Akademikët Shqiptaro-Amerikan në përkrahje të Talat Xhaferit

Nju York,15 mars 2018

Zotit Telat Xhaferi,

Kryetar i Parlamentit të Republikës së Maqedonisë

Zoti Kryetar,

Kam nderin dhe privilegjin, që emër të Akademisë Shqiptaro-Amerikane të Shkencave dhe Arteve me qendër në Nju Jork të SHBA-ve  ,të anëtarëve dhe bashkëpunëtorëve të saj, të albanologëve, etnologëve, studiuesit e fushave të ndryshme , t’ju shpreh dhe te përshëndes vendimin historik të miratimit nga ai parlament për gjuhën shqipe si gjuhë zyrtare.

Akademia jonë që ka pasur dhe ka si bosht çështjen kombëtare, çështjen e bashkimit te trojeve shqiptare, i ka kushtuar një vemëndje te veçantë bashkëpunimit me akademikët dhe punonjësit shkencorë shqiptarë në Maqedoni

Rilindasit tane të mëdhenj gjuhën shqipe e vunë kryesore ne programin e tyre kombëtar, sepse gjuha shqipe me rrënjë të lashta pellazgo-iliriane , ështe thelbi i identitetit tonë etnik kombëtar.

Ne, zoti Kryetar , duke përshëndetur këtë ngjarje madhore ofrojmë çdo ndihmë dhe bashkëpunim akademik, mësimor dhe intelektual për zbatimin e saj të plotë..

Me nderimet më të larta

Prof. Dr. Skënder Kodra

Kryetar i AAAS