FLORI BRUQI
ALFRED PEZA,SEKRETAR PËR MARRËDHËNIET ME SHOQËRINË CIVILE DHE MEDIAT
Zoti Peza është zgjedhur deputet i Partisë Socialiste në vitin 2013 dhe është nënkryetar i Komisionit të Edukimit dhe Mjeteve të Informimit Publik.
…Historia e një gruaje që do të trazonte vendin
dhe ndryshonte përgjithmonë kahjen e Shqipërisë drejt Perëndimit, por dhe zemrën e Mbretit Zog.
Sara Blloshmi, tashmë nuk është vetëm një personazh i kohës, por edhe i letërsisë…
Alfred Peza u përball me publikun Rejan; ku bënin pjesë kritikë, lexues pasionantë dhe historianë.
Diskutim i udhëhequr nga Alda Bardhyli – UET Press dhe Monika Stafa – gazetare, mbështetur nga Instituti Europian Pashko.
Një libër i bazuar mbi historinë e vërtetë të disa personave realë të Shqipërisë së viteve ’20 e tutje,
të ndërthurur me imagjinatën e krijuesit e të shndërruar në personazhe.
“Arti nuk është një shteg ku ti mund të hysh e të duash të kthehesh. Arti është një shteg, ku ti nëse hyn, nuk del dot më prej tij!”
Shumë mund ta quajnë grackë, shumë të tjerë; bekim.
Por nëse do të “pushtosh” shtëpitë e zemrat e individëve, shkruaj një libër të mirë
Sarah Blloshmi, është personazhi që na zbulon një dimension të ri të publicistit dhe politikanit Alfred Peza, atë të romancierit. Ka lënë pas sfidat e një viti të vështirë siç e quan ai dhe kohën ia ka dedikuar një personazhi atipik si Sarah e cila është bërë motorri i historisë së romanit të tij të parë. Publicistë, politikanë dhe gazetarë ishin të pranishëm në promovimin e romanit Sarah. Romani me një sfond historik dhe personazh real na njeh me historinë e rrallë te gruas më të mistershme e të përfolur, Sara Blloshmit gruas që sfidoi hapur mentalitetin e zymte islamik në vitin 1925. Peza në gjurmim të jetës së saj, identifikon Shqipërinë mes dy luftërave botërore, atë të Lindjes dhe Perëndimit; duke e konsideruar një roman emancipues, dy personazhet e tij realë: Sara Blloshmi dhe Ahmet Zogu, “flasin” për gra të lira dhe burra të vërtetë
Romani ”Sarah” i publicistit Alfred Peza vjen sërish në panairin e librit ”Tirana 2018” si një sukses dhe kërkesë e lartë nga lexuesi.
I botuar një vit më parë , ”Sarah” është një roman për një grua të guximshme, e cila pa marrë parasysh sfidat, thashethemet, epitetet, gjykimet vazhdon të qëndrojë në këmbë mu ashtu siç ishte, pa ndryshuar aspak.
Takimet e fshehta, planet, shakatë, skena e dashurisë, bisedat nga temat më madhore deri tek ato më personalet të bën të kuptosh rilindjen shpirtërore që pati një burrë shtetas për hir të një gruaje. Ajo do të jetë mishërimi i çdo gruaje shqiptare, liria të cilën e ëndërronin, qendra e xhelozisë dhe thashethemeve, njëherësh edhe pika e zezë, pika ku do të fillonte lufta e armiqve të Zogut.
Ajo duhej të damkosej me emërtimin e dënuar, kështu një martesë e mundshme mes mbretit dhe Sarës, martesë që do ta çonte Shqipërinë kah perëndimi do të kishte në mes një gur mjaft problematik.
Publicisti Alfred Peza thotë: ”...romani im ”Sarah” vazhdon të jetë një nga librat më të kërkuar nga lexuesi. Kjo tregon se libri e kaloi jo vetëm provën e mediatizimit të panairit të kaluar por ka arritur që të jap efekte dhe në këtë panair duke më surprizuar me kërkesën dhe debatin që vazhdon të krijoj te lexuesit”.
”Elementi i suksesit te ky libër është që shqiptarët po kuptojnë nëpërmjet një historie të vërtetë siç është ajo e gruas më të bukur shqiptare të shek XX Sarah Blloshmit dhe një nga politikanët më me ndikim në historinë e Shqipërisë të shekullit të kaluar Ahmet Zogu”, tha Peza.
Publicisti shprehet se ”projekti i europianizimit të Shqipërisë nuk është një projekt i tanishëm por është një projekt 100 vjeçar shqiptar i bërë nga shoqëria shqiptare dhe nga elita kulturore shqiptare. Ndoshta pikërisht kjo fabul e emancipimit dhe identitet shqiptar perëndimor është ajo çfarë e bën këtë libër të vazhdoj të tërheqë lexuesin”.
”Ajo që unë dalloj në këtë panair është që nuk janë pakësuar lexuesit e mirë ç’ka do të thotë që ne e kemi bërthamën solide si shoqëri të lexuesit elitar. Ne na duhet që kjo mënyrë jetese ose qasje ndaj kulturës, të vijë edhe tek të rinjtë, tek nxënësit sepse libri të pasuron shpirtin dhe mendjen dhe nuk ka investim më të madh dhe më të sigurt për një komb sesa pasuria shpirtërore”, përfundoi publicisti Alfred Peza.
Takimet e fshehta, planet, shakatë, skena e dashurisë, bisedat nga temat më madhore deri tek ato më personalet të bën të kuptosh rilindjen shpirtërore që pati një burrë shtetas për hir të një gruaje. Ajo do të jetë mishërimi i çdo gruaje shqiptare, liria të cilën e ëndërronin, qendra e xhelozisë dhe thashethemeve, njëherësh edhe pika e zezë, pika ku do të fillonte lufta e armiqve të Zogut.
Ajo duhej të damkosej me emërtimin e dënuar, kështu një martesë e mundshme mes mbretit dhe Sarës, martesë që do ta çonte Shqipërinë kah perëndimi do të kishte në mes një gur mjaft problematik.
Publicisti Alfred Peza thotë: ”...romani im ”Sarah” vazhdon të jetë një nga librat më të kërkuar nga lexuesi. Kjo tregon se libri e kaloi jo vetëm provën e mediatizimit të panairit të kaluar por ka arritur që të jap efekte dhe në këtë panair duke më surprizuar me kërkesën dhe debatin që vazhdon të krijoj te lexuesit”.
”Elementi i suksesit te ky libër është që shqiptarët po kuptojnë nëpërmjet një historie të vërtetë siç është ajo e gruas më të bukur shqiptare të shek XX Sarah Blloshmit dhe një nga politikanët më me ndikim në historinë e Shqipërisë të shekullit të kaluar Ahmet Zogu”, tha Peza.
”Ajo që unë dalloj në këtë panair është që nuk janë pakësuar lexuesit e mirë ç’ka do të thotë që ne e kemi bërthamën solide si shoqëri të lexuesit elitar. Ne na duhet që kjo mënyrë jetese ose qasje ndaj kulturës, të vijë edhe tek të rinjtë, tek nxënësit sepse libri të pasuron shpirtin dhe mendjen dhe nuk ka investim më të madh dhe më të sigurt për një komb sesa pasuria shpirtërore”, përfundoi publicisti Alfred Peza.
