RRËFIMI I SVETLLANA ALEKSEJEVIÇIT

Aleksievic po ashtu është vlerësuar me çmimet maksimale në Evropë Kurt Tucholsky Prize, “Andrei Sinyavsky Prize”, Leipzig Prize For the European Mutual Understanding 1998, “Herder Prize”


Për shkak të grindjeve me Llukashenkon Svetllana Aleksejeviç i është dashur të jetojë jashtë Bjellorusisë. Librat e saj janë të ndaluar në atdhe. Biseda është realizuar për lexuesin shqiptar në dhjetor 2011 në qytetin polak të kulturës, Wroclaw
Svetllana Aleksejeviç (Svetlana Alexievich) është shkolluar për gazetari në Minsk dhe e bëri këtë zanat praktikë jete. Sa për të sotmen, ajo ka vrapuar dje. Pesë librat e saj janë ngjizur në vitet e punës intensive në terren. Në Evropën Qendrore që është shtëpia e saj qyshse mërgoi si opozitare e regjimit të Llukashenkos, Svetllanën e vlerësojnë për dinjitetin njerëzor të shkrimeve të saj. Gjuhë pas gjuhe po zbulohen librat e saj të shkruar me një stil unik. Ajo quhet autore e një zhanri që vjen nga vendet e saj, Bjellorusi-Rusi: prozë e korit, roman i zërave. Librat e saj quhen në kopertinë thjesht reportazhe por metoda dhe natyra e shkrimit është më shumë se kaq. Nga dhjetëra qindra intervista me dëshmitarë Aleksejeviç rindërton njw rrymë historish të vogla që i fsheh perdja e teatrit të historisë, shifrat e saj. Kështu që vetvetiu Aleksejeviç shkruan jo konform të njohurës dhe të pranuarës zyrtarisht, prozën epike shumëzërëshe.
Me librin Fytyra jofemërore e luftës Svetllana është fituese e Angelus Çmimi për Letërsinë e Evropës Qendrore (çmimi më i rëndësishëm në fushën e prozës të përkthyer në gjuhën polake) që jepet çdo fillim dhjetori në qytetin e shumë etnive Wroclaw, në jugperëndim të Polonisë. Ndër shtatë finalistët kandidatë për çmimin 37 mijë euro, Ismail Kadare konkurronte me Qorrfermanin (i sjellë në gjuhën polake nga Dorota Horodyska si një triptik i tri romaneve të shkurtër otomanë).
Svetllana Aleksejeviç tregon për lexuesin shqiptar për Fytyra jofemërore e luftës (sërish në Poloni këtë vit, ajo mori Çmimin për Reportazhin që mban emrin e gazetarit Riçard Kapushinski).
Bashkimi Sovjetik humbi 27 milionë njerëz në Luftën e Dytë. Gra në front në Ushtrinë Sovjetike ishin rreth 1 milion. Gati 100 mijë u vranë. Këto gra mbrojtën atdheun e tyre jo Stalinin i cili i ka ofruar botës versionin e tij të luftës, thotë Svetllana Aleksejeviç. E vërteta vjen përmes vuajtjes së këtyre grave. Në shkollat sovjetike askush nuk na mësoi për të jetuar, na mësuan se si vdiset për atdheun.
Fytyra jofemërore e luftës janë rrëfime për ndjenjat bazë të njeriut në rrethana të pazakonta. Me fjalë të tjera të autores bjelloruse: Njeriu është një kafshë që nuk është projektuar për ngarkesa të tilla.

Intervista

Zonja Aleksejeviç, me këtë çmim që ju dhanë polakët, ata aprovojnë kredon tuaj që më mirë ta ndjekësh realitetin se sa ta krijosh atë.

Ky interes nuk është vetëm për polakët. Unë kam shkruar vetëm pesë libra që janë përkthyer në rreth 30 vende. Kjo tregon që njerëzit kanë interes për letërsinë dokumentare. Realiteti dhe koha kalojnë shumë shpejt, bota ndryshon po aq shpejt dhe shkrimtarët nuk kanë aq shumë kohë për të krijuar, për ta rikrijuar realitetin.
Libri Një lutje për Çernobilin më mori 10 vjet. Imagjinojeni: sikur ta shkruaja për më gjatë, do të ishte krejt tjetër libër dhe të tjerë ata për të cilët unë shkruaj. Kurse Fytyra jofemërore e luftës është shkruar gati 40 vjet të shkuara, kur koha rridhte më ngadalë. Mendoj se dëshmitarët janë të vetmit njerëz që mund ta tregojnë në kohë historinë. Prandaj njerëzit më besojnë.

Si u bë temë qendrore lufta sipas grave?

Unë kam lindur më 1948. Kam banuar për një kohë në fshat. Prindërit e mi ishin mësues. Më kujtohen tregimet nga fëminia për luftën partizane. Një në katër bjellorusë u dogj i gjallë ose u vra nga gjermanët. Në fshatin tonë këto histori i tregonin femrat. Në Bjellorusi, rreth 60 mijë gra luftuan në divizionet partizane. Ajo që dëgjoja dhe kujtoja nga tregimet në fshat ishte krejtësisht tjetër gjë nga çfarë na mësohej në shkolla për guximin, trimërinë, luftën heroike. Lufta më ka tërhequr shumë pikërisht për ato që dëgjoja nga dëshmitaret e mia. Prandaj doja ta përshkruaja luftën me sytë e tyre.

Atëherë, përse jofemërore?

Lufta gjithmonë ka pasur fytyrën e burrave. Unë mundohem të shpjegoj në këtë libër që, edhe si biosistem trupi i femrës nuk është krijuar për luftë, në ndërtimin biologjik të saj nuk është lufta por lindja. Për shembull: një grua e ka shumë të vështirë të ngrejë 50 kilogramë armatime e sende të nevojshme lufte; është e vështirë për një infermiere në luftë që të tërheqë një burrë të plagosur njëqindkilësh. Është e vështirë të imagjinosh gruan në këto raste dhe në kushtet e mungesës së mjeteve për higjienë personale, që nga pambuku për menstruacione, te gjimbajtëset. Edhe flokët më mirë ishin zero. Gjithçka në veshje ishte burrash. Këto ofronte ushtria.

Botimi i një libri kur dëshmitarët janë gjallë, ju ka kushtëzuar?

Kjo ka qenë një nga vështirësitë e botimit. Këto gra të popujve të ndryshëm nga Bashkimi Sovjetik më treguan hapur të vërtetën. Por ato mendonin që në libër unë do ti përfaqësoja si heroina. Për to unë isha si vajza e tyre që do ti mbaja gjallë në kujtime. Reagimi ishte i ashpër: “Ti nuk di si shkruhet për luftën!” më thanë. Gratë kanë pasur probleme me bashkëshortët. Shpeshherë kur shkoja në një shtëpi, burrat iu thoshin: “Shko ti në kuzhinë, do të flas unë se çishte lufta!”

Çndodhi me kthimin e gruas ushtare në shtëpi?

Filloi lufta e tretë. Prostitutë! Çfarë ke bërë atje në front? Ky nam i ndoqi. Femrat ishin të rëndësishme kur rusët dështonin në afërsi të Moskës. Iu duheshin infermiere, luftëtare, sepse Stalini asgjësoi kryesinë ushtarake. Pastaj, gratë ishin të nevojshme në emër të emancipimit, të barazisë, ushtare në mbrojtje të atdheut. Ndryshe nga burrat, femra nuk mund të kapej rob dhe as të burgosej. E megjithatë, në rast se binte në duart e armikut që kishte gjasë për ta turpëruar një femër, ajo gjithmonë ka pasur në armën e saj një plumb për veten.
Pas luftës burrat i braktisën, sepse ato nuk dinin të mbanin taka, të visheshin me sqimë, të ishin elegante, femërore si gratë që nuk kishin qenë në luftë.

