2016-06-28

Perkujtohet ne Detroit 72 vjetori i masakres me cjerezore kunder popullesise came

SHQIPTARO-AMERIKANET PER CESHTJEN CAME
  Nga i derguari i Albdreams.net

ZEF PERGEGA

     Shqiptaro-amerikanet u mbodhen se bashku per te perkujtuar spastrimin e pare etnik ne Europe te ndodhur mbi popullsine came ne trojet e veta nga bandat e armatosura te qeverise greke. Organizata Cameria me qender ne Detroit ne bashkepunim me publicistin Zef Pergega, organizuan me  26 qershor 2016 nje Akademi perkujtimore kushtuar genocidit te tmerrshem  mbi camet e pafajshem 72 vjet me pare, inicur nga politika shoviniste greke. Aktiviteti, si deshmi historike dhe si kujtese kombetare qe te mos shuhet e te mos harrohet nga brezat deri ne zgjidhjen e plote, u zhvillua ne Teqen Bektashiane ne Detroit, ne kete vater fetare e atdhetare qe prej vitit 1954, kur ajo hodhi themelet e bashkimit te emigranteve nga Baba Rexhepi.

Salla e kultures ishte e stolisur me flamujt e Amerikes dhe te Shqiperise si dhe nje foto ekspozite ku vihej ne pah me foto masakrat greke mbi camet si dhe fotot e ndryshme pasqyronin disa nga aktivitetet e komunitetit dhe te organizates Cameria nder vite ne Amerike kushtuar ceshtjes se saj.

Njeri nga moderatoret Arjan Rexha, me cilesine e kryetarit te deges se organizates Cameria ne Detroit i ftoj te pranishmit qe kishin ardhur edhe nga Cikago dhe qytete te ndryshme te Detroitit te degjonin hymnet kombetare te te dy shteteve dhe te mbanin nje minut heshtje ne kujtim te viktimave dhe heronjeve te kombit tone te rene nder vite per lirine e trojeve tona. Me pas Z. Rexhaj u dha fjalen tre udheheqeve fetar te pershendesnin kete takim.

DSC_0002Dervishi Elindon Pashaj ne fjalen e tij nder te tjera tha: “…Falenderoj organozatoret qe zgjodhen Teqen Bektashiane per organizimin e ketij aktiviteti shume te rendesishem qe i kushtohet njeres nga ngjarjeve me te dhimbshme te kombit tone. Per 60 vjet qendra jone i ka sherbyer kombit dhe komunitetit dhe te gjitha trojeve shqiptare e sidomos ceshtjes se lirise se Kosoves. Baba Rexhepi e themeloi kete qender per te gjithe shqiptaret. Duke e ngritur zerin bashke i tregojme botes se zeri yne per ceshtjen tone eshte i drejte dhe duhet degjuar. Ti Shqiperi me jep emrin shqiptar. Kete duhet ta manifestojme dhe ta trashegojme me dinjitetin me te madh. I lutem te madhit zot ti meshiroje te gjithe ato shpirtera qe nuk e kursyen jeten per lirine e tokes shqiptare!”
Imam Shuaip Gerguri ne pershendetjen e tij tha: “…Eshte koha qe te jemi te lidhur fort me njeri-tjetrin. Te mendojme dhe te veprojme si nje trup i vetem qe ta sherojme nje nga gjymtyret e ketij trupi. Ne trup eshte nje organ, DSC_0006e ajo eshte zemra, ne rast se ajo nuk eshte ne rregull i gjithe trupi demb. E kjo zemer eshte Tirana eshte Prishtina qe te dyja duhet te punojne me fort se ne e meritojme bashkimin kombetar. Kjo pjese e ndare eshte edhe Cameria qe po lengon prej dekadash. Ne na vene kushte per kete ceshtje e ne falim det u falim toke fqinjeve vetem per karrike. Qeveritaret duhet e te mendohen kur e japing fjalen ne emer te popullit pa e pyetur ate. Ne te gjithe vendet demokratike te botes vendimet e medha merren duke pyetur popullin!”
Dom Ndue Gjergji tha: “…Ne po e e vuajme edhe sot pushtimin 500 vjecar turk. Luftuam dhe vone e fituam lirine. DSC_0021Me kete perkushtim e ne bashkim forcash te luftojme qe te bashkojme pjese e trungut tone te ndare padretesisht. Koha eshte duke punuar per kombin tone e ne te punojme per te. Me shume per Camerine dhe shqiptaret ne trojet e veta ne Mal te Zi. Te japim kontributin tone sidomos per kulturen. Ne dime me fol por pak dime te punojme. Asnje nuk duhet te qendroje pasiv derisa te zgjidhim kauzen tone te drejte. Rrofte bashkimi yne kombetar!”
Ilir Ademi, kryetar i organizates Cameria ne Cikago mbajti kumtesen: ” Perkejket tona per nderkombetarizimin e ceshtjes came” Referuesi u fokusua ne prezantimin e kesaj ceshtje ne tribunat universitare e shkencore si dhe tek kongresistet e senatoret amerikane. Ne duhet ta bindim qe Greqia taDSC_0028 pranoje kete genocit, i cili eshte i deshmuar tashme ne shume punime shkencore e historike e ne libra te shume si nga autoret vendas dhe te huaj dhe njeri prej tyre ne anglisht eshte Robert Ellsie. Ne nuk jemi kundra popullit grek, por u eshte mohuar e drejta dhe gjuha 4 milion shqiptareve ne Greqi. Ademi shpalosi projekte per te ardhmen me qellim sensibilizimin e ceshtjes came.
Luigj Gjokaj, sekretar i shoqates “Malesia Madhe” dhe activist i hershem per ceshtjen came ne fjalen e tij solli fakte mbi angazhimin e diaspores ne Detroit per Camerine, duke cituar dy akademite e organizuara, njera ne Detroit me 20 korrik 2016 dhe tjetra ne New-York me 18 DSC_0040shtator 2016 nga Gjok Martini dhe Zef Pergega dhe demostrata me 7 nendor 2016 e organizuar nga Gjok Martini ku vete Luigji ka marre pjese. Ai solli shembuj nga demostratat e sidomos nga ato te malesoreve kur me 1978 ne New-York u be nje proteste nga greket per te kerkuar Verio Epirin dhe po ate dite nga shqiptaret kundra regjimit komunist ne Shqiperi. Por kur shqiptaret e moren vesh se greket kane dale ne demostate per grabitjen e tokave tona shqiptaret u perleshen me ta duke harrur qellimin pse kishin dale ne deemostrate!.
Zef Pergega, me cilesine e organizatorit dhe moderatorit te ketij aktiviteti mbajti nje kumtese mbi rolin e diaspores per ceshtjen came dhe verimtarine e Bilal Xhaferrit me revisten e tij “Krahu i Shqiponjes”.
Drejtori i Tv Shqiptareve te Amerikes Gani Vila mbajti kumtesen mbi masakrat cnjerezore te grekeve ne jugun e Shqiperise dhe vecanerisht ne Progonat, ku u vrane per nje dite 375 shqiptare, 25 prej te cileve i perkisnin fisit te tij.DSC_0044 Sipas tij ne keto masakra jane vrare te krishtere e muslimane dhe asnje qeveri nuk ka vepruar me pasterti per cestjen Came. Vila ishte nje kritik i rrepte edhe ndaj qeverise se sotme te Edi Rames, i cili para pales greke ka mbyllur genocidin e ndodhur nga viti 193-1944. Partia e Punes ketyre krimeve u vuri kapak dhe askush nuk guxonte te fliste. Pse duhet te krijhet parti came?! Dekleratat e kryeministrit se partia socialiste edhte e vetmja qe e ka vene kete cestje ne udhen e zgjidhjes nuk eshte as serioze as normale, por eshte nihiliste. Une do te punoj vete si person me familjen me televizionin qe sa te mundem te paraqes material e dokumente per ceshtjen came!”
Takimin e pershendeti edhe biznesmeni Ndue Ftoni njeheresh pronar i ACTV, Alen Hoxha, Prof Anton lajcaj, Shkelqim Ademi si dhe Besim Dervishi.
Albdreams. net qe mori pjese dhe e pasqyroj aktivitetin mirepret materialet e tjera te referuara ne kete takim, i cili ishte i nje niveli te larte dhe mbreslenes.
DSC_0005 DSC_0007 DSC_0008 DSC_0009 DSC_0012 DSC_0013 DSC_0015 DSC_0016 DSC_0017 DSC_0018 DSC_0019 DSC_0025 DSC_0031 DSC_0036 DSC_0045 DSC_0046DSC_0039 DSC_0043
Me poshte po japing fjalen e gazetarit  Zef Pergega, i cili na e dergoi me e-mail

