e Monika Kryemadhit duke lënë të kuptohet se aty do të gjejnë afera korruptive “Jam i pafajshëm, ju po kërkoni të më dënoni mua si peshkun e madh, por nuk jam unë peshku i madh. E di i gjithë Durrësi që unë jam biznesmen dhe nuk kam pasur nevojë të më paguaj biletat e udhëtimit Mirel Mërtiri. Nuk më dënoni dot për korrupsion. Avokatët e tij thanë që biletat e rezervuara janë 3 vjet më vonë sesa lidhja e kontratës. Prokurorët pse nuk marrin si referencë kontratat e tjera për landfille si ai i Vlorës dhe Lezhës që janë më të shtrenjta. E keni gabim dëgjova prokurorin sot, ky është fiks kallëzimi i bërë nga Monika Kryemadhi.

Megjithëse ka kaluar një vit konkluzionet e prokurorëve janë të njëjta. Unë e kuptoj që institucioni do të marrë kredibilitet dhe kjo gjykatë do të jetë në presion, por besoj se do të jepni drejtësi dhe do të ngriheni në nivelin e duhur. Pse e ndatë dosjen apo që të më dënoni sa më shumë mua. Nuk duhet te ishte ndare dosja por te hetoheshin bashke.  Ata që më kallëzuan janë sot në përballje me SPAK. Nese hapni telefonin e Monikës, nuk do gjeni asnje komunikim me mua në të. “Doni të gjeni korrupsionin, hapni telefonin e Monika Kryemadhit”, deklaroi ai në sallën e gjyqit. Ndër të tjera Koka ka akuzuar ish-presidentin Meta dhe bashkëshorten e tij si manipulatorë, madje kanë ndërhyrë për të larguar dhe një ambasador. “Ata janë manipulatorë si Monika si Iliri, ai manipuloi situatën për të hequr në departament edhe një ambasador se besuan Ilirin”, nënvizoi ish-ministri Koka.

Ilir Meta: Qeveria ka korruptuar Bashën! – Izolimi i Berishës për arsye politike. – PL uragan lirie

 

13 Prill 2024

Kryetari i Partisë së Lirisë Ilir Meta në një konferencë për mediat nga Korça deklaroi se qeverisja e Edi Ramës ka korruptuar Lulzim Bashën.

Meta tha se izolimi i Sali Berishës është bërë për arsye të pastra politike. Ndërsa, shtoi se PL është një uragan i vërtetë lirie.

“Partia e Lirisë është e gatshme të jetë një uragan për t’i dhenë tjetër ton opozitës. Po të ishte e dobët opozita, nuk e izolonin Berishën për qëllime politike.

Rama ka korruptuar Lulzim Bashën dhe ndërkombëtarët. PL do të japë mesazh të fuqishëm për të infiltruarit dhe të korruptuarit e Rilindjes”, u shpreh Meta.

HETIMI I KRYEMADHIT

Kryetari i Partisë Lirisë, Ilir Meta në një konferencë për mediat tha se hetimet e SPAK për pasurinë e Kryemadhit, nuk kanë interes për të.

“Kjo nuk përbën asnjë interes për mua. Ajo është një zonjë e mrekullueshme dhe gjithçka tjetër është politikë dhe asgjë tjetër. Nuk kam asnjë informacion. Sa herë kam qenë në SPAK, kam dalë para gazetarëve.

Sa herë të më ftojnë do u bëj dhe disa pyetje serioze prokurorëve. Kanë kërkuar dhe një mandat tjetër. Ua ka kërkuar Arben Ahmetaj ato 60 mln eurot ku janë, por nuk i gjejnë dot. Se kanë parë firmën e Veliajt.”, tha Meta.

PALESTRA

Ilir Meta, nga Korça u përgjigj edhe për faktin se i ka kushtuar së fundmi shumë kohë stërvitjeve.

Meta tha me humor se mesazhi është që rinia dhe shqiptarët në tërësi të bëjnë sport e të mos pijnë mall. Ai bëri thirrje që t’i kthehet vëmendja sportit.

Ndërsa, shtoi se ka ngjitur Majën e Korabit dhe të Jezercës e se dëshiron të ngjisë edhe malet e tjera të larta të Shqipërisë.

“Kam qenë sportist. Qëllimi është bëni sport, mos pini mall. Mesazhi është se pa djersitje nuk ka rritje. Maja e Çikës më kanë thënë se është më e bukura në botë.

Majën e Korabit dhe të Jezercës e kam ngjitur, pa asnjë diskutim që dua të ngjis malet e larta të vendit tonë. Sporti duhet të jetë prioritet edhe për Korçën”, deklaroi Meta.