Sa gra intervistuat?

Për çdo libër unë punoj 7-10 vjet. Kam udhëtuar në njëqind fshatra, katunde, qytete, republika, ku kam mbledhur rreth gjashtëqind rrëfime, nga të cilat kam zgjedhur dyqind, ato më të fortat, sepse jo të gjitha rrëfejnë bukur, me emocione.

Mbi çfarë metode punuat?

Me regjistrim, sepse kështu ridëgjoj të folurën, të vërtetën. E shkruara e humbet emocionin. Me këtë metodë kam shkruar 5 librat që unë i quaj libra zërash.
Përmend këtu edhe një libër për Njeriun e kuq. Heronjtë e këtij libri janë njerëz që tregojnë për periudhën e civilizimit gjatë komunizmit.

Çfarë është Njeriu i Kuq?

Është njeriu sovjetik i përpunuar në laboratorin e marksizëm-leninizmit, i cili ka menduar që mund të krijonte një parajsë në tokë, por këtë tokë e kthyer në një banjë gjaku. Ky është homo-socialisticus apo homo-sovieticus. Edhe ju keni përvojën tuaj në këtë drejtim dhe mund ta kuptoni shumë mirë si kemi jetuar dhe përse tani tek ne jeta nuk është normale.
Për njeriun e kuq kam intervistuar njerëz të cilët kanë menduar për vetëvrasje sepse ata nuk arrijnë ta mendojnë si mund të jetohet pa socializëm.

Në Shqipëri kemi të botuar nga zonat post-sovjetike vetëm një libër të Ana Politkovskajës. Ndoshta libri juaj mund të shohë dritën e botimit.

Mendoj se kjo përvojë do të ishte e nevojshme për Shqipërinë, sidomos ky libër për fundin e njeriut të kuq. Përvojat tona janë të ngjashme.

Është e vështirë të jetosh në Bjellorusi si intelektual në opozitë?

Për shkak të grindjeve me Llukashenkon unë duhet të jetoj jashtë Bjellorusisë. Aktualisht jetoj në Gjermani. Do të doja të kthehesha në Bjellorusi, por nuk e di. Klima është e rëndë, njerëzit burgosen. Librat e mi nuk botohen në Bjellorusi, botohen në gjuhën ruse dhe vijnë nga Rusia, nuk ka asnjë intervistë timen në Radio e TV. Shkurt, jam e ndaluar në vendin tim.

Svetllana është rritur në një fshat të vogël, nga prindër mësues, ka dëgjuar shumë histori nga njerëzit, por çfarë e mpreh vështrimin që sheh botën të zhveshur nga mitet?
Unë i përkas një brezi tjetër që u lind në vitet e para të pasluftës. Kam punuar shumë me vetveten për të qenë ndryshe, për të parë ndryshe. Kjo është zgjedhja ime.

Si e fitoni besimin te njerëzit?

Ti duhet të bisedosh me njeriun si me një mik. Unë shkoj te dëshmitarët e mi si njeri i cili do të kuptojë diçka. Për të dëgjuar diçka të re, duhet të pyesësh në mënyrë të re. Unë nuk koleksionoj tmerre, por ato ndjenja që e mbajnë njeriun ti tejkalojë tmerret e të mbijetojë në çdo rrethanë.

Libri
Lufta kundër nazizmit mori fund në maj 1945. Më shumë se një milion gra nga 15-30 vjeç morën pjesë frontin e luftës së dytë botërore, pilote, tankiste, dhe shumë pozicione të tjera. Pas fitores këto gra u lanë në heshtje. Në librin Fytyra jofemërore e luftës ato tregojnë për herë të parë në jetën e tyre, anën jo heroike të luftës që zakonisht nuk tregohen në historitë dhe kujtimet e veteranëve. Ato flasin për pisllëkun dhe të ftohtët, për urinë dhe dhunën seksuale, për ankthin dhe hijen e kudondodhur të vdekjes. Ato flasin në librin tronditës të Svetllana Aleksejeviç. Libri u çua për shtyp më 1983 por mbeti në sirtarët e shtëpisë botuese, i akuzuar për pacifizëm, natyralizëm dhe deglorifikim të heroinës sovjetike.
Pa dritën e botimit vetëm në perestrojkën e Gorbaçovit, më 1985, por autorja e ripunoi më 2002, duke rindërtuar pjesë që ishin hequr prej censurës dhe futi pjesë të tjera që nuk mundej në fillim. Është përkthyer në Gjermani, Britani, Francë, Greqi, Finlandë, Japoni, Kinë. Libri ka frymëzuar dokumentarë e performanca teatrale.

Biografi
Svetlana Alexievich një nga gazetaret më të shquara të Evropës, u lind më 31 Maj 1948 në Ukrainë në qytetin Ivano-Frankivsk në familjen e një ushtaraku. I ati ishte bjellorus e ëma nga Ukraina. Studioi gazetari në Universitetin e Minskut më 1967. Punoi disa vjet si korrespondente e revistës letrare Neman dhe drejtoi seksionin joletrar.
Ishte shkrimtari bjellorus Ales Adamovich që ndikoi në zgjedhjen e Svetllanës. Me librat Vij nga fshati krenar dhe Libri i rrethimit, ai aplikon një zhanër të ri për letërsinë bjelloruse dhe ruse njëherësh të cilin e quan roman kolektiv, roman-oratorio, kor epik. Ky është mësuesi kryesor i Svetllanës.
Dëshmitarët e fundit: 100 rrëfime fëminore i vitit 1985 nuk botohet menjëherë për të njëjtat arsye që censura kishte dhënë edhe për Fytyra jofemërore e luftës.
Shkruan Djemtë në zink 1989, për krimet e luftës sovjeto-afgane, Të magjepsur me vdekjen 1993, Lutja e Çernobilit: kronikat e së ardhmes 1997.
Alexiyevich thotë: Një sy ti hedhësh historisë së kohës sovjetike dhe post-sovjetike dhe shikon një varr masiv dhe një banjë gjaku. Një dialog i përjetshëm mes ekzekutorëve dhe viktimave. Revolucioni, gulagët, lufta e dytë botërore, lufta sovjeto-afgane e mbajtur fshehur nga njerëzit, rënia e perandorisë së madhe, e gjigantit socialist, toka utopike, dhe tani një sfidë e përmasave kozmike Çernobili. Një sfidë për gjithë gjërat e gjalla mbi tokë. E tillë është historia jonë. Dhe kjo është tema e librave të mi, rruga ime, rrathët e mi të ferrit nga njeriu te njeriu.
Ajo është vlerësuar me çmimet maksimale në Evropë Kurt Tucholsky Prize, “Andrei Sinyavsky Prize”, Leipzig Prize For the European Mutual Understanding 1998, “Herder Prize”.

Botuar nga Elsa Demo në gazetën Shekulli, 11 dhjetor 2011

SONTE ARMENI-SHQIPËRI, DREJTPËRDREJT NË RTK1

Kombëtarja shqiptare sonte luan ndeshjen vendimtare me armenin, për kualifikim në EURO 2016, ky takim nisë ne ora 18:00 dhe do te transmetohet drejtpërdrejt ne RTK1

Pas humbjes nga Serbia, kombëtares shqiptare i duhet patjetër fitorja kundër armenëve ne mënyrë qe te kualifikohet drejtpërdrejt, ne EURO 2016, ne te kundërtën çdo rezultat tjetër e dërgon Shqipërinë ne barazh.