BILAL XHAFERRI ZEMREKU I ORES SE CAMERISE
               
DSC_0027 ZEF PERGEGA
Kontributi i diaspores shqiptare te Amerikes, per ceshtjen e pazgjidhur came eshte i mocem. Ai e ka moshen mbi 100 vjecare. Kjo ceshtje ekziston se ekzistojne dhe nuk shuhen camet. Ekziston se dhimbja eshte e pranishme ne zemrat e nenave came. Ekziston se eshte ne jete gjuha e tyre, qe flet per nje toke, per nje prone per nje lis e per nje shkemb nga u hodhen nuset per te mos rene ne dore te gjaksorit, per nje varr te te pareve rrethuar me gur prej Camerije qe edhe sot me heshtjen flet ate gjuhe perendie.
Ajo ekziston e mbytur ne gjak e ne lot, e mbetur e shkrete pa zot!
Tragjedia came nuk eshte gje tjeter, vetem nje perseritje e drames kosovare mbi tri aktet e gjakut Shpasurim-Shperngulje-Shfarosje, shkruante Noli
Cameria ekziston se ajo eshte djepi i burrave te medhenj sepse eshte atdheu i Pirros, eshte toke e krishterimit e cila i tha Selise se Shenjte Papen Eleuteri qe ne gjuhen greke do te thote Liria, eshte dheu i atit te Shen Donatit dhe i humanistit me fame boterore Mihal Trivoli, se aty eshte themeli i kulles se Marko Bocarit dhe e qindra kapidaneve qe i dhane lirine tokes helene e per vete moren Kalin e Trojes.  Tani ceshtja came nga nje muze i harruar neper skutat e historise, po del ne suprinen e tribunave nderkombetare e deri ne Gjykten e Hages…
Teza se camet ishin bashkepunetore te fashizmit eshte anakronike dhe pa asnje baze historike. E verteta e spastrimit etnik mbi camet ka nisur qe ne vitin 1913, pra 27 para se te fillonte Lufta e Dyte Boterore. Camet gjate okupimit nazi-fashist nuk paten as qeveri dhe as parti, madje as grupe qe te renditeshin ne anen e pushtuesit. Ata luftuan dhe dhane jeten per token e tyre dhe ne mbrojte te grekeve. Sot ne Greqi qeveria e te ciles nuk e pranon ceshtjen came ka ne parlamentin e vet parti naziste. Por dita do te vije, kur kufijte mes shqiptareve do te shuhen e do te treten, bashke me Kosoven e Camerine, me Malesine e trojet tjera shekullore do te mbeten. Se Fishta i ka rene me heret Lahutes
    Po neser me ndihme te Zotit
Do ta bejme perseri Shqiperine e lire
Prej Preveze ne Leqe te Hotit                      
Prej Tivari ne Manastir.
Nje came trokiti ne porten e madhe te Lirise. Lejla Dino, kryetare e Shoqates Shqiptaro Amerikane me 20 nendor 1919 i shkruante nje leter zonjes se pare te Amerikes qe te influenconte tek Presidenti Willson qe tokat shqiptare te mos grabiten dhe Cameria te mbetej ne shtetin shqiptar. Perkushtimi i diaspores shqiptare ka nisur qe ne vitin 1918 kur camet e Amerikes e ndezen zjarrin e bashkimit dhe ai nuk do te shuhet kurre deri sa ta shohim te valevitet flamuri kuq e zi ne frengjite e kalase se Janines, sic e deshiron edhe patrioti malesor Gjok Martini. Periudha 1918-1940 ne Amerike eshte e mbushur plot aktivitete per Camerine sidomos me memorandume, me konferenca, demostrata dhe letra derguar te gjitha qeverive dhe personaliteteve me te larta boterore e amerikane.
Ne tetor te vitit 1974 krijhet ne Cikago “Lidhja Came” Detyra kryesore e kesaj organizate ishte te deshmonte para botes se camet kudo qe jane, jane gjalle e plot energji per ceshtjen dhe kauzen e lirise se tyre. Kryetari i pare i saj njihet patrioti Selfo Hoxha, me anetare Dragon Idrizi, Hamza Cami, Selfo Hysaj dhe Bilal Xahferri.
Po ne kete vit pa driten e botimin revista “Krahu i Shiponjes” me botues poetin dhe shkrimtarin Bilal Xhaferri. Bilali e gdhendi ne art ceshtjen came. Ai eshte arkitekti i fjales se lire ne diaspore, njeri i akteve heroike ne permballjen me diktaturen dhe grupimet antikombetare ne Amerike e kudo.
Pati nje lidhje te forte me malesore dhe aty mes tyre gjente forca per te punuat, per ta nderkombtarizuar roberine e popullit te tij. Une mund te thenm se ai ishte zemreku i ores se lirise se Camerise. Kur ishte ne pytje ceshtja e Kosovare ai e vuri ne sherbim te saj. U lidh for me kishen katolike Zonja Pajtore me Dom Prek Ndrevashen, i cili si ne predikime e fjalime e prezantoj ceshtjen came, madje aq fort ne revisten e tij “Rreze Shelbuese” Ai pati mik te ngushte Prof Prek Gruden, po ashtu Gjok Martinin dhe gazeten e tij “Lajmetari Shqiptar”  Nuk duhet harruar aktivisti , poeti dhe fotografi Vasel Ujkaj, i cili pasqyronte jeten e komunitetit dhe demostrata ne shtypin e kohes dhe ne revisten “Krahu i Shqiponjes” Poezia e vetme e Bilal Xhaferrit qe u botua ne gazeten “Zani i Rinise” ka qene “Balade Came “ me 1969, por litari i lagur ideologjik ua ngushtoi frymen vargjeve te lira…
Dhe camet ikin. Po ku vene? Ku shkojne valle me trasten pa buke? Toka nuk qesh me. Ylberi eshte vetem nje pershendetje lamtumire. Fara dhe parmenda jane te ngrira ne plisin e kthyer e te zhuritur. Qete e kularit i ka there greku e tym e zjarr i ka lallur kullat. Qente i kane helmuar e bagetite i kane grabitur. Zemra dhe shpirti i popullit kukurec i pjekur ne bajoneta. Llajkat e dyerve jane bere si vela te shqyera nga furtunat. Po si e thote poeti cam Xhaferri qe pas shpine ka bajoneten e qyten e ushtarit grek
Na e tregojne drejtimin plumbat
Qe vershellojne ne erresise
Na i ndricojne rruget flaket      
Qe te gjithe vendin e kane perpire
Qe te mos ndodhi me kjo menxyre gjaku jemi mbledhur sot nga te gjitha krahinat se ceshtja came nuk eshte sinore fshati po ceshtje kombetare. Se pikerisht per kete me ne krye Gjok Martinin si frymezues organizuam dy Akademi nje ne Detroit me 20 korrik 2003 dhe nje ne New-York ne shtator 2003 dhe po nje demonstrate ne Detroit. Ne keto aktivitete kontriboj edhe aktivsti Luigj Gjokaj. Per keto veprimtari ka shkruar edhe New-York Time se Bilal Xhaferri me pare e kishte bere ceshtjen came present ne kete redaksi prestigjioze.
Sot eshte kohe tjeter. Duhet shpejtuar sa me shume te jete e mundur. Ndaj nga kjo akademi le te bashkohemi dhe te ia nisim punes per prezantimin e kesaj ceshtje ne cdo tryeze, duke perdorur te gjitha format demokratike dhe argumetueze.

