Pas lajmit të ndarjes që pushtoi mediat rozë gjatë ditës së sotme, është shtuar kurioziteti për të deshifruar më shumë se si po e përjeton këtë situatë, ish-çifti i njohur i showbiz. Përderisa asnjëri prej tyre nuk ka folur, mohuar apo pohuar ndarjen, me sa duket, fizikisht ata janë ndarë. Tuna e cila po kalon disa ditë pushimi nën shoqërinë e miqve e familjes në Turqi, ka postuar në IG një foto jo pak provokuese. Vetëm me të brendshme, këngëtarja e hiteve me zogun, shfaqet me një portret e krehje jo të rregullt. Nga ana tjetër, Cozman vetëm pak orë më parë, konfirmoi zërat se ishte nisur drejt familjes në Londër, duke postuar një foto nga mbërritja në aeroport. Me sa duket, të dy këngëtarët janë larg njëri-tjetrit, e po ashtu, nuk dihet kush po e vuan më shumë ndarjen.
Ajo nuk mund të ketë më Cozman në krah, por Tuna, ka atë që e bëri të famshëm: zogun! Si për të treguar se nuk po e vuan aspak ndarjen e përfolur në media me ish-partnerin e saj, këngëtarja ka shpërthyer duke postuar poza provokative, të realizuara gjatë pushimeve në Turqi. 30-vjeçarja shfaqet së fundi me dorën poshtë fustanit të zi, ndoshta duke ngacmuar zogun.
