Kukësi, “qyteti fantazmë” ku të rinjtë dynden për të punuar në Angli
Me qindra të rinj që largohen për të punuar në Angli , një komunitet shqiptar është kthyer në një “qytet fantazmë”, shkruan në një reportazh Daily Express dhe https://boldnews.al/ për Kukësin.
Ramizi, i cili pësoi goditje në tru
Sadije Cenaj, banore e një fshati aty pranë
Artikulli i plotë:
Ramizi, i cili pësoi goditje në tru, qau në kujtimin e djalit të tij që u largua nga qyteti i Kukësit për të punuar në Londër me qëllim për ta ndihmuar.
Duke u dridhur mes të qarash, ai tha për Daily Express:
“I gjithë brezi i ri i Kukësit po shkon në Londër. Ata thonë se është e vend i shkëlqyer për të bërë para.”
Ai shqetësohet për djalin e tij, i cili kaloi tre muaj në burgun e emigracionit dhe, kur u lirua, përfundoi duke larë makina.
Ramizit i dërgojnë para, por nuk janë shumë, në fakt janë shumë larg pasurisë që reklamojnë ata që janë kthyer nga Britania e Madhe. Shumica e makinave që qarkullojnë në rrugën kryesore të Kukësit janë Mercedes të rinj, të shtrenjtë dhe BMW me targa britanike.
Gjallica
Që nga viti 1990, popullsia e zonës është pothuajse përgjysmuar për shkak të migrimit.
Osmani, një tjetër banor, tha: “Është gjëja më e keqe që mund të ndodhë. Kur i gjithë brezi i ri shkon jashtë shtetit. Si mund të mbijetojmë dhe të jetojmë këtu? Nuk e di si do t’ia dalin njerëz si ne, ne jemi të vjetër.”
Osmani ka dy fëmijë në Britaninë e Madhe, një vajzë në Cardiff dhe një djalë në Londër.
“80% e familjeve kanë të paktën një fëmijë në Angli”, tha ai.
Osmani beson se realitetet e jetës në Angli nuk përputhen me mitet që po shesin të rinjtë në Shqipërinë rurale.
Pavarësisht se ka kaluar shumë kohë në Angli, djali i tij mezi ka qenë në gjendje të përmirësojë jetën e babait të tij.
“Djali im u përpoq të më ndihmonte dhe më dërgoi disa para xhepi, por jo shumë siç thonë mediat.”
