Është zbuluar një fotografi e dyshes shumë të përfolur në media, si dhe për tradhtinë e mundshme mes ish- kryeministrit britanik Tony Blair dhe Wendi Deng.
Janë akuzuar shumë për një lidhje mes Tony dhe Wendi, e cila ishte e martuar me Rupert Murdoch, por që i dhanë fund martesës kur u zbuluan disa mesazhe mes Wendit dhe Blair. Kjo fotografi tregon, se si ata ndihen shumë mirë dhe të gëzuar pranë njëri tjetrit, gjersa po e festonin ditëlindjen e 40-të të Wendit, por çka ndodhi saktësisht, kur Murdoch iu afrua atyre dhe ua shuajti buzëqeshjen. Fotografia është bërë në vitin 2008 dhe tashmë është bërë publike për të dëshmuar edhe njëherë akuzat që i janë bërë kundrejt tradhtisë së tyre.
Fillesa
Kur manjati i mediave, Rupert Murdoch i dha fund martesës së tij me Wendi Deng vitin e shkuar, u përfol se shkak për prishjen e saj ishte ish- kryeministri britanik Tony Blair. Flitej se Deng kishte një aferë me Blair. Me 6 shkurt të këtij viti për herë të parë revista amerikane “Vanity Fair” publikoi përmbajtjen e një mesazhi sekret të shkruar nga Deng për Tony Blair, ku detajohet dashuria e saj për të. Deng thekson se lideri laburist është kaq sharmant, ka këmbë seksi dhe sy depërtues blu.
“Pse më mungon kaq shumë Tony? Sepse është kaq sharmant. Rrobat e tij janë kaq të mira. Ka një trup kaq të mirë dhe ka vërtet këmbë shumë, shumë të mira. Lëre pastaj lëkura. Jam e dashuruar me sytë e tij të thellë blu. Më pëlqen edhe fuqia që ka në skenë dhe gjithçka tjetër, gjithçka tjetër,” thuhet në mesazh.
Vanity Fair shkruan se një shënim i tillë mund të jetë përdorur në gjyqin mes çiftit. Murdoch dhe Deng u martuan në vitin 1999, kur ajo ishte 30 dhe ai 68 vjeç. Blair është mik i familjes dhe nun i një prej fëmijëve të tyre, Grace Murdoch, tani 12 vjeç.