Mesazhi i Ish Presidenti i Republikes, Ilir Meta per Mosbindjen Publike

 

Ish Presidenti i Republikes, Ilir Meta ka reaguar nga burgu 313 në lidhje me protestën e sotme të opozitës, ku u bllokuan disa akse kryesore në Shqipëri.

Me anë të një mesazhi në rrjetet sociale, Meta shprehu mirënjohje për të gjithë shqiptarët që morën pjesë dhe patën guximin që të ngriheshin.

Ilir Meta shkruan se përballja me narkoshtetin është pa kthim, ndërsa thekson se “nuk ka forcë në botë të ndalë Uraganin e Lirisë”.

“Falenderim dhe mirënjohje të përzemërt për qindra mijëra shqiptarë patriotë në mbarë vendin që u ngritën në këmbë me guxim dhe me ndjenjë të fortë patriotike e kombëtare, në përballje pa kthim me Narkoshtetin për të marrë në dorë fatet e Shqipërisë. Nuk ka forcë në botë të ndalë Uraganin e Lirisë”, shkruan Ilir Meta.

Edvin Kristaq Rama, akuza prokurorëve: – Me trupat e tyre mbrojnë dosje ulëritëse të evazionit fiskal

 

Në një takim me pensionistët në qytetin e Durrësit, kryeministri Edi Rama ngriti akuza të rënda ndaj Prokurorisë së Tiranës, duke thënë se po mbulohen dosje ulëritëse të evazionit fiskal ndaj bizneseve.

Rama tha se sipërmarrësit e kanë Prokurorinë në xhep, e cila sipas tij, i mbron nga referimi që ka bërë administrata për evazion fiskal ndaj tyre.

“Keni dëgjuar ndonjëherë që një sipërmarrës të merret i pandehur për evazion? Mendoni ju se administrata nuk i ka identifikuar disa prej tyre? I ka identifikuar dhe ia ka referuar edhe Prokurorisë së Tiranës, por janë mbuluar me trupat e prokurorëve dosje ulëritëse të evazionit fiskal, të cilët e kanë Prokurorinë në xhep sepse unë nuk gjej asnjë shpjegim tjetër.

Ligji e ruan rendin, por nëse ligji nuk vepron për këtë kategori si për të gjithë të tjerët, ne kemi një problem të madh. Prandaj është jo e lehtë, por ne do të vazhdojmë të bëjmë punën tonë. Për këtë, ne do të bëjmë digjitalizimin e transaksioneve, si dhe një tjetër mekanizëm që po e vëmë në funksion me inteligjencën artificiale”, u shpreh Rama.

Gati të plasë “bomba” në PS, pritet arrestimi i një ministri, ka dalë në përgjimet e “SKY ECC” dhe në dosjen e…

 

Gati të plasë “bomba” 

Nga: Elmas Bogdani

Prokuroria e Posaçme është në prag të arrestimit të një ministri të rëndësishëm të Partisë Socialiste, i cili dyshohet se është përfshirë në aktivitete të paligjshme të zbuluara përmes përgjimeve të platformës “SKY ECC” dhe dosjes së njohur “Toyota Yaris”. Burime të afërta me hetimet raportojnë se autoritetet belge dhe franceze kanë luajtur një rol të rëndësishëm në sigurimin e provave dhe të dhënave të përdorura nga SPAK për të zhvilluar këtë hetim të ndjeshëm. Ky bashkëpunim ndërkombëtar e ka forcuar më tej pozicionin e SPAK, duke e bërë të mundur zbardhjen e lidhjeve kriminale me politikën në Shqipëri. Mësohet se në faqen 7 të vendimit nr.87 të Gjykatës së Posaçme del se ministri i Ramës ka ndërhyrë në prokurori dhe në polici për të çliruar pasuritë e sekuestruara të një grupi kriminal në Elbasan.

Dosja “Toyota Yaris”

Në këtë mes është dhe çështja “Toyota Yaris”, e cila përfshin një operacion të zhvilluar nga policia në vitin 2018, ku në dy automjete të këtij tipi, që vinin nga Belgjika, u kapën rreth 3.4 milionë euro të fshehura në bagazh. Ky rast ngriti dyshime mbi rrjetet kriminale që operojnë brenda dhe jashtë Shqipërisë, dhe gjithashtu përfshiu edhe politikanë dhe figura të njohura të biznesit të cilët dyshohet se mund të kenë marrë pjesë në skemën e pastrimit të parave. Për këtë rast u bënë akuza politike të ndërsjellta, ku opozita e asaj kohe akuzoi zyrtarë të lartë të qeverisë për përfshirje në këto afera. Që nga ky rast, SPAK ka ndjekur një hetim intensiv dhe disa prova të reja kanë dalë në pah falë përfshirjes së SKY ECC, një platformë e koduar e përdorur shpesh nga grupe kriminale për të fshehur komunikimet e tyre.