Futbollistët e Kombëtares sonë janë të bindur se mund ta fitojnë përballjen me Armeninë, fitore e cila do të siguronte biletën për në Francë.

Sfida me Armeninë, e cila është jetike, ka bërë që shqiptarët ku do që janë të mendojnë vetëm për ndeshjen e sontme. Një fitore eventuale nga ky udhëtim i vështirë, do të realizonte ëndrrën shqiptare, kualifikimin në një eveniment të madh siç është kampionati Evropian.

Takimi mes Armenisë dhe Shqipërisë nis në orën 18:00, dhe do te transmetohet drejtpërdrejt ne Radio Televizionin Publik te Kosovës

Ëndrra vazhdon për Shqipërinë dhe të gjithë shqiptarët.

Pavarsisht dy humbjeve të fundit ndaj Portugalisë dhe Serbisë për kombëtaren kuqezi në lojë është më shumë se kurrë kualifikimi direkt në europian pasi një fitore ndaj Armenisë të Dielën në Yerevan do të na conte në Francë. Gjithsesi eshe pse askush nuk deshiron te coje neperment perfundimin e grupit ne vendin e trete , historia në futboll mëson se llogarite janë gjithmonë të detyrueshme dhe ato duhen bërë edhe në rastin se Shqiperisë do ti duhej ta kerkonte kualifikimin nëpërmjet play-offit. Me disfatën ndaj Serbisë në Elbasan Arena dhe me triumfin e Hungarisë ndaj Ishujve Faroe, Shqipëria humbi edhe matematikisht mundësinë për të qenë skuadra e tretë më e mirë e të gjitha grupeve, kështu që nëse kuqezinjtë nuk fitojnë në Armeni nuk do tu mbetet gjë tjetër vecse të mbledhin forcat dhe ta kërkojnë kualifikimin në Francë nëpërmjet play-offit. Por cilët mund të jenë kundërshtarët e mundshën të Shqiperise ne nje rast te tille? Mbetet ende për tu zgjidhur se cila do të jetë skuadra e tretë më e mirë e të gjitha grupeve mes Hungarisë dhe Ukrainës, për ne më mirë do të ishte që këtë pozicion ta siguronte përfaqësuesja e drejtuar nga trajneri Formenko, pasi Ukraina konsiderohet nga të gjithë një kombëtare më fortë se Hungaria dhe është mirë të evitohet në nje play-off eventual ku do të marrin pjesë 8 ekipe të cilat do të ndahen në dy vazo, në njërën anë do të qëndrojnë 4 kombëret që pozicionohen më lart në renditjen e fundit të azhornuar nga Fifa përpara hedhjes së shortit, ndërsa në vazon tjetër 4 skuadrat që renditen më poshtë. Kështu që përderisa sesi do të jetë kjo rendijte në momentin e shortit nuk dihet ende, aktualisht të gjitha skuadrat që pozicionohen në vendin e 3-të të grupeve të tyre respektive janë kundërshtarë të mundshëm për Shqipërinë në play-off. Nga grupi A, formacioni i drejtuar nga Gianni De Biasi mund të kapë një mes Turqisë dhe Holandës që do të luftojnë mes tyre deri në sfidën e fundit për vendin e tretë. Në grupin B për momentin favorit për tu pozicionuar i treti është Izreali por shanse ka edhe Bosnja një përfaqësuese që ka lojtarë me emër në skuadër dhe duhet evituar. Duke lënë mënjanë Ukrainën që mund të kualifikohet edhe si e treta më e mirë vëmendja shkon te grupi D, ku se cila kombëtare do të renditet e treta do të mësohet në ndeshjen e fundit mes Polonisë dhe Republikës së Irlandës.

Nga grupi E një kundërshtar për play-offin mund të jetë Sllovenia. Anashkalojmë edhe Hungarinë që për momentin është skuadra e tretë më e mirë dhe kualifikohet direkt, për tu zhvendosur te grupi G aty ku lufta është e gjitha mes Suedisë dhe Malit të Zi, pa përjashtuar edhe Rusinë. Megjithatë kundërshtari që duhet evituar me cdo kusht në play-off mund të vijë nga grupi H, me Kroacinë që me shumë gjasa do të pozicionohet e treta. Duke parë gjithë këto emra me potencial të futbollit europian për Shqipërinë, ndeshja ndaj Armenisë ka vlerë jetike, ndaj dhe kombëtarja kuqezi duhet të japë gjithcka për të marrë një fitore në Yerevan që do të bënte automatikisht realitet ëndrrën për të luajtur në një kampionat europian.

MEDIA SERBE: SERBIA DO TË HEQ DORË NGA KOSOVA

1.ÇEDOMIR  JOVANOVIQ: SERBIA TA NJOHË MENJËHERË KOSOVËN


Kryetari i Partisë Liberale Demokratike të Serbisë, Çedomir Jovanoviq, ka thënë se pa zgjidhjen e çështjes së Kosovës, nuk do të ketë integrim në BE.

Ai në një intervistë për Tanjug, kësaj radhe, përveç Kosovës, ka përmendur edhe çështja e Bosnje e Hercegovinës.
Jovanoviq, kohë më parë i ka ftuar elitën politike në Serbi që “sa më shpejtë ta njohin Kosovën, pasi që ky është kushti kryesor për anëtarësimin e Serbisë në BE”. Ai ka thënë se “Serbia duhet të ndalojë refuzimin e anëtarësimit të Kosovës në OKB”.
“Në Serbi duhet të vazhdohet të largohen raportet e urrejtjes më Kosovën, më shpejtë sesa që kërkohet nga BE-ja, pasi nga ky normalizim rajonit, varet e ardhmja”, ka thënë kreu i liberalëve serbë, transmeton lajmi.net.
“Kjo do të thotë që Serbia sa më shpejtë ta jep pëlqimin për anëtarësimin e Kosovës në OKB, më pas shtimi i njohjeve, që do të ishte njëri nga kushtet kryesore për anëtarësim në BE. Ndërsa për politikën vendore ndërprerjen e krijimit atmosferës së urrejtjes dhe marrëzive të viteve të nëntëdhjeta”, ka thënë Jovanoviq.

2.NË BRUKSEL U MBAJT TAKIMI I RADHËS I DIALOGUT TEKNIK


Delegacioni i Republikës së Kosovës, i udhëhequr nga ministrja për Dialog, Edita Tahiri, qëndroi dje në Bruksel

Delegacioni mori pjesë në takimin e radhës të dialogut teknik në lidhje me procesin e zbatimit të disa prej marrëveshjeve ku janë shënuar ngecje dhe vonesa në proces. Ky takim ishte vazhdim i bisedimeve të filluara me 28 dhe 29 shtator, në të cilat kishte pasur disa përparime, por që ishte vlerësuar nevoja për të precizuar më tej hapat drejt përshpejtimit të procesit të zbatimit. Temat kryesore ishin Lëvizja e Lirë, Diplomat, funksionimi i Zyrave Ndërlidhëse dhe kthimi i dokumenteve kadastrale nga Serbia. Bisedimet u ndërmjetësuan nga BE përkatësisht Shërbimi për Punë të Jashtme i Bashkimit Evropian.

