Shkruan Flori Bruqi(Floripress) dhe Maela Marini(ATA)
TIRANË, 1 tetor/ATSH/
Faik Ahmet Xhani lindi me 01.06.1948 në fshatin Lis, sot Bashkia Mat në një familje autoktone me tradita bujarie e atdhetarie.
Gjyshi i tij Dalip Xhani u përndjek nga pushtuesi austriak, prandaj doli komit. Gjatë një nate u rrethua, u hodh nga kati i dytw, çau rrethimin, shpëtoi, por mbeti korrizo për tërë jetën.
Gjatë Luftës Nacionalçlirimtare babai i tij Ahmeti dhe xhaxhallarët e tij Isuf e Nuredin Xhani u radhitën në radhët partizane dha aktualisht mbajnë statusin e Veteranit.
Faiku, që në moshën 6 vjeç mbeti jetim pa baba, por u rrit si më mirë nën kujdesin e gjyshërve, xhaxhallarëve dhe dajës Isuf Meta.
Mësimet deri në moshën 7-vjeçare i mbaroi shkelqyeshëm në vendlindje.
Në vitin 1966 mbaroi shkollën "8 Nëntori" në Peshkopi.
Më vonë përfundoi Universitetin "Luigj Gurakuqi", fakulteti
Histori-gjeografi dhe kreu disa trajnime për pushtetin vendor.
Punoi 10 vjet mësues në disa shkolla të Matit, ku për rezultate të larta në lëndët dhe klasat e tij u nderua me medaljen "Naim Frashëri".
Për 7 vjet punoi instruktor për pionierët dhe rininë shkollore në Komitetin e Rinisë Mat. Gjatë asaj kohe u aktivizua edhe me ekipet e kontrollit të KQ tëw BRPSH.
Nga viti 1983-1988 punoi mësues në dispozicion të seksionit Arsimit Mat, ku kryesisht u muar me projektet e stdimit dhe kualifikim-atestimit të mësuesve. Gjatë kësaj periudhe u aktivizua edhe me ekipet e kontrolleve të Ministrisë së Arsimit në disa rrethe të vendit .
Nga shtatori i vitit 1988-31 dhjetor 1996 punoi si inspektor i Kom. EKZ. dhe specialist i Këshillit të Rrethit Mat.
Më 23 janar 1997 transferohet me banim në njësinë nr.9 të qytetit të Tiranës.
Gjatë kësaj periudhe punoi me kohë të pjesëshme inspektor i Tregtimit të Librit Shkollor, në IFB, në subjekte private dhe në qershorin e 2013-ës doli në pension.
Pas vitit 1990 Faik Xhani punoi pëwr themelimin dhe drejtimin e disa shoqatave jofitimprurëse si: sekretar tek shoqata e "Jetimave" Mat, "Për Ardhmerinë Shqiptare" sekretar, drejtor për marrdhëniet me vendet Aziatike tek "Sofra Shqiptare", sekretar tek "Martirët e Policisë së Shtetit" etj.
Aktualisht është kryetar i Shoqatës "Bashkimi i Përgjithshëm Vijues i Pensionistëve të Shqipwrisë" dhe kryeredaktor i gazetws "Zëri i tëmoshuarve".
Gjatë periudhws 1990-2023 Faik Xhani ka realizuar disa projekte si:
Tre projekte të BE me vlerë 23 mijë euro dhe 500000 lekë 2918-2023.
Projektin me Komitetin e Botës Islame, Oman, Katar, Arabia Saudite dhe Egjypt për trajtimin e jetimave të Matit të moshës 01-18 vjeç me pension si dhe furnizimin me veshmbathje dhe ushqime.
(Viti 1990-1996).
Sigurimin e furnizimit me ushqime e veshëmbathje e gjithë komunave të Matit me shoqatën Angleze "Ushqeni Fëmijët" si dhe blerje te sendeve të ndryshme sipas nevojave të komuniteteve në vlerën 115.000 dollarëve.
Faik Xhani është autor e bashkëautor i 15 librave, redaktor i dhjetrave prej tyre, recenzent i 70 librave tw autorëve të ndryshëm, i qindra artikujve në medien e shkruar shqiptare e të huaj dhe pjesëmarrës i disa veprimtarive kombëtare e rajonale.
Për kontributin e dhënë mban titujt e lartë të vlerësimit:
"Nderi i Komunës Lis", i "Organizatës së Veteranëve të LANCC-it", i Shiqatëws "Bashkimit të Përgjithshëm të Pensionistëve të Shqipërisë", Qendrës Kulturore, Artistike, Sportive "Nënë Tereza" dhe nga 1 tetori 2020 titullin e lartë "Mjeshtër i Madh".
“Mjeshtër i Madh” për Faik Xhanin/ Kontribut në ndihmë të fëmijëve jetimë dhe moshës së tretë
TIRANË, 1 tetor/ATSH/ Në vlerësim të përkushtimit dhe kontributit të veçantë në ndihmë të pensionistëve, si edhe në kuadër të Ditës Botërore të të Moshuarve, presidenti Ilir Meta nderoi sot kryetarin e shoqatës “Bashkimi i Përgjithshëm i Pensionistëve të Shqipërisë”, Faik Xhani me Titullin e lartë “Mjeshtër i Madh”.
“Xhani është dalluar gjatë gjithë jetës së tij si veprimtar aktiv shoqëror, duke kryer me devotshmëri edhe detyra të ndryshme si nismëtar e kontribues për themelimin dhe funksionimin e disa shoqatave jofitimprurëse, që kanë ndihmuar fëmijët jetim, moshën e tretë dhe familjet në nevojë”, tha Meta.
Presidenti përsëriti thirrjen drejtuar të gjitha institucioneve shtetërore, veçanërisht atyre të kujdesit shëndetësor, që të punojnë fort për përmirësimin e mirëqenies së të moshuarve.(Agjencia Telegrafike Shqiptre-ATA)
Flori Bruqi
