AS: Shqiponja shqiptare e Granit Xhakës dhe Xherdan Shaqirit irritoi presidentin rus Vladimir Putinin

Është cilësuar provokim. Është cilësuar si politik. Por, festimi i Granit Xhakës dhe Xherdan Shaqirit pa dyshim se është festimi më i bukur në botë.

Sportivja spanjolle AS ka publikuar një opinion të gazetarit Aritz Gabilondo i cili nga Rusia ka dhënë vlerësimet e tij për festimin shumë të komentuar të djemve shqiptarë të cilët pothuajse i dhanë fund Serbisë për ëndrrën e një gjenerate që ata e quajtën “të artë”.

Gabilondo në shkrimin e tij vlerëson se në Rusi festimi është cilësuar si festim politik para Serbisë dhe gjëja më e keqe është që ka ndodhur në Rusi, në shtëpinë e një prej aleatëve më të mëdhenj të Serbisë.