Tema kryesore ishte lëvizja e lirë, përkatësisht zbatimi i reciprocitetit në çështjet e tabelave të regjistrimit të automjeteve. Ministrja Edita Tahiri me këtë rast rikonfirmoi qëndrimin e Qeverisë së Kosovës për ta zbatuar reciprocitetin në çështjen e tabelave të automjeteve ku njoftoi se afati i fundit do të jetë fundi i tetorit. Ministrja Tahiri mes tjerash theksoi se pala e Kosovës ka vendosur ta shfrytëzojë të drejtën për reciprocitet që sigurohet nga Marrëveshja e lëvizjes së lirë e vitit 2011, duke potencuar se në qoftë se Serbia nuk i heq tabelat ‘’prova’’ për automjetet e Kosovës me tabelat ‘’RKS’’ atëherë Kosova do aplikojë masa reciproke ndaj automjeteve që vijnë nga Serbia. Po ashtu, ajo tha ky reciprocitet do të përfshijë edhe pagesat administrative për këto tabela si dhe dokumentin hyrje – dalje për qytetarët e Serbisë. Lehtësimi i lëvizjes së lirë është në interes të qytetarëve, prandaj Serbia është dashur ta bëjë një gjë të tillë duke hequr këto pengesa, por nëse kjo gjë nuk do të ndodh, atëherë ne do të jemi të shtrënguar që ta zbatojmë reciprocitetin tha ajo.

Për çështjen e njohjes reciproke të diplomave universitare mes dy shteteve, në takimin e kaluar ishte arritur një marrëveshje me të cilën është hapur rruga e zhbllokimit të zbatimit të marrëveshjes për diploma të vitit 2011, por të cilën Serbia nuk e kishte zbatuar asnjëherë. Në takimin e djeshëm u dakordua që zbatimi të filloi në fund të tetorit dhe sipas marrëveshjes në periudhën prej 5 muajsh duhet të njihen të gjitha diplomat që janë në pritje të njohjes, rreth 400 prej tyre. Në të njëjtën kohë, Kosova do të bëjë njohjen e 14 diplomave që janë në pritje. Risi e marrëveshjes së arritur është që njohja e diplomave është zgjeruar, pra krahas njohjes së diplomave univeristare ( bachelor, master dhe doktoraturë), do të njihen edhe diplomat e shkollave të mesme dhe shkollave vokacionale/kualifikuese të të gjitha niveleve, sipas standardeve evropiane. Në këtë takim, ministrja Tahiri ngriti çështjen e qëndrimit bllokues të Serbisë për tekstet shkollore që Qeveria e Kosovës i ka dërguar për shqiptarët e luginës së Preshevës, duke theksuar se bashkëpunimi për çështjet e dijes dhe të shkollimit është në interesin e të gjithëve, dhe vlerësoi si shenjë jocivilizuese bllokimet e Serbisë, duke theksuar se do zbatohet reciprociteti nga ana e Kosovës.

Rreth çështjes së kthimit të dokumenteve kadastrale nga Serbia, është theksuar se Kosova duhet ta miratoj sa më shpejtë ligjin për Agjencinë teknike për Krahasim dhe Verifikim të Pronës, sepse kjo do ta hap rrugën për kthimin e dokumenteve kadastrale që i ka marrë Serbia gjatë luftës. Po ashtu, u kërkua edhe nga Serbia që të përshpejtojë procesin e përgatitjeve për kthimin e tyre.

Ndërsa, në kuadër të bisedimeve për Zyrat Ndërlidhëse në të dyja shtetet, u arrit pajtimi që të rriten hapësirat dhe stafi i tyre, ku BE u zotua që të ofroj hapësirë më shumë për to, duke qenë se zyrat ndërlidhëse janë në kuadër të zyrave të BE-së në dy vendet. Gjithashtu, kishte dakordim që të ketë një bashkëpunim më të mirë mes zyrtarëve ndërlidhës dhe qeverive përkatëse të vendeve pritëse, si dhe lehtësime në trajtimin e kërkesave për vizita por me kusht që zyrtarët që bëjnë vizita në shtetin tjetër të respektojnë parimet e dialogut të Brukselit për normalizimin e marrëdhënieve mes dyja shteteve. Në këtë kuadër, në vijim do të intensifikohen angazhimet që kryeministri i Republikës së Kosovës, Isa Mustafa, ta pres zyrtarisht në takim zyrtarin ndërlidhës të Serbisë në Kosovë dhe kryeministri i Serbisë z. Vuçiç ta pres zyrtarin ndërlidhës të Republikës së Kosovës në Serbi.

Delegacioni i Republikës së Kosovës, i kryesuar nga ministrja për Dialog, Edita Tahiri, kishte në përbërje: Dren Zeka, këshilltar kryesor politik i ministres Edita Tahiri dhe koordinator në dialog, Driton Gashi, Sekretar i Përgjithshëm MPB, Kreshnik Gashi, Sekretar i Përgjithshëm MPJ, Xhelal Shaqiri, drejtor politik MPJ, Valdet Sadiku, Ambasador, ZN në Serbi, Qemajl Marmullakaj, Drejtor ZPS dhe koordinator në dialog.

3.TOMISLAV NIKOLIQ: ÇDO GJË NË KOSOVË ËSHTË E SERBISË




Presidenti serb Tomislav Nikoliq ka thënë se Serbia vazhdon përpjeket për pengimin e Kosovës në rrugën e saj drejt anëtarësimit në organizatat e Kombeve të Bashkuara.

Nikoliq ka shkuar aq larg sa ka thënë se Serbia e ka ruajtur këtë vend për 11 shekuj dhe çdo gjë në Kosovë, përfshirë edhe territorin nuk mund të jenë kosovare, por vetëm serbe.

“Po bëjmë përpjekje të mëdha që të bindim njerëzit në të gjithë botën me argumentin se Kosova nuk mund të bëhet anëtare e UNESCO-s, pasi që trashëgimia kulturore dhe historia e Kosovës janë tërësisht të Serbisë. Nëse e kemi ruajtur 11 shekuj, ne serbët do ta ruajmë edhe më tej, sepse gjeografia dhe ajo që gjendet në territorin e Kosovës, nuk mund të jenë kosovare, por vetëm serbe”, ka thënë Nikoliq, transmeton Indeksonline.

Nikoliq ka thënë se përpjekjet e Serbisë janë në një mënyrë shpesh të padukshme, pasi shprehen aty ku veprojnë forcat qeveritare.

Sipas tij, për ta penguar rrugën e Kosovës drejt organizatave ndëkombëtare Serbia nuk do të ndalë përpjekjet asnjëherë, edhe pse ndonjëherë mund të jetë torturuese.

4.IVICA DAÇIQ: KOSOVA DHE ISIS-I JANË NJËSOJ




Ministri serb i Punëve të Jashtme, Ivica Daciq, ka thënë se pranimi i Kosovës në agjencinë e Kombeve të Bashkuara për Arsim Shkencë dhe Kulturë (UNESCO), do të ishte absurde.

Sipas Daçiqit s’mund të jetë anëtar i UNESCO-s një vend islamik.

"Trashëgimia kulturore në Kosovë, ku katër nga tempujt tonë të shenjtë janë deklaruar si trashëgimi kulturore botërore – Manastirin e Deçanit, Patriarkanën e Pejës e të Graçanicës dhe kishën e Shën Premtës në Prizren, UNESCO i ka shpallur si trashëgimi e mbrojtur kulturore për shkak se ishin në rrezik. Dhe nga kush ishin në rrezik?

Propozimi i Kosovës në UNESCO do të ishte sikurse të kërkohej që Shteti Islamik – ISIS-i, të anëtarësohej në këtë organizatë. Cili është dallimi në mes Kosovës dhe ISIS-it?”, ka thënë Daçiq në një konferencë për shtyp, raporton Blic.

Ai po ashtu ka shtuar se Shqipëria ka bërë kërkesë për futjen e shqyrtimit të anëtarësisë së Kosovës jashtë procedurave të rregullta të UNESCO-s.

5.Serbia nuk do të kushtëzohet me njohjen e pavarësisë së Kosovës, një kurth tjetër që po përgaditet është që shteti serb të përcaktojë kufijtë shtetëror me Kosovën.