“SKY ECC”, roli i Belgjikës dhe Francës

Platforma e komunikimit të koduar “SKY ECC” u dekriptua nga autoritetet ndërkombëtare në vitin 2021, duke zbuluar miliona mesazhe që përfshinin informacione të ndjeshme mbi veprimtaritë kriminale në mbarë botën. Këto të dhëna u bënë baza për një sërë hetimesh të rëndësishme, të cilat kanë rezultuar në arrestime të shumta dhe goditje të rrjeteve kriminale në vende të ndryshme. Belgjika dhe Franca, që ishin ndër vendet kryesore në zbardhjen e kësaj platforme, kanë ndihmuar gjithashtu autoritetet shqiptare duke ofruar provat e nevojshme për të zhvilluar hetimet ndaj individëve të përfshirë në afera kriminale. Nëpërmjet kësaj ndihme, SPAK ka siguruar qasje në mesazhet e koduara të përdoruesve që janë përfshirë në trafikimin e parave dhe aktivitete të tjera të paligjshme. Një pjesë e këtyre provave kanë ndihmuar për të ngritur akuza kundër disa zyrtarëve të lartë të qeverisë shqiptare, përfshirë ministrin që raportohet se dosja i është qepur dhe shumë shpejt pritet fletë-arresti.

Kujtojmë se SPAK po përgatitet të kryejë një seri arrestimesh të rëndësishme që përfshijnë figura të njohura të politikës dhe biznesit në Shqipëri. Këto arrestime shihen si pjesë e përpjekjeve për të përmbushur kërkesat e Bashkimit Evropian (BE) për ndëshkimin e korrupsionit dhe përforcimin e sundimit të ligjit, për të çuar më tej procesin e integrimit dhe hapjen e negociatave për anëtarësim. BE ka bërë të qartë se lufta kundër korrupsionit dhe krimit të organizuar është një ndër kushtet kyçe që Shqipëria duhet të plotësojë për të avancuar në procesin e integrimit. Raporte të ndryshme nga organizata ndërkombëtare kanë theksuar se korrupsioni në nivelet e larta të qeverisë mbetet një sfidë serioze, duke krijuar barriera në procesin e anëtarësimit. Për këtë arsye, BE dhe vendet anëtare kanë rritur presionin ndaj autoriteteve shqiptare për të marrë masa konkrete ndaj zyrtarëve që janë përfshirë në aktivitete kriminale ose që kanë keqpërdorur postet publike.

Fredi Beleri goditet me vezë e kos pasi del nga kryesia e Kuvendit

Fredi Beleri është pritur me fyerje dhe sulme teksa doli nga godina e Kryesisë së Kuvendit, si pjesë e delegacionit zyrtar të Parlamentit Evropian që ka ardhur në Tiranë. Incidenti ndodhi para Kryesisë së Kuvendit, ku një një qytetar pasi e ndoqi i hodhi kos dhe e goditi me vezë. Para hyrjes në Kryesi, qytetarë të ndryshëm kanë ofenduar eurodeputetin, i cili nuk ka pranuar tu përgjigjet as pyetjeve të gazetarëve të pranishëm, nëse është takuar me kryeministrin Rama apo jo.

Ndërkohë një grup aktivistësh kanë dalë me pankarta kundër Belerit duke shkruar se ai nuk përfaqëson Evropën.

Fredi Beleri pritet me protesta ne Tirane

Delegacioni i Parlamentit Evropian të Stabilizim-Asociimit BE-Shqipëri, ka nisur sot vizitën monitoruese në vendin tonë dhe do të qëndrojë deri më 31 Tetor. Ish-kryetari i bashkisë së Himarës, që nuk e mbajti asnjë ditë këtë detyrë, Fredi Beleri u zgjodh eurodeputet në zgjedhjet fundit të Parlamentit Evropian, teksa ishte në burg, i dënuar për blerje votash.

Protesta e opozitës jehonë në mediat ndërkombëtare, ja çfarë shkruajnë

 

29 Tetor 2024

Prej orës 17:00 opozita po proteston në kuadër të mosbindjes civile në 6 pika nevralgjike në të gjithë vendin.
Protesta e opozitës ka gjetur pasqyrim në mediat ndërkombëtare.

“Bllokadë civile, sot ose kurrë!” ishte motoja e protestës, shkruan Associated Press.

Në vijim, thuhet se në Tiranë, deputetët e opozitës parkuan makinat e tyre për të bllokuar trafikun për tre orë. Në vende të tjera, mbështetësit e opozitës organizuan protesta në anë të rrugës ose dogjën goma.

