Bashkë-themeluesi i Mikrosoftit Bill Gates ka rifituar titullin e njeriut më të pasur në botë me pasurinë e tij që kap vlerën e 76 miliardë dollarëve. Gates u rikthye në krye të listës vjetore të miliarderëve të revistës Forbes, pas një ndërprerjeje prej katër vitesh. Ai ia kaloi manjatit të telekomunikacionit nga Meksika Carlos Slim Helu pasuria e të cilit vlerësohet se arrin në 72 miliardë dollarë. Gates ka kryesuar listën e më të pasurve në botë në 15 nga 20 vitet e fundit. Numri i miliarderëve që hynë në listën e revistës Forbes u rrit me më shumë se 200 miliarderë këtë vit. Numri total i miliarderëve është një mijë e 645 dhe ata vlejnë 6.4 trilionë dollarë. Shtetet e Bashkuara janë vendi me më shumë miliarderë, me 492 miliarderë. Kina është e dyta me 152, e pasuar nga Rusia e cila ka 111 miliarderë.
10 njerëzit më të pasur të botë
1. Bill Gates 76 mld $ Microsoft, softëare
2. Carlos Slim 72 mld $ Telekomunikacion
3. Amancio Ortega 64 mld $ Zara, modë
4. Warren Buffet 58,2 mld $ Investime
5. Larry Ellison 48 mld $ Oracle, softëare
6. Charles Koch 40 mld $ Industritë Koch
6. David Koch 40 mld $ Industritë Koch
8. Sheldon Adelson 38 mld $ Las Vegas Sands, kazino
9. Christy Walton 36,7 mld $ Wal-Mart, financë
10. Jim Walton 34,7 mld $ Wal-Mart, financë