E përditshmja serbe “Vecernje Novosti” ka publikuar një artikull ku thuhet se në draftin e platformës për kapitullin 35, për anëtarësimin e Serbisë në BE, kusht është që Serbia duhet të heq dorë nga të gjitha elementet e shtetësisë në Kosovë.

Megjithatë, sipas gjetjeve të gazetës beogradase, edhe pse Serbia nuk do të kushtëzohet me njohjen e pavarësisë së Kosovës, një kurth tjetër që po përgaditet është që shteti serb të përcaktojë kufijtë shtetëror me Kosovën, që do të thotë se Serbia duhet të heq dorë nga Kosova si njësi territoriale e saj,

Sipas medias serbe, versioni aktual i dokumentit, që deri tash është ruajtur në kabinetin e komisionerit për zgjerim të BE-së, Johannes Hahn, dhe është bërë me udhëzimet e shteteve të Kuintit, vet kryeministri serb Aleksandar Vuçiq e ka quajtur “të tmerrshëm”, në një masë të madhe kopjon marrëveshjen midis dy Gjermanive, dy shtete tërësisht të pavarura që nuk e njohin njëra-tjetrën formalisht.

Sipas Komisionit Evropian, Serbia është duke kërkuar mënyrë për t’u pajtuar me çdo gjë, që nga neni 14 i Marrëveshjes së Brukselit, i cili qartëson se “të dyja palët duhet të angazhohen që të mos e bllokojnë njëra-tjetrën, apo inkurajojnë të tjerët që të bllokojnë integrimin evropian të ndonjërës prej palëve.”

Mbi këto baza, Beogradi pajtohet që Kosova të anëtarësohet në organizatat rajonale dhe ndërkombëtare.

Kryetari i Kombeve të Bashkuara nuk është deklaruar ende, por është anëtarësimi në UNESCO, Këshilli i Evropës, UEFA për të cilat duhet të flas ai. Gjithashtu, sipas burimeve të gazetës brenda Brukselit, në platformën e kapitullit 35 janë të përfshira të gjitha pyetjet që kanë të bëjnë me Kosovën, për energjinë, shkollat, institucionet shëndetësore dhe funksionimin e ndërmarrjeve serbe, siç janë “Posta e Serbisë”, dhe “Banka Komerciale", transmeton Indeksonline.

Sipas gazetës serbe, kurthi që po i ngritet Serbisë është rregullimi i çështjeve kufitare, që do të thotë se Serbia duhet të heq dorë nga “provinca jugore”, e cila përbën 15 për qind të territorit serb.
Ndërkaq, në pikën 49, sipas “Vecernje Novosti”, në dokumentin preliminar thuhet që “Universiteti i Mitrovicës veriore hyn brenda sistemit arsimor të Kosovës, spitalet dhe objektet shëndetësore në veri janë nën kapuçin e Prishtinës, si dhe kompanitë dhe bankat serbe do të funksionojnë në pajtim me ligjet e Kosovës.”

6.KAPITULLI 35 “NERVOZON” SERBINË, GJURIQ: MOS NA SHANTAZHONI



Gjuriq ka thënë se kryeministri serb Aleksandar Vuçiq së shpejti do të flasë me Përfaqësuesen e Lartë të BE-së për Politika të Jashtme dhe Siguri, Fredercia Mogherini, raporton Tanjug.

Drejtori i Zyrës serbe për Kosovën, Marko Gjuriq, ka thënë se askush nuk mund ta shantazhojë Sebinë për heqjen e institucioneve nga veriu i Kosovës dhe vendosjen e pikave kufitare, duke shtuar se ka shumë gjëra që nuk shkojnë në draft kornizën e kapitullit 35.

Mbi këtë çështje, Gjuriq ka thënë se kryeministri serb Aleksandar Vuçiq së shpejti do të flasë me Përfaqësuesen e Lartë të BE-së për Politika të Jashtme dhe Siguri, Fredercia Mogherini..

Ai ka potencuar se ka shumë gjëra të diskutueshme në kapitullin 35, i cili i referohet Kosovës në negociatat e BE-së me Serbinë për anëtarësim, ku Serbia kushtëzohet me përmirësim të marrëdhënieve me Kosovën.

“Çështja është se, nëse ju doni ta detyroni Serbinë me forcë që të mbyll të gjitha institucionet e veta, veprim që do të linte pa punë mijëra serbë, t’i dorëzojmë të gjitha asetet tona të sistemit të energjisë, të fillojmë të respektojmë vijën administrative me Kosovën, atëherë kjo do të thotë se këto do të ishin pothuajse kufi të shteteve sovrane”, ka thënë Gjuriq.

Gjuriq qartazi ka thënë se mbi këto kërkesa “Serbia nuk negocion”, duke shtuar se qeveria serbe do të flasë dhe të normalizojë marrëdhëniet me Prishtinën, por askush nuk mund të imponojë zgjidhje mbi Serbinë.

Duke iu përgjigjur pyetjes nëse është normale që ende të vazhdohet dialogu me Prishtinën, nëse këto kërkesa nuk tërhiqen nga kapitulli 35, Gjuriq ka thënë se do të ishte e vështirë të mendosh progres në dialogun me Prishtinën dhe në integrimin evropian të Serbisë, nëse shantazhi vazhdon.
“Askush që shantazhon Beogradin nuk mund të llogarisë në arritjen e gjërave pozitive. Ne mund të angazhohemi për të përmirësuar marrëdhëniet, siç kemi bërë gjithnjë si popull dhe shtet,”, ka thënë ai

FLORI BRUQI

ANTOLOGJI E POEZISË MODERNE SHQIPE : EDMOND SHALLVARI

Përgatiti: Adem ZAPLLUZHA





ANTOLOGJI E POEZISË MODERNE SHQIPE




EDMOND SHALLVARI






Hyrje

Emond Shallvari u lind në Korçë, në 30 korrik 1957.
Mbaruar studimet e larta në Fakultetin Ekonomik në Tiranë, në vitin 1982.
Prej vitit 1997 banon familjarisht në Thessaloniki të Greqisë.
Krijimtaria përfshin veç botimeve në shtypin mediatik dhe letrar të pjesëve prozaike e poetike, shkrimeve me natyrë ekonomike, publicistike, analitike, filozofike, etj, edhe botimet e plota të veprave të mëposhtme:
-E megjithatë…jetojmë! - Libër me shkrime e kujtime Viti 2006
-Diku…Dikë…Dikush… - Poezi, viti 2008
-Ç’u bëmë kështu! - Poezi, viti 2008
-Mos e ndiqni hijen! - Poezi, viti 2009
-Më foli heshtja - Poezi, viti 2010
-Facebook-koobecaF - Roman, viti 2012, i vlerësuar në vitin 2012 me Çmimin “Ismail Kadare”, nga Klubi i shkrimtarëve në botë “DRITA”, me qendër në Athinë.
-Absurditet apo… - Poezi, viti 2014
-Το καστρο των σκιων - Viti 2015 (Romani Facebook-koobecaF ne gjuhen greke)




VETMINË DO NGUJOJ

Në pyllin e vetmisë
Ku gjethet kanë rënë
Ku era e mërzisë
Me veten është zënë
Aty kam ikur sot.

Me trupin - pemë thatë
Me duart - degë ngrënë
Me shpirtin - rrënjë dalë
Që klith pa nxjerr' dot zënë
Jetoj e nuk vdes dot.

Në qiellin pa një yll
Në qiellin pa pak diell
Në pyllin pa pak pyll
Ku bota nuk më sheh
Vetminë do ngujoj.

Do kthehem unë pastaj
Pastaj do kthehesh ti
Në pyllin si parajsë
Në qiell plot yjësi
Pafundësisht të rrojmë’.