Prefiksi telefonik i Kosovës po bllokohet nga Serbia

Prefiksi telefonik i Kosovës po bllokohet nga Serbia
Që nga 1 marsi, Kosova duhej të kishte në pronësi kodin telefonik +388, gjithnjë sipas marrëveshjes së Brukselit për telekomin.
Bazuar në këtë marrëveshje, Austria ka aplikuar në emër të Kosovës që në fillim të këtij viti për marrjen e kodit në Unioni Ndërkombëtar të Telekomunikacionit. Ky institucion është duke punuar që kodi të jetë në pronësi të Kosovës, ndonëse nuk jep shumë informacione për vonesat.
Sanjay Acharya, Shefi i Zyrës për Media dhe Informimit Publik, në ITU i ka thënë Tribuna Channel përmes postës elektronike se sapo kodi telefonik për Kosovën të jetë finalizuar do të njoftohet të gjitha palët.
“Kur kodi të ndahet nga ITU do të botohet në buletin dhe në ueb faqen e ITU, siç bëjmë zakonisht. Publikimet bëhen nga data 1 deri me 16 të çdo muaji”, ka thënë Acharya.
Por, procesin po e pengon Serbia.
Shteti fqinj po kërkon që rrjeti i operatorit mobil të përkohshëm të ketë 155 stacione bazë në gjithë Kosovën.
Në bazë të marrëveshjes për telekomin operator

“Çmenden” mediat greke, raportojnë për memorandumin e Shqipërisë së Bashkuar

“Çmenden” mediat greke, raportojnë për memorandumin e Shqipërisë së Bashkuar
Mediat greke kanë raportuar për paralajmërimin e memorandumit për jetësimin e Shqipërisë së Bashkuar mes Lëvizjes për Shqipëri të Bashkuar dhe Listës për Shqipëri Natyrale. Ideatori i Listës për Shqipëri Natyrale, Koço Danaj dhe ideatori i Lëvizjës për Shqipëri të Bashkuar, Tahir Veliu kanë njoftuar se më 16 korrik në Prishtinë, do të nënshkruhet Memorandumi i Bashkëpunimit mes Listës për Shqipëri Natyrale dhe Lëvizjes për Shqipëri të Bashkuar,raporton lajmiexpress.net.

Objektivi kryesor, siç vuri në dukje është bashkimi i të gjithë shqiptarëve në një shtet kombëtar, për këtë qëllim të dy lëvizjet kombëtare do të hartojë një strategji kombëtare, raportojnë mediat greke.

Gavriç: Hyra në Kosovë me eksploziv, nuk më kontrolloi askush



 80 times
Gavriç: Hyra në Kosovë me eksploziv, nuk më kontrolloi askush

I akuzuari për terrorizëm Sllobodan Gavriç tha në gjykimin e tij se automjeti nuk iu kontrollua kur hyri në Kosovë me eksploziv.
"Gjatë hyrjes në Kosovë nuk më është kontrolluar automjeti, ndërsa unë kam hyrë në Kosovë me letërnjoftim të Serbisë," tha Gavriç gjatë paraqitjes së mbrojtjes së tij në Gjykatën Themelore në Prishtinë.

Gavriç që po pretendon se materien shpërthyese e solli në Prishtinë për ta shitur, tregoi se derisa qëndronte në Hotelin “Grand” eksplozivin e kishte me vete.

“Derisa kam qëndruar në ‘Grand’, materia-eksplozivi ka qenë me mua,” tha Gavriç. Gavriç më tutje tregoi se 12.219 kilogramët e eksplozivit të llojit PETN që iu zunë në makinë në Prishtinë në dhjetor të vitit 2014 i kishte marrë 10 ditë para se të vinte në Kosovë.

“Këtë masë e ka sjellë një mik-Zhelko Todoroviq me qellim që t’i ndihmoj për shitje në Kosovë,” tha Gavriç. Ai përsëriti edhe sot se nuk ishte hera e parë që me këtë masë shpërthyese erdhi në Kosovë.

“Unë në Kosovë kam ardhur me atë materie tri herë. Herën e dytë kam qëndruar dy ditë e të tretën një ditë,” sqaroi Gavriç. Edhe në nëntor të vitit të kaluar Zhivojin Jokanoviq, avokati i Gavriçit duke kundërshtuar aktakuzën tha se klienti i tij tri herë kishte sjellë eksploziv në Prishtinë.

Gavriç tregoi në gjykatë se kujt do t’ia dërgonte eksplozivin që solli në Prishtinë.

“Unë atë materie kam pasur t’ia dorëzoj Zhelko Todoroviqit. Atë e kam njohur para tre-katër vjetësh, e kam takuar te një mik i imi,” tha Gavriç.

Para se të niste mbrojtjen e tij, në gjykimin e Gavriçit u lexuan provat e paraqitura nga prokuroria. Prokuroria propozoi që si provë në shkresat e lëndës të futet edhe raporti policor nga vendi i ngjarjes, i cili propozim u pranua nga gjykata.

Në prova hyri edhe lista e mysafirëve në Hotelin “Grand”, ku shihej edhe prania e Gavriçit në atë listë. Prokuroria Speciale ngriti aktakuzë kudër Sllobodan Gavriçit më 10 korrik 2015.

Sipas aktakuzës, Sllobodan Gavriç, ka përgatitur kryerjen e veprën penale të terrorizmit ashtu që gjatë muajit dhjetor të vitit 2014 në Beograd është furnizuar me 25 pajisje eksplozive me peshë totale 12.219 gramë, të cilat përmbajnë eksploziv të fuqishëm PETN i kombinuar me fragmente metali, bulona dhe gozhda, të cilat shërbejnë për rritjen e fuqisë shkatërruese dhe shkaktimit sa më të madh të viktimave në njerëz dhe dëme materiale.

