Gjithandej në Shqipëri po shiten perime kancerogjene. Por veçanërisht këto janë të “mbytura”, në asnjë mënyrë mos i blini!

Janë kthyer në makth të vërtetë për qytetarët konsumi i frutave dhe perimeve, të cilat shpesh i blejmë në tregun e zarzavateve, tek fshatarët, me idenë që janë të rritura në habitatin e tyre natyral, por na dalin krejt ndryshe, me pesticide dhe jo vetëm.

Ambientalisti Besmir Agalliu, përmes një postimi në Facebook ka dhënë alarmin dhe ka ftuar të gjithë të tregojnë kujdes e të mos konsumojnë këto domate, të cilat vënë në rrezik trupin e njeriut.

Ai thotë:

Në treg po shiten perime KANCEROGJENE.

Mos konsumoni asnjë produkt që nga jashtë duket i pjekur kurse brenda është krejt e kundërta, pasi janë rritur me pesticide për ngjyrën e jashtë dhe përmbajtja e këtyre pesticideve është për trupin e njeriut një RREZIK JETIK

Çdo perime e frutë që shihni që nga jashtë duket çdo gjë në rregull dhe brenda është krejt e kundërta, MOS e KONSUMONI”.

Kohë më parë një intelektuale e njohur, Flora Xhemani Baba, ka denoncuar publikisht atë që po ndodh sot me prodhimet bujqësore, të cilat nuk kanë asnjë kontroll dhe që mund të jenë shqetësim serioz për shëndetin e popullsisë. Ndarja e re territorial ndryshoi edhe përgjegjësitë nga dikasteret qendrore tek njësitë e reja të qeverisjes vendore. Kështu një ekip specialistësh të Ministrisë së Bujqësisë që merreshin drejtpërdrejt me kontrollin ushqimor në tërësi dhe me frutat dhe perimet në veçanti, tashmë kanë kaluar në varësi të bashkive të reja. Por kalimi i tyre në vend që të ndikonte pozitivisht i ka kthyer këto struktura në varësi të bashkive në inegzistene dhe që nuk bëjnë asnjë kontroll.

Problem më vete përbën edhe Autoriteti Kombëtar i Ushqimit (AKU), që megjithëse në varësi të Ministrisë së Bujqësisë, është më shumë brenda formulës së koalicionit qeverisës dhe siç ndodh edhe në diakstere të tjera ato janë automone dhe marrin urdhra vetëm nga partia që i ka caktuar në këto pozicione të larta. Është e domosdoshme që të ngrihen në këmbë të gjitha institucionet, të shtohen kontrollet doganore për farnat, drejtoritë e kontrollit ushqimor, kontrolli i farmacive të pesticideve dhe çdo organ tjetër. Duhet futur me ligj që çdo qendër shitjeje ose dhe shitës i thjeshtë të marrë dokument me emër dhe adresë nga furnizuesi ose direkt nga prodhuesi për llojin e prodhimit që furnizohet. Kështu hallkat e kontrollit shtetëror kanë mundësi të gjejnë burimin e këtij lloj produkti. Për këta lloj prodhuesish të vendosen ligje të rrepta dhe të bëhen shembuj duke iu shkatërruar prodhimin dhe marre masa të tjera drastike. Shpërndarësve të pesticideve t’iu bllokohet aktiviteti, t’iu hiqet licenca dhe të procedohen penalisht. Këta lloj prodhuesish bastardojnë gjithçka që ne kemi. Çështja duket e koklavitur, por është fare e thjeshtë nëse veprohet kështu.
Denoncimi i plotë i Flora Xhemani Baba

Të (pa)dashur fermerë të Lushnjës (dhe jo vetëm)! Ne, konsumatorët e thjeshtë mendojmë se ka ardhur koha që ju t`i vini gishtin kaplloqes dhe të mos prodhoni më shalqinj zemërbardhë, domate zemërjeshile dhe kastravecë zemërkungull, sepse jo vetëm që na keni hequr privilegjin e të shijuarit të ushqimit, por do vijë një ditë që do na përlajë ngordhja nga hormonet dhe pesticidet tuaja.

 Dhe po ngordhëm neve, do ngordhni edhe juve sepse nuk do ketë kush të blejë më ç(perimet) tuaja. Ne e dimë që perimet e mira i eksportoni në Kosovë dhe tuajat i mbillni veçmas në bahçe, por derisa t`i vijnë mendtë Ministrisë së Bujqësisë që t`ju mbledhë rripat, neve do t`i kemi kthyer patkonjtë nga dielli dhe juve do t`ju kalben hormonalet nëpër sera.

E morët vesh re? Nuk është lloji i ushqimit që njerëzit hanë sot çfarë u shkakton problem, por është cilësia. Cilësia e ushqimit sot është për të qarë me lot dhe me oi. Të paktën këtej nga jemi ne e ke mundësinë të gjesh ushqime bio dhe i merr. Më ka marrë malli vërtet kur isha e vogël dhe haja ato domate që të kënaqnin shpirtin me kastravec, pak djathë dhe buke.



Sot buka, borë e bardhë dhe se me çfarë e bëjnë, një zot e di. Domatet si i shikoni në foto dhe të tjerat me radhë. Kush ka tokë në Shqipëri punojeni dhe mbillini vetë që të hani prodhime nga toka juaj ose ndryshe vetëm sëmundje dhe vdekje sjellin ushqimet që blini në markete apo në tregje të fruta-perimeve.