VETAPOLOGJI

Në s'di të notoj, nuk është faji i detit
I qiellit faji s'është, në s'di të fluturoj
As qielli e as toka, nuk kanë faj për peshqit
As deti nuk ka faj, që peshqit s'janë zogj.

Nuk është faji im për dashurinë tënde
Për dashurinë time, as faji tënd nuk është
Mos vallë qiellit kërkova, atë që tokës s'gjendej
Me krahët e munguar, që ëndrra më kish dhënë?

Në s'di të këndoj, nuk është i pianos faji
I bojërave s'është faji, në s'di të pikturoj
Në s'di që të ngrohem, nuk është faji i zjarrit
As faji i zjarrit s'është, që drutë s'djeg njëlloj.

Nuk është faji tënd për dashurinë time
Për dashurinë tënde, as unë nuk kam faj
Mos vallë nga vetja desha, atë që vetja s'ishte
Apo s'desha atë, që vetja fshehur mban?


VOGËLUSHI I VETES SIME

Pse më ndjek pas, vogëlush i vetes sime
Pse trupin ma vesh, me rrobkat e tua
Kokës tullace, m'i ve leshkat e ndritshme
Dhe më bën të ec, ndaj vetes i huaj?

Ç'qenka kjo botë, që shikimit më jep
Ç'është kjo ndjenjë, jashtë botës së sotme
Ku hapat më çojnë, nga toka në qiell
Ku qielli më çon, nëpër ëndrra rinore?

Ç'është kjo stinë, me të gjitha stinët
Ku me valët e detit, krijoj topa bore
Ku pemët në gjethe, e kthejnë ngricën
Dhe qielli e lag tokën, me shkëndija yjore?

Prit, mos më ik, o vogëlush i vetes
Lemë disa çaste, të jem vogëlush
Nëse ti s'më vjen, unë tek ty do kthehem
Në kthimin e fundit, që s'do ketë kurrë fund.


PLAKUSHI I VETES SIME

Mos beso se do më vish
S'të besoj që ekziston
Shkofshin vitet dhe njëqind
Isha, jam, do jem, Edmond.

Jam njëlloj me universin
Që nuk njeh plakjen e vet
Yjet shuhen, grimcat mbesin
Dhe krijojnë miliona diej.

Edhe unë bashkë me grimcat
Veten time do krijoj
Do të shuhen, rrudhat, thinjat
Kurrë ama, grimca Edmond.

Mos beso se do më vish
S'të besoj që ekziston
Je plakush i trupit tim
Jo i shpirtit ku jetoj.


NJË TUFË KORBASH FLUTURUAR

Përmes ajrit lagështuar
Nga livandoja e qielltë
Një tufë korbash fluturuar
Si një copë re e zezë
Lëshon klithmën e tmerruar
Sikur koha do të vdesë.

Nuk e di se nga po vijnë
Nga po shkojnë, nuk e di
Nuk e di ç’thonë me klithmë
Që më ndjell kobin e zi
Mos vallë vetë kërkojnë ndihmë
Apo shprehin një gëzim?

Mbase shprehin një ankesë
Mbase thonë një profeci
Kush do lindë e kush do vdesë
Kush kësaj bote s’do të vijë
Kush mallkuar do të mbesë
Kush do mbetet pa lavdi.

Re e zezë e korbëzuar
Po ma nxin ditën e dielltë
Nga krra-krrahu eklipsuar
Sikur vdekja do të zbresë
Nga një korb i shpenduar
I mallkuar, korbi-vetë!

Copëtohet ajri i qelqtë
Nga goditjet me krra-krraaa...
Pres me ankthin i pa qetë
Çdo të ndodhë, tani, pastaj
Pres e pres kështu një jetë
Nga krijesa e pafaj.

ANTOLOGJI E POEZISË MODERNE SHQIPE : RAMË SMAJLAJ

Përgatiti: Adem ZAPLLUZHA





ANTOLOGJI E POEZISË MODERNE SHQIPE




RAMË SMAJLAJ






Hyrje

Ramë Smajlaj u lind në fshatin Ramajë, të komunës se Prizrenit, më 15.5.1957, ku dhe ka përfundua shkollën fillore, ndërsa gjimnazin në Zym të Prizrenit. Tradita familjare patriotike, kulturore e letrare e ka bërë të shquar që, pasion i këtij poeti të jetë arti i të shkruarit gazetaresk dhe letrar.
Smajlaj ka filluar të shkruaj që kur ishte nxënës gjimnazi, ku frymëzimin për fjalën e bukur dhe shumë e gjeti në përditshmërinë e Kosovës, por për fat të keq shumë shkrime dhe poezi i kanë humbur në luftën e fundit të Kosovës, të cilat kanë qenë të publikuara në gazetat e kohës, si “Rilindja”, “Kosovarja”, “Zëri i Rinisë”, “Pionieri”, “Shkëndija”, dhe mjetet tjera vizuele dhe të shkruara.
Ka mbaruar studimet për Drejtësi në Universitetin e Kosovës në vitin 1988. Për arsye të kriterit ideo-politik nuk është punësuar si kuadër i lartë, Jurist i Diplomuar, ku që nga viti 1993 ka migruar në Gjermani, ku jeton dhe vepron tash e dy decenie.
Është bashkëpunëtor i gazetave që dalin në përendem dhe aktiviteti i tij kryesisht është i orientuar në pasqyrimin e jetës dhe veprimtarive kulturore të mërgimtarëve në Gjemani. Ka botuar përmbledhjet poetike, “TË PRES NË GJETH LOTI” 2014, “PIKTUROJ MËRGIMIN” 2014 dhe “NË GJETH SHKRUAJ ËNDRRËN” 2015 është vëllimi i tretë në poezi.





MBRËMJË MUZGU

Si kjo mbrëmje muzgu
e trishtë që më është
më brenë si krimbi
dhe cicërimën e zogut i prish.

qielli kishte humbur kaltërsinë
erërat këpusnin gjethe e degë
malli i mërgimit kalonte përmasat
zogut i ndal këngën në gjemb.

Mos më tërhiqni zvarrë
jeta qenka një dramë sprovimi
përplot peripeti e dhembjeje
dhe zemra ndizet nga pikëllimi.

Të kërkoj nga emir yt
hyjneshë më ruaj dinjitetin
lotin e skamnorëve thaje
në dritë shpërfaq realitetin.

Ujëvara rrjedhshëm të pikojë
buzëqeshjen e vizitorit ta riktheje
shtrigave le të ju ndalet hovi,
se zoti mallkimin do i dhurojë.


LULE PRANVERE

Sot ke një ditë
Mes luleve pranvere
Lumturi për jetë
Siç është dielli i vërtetë.

Si sot e kujtoj
Kur bëtë fejesë
U gëzuam të gjithë
Për me të bukurën mbesë.

Po kush të përgëzojë
Kur mbretëronte errësira
Vjosa bashkon zemrat
Për ditët më të mira .

Kujt ia falë ditarin
E rrezeve të diturisë
Me dije e ndave
Zemrën e perëndisë.

Po në kuvend
Atje të kërkojnë
Kur ngritje zërin
Për padrejtësi që bëjnë!

Nga haxhi Ramë në perëndim
Të ngrohtë ke përqafim
Të lumtur ta bësh jetën
Vjosa të uroj veç gëzim.


SHPIRT ARTË

-Nënës Tereze
Shpirt e artë
kristal e diamant zemre
humanitet njerëzor
lutje për të varfër
i mbronte të pa strehët.

Dielli i hapte rrugët
në errësirën e pafund,drite.