Gjithnjë sipas aktakuzës, Gavriçi këtë sasi të eksplozivit e ka transportuar nga Beogradi për në Prishtinë me veturën e ti “Renault Clio” kur rreth orës 21:00 në Lagjen “Arbëria” është ndaluar nga Policia e Kosovës me ç‘rast gjatë kontrollimit të kryer në bagazhin e veturës së tij është gjetur çanta në të cilin ishte vendosur eksplozivi.

Sipas aktakuzës, eksplozivi i Gavriçit, ishte marrë në Beograd dhe kishte për qëllim kryerjen e një akti terrorist.

Rrëfehet 11-vjeçari nga Prishtina, që ka lexuar mbi 100 libra

Rrëfehet 11-vjeçari nga Prishtina, që ka lexuar mbi 100 libra

Përmes një rrëfimi një 11-vjeccar nga Prishtina ka treguar se kohën e lirë e kalon duke lexuar libra. Besfort Spahiu, sapo ka përfunduar klasën e pestë, pranë shkollës fillore “Hasan Prishtina”, në Prishtinë.

Teksa tregon për librat që ka lexuar me plotë dashuri dhe pasion, vërehet se nxënësi nga Prishtina ka arritur të krijojë një diapazon të njohurive. Ai me entuziazëm thekson se numri i librave që ka lexuar deri në këtë moshë, jashtë literaturës obligative shkollore, ka kaluar numrin 100.

"Tash e kam përfunduar klasën e pestë me sukses të shkëlqyer (me krejt pesa). Nuk dua të jem modest, por jam i dalluar në klasën time për arritjet në mësime. Shpresoj shumë se do të vazhdoj kështu”, ka thënë Besforti në rrëfimin e tij për Telegrafin.

Ai ka theksuar se kënaqësinë e vërtetë e gjenë duke lexuar; romane, enciklopedi dhe libra të tjerë që kanë përmbajtje sidomos historike dhe filozofike. "Tash së fundmi i kam përfunduar dy Enciklopedi: Enciklopedia ime e parë – në të cilën flitet për civilizime dhe detaje tjera shkencore dhe "Gjithçka që duhet të dini”. Nuk e di saktë pse, por tash leximi më është bërë diçka e pandashme nga përditshmëria ime. Nuk besoj se më kalon një ditë pa lexuar disa faqe të ndonjë libri. Nuk e kam fiks sasinë sa duhet të lexoj, por thjesht është çështje disponimi dhe inspirimi, ajo që ma dikton sa do të lexojë”, ka thënë 11 vjeçari nga Prishtina.

Sipas tij, nuk është e lehtë që të gjejë bashkëmoshatarë me të cilët i diskuton përmbajtjet e librave, sepse “ata shumicën e kohës së lirë e kalojnë duke luajtur lojëra, ose duke shikuar futboll”.

“Edhe unë ndonjëherë luaj, por nuk mendoj se duhet të kalohet krejt koha në lojëra. Ky është mendimi im, ndoshta edhe nuk e kam mirë. Mua leximi më jep kënaqësi, dikujt ndoshta loja”, ka shtuar djaloshi.

Besforti tregon se pasioni i tij për libra nuk ka qenë i shtyrë nga dikush, por se prindërit janë tepër të kënaqur që ky e kohën e kalon duke lexuar.

“Ata vazhdimisht më mbështesin. Mi sigurojnë të hollat kur dua të blejë libra, sepse unë nuk kam mundësi ta bëjë vet një gjë të tillë”, ka shtuar ai.

Djaloshi 11 vjeçar tregon se familja e tij përbëhet nga pesë anëtarë: nëna, babai dhe dy vëllezërit binjakë, Besarti dhe Besmiri, të cilët sapo e kanë kaluar vitin e parë të jetës së tyre, e që këtyre vocërrakëve mundohen t’ua mësoj ndonjë fjalë.

“Pavarësisht se vetëm babai punon në shtëpi, prindërit nuk kursejnë nga paratë e tyre për të më siguruar mua literaturën të cilën unë e pëlqej”, thekson 11 vjeçari nga Prishtina.

Besforti ka thënë për Telegrafin se ai entuziazmohet shumë kur ka evenimente në të cilat promovohet ndonjë libër me vlerë shkencorë ose akademike, dhe se ka gatishmëri që të marrë pjesë në secilën prej tyre.

“Në panaire të librit, sa herë më jepet mundësia i vizitoj. Kam qenë edhe në këtë të fundit në Prishtinë. E analizoj cilat janë titujt e ri, e më pas cili prej tyre po ma ngacmon kureshtjen dhe kështu vendosi t’i blej. Në pamundësi për t’i blerë i huazoj nga dikush, ose shkoj në bibliotekën e qytetit të Prishtinës ‘Hivzi Sylejmani, pjesë e së cilës jam tash e sa kohë”, ka sqaruar ai.

Ai tregon se në bibliotekën e kryeqytetit tashmë është figurë e njohur.

b333

Djaloshi 11 vjeçar ka theksuar se ai ndër të tjera vijon edhe një kurs të aktrimit, gjë e cila i pëlqen shumë.

Por ende nuk është i sigurt nëse kur të rritet do të bëhet aktor.

Aktori i preferuar i Besfortit është Leonardo Di Caprio, ndërsa filmi që e pëlqen është “Alvin and he Chipmunks”.

Besforti, ndonëse shumë i ri në moshë, tregon se interesohet edhe për zhvillimet që ndodhin nëpër botë, duke shtuar se ai lexon mediat online më të mëdha në botë.

“Kureshtje të veçantë kam për vatrat e krizës. Më intereson të di për shumë për zhvillimet, analizat, që bëhen për Lindjen e Mesme”, ka thënë ai.

11 vjeçari, i cili buzëqeshjen e ka armë të fuqishme për t’i përvetësuar zemrat e njerëzve, dallohet për dinamikën e tij. Gjuha e tij e trupit tregon se Besforti është një tip shumë i gjallë.

Ai ka treguar edhe detaje tjera nga jeta e tij jo shumë e gjatë, por e cila karakterizohet më së shumti nga librat.

Një detaj interesant është që Besforti në moshën 4 vjeçare e ka mësuar shkrim – leximin. "Kur kam hyrë në klasën e parë, nuk kam pasur nevojë t’i ndaj fjalët në rrokje, për ta mësuar leximin e tyre. Kam lexuar rrjedhshëm qysh në klasën e parë", ka shtuar djaloshi nga Prishtina.

Ai si entuziast i librave, thotë se Mark Tëain mbetet njëri ndër shkrimtarët e preferuar të tij, respektivisht libri i preferuar mbetet "Princi dhe i Vobekti".

Kaçurreli simpatik, Besfort Spahiu, nuk është se i ka harruar studimet, edhe pse është herët. Fushë e interesimit të tij mbeten shkencat sociale në përgjithësi, por thotë se nuk e përjashton si mundësi që t’i studiojë gjuhët e huaja.

“Më pëlqen historia, gjuhët e huaja dhe shkencat tjera shoqërore. Në matematikë jam i mirë, por më duhet ende të punoj. Interesohem të lexoj për civilizimet njerëzore. Civilizimin grek, romak, bizantin, atë islam, fe të cilës edhe unë i takoj. Fushë të interesimit i kam edhe teologjinë. Më intereson ta di raportin e njerëzve më Zotin. Është tepër interesant”, ka shtuar ai.

Besforti thotë se kur mendon për kohën e studimeve, do të dëshironte që ato t’i përfundonte jashtë Kosovës.

