Posts

Showing posts from March, 2016

PSP komenton për rastin “Monstra”

Image
Prokuroria Speciale Zëdhënësja e Prokurorisë Speciale, Lençe Ristevska, në konferencën e sotme për shtyp, për pyetjen e Portalbit, se çfarë po bëhet me rastin “Monstra”, njoftoi se janë duke i dëgjuar hetimet dhe se ende nuk ka diçka të re, raporton Portalb.mk. “Nuk ka ende diçka të re, jemi duke i dëgjuar hetimet”, tha Ristevska. Më 12 shkurt, Prokuroria Speciale në krye me Katica Janevën ka deklaruar se është e njohur me rastin “Monstra”. Këtë e ka konfirmuar zëdhënësja e Janevës, Lençe Ristevska në pyetjen e Portalbit se kur ky rast do të hetohet nga Prokuroria Speciale, njofton Portalb.mk. “Edhe pse nga mbrojtja kanë parashtruar kërkesë që të merret në duar tona rasti “Monstra”, ne ende nuk kemi kërkuar nga Prokuroria për ti marrë materialet e kësaj lënde dhe më tej të ndërtojmë qëndrimin tonë për këtë lëndë.” tha Ristevska. Në pyetjen e Portalb, se a është e vërtetë pohimi i avokatit se Prokuroria Speciale është mirë e njohur me rastin “Monstra”, ndihmësja e Janevës, Lençe Riste…

Mijallkov dhe 6 të punësuar në MPB, të dyshuarit e rastit “Tortura”

Image
“Tortura” është lënda më e re e Prokurorisë Speciale, njoftoi në konferencë për shtyp prokurorja speciale, Katica Janeva, raporton Portalb.mk. “Tortura” ka të bëj me arrestimin e kryetarit e partisë, “Të Bashkuar për Maqedoninë”, Lube Boshkovski, gjegjësisht për mënyrën e arrestimit të tij, që sipas Prokurorisë Speciale, ish-drejtori i DSK-së ka urdhëruar njësitin special “Alfa” që gjatë aktit të arrestimit të përdorë dhunë fizike dhe psiqike. Ashtu siç njoftoi prokurorja ndihmëse e Janevës, Fatime Fetai, përfaqësuesit e njësitit special “Alfa” gjatë arrestimit, Boshkovskin e kanë sharë dhe i kanë shkaktuar dhimbje shpirtërore. “Njësiti ka përdor dhunë fizike dhe psiqike ndaj Lube Boshkovskit, si dhe njëkohësisht ndaj personit në fjalë janë përdorur edhe fjalë të pista, gjegjësisht e kanë sharë”, tha prokurorja speciale, Fatime Fetai Në bazë të dëshmive për shkelje të të drejtave të njeriut, PSP ka ngritur procedurë hetimore për 7 persona, në mesin e të cilëve është edhe ish drejtori…

Ja me nga sa vjet burg mund të dënohen Jankulloska dhe katër të dyshuarit e rastit “Fortesa”

Image
Prokurorja speciale, Katica Janeva, sot e hapi lëndën më të re “Fortesa”, që ka të bëjë me përgjimet e paautorizuara dhe të paligjshme, raporton Portalb. “Bëhet fjalë për rast të komplikuar. Në këtë lëndë të janë pesë persona të dyshuar, dy kryeshefa në DSK dhe ish ministrja e MPB-së, Gordana Jankullovska që në gjysmën e parë të viti të 2015 duke i tejkaluar kompetencat zyrtare, të ndihmuar nga një ish shef, i kanë shkatërruar mjetet për përgjime që njëkohësisht kanë i kanë shkaktuar dëm shtetit dhe buxhetit të R.M.-së 10 milionë euro. Pajisja është dërguar në depo ku është shkatërruar dhe mbikëqyrur. Prej atje, copat janë dërguar në depo tjetër dhe janë shkatërruar për herë të dytë, dhe më pas janë kthyer në depo të dytë.”, tha zëdhënësja e PSP-së, Lençe Ristoska. Në vitin 2015, pas vendimit të Gjykatës Themelore i dyshuari i parë, me qëllim që t’i mbulojë veprat e personave tjerë ka dhënë urdhër gojor që të shkatërrohen mjetet dhe sistemet me të cilat është bërë përgjimi, raporton P…

Rasti “Fortesa”, Jankulloska dhe katër persona, të dyshuar për shkatërrim të mjeteve për përgjim