I donte ngjyrat
bardhë e zi
të gjitha në një.


PUHI PRANVERE

Më erdhe si freski mëngjesi
Engjëllushja ime
E puhive pranverore
Dallgëve dhe pavijoneve përrallore.

Të njoha moj gocë e vogël kur ishe
engjëll të fali zoti,me pamje magjike
një aromë lulesh prilli ti kishe
e veçantë ,njomëz,flokët krrela kishe .

Çdo fjalë e juaja peshon vlerë
petale e nektar e çmuara flori
fjalët e ngjizura prej mjalti
ngritur në engjëj ,kjo bukuri.

Një puthje më dehe si uiski
zemrës ja shton drithërime
vapës se gushtit i dhuron freski
o sa kam fllad,aromë e puhi.

Në ëndërr më ndjek shikimi dhe njomësia
pikturë e Pikasos,me përplot bukuri
peneli i piktorit e ngjyrat e ti
Bukuri engjëllore gjigante si ti
e çmuar , diamant shkëlqimi
e shkrirë në flori.

Mis bukurie
kurorën në lartësi
shembull mbi të tjera
se si je engjëllushë ti


U KTHEVA SERISH

Serish u ktheva
Pranë vargut
Aty ku unë e ti rrimë
Poezi...

Jetën me Jetën me çfarë e matja
Me orë të antibiotikut
A me penë të mikut...

Dhembjen përballova
Edhe pse me urgjencë përfundova
Serish u ktheva tek ti poezi.

Sulmet më vrisnin shpirtin
Filluan të më ndjejnë shtangimin
Mendja më rrinte tek ti atdhe
Vallë,ku do më bëjnë krematoriumin.

Serish u ktheva tek ti
Poezi
Tek fjala e bukur e mikut
Tek zemra ime prej çelikut.

Tek princesha ime
Melsa
Tek atdheu im i bukur
Me shumë lisa.

Dhe bëra sakrificë
Për jetë a vdekje me mundime
Se kush do fitojë
Ishte pikëpyetje jeta ime.

Unë do të ndizem serish
Si dikur kur që nevoja
Sot mos më kujtoni
Në këtë gjendje pse u ndodha.

Kjo qenka jeta
Të sulmon në çdo anë
Sa mbyllet një plagë
Hapen tjera në tjetër anë .

Juve o miq e mikesha të mi
Që ju kam në largësi
Pranë zemrës më qëndruat
Me urata e plot dashuri.

Ju jeni Yjet e mi të ndriçuar
Motra ju kam si zana
Frymëmarrjen ua ndjeja
Me ndriçime si Dielli dhe Hëna

O sa më këputi malli
Të dëgjoje kisha dhe xhamia
Mallkuar qoftë kurbeti
Se vdekjen e dua ke shtëpia.

ANTOLOGJI E POEZISË MODERNE SHQIPE : GJON NEÇAJ

Përgatiti: Adem ZAPLLUZHA





ANTOLOGJI E POEZISË MODERNE SHQIPE




GJON NEÇAJ






Hyrje

Ka lindur më 17. 06. 1951 në fshatin Peraj të krahinës së Nikaj-Merturit, Tropojë. Ka mbaruar studimet për financë në Tiranë. Me krijimtari letrare merret që herët, duke botuar në shtypin letrar të kohës poezi, prozë e publicistikë. Ka fituar shumë çmime letrare dhe publicistike. Bashkëpunon me disa të përditshme në Tiranë e Kosovë si korrespondent shtypi. Ndër më kryesoret e përditshme dhe periodike janë: Gazetat “Shekulli”, ”Telegraf”, ”Shqiptarja.com”, ”Dita”, ”EuroAlbania”, gazetat letrare “Nacional”, ”Muzgu”, revista “Urat“ (redaktor ), etj dhe shume portale si “Zemra shqiptare”, ”Fjala e Lire”, ”Revista Drini”, ”Tribuna Shqiptare” (e emigranteve), ”Te sheshi “, e shumë e shumë te tjera.


Deri më tash ka botuar:

Në hijen e mrizave - poezi, Tiranë, 1994,
Në folezë të këngës - poezi për fëmijë, Tiranë, 2003,
Hijet e shpirtit - novelë, Tiranë, 2005,
Ju që më shihni çdo ditë - poezi, Tiranë, 2006,
Pezull-haiku,shqip,anglisht, Elbasan, 2007,
Tropoja - vendlindja ime - tekst mësimor, bashkautor, Tiranë, 2008,
Hëna pikon mbi Alpet e mia - poezi, Tiranë, 2008,
Haiku i bjeshkës-haiku shqip,anglisht, Elbasan,2009,
Sinus-poezi shqip, anglisht, italisht, greqisht, poezi,Tiranë, 2011,
Këngë të kreshnikëve Nikaj Mertur-Prishtinë 2014,
Ditët e qytetit të veriut,publicistikë, Tiranë 2015, ( ne proces botimi ).

Është anëtar i Lidhjes së Shkrimtarëve dhe Artistëve të Shqipërisë, nënkryetar i Lidhjes së Shkrimtarëve dhe Artistëve, dega Tropojë, anëtar i Haik-Klubit Shqiptar, anëtar i Lidhjes së Poetëve Bashkëkohorë të Globit (W.P.S.), anëtar i asosacioneve të ndryshme në Itali, Kosovë, diasporë, etj.
Krijimtaria e tij letrare është përfshirë në dhjetëra antologji poetike brenda dhe jashtë vendit, si dhe është redaktor dhe recensues i dhjetëra e dhjetëra veprave letrare ne poezi, proze e publicistikë të autorëve shqiptarë.
Jeton dhe punon në Bajram Curri, Tropojë.






POETË, EJANI NE VENDLINDJEN TIME

Poet, ejani në vendlindjen time,
Ju ftoj me bujarinë e zemrës së malësorëve të mi:
Do u presim si mysafirë të urtë
në sofrën e krenarisë,
me besë,
me mikpritje,
trimëri.

Ejani,
Bora është përvjelë deri lart në Majën e Hekurave;
Kokrra e grurit është mbufatur nën dhe,
Njomëza e ahut ka dalë në ashtën e Ndërmanjes,
E sythi i zemrës së malësorëve të mi
çelë në çdo stinë…

Ejani,
Këtu në vendlindjen time,
Me adresë të plotë:
Rreze majës se Hekurave e buzë Drinit,
Ku rrinë kurore malet kreshtëbardha.
E shqipet n’çatitë e kullave ngrejnë foletë,
Ose me saktë,
Këtu ,në skajin me të largët
Te Atdheut…


S’JE ME

Puthje e ëmbël që vjen natës gënjeshtare,
Puthje e ëmbël prej ëndrrës e gatuar,
Puthje që të shijoj deri ne mëngjes,
Pastaj me tretesh e me le te vetmuar.


Ç’ESHTE AI ZE…

C’është ai zë që pisket mbi alpet kreshtëbardha?!
Piskama e tij mbi një shekull oshëtin,
në gryken e Kaçanikut e s’ka te sosur

Jakup Ferri në Bjeshkët e Nemuna,
Portreti i tij i përmotshëm,
I pa varrosur…


MOS E VONO MBREMJEN

Mos e vono mbrëmjen
muzgu i verës.
Baresha Bjeshke dirgjet rogës së luadhit;
Syri i diellit fshihet pas majës.
Sokoli i djalit mrizeve kësaj dite,
Me qerpik të syrit e ndoqi Bjeshkën.

Bjeshka si zanë i prin ogiçit,
Djali këtë ditë e paditi veten…
Mos e vono mbrëmjen,
O muzgu i verës!

Takoj dy zemra këtë mbrëmje bjeshke,
Se pa pushim rrahin n’ rrënjët e mrizit te moçëm,
E dashuria rrjedh e bardhe si qumësht deleje…


PERSERI PER NIKAJ-MERTURIN

Nikaj Mertur !
Në krahët e tu e kam ndier veten zog,
ende pa lindur...
Me zemërbardhesinë e malësorëve,
Ne këto kulla
jam rritur,
për t'u ulur një ditë odave ,
përkrah me këta burra...


MALL

Ka vite që jam larguar prej Mserr ,
Gushkuqi ka lënë përgjysmë folenë
në murin e kullës sime;
Malli me dogji për bashkëfshatarët e mi,
e çdo dite i kam ne mendjen time...

Mysafir erdha,
Po cilin prej tyre të takoj së pari ?!
Unë u mallëngjeva,e pa kuptuar,
Se i pari më përqafonte MALLI...


II. HAIKU

Nikaj Mertur,
Këtu me lindi nena
një ditë mesqershori.

U çel syri i diellit,
krahina
zgjohet nga gjumi letargjik.

Akujt
në bjeshkët e Currajve
janë ngrirë hej.

Si ta përshkruaj?
Nikaj Merturi
pjesë e zemrës sime...

Vere ne vendlindje,
bjeshkët piskasin
Vetmi...

Gurra e kroit,
ujëakull bore,
në bjeshkë e Nikajve.

Arome bjeshke
Në një degëz boronice.
Fluturat këndojnë haiku.

Me lulebore
Bleta thur fjongo
Në ditëlindjen time.

Qershitë kuqloshe
I bëjnë serenata
Djalit në ditëlindje.

Si ortek bjeshke
Vërshon haiku
Mbi fletën e bardhe.

Shoh bjeshkët
Dhe me kujtohet im atë
I gdhendur në shkëmbinj…

Gjakova-
Jete e pasosur
Ne Bjeshkët e Nemuna.

Çabrat!
Gjithë jetën të ëndërrova
Sot të shoh shkrumb e hi.

Kjo piramide
Rrezuar ne qafe Morine
Jete e ndare përgjysmë .

Prarim dielli
Mbi kullën time me Mserr.
Visari ende fle…

Udhëve te botes
Me një copë bjeshke
Në gjak.

Nikaj-Mertur
Ndjehem zog
Ende pa lindur.

Korrik djegagur.
Maja e Hekurave
Shkrin hekurin.

Eci drejt pavdekësisë.
Jezu Krishti
Udhërrëfyes i përjetshëm.

Mes librave të mi,
Një fletore me haiku
Rrinë pezull.

ANTOLOGJI E POEZISË MODERNE SHQIPE :SHEREMET PROKSHI

Përgatiti: Adem ZAPLLUZHA





ANTOLOGJI E POEZISË MODERNE SHQIPE




SHEREMET PROKSHI






Hyrje

Sheremet Prokshi lindi në fshatin Fortesë (Vërboc) të Drenasit.
Shkollën fillore e kreu në vendlindje ndërsa Normalen dhe SHLP në Prishtinnë. Që nga viti 1974 punon si arsimtar.
Me poezi merrej prej kur ishte nxënës dhe deri tani ka të botuara 5 vepra. Është anëtar i Lidhjes së Shrimtarëve të Kosovës dhe i disa shoqatave tjera. Është përfshirë edhe në 12 Antologji e në dy vepra me kritika letrare.
Shkruan kryesisht për fëmijë po edhe për të rritur.




RE TË BARDHA

Horizontit të gjerë
Ylberin e preknin
Re të bardha,
E buzëqeshja jote
Flakëronte në maje Sharri,
Jehonat riktheheshin
Shpatijeve
Në çukë e çeltina
Nëpër çdo cep mali.

Dukej se ishe lodhur
Me ritmin e hapit
Para agut të hershëm
As gjumi
Nuk të kishte zënë,
Pas shiut me rreptimë
Ecje krejt e qullur
Diellit Mirëmëngjesi
U ngjite për ti thënë.

Si disk me ngjyrë ari
Dielli lart po ngjitej
Kaltërsia shtrihej
Mbi kokil e bokë,
Ti qeshje me yllin
Që zbehej ngadalë
E se shihje veten
As n’qiell as në tokë.

-Zbrit moj e uruar !
Të tha një zë djali
-Se vijnë mjegullirat
Rrugën ta humbasin,
Ndale atë zë, ndale
Ujqit të mos ndijnë
Ndodhë nga ulëritjet
Ortiqet rrëshqasin.

Ike pas pak,shkove
Me vrapin e shpejtë
Sikur akrobate
Trupin duke hedhur,
Gërshetat i lidhe
Pa të zënë gjumi
E në ëndërr yjet
Me duar i ke prekur.


QIEJT TË DUARTROKASIN

Sot dua të shoh ku brohorit qielli
E të hidhja hapin së bashku me ty,
Malit me thëllëza, skaj fushës me lule
Dodonën Pellazge dua ta shoh me sy.

Mos thuaj “ ika tash ” të lutëm shumë
Se ndodh flatër behësh e të humbet era,
E kur jemi bashkë të kapi përdore
Hapet qielli kaltër, këngë na sjell pranvera.

Nisu, mos ngurro,mbushe zemrën yje
Merr frymë dy-tri herë pastaj hidhe shtatin,
Ndihesh më e lumtur kur lirshëm shtegton
Botën e sheh ndryshe, qiejt të duartrokasin.


ATJE KU TAKOHEN VJOSA E OSUMI.

Nëse largon hapat
Nga qyteti juaj
Zbrit pak te Osumi,
Përkëdhele bregun
Me dorën e lehtë
Dhe merr freski lumi !.

Vazhdo drejt Përmetit
Aromë trëndafilash
Zemër NAIMIANE,
Nisu trotuarit
Me vasha të reja
Mbathur me nallane.

Mos hesht po çlirohu
Hapja gjoksin Vjosës
Këndo pa u ndalur,
Dhe pas shiut ylberi
Zbret i buzëqeshur
Ngjyra për të falur.

E shihni të lumtur
Dodonën Pellazge
Ulur përskaj lumi,
Thonë shkon i lanë faqet
Atje ku takohen
Vjosa e Osumi.


TE SYRI I KALTËR

Në trekëndëshin Pellazgjik,
Shprushi hirin e harresës,
nëpër gjenet shpirtërore
Pikasi dellin kujtesës.

Ndjej aty ku piqet truri
Ku nuk shlyhet asnjë gjurmë,
Vjen ndihmon pakëz hyjnesha
Ndez kandilat pa bërë zhurmë.

Do të falim buzëqeshje
Qendrës poshtë atje te lumi,
Na presin valët e ngrohta
brigjeve te Osumi.

Dhe vazhdojmë nga bregdeti
Në drejtimin e Filatit,
Ndalemi te Syri Kaltër
Moj Dodona e Beratit.


ME KURORË MBI KOKË

Të shihja të lumtur
Si atë ditë t’bekuar
Kur po përkëdhelje
Kreshtat pellazgjike,
Ballin tënd të gjërë
E faqet si shegë,
Kujt moj ja ke falur
Buzëqeshjen magjike?!.

Ndal pak, ndal se erdha
Drejto këndej hapin,
Zbritni drejt Shpiragut
Se nuk mund të ngjitem,
Po na pret bregdeti
Kryporet e plazhi
Shkojmë mbi krahë shqiponje
Pulëbardhat ku rriten.

Ku rrezitet gjoksi
Ku marrin ngjyrë buzët
Uji kristal ku shtrihet
Si në Arizonë,
Ku vjen mbrëmja heshtur
E nuk përpëlitet
Ku puqet nën qielli
Me ty moj Dodonë.