Djaloshi 11 vjeçar, të cilit po i mungojnë bashkëmoshatarët me të cilët i diskutojnë titujt e librave të lexuar ose pjesët nga këta libra, vlerëson se edhe më të rriturit nuk po lexojnë libra.

“Po kam problem që për këta libra të flas edhe me më të rriturit. Më duket se as ata nuk lexojnë. Do të kisha dëshirë që të kem moshatarë të mi, më të cilët i diskutojmë përmbajtjen e librave. Por, edhe nëse nuk gjejë të tillë, unë do të vazhdoj të lexoj”, ka shtuar Besforti.

Ai tregon se libri i radhës të cilin pret ta lexoj, ka të bëjë me sociologjinë. “Planifikoj shumë shpejt ta lexoj një libër voluminoz, e ai është “El Mukadime”, i Ibn Haldunit, i cili njihet si babai i sociologjisë. Më kujtohet se ka qenë themeluesi i Facebook, Mark Zuckerberg, i cili para disa muajsh e pati preferuar këtë libër për ta lexuar, dhe kjo më pati mbetur në mendje”, ka theksuar ai.

Ai ka edhe një mesazh për moshatarët e tij dhe jo vetëm. "Unë i porosisë që të lexojnë sa më shumë dhe ta kthejnë leximin në pasion, sepse më të vërtetë do të kënaqën. Jeta e tyre do të jetë më e mirë dhe më interesante. Do ta jenë me produktiv për shoqërinë", ka përfunduar Besforti.

Policia malazeze largon tabelat e vendosura në kufi nga Vetëvendosja



 78 times
Policia malazeze largon tabelat e vendosura në kufi nga Vetëvendosja (Foto)
Policia malazeze ka hequr flamurin shqiptar dhe një tabele me mbishkrimin “Mirësevini në Republikën e Kosovës”, të cilat ishin vendosur në vijën kufitare me këtë vend.
LVV
Lëvizja Vetëvendosje ishte ajo që i vendosi dje për të treguar se ku është kufiri i Kosovës duke e demantuar marrëveshjen e demarkacionit të nënshkruar mes Kosovës dhe Malit të Zi, raporton portali malazez CDM.
Kufiri KS-Mali i Zi
Këto karakteristikat të Kosovës janë vendosur dje, dhe Ministria malazeze e Punëve të Brendshme njoftoi se tabela dhe flamuri ishin vendosur në “territorin e Malit të Zi, në mes të kalimit kufitar”.
LVV1
“Deputeti i Vetëvendosjes, Fisnik Isamilji në faqen e tij në Facebook ka thënë se: “Kjo pikë është kufiri i vërtetë në mes të Kosovës dhe Malit të Zi, ku ne, Deputetët e Republikës së Kosovës, e vendosëm këtë shenjë, e cila është 8 km prej pikës ku gjindet policia e Kosovës dhe 2 km nga ajo e Malit të Zi. 

LVV4

Ne vazhdojmë ta kundërshtojmë faljen e tokave të Kosovës me çdo kusht.”


LVV3

Mediat turke: ISIS sulmoi aeroportin e Stambollit!

Nga shpërthimet e të shtënat në Stamboll. Të paktën 28 të vdekur, dhjetëra të plagosur
Të shtëna me armë zjarri pranë një parkingu si dhe dy shpërthime kamikaze në terminalin e Aeroportit “Ataturk” të Stambollit, janë dëgjuar mbrëmjen e kësaj të marte, ndërsa ministri turk i Drejtësisë Bekir Bozdag flet për të paktën 28 të vdekur e rreth 60 të tjerë të plagosur mes pasagjerëve që prisnin të udhëtonin.

Automjete të shumta emergjencash shkuan menjëherë në vendngjarje, ndërsa periferia e aeroportit u bllokua për mjetet e tjera. Mësohet gjithashtu se janë ndaluar edhe linjat e metrove që të dërgonin në këtë aeroport.

Sipas dëshmitarëve në vendngjarje, taksitë e ndodhura aty kanë transportuar të plagosurit për në spitalet më të afërta, për të marrë ndihmën e parë mjekësore. Ende nuk dihen përgjegjësit e shpërthimeve.

Turqia ka përjetuar disa raste shpërthimesh gjatë muajve të fundit, të cilat janë lidhur me kurdët apo me militantët e Shtetit Islamik. Mes tyre rasti i Stambollit që pati për objektiv turistët, por edhe shpërthime në rajonin Juglindor me shumicë kurde që kanë shënjestruar forcat e policisë dhe ushtarët.

Sulme të tilla janë rritur së tepërmi në shkallë të gjerë dhe frekuenca të larta, duke frikësuar ndjeshëm turistët e huaj e duke sjellë për pasojë dëmtimin e ekonomisë turke, e cila bazohet kryesisht në të ardhurat prej turizmit.

Aeroporti “Ataturk” i Stambollit është i treti në Europë për nga numri i pasagjerëve, teksa në vitin 2015 janë shënuar plot 61.8 milionë të tillë që kanë kaluar përmes terminaleve të tij. Ai konsiderohet gjithashtu një nyje lidhëse e fluturimeve mes Europës dhe Azisë.

Mediat turke: ISIS sulmoi aeroportin e Stambollit!

Mediat turek raportojnë së janë pjesëtarët e Shtetit Islamik ata që sulmuan me bomba aeroportin e Stambollit.
Çfarë po ndodhë me aeroplanin e nisur nga Prishtina për në Stamboll pas sulmit?
Ndërsa një zyrtar i lartë kundër terrorizmit në Shtetet e Bashkuara ka thënë për NBC News se sulmi në Aeroportin e Stambollit “përkon me profilin e ISIS’it, dhe jo të PKK’së”.
Kjo këngëtare shqiptare i shpëtoi për mrekulli sulmit në Stamboll
Ai ka thënë se militantët kurdë nuk sulmojnë objektiva ndërkombëtare, prandaj dyshon që sulmi në aeroportin Ataturk është kryer nga militantët e grupit Shteti Islamik.

Nga ky sulm kanë mbetur të vdekur 28 qytetarë, derisa janë plagosur më shumë se 60 të tjerë.

Asnjë grup nuk e ka marrë ende përgjegjësinë për sulmin.

Iniciativa e gjeneral Ramush Haradinajt për Betejën e Kosovës tronditë Serbinë



 6 times
Iniciativa e Haradinajt për Betejën e Kosovës tronditë Serbinë
“Është evidente se në mungesë të historisë së tyre disa nga shqiptarët dëshirojnë ta përvetësojnë historinë serbe. Tashmë e kemi të qartë se sa e rëndësishme ka qenë që Kosova të jetë pjesë e UNESCO-s. Paramendojnë se çfarë do të ndodhte po të ishte (pjesë e UNESCO-s), atëherë e gjithë historia serbe përnjëherë do të shndërrohej në histori të njëfarë Kosove dhe atëherë manastiret do të bëheshin të njëfarë Kosovës”, ka thënë Vulin.
Ministri për Punë, Punësim dhe Çështje Sociale në Qeverinë e Serbisë, Aleksandar Vulin ka deklaruar sonte në veri të Kosovës se “disa shqiptarë në mungesë të historisë së tyre dëshirojnë ta përvetësojnë historinë serbe”.
Kjo deklaratë e Vulin vije si reagim ndaj iniciativës së kryetarit të Aleancës për Ardhmërinë e Kosovës, Ramush Haradinaj, i cili ka kërkuar ngritjen e një lapidari në Gazimestan në nderim të heronjve shqiptarë që kanë marrë pjesë në Betejën e Kosovës, transmeton lajmi.net.
“Është evidente se në mungesë të historisë së tyre disa nga shqiptarët dëshirojnë ta përvetësojnë historinë serbe. Tashmë e kemi të qartë se sa e rëndësishme ka qenë që Kosova të jetë pjesë e UNESCO-s. Paramendojnë se çfarë do të ndodhte po të ishte (pjesë e UNESCO-s), atëherë e gjithë historia serbe përnjëherë do të shndërrohej në histori të njëfarë Kosove dhe atëherë manastiret do të bëheshin të njëfarë Kosovës”, ka thënë Vulin.
Ai tutje ka theksuar se është e rëndësishme që gjithë botës t’i tregohet se “historia serbe në Kosovë nuk do të bëhet shqiptare apo e dikujt tjetër, sepse ajo është serbe”.