Image
Katica Janeva Prokurorja speciale, Katica Janeva, sot e hapi lëndën më të re “Fortesa”, që ka të bëjë me përgjimet e paautorizuara dhe të paligjshme, raporton Portalb. Janeva gjithashtu ka njoftuar se po merren me shumë procedura parahetimore edhe në lëndën konkrete; kush dhe si ka përgjuar në Republikën e Maqedonisë nga 2008-2015. “Për çfarëdo pyetje mund të na drejtoheni edhe nëpërmes e-mailit tonë zyrtarë dhe do të ju përgjigjemi kur të gjejmë kohë, sepse jemi të angazhuar në punën tonë primare, e ajo është vërtetojmë se kush çfarë krimi ka bërë, në raport me përgjimet e paautorizuar në Republikën e Maqedonisë.”, ka sqaruar prokurorja speciale Janeva. Në vitin 2015, pas vendimit të Gjykatës Themelore i dyshuari i parë, me qëllim që t’i mbulojë veprat e personave tjerë ka dhënë urdhër gojor që të shkatërrohen mjetet dhe sistemet me të cilat është bërë përgjimi. Zëdhënësja e Prokurorisë Speciale, Lençe Ristoska me anë të një grafikoni e elaboroi rastin në detaje se si ka ardhur deri…

Materialet me përgjimet nga DSK u nxorën me furgon të verdhë?

Image
Prokuroria Speciale dje e hapi rastin më të ri nën emrin e koduar “Fortesa” që ka të bëjë me shkatërrimin dhe asgjësimin e mjeteve dhe dy sistemeve me të cilën është kryer përgjimi nga Drejtoria për Siguri dhe Kundërzbulim që sipas PSP-së shtetit dhe buxhetit i kanë shkaktuar dëm rreth 10 milionë euro. Sipas PSP-së, për këtë të fundit janë të akuzuar 5 persona, në mesin e të cilëve, ish ministrja e MPB-së Gordana Jankulloska dhe kryeshefi në DSK Goran Grujoski të cilit Gjykata mbrëmë  i shqiptoi masë paraburgimi prej 30 ditëve, raporton Portalb. Çfarë ka ndodhur para DSK-së më 28 mars 2015?  Në datën kur janë ngarkuar materialet 28 mars 2015, sipas dëshmive të PSP-së, me të cilat janë kryer përgjimet, redaksia ePlusinfo, publikoi shkrimin me titullin “MISTER Çfarë po ngarkohet në një furgon të verdhë nga zyra e DSK-së?”, transmeton Portalb. Tekst i plotë dhe origjinal i Plusinfo-s, në mëngjesin e 28 marsit – e shtunë: “E jashtëzakonshme për mëngjesin e të shtunës, para zyrës së Drejtor…

Rasti “Fortesa”, ja si u shkatërruan pajisjet për përgjim

Image
Prokuroria Speciale, Lençe Ristoska dhe Katica Janeva Në rastin më të ri që sot e hapi Prokuroria Speciale me emrin “Fortesa”, tregohet se i dyshuari i parë, kryeshef në DSK, Goran Grujovski, ka dhënë urdhër me gojë deri te udhëheqësit e tjerë me qëllim që të tregohet se ekziston nevojë për shkatërrim dhe asgjësim të të dhënave dhe pajisjeve për përgjim për shkak të vjetërsimit teknik, ndërkaq i ndihmuar nga ish ministrja Gordana Jankulloska dhe 3 të dyshuar tjerë, ka arritur t’i asgjësojë pajisjet që sipas PSP-së, i ka shkaktuar dëm shtetit dhe buxhetit të RM-së përafërsisht 10 milionë euro, raporton Portalb.mk. Siç sqaruan sot nga PSP, qëllimi i tyre ka qenë që t’i mbulojnë të gjithë personat që kanë përgjuar në mënyrë të paligjshme. Zëdhënësja e Prokurorisë Speciale, Lençe Ristoska me anë të një grafikoni e elaboroi rastin në detaje se si ka ardhur deri te shkatërrimi i mjeteve për përgjim dhe dy sistemeve më të cilat është përgjuar. Deklarata e plotë e Lençe Ristoskas që e tha sot: …

“Fortesa”, bëhet arrestimi i parë me kërkesë të Katica Janevës

Image
Me kërkesë të Prokurorisë Speciale Gjykata Themelore Shkupi 1 i ka shqiptuar 30 ditë paraburgim Drejtorit të njësisë së pestë pranë DSK-së, Goran Grujovski.

Marrja në pyetje e Grujovskit ka zgjatur rreth nëntë orë.
Ndërsa, për katër personat e tjerë ndër të cilët është edhe ish ministrja e Brendshme, Gordana Jankullovska, janë marrë masa tjera sigurie, ku u janë marrë dokumentat e udhëtimit dhe ndalimi i udhëtimit jashtë shtetit.

Ambasadori i SHBA-së në Maqedoni, Xhes Bejli: Të gjitha materialet e përgjuara t’i dorëzohen PSP-së

Image
Ambasadori i SHBA-së në Maqedoni, Xhes Bejli e ka shfrytëzuar “Twiter” për t’i komentuar ndodhitë e fundit. Në disa postime në Twitter, Bejli ka porositur që të gjithë ata që i kanë bisedat e përgjuara t’ia dorëzojnë Prokurorisë Speciale.Ai gjithashtu shtoi se mënyra më e mirë për t’u parandaluar përgjimet është që të plotësohet ligji për privatësi sipas Konventës së Venedikut.

Musa Xhaferi flet për bisedat e shpërndara në rrjetet sociale

Image
Zëvendëskryeministri i Maqedonisë, Musa Xhaferi ka përgënjeshtruar fuqishëm zërat se ai do të largohet nga posti i zëvendëskryeministrit, informon “Zhurnal“.
“Nuk është e vërtetë, ato janë spekulime mediatike. Unë mbetem në postin e zëvendëskryeministrit, ndërsa lajmet e fundit janë spekulime të cilët ju kontribojnë qarqeve të caktuara”, ka deklaruar Xhaferi. Ai ka folur edhe për audio­incizimet e fundit që u publikuan në rrjetet sociale në Maqedoni. Sipas tij këto janë shantazhe dhe kërcënime nga qarqe të caktuara antishqiptare. “Audio­incizimet janë të pavërteta dhe janë të inskenuara nga njerëz të cilët shantazhojnë funksionarët e BDI­së”, ka deklaruar ai duke shtuar se BDI­ja ka ngritë iniciativë në prokurori që të zbardhë të vërtetën për materialet komprometuese.

Ermira Mehmeti flet për bisedat e shpërndara në rrjetet sociale

Image
Ermira Mehmeti, politikania më e diskutuar këtë javë, për shkak të shpërndarjes në rrjetet sociale dhe në disa prej portaleve, të një regjistrimi telefonik, që sipas shpërndarësve, thuhet të jetë mes saj dhe zv.kryeministrit të Maqedonisë, Musa Xhaferi, ka reaguar në një deklaratë për portalin “Dritare.net”. “Nuk e kam bërë unë këtë telefonatë. Është pa sens. Është montazh, -thotë Ermira Mehmeti, për dritare.net. Por e zbulova, kush e ka bërë, cili apo cila fshihet pas saj, kush e ka montuar dhe e denoncova ne Prokurori, ne Shkup, këtë të hënë. Tani do më duhet të mendoj me kujdes çdo hap, ndërsa po pres nga prokuroria ta hetoje dhe të zbulojë arsyet e vërteta që fshihen pas këtij skandali.” Mehmeti, tregon se ky montazh ka dalë në media, për herë të parë mes të shtunës dhe të dielës, së javës së shkuar, por ajo është ne dijeni të tij, prej janarit 2016, kohë kur kane nisur kërcënimet për të, kërcënime qe ajo i ka denoncuar të gjitha, në Prokurori. Kërcënimet ishin të njerëzve të nën…

Me ndihmën e institucioneve ju kanë vjedhur pronë prej 1 milion euro!?

Image
Vëllai dhe motra Grana Bogdanovska  dhe Jovica Stoilkovski nga Kumanova janë gëzuar para 16 vitesh kur kanë kuptuar se janë trashëgimtarët të pronës së gjyshit në vlerë me një milionë euro.  Por kur kanë nisur procesin e denacionalizimit të pronës, kanë kuptuar se dikush që ka lidhje në Gjykatë por edhe në Komisionin për denacionalizim i ka shfrytëzuar dokumentet e tyre dhe e ka grabitur pronën. Prej këtu nis beteja për trashëgimtarët me institucionet qeveritare, të cilat në vend që t’i mbrojnë ato, i kanë mundësuar palës tjetër të shit pronën, që deri tani është ri-shitur disa herë me qëllim që të ndërlikon rastin dhe ta bën drejtësinë e paarritshme. Në daljen e Kumanovës kah Sveti Nikolle gjendet  zona industriale, ku janë vendosur dhjetëra kompani, uzina, depo, magazina .. Vërehet se industria në periferi të Kumanovës është në rritje të dukshme dhe se çmimi i tokës për metër katror vazhdimisht rritet. Nëse para 10 vitesh pronarët e tokës e kanë shitur për 10 deri 20 euro blerësve t…

Biznesi dhe politika në media: A janë të mundshme reformat?

Image
Kur në pranverën e vitit 1996 doli numri i parë i gazetës së përditshme së pavarur “Dnevnik”, pushteti i atëhershëm ishte i vetëdijshëm se vjen koha e mediave të cilat nuk do të mund t’i ketë nën kontroll. Gazeta e përditshme “Dnevnik”, e më vonë edhe televizioni privat “A1” shumë shpejt u bënë media me ndikim, duke ndërmarrë fuqinë për të krijuar opinionin publik nga mediat e atëhershme, të cilat ishin në pronësi të shtetit – gazetat “Nova Makedonija”, “Veçer”, “Flaka” dhe Radio-televizioni i Maqedonisë (RTVM). Përforcimi i pozicionit të mediave të pavarura private shkaktoi një falimentim të plotë të mediave, të cilat disa dekada me radhë ishin të themeluara dhe të kontrolluara nga shteti. Prandaj, shteti vendosi t’i shesë gazetat që ishin në pronësi të tij, ndërsa RTVM-në ta transformojë nga një shërbim shtetëror në një shërbim publik. Pa ndryshime rrënjësore në sistemin politik, shumë pak mund të ndryshojë në sferën e mediave. Propozimet e ndërmjetësuesit Vanhoutte janë të pranues…