“Opozita shqiptare bllokoi të martën udhëkryqe në të gjithë vendin në një tubim mbarëkombëtar duke kërkuar që qeveria të zëvendësohet nga një kabinet kujdestar teknokratik përpara zgjedhjeve parlamentare të vitit të ardhshëm.

Ligjvënësit udhëhoqën qindra mbështetës të opozitës në mitingje në hyrjen kryesore të kryeqytetit, Tiranë, dhe në pesë udhëkryqe të tjera kryesore në të gjithë vendin për të bllokuar trafikun”, vijon artikulli, duke pasqyruar atë që ka ndodhur në Shqipëri.

Demokratët konservatorë të udhëhequr nga ish-kryeministri Sali Berisha kanë akuzuar prej kohësh socialistët e kryeministrit Edi Rama për korrupsion, manipulim të zgjedhjeve të mëparshme dhe uzurpim të pushteteve të gjyqësorit.

Policia paralajmëroi se pengimi i trafikut ishte një vepër penale që mund të dënohej deri në tre vjet burg.

Përmbytjet bëjnë kërdinë në Spanje, alarm i kuq në disa zona

 

Shiu i rrëmbyeshëm, përmbyti rrugët dhe qytetet sot në Spanjën juglindore, duke bërë që autoritetet në zonat më të goditura të këshillojnë njerëzit të mos dalin jashtë dhe të shmangin lëvizjet e panevojshme.

Agjencia spanjolle e motit AEMET dha alarmin e kuq për pjesën lindore të rajonit të Valencias dhe alarm të verdhë për pjesë të Andaluzisë në jug, ku një tren doli nga shinat për shkak të shiut të dendur, megjithëse askush nuk u lëndua.

Videot e publikuara tregojnë zjarrfikësit duke çliruar shoferët e bllokuar mes shiut të rrëmbyeshëm në qytetin e Althira, Valencia dhe makina të bllokuara në rrugët e përmbytura.

AEMET pret që Valencia të jetë qyteti më i goditur nga stuhia, teksa parashikohet më shumë se 90 mm shi në më pak se një orë ose 180 mm në më pak se 12 orë.

Shkollat, gjykatat dhe shërbimet e tjera thelbësore u pezulluan në Carlet dhe qytete të tjera pranë Valencias.
Stuhia goditi fillimisht Andaluzinë. Në El Ejido, një qytet mesdhetar i njohur për serat e tij, një stuhi breshëri shkatërroi qindra xhama makinash dhe përmbyti rrugë.

Agron Shehaj i drejtohet Spiropalit: – Keni lajthitur, harroni ju që, e dini që ju që jeni kryetare parlamente jo e maxhorancë

 

Deputeti i pavarur Agron Shehaj dhe kryeparlamentarja Elisa Spiropali u përplasën gjatë seancës plenare në Kuvend. Spiropali i kërkoi Shehajt të sqarojë arsyen e fjalës, ndërsa ai insistoi për procedurë.

Ndërhyrja e Spiropalit e tensionoi situatën, me Shehajn që e akuzoi për sjellje partizane. Ajo e quajti qëndrimin e tij “poza TikTok” dhe e cilësoi populizmin e tij si “banal”.

Debati:

Elisa Spiropali: Keni kërkuar fjalën për cilën arsye për replikë? Po ju pyes pse e keni kërkuar fjalën?

Agron Shehaj: Për procedurë

Elisa Spiropali: Për procedurë apo për replikë? Është për të njëjtën çështje

Agron Shehaj: Zonja kryetare, (I fikin mikfrofonin dhe flet i revoltuar nga vendi)

Elisa Spiropali: E keni marrë disa herë fjalën për procedurë për të njëjtën çështje

Agron Shehaj: Po bëheni qesharakë

Elisa Spiropali: Se kush është qesharak e gjykon publiku

Agron Shehaj: Atëherë edhe njëherë, nuk ju lejohet zonja kryetare që të keni..

Elisa Spiropali: Mos mu drejtoni mua flisni për procedurë

Agron Shehaj: Nuk caktoni ju se kujt i flas unë dhe për çfarë flas unë, Keni lajthitur, harroni ju që, e dini që ju që jeni kryetare parlamente jo e maxhorancës

Elisa Spiropali: E doni fjalën apo jo?

Agron Shehaj: Do më lejoni të flas Ju kujtoj që s’jeni kryetarja e maxhorancës, nuk mund të përjashtoni

Elisa Spiropali: Ju lutemi lini këto poza TikTok sepse nuk ngjit askund ky populizëm krejt banal. Nuk impresionohem nga këto poza. Jam kryetarja e Kuvendit dhe ju kam dhënë fjalën.