Diana Bunjaku/Gecaj: Shpend Ahmeti të jap dorëheqje!

Gecaj: Shpend Ahmeti të jap dorëheqje!

Bajram Gecaj zëvendës Ministër në Ministrinë e Administrimit të Pushtetit Lokal, përmes një postimi në rrjetin social facebook, ka kërkuar nga Shpend Ahmeti që të jap dorëheqje.
“I dhashë vetes të drejtë të shkruaj për këtë temë shumë të ndjeshme, pasi kaluan ditët e të pamës në shtëpinë e cila humbi tragjikisht dy fëmijë dhe pasi konsideroj se kaloj aq kohë sa të mendojmë për këtë çështje esull e pa tepri emocionesh.
Humbja tragjike e jetës së dy fëmijëve, pos tjerash, është edhe rezultat i drejtpërdrejt i mos reagimit në kohë dhe mos reagimit të drejtë të institucioneve komunale të Prishtinës.
Dorëheqja e Gjelal Sveçlës është pranim i kësaj përgjegjësie, prandaj si e tillë kjo më jep të drejtë të konstatoj se ajo nuk është e mjaftueshme as moralisht, as institucionalisht.
Nuk është, sepse fajësia për mos reagim adekuat dhe në kohë është e gjerë dhe shumë përfshirëse, sepse tragjedia është shumë e madhe dhe absurde.
Si e tillë, kjo çështje nuk duhet dhe nuk mund të përmbyllet vetëm me kaq, pra me dorëheqjen e një personi, aq më shumë kur disa mundohen ta përmbyllin këtë tragjedi dhe ta qojnë në harresë me ambalazhe moraliste të dorëheqjes.
Prandaj, dorëheqje duhet të jap Kryetari i Komunës së Prishtinës, Shpend Ahmeti, jo vetëm pse tragjedia e humbjes së jetës së fëmijëve është e madhe, por pse mos reagimi i pushtetit komunal është në kohë shumë i gjatë, institucionalisht i pajustifikueshëm dhe moralisht neveritës.
Kam edhe një sugjerim. Shoqëria civile në të tilla raste, do te duhej të reagoj mbi parime të njëjta dhe për qëllime të njëjta. Nëse kanë kërkuar dorëheqjen/ shkarkimin e Ramadan Mujës, duhet po të njëjtën ta kërkojnë edhe për Shpend Ahmetin.
Edhe diçka, pas tragjedisë, përfaqësuesi i asaj lagje, Agim Azemi, raportohet t’i ketë thënë Shpend Ahmetit “...me qindra herë ju kam thirrur për këtë gropë...”, ndërsa banori tjetër i po kësaj lagjeje, Avdyl Hyseni, kishte deklaruar se “banorët e kanë denoncuar disa herë (gropën) në komunë, por nga komuna na kanë thënë që jeni të Isa Mustafës, dhe nuk kanë reaguar”. Kjo është edhe një arsye më shumë për të thënë - Ec Shpend, e bashkangjitu Sveçlës, ka shkruar në postimin e tij në facebook, Bajram Gecaj.

Beqir SINA New York /SHBA: Përkujtohet 72 Vjetroi i gjenocidit grek ndaj popullsisë çame




SHBA: Përkujtohet 72 Vjetroi i gjenocidit grek ndaj popullsisë çame

Organizata Shqiptaro Amerikane “Çamëria”, në SHBA, ka organizuar akademi, në kuadër të kësaj date përkujtimore, ku përkujtohen genocidi dhe terrori grek kundër popullsisë çame

