Shkruan Flori Bruqi : Rita Ora:Nuk do të doja të isha askund tjetër në botë. E nisëm bashkë këtë, pa ju nuk do të isha këtu

Kthimi triumfues i Rita Orës në vendlindje pas ikjes nga lufta

Rita Ora: Jam e lumtur që do vij në Kosovë

Rita Ora përmes një postimi në rrjetet sociale është shprehur se është shumë e lumtur që do të vijë në 10 vjetorin e Pavarësisë së Kosovës.

Rita madje ka dizajnuar një bluzë me rastin e kësaj feste.

Ajo ka shkruar:

“Pershendetje te gjitheve! Jam shume e lumtur qe do te jem me ju ne 10 vjetorin e Pavaresise se Kosoves ne Prishtine. Kjo eshte nje bluze te cilen e kam dizejnuar per kete rast dhe shpresoj te mbetet nje kujtim i mire per te gjith ne. Ju dua, Rita”

Këngëtarja me famë botërore, Rita Ora, ka njoftuar se është nisur drejt Kosovës për koncertin që do ta mbajë në dhjetëvjetorin e Pavarësisë së Kosovës

Krijuesja e shumë hiteve botërore pritet të performojë në koncertin që do të nisë sonte në orën 20:00.

Koncerti i paralajmëruar për nder të Pavarësisë së Kosovës, ka filluar mbremë në orën 20:00 në Sheshin “Nëna Terezë”, me një këngë premierë dedikuar Kosovës, këngë kjo e realizuar nga një grup këngëtarësh kosovarë, e cila u shfaq në ekranet e vendosura në shesh.

Performanca e parë për sonte do të jetë nga këngëtari Ledri Vula, prej orës 21:00, për të vazhduar me Rita Orën.

Këngëtarja shqiptare me famë botërore, Rita Ora, ka deklaruar se i është thënë që rreth 300 mijë qytetarë morën pjesë në koncertin e saj në Prishtinë për dhjetëvjetorin e Pavarësisë së Kosovës.

Në një postim në Instagram ajo ka falënderuar të gjithë që morën pjesë në koncert, ndërsa ka shtuar se është tejet e lumtur dhe krenare që është shqiptare.



“Sapo më kanë thënë që rreth 300 mijë njerëz ishin për të më parë sonte. Urime Dita e Pavarësisë. Nuk do të doja të isha askund tjetër në botë. E nisëm bashkë këtë, pa ju nuk do të isha këtu”, ka shkruar ajo në Instagram.

Përformanca e Rita Orës e mbajtur sonte në Prishtinë në 10-vjetorin e Pavarësisë së Kosovës, ishte e jashtëzakonshme, për shkak të numrit të madh të qytetarëve që kishin shkuar ta dëgjojnë, veshjes së saj kuq e zi, këndimit me zemër, urimit të saj për Pavarësinë dhe ndezjes së fishekzjarrëve.

Befasia për publikun shqiptar nga Rita Ora ishte një miksim i “Valles së Shotës” me këngë të saj

Ajo gjithashtu edhe ka vallëzuar duke elektrizuar publikun në kryeqytetin e Kosovës për dhjetë vjetorin e Pavarësisë.

“I Will Never Let You Down” dhe “Shine Your Light”, ishin këngët hapëse të koncertit të Rita Orës.

Pas performancës së jashtëzakonshme në Prishtinë, Rita Ora do të dekorohet nga presidenti i Kosovës, Hashim Thaçi.

Dekorimi i saj nga Presidenti pritet të bëhet në aeroportin “Adem Jashari”.

Mijëra qytetarë sot u mblodhën në sheshet e Prishtinës për të parë performancën e Rita Orës me rastin e dhjetë vjetorit të Pavarësisë.

Daily Mail: Kthimi triumfues i Rita Orës në vendlindje pas ikjes nga lufta
“Rita Ora kthehet në vendlindje, Kosovë, për të kremtuar 10 vjetorin e pavarësisë: Këngëtarja bën kthim triumfues vite pasi familja e saj u larguan”.

Është ky titulli të cilin i ka vënë “Daily Mail” shkrimit për ardhjen e Ritës në Prishtinë.

Këngëtarja Rita Ora u pa teksa aterroi në Kosovë sot para shfaqjes së saj që shënon 10 vjetorin e pavarësisë nga Serbia.

Ylli – që ka lindur në Kosovë para se familja e saj të ikte nga atje – u takua me kryeministrin Ramush Haradinaj teksa po përgatitet për të ndezur një koncert në ambient të hapur në Prishtinë, shkruan britanikja e famshme “Daily Mail”.




Kosova po feston 10 vjetorin e pavarësisë nga Serbia në një kremtë dyditore që ka nisur sot në tërë vendin.

Ceremonia kryesore zhvillohet nesër, kur presidenti i Kosovës Hashim Thaçi dhe ministri i Jashtëm, Behgjet Pacolli, të kthehen nga Konferenca e Sigurisë në Munih.

Një panel special për Kosovën pritet të mbahet në konferencën e Munihut.

Ndërsa ky medium shkruan se festime ka gjithandej Kosovës, tregon edhe se në Mitrovicë, pjesa veriore e së cilit është e dominuar nga popullata serbe, janë vendosur posterë me mbishkrimin “10 vjet okupim ë Kosovës e Metohisë”.

Muret në qytet janë mbushur me grafite, me flamuj serbë dhe me mbishkrime në gjuhën serbe “Kosova është Serbi – Krimeja është Rusi”.

Një banor i Mitrovicës së veriut, Branislav Kërstiq, ka thënë: “Fatkeqësisht, komuniteti serb nuk e ka ndarë mendjen për këtë pavarësi. As Beogradi s’e di me siguri se si e sheh statusin e Kosovës”.

Hidhërohen serbët me Ritën: Për ne më nuk ekziston

Bukuroshja Rita Ora, e cila pritet pas pak minutash të zhvillojë koncertin e saj të madh në Prishtinë për nderë të 10 vjetorit të Pavarësisë së Kosovës, ka zemëruar fansat e saj serbë.

Kjo ka ardhur pas publikimit në faqen e saj në Instagram të një bluze me logo të dizajnuar enkas për 10 vjetorin e Pavarësisë së Kosovës

“Herët apo vonë do të humbni mbështetjen amerikane, e më pas do të merrni fund. Kosova – tokë e shenjtë serbe. Gjithmonë ka qenë ashtu, dhe gjithmonë do të mbetet kështu”, ka shkruar një komentues serb.

Rita Ora‏Verified account @RitaOra

I am so excited to be joining all of you in Kosovo to celebrate the 10 year anniversary of Independence on Feb 17! To mark this occasion I have created this hoodie (http://rokiconcert.com ) so you can all have a memory of this night we will share together…See you soon.