Novak Djokovic është me prejardhje shqiptare ?

Nga Flori Bruqi

Novak Gjokoviq ka lindur më 22 maj 1987 në Beograd, Serbia. Ai është tenist profesionist  dhe ish tenisti i parë në botë. Ai konsiderohet si një nga tenistët e mirë. Që në moshën e re ai arriti mjaft suksese. Ai është fitues i 12 Grend Slem çmimeve, si dhe 30ATP Masters çmimeve .

Mediat serbe dhe ruse, respektivisht B92 dhe Sputnik raportojnë se profesori me prejardhje boshnjake nga Sarajeva, Besim Spahiq, ka thënë se dinastia serbe, Karagjorgjeviq dhe familja e tenistit Novak Gjokoviq janë me prejardhje shqiptare.

Ai kohë më parë në një tribunë të mbajtur ka nxjerr në pah shumë të dhëna sipas të cilave praktikisht gjithçka rrjedh nga shqiptarët, thekson portali më i madh rus, Sputnik.“Dinastija Karagjorgjeviq rrjedh nga fisi shqiptar Klement. Tre Papa të Vatikanit ishin shqiptar. Nënë Tereza është shqiptare, Rober Dole, senator amerikan, është me prejardhje shqiptare. Momentalisht në Amerikë janë shtatë senatorë, shtetas amerikan, nga Shqipëria. Gjashtë kryebashkiak të Çikagos kanë qenë me prejardhje shqiptare…”, ka thënë Spahiq.

Profesori i rregullit i Universiteti të Sarajevës, i cili vlen si njëri nga teoricientët me të famshëm në rajon në aspektin politik, merret edhe me publicistikë dhe teori të kulturës, transmeton lajmi.net.“Thonë, Novak Gjokoviqi është i ynë – serb. Qysh serb, kur është Gjokaj, katolik shqiptar nga Tuzi dhe kur vëllai i tij edhe më tej quhet Dragan Gokja”, ka thënë Spahiq.

Novak Djokovic është një tifoz i madh i futbollit dhe ai nuk ka hezituar të thotë që është tifoz i Kroacisë, tani pasi që kombëtarja e Serbisë është përshëndetur nga ky kampionat botëror.“E ndjek Kupën e Botës, edhe pse pak më pak tani pasi që ekipi serb është eliminuar, tha tenisti serb në Wimbledon për Sportklub.

Gazetari: Kush është favoriti i juaj tani pasi që Serbia është eliminuar ?

Djokovic”E pra, unë jam për Kroacinë dhe unë shpresoj se ata do të fitojnë, dhe kush është vërtetë më i miri unë nuk e di …

Kupa e Botës është një ngjarje që është e paparashikueshme. Kështu që ne e kemi parë në këtë kampionat se si Gjermania dhe Argjentina janë eliminuar aq herët”Serbi është i njohur se një mik i madh me shumicën e lojtarëve kroat.Po ashtu familja e tij nga ana e nënës janë nga Vinkovci i Kroacisë.

Në pyetjen se si ndihet në Kroaci kur e viziton, Djokovic u përgjigj kështu.“Sinqerisht, unë ndihem shumë rehat në Kroaci. Njëjta histori Gjuha pak a shumë e njëjtë si e jona, unë ndjehem më të vërtetë mirë, njerëzit më respektojnë shumë.”

****

Turneu i parë i fituar për vitin 2018 për tenistin Novak Djokovic është grand slemi i Wimbledon, sukses që e kthen serbin në “top-10” më të mirët në botë. Për ish-numrin 1 nuk ka qenë aspak e lehtë rikthimi fitues, pas më shumë se një viti argjërim, për shkak të problemeve të ndryshme fizike që ka patur. Në Londër, Djokovic korri suksesin e tij të katërt, grand slem nr.13 në karrierë.

“Nuk ka vend më të bukur për t’u rikthyer protagonist se sa Wimbledon. Pata besim se do t’ia dilja sërish mbanë dhe tani jam fitues. Nuk ka qenë e lehtë, jam operuar, kam qenë larg fushave për një periudhë të gjatë, por ia dola mbanë. Ky turne është i veçantë dhe për herë të parë nga tribuna është dikursh që më thërret, “baba, baba”. Kjo është fantastike, jam i lumtur”, tha Djokovic.