Dje, më 26 qershor, në qytetin e Taylor - në Michigan(SHBA), është përkujtuar genocidi grek kundër popullsisë shqiptare të Çamërisë.
Ka qenë Organizata Shqiptaro Amerikane “Çamëria”, në SHBA, ajo që ka organizuar këtë akademi, në kuadër të kësaj date përkujtimore, ku përkujtohen genocidi dhe terrori grek kundër popullsisë çame.
Në kuadër të këtij aktiviteti përkujtuese janë mbajtur fjalime, nga drejtuesit e kësaj organizate, veprimtar të dalluar të çështjes çame, profesorë, studiues, histroian, gazetarë dhe pjestarë të familjeve, që kanë përjetuar në familjet e tyre këtë persekutim të egër e barbar nga ana e autoriteteve shoviniste greke.
Sipas një njoftimi në rrjetin shoqëror Facebook, thuhet se Organizata Shqiptaro-Amerikane “Çamëria” dega Michigan, më datën 26 Qershor 2016, ora 5 pasdite, organizojë dje një Akademi Përkujtimore kushtuar 72 Vjetorit të gjenocidit grek ndaj popullsisë autoktone Shqiptare të Çamërisë, në Sallën e Teqes Bektashiane në qytetin Taylor, Michigan.
Simbas informacioneve dhe fotografive të postuara në rrjetin shoqëror Facebook, pasqyrohet ky aktiviteti, në të cilin kanë duken se marrë pjesë , veprimtarë të dalluar të komunitetit, lider, profesorë nga Universitetet amerikane, shkrimtar, historian, gazetarë, përfaqësues në institucionet e kultit, mediat, bisnesmenët dhe bashkëatdhetarët tanë, në Detroit e për rreth tij.
Gjithashtu, po simbas albumeve të fotografive të postuara në këtë aktivitet nga vetë pjesëmarrësit, tregohet edhe për një pjesëmarrje edhe të disa anëtarëve, nga ata që kanë përjetuar në familjet e tyre, këtë persekutim të egër e barbar nga ana e autoriteteve shoviniste greke, lider të çështjes Çame në Shtetet e Bashkuara, dhe që janë edhe drejtuesit e lartë të Organizatës Shqiptaro-Amerikane “Çamëria” në SHBA.
Me rastin e kësaj akademie përkujtimore, gjithmonë duke iu referuar postimeve të tyre, aktivisti i çështjes çame z. Veli Veliu, pas takimit, shtrojë një pritje përkujtimore në në nderim të kësaj dite, përgatitur me ushqime të krahinës së Çamërisë, në restorantin e tij në adresën në qytetin Livonia, Michigan.
Ndërkohë, në një video postim të drejtuesit të Organizatës Shqiptaro-Amerikane “Çamëria”, në SHBA, folësi thotë në fjalën e tij mbajtur me këtë rast se : “Parrulla e ngritur në Francë - në stadiumin e ku po zhvillohej Euro 2016, është fruti i sensibilizimit për këtë çështje, dhe do të vazhdojë fuqishëm kudo në botë.Lufta jonë diplomatike , jurdike dhe politike tashmë ka marrë udhë, megjithse ne jemi të vetëdijshëm se ajo nuk do të jetë një rrugë e shkurtër dhe e lehtë. Ajo është një luftë që ia vlen për të luftuar, dhe për t’u betuar se do t’a çojmë atë deri në fund të saj.”
Kthim mbrapa nuk ka më!
Më tej oratori thotë sepse Çamëria jonë është historia dhe e kaluara e pandarë e kombit shqiptarë, i cili e ëndërron dhe luftonë për të. Çamëria, është toka e lashtë Arbërore që ne nuk e falim kurrë! Për ne kthimi në Çamëri është kthimi tek etërit tanë, të lavdishëm por, mbajtja e Camërisë nën pushtim “është njolla më e madhe e turpit të gjoncidit që vazhdon të qendrojë mbi supet, tuaja’”.
Simbas folësit, “Sot për sot, në tendrin e saj politik, botëror, Camëria, është akt akuza më e fuqishme dhe e drejtë e kombit shqiptarë, që pret vetëm zgjidhje.Çamëria është zëri më i fuqishëm që do të “dredh” Parlamentin Europian, ajo është tashmë edhe një “tribunë” e cila po shpërthen edhe në Senatin Amerikan, ku roli i komunitetit shqiptarë në Shtetet e Bashkuara të Amerikës është i madh dhe shërben si një urë ndërlidhse, mes ne Shqiptarëve dhe Uashingtonit, nga vetë fakti që jetojmë e punojmë në këtë vend të bekuar kampion i lirisë, demokracisë dhe lirive e të drejtave të njeriut kudo në botë”.
27 qershori është regjistruar në kalendarin e kombit si dita e genocidit të shovinizmit grek ndaj shqiptarëve të Çamërisë.
Më 27 qershor 1944 forcat e Regjimentit të 16-t të Divizionit të X të EOEA-s në Greqi nën komandën e kolonel Vasil Kamarës të udhëhequra nga Kranjaj me ndihmës Lefter Strugari, avokat Stavropullas, Ballumi, Zato, Pantazejtë, etj., hynë në qytetin e Paramithisë.
Në kundërshtim me premtimet e dhëna dhe marrëveshjes së bërë midis Myftiut Hasan Abdullai nga njëra anë dhe Shopera me dhespotin e Paramithisë nga ana tjetër, si agjentë të Zervës, filluan masakrat. Burra, gra dhe fëmijë të pambrojtur qenë objektivi i monarkofashistëve grekë. Numri i të masakruarave në qytetin e Paramithisë dhe rrethe arrin në 600 vetë.
Trojet etnike të Çamërisë u zbrazën nga banuesit e saj nën dhunën që mbillte vdekja dhe mijëra refugjatë kaptuan kufirin për t’u sistemuar në Shqipërinë komuniste. Gjithçka nisi me përcaktimin e kufijve në vitin 1931 dhe mbetjes larg trungut shqiptar të krahinës së Çamërisë.
Dhuna shpërtheu gjatë dhe pas Luftës së Parë Botërore, kur qeveritë e ndryshme greke shpërngulën me forcë qindra banorë të krahinës së Çamërisë nga trojet e tyre etnike, duke i dëbuar drejt Turqisë me pretekstin se ishin turq, për shkak të besimit mysliman.
Por, kjo shpërngulje masive nuk do të përfundonte këtu. Genocidi grek i nisur në qershor të vitit 1944, do të ishte fatal për popullsinë shqiptare në krahinën çame. Shqiptarët e kësaj krahine, ashtu si edhe gjithë Shqipëria, u akuzuan se kishin bërë aleancë me fashistët në dëm të grekëve. Dhe për këtë duhet të paguanin.
Më famëkeqi ishte një gjeneral i quajtur Zerva. Forcat e tij detyruan afro 250.000 shqiptarë të lënë trojet e të parëve të tyre dhe të largohen. Që t’i detyronin të largoheshin, ndaj popullsisë çame është ushtruar dhunë që zakonisht përfundonte me ekzekutime masive.
Afro 6.000 çamë u masakruan, u vranë ose u gjymtuan. Trojet e tyre etnike si Margëllici, Igumenica, Para-mithia, Filati, Konica e të tjera mbetën të shkretuara. Dëmet materiale ishin të pallogaritshme. Shtëpitë u shkatërruan, gjithçka kishin u detyruan ta braktisin.
Kështu popullsia çame mori rrugën drejt Shqipërisë, ku u vendos në qytete të ndryshme të vendit, si në Lushnje, Rrogozhinë, Shijak, Fier, Vlorë, Durrës, Tiranë, Elbasan,Sarandë, etj.

Skandal/ Vajzat shqiptare shfrytëzohen seksualisht në kampin e azilkërkuesve

Skandal/ Vajzat shqiptare shfrytëzohen seksualisht në kampin e azilkërkuesve
Mbi 70 mijë shqiptarë kërkuan azil gjatë vitit 2015 në vendet e Bashkimit Evropian. Shumica e tyre kanë bërë një kërkesë të tillë në Gjermani.
Shumë prej shqiptarëve janë dëbuar pas refuzimit të statusit të azilantit, kurse shumë e shumë të tjerë vazhdojnë të qëndrojnë nëpër kampe me shpresë.
Ditët e fundit mediat gjermane kanë shkruar për një skandal seksual në një prej kampeve. Ngjarja ka ndodhur në Burbach, ku thuhet se ka një shfrytëzim sistematik seksual të femrave azilkërkuese. Madje flitet dhe për përdhunime. Për këtë arsye, prokuroria gjermane e këtij qyteti ka ngritur një ekip special për hetimin e kësaj çështjeje. Policia ka akuzuar disa punonjës të Kryqit të Kuq gjerman dhe një firmë sigurie “Bewa Security”.
Akuzat janë ngritur mbi deklaratat e dy vajzave shqiptare, të cilët nuk ndodhen më në kampion në fjalë. Sipas denoncimit, punonjësit e kryqit të kuq dhe firmës së sigurisë kishin marrë dhoma me qira në zonën pranë kampit dhe aty ftonin femra emigrante, raporton Panorama.
Pasi konsumonin alkool, ata i detyronin femrat që të kryenin marrëdhënie seksuale pa konsensus të dyanshëm. Hetimet nisën pas denoncimit të bërë nga një punonjës i qeverisë, që punonte si përkthyes, i cili u paraqit në polici.
Kjo e fundit shkoi një hap më të tej pasi mori në pyetje palën e tretë dhe nga ku u mësua për shfrytëzim sistematik seksual të azilkërkuesve. Shefi i prokurorisë, Johannes Daheim ka konfirmuar për gazetën gjermane “Siegener Zeitung” se deri tani janë hetuar tre raste të tilla.

