Tërmet tjeter ne Japoni, paralajmerim per tsunami!

Agjencia meteorologjike japoneze theksoi se epiqendra ishte regjistruar rreth 210 kilometra nga brigjet Hokkaïdo

Burimi: AFP
Sërish ankth e frikë në Japoni, që fiks një vit pas tragjedisë së 11 marsit 2011, është goditur sot nga një tërmet me magnitudë 6.8 ballë të shkallës Rihter, duke paralajmëruar edhe rrezikun për një tsnami prej 50 centimetrash në brigjet verilindore. Sipas agjencisë së lajmeve Kyodo, tërmeti është regjistruar në thellësi të Oqeanit Paqësor dhe autoritetet janë përgatitur për një evakuim të mundshëm të banorëve në lokalitetet detare.

Agjencia meteorologjike japoneze theksoi se epiqendra e tërmetit ishte regjistruar rreth 210 kilometra nga brigjet Hokkaïdo (ekstremi i veriut) dhe në një thellësi prej 10 kilometrash. Autoritetet paralajmëruan për rrezikun e një cunami me një lartësi maksimale prej 50 centimetrash që mund të prekte brigjet e prefekturës Aomori, Iwate dhe Hokkaïdo. Mirëpo nga ana tjetër, monitoruesit nga SHBA-ja kanë qetësuar disi, duke thënë se për momentin rreziku i tsnamit në Oqeanin Paqësor është i largët.