Lojën me kufij, kryeministri i Kosovës zt.Ramush Haradinaj e quan eksperiment të rrezikshëm

Kryeministri i Kosovës zt.Ramush Haradinaj 

As kryeministri i Kosovës Ramush Haradinaj nuk e di se kur do të jetë për vizitë në Luginë.

Por , në atë që është i sigurt është se loja me kufij sipas tij, është eksperiment i rrezikshëm.

Kryetari i Kosovës zt.Hashim Thaçi 

Numri një i qeverisë nuk ka dashur të lëshohet në deklarata rreth rezolutës që një ditë më herët liderët e Luginës ia dorëzuan presidentit e që shpejtë pritet të jetë në Kuvend, përmes së cilës kërkojnë mbështetje institucionale për bashkim me Kosovën.

Prof.Dr.Avdullah Hoti,shef i deputetëve të LDK-së

Ai thotë se kur hapen kufijtë, askush nuk e di se kur mbyllen dhe pas çfarë tragjedive e në të mirën e kujt mbyllen ata. Edhe qëndrimi i LDK-së për këtë temë vazhdon të jetë i njëjtë.




Shefi i deputetëve të LDK-së, Avdullah Hoti, ka thënë se do të ishte kundërkushtetuese që Kuvendit t’i prezantohej një rezolutë e tillë.

Hoti ka treguar se kryetari i LDK-së Isa Mustafa ka takuar një ditë më herët disa nga përfaqësuesit e Luginës duke ia bërë të qartë qëndrimin e LDK-së. Hoti thotë t’i vjen keq që përfaqësuesit e shqiptarëve të Luginës janë instrumentalizuar nga presidenti Thaçi.