Një provokim tjetër nga Serbia: Aleksandar Jabllanoviq, ish-ministër për Kthim e Komunitete i Kosovë pas krijimit të koalicionit Mustafa –Thaçi/ Jabllanoviq vë kurorë në Koshare


Një provokimi i ri është bërë sot kundër Kosovës nga Aleksandar Jabllanoviq, ish-ministër për Kthim e Komunitete i Kosovë pas krijimit të koalicionit Mustafa –Thaçi e i larguar nga ky post pas fyerjes së nënave të viktimave të terrorit serb në Gjakovë.
Jabllanoviq sot ka qëndruar në Koshare dhe atje ai ka vënë kurorë për ata që ai i quajti “heronj të Serbisë” e që u vranë në luftimet me UÇK-në në vitin 1999.
Sekretari shtetëror në Ministrinë për Punë e çështje Sociale Alekasandar Jabllanoviq sot ka vendosur kurorë në karakollin e dikurshëm kufitar dhe ka nderuar të vrarët serbë në këtë vend.
“Sot jemi këtu, në vendin e nderit, ku heronjtë më të mëdhenj të popullit serb dhe të shtetit të Serbisë kanë mbrojtur këtë vend nga agresori NATO plot 82 ditë. Këtu janë vrarë 108 pjesëtarë të US-së dhe sot, në emër të Ministrisë së Punës… kemi vendosur këtë kurorë dhe kemi nderuar pas 17 vjetësh heronjtë që kanë mbrojtur atdheun vet”, citon gazeta e Beogradit “Politika” të ketë thënë Aleksandar Jabllanoviq.
Ai tërhoqi vërejtjen se “shtetin atëherë e mbrojtën kryesisht fëmijët nga mosha 18-19 vjet në lulen e rinisë, se kryen ndershëm detyrën vet dhe se e kemi për detyrë t’i kujtojmë”.
Sot në Kosovë serbët dhe Serbia kanë festuar 28 qershorin ditën Beogradi e shënon si ditën e Betejës së Kosovës zhvilluar me këtë datë në vitin 1389.
Nuk dihet nëse Jabllanoviq ka pasur leje për ta vizituar Kosovën e sidomos e vijën kufitare Kosovë – Shqipëri ku u zhvillua beteja e famshme e UÇK-së dhe për të nderuar me kurora ata që bënë krime makabre kundër shqiptarëve në Kosovë.

Nait Hasani: T’i vijë turp Bajram Gecajt që krahasoi Adem Jasharin me Car Llazarin


Nait Hasani: T’i vijë turp Bajram Gecajt që krahasoi Adem Jasharin me Car Llazarin
Në 627 vjetorin e Betejës së Kosovës, serbët në Veri të Mitrovicës kanë ngritur përmendoren e Car Llazarit.
Vendosja e kësaj përmendore është duke u diskutuar në Info Magazine të Klan Kosovës me të ftuarit: historiani, Jahja Drançolli, dhe deputeti i Partisë Demokratike të Kosovës, Nait Hasani.
Hasani ka thënë se ngjarjet historike ende janë reflektim i situatës politike dhe kjo sipas tij, ka ndikim në institucionet që po tregohen jo fort të përgjegjshme.
Ai është shprehur se kjo është një provokim nga ana e serbëve.
“Kjo është një thyerje e UÇK-së, kthimi i Serbisë është një provokim shumë i rëndë si dhe prishje e imazhit të dëshmorëve”.
Ai ka komentuar edhe faktin se në një lidhje direkte në Info Magazine të Klan Kosovës, zëvendësministri i Pushtetit Lokal, Bajram Gecaj ka thënë se reagime të ngjashme ka pasur edhe kur është vendosur statuja e Adem Jasharit në Dragash.
“Mendoj që nuk ka mundësi Bajram Gecaj ta krahasojë Adem Jasharin me Car Llazarin, ai tha se e kemi pas një kërkesë të njëjtë për Adem Jasharin në Dragash”.
“Këtu kemi dobësi të pushtetit, duhet t’i vijë turp Bajram Gecajt të krahasojë Adem Jasharin me Car Llazarin”.

28 të vdekur dhe mbi 60 të lënduar nga sulmi në Stamboll, përgjegjës ISIS




28 të vdekur dhe mbi 60 të lënduar nga sulmi në Stamboll, përgjegjës ISIS (Video)
(E plotësuar) Të dhënat e fundit nga Stambolli thonë se 28 persona kanë humbur jetën dhe mbi 66 të tjerë janë të plagosur nga sulmi që ka ndodhu në Stamnoll, transmeton Bota Sot.
Tre persona ishin të përfshirë në sulmin vetëvrasës, ku njëri prej tyre hapi zjarr me kallashnikov në hyrje të terminalit.
Shpërthimet e fundit në Turqi kanë qenë të lidhura me separatistë kurdë apo të ashtuquajtur pjesëtar të ISIS-it.
Sulmi i së martës është mjaft i madh dhe i koordinuar, thotë Mark Lowen, korrespodent i BBC-së, nga vendi i ngjarjes.
Ai shton se aeroporti Ataturk është parë prej kohësh si një objekt i pambrojtur.
Autoritetet turke thanë se ka arritur në 28 numri i personave të vrarë nga shpërthimet dhe të shtënat në aeroportin e Stambollit, "Mustafa Kemal Ataturk".
Kryetari i Stambollit tha se 28 veta kane humbur jetën.
Sipas autoriteteve 60 veta janë plagosur dhe disa prej tyre janë në gjendje të rëndë.
Mediet lokale turke cituan zyrtarë turq të kenë thënë se të paktën njëri nga shpërthimet mund të jetë sulm vetëvrasës.
Dëshmitarët thanë se janë dëgjuar dy shpërthime që pasuan të shtënat nga armët automatike.
* * * * *
Autoritetet turke kanë dhënë shifrën më të re të të vdekurve dhe të plagosurve nga sulmi në Aeroportin e Stambollit, në natën e së martës.
Sipas tyre, të paktën 10 persona janë vrarë dhe mbi 60 të tjerë janë plagosur si rezultat i një sulmi të kryer nga dy persona në Aeroportin e Stambollit.
* * * * *
- Dhjetë persona kanë vdekur si pasojë e një sulmi që ka ndodhur me armë dhe bomba në Aeroportin Ataturk të Stambollit, transmeton Bota Sot.
Raportohet për rreth 40 të lënduar, por ende nuk dihet numri i saktë, pasi të plagosurit janë dërguar për në spital.
Mediat turke thonë se bëhet fjalë për dy kamikazë që kanë ndërmarrë një sulm vetëvrasës.
Kanë shpërthyer dy bomba. Njëra është vendosur jashtë terminalit, ndërsa tjera pranë portës së sigurisë në hyrje të aeroportit.
Ndërsa, autoritetet thanë se nuk ka shpërthyer bombë brenda objektit.
Një zyrtar turk i tha CNN se policia ka gjuajtur në drejtim të të dyshuarve në afërsi të aeroportit, për t’i neutralizuar.
Videot e publikuara në rrjete sociale tregojnë udhëtarët të ulur në dyshemenë e aeroportit.
Dikush bërtet “Uluni! Uluni!”, ndërsa të tjerë qajnë./BS/
Stamboll - Shpërthime dhe të shtëna me armë në aeroportin Ataturk, dhjetëra të plagosur
Dy shpërthime dhe disa të shtëna me armë zjarri janë dëgjuar në aeroportin Ataturk të Stambollit. Ngjarja ka ndodhur mbrëmjen e së martës. Sipas mediave turke të shtënat kanë ardhur nga një parking në drejtim të aeroportit.
Mediat flasin se bëhet fjalë për një sulm të mundshë kamikaz, ndërsa raportohen edhe dhjetëra persona të plagosur.
Në vendin e ngjarjes kanë shkuar ambulanca dhe forca